„ეს ჩემთვის ძალიან ემოციური იყო და ვიტირე ბედნიერებისგან... არის რაღაცები, რასაც ვნანობ...“ - ბლიც ინტერვიუ დადუსთან

სატელევიზიო რეიტინგების ლიდერი, სოციალური მედიის ეპოქის ყველაზე წარმატებული შოუ „პრაიმ ჰაუსი“ ყოველკვირეულად ახალ-ახალ რეკორდს ამყარებს. „პრაიმტაიმმა“ , მონაწილეების უკეთ გაცნობის მიზნით, გადაწყვიტა მათთან ბლიც ინტერვიუს ჩაწერა.

ამჯერად, რამდენიმე კითხვით „პრაიმ ჰაუსის“ ახალ მონაწილე დადუს (თეო ჯანჯალაშვილს) მივმართეთ. 

→ რაზე ოცნებობდი ბავშვობაში?

- ბავშვობაში ვოცნებობდი, რომ შემძლებოდა ფრენა. 

→ რისი ნიჭი გინდა, რომ გქონდეს?

- სიმღერის ნიჭი, ძალიან მინდა, რომ კარგად ვმღეროდე. სულ ვმღერი, მაგრამ ძალიან ცუდად გამომდის. 

→ ყველაზე მეტ დროს უთმობ?

- საკუთარ თავს ვუთმობ ყველაზე დიდ დროს. 

→ დედაჩემი მომკლავს თუ...

- დედაჩემი არაფრის გამო არ მომკლავს, იმიტომ რომ ყოველთვის გვერდში მიდგას და მეც ვერ გავაკეთებ ისეთ რაღაცას რაზეც შეიძლება, რომ მომკლას. 

→ სად იცხოვრებდი?

- დიდი სიამოვნებით ვიცხოვრებდი, სადმე კუნძულზე, სადაც სულ მზეა. 

→ რამ გაგაოცა ბოლოს?

- ჩემმა წაქცევამ, ისე წავიქეცი ბოლოს, რომ საკუთარი თავით გავოცდი. 

→ პირველი სამსახური იყო?

დასაქმების სამინისტროში ვმუშაობდი ქოლცენტრის ოპერატორად, 17 წლის ვიყავი მაშინ. 

→ რით ხარ გამორჩეული?

- ალბათ, ხასიათით, გამორჩეულად მხიარული ვარ, ასე მგონია. პროექტში არ ვიცი, რამდენად გამოვაჩენ, რადგან კამერებთან ცოტა დაძაბული ვარ და შებოჭილი. 

→ რით ხარ უკმაყოფილო?

- საკუთარი თავით, იმ რაღაცებს ვერ მივაღწიე, რაც მინდოდა, თუმცა, საკმაოდ მომთხოვნი ვარ საკუთარ თავთან. 

→ რის/ვის გარეშე ვერ იცხოვრებ?

- სარკის, ძალიან მიყვარს სარკე.

→ ყველაზე მეტად რისი გრცხვენია?

- არ ვიცი, სიმართლე გითხრათ, ასეთი არაფერი გამიკეთებია. შეიძლება, რაღაც მინანია, თუმცა, არაფერი გამიკეთებია ისეთი, რისიც მრცხვენია. 

→ სამი სიტყვით, დაახასიათე საკუთარი თავი

- მხიარული, ჯიუტი და პრინციპული. 

→ ბოლოს რაზე იტირე?

- გადაცემის დაწყებამდე ვიტირე ბოლოს,  ვინერვიულე და ცრემლები წამომივიდა. მანამდე კი ასეთი რაღაც მოხდა, ცუდ ხასიათზე ვიყავი და მეგობარმა მომიტანა იასამნები და 5-ფურცლიან იასამანს სურვილს ვუთქვამ-ხოლმე. ამ იასამნებში კი 5 ფურცლიანი იასამანი ვერ ვიპოვე და ვთქვი, რომ უსურვილოდ დავრჩი. ამის შემდეგ, ზუსტად 2 დღეში ჩემმა მეგობარმა მომიტანა პატარა ყუთით მოგროვილი 5 ფურცლიანი იასამნები 31 ცალი და ასე მითხრა აჰა დადუნა და ერთი თვე გამოიზოგე და ყოველ დღე ერთი სურვილი ჩაიფიქრეო. ეს ჩემთვის ძალიან ემოციური იყო და ვიტირე ბედნიერებისგან. 

→ რას ნანობ?

- არის რაღაცები, რასაც ვნანობ, უბრალოდ, ასე კონკრეტულად ვერ ვიტყვი.

→ რას შეცვლიდი შენს ცხოვრებაში?

ვფიქრობ, რომ მადლიერები უნდა ვიყოთ, რაც გვაქვს იმით და რისი შეცვლაც მინდა, ამას ყოველთვის ვცდილობ და ზოგჯერ გამომდის, რაც ძალიან მახარებს. 

→ ოქროს თევზისთვის ერთი სურვილი იქნებოდა...

- მამას დავაბრუნებდი...

→ სიტყვა ან ფრაზა, რომელსაც ყველაზე ხშირად იყენებ არის...

- „დებილოოო“, რომელიც არის ჩემი საყვარელი სიტყვა და მოფერებით ვიძახი ხოლმე.