საზოგადოება • 1675179931

მნიშვნელოვანი ინფორმაცია USA2GEORGIA-ს მომხმარებლებისთვის

კონკურენციის ეროვნულ სააგენტოსა და USA2GEORGIA-ს შორის მომხმარებლის სასარგებლოდ პირობითი ვალდებულების ხელშეკრულება გაფორმდა.შესაბამისად, USA2GEORGIA-მ აიღო ვალდებულება - საქმიანობის შიდა პოლიტიკა შეცვალოს და იმ მომხმარებელთა უფლებები აღადგინოს, რომელთაც, სავარაუდოდ, მისი სავაჭრო პოლიტიკის შედეგად ზიანი მიადგა.კერძოდ, USA2GEORGIA აიღო ვალდებულება - მომხმარებლებს, რომლებმაც 2022 წლის 25 ოქტომბრიდან 2023 წლის 25 იანვრის ჩათვლით ამანათები შეიძინეს, ტრანსპორტირების ღირებულება რეალური წონის მიხედვით დაუანგარიშდეს და ზედმეტად გადახდილი თანხა მომხმარებელს დაუბრუნდეს. მიუხედავად იმისა, მომხმარებელს ე.წ. „გადაფუთვის“ სერვისი ჰქონდა თუ არა მონიშნული.აღნიშნული გადაწყვეტილება გავრცელდება მომხმარებლებზე:რომლებსაც კუთვნილი ამანათები მოვაჭრის საქართველოში მდებარე ოფისიდან ჯერ არ გაუტანიათ.რომლებმაც კუთვნილი ამანათები მოვაჭრის საქართველოში მდებარე ოფისიდან გაიტანეს და ტრანსპორტირების.ღირებულება ამანათის მოცულობითი წონის მიხედვით გადაიხადეს.რომლებმაც კუთვნილი ამანათები მოვაჭრის საქართველოში მდებარე ოფისიდან გაიტანეს და ტრანსპორტირების ღირებულება ამანათის მოცულობითი წონის მიხედვით გადაიხადეს, თუმცა კომპანიისგან გარკვეული რაოდენობის ფასდაკლება მიიღეს.რომელთაც 2023 წლის 25 იანვრის ჩათვლით შეიძინეს პროდუქცია და გადამზიდ-ექსპედიტორ კომპანიად USA2GEORGIA მიუთითეს, თუმცა მათი ამანათების ტრანსპორტირება საქართველოში ჯერ არ დასრულებულა (გარდა იმ ამანათებისა, რომელთა მოცულობითი წონა 10 კგ-ს აღემატება და რომლებთან მიმართებაშიც წონის მოცულობითი გამოთვლის პრინციპი აშშ-ს საწყობიდან გამოგზავნამდე, წინასწარ, ინდივიდუალურად არის მომხმარებელთან შეთანხმებული).ასევე, შეთანხმების თანახმად, USA2GEORGIA-მ ვალდებულება აიღო - მომავალში მომხმარებლებსა და მოვაჭრეს შორის დადებული ტვირთების საერთაშორისო გადაზიდვისა და ექსპედიციის შეთანხმებით გათვალისწინებული პირობების (მათ შორის, მოვაჭრის სავაჭრო პოლიტიკის) შეცვლის შემთხვევაში, მომხმარებლებს წინასწარ, ელექტრონული ფოსტისა და ე.წ. პირად ოთახში შეტყობინების გაგზავნის გზით, ინფორმაცია - საქართველოს სახელმწიფო ენაზე, მკაფიოდ და გასაგებად მიაწოდოს.სააგენტოსა და მოვაჭრეს შორის გაფორმებული შეთანხმების შესაბამისად, მომხმარებელი უფლებამოსილია - 2023 წლის 26 მარტის ჩათვლით, USA2GEORGIA-ს საინფორმაციო ბლოგზე (https://www.usa2georgia.com/submit) განცხადება შეავსოს და მოთხოვნა წარადგინოს. შეთანხმება ეხება იმ პირებსაც, ვინც USA2GEORGIA-ს საიტზე თავისი პროფილი უკვე გააუქმეს.კონკურენციის ეროვნულ სააგენტოსა და მოვაჭრეს შორის გაფორმებული პირობითი ვალდებულების ხელშეკრულების ჯეროვნად არ შესრულების შემთხვევაში, სააგენტო კანონმდებლობით მინიჭებული უფლებამოსილების ფარგლებში იმოქმედებს.

საზოგადოება • 1674982260

დადგინდა წესი იმ მომხმარებლებისთვის, რომლებიც Usa2georgia-სგან თავს დაზარალებულად მიიჩნევენ - სად და რა ვადაში უნდა შეავსოთ განაცხადი

„კომპანიასთან შეთანხმება მიღწეულია მომხმარებლის სასარგებლოდ“, - ამის შესახებ კონკურენციის ეროვნული სააგენტოს ხელმძღვანელმა, ირაკლი ლექვინაძემ „ქრონიკაში“ გადამზიდ კომპანია Usa2georgia-ზე საუბრისას განაცხადა.მისი თქმით, კონკურენციის ეროვნულმა სააგენტომ ბევრი განაცხადი და საჩივარი მიიღო და სააგენტოში ერთ თვიანი განხილვისა და საქმის შესწავლის პროცესი მიმდინარეობდა.„კომპანიამ აიღო პირობითი ვალდებულება, რომ უზრუნველყოფს ყველა მომხმარებლისთვის, რომელმაც 25 ოქტომბრიდან 25 იანვრის ჩათვლით ისარგებლა ამანათის ტრანსპორტირების სერვისით, პროდუქტი მიიღო, ან ჯერ კიდევ საცავშია, თუმცა ფასი დაუთვალეს არა წონით, არამედ განსხვავებულად და ეს იყო მოცულობითი წონა, რამაც ძალიან ბევრ ადამიანს გაუძვირა ტრანსპორტირების საფასური. მიღწეული შეთანხმების შედეგად, (ეს კომპანიის პასუხისმგებლიანობასაც უსვამს ხაზს მომხმარებლების სასარგებლოდ), ყველა მომხმარებელს, ვინც აღნიშნული პრობლემის წინაშე დადგა, სხვაობის საზღაური აუნაზღაურდება. ეს უნდა მოხდეს 3 თვის ვადაში. ამისთვის მომხმარებელმა, ვინც თავს დაზარალებულად თვლის უნდა შეავსოს შესაბამისი აპლიკაცია“, - განაცხადა ირაკლი ლექვინაძემ.დეტალური ინსტრუქცია ორშაბათს გამოქვეყნდება.

სამართალი • 1674423615

მნიშვნელოვანი ინფორმაცია Usa 2 Georgia-ს მომხმარებლებლებისთვის - ზრდიდა თუ არა კომპანია ხელოვნურად ტვირთის მოცულობას?

ასობით მოქალაქე ტვირთების გადამზიდი კომპანიის წინააღმდეგ - მომხმარებლები Usa 2 Georgia-ს თაღლითობაში ადანაშაულებენ. სოციალურ ქსელში უამრავი ჯგუფი შეიქმნა, სადაც დაზარალებული ადამიანები წერენ, რომ უცხო ქვეყნიდან ამანათის გამოწერის შემდეგ მათ არარეალურად დიდი თანხა გადაახდევინეს. მოქალაქეები ამტკიცებენ, რომ კომპანია ამანათს რამდენჯერმე უფრო დიდ ყუთში ათავსებს, რაც, ბუნებრივია, თანხას ზრდის.ერთ-ერთმა მომხმარებელმა ძალიან მცირე ზომის მეხსიერების ბარათი გამოიწერა, თუმცა დაახლოებით 20-ჯერ უფრო დიდ ყუთში იყო მოთავსებული. შესაბამისად, ამანათის მოცულობა გაიზარდა, რამაც კომპანიისთვის ასანაზღაურებელი თანხაც გაზარდა. ეს ერთადერთი შემთხვევა არ არის. ასეთ პრეტენზიას ასობით მოქალაქე გამოთქვამს.საქმე სასამართლომდეც მივიდა. თბილისის საქალაქო სასამართლოს გადაწყვეტილებით, მომხმარებელს აქვს უფლება, არ გადაიხადოს ნივთის ტრანსპორტირების საფასური კონკურენციის სააგენტოში საკითხის განხილვის დასრულებამდე.Usa 2 Georgia-ს ათასობით მომხმარებელი ჰყავს, თუმცა ბოლო თვეების განმავლობაში მათი ერთი ნაწილი, დაახლოებით 4,400 მომხმარებელი გაწევრიანდა ჯგუფში "usa2georgia-ს მიერ დაზარალებულ მომხმარებელთა ჯგუფი".ტვირთის მოცულობით წონაზე ფასებს კერძო კომპანია თავად განსაზღვრავს, თუმცა მომხმარებელთა უკმაყოფილებას იწვევს ინფორმაციის მიწოდების პრობლემა, როგორც ჯგუფის კომენტარებში და ასევე, ჩვენთან საუბარში აღნიშნავენ, მათ ახალი რეგულაციების შესახებ, რომელიც ნოემბრიდან ამოქმედდა, არაფერი იცოდნენ. შესაბამისად, ნივთის მოცულობა კილოგრამებად ისე გადაიქცა, რომ უსიამოვნო სიურპრიზის შესახებ დაგვიანებით შეიტყვეს. ამასთანავე, Usa 2 Georgia ონლაინ შოფინგით დაინტერესებულ ადამიანებს სთავაზობს ნივთის ყუთით ჩამოტანას ან მის გადაფუთვას; გადაფუთვის დროს მცირდება ამანათის მოცულობა, ეს სერვისი ამ დრომდე უფასო იყო, ამ ეტაპზე კი ფასი გადაფუთვასაც დაედო. როგორც მომხმარებლები ამბობენ, ხშირად ეს სერვისი ვებგვერდზე ტექნიკურად გაუმართავია და მათ არ აქვთ არჩევანის გაკეთების საშუალება.ერთ-ერთმა მომხმარებელს ზურა ქასრაშვილს შავ პარასკევს "ამაზონიდან" 30 დოლარის ღირებულების ნივთის ტრანსპორტირებაში 160 ლარი დაუანგარიშეს.ზურას და მის მეგობრის მსგავსად გაზრდილი ფასი გადაიხადა დავით დურგლიშვილმაც, თუმცა მას Usa 2 Georgia-თან კიდევ სხვა პრობლემაც აქვს. გასულ წელს გამოწერილ დრონში ზურამ 5200 დოლარი გადაიხადა, შიდა გადაზიდვის კომპანიამ მას ნივთის დანიშნულების ადგილამდე მიტანის შესახებ შეატყობინა, თუმცა Usa 2 Georgia-ში მას ეუბნებოდნენ, რომ დრონი არ იყო ადგილზე.დავითმა დრონი ოფიციალური ვებგვერდიდან გამოიწერა, რომლითაც მანამდეც არაერთხელ უსარგებლია. 4 თვის განმავლობაში უამრავ გზას მიმართა, არაერთხელ დაუკავშირდა შიდა გადამზიდ კომპანიას, რომელიც უზრუნველყოფს, რომ ამანათი შტატებში Usa 2 Georgia-ს ოფისში მიიტანოს, ფედექსის წარმომადგენლები ტექნიკის მიტანას ადასტურებენ, თუმცა მომხმარებელს ამ დრომდე გზავნილი არ მიუღია.მომხმარებელთა დიდი ნაწილი არ გამოჩნდა ეკრანზე, თუმცა მათ უფლება მოგვცეს მიმოწერა გაგვესაჯაროებინა. მიზეზად კი დაგვისახელეს ხელშეკრულება.მომხმარებელმა ხელშეკრულებაც გამოგვიგზავნა, სადაც ვკითხულობთ, რომ სხვა გრძელ ჩამონათვალთან ერთად კომპანიის ინტერესების საწინააღმდეგო ქმედება გამოიწვევს მის ბლოკირებას. ამანათზე ახლა აღნიშნულ მომხმარებელს გადასახდელი აქვს ამანათის ჩამოტანის ღირებულება მისი საწყობში შენახვის ჯარიმებთან ერთად, სულ 280 ლარი, თუმცა მას არ გამოაქვს ნივთი, რადგან ელოდება კონკურენციის ეროვნული სააგენტოს პასუხს. სააგენტოში უკანასკნელი 3 თვის განმავლობაში სხვადასხვა პრობლემით 107 განაცხადი შევიდა, მათი უმეტესობა გაზრდილ ფასს ეხებოდა, სწორედ ამ მიმართულებით დაიწყო საქმის შესწავლა.კონკურენციის ეროვნული სააგენტოს გადაწყვეტილებამდე ცოტა დრო რჩება. "კურიერი" Usa 2 Georgia-ს ოფისში იმყოფებოდა საპასუხო კომენტარის ჩასაწერად, თუმცა არცერთი პასუხისმგებელი პირი ჩვენთან არ გამოჩენილა. კომპანიის თანამშრომელმა გვითხრა, რომ მათი პასუხი ოფიციალურ განცხადებაში წაგვეკითხა.როგორ აანაზღაურებს კომპანია მომხმარებლებისთვის ინფორმაციის მიწოდების არასაკმარის გზებს, ამას თვის ბოლოს გავიგებთ. კონკურენციის ეროვნულ სააგენტო უფლებამოსილია მიიღოს სამი სახით გადაწყვეტილება: დაადასტუროს დარღვევა, არ დაადასტუროს დარღვევა ან გააფორმოს პირობითი ვალდებულების ხელშეკრულება მოვაჭრესთან.

სამართალი • 1673942963

USA2GEORGIA-ს საქმეზე, სასამართლომ კონკურენციის ეროვნული სააგენტოს შუამდგომლობა დააკმაყოფილა

საქართველოს კონკურენციის ეროვნული სააგენტოს შუამდგომლობა USA2GEORGIA-ს საქმეზე, თბილისის საქალაქო სასამართლომ დააკმაყოფილა. შესაბამისად, სააგენტოს მიერ საბოლოო გადაწყვეტილების მიღებამდე, თითოეული მომხმარებელი დაცულია - ამანათ(ებ)ზე საკუთრების უფლების დაკარგვისგან.კერძოდ, სააგენტოს მიერ განხორციელებული ქმედების შედეგად, თუკი მომხმარებელი 30 დღეში საქართველოს საწყობში შენახვის ღირებულებას არ გადაიხდის და ამანათს არ გაიტანს, მასზე ავტომატურად საკუთრების უფლებას არ დაკარგავს.USA2GEORGIA-ს მიერ მომხმარებლის უფლებების შესახებ საქართველოს კანონის შესაძლო დარღვევის თაობაზე, სააგენტოს საბოლოო გადაწყვეტილების მიღებამდე, კომპანიას აეკრძალა - ამანათში არსებული პროდუქციის გასხვისება ან მისი საკუთრებაში დატოვება.კონკურენციის ეროვნული სააგენტო, აღნიშნულ საქმეზე საბოლოო გადაწყვეტილებას 2023 წლის იანვრის ბოლომდე გამოაქვეყნებს.16 იანვრის მდგომარეობით, სააგენტოში შემოსულია 107 განაცხადი, შესწავლა მიმდინარეობს 58 საქმეზე. პირობითი ვალდებულება მომხმარებლის სასარგებლოდ 9 მოვაჭრესთან გაფორმდა, რაც გულისხმობს, რომ მოვაჭრემ აიღო ვალდებულება - საქმიანობის შიდა პოლიტიკა შეცვალოს და იმ მომხმარებელთა უფლებები აღადგინოს, რომელთაც, სავარაუდოდ, წარსულში მისი სავაჭრო პოლიტიკის შედეგად ზიანი მიადგათ.