„ქართველი კაცები ჩემს სტანდარტებში არ ჯდებიან“ - რა სიახლეებია კესო ბერუაშვილის ცხოვრებაში

„პრაიმ ჰაუსის“ პირველი სეზონის მონაწილე, კესო ბერუაშვილი საქართველოშია და „პრაიმტაიმს“ სიახლეების შესახებ ექსკლუზიურ დეტალებს უმხელს.

კესო ბერუაშვილი: - ჩემი ლაქშერული ცხოვრება გრძელდება. ვარ ბედნიერი, ისევ ვმოგზაურობ. სხვადასხვა, პატარ-პატარა პროგრამებში ვაპირებ მონაწილეობას. ინტერვიუებზე დავდივარ და ძალიან ბედნიერი ვარ.

- პროექტის შემდეგ შემოთავაზებები თუ გქონდათ?

- იყო, მაგრამ ჩემი ცხოვრების სტილიდან გამომდინარე, ვერ მოვახერხე. რამდენიმე გადაცემის ჩაწერებზე ვერ მივედი, რადგან ქვეყანაში არ ვიმყოფებოდი. 

- პირად ცხოვრებაში რა ხდება, რამე სიახლე ხომ არ არის?

- ჩემს პირად ცხოვრებაში ყოველთვის არის რაღაც. ამ ეტაპზე, არც იქით ვარ და არც აქეთ, დაშორების ეტაპზე ვართ, თუმცა, ჩვენს ურთიერთობაზე ვმუშაობთ და ვნახოთ, რა იქნება. ჩემი მეორე ნახევარი ქართველი არ არის.

ქართველი კაცები ჩემს სტანდარტებში არ ჯდებიან, ისევე როგორც მე მათში. მე საკმაოდ მაღალი სტანდარტები მაქვს, მათ დაბალი. ასე რომ... არა, ვერ შევთანხმდებით (იცინის).

- საზღვარგარეთ თუ აპირებთ საქმიანი საქმიანობის გაგრძელებას?

- კი, ფიქრი დავიწყე. გადავწყვიტე, სააგენტოებში დავრეგისტრირდე. ვფიქრობ, სახასიათო ვიზუალი მაქვს და ეს გამოვიყენო. თუნდაც, ფოტომოდელობა ვცადო, რადგან მაგალითად, დუბაიში ანაზღაურება ძალიან დიდია. ის კონტაქტები, რაც მე „რუსთავი 2-ში“ შევიძინე, აუცილებლად დამეხმარებიან ამ ყველაფერში.

- სამსახიობო კარიერაზე არ გიფიქრიათ?

- რატომაც არა, თუ შემოთავაზება იქნება. მაქვს ამის გამოცდილებაც. ფილმში „Keep Smiling“ მივიღე  მონაწილეობა, კიდევ „ტიფლისში“, ეპიზოდურ როლში. 17 წლის ვიყავი მაშინ, ჟურნალისტის როლში.