ბევრი რამეა ისეთი, რაც საზოგადოებამ უნდა იცოდეს, მაგრამ... - როგორ დასაჯა ანი ყიფშიძემ პედოფილი

ani yifshidze

ყველაზე რეიტინგული მეგა შოუს "პრაიმ ჰაუსის“ ყოფილი მონაწილე ანი ყიფშიძე ჟურნალ „გზასთან“ ინტერვიუში გულახდილად საუბრობს პროექტზე, პირადსა და სამომავლო გეგმებზე.

გთავაზობთ ამონარიდს ინტერვიუდან:

- პროექტში ყოფნისას, ერთხელ ახსენე, კაცს ყური მოვაჭერიო. იხუმრე?

- არა, მართლა ასე იყო. ჩემი აზრით, ამის გაკეთებას ნებისმიერი შეძლებდა და ალბათ, უფრო მეტსაც გააკეთებდა, როცა საქმე ბავშვების "გაფუჭებას", პედოფილიას ეხება: 52 წლის პედოფილი 7 წლის გოგონაზე ზეწოლას ახდენდა. ეს საშინელებაა! თავადაც გოგონა მეზრდება. არც მინდა, გავიფიქრო, მაგრამ ხომ შეიძლება, დამპალმა ეშმაკმა გაიღვიძოს, სადღაც რაღაც ცუდი მოხდეს, არა? წარმოიდგინე, 7 წლის გოგონა, რომელიც არავის არაფერს უშავებდა, გრძელი კაბა ეცვა, ჩვეულებრივი ბავშვი გახლდათ. 52 წლის კაცის გამო, სიკვდილის პირას იყო. რთული სიტუაციიდან კარგა ხანს ვერ გამოვიდა. ახლა როგორაა, არ ვიცი, მაგრამ მაშინ იმ კაცმა ცუდ დღეში ჩააგდო და პედოფილს ყური ამიტომაც მოვაჭერით (ჩემთან ერთად მყოფების სახელებს არ ვიტყვი)... ეს ამბავი სხვაგვარად ვერ მოგვარდებოდა... მერე ის კაცი მოვიდა - ყური დამიბრუნეთო. მაცივრიდან მოჭრილი ყური თავად გამოვიღე და მივეცი... ასეთ ადამიანს, ვინც ბავშვებს ცუდ რაღაცებს უკეთებს, სადაც ვნახავ, საკადრის პასუხს გავცემ.

- სტრესთან გასამკლავებლად ოდესმე ფსიქოლოგის დახმარება დაგჭირვებია?

- ფსიქოლოგთან არასოდეს ვყოფილვარ. ერთადერთი, ხანდახან ბავშვობაში "ვალერიანის" 2 აბს ვსვამდი. ჰიპერაქტიური ვარ - დამშვიდება არც მჭირდება. საკუთარ თავზე უკეთ ვერავინ დამამშვიდებს და სტიმულს ვერ მომცემს, რომ ცხოვრებაში რაღაც შევცვალო. ჩემი ფსიქოლოგი ტაროს კარტია: ტაროს გაშლა მაგრად მიყვარს. ასეთ დროს ფსიქოთერაპიას გავდივარ, ოღონდ - ყველას ვერ ვუშლი: ჩემმა გულმა თავად უნდა ამოირჩიოს, კონკრეტული ადამიანისთვის ტაროს კარტის გაშლა მინდა თუ არა...