„ისე გავკოტრდით, ყველაფერი დავკარგეთ..." - რას იხსენებს ბაბი კირკიტაძე

ტელესახე ბაბი კირკიტაძე რამდენიმე თვის წინ ოჯახთან ერთად ახალ სახლში გადავიდა. მანამდე კი ის წლები ქირით ცხოვრობდა. 

„მიუხედავად იმისა, რომ საკმაოდ კარგად ვცხოვრობდით და გვქონდა ბინები, ისე გავკოტრდით, ყველაფერი დავკარგეთ და მთელი შვიდი წელი ქირით ვცხოვრობდით. დღეს არ არის მარტივი ბინის ყიდვა, მაგრამ რომ არა ჩემი მეგობრები და განსაკუთრებით დედის დაჟინებული თხოვნა, ვერ ვიყიდდი, გამორიცხული ამბავია. იპოთეკური სესხით შევიძინე დიდ დიღომში სახლი და საკუთარ ჭერქვეშ ყოველი დილის გათენება მიხარია. თან, სუფთა ჰაერზეც ვარ, თან – სამსახურთან ახლო, გადავირბენ-გადმოვირბენ…“, - ამბობს „თბილისელებთან“ ტელესახე.