ძალადობა

დაკავებულია 37 წლის მამაკაცი, რომელმაც აღიარა, რომ გააუპატიურა 1 კვირის დაბადებული შვილი - გოგონა გარდაიცვალა

პრეტორიის უმაღლესმა სასამართლომ მოისმინა, თუ როგორ გააუპატიურა 37 წლის უგო ფერეირამ თავისი ახლად დაბადებული ქალიშვილი, მას შემდეგ, რაც მასთან მარტო დარჩა.ბავშვის დედამ, მორინ ბრენდმა გოგონა მამასთან მარტო დატოვა და ბავშვისთვის საფენების საყიდლად წავიდა.თუმცა, როდესაც ის დაბრუნდა, აღმოაჩინა, რომ მისი შვილი მძიმედ იყო დაშავებული ფიზიკური და სექსუალური ძალადობის შედეგად.როდესაც დედას შეაგვიანდა და გოგონამ ტირილი დაიწყო, რადგან მშიერი იყო და საფენის გამოცვლა სჭირდებოდა, ფერეირა გაბრაზდა და ბავშვს თავს დაესხა.მან თქვა, რომ გადაწყვიტა მასზე სექსუალური ძალადობა, რადგან „გადაწყვიტა მისთვის ტირილის მიზეზის მიცემა“.ბრალის აღიარების დროს ფერეირამ თქვა, რომ მან იცოდა, რომ მისი ქმედებები არასწორი იყო და რომ ბავშვი შეიძლებოდა მომკვდარიყო.მან ასევე განაცხადა, რომ მეტამფეტამინის ზემოქმედების ქვეშ იმყოფებოდა.საშინელი დანაშაული იოჰანესბურგის დასავლეთით, ველვერდეანში მოხდა.news24-ის ინფორმაციით, კაცი ყოფილ ცოლს მოკვლით დაემუქრა, თუ ციხეში არ ჩასვეს. ფერეირას განაჩენს მომავალ კვირას გამოუტანენ.

პოლიტიკა • 1743767669

მისასალმებელია, რომ წარმოდგენილი კანონპროექტებით გამკაცრდება ნარკოტიკული საშუალებების, ახალი ფსიქოაქტიური, ფსიქოტროპული და ძლიერმოქმედი ნივთიერებების რეალიზაცია-გასაღების წინააღმდეგ ბრძოლა - ზაალ მიქელაძე

პარტია „ხალხის ძალის“ წევრი, დეპუტატი ზაალ მიქელაძე ნარკოპოლიტიკის გამკაცრების შესახებ გადაწყვეტილებას სოციალური ქსელით ეხმიანება და წერს, რომ ის მიესალმება საკანონმდებლო ორგანოში წარმოდგენილ კანონპროექტს, რომლითაც მკაცრდება ნარკოტიკული საშუალებების, ახალი ფსიქოაქტიური, ფსიქოტროპული და ძლიერმოქმედი ნივთიერებების რეალიზაცია-გასაღების წინააღმდეგ ბრძოლა.„ნარკოდანაშაული დღევანდელი მსოფლიოს უდიდეს გამოწვევას წარმოადგენს. იგი, თავისი ბუნებით, ხელყოფს საზოგადოების ფუნდამენტურ ღირებულებებს, აფერხებს მომავალი თაობის ჯანსაღ გარემოში აღზრდა-განვითარებას, აგრეთვე - ეკონომიკურ, საზოგადოებრივ, სოციალურ, კულტურულ და პოლიტიკურ განვითარებას.მისასალმებელია ის გარემოება, რომ წარმოდგენილი კანონპროექტებით გამკაცრდება ნარკოტიკული საშუალებების, ახალი ფსიქოაქტიური, ფსიქოტროპული და ძლიერმოქმედი ნივთიერებების რეალიზაცია-გასაღების წინააღმდეგ ბრძოლა.შესაბამისად, დროულია აღნიშნული საკანონმდებლო პაკეტის შემუშავება და მიღება,“ - წერს მიქელაძე.დეპუტატი პოსტში ნარკოტიკული ნივთიერებების მოხმარების შემთხვევაში ჯანმრთელობის შესაძლო დაზიანებებზეც წერს:„არავისთვის ახალი არ არის ინფორმაცია იმის შესახებ, თუ რა ზიანი მოაქვს ნარკოტიკული ნივთიერებების მოხმარებას არა მხოლოდ მათი მომხმარებლების ჯანმრთელობისთვის, არამედ მათი ოჯახის წევრების, საზოგადოებრივი თუ სოციალური გარემოსთვის და მთლიანად ქვეყნისთვის.ნარკოტიკების მოხმარება პირდაპირ უკავშირდება: სხვადასხვა დაავადებების, მათ შორის C - ჰეპატიტის, აივ-ინფექციის და სხვა ინფექციურ დაავადებების გავრცელებას. აზიანებს სასუნთქ, გულ-სისხლძარღვთა და ნერვულ სისტემას.ნარკოტიკების მოხმარება განსაკუთრებით საფრთხეს უქმნის ახალგაზრდების პოტენციურ მომავალს განათლების და კარიერული ზრდის კუთხით.ნარკოტიკული ნივთიერებების გასინჯვა და მოხმარება, განსაკუთრებით მოზარდობის პერიოდში, იწვევს ძლიერ ფსიქოლოგიურ და ფიზიკურ დამოკიდებულებას, აჩერებს მოზარდის ზრდა-განვითარებას.ჭარბი დოზირების შემთხვევები, იწვევს ლეტალურ შედეგს.ნარკოტიკების მოხმარება უარყოფითად მოქმედებს არა მარტო მომხმარებლებზე, არამედ მათი ოჯახის წევრებზეც.იზრდება სოციალური პრობლემები, როგორიცაა ოჯახური ძალადობა, უსახლკარობა, სოციალური იდენტობის კრიზისები და ა.შ.განსაკუთრებით საყურადღებოა კანაფის (მარიხუანას), როგორც ე.წ. „მსუბუქი ნარკოტიკის“ მოხმარების შედეგად მიღებული უარყოფითი შედეგები.კანაფის აქტიური კომპონენტი - ტეტრაჰიდროკანაბინოლი:მოქმედებს ტვინის იმ რეცეპტორებზე, რომელიც დაკავშირებულია კონცენტრირებასთან, მეხსიერებასთან, კოორდინაციასთან, ქცევის კონტროლთან.კანაფის მომხმარებელი განიცდის ეიფორიას და მოდუნებას, მაგრამ ზემოქმედების ეფექტის გასვლის შემდეგ, იწყება - აგზნება, შფოთვა, ზოგს აწუხებს პარანოიდული აზრები, ან მწვავე ფსიქოზის განცდა.ამ, „ვითომ უწყინარი, მსუბუქი ნარკოტიკის“ ხანგრძლივი რეგულარული მოხმარება იწვევს მიჩვევას და დამოკიდებულების ჩამოყალიბებას.სამწუხაროდ, კანაფის მოხმარებისკენ განსაკუთრებით მიდრეკილნი არიან მოზარდები და ახალგაზრდები.კანაფის წარმოების (სელექციური) მეთოდების დახვეწის შედეგად, ბოლო წლებში გაიზარდა კანაფში ტეტრაჰიდროკანაბინოლის კონცენტრაცია, რაც თავის მხრივ, ზრდის გაღიზიანების, დეპრესიის, ფსიქოზის და შიზოფრენიის განვითარების რისკებს.ექიმი ნარკოლოგების ინფორმაციის თანახმად, გაზრდილია მკურნალობის პროგრამებში კანაფის მომხმარებელთა მიმართვიანობის რაოდენობა და ამ მხრივ, ვითარება მზარდი და საგანგაშოა!!!!“ - წერს მიქელაძე და დასძენს, რომ ნარკოტიკებთან დაკავშირებული პრობლემის მოსაგვარებლად საკითხის კომპლექსური განხილვაა აუცილებელი.„პრევენციისა და პრობლემის მოსაგვარებლად საკითხის სისტემური და კომპლექსური განხილვაა აუცილებელი.მნიშვნელოვანია ფინანსური რესურსის მობილიზება ნარკოდამოკიდებულ პირთა მკურნალობისა და რეაბილიტაციისათვის სპეციალური ინფრასტრუქტურის შესაქმნელად.სამწუხაროდ, თანამედროვე ინტერნეტ გარემოში თავისუფლად ვრცელდება გზავნილები, რომლებიც პირდაპირ, ან არაპირდაპირ ხელს უწყობს და პოპულარულს ხდის ნარკოტიკების მოხმარებას.ასეთ ინფორმაციაზე ხელმისაწვდომობა თავისუფლად აქვთ ბავშვებს და მოზარდებს.ამასთან, მასმედიაში არასაკმარისად შუქდება ნარკოტიკული ნივთიერებების ავად მოხმარებით გამოწვეული ზიანის შესახებ ინფორმაცია.პრობლემის დროული ამოცნობა, დროული გააზრება და სიფხიზლე, თავიდან აგვარიდებს იმ დიდ პრობლემებს, რომელსაც იწვევს ნარკოტიკული ნივთიერებების მოხმარება.ნარკოტიკების მოხმარებით გამოწვეული ზიანის შემცირების მიზნით, აუცილებელია ადრეულ ეტაპზე მოხდეს ნარკოტიკული ნივთიერებების ავადმოხმარების რისკ-ფაქტორების გამოვლენა;აქტიურად ვაწარმოოთ აღნიშნული ნივთიერებების მოხმარებით გამოწვეული ზიანის შესახებ მასიური ინფორმაციული კამპანია;გავაძლიეროთ ცნობიერების ამაღლება მოზარდებში იმ რისკებზე და ფაქტორებზე, რასაც იწვევს ნარკოტიკული საშუალებების მოხმარება;შეიქმნას მხარდამჭერი და გულისხმიერი გარემო, სადაც ოჯახს, საგანმანათლებლო დაწესებულებებს და მთლიანად საზოგადოებას შეეძლებათ იმოქმედონ ერთობლივად, მოზარდებსა და ახალგაზრდებში ნარკოტიკების პირველად გასინჯვის და შემდგომი მოხმარების თავიდან ასაცილებლად, რაც უზრუნველყოფს მოზარდებისა და ახალგაზრდების ჯანმრთელ გარემოში განვითარების შესაძლებლობას.ამ გამოწვევის დაძლევა გადაარჩენს ბევრ ოჯახს. დარწმუნებული ვარ ჩვენ ამას ჩვენი საზოგადოების მხარდაჭერით შევძლებთ,“ - წერს ზაალ მიქელაძე.

პოლიტიკა • 1743757408

რამდენიმე საელჩომ მოიკითხა, გვაქვს თუ არა ინგლისურად ნათარგმნი კანონები, ინგლისურად თუ არ აქვთ, საერთოდ რა დასკვნები გამოაქვთ - შალვა პაპუაშვილი

რამდენიმე საელჩომ მოიკითხა პარლამენტის მიერ მიღებული კანონები, ინგლისურად თუ არ აქვთ, საერთოდ რა დასკვნები გამოაქვთ, – ამის შესახებ საქართველოს პარლამენტის თავმჯდომარე შალვა პაპუაშვილმა ჟურნალისტებს ბრიფინგზე განუცხადა.„ძალიან საინტერესოა განცხადებები, რაც ვნახეთ ბრიუსელიდან თუ სხვა უწყებებიდან. სხვათა შორის, ამ დღეებში რამდენიმე საელჩომ მოიკითხა ეს კანონები, ინგლისურად გვაქვს თუ არა. არ არის ნათარგმნი და ინგლისურად თუ არ აქვთ, საერთოდ რა დასკვნები გამოაქვთ. როგორც ჩანს, ინგლისურადაც არ აქვთ კანონი, მაგრამ დასკვნები გამოაქვთ სწორი და სამწუხაროა, რომ ასეთი წინმსწრები და არაკვალიფიციური აზრი გვესმის სხვადასხვა საკითხთან დაკავშირებით.არ აქვთ ინგლისური ვერსია და აქედან გამომდინარე, რა ენაზე კითხულობენ და რა დასკვნები გამოაქვთ ბრიუსელში და სხვაგან, არ ვიცი. როგორც ჩანს, კვლავაც ეყრდნობიან „ენჯეოების“ განცხადებებს, რომლებიც, პირდაპირ ღიად არიან დაკავებული დეზინფორმაციით და პროპაგანდით, რომელიც წახალისებულია ზოგიერთი ორგანიზაციისა და დონორის მხრიდან, ხდება ხელის დაფარება პროპაგანდის და დეზინფორმაციის“, – განაცხადა პაპუაშვილმა.მისივე თქმით, სამწუხაროა, რომ იმ დონემდე მიიყვანა საქმე რამდენიმე დიპლომატმა თუ პოლიტიკოსმა, რომ დღეს მოსახლეობას კითხვები უჩნდება, რა ხდება ბრიუსელში და სხვადასხვა დედაქალაქში.„გვეკითხებიან, როგორ შეიძლება, რომ ასოცირდებოდეს დღეს ბრიუსელი დეზინფორმაციასთან, პროპაგანდასთან და ძალადობასთან. ამ დონეზე მიიყვანეს, იცით, რატომ? რადგან ბრიუსელიდან როდესაც დაფინანსებული ორგანიზაციები თავს ესხმიან პარლამენტის შენობას და ცდილობენ, ცეცხლი წაუკიდონ პარლამენტს, მათ ორგანიზებულ ღონისძიებაზე ხდება ძალადობა პოლიციელებზე, ვხედავთ, რომ უკვე ჩვეულებრივ წესად აქციეს სოციალურ ქსელში, თუ ზოგადად ზიზღის ენა და მტრული რიტორიკა.ადამიანები, რომლებიც დაქირავებული არიან ბრიუსელის მიერ სხვადასხვა ორგანიზაციის, თუ სხვადასხვა დიპლომატიური მისიების წარმომადგენლების მხრიდან გრანტების მეშვეობით, ამას არ გაემიჯნა დღემდე არცერთი დიპლომატი, რომელიც დამფინანსებელია ასეთი ორგანიზაციების. გვეკითხებიან, რატომ სურს ბრიუსელს, იყოს ასოცირებული დეზინფორმაციასთან, რატომ იქცევა ბრიუსელი ასე, რომ იყოს ასოცირებული პროპაგანდასთან და ძალადობასთან? ამას გვეკითხება ჩვენ მოსახლეობა და ჩვენ ვცდილობთ, კვლავ გარკვეული განმარტებები გავაკეთოთ, მაგრამ ჩვენც არგუმენტები გვეწურება, რადგან მეც არ მაქვს პასუხი, რატომ არ ემიჯნება ევროკავშირის ადგილობრივი მისია პარლამენტზე თავდასხმას, რომელშიც მონაწილეობენ მის მიერ დაფინანსებული ორგანიზაციების წარმომადგენლები და რომელიც ხდება მათ მიერ დაფინანსებული ორგანიზაციების ორგანიზებულ აქციაზე.როგორ არ შეიძლება, რომ მათ მიერ დაქირავებულ ორგანიზაციებს ერთი სიტყვა უთხრან, საჯაროდ, დახურულ კარს მიღმა. თუ საყვედურობენ მათ, საჯაროდ უთხრან, რომ ეს არ არის დემოკრატიული ფორმა, ცეცხლი წაუკიდო პარლამენტს, არ არის დემოკრატია, იძალადო პოლიციაზე, არ არის დემოკრატიული ფორმა, გაავრცელო დეზინფორმაცია და ტყუილი უცხოური დაფინანსებით და იყო ოპოზიციის პროპაგანდისტი“, – განაცხადა შალვა პაპუაშვილმა.

პოლიტიკა • 1743752631

მოვუწოდებ ყველა ელჩს, დარჩეს დიპლომატიური ურთიერთობების შესახებ ვენის კონვენციის ფარგლებში და არ ჩაერიონ მასპინძელი ქვეყნის შიდა საქმეებში - შალვა პაპუაშვილი

საქართველოს პარლამენტის თავმჯდომარე შალვა პაპუაშვილი მოუწოდებს ყველა ელჩს, დარჩნენ დიპლომატიური ურთიერთობების შესახებ ვენის კონვენციის ფარგლებში და არ ჩაერიონ მასპინძელი ქვეყნის შიდა საქმეებში. ამის შესახებ პაპუაშვილმა ბრიფინგზე ჟურნალისტებს განუცხადა.როგორც პაპუაშვილმა აღნიშნა, სახელმწიფოს შიდა საქმეებში ჩარევა დიპლომატიური მისიის წარმომადგენლის მხრიდან არის საერთაშორისო სამართლის დარღვევა.„მე გუშინწინაც აღვნიშნე და რამდენჯერმე გამოვეხმაურე საფრანგეთის ელჩის განცხადებებს, თუ საელჩოს ქმედებებს, რომ ვხედავთ, არის განსაკუთრებული ხელშეწყობა საქართველოში რადიკალური ძალების მიმართ. დღემდე, მიუხედავად იმისა, რომ მე მოვუწოდე როგორც საფრანგეთის, ისე სხვა საელჩოებს, დაეგმოთ და გამიჯვნოდნენ საქართველოს პარლამენტის სასახლეზე მათ მიერ დაფინანსებული ადამიანების ორგანიზებული აქციების დროს თავდასხმას. ბოლოს, 31 მარტს იყო ეს თავდასხმა, როდესაც ასევე დაზიანდა შენობა. აღარაფერს ვამბობ დეკემბერში პარლამენტის შენობაზე თავდასხმაზე, როდესაც ნახევარი მილიონი ლარის ზიანი მიადგა საქართველოს პარლამენტს. სამწუხაროდ, ჩვენ ვხედავთ, რომ ძალადობას არავინ ემიჯნება, პირიქით, არის ძალადობის წახალისება.ჩვენ ვნახეთ აშშ-ის პრეზიდენტის განცხადება, რომელიც გამოეხმაურა საფრანგეთში მიმდინარე პროცესებს, რასაც მან „კუდიანებზე ნადირობა“ უწოდა. რეალურად, საფრანგეთში ოთხი თვის წინ გაასამართლეს საფრანგეთის ყოფილი პრეზიდენტი სარკოზი, სამი წელი მიუსაჯეს. ახლა გაასამართლეს მთავარი ოპოზიციური ძალის ლიდერი და საპრეზიდენტო არჩევნებზე მთავარი კონკურენტი ლე პენი და ოთხი წელი მიუსაჯეს. ამის ფონზე, როდესაც საფრანგეთის ელჩი საუბრობს პოლიტიკურ ზეწოლაზე, ცენზურაზე და ა.შ. ეს უბრალოდ არასერიოზულია. საფრანგეთში ასამართლებენ პოლიტიკურ ოპონენტებს, საფრანგეთის მოსახლეობა, ბოლო კვლევებით, რომელიც ჩატარდა „ფიგაროს“ მიერ, 60% ითხოვს პრეზიდენტის გადადგომას, 50%-ს სურს ახალი საპარლამენტო არჩევნები. ამის ფონზე, საფრანგეთის ელჩის მხრიდან საუბარი თავდასხმა ქართულ მართლმსაჯულებაზე და საუბარი, თითქოს პოლიტიკური კრიზისი იყოს, უბრალოდ არასერიოზულია.კიდევ ერთხელ მოვუწოდებ ყველა ელჩს, მათ შორის საფრანგეთის ელჩს, ყველა დარჩეს დიპლომატიური ურთიერთობების შესახებ ვენის კონვენციის ფარგლებში. კერძოდ, მისი 41-ე მუხლის ფარგლებში, რომელიც ავალდებულებს დიპლომატიური მისიის წარმომადგენლებს, რომ არ ჩაერიონ მასპინძელი ქვეყნის შიდა საქმეებში. სამწუხაროდ, ეს აქციეს უსტანდარტო სტანდარტად. ყველა, ვისაც არ ეზარება, დიპლომატიური მისიებიდან, რატომღაც ფიქრობს, რომ არის თავისუფალი, ჩაერიოს საქართველოს შიდა საქმეებში, მიუხედავად, საერთაშორისო სამართლებრივი შეზღუდვისა, რომელიც მათ აქვთ დაწესებული. ვხედავთ მათ ზოგიერთის არაკვალიფიციურ კომენტარებს, თავდასხმას ქართულ მართლმსაჯულებაზე, საქართველოს თავდასხმას პარლამენტსა და მოსახლეობაზე, რომელმაც ეს პარლამენტი აირჩია.მოვუწოდებ მათ, თუკი მათ არ მოსწონთ, როგორც თავად ამბობენ, რუსეთის ქცევა, ვინაიდან ის საერთაშორისო სამართალს არღვევს, შევახსენებ, რომ სახელმწიფოს შიდა საქმეებში ჩარევა დიპლომატიური მისიის წარმომადგენლის მხრიდან არის საერთაშორისო სამართლის დარღვევა. ნუ მოიქცევიან ისე, როგორც მათი გადმოსახედიდან იქცევა რუსეთი და ერევა სხვა ქვეყნის საქმეებში. ეს არის ელემენტარული, რომ პატივი უნდა სცე მასპინძელ ქვეყანას, ხალხს, რომ არ ჩაერიო მის საქმეებში, მით უმეტეს, როდესაც ზოგიერთებს დაბალი კომპეტენცია აქვთ საქართველოსთან დაკავშირებით“, – განაცხადა შალვა პაპუაშვილმა.

სამართალი • 1743751719

პროკურატურამ, აგლაძის ქუჩაზე, დამამძიმებელ გარემოებებში ჩადენილი ძალადობის ფაქტზე ორ პირს ბრალდება წარუდგინა

საქართველოს პროკურატურამ დამამძიმებელ გარემოებებში ჩადენილი ძალადობის ფაქტზე ორ პირს ბრალდება წარუდგინა. შინაგან საქმეთა სამინისტროს მიერ ჩატარებული გამოძიებით დადგინდა, რომ 2 აპრილს, თბილისში, რაფიელ აგლაძის ქუჩა N79-ის მიმდებარე ტერიტორიაზე დაზარალებულსა და ბრალდებულებს შორის სიტყვიერი შელაპარაკება ფიზიკურ დაპირისპირებაში გადაიზარდა და ბრალდებულებმა ჯგუფურად სცემეს დაზარალებულს. ინფორმაციას პროკურატურა ავრცელებს.უწყების ცნობით, სამართალდამცავებმა ბრალდებულები ცხელ კვალზე დააკავეს.„დაკავებულებს ბრალდება საქართველოს სისხლის სამართლის კოდექსის 126-ე მუხლის პირველი პრიმა ნაწილის „ბ“ ქვეპუნქტით (ძალადობა, ჩადენილი ჯგუფურად) წარედგინათ.პროკურატურა ბრალდებულებისთვის აღკვეთის ღონისძიების შეფარდების შუამდგომლობით სასამართლოს კანონით დადგენილ ვადაში მიმართავს.შინაგან საქმეთა სამინისტროში გამოძიება გრძელდება დანაშაულთან შესაძლო შემხებლობაში მყოფი სხვა პირების დადგენის მიზნით“, - ნათქვამია ინფორმაციაში.

პოლიტიკა • 1743691322

ზურაბ ქადაგიძე: თუ გინდა ქვეყანაში სტაბილურობა შექმნა, კოლექტიური „ნაცმოძრაობა“ პოლიტიკურად უნდა გაანადგურო - იმედი მაქვს, საგამოძიებო კომისია ბოლომდე მიიყვანს ამ საქმეს

დროებითი საპარლამენტო-საგამოძიებო კომისიის შექმნა განაპირობა „ნაცების“ მიერ მათი დანაშაულების „გაპრავების“ მცდელობამ, რასაც 2012 წლიდან ვუყურებთ; მათმა გაგრძელებულმა დანაშაულებმა; მათ მიერ სახელმწიფოს პირდაპირმა, ღია ღალატმა; მათი აგენტურული ქსელის გაძლიერებამ; მათ მიერ ფინანსური თუ სხვა რესურსების აბსოლუტურმა მობილიზებამ სახელმწიფოს წინააღმდეგ და რევოლუციის რამდენიმე მცდელობამ, რომელიც, ბოლოს, ომში ჩართვის ღია მოწოდებებით დაგვირგვინდა, - ამის შესახებ მედიასთან „ხალხის ძალის“ წევრმა ზურაბ ქადაგიძემ განაცხადა.მისი თქმით, საგამოძიებო კომისია ბოლომდე მიიყვანს საქმეს და იმ კრიტიკულ და სამართლებრივ შეფასებას დადებს, რომელიც „ნაცმოძრაობას“ ერთხელ და სამუდამოდ წარსულში დატოვებს, რაც სამაგალითო იქნება ყველასთვის, რათა ასეთი ბინძური კონგლომერატი არცერთმა თაობამ აღარ აირჩიოს.„სწორედ ამ ყველაფერს ვგულისხმობთ, როცა ვამბობთ, რომ მათთან არანაირი კოჰაბიტაცია არ შეიძლება და ეს კოჰაბიტაცია მიზანმიმართულად შეაჩეჩეს „ქართულ ოცნებას“ 2012 წელს, რადგან მაშინ ამის ყველანაირი ბერკეტი ჰქონდათ. თუმცა, საბოლოოდ, დადგინდა, რომ ეს ადამიანები, კოლექტიური „ნაცები“, არც სახელმწიფოსთან თანამშრომლობენ, არც დანაშაულს აღიარებენ და უფრო მეტიც - პრეტენზია აქვთ, რომ ხელისუფლების სადავეებს დაუბრუნდნენ, საიდანაც აღვირახსნილ ძალადობას ახორციელებდნენ. სწორედ ამ ყველაფერმა გამოიწვია საგამოძიებო კომისიის შექმნა.საერთოდ, თავიდანვე არ მომეწონა, როცა დასაწყისში საგამოძიებო კომისიამ 2003-2012 წლის დანაშაულების განხილვა დაიწყო, რადგან კოლექტიურ „ნაციონალურ მოძრაობას“ ხანდაზმულობის ვადა არ აქვს. [ამიტომ, კარგია, რომ კომისიის მანდატი გაფართოვდა და 2012 წლის შემდგომ დანაშაულებსაც მოიცავს უკვე.] თუ გინდა ქვეყანაში სტაბილურობა შექმნა, კოლექტიური „ნაცმოძრაობა“ პოლიტიკურად უნდა გაანადგურო - იმედი მაქვს, საგამოძიებო კომისია ბოლომდე მიიყვანს ამ საქმეს და იმ კრიტიკულ და სამართლებრივ შეფასებას დადებს, რომელიც ამ ძალას ერთხელ და სამუდამოდ წარსულში დატოვებას. ეს კი სამაგალითო იქნება ყველასთვის, რათა ასეთი ბინძური კონგლომერატი არცერთმა თაობამ აღარ აირჩიოს“, - აღნიშნა ზურაბ ქადაგიძემ.

პოლიტიკა • 1743677258

ჩემს მონაყოლს ვინც ხედავთ და ვინც უსმენთ, უბრალოდ თქვენი არავისი არ მესმის, ამათ როგორ ითხოვთ, როგორ უდგახართ გვერდით?! - მინდა ყველას მოვუწოდო, გონს მოეგონ - კახა დაბრუნდაშვილი

2003–2012 წლებში მოქმედი რეჟიმის, ამ რეჟიმის პოლიტიკური თანამდებობის პირებისა და პოლიტიკურ პარტიებში გაერთიანებული მოქმედი და ყოფილი თანამდებობის პირების 2003 წლიდან დღემდე საქმიანობის შემსწავლელი საქართველოს პარლამენტის დროებითი საგამოძიებო კომისიის სხდომაზე „ნაციონალური მოძრაობის“ დროს დაზარალებულმა, კახა დაბრუნდაშვილმა ისაუბრა იმ ძალადობაზე, რომელიც მასა და მის მეგობარზე სისხლიანი რეჟიმის დროს განხორციელდა, დასასრულს კი საზოგადოებას სიტყვით მიმართა.დაბრუნდაშვილის თქმით, ის საზოგადოება, რომელიც „ნაციონალური მოძრაობის“ დაბრუნებას ითხოვს წარმოდგენა არ აქვს, თუ ვის უდგანან გვერდში და რომ მათ საზარბაზნე ხორცად იყენებენ.„მივმართავ ფართო საზოგადოებას, დავიწყებ უშუალო ახალგაზრდებით, ვინც იმ წლებში ჯერ კიდევ ბავშვები იყვნენ, ვერც თავის თავზე გამოცდიდნენ. ხალხო, ჩემს მონაყოლს ვინც ხედავთ და ვინც უსმენთ, უბრალოდ თქვენი არავისი არ მესმის ამათ როგორ ითხოვთ, როგორ უდგახართ გვერდით?! ჩემამდე არ დადის. მინდა ყველას მოვუწოდო გონს მოეგონ. ესენი არიან ის ხალხი, ვინც გაგებაში არ არის ვის უდგანან გვერდში, ქვეყნის დამღუპველებს, ადამიანის მოკვლა შეეძლოთ ჩვეულებრივად, ამათთვის არაფერი არ იყო და ახლა დარწმუნებული ვარ ალესილები გაწყვეტენ საქართველოს. მე მინდა ყველას მივმართო ცოტა გონს მოეგეთ, აი ეს ისტორიები, რასაც ჩემგან ისმენთ, რაც ჩემამდე მოისმინეთ და რასაც ცემს მერე მოისმენთ კიდევ. გაიაზრეთ, ხალხო, ანალიზი გაუკეთეთ. გიყენებენ, თუ გგონიათ, რომ რაღაცას აკეთებთ, საზარბაზნე ხორცად გიყენებენ“,-განაცხადა კახა დაბრუნდაშვილმა.

პოლიტიკა • 1743676780

ვამეხ აბულაშვილს სისხლი სდიოდა პირიდან, ყურიდან, თვალი დაკარგა სხვათა შორის, თვალი ამოუგდეს - კახა დაბრუნდაშვილი

კახაბერ დაბრუნდაშვილმა, ოქროყანის სასაფლაოზე მისი და მისი მეგობრის, ვამეხ აბულაშვილის მიმართ დათა ახალაიას, ოლეგ მელნიკოვის და გერონტი ალანიას მიერ განხორციელებული ძალადობა პარლამენტის დროებითი საგამოძიებო კომისიის სხდომაზე გაიხსენა.დაბრუნდაშვილმა დეტალურად აღწერა მისი და მისი მეგობრის ცემის სცენა და აღნიშნა, რომ ვამეხ აბულაშვილი იმდენად სასტიკად იყო ნაცემი, მან თვალიც კი დაკარგა. „ოქროყანაში ადგილზე მელნიკოვი გამოგვეცხადა და გასცა ბრძანება, ეს [ვამეხ აბულაშვილი] ქვემოთ და ეს - ჩემზე თქვა, აქ გყავდეთ სანამ მე არ გეტყვით. ვამეხი მოხრილ მდგომარეობაში, ორ პირს უკავია და სირბილით მიჰყავთ პატარა ხევის მიმართულებით. მე უცბად უკნიდან ფეხებში მხვდება, ვიკეცები, მერე კეფაში, ვვარდები მიწაზე, მადგამს მუხლს ზურგზე და იარაღს მაბჯენს კისერზე ის, ვინც მანქანიდან გადმომიყვანა. ვამეხი რომ გაატარეს, ერთგვარი კორიდორი მოუწყვეს, წიხლის ჩარტყმა, გინებები, ფიზიკური შეურაცხყოფებით ჩაიყვანეს დაბლა. ჩემთან დარჩა სამი პიროვნება, დანარჩენები ჩავიდნენ ქვევით, სადაც ვამეხი ჩაიყვანეს.აბსოლუტურად ყველაფერი მესმოდა - ყველა დარტყმა, ყველა გინება. თვალით ვერ ვხედავდი, თორემ, აბსოლუტურად ყველაფერი მესმოდა. რომ ვიწექი, სახე ხომ მედო მიწაზე და თავი შემოვაბრუნე, რაზეც შემდგნენ მე, როგორ გავბედე თავის შებრუნება. ამ ჩემი ცემის დროს ამოდის მელნიკოვი და ამათ მიმართ იგინება, მე ხომ გითხარით ხელი არ დაგეკარებინათ, არ გაგაფრთხილეთო. შემდეგ გასცა ბრძანება, წამოვეყვანე დაბლა და მეც ვამეხის გზით ჩამიყვანეს. ვხედავ, რომ ვამეხი მუხლებზე გდია, თვალების ადგილზე წარმოიდგინეთ, „ბრიტვა“ რომ გაუსვა ადამიანს და მარტო ის ხაზი რომ იყოს. ნაცემიც მინახავს, ყველაფერი მინახავს მაგრამ, ასეთი - არაფერი. ვერც თქვენ წარმოიდგენთ იმას, რასაც ახლა მე გეუბნებით. ეს უნდა გენახათ, წარმოსახვითაც ვერ წარმოიდგენთ, რა დღეში იყო. პირველი ჩემი რეაქცია რაც იყო, მაისური გავიხადე, მივედი და სისხლს ვწმენდდი. ეს ვეღარც ხედავს, ვეღარც ლაპარაკობს, სისხლი სდის პირიდან, ყურიდან, თვალი დაკარგა სხვათა შორის, თვალი ამოუგდეს. ვამეხი დაჩოქილია და მის უკან არის ხევი, ორი „ვერზილა“ უდგას, არიან დაახლოებით 40 თუ მეტი არა. ვამეხი ერთს თმებით უკავია და მეორე გამუდმებით ურტყამს, მერე ხელი ეტკინა ალბათ, გადაიხვია მაისური თუ სპორტული და მერე იმით ურტყამდა.“ - განაცხადა კახა დაბრუნდაშვილმა.დაბრუნდაშვილის განცხადებით, მისი რეპლიკის შემდეგ, „რას შვებით, კლავთ?“, ვამეხ აბულაშვილთან ერთად, მასაც დაუწყეს ცემა. ამის შემდეგ კი, იხსენებს დათა ახალაიას მიერ იარაღით „თამაშს“, რომელიც, ცინიკური ღიმილით უსვამდა კითხვას, თუ რომელი მოეკლა პირველი, დაბრუნდაშვილი თუ მისი მეგობარი.„მოპირდაპირედ არის პატარა შემაღლება, სადაც დგანან პატივცემული დათა ახალაია, ხელმარჯვნივ გვერდს უმშვენებს [ოლეგ] მელნიკოვი და ხელმარცხნივ [გერონტი] ალანია.ჩემი ცემა შეაწყვეტინა ახალაიამ და თან ცინიკური ღიმილით, რა თქვა მაგან მოკვლასთან დაკავშირებითო და ვისაც ჰკითხა, არ დავაცადე და მე ვუპასუხე ისევ, რომ მოსაკლავად მოგვიყვანეთ აქ-მეთქი? რაც მიწოდა იმ სიტყვებისგან თავს შევიკავებ რაც მიწოდა და მიპასუხა, აბა შენ რა გგონია, აქედან სახლში ცოცხალი მიხვალო?ამ დროს, დათა ახალაია პიჯაკს სწევს, იღებს იარაღს, ტენის და იწყებს თამაშს - ხან მე მომიშვერს, ხან ვამეხს - ეს გრძელდება ორი-სამი წუთი და თან იცინის, პირველი რომელი [მოგკლათო]. ჩემი დაუყოვნებელი კითხვა იყო, ანუ მართლა გვხოცავთ_თქო. ახალაია ეკითხება მელნიკოვს, ეს მართლა დებილია, თუ თავს იდებილებსო. გასაგებია, მაშინ პირველი მე მესროლეთ-მეთქი, მანამდე მელნიკოვთან რაღაცას საუბრობდა აგდებით და ეს რომ ვუთხარი, გაჩერდა, დასერიოზულდა და გაიმეორე რა თქვიო. მე ვუთხარი დავრწმუნდი, რომ გვხოცავთ და კითხვაზე გიპასუხეთ, რომ პირველი მე მესროლეთ-მეთქი. რატომ შენო - მე ვუთხარი, ფაქტია, თქვენი თვალით ხედავთ, ეს ვერც ვერაფერს დაინახავს და ვერც ვერაფერს გაიგებს, ჩემი ბავშვობის მეგობრის, ჩემი ძმაკაცის, ნათლია-მირონის სიკვდილს ნუ მაყურებინებთ, ჯერ მე მესროლეთ და მერე მაგას, თქვენთვის აზრი ხომ არ აქვს-თქო. წევს ანალოგიურად პიჯაკს, იდებს იარაღს, ბრუნდებიან და იწყებენ სვლას გზისკენ და ეს ამალა მიჰყვება. ამ დროს ვამეხს ვეუბნები, რომ მიდიან.“ - აღნიშნა კახა დაბრუნდაშვილმა.მისივე თქმით, გამვლელების დახმარებით, რომლებმაც მანქანა გაუჩერეს და ნაცემი მეგობრის ხევიდან ამოყვანაშიც დაეხმარნენ, თბილისამდე ჩამოსვლა მოახერხა.

პოლიტიკა • 1743673204

სანქციები არის საერთაშორისო თანამეგობრობის მკაფიო სიგნალი, რომ ძალადობა, უკანონო დაპატიმრებები და რეჟიმის რეპრესიები დაუსჯელი არ დარჩება - გიორგი ვაშაძე

სანქციები არის საერთაშორისო თანამეგობრობის მკაფიო სიგნალი, რომ ძალადობა, უკანონო დაპატიმრებები და რეჟიმის რეპრესიები დაუსჯელი არ დარჩება, – ამის შესახებ აღნიშნულია „სტრატეგია აღმაშენებლის“ ლიდერის, გიორგი ვაშაძის განცხადებაში, რომელსაც პარტიის პრესსამსახური ავრცელებს.მისი თქმით, თავისუფალი საქართველოს ერთადერთი არჩევანი და გამარჯვების გზა – მეტი ევროპა, მეტი დაცულობა, მეტი ინვესტიციაა.„სანქციები, რომლებიც გუშინ ვიხილეთ, ქართველი ხალხის უწყვეტი პროტესტის შედეგია. ეს არის საერთაშორისო თანამეგობრობის მკაფიო სიგნალი – ძალადობა, უკანონო დაპატიმრებები და რეჟიმის რეპრესიები დაუსჯელი არ დარჩება. ივანიშვილის რეჟიმი არის მთავარი საფრთხე და მისი პროპაგანდისტების ზღაპრები გამოგონილ მტრებზე და წულუკიანის ღალატის კომისიის ისტორიის შეცვლის მცდელობა, ამ რეალობას ვერ შეცვლის. რეჟიმის ირგვლივ რკალი ვიწროვდება, ყველა ხვდება, რომ ივანიშვილი საქართველოს მარტოს ტოვებს, დაუცველს, სადაც მხოლოდ სიღარიბე და სანქციებია. ჩვენი გზა – მეტი ევროპა, მეტი დაცულობა, მეტი ინვესტიცია. ეს არის თავისუფალი საქართველოს ერთადერთი არჩევანი და გამარჯვების გზა“, – განაცხადა გიორგი ვაშაძემ.

ისტორიები • 1743661200

„აუპატიურებდა გვამებს და მსხვერპლთა თავებს ეზოში კრძალავდა...“ - ედ კემპერის დანაშაულები, რომელსაც სამუდამო პატიმრობა მიუსაჯეს

15 წლის ასაკში, ბებია-ბაბუის მოკვლის შემდეგ, ედ კემპერმა ერთი წლის განმავლობაში რვა ქალი მოკლა, შემდეგ კი მათ სხეულებს ხშირად ანაწევრებდა და ასახიჩრებდა.ედ კემპერი ბავშვობიდანვე კლავდა ცხოველებს, დების თოჯინებს თავი მოჰკვეთა და შემაშფოთებელი თამაშები გამოიგონა. 15 წლის ასაკში მან მოკლა ბებია და ბაბუა.ედ კემპერი იყო სერიული მკვლელი, რომელიც აუპატიურებდა გვამებს, ასახიჩრებდა ცხედრებს და მსხვერპლთა თავებს ეზოში კრძალავდა.10 წლის ასაკში კემპერის შემაშფოთებელი ქცევა ძალადობაში გადაიზარდა. მას შემდეგ, რაც მამამ ოჯახი დატოვა, ახალგაზრდა ბიჭმა ოჯახის ორივე კატა მოკლა. მან ერთი კატა ცოცხლად დამარხა, მოგვიანებით კი თავი მოჰკვეთა.ამასობაში, მეუღლის გარეშე დარჩენილმა კემპერის დედამ დაიწყო აგრესია მოზარდ შვილზე. მან ის სარდაფში დააძინა. დედა რეგულარულად სცემდა და შეურაცხყოფას აყენებდა მას და ეუბნებოდა, რომ არც ერთი ქალი შეიყვარებდა.14 წლის კემპერი დედის სახლიდან მამასთან საცხოვრებლად გაიქცა. მაგრამ იმ დროისთვის მამამისი სხვა ქალზე დაქორწინდა და შვილი საცხოვრებლად ბებიასთან და ბაბუასთან გაგზავნა. კემპერს ბებია-ბაბუასთან ცხოვრება არ უნდოდა.ბებიასთან არაერთი შეხლა-შემოხლის შემდეგ, კემპერი უფრო და უფრო აგრესიული გახდა.„მე არ შემეძლო იქ ცხოვრება, ეს ციხეში ყოფნას ჰგავდა. მე გავხდი მოსიარულე ბომბი და ბოლოს ავფეთქდი“, - თქვა მან.1964 წლის 27 აგვისტოს, ერთ-ერთი ჩხუბის დროს, კემპერმა ბებიას თავში ბაბუის 22-კალიბრიანი თოფი ესროლა. ამის შემდეგ კი თოფი ბაბუას ესროლა, როდესაც კაცი სახლში ბრუნდებოდა.ორივეს გარდაცვალების შემდეგ დედას დაურეკა და ყველაფერი აღიარა. შემდეგ კემპერი გაგზავნეს ატასკადეროს სახელმწიფო საავადმყოფოს კრიმინალი გიჟების განყოფილებაში. იქ ექიმებმა დაადგინეს, რომ კემპერს ჰქონდა პარანოიდული შიზოფრენია - ასევე ძალიან შთამბეჭდავი IQ.მაგრამ ჩადენილი დანაშაულების მიუხედავად, ედ კემპერი საავადმყოფოში მხოლოდ რამდენიმე წელი დარჩა. 1969 წელს 21 წლის იუბილეზე ის გაათავისუფლეს. შემდეგ კემპერი დედასთან წავიდა საცხოვრებლად.ედ კემპერს დიდი დრო არ დასჭირდა, ისევ მკვლელობები დაეწყო. თავიდან ცდილობდა, ნორმალური ცხოვრებით ეცხოვრა. სამსახურიც დაიწყო ტრანსპორტის დეპარტამენტში.კალიფორნიის გარშემო მოგზაურობისას, კემპერი ავტოსტოპით გადაჰყავდა ქალები.„თავიდან გოგოებს ვირჩევდი მხოლოდ მათთან სასაუბროდ, მხოლოდ ჩემი ასაკის ადამიანების გაცნობისა და მეგობრობის დამყარების მიზნით“, - თქვა კემპერმა.მან 100-ზე მეტი გოგონა ინციდენტის გარეშე გადაიყვანა. როდესაც მოგვიანებით ჰკითხეს, რა ფიქრები ჰქონდა გონებაში, როდესაც ლამაზ გოგონას ხედავდა, კემპერმა თქვა: „ჩემი ერთი მხარე ამბობდა: „ვაი, რა მიმზიდველი „წიწილაა“, მე მინდა მასთან საუბარი. ჩემი მეორე მხარე ამბობდა: „მაინტერესებს როგორ გამოიყურება მისი თავი ჯოხზე“1972 წლისთვის კემპერმა კვლავ დაიწყო ძალადობა. პირველად, გაუპატიურების მიზნით ორი გოგონა აიყვანა და ტყის პირს მიიყვანა. შემდეგ ის პანიკაში ჩავარდა - დანა დაარტყა და დაახრჩო ორივე ქალი. ამის შემდეგ გვამი სახლში წაიღო, გააუპატიურა ისინი და შემდეგ დაანაწევრა. მოგვიანებით, ედ კემპერის მსხვერპლი მთის მახლობლად ხევში იპოვეს გადაგდებული.რამდენიმე მკვლელობის შემდეგ, 1973 წლის 20 აპრილს კემპერმა დედამისი ჩაქუჩით მოკლა მაშინ, როდესაც ქალს ეძინა. შემდეგ თავი მოკვეთა და გააუპატიურა.თითქოს ეს საკმარისი არ იყო, კემპერმა დედას ამოაჭრა ენა და ხორხი და ნაგვის ურნაში მოათავსა.„ეს მიზანშეწონილი იყო, რამდენადაც იგი ყვიროდა და მიყვიროდა ამდენი წლის განმავლობაში”,- თქვა კემპერმა.კიდევ უფრო შოკის მომგვრელი ამბავი ის არის, რომ დედის მკვლელობის შემდეგ, მან სახლში მიიწვია დედის საუკეთესო მეგობარი, სალი ჰალეტი და ისიც მოკლა. კემპერს გეგმაში ჰქონდა, რომ ყველასთვის ეთქვა, თითქოს დედამისი და მისი მეგობარი დასასვენებლად ერთად წავიდნენ.შემდეგ ის კოლორადოში გაემგზავრა, დარწმუნებული იყო, რომ მკვლელობის შესახებ მალე ყველა გაიგებდა, თუმცა ახალ ამბებში არაფერი იყო ამის შესახებ. ამის შემდეგ, კემპერმა სატელეფონო ჯიხურიდან პოლიცია გამოიძახა და ყველაფერი აღიარა.კემპერი დააკავეს და გაასამართლეს პირველი ხარისხის მკვლელობის რვა მუხლით. კემპერმა ორჯერ სცადა თვითმკვლელობა და სიკვდილით დასჯაც კი მოითხოვა, მაგრამ, საბოლოოდ, შვიდი ერთდროული სამუდამო პატიმრობა მიუსაჯეს.გისოსებს მიღმა ყოფნის ადრეულ წლებში კემპერმა ნებით მიიღო მონაწილეობა მრავალ ინტერვიუში ჟურნალისტებთან და სამართალდამცავ ორგანოებთან.

სამართალი • 1743606686

თბილისის საქალაქო სასამართლოში ჯგუფურ ძალადობაში მონაწილეობის ბრალდებით დაკავებული მსახიობის ანდრო ჭიჭინაძის, ონისე ცხადაძისა და კიდევ 9 პირის სასამართლო პროცესი 24 აპრილამდე გადაიდო

თბილისის საქალაქო სასამართლოში ჯგუფურ ძალადობაში მონაწილეობის ბრალდებით დაკავებული მსახიობის ანდრო ჭიჭინაძის, ონისე ცხადაძისა და კიდევ 9 პირის სასამართლო პროცესი გადაიდო.დღეს საქმის არსებითი განხილვა უნდა გაგრძელებულიყო, თუმცა მოსამართლე ნინო გალუსტაშვილმა სხდომა 24 აპრილამდე გადადო. როგორც მან განმარტა, ჯგუფურ ძალადობაში მონაწილეობის ბრალდებით დაკავებულთა საქმე განსახილველად გუშინ დაეწერა, საქმე არის მოცულობითი, მას უნდა გაეცნოს და ამიტომ, ადვოკატებს სხდომის გადადება შესთავაზა."ისევ დახურულია სხდომა. მხოლოდ მედიის წარმომადგენლებს ეძლევათ საშუალება, რომ დაესწრონ პროცესებს, რაც წესით ასე არ უნდა იყოს. უკვე მეოთხე პროცესია ხალხის გარეშე არის ისეთი მნიშვნელოვანი პროცესი, როგორიც არის სინდისის პატიმრების სისხლის სამართლის საქმე, რომელიც დღეს კიდევ ერთხელ გამოჩნდა, რომ არა მხოლოდ შიდა დონეზე, არამედ საერთაშორისო დონეზეც არის მნიშვნელოვანი", - აცხადებს ანდრო ჭიჭინაძის ადვოკატი თორნიკე მიგინეიშვილი.ვიდრე სხდომა გადაიდებოდა, ადვოკატებმა სიტყვით ისარგებლეს, მოითხოვეს მომდევნო სხდომის სრულად გახსნა და დიდ დარბაზში ჩატარება."მოსამართლეს ჰქონდა სრულად იმის უფლება, რომ გაეხსნა წინა პროცესზე დახურული პროცესი და მისცემოდა საშუალება დამსწრე პირებს დასწრებოდნენ პროცესს. მაგალითად, ონისე ცხადაძის მშობლები დასავლეთიდან იყვნენ ჩამოსულები და არა მარტო ონისეს მშობლები, სხვა ადვოკატებმაც გააჟღერეს, მშობლები, დედმამიშვილები არიან რეგიონებიდან ჩამოსულები და ყოველდღიურად ყოველ პროცესზე ელოდებიან საკუთარი შვილების, ძმების ნახვას", - აცხადებს ონისე ცხადაძის ადვოკატი ლაშა ცუცქირიძე.

პოლიტიკა • 1743604270

გელა ნიკოლაიშვილი საგამოძიებო კომისიაზე: ორი ძირითადი მომენტი გამოიკვეთა - ადამიანის უფლებების დარღვევა და კერძო საკუთრების ხელყოფა. სწორედ ამ მიზეზით „ნაცმოძრაობის“ მიმართ ჩამოყალიბდა შეფასება - „სისხლიანი ცხრა წელი“

ვადევნე თვალყურს საგამოძიებო კომისიის მუშაობას და აქ ორი ძირითადი მომენტი გამოიკვეთა, რისი პრეტენზიაც გვქონდა და დღესაც გვაქვს იმ ხელისუფლებასთან. ადამიანის უფლებების ევროპული სასამართლოს მიერ აღიარებულ და დაცული ღირებულება, ეს არის ადამიანის ღირსების დაცულობა, ადამიანის სიცოცხლის დაცულობა და ამავე დროს, ადამიანის კერძო საკუთრების დაცულობა, რომელიც არის ხელშეუხებელი. სწორედ ამ ორი ღირებულების მასობრივმა შელახვამ გამოიწვია ის, რომ „ნაციონალური მოძრაობის“ მიმართ ჩამოყალიბდა ორ სიტყვიანი შეფასება - სისხლიანი ცხრა წელი, - განაცხადა „დღის ქრონიკასთან“ „ერთიანი ნეიტრალური საქართველოს“ ერთ-ერთმა დამფუძნებელმა, ადვოკატმა გელა ნიკოლაიშვილმა პარლამენტის საგამოძოებო კომისიის სხდომებთან დაკავშირებით.მისი თქმით, „ნაცმოძრაობის“ ხელისუფლების მხრიდან ადგილი ჰქონდა მასობრივ ძალადობას მოსახლეობაზე და ამის კარგი მაგალითია ყოფილი პოლიტპატიმარი გიორგი ზერეკიძე, რომელსაც კომისიამ დღეს მოუსმინა.გელა ნიკოლაიშვილის განცხადებით, გიორგი ზერეკიძის საქმის მსგავსი ბერვი სხვაც იყო თუმცა სხვადასხვა მიზეზების გამო არ გახმაურებულა.„ეს იყო ფაქტობრივად არა მხოლოდ ციხეებში, არამედ გარეთაც, თავისუფლებაში მყოფი ადამიანებისთვის ის შოკური მდგომარეობა ფაქტობრივად, როდესაც ადამიანები მასობრივი მოსმენების თუ მასობრივი მუქარების გამო, იძულებული იყვნენ ტელეფონი ან მეორე ოთახში გაეტანათ ან საერთოდ დაეშალათ. კერძო საკუთრების წართმევაზე, რამდენიმე მაგალითი იყო. მათ შორის ჯემალ ლეონიძის მაგალითი, ხარძიანის მაგალითი, კიდევ სხვა მაგალითები და ალბათ კიდევ იქნება.რაც შეეხება ციხეში და ღირსების შემლახველი მოპყრობის ფაქტებს, რომელიც ძალიან ხშირად მთავრდებოდა სიცოცხლის უფლების შელახვით, ჯანმრთელობის უფლების შელახვით, დაინვალიდებული ადამიანები მრავლად იყვნენ და დღეს ერთ-ერთი მაგალითი იყო სწორედ ზერეკიძის ჩვენება, რომელიც ჩვენ მოვისმინეთ. თვითონ გიორგიმაც თქვა ამ ჩვენების დროს დღეს, რომ „უბრალოდ ჩემი ფაქტი გახმაურდაო და იმიტომ იციანო საზოგადოებამო“, თორემ ამაზე უარესებიც შეიძლება ძალიან ბევრი იყო მაგრამ ბევრი ერიდებოდა იმას, რომ გახმაურებულიყო. იმიტომ, რომ შეიძლება მათი ოჯახის წევრს დამუქრებოდა საფრთხე. შეიძლებოდა კი არა, აუცილებლად დაემუქრებოდა. და უფრო მეტიც, იმ ადამიანების ოჯახებს ემუქრებოდა საფრთხე, ვინც ამას ასაჩივრებდა სტრასბურგის სასამართლოში. ეს თვითონ გიორგის მაგალითზეც იყო და ეს მერე როგორი ტრაგედიით დასრულდა, ჯერ გასაჩივრება და შემდეგ ამ საჩივრის უკან გამოტანა მისი მშობლების მიერ და რანაირად მოხდა ის, რომ შეეწირა ამ ისტორიას მისი მამა 47 წლის ასაკში. არაერთი ასეთი ფაქტი იყო.შემთხვევითი არ იყო ისიც, რომ იმ პერიოდში საქართველომ პირველი ადგილი დაიკავა მსოფლიოში პატიმრების რაოდენობით. 100 000 სულ მოსახლეზე ევროპაში უდავო ლიდერები იყვნენ. და ასევე გარდაცვლილი პატიმრების რაოდენობით, ერთ წელიწადში 145 პატიმარი იყო გარდაცვლი“, - განაცხადა გელა ნიკოლაიშვილმა.