მსოფლიო საკლუბო ჩემპიონატის გამარჯვებული „ჩელსი“ გახდა

აშშ-ში FIFA-ს მსოფლიო საკლუბო ჩემპიონატი დასრულდა. ტურნირის გამარჯვებული ლონდონის „ჩელსი“ გახდა, რომელმაც ფინალში ხვიჩა კვარაცხელიას „პსჟ“ დაამარცხა. შეხვედრა ანგარიშით 3:0 დასრულდა. ორი გოლი კოულ პალმერმა გაიტანა, ერთი კი ჟოაო პედრომ.

მატჩს აშშ-ის პრეზიდენტი და პირველი ლედი ესწრებოდნენ. სწორედ დონალდ ტრამპმა გადასცა მედლები მეორე ადგილზე გასულ და გამარჯვებული გუნდების ფეხბურთელებს.