„ბარსელონა“ ჩემპიონთა ლიგის მოგების მთავარი ფავორიტია, პსჟ - მეორე ადგილზეა

ჩემპიონთა ლიგის მეოთხედფინალური ეტაპის დასრულების შემდეგ, ბუკმეიკერებმა განაახლეს ფსონები ტურნირის მოგებაზე. მათი აზრით, მთავარი ფავორიტი „ბარსელონაა“. თასის მოპოვებაზე შესაბამისი კოეფიციენტი 3.00-ს შეადგენს.

ბუკმეიკერების აზრით, მეორე ფავორიტია „პარი სენ-ჟერმენი“ (3.20), მესამე – „არსენალი“ (3.80), ხოლო ტურნირის მოგების ყველაზე მცირე შანსი „ინტერს“ აქვს – 5.00.

ნახევარფინალში „ბარსელონა“ „ინტერს“ შეხვდება, „არსენალი“ – „პარი სენ-ჟერმენს“. პირველი მატჩები 29/30 აპრილს გაიმართება, განმეორებითი – 6/7 მაისს.