კანიე უესტმა Adidas-ის თანამშრომლებს კიმ კარდაშიანის შიშველი ფოტოები და პირადი ვიდეოები აჩვენა - Rolling Stone

ახლახან, გამოცემა Rolling Stone-მა გამოაქვეყნა სტატია, რომელიც კანიე უესტისა და Adidas-ში დასაქმებული გუნდის ურთიერთობას ეხება. Adidas-ის თანამშრომლების ნაწილმა, რომლებიც უესტთან ერთად Yeezy-ის პროექტზე მუშაობდნენ, განაცხადეს რომ რეპერმა მათ კიმ კარდაშიანის პირადი ფოტოები და ვიდეოები აჩვენა. როგორც რესპონდენტების ნაწილმა თქვა, ეს შემთხვევა 2018 წელს მოხდა და ფოტოებზე უესტის იმჟამინდელი ცოლი – კიმ კარდაშიანი შიშველი იყო გადაღებული. Adidas-ის გუნდის ერთ-ერთმა წევრმა ისტორია დეტალურად აღწერა და გაიხსენა, რომ ეს შემთხვევა ერთ-ერთი საქმიანი შეხვედრის დროს მოხდა.

ერთ-ერთმა წყარომ ასევე გაიხსენა შემთხვევა, როცა უესტმა გუნდის შეხვედრაზე მოულოდნელად თქვა, რომ კიმმა ვიდეო გაუგზავნა, შემდეგ კი გამოგზავნილი ჩანაწერი იქ მყოფ ადამიანებს ჩაურთო.

„ეს ჩანაწერები ძალიან ინტიმური და პირადი ხასიათის იყო. მე კომენტარი არ გამიკეთებია, - აღნიშნა Rolling Stone-თან ინტერვიუში უესტის ყოფილმა თანაგუნდელმა.

სტატიაში წყაროების მონათხრობზე დაყრდნობით ასევე ნახსენებია შემთხვევები, როცა კანიე უესტი პორნოგრაფიულ ვიდეოებს რთავდა სამუშაო გარემოში. მათ შორის, ერთ ვიდეოში თავად რეპერი იყო აღბეჭდილი.