ძლიერი მიწისძვრა მოხდა კუნძულ კრეტასთან

საბერძნეთში 5,1 მაგნიტუდის სიმძლავრის მიწისძვრა მოხდა. ამის შესახებ ბერძნული მედია იტყობინება.

ძლიერი მიწისქვეშა ბიძგები ადგილობრივი დროით 7:13 საათზე დაფიქსირდა. ეპიცენტრი ხმელთაშუა ზღვაში, კუნძულ კრეტაზე მდებარე ქალაქ ზაკროსიდან 30 კილომეტრში მდებარეობდა.

ჯერჯერობით ადგილობრივ ხელისუფლებას ნგრევის ან შესაძლო მსხვერპლის შესახებ ინფორმაცია არ მიუღია.