"დების შეხვედრაც მშვენიერი იყო..." - რამდენიმე ხნიანი პაუზის შემდეგ, დათო ხუჯაძემ უფროსი ქალიშვილი ნახა

დათო ხუჯაძე რომ თავის უფროს ქალიშვილს შეზღუდულად ნახულობს, ამის შესახებ მომღერალი წლებია ხმამაღლა  საუბრობს. ყოფილი ცოლი, რუსეთში მცხოვრები ნათია ონიანი მომღერალს ქალიშვილს არ აჩვენებდა. "ჩემ­მა ყო­ფილ­მა ცოლ­მა ასე გა­და­წყვი­ტა, ბავ­შვს არ მა­ნა­ხებს. მე­ლა­ნო 4 წლის ხდე­ბა და სამ­წუ­ხა­როდ, დე­და­ჩემს ჯერ არ უნა­ხავს" - წლების წინ ამბობდა დათო. 

შარშანდელ "ფარულ კონვერტში" სტუმრობის დროსაც, დათომ იგივე გაიმეორა: „ჩემი ცხოვრების პირველი სიყვარულია მელანო, მას ჩემთან ურთიერთობას უშლიან. სამწუხაროა, გაიზრდება და თავად გადაწყვეტს, თავად მიხვდება."

მელანია უკვე 13 წლისაა. გოგონა თბილისს ორი თვის წინ დედასთან ერთად სტუმრობდა. და როგორც ვიდეოდან ჩანს, მამის ერთ-ერთ საახალწლო კონცერტს დაესწრო. ვიდეოს სოციალურ ქსელში ნათია ონიანი ტვირთავს და აწერს - "მამიკოს გოგო".

დათო "პრაიმტაიმთან" საუბრისას ამბობს, რომ ქალიშვილების შეხვედრა მისთვის მშვენიერი იყო. 

დათო ხუჯაძე: ცოტა ხნით იყო ჩამოსული და უკან წავიდა. სიმღერით არა მგონია, იმღეროს. მაგის ინტერესი არ აქვს. როგორც ყველა ბავშვი, ერთობა.

- გვანან ხო დები ერთმანეთს?

- დები არიან და დაემსგავსებიან ერთმანეთს, აბა, რა იქნება? დების შეხვედრაც მშვენიერი იყო.

- სიახლე რა გაქვს?

- თურქ მომღერალთან, აიდოღან ტოფალთან ერთად "ჯანაიაზე" დუეტი ჩავწერე. კლიპის გადაღებას ვაპირებ. კლიპს გადავიღებ ერთ ახალ ლაზურ სიმღერაზეც.