ბრიტნი სპირსის ბოლო გამოჩენამ აეროპორტში მისი მსმენელის შეშფოთება გამოიწვია

 43 წლის პოპვარსკვლავი ბრიტნი სპირსი მექსიკაში დასასვენებლად გამგზავრებამდე აეროპორტში უცნაური ნივთით გამოჩნდა, რამაც საზოგადოების დაინტერესება და შეშფოთებაც გამოიწვია.

ფოტოებზე, რომლებიც ტაბლოიდურმა ჟურნალმა Page Six-მა გაავრცელა, ბრიტნის გვერდით მყოფი მამაკაცი, სავარაუდოდ, მისი პირადი დაცვა, ხელში პაწაწინა თოჯინას ატარებს, რომელიც ვარდისფერ საბანშია გახვეული - საბნიდან თოჯინას ფეხი და ტერფი მოუჩანს.

 სპირსი, საზოგადოებრივ ადგილში გამოჩენისას ჩვეულებისამებრ, შენიღბული იყო — მას შავი ჰუდი, აწეული კაპიუშონი და მუქი სათვალე ეკეთა, რათა ვინაობა დაემალა.

 თოჯინების განსაკუთრებული სიყვარული ბრიტნი სპირსს წარსულშიც არაერთხელ გამოუხატავს — ის მათ შესახებ ხშირად წერდა სოციალურ ქსელებში.

2021 წლის ოქტომბერში მან ერთ-ერთი თავისი თოჯინა გამომწერებს ვიდეოშიც კი აჩვენა, სადაც ცეკვავდა. პოსტის აღწერაში ბრიტნი წერდა: "ბავშვი მყავს, ხალხო… ცოტა ხანი სახლში გადაღებებს შევწყვეტ!!!"

 მან ამ თოჯინას ბრენანი დაარქვა და დაამატა: "მისი ბავშვობის ოთახი ულამაზესია და ერთმანეთს ვგავართ კიდეც… წელს 40-ის ვხდები… ასაკი უბრალოდ რიცხვია, მაგრამ სერიოზულად – გაზრდა ყველაზე უაზრო რამაა, რაც კი შეგვიძლია გავაკეთოთ, ასე რომ, ითამაშეთ, მეგობრებო!!!"

როგორც ჩანს, ბრიტნი სპირსი თავის თოჯინებს მგზავრობისასაც არ შორდება, რამაც პოპვარსკვლავის მენტალურ ჯანმრთელობაზე მზრუნველი მსმენელი შეაშფოთა.