"ასი ქალი მიჩვენოს, რომლებიც იტყვიან, ჩემთან ნამყოფიაო, მაშინ გავჩუმდები" - გიორგი ნაზღაიძე პაატა თედიაშვილზე

"500-600-მდე სექსუალური პარტნიორი მყოლია" - პაატა თედიაშვილის ამ ფრაზამ ძალიან ახალისა ერი. 

წამოვიდა ხუმრობები, რა გაქვს ასეთი, აუ, როგორი გადარჩენილი ვარ და ასე შემდეგ. 

"პრაიმ ჰაუსისა" და "ღამის პრაიმტაიმის" წამყვანს, გიორგი ნაზღაიძეს პაატას ნათქვამის არ სჯერა და როგორც ის "პრაიმტაიმთან" ამბობს, თედიაშვილმა ეს ყურადღების მისაქცევად იცრუა.

გიორგი ნაზღაიძე: - სჯერა ვინმეს ხუთასი-ექვსასი პარტნიორი რომ ჰყავდა პაატას? არ ვიცი, ეს განაცხადი რას ემსახურებოდა. შეიძლება წამოსცდა და მერე უკვე უკან არ დაიხია. მოკლედ, ყურადღების მიქცევა უნდოდა. მე ძალიან საინტერესო და (იცინის) ხმაურიანი ცხოვრება მაქვს, მაგრამ ხუთასი პარტნიორი ძალიან ბევრია (იცინის). ძალიან არარეალური ციფრია. ამაში დარწმუნებული ვარ. 

ეს ფიზიკურ მონაცემებთან არ არის კავშირში, ყველა ქვაბს თავისი თავსახური აქვსო, ნათქვამია. მაგრამ 500 პარტნიორი... მაშინ სექსმონობაში უნდა იყო და შემოგიყვანონ პარტნიორები. აბა, სხვა ახსნას ვერ ვპოულობ. 

პაატამ ასი ქალი მიჩვენოს, რომლებიც იტყვიან, ჩემთან ნამყოფიაო, მაშინ კიდე გავჩუმდები. ისე, ჩემს გარშემო არავის სჯერა. ჩემშიც მხოლოდ ღიმილს იწვევს.