სად იმყოფება სტიქიის ზონიდან გამოყვანილი 70-მდე მოქალაქე - ინფრასტრუქტურის მინისტრის განმარტება

რაჭაში, შოვში, სტიქიის შედეგებისა და ამ წუთებში იქ არსებული მდგომარეობის შესახებ რეგიონული განვითარებისა და ინფრასტრუქტურის მინისტრმა, ირაკლი ქარსელაძემ "კურიერის" სპეციალურ გამოშვებაში ისაუბრა.

მისი ინფორმაციით, შოვში მომხდარი სტიქიის ზონიდან გამოყვანილი 70-მდე მოქალაქე ახლა უსაფრთხოდ არის და ოჯახებში არიან გადანაწილებულნი.

"70-მდე ადამიანია გამოყვანილი, შესაბამისად, ისინი გადანაწილებულნი არიან ოჯახებში. არიან უსაფრთხოდ. სამედიცინო მომსახურება გაეწია აბსოლუტურად ყველა ადამიანს, ვისაც ეს სჭირდებოდა. მთავარი ძალისხმევა ახლა გვაქვს იმ ადამიანების აღმოჩენაზე, რომელთანაც ვერ ხერხდება ამ მომენტამდე კონტაქტი," - აღნიშნა ინფრასტრუქტურის მინისტრმა.

ცნობისთვის, შოვში მეწყერს ორი ადამიანის სიცოცხლე ემსხვერპლა.

ასევე ნახეთ:

„ვისაც არ გაქვთ თავშესაფარი, ჩვენი ოჯახი მიგიღებთ, უსასყიდლოდ“ - რას წერენ რაჭის ჯგუფში

VIDEO: ვრცელდება "სანსეტ შოვთან" მეწყერის ჩამოწოლის კადრები

ვრცელდება კადრები, სადაც ჩანს, როგორ გადაარჩინა ახალგაზრდა ბიჭმა ბავშვი.

,,დაახლოებით, 50 ადამიანთან კავშირი ვერ ხერხდება" - ბოლო ცნობები სტიქიის ზონიდან