დალიეთ ჯონი დეპის სახელობის სასმელი და პოლიციას გამოიძახებენ... - წარწერა რესტორანში

აშშ-ის ერთ-ერთ რესტორანში ჯონი დეპის სახელობის ალკოჰოლური სასმელი იყიდება. ინფორმაციას უცხოური მედია ავრცელებს. 

„თუ თავს დაუცველად გრძნობთ ან შეშინებული ხართ, მაშინ აუცილებლად უნდა მიიღოთ ჯონი დეპის სახელობის სასმელი",- ამ შინაარსის აბრაა გამოკრული მამაკაცების სველი წერტილის შესასვლელთან. 

რესტორნის ადმინისტრაციის ცნობით, სასმლის სხვადასხვა ვარიაცია არსებობს: გაუზავებელი, ყინულებიანი და ლაიმით.  თითოეული მათგანის უკან საიდუმლო შეტყობინება იმალება. 

მაგალითად თუ კლიენტი გაუზავებელ სასმელს შეუკვეთს ეს ნიშნავს, რომ ის თავს დაუცველად გრძნობს - ამიტომ რესტორნის ადმინისტრაცია დაუყოვნებლივ გაიყვანს მას შენობიდან დაცვის თანხლებით. 

თუ ყინულებიანზე შეაჩერებთ არჩევანს - ეს იქნება სიგნალი მომსახურე პერსონალისთვის, რომ სიტუაციის გაუარესების შემთხვევაში პოლიციას დაურეკონ. 

ლაიმიანი სასმლის შეკვეთის შემთხვევაში კი მომსახურე პერსონალი დაუყოვნებლივ დაურეკავს პოლიციას.