გამარჯვება პირველ მატჩში - ბასილაშვილმა თამაში 2:0-დან შემოატრიალა

პარიზში, როლან გაროსის ტურნირი დაიწყო.

პირველ ნომრად განთესილი ნიკოლოზ ბასილაშვილი ამერიკელ მაქსიმ კრესს დაუპირისპირდა.

მატჩი ქართველი ჩოგბურთელისთვის ძალიან ცუდად დაიწყო და ბასილაშვილმა პირველი ორი სეტი (3:6, 2:6) დათმო.

თუმცა საქართველოს პირველმა ჩოგანმა საოცარი ხასიათი და პროფესიონალიზმი გამოავლინა. ბასილაშვილმა ფაქტობრივად წაგებული თამაშის შემოტრიალება მოახერხა, მომდევნო სამი სეტი მოიგო და საბოლოოდ, მეტოქე ხუთ სეტში დაამარცხა (3:6, 2:7, 7:6, 6:4, 6:4).

ბასილაშვილი კრესისთან აქამდე მხოლოდ ერთხელ იყო შეხვედრილი და ის მატჩიც (ამერიკის ღია პირველობაზე) ქართველი ჩოგბურთელის გამარჯვებით დასრულდა.

ნიკოლოზის მომდევნო მეტოქე ამერიკელ მაკენზი მაკდონალდსა და იტალიელ ფრანკო აგემენონს შორის გამარჯვებული იქნება.