1719375448
საქართველოს ნაკრების თამაშებზე გასამგზავრებელი ბილეთების გაყიდვა დღეს დაიწყება - შეძენის წესები და პირობები
![ეროვნული ნაკრები ეროვნული ნაკრები](https://primetime.ge/uploads/files/2024/05/20/87827/erovnuli-nakrebi_w_h.jpeg)
თბილისის საერთაშორისო აეროპორტიდან EURO 2024-ზე საქართველოს ნაკრების თამაშებზე გასამგზავრებელი სუბსიდირებული ბილეთები ვებგვერდზე TKT.GE გაყიდვაში დღეს, 13:00 საათიდან ჩაეშვება. ერთი გზის ღირებულება 195 ევრო იქნება.
ბილეთის შეძენის წესები და პირობები შემდეგია:
1. ბილეთის შეძენა სუბსიდირებულ ფასად შეუძლიათ მხოლოდ საქართველოს მოქალაქეებს.
2. მგზავრი ვალდებულია წარადგინოს ფეხბურთის მატჩზე დასასწრები ბილეთი შესაბამის აეროპორტში რეგისტრაციისას.
3. მგზავრი ვალდებულია, გამოცხადდეს სარეგისტრაციოდ შესაბამის აეროპორტში გაფრენამდე 3 საათით ადრე.
EURO 2024-ზე სუბსიდირებულ ჩარტერულ ფრენებს გულშემატკივრებისთვის ოთხი ავიაკომპანია შეასრულებს.