რუსთავში, ხანძრის შედეგად, რამდენიმე ადამიანი ინტოქსიკაციით კლინიკაში გადაიყვანეს - ბოლო ინფორმაცია ადგილიდან

რუსთავში, შარტავას გამზირზე, ერთ-ერთ ახლად აშენებულ კორპუსში ხანძარი იყო.

ადგილზე მობილიზებული იყო სახანძრო-სამაშველო ჯგუფები და სასწრაფო დახმარება. ხანძარი ამ დროისთვის ლიკვიდირებულია.

ხანძრის შედეგად, რამდენიმე ადამიანმა მიიღო მსუბუქი ინტოქსიკაცია. ისინი კლინიკაში გადაიყვანეს.

შენობიდან მოსახლეობის ევაკუაცია განხორციელდა.

არსებული ინფორმაციით, ფართი, სადაც ცეცხლი გაჩნდა, დაკეტილი იყო და იქ ხანძრის დროს არავინ იმყოფებოდა.

ხანძრის გამომწვევი მიზეზი ჯერ უცნობია.