ქართველმა ავტომრბოლელმა დავით ქაჯაიამ, იტალიაში, Ferrari Challenge-ს მსოფლიო ჩემპიონატზე მეექვსე ადგილი მოიპოვა

ქართველმა ავტომრბოლელმა დავით ქაჯაიამ, იტალიაში, Ferrari Challenge-ს მსოფლიო ჩემპიონატზე მეექვსე ადგილი მოიპოვა. რბოლაში ორასზე მეტი ავტომრბოლელი მონაწილეობდა. ჩემპიონატზე გასვლა დავით ქაჯაიამ ავტოსპორტის ოლიმპიადაზე გასასვლელად რეგულაციებით გათვალისწინებულ-სატესტო რბოლისთვის გამოიყენა.

გუშინ გამართული რბოლის შემდეგ ცნობილი გახდა, რომ ქართველი სპორტსმენი ფერარი-ჩელენჯის მსოფლიო ჩემპიონატზე დღესაც იასპარეზებს. „ფერარის“ ავტორბოლის გუნდის მენეჯმენტის გადაწყვეტილებით, მეორე რბოლის ხარჯებს დავით ქაჯაიას თავად იტალიური სპორტული მანქანების სამრეწველო კომპანია დააფინანსებს.