2021 წლის საუკეთესო სპორტსმენებად ლაშა ტალახაძე და ლაშა ბექაური დასახელდნენ

საქართველოს ეროვნული ოლიმპიური კომიტეტის ორგანიზებით, წლის საუკეთესო სპორტსმენების დაჯილდოების ცერემონიალი ჩატარდა.

„2021 წლის საუკეთესო სპორტსმენის“ ნომინაციაში წელს ორი გამარჯვებული გამოვლინდა – ძალოსანი ლაშა ტალახაძე და ძიუდოისტი ლაშა ბექაური.

შეგახსენებთ, რომ მათ ტოკიოს ოლიმპიადაზე ოქროს მედლები მოიპოვეს. ბექაური 2021 წელს ევროპის ჩემპიონიც გახდა, ხოლო ტალახაძემ ოლიმპიადასთან ერთად ევროპისა და მსოფლიო ჩემპიონატები მოიგო.