სპორტის მინისტრი ევროპის სროლის კონფედერაციის პრეზიდენტს შეხვდა

საქართველოს სპორტის მინისტრმა შალვა გოგოლაძემ ევროპის სროლის კონფედერაციის პრეზიდენტთან, ალექსანდრ რეტნერთან, შეხვდა გამართა. შეხვედრაზე მხარეებმა საქართველოში სროლის სახეობათა განვითარების პერსპექტივებზე იმსჯელეს.

ამავე შეხვედრისას სპორტის მინისტრმა ლეგენდარულ ქართველ მსროლელს, ნინო სალუქვაძეს, ევროპის სროლის კონფედერაციის ვიცე-პრეზიდენტად არჩევაც მიულოცა. შეხვედრაზე საქართველოში სხვადასხვა საერთაშორისო ტურნირის გამართვის შესაძლებლობაზეც ისაუბრეს.

შეხვედრას მინისტრის მოადგილე ირაკლი მეძმარიაშვილი და სროლის სახეობათა ეროვნული ფედერაციის პრეზიდენტი თეიმურაზ ფერაძე ესწრებოდნენ.

ინფორმაციას საქართველოს სპორტის სამინისტრო ავრცელებს.