Netflix-მა „კალმარის თამაშის“ მეორე სეზონის პირველი თიზერი გამოაქვეყნა

სტრიმინგ-სერვისმა Netflix სამხრეთკორეული სერიალის „კალმარის თამაში“ პირველი თიზერი გამოაქვეყნა. ფრაგმენტი იმ პროექტების პრეზენტაციაში იყო დამატებული, რომლებიც 2024 წელს გამოვა.

რგოლი პირველი სეზონის ფინალური სცენის გაგრძელებაა. მასში „კალმარის თამაშის“ გამარჯვებულს სატელეფონო საუბრისას ატყობინებენ, რომ ის თავის გადაწყვეტილებას ინანებს. „მე შენ გიპოვი, რადაც არ უნდა დამიჯდეს“, - პასუხობს სონ კი ჰუნი.

შოუს პრემიერის ზუსტი თარიღი ამ ეტაპზე უცნობია. მთავარ როლებს მეორე სეზონში ასრულებენ: ლი ბენ-ჰონი, ვი ხაჯუნი, კონ იუ, იმ სი ვანი, პაკ სონჰუნი და სხვები.