როგორ დაიკლო ილონ მასკმა 9 კილოგრამი მას შემდეგ, რაც მის ფიგურას სოციალურ ქსელებში დასცინეს

მას შემდეგ, რაც ილონ მასკი გარეგნობის გამო ბულინგის მსხვერპლი გახდა, სერიოზულად დაფიქრდა, რომ რაღაც უნდა შეეცვალა. ცოტა ხნის წინ კი Space X-ის დამფუძნებელმა აღიარა, რომ 9 კილოგრამი დაიკლო.  ინფორმაციას უცხოური მედია ავრცელებს. 

ბიზნესმენის თქმით, მას ამ შედეგის მიღწევაში ინტერვალური შიმშილი დაეხმარა.

„ჩემი მეგობრის დახმარებით, პერიოდულად ინტერვალურ შიმშილს მივმართავ და თავს ბევრად უფრო ჯანმრთელად ვგრძნობ", - აღნიშნა მასკმა. 

ილონის თქმით, ის სპეციალურ აპლიკაციას იყენებდა და სპორტდარბაზსაც სტუმრობდა.

ინტერვალური შიმშილი არის კვების სისტემა, რომელიც დაფუძნებულია გარკვეული პერიოდის განმავლობაში საკვების მიღებაზე უარის თქმის პრინციპზე. ყველაზე გავრცელებული რეჟიმია 16/8, ანუ უჭმელად 16 საათი ყოფნა და 8 საათის განმავლობაში სასურველი პროდუქტების მიღება. დროის ამ პერიოდში ორგანიზმი იწმინდება და სისხლში შაქრის დონე იკლებს.

შეგახსენებთ, რომ რამდენიმე კვირის წინ Tesla-სა და SpaceX-ის მფლობელის იახტაზე გადაღებული ფოტოები სოციალურ ქსელებში ვირუსულად გავრცელდა. ფოტოებზე მასკს მაისური არ აცვია და სოციალურ ქსელში უამრავი დამცინავი კომენტარი დაიწერა. ამის შემდეგ კი ბიზნესმენმა გადაწყვიტა, ინტერვალური შიმშილისთვის მიემართა.