"ოთხი წელია ლიკა და ლუ ერთად არიან. ახალი და საინტერესო რაღაც იწყება..." - ქორწილი ბაბლუანების ოჯახში

რეჟისორ თემურ ბაბლუანის შვილიშვილი, ოლგა ბაბლუანის უფროსი ქალიშვილი, ლიკა ბაბლუანი გათხოვდა. ლიკას რჩეული ფრანგი ებრაელი, ლუ აზუზი გახლავთ (ცნობილი ინდუსტრიელის შვილიშვილი).

წყვილმა ქორწილი ულამაზეს მშობლიურ კარ-მიდამოში გადაიხადა, სადაც ლუმ ბავშვობა გაატარა. პატარძლის მეჯვარეები მისი და, ნასტასია და მეგობარი ჟულიეტი გახლდათ.  

ქალიშვილის ბედნიერ დღესთან დაკავშირებით "პრაიმტაიმთან" პირველ კომენტარს ოლგა ბაბლუანი აკეთებს.

ოლგა ბაბლუანი: უკვე 4 წელია, რაც ლიკა და ლუ ერთად არიან. უამრავს მოგზაურობენ. ლუ კინოწარმოებაში საქმიანობს (ასევე საოჯახო ბიზნესში). ამდენად ლიანასთვის უცხო არ არის ეს მოცემულობა…  

რაც თავი მახსოვს, ბავშვობიდან, 17 წლიდან სულ დედა ვარ. ახლა თითქოს რაღაცა ახალი იწყება, საინტერესო ჩემთვისაც და ლიკასთვის.