ალექსანდრე დარახველიძე

34 მისამართზე მობილიზებული სპეცრაზმი და 34 დაკავებული - დაკავებულებს შორისაა დედა-შვილი

34 მისამართზე მობილიზებული სპეცრაზმი და 34 დაკავებული - ნარკოდანაშაულის წინააღმდეგ, გუშინ გვიან ღამით, მასშტაბური სპეცოპერაცია ჩატარდა. საპოლიციო ღონისძიებები მთელი ქვეყნის მასშტაბით დილამდე გრძელდებოდა.გამთენიისას დაასრულეს სამართალდამცველებმა საგამოძიებო მოქმედებები დაკავებულების სახლებში. ამოღებულია განსაკუთრებით დიდი ოდენობით ნარკოტიკი. 34 პირიდან უმეტესობა მსხვილი ნარკორეალიზატორია."კურიერის" ინფორმაციით, დაკავებულებს შორისაა დედა-შვილი. სამართალდამცველებმა ერთი ოჯახის წევრები ნარკოტიკული საშუალების შეძენა-შენახვა-რეალიზაციის ფაქტზე დააკავეს. "კურიერის" ინფორმაციითვე, ისინი სისტემატურად ჰყიდდნენ ნარკოტიკს.მასშტაბურ სპეცოპერაციამდე სამართალდამცველებმა ის სქემაც გაშიფრეს, რომლითაც ბრალდებულები ნარკოტიკებს ყიდდნენ. ირკვევა, რომ ისინი ე.წ. დადებისა და ხელიდან ხელში გადაცემის მეთოდით მოქმედებდნენ.ნარკოტიკის გაყიდვის ფაქტს ფარული ვიდეოც ადასტურებს. საკონტროლო შესყიდვის კადრები 34 პირის დაკავებამდეა გადაღებული. მასალაში კარგად ჩანს, როგორ აწვდიან დაფასოებულ ნარკოტიკს მომხმარებლებს და სანაცვლოდ კლიენტისგან თანხას იღებენ.ფარული საგამოძიებო მოქმედებებისა და სპეცოპერაციის დეტალები დღეს შინაგან საქმეთა სამინისტროში განმარტეს. მინისტრის მოადგილემ, ალექსანდრე დარახველიძემ, იმ ნივთმტკიცებებზე გაამახვილა ყურადღება, რომელიც პოლიციელებმა ბოლო 24 საათში სამართალდამცველებმა ნარკოდანაშაულის საქმეზე მოიპოვეს.ჰეროინი, მეტადონი, სუბოქსინი, მარიხუანა და სხვადასხვა დასახელების ნარკოტიკული საშუალებები პოლიციამ სახლების, პირადი და ავტომობილების ჩხრეკისას ამოიღო."კურიერის" ინფორმაციით, ამოღებულ ნარკოტიკულ საშუალებების შორის არის ფენტანილის შემცველი სტიკერები. ნივთიერება სიცოცხლისთვის განსაკუთრებით საშიშია - მცირე დოზამაც კი, შესაძლოა, მომხმარებლის სიკვდილი გამოიწვიოს.სიცოცხლისთვის საშიში ნარკოტიკული საშუალება პოლიციამ 58 წლის მამაკაცის პირადი ჩხრეკისას ამოიღო. "კურიერმა" გაარკვია, რომ მამაკაცმა ნარკოტიკი ინტერნეტით იყიდა, ამანათის ასაღებად მისულს კი ადგილზე სამართალდამცველები დახვდნენ. დაკავების ღონისძიებამდე, პოლიციამ დანაშაულის ფაქტზე ოპერატიული ინფორმაციაც მიიღო. რამდენიმე საათის განმავლობაში მის სახლში საგამოძიებო მოქმედებები მიმდინარეობდა.ფენტანილის შემცველი სტიკერების შეძენა-შენახვისთვის დაკავებული მამაკაცი, ამ ეტაპზე, დუმილის უფლებას იყენებს.ნარკოდანაშაულის საქმეზე დაკავებული 34 პირი ახლა დროებითი მოთავსების იზოლატორშია. უახლოეს საათში მათ ბრალს ოფიციალურად წარუდგენენ. დაკავებულებს შორის არიან როგორც საქართველოს, ასევე უცხო ქვეყნის მოქალაქეები. ნარკოდანაშაულის ფაქტზე პოლიციამ ხელბორკილები ქალებსაც დაადო.ნარკოდანაშაულის წინააღმდეგ საპოლიციო ღონისძიებები, სავარაუდოდ, უახლოეს დღეებში გაგრძელდება. გაიზრდება დაკავებულთა რიცხვიც. შინაგან საქმეთა სამინისტროში ჩატარებულ ბრიფინგზე, ალექსანდრე დარახველიძემ კიდევ ერთხელ განმართა, რომ უწყება ნარკოდანაშაულის წინააღმდეგ ბრძოლას ინტენსიურად აგრძელებს.შინაგან საქმეთა სამინისტროს ინფორმაციით, განსაკუთრებით დიდი ოდენობით ნარკოტიკის გარდა, სამართალდამცველებმა ჩხრეკისას, დიდი რაოდენობით თანხა ამოიღეს, რომელიც შესაძლოა ბრალდებულებმა ნარკოტიკის რეალიზაციისგან მიიღეს. დაკავებულებს, ბრალის დამტკიცების შემთხვევაში, 20 წლამდე ან უვადო პატიმრობა ემუქრებათ.

სამართალი • 1753440150

შსს ფარულ ჩანაწერს აქვეყნებს, რომლის შედეგად 34 პირი დააკავეს - დეტალები

ბოლო 24 საათის განმავლობაში ნარკოდანაშაულის ბრალდებით 34 პირია დაკავებული, მათგან უმეტესობა მსხვილი ნარკორეალიზატორია.როგორც შინაგან საქმეთა სამინისტროში გამართულ ბრიფინგზე მინისრტის მოადგილემ ალექსანდრე დარახველიძემ აღნიშნა, სპეცოპერაცია თბილისსა და რეგიონებში ჩატარდა.„ნარკოტიკების უკანონო ბრუნვისა და გავრცელების წინააღმდეგ უკომპრომისო ბრძოლას შინაგან საქმეთა სამინისტრო, მთელი ქვეყნის მასშტაბით განაგრძობს.გუშინ სამართალდამცველებმა თბილისსა და რეგიონებში კიდევ ერთი წარმატებული საპოლიციო ღონისძიება ჩაატარეს. ბოლო 24 საათის განმავლობაში ნარკოდანაშაულის ბრალდებით დაკავებულია 34 პირი, რომელთა დიდი ნაწილი მსხვილი ნარკორეალიზატორია, ნაწილს კი განსაკუთრებით დიდი ოდენობით ნარკოტიკების უკანონო შეძენა-შენახვა ედება ბრალად. დაკავებულებს შორის არიან როგორც საქართველოს, ასევე, უცხო ქვეყნის მოქალაქეები.სამართალდამცველებმა ნარკოტიკების უკანონო გასაღების ბრალდებით დაკავებული პირებისგან, მოსამართლის განჩინების საფუძველზე, რამდენჯერმე განახორციელეს ნარკოტიკების საკონტროლო შესყიდვა და აღნიშნული შესყიდვების ფარული აუდიო-ვიდეო ჩაწერა.ნარკოდანაშაულის ბრალდებით დაკავებულების პირადი და საცხოვრებელი სახლების ჩხრეკისას, ნივთმტკიცებად ამოღებულია განსაკუთრებით დიდი ოდენობით სხვადასხვა სახის ნარკოტიკული საშუალება, მათ შორის: „ფენტანილი“, „ჰეროინი“, „მეტადონი“, „სუბოქსინი“, „მარიხუანა“ და სხვა.საგამოძიებო მოქმედებების შედეგად, ნივთმტკიცებად, ასევე ამოღებულია დაკავებულების მიერ უკანონოდ გაყიდული ნარკოტიკული საშუალებები, სავარაუდოდ, ნარკოტიკის უკანონო რეალიზაციის შედეგად მიღებული თანხა და არარეგისტრირებული ცეცხლსასროლი იარაღები და საბრძოლო მასალა.გამოძიებით დგინდება, რომ ნარკოდანაშაულისთვის დაკავებული პირები ნარკოტიკების გავრცელებისთვის სხვადასხვა მეთოდს იყენებდნენ, მათ შორის ნარკოტიკული საშუალებების რეალიზაციას ე.წ. ხელიდან ხელში და დადების გასაღების მეთოდით ახდენდნენ.დანაშაული 20 წლამდე ან უვადო თავისუფლების აღკვეთას ითვალისწინებს.აქვე კიდევ ერთხელ ხაზგასმით აღვნიშნავ, რომ ნარკოდანაშაულთან უკომპრომისო ბრძოლა შინაგან საქმეთა სამინისტროს უმთავრეს პრიორიტეტად რჩება. შესაბამისად, პოლიცია კვლავაც ინტენსიურად განაგრძობს ნარკოდანაშაულის წინააღმდეგ კანონმდებლობით განსაზღვრული მკაცრი ღონისძიებების გატარებას.ჩვენი უწყება, ნარკოდანაშაულის წინააღმდეგ ბრძოლის შედეგების შესახებ საზოგადოებას ინფორმაციას პერიოდულად კვლავ მიაწვდის“, - განაცხადა ალექსანდრე დარახველიძემ.

სამართალი • 1753438291

ბრიფინგი შინაგან საქმეთა სამინისტროში

ბოლო 24 საათის განმავლობაში ნარკოდანაშაულის ბრალდებით 34 პირია დაკავებული, მათგან უმეტესობა მსხვილი ნარკორეალიზატორია.როგორც შინაგან საქმეთა სამინისტროში გამართულ ბრიფინგზე მინისტის მოადგილემ ალექსანდრე დარახველიძემ აღნიშნა, სპეცოპერაცია თბილისსა და რეგიონებში ჩატარდა.„ნარკოტიკების უკანონო ბრუნვისა და გავრცელების წინააღმდეგ უკომპრომისო ბრძოლას შინაგან საქმეთა სამინისტრო, მთელი ქვეყნის მასშტაბით განაგრძობს.გუშინ სამართალდამცველებმა თბილისსა და რეგიონებში კიდევ ერთი წარმატებული საპოლიციო ღონისძიება ჩაატარეს. ბოლო 24 საათის განმავლობაში ნარკოდანაშაულის ბრალდებით დაკავებულია 34 პირი, რომელთა დიდი ნაწილი მსხვილი ნარკორეალიზატორია, ნაწილს კი განსაკუთრებით დიდი ოდენობით ნარკოტიკების უკანონო შეძენა-შენახვა ედება ბრალად. დაკავებულებს შორის არიან როგორც საქართველოს, ასევე, უცხო ქვეყნის მოქალაქეები. სამართალდამცველებმა ნარკოტიკების უკანონო გასაღების ბრალდებით დაკავებული პირებისგან, მოსამართლის განჩინების საფუძველზე, რამდენჯერმე განახორციელეს ნარკოტიკების საკონტროლო შესყიდვა და აღნიშნული შესყიდვების ფარული აუდიო-ვიდეო ჩაწერა.ნარკოდანაშაულის ბრალდებით დაკავებულების პირადი და საცხოვრებელი სახლების ჩხრეკისას, ნივთმტკიცებად ამოღებულია განსაკუთრებით დიდი ოდენობით სხვადასხვა სახის ნარკოტიკული საშუალება, მათ შორის: „ფენტანილი“, „ჰეროინი“, „მეტადონი“, „სუბოქსინი“, „მარიხუანა“ და სხვა.საგამოძიებო მოქმედებების შედეგად, ნივთმტკიცებად, ასევე ამოღებულია დაკავებულების მიერ უკანონოდ გაყიდული ნარკოტიკული საშუალებები, სავარაუდოდ, ნარკოტიკის უკანონო რეალიზაციის შედეგად მიღებული თანხა და არარეგისტრირებული ცეცხლსასროლი იარაღები და საბრძოლო მასალა.გამოძიებით დგინდება, რომ ნარკოდანაშაულისთვის დაკავებული პირები ნარკოტიკების გავრცელებისთვის სხვადასხვა მეთოდს იყენებდნენ, მათ შორის ნარკოტიკული საშუალებების რეალიზაციას ე.წ. ხელიდან ხელში და დადების გასაღების მეთოდით ახდენდნენ.დანაშაული 20 წლამდე ან უვადო თავისუფლების აღკვეთას ითვალისწინებს.აქვე კიდევ ერთხელ ხაზგასმით აღვნიშნავ, რომ ნარკოდანაშაულთან უკომპრომისო ბრძოლა შინაგან საქმეთა სამინისტროს უმთავრეს პრიორიტეტად რჩება. შესაბამისად, პოლიცია კვლავაც ინტენსიურად განაგრძობს ნარკოდანაშაულის წინააღმდეგ კანონმდებლობით განსაზღვრული მკაცრი ღონისძიებების გატარებას.ჩვენი უწყება, ნარკოდანაშაულის წინააღმდეგ ბრძოლის შედეგების შესახებ საზოგადოებას ინფორმაციას პერიოდულად კვლავ მიაწვდის“, - განაცხადა ალექსანდრე დარახველიძემ.

სამართალი • 1753092001

გეკა გელაძემ სომეხ კოლეგასთან, სამართალდამცავ უწყებებს შორის მჭიდრო და ეფექტიანი თანამშრომლობის საკითხები განიხილა

საქართველოს შინაგან საქმეთა მინისტრმა, გეკა გელაძემ შეხვედრა გამართა სომხეთის რესპუბლიკის შინაგან საქმეთა მინისტრთან, არპინე სარგსიანთან, რომელიც საქართველოში, დელეგაციასთან ერთად, ოფიციალური ვიზიტით იმყოფება.მხარეებმა ისაუბრეს საქართველოსა და სომხეთის სამართალდამცავ უწყებებს შორის არსებულ მჭიდრო და ეფექტიან თანამშრომლობაზე.შეხვედრისას ყურადღება გამახვილდა მხარეთა შორის გამოცდილებისა და საუკეთესო პრაქტიკის გაზიარების მნიშვნელობაზე.გეკა გელაძემ აღნიშნა, რომ ქართული მხარე მზად არის სომხურ მხარესთან სხვადასხვა მიმართულებით თანამშრომლობის გაფართოებისთვის.სომხეთის რესპუბლიკის შინაგან საქმეთა მინისტრმა არპინე სარგსიანმა ქართველ კოლეგას მადლობა გადაუხადა მასპინძლობისთვის და ქართულ მხარესთან ორი ქვეყნის სამართალდამცავი უწყებების პრიორიტეტულ საკითხებზე აქტიური თანამშრომლობის გაგრძელების მზაობა გამოთქვა.შეხვედრის ფარგლებში, ორი ქვეყნის მინისტრებმა ხელი მოაწერეს შეთანხმებას „საქართველოს მთავრობასა და სომხეთის რესპუბლიკის მთავრობას შორის უნებართვოდ მცხოვრებ პირთა რეადმისიის შესახებ“.აღნიშნული შეთანხმება ხელს შეუწყობს საქართველოსა და სომხეთის რესპუბლიკას შორის თანამშრომლობის გაძლიერებას უკანონო მიგრაციის წინააღმდეგ ეფექტიანი ბრძოლის მიმართულებით.შეხვედრას ასევე ესწრებოდნენ შინაგან საქმეთა მინისტრის მოადგილე ალექსანდრე დარახველიძე, უწყების სხვა ხელმძღვანელი პირები, საქართველოს საგანგებო და სრულუფლებიანი ელჩი სომხეთის რესპუბლიკაში გიორგი შარვაშიძე, სომხეთის რესპუბლიკის ელჩი საქართველოში აშოტ სმბატიანი და საელჩოს წარმომადგენლები.ინფორმაციას საქართველოს შინაგან საქმეთა სამინისტრო ავრცელებს.

პოლიტიკა • 1753089247

საქართველოს ოფიციალური ვიზიტით სომხეთის რესპუბლიკის შინაგან საქმეთა მინისტრი ეწვია

საქართველოს შინაგან საქმეთა მინისტრი გეკა გელაძე სომხეთის რესპუბლიკის შინაგან საქმეთა მინისტრ არპინე სარგსიანს მასპინძლობს, რომელიც ოფიციალური ვიზიტით, დელეგაციასთან ერთად, საქართველოში იმყოფება.ორი ქვეყნის შინაგან საქმეთა მინისტრებმა საქართველოს შინაგან საქმეთა სამინისტროს ტერიტორიაზე მდებარე, სამსახურებრივი მოვალეობის შესრულების დროს დაღუპული პოლიციელების მემორიალი გვირგვინით შეამკეს.ღონისძიებას სომხეთის რესპუბლიკის ელჩი საქართველოში აშოტ სმბატიანი, საელჩოს წარმომადგენლები, დელეგაციის წევრები, ასევე, შინაგან საქმეთა მინისტრის მოადგილე ალექსანდრე დარახველიძე და უწყების სხვა ხელმძღვანელი პირები დაესწრნენ.ოფიციალური ვიზიტის ფარგლებში არპინე სარგსიანი საქართველოს პრემიერ-მინისტრ ირაკლი კობახიძეს შეხვდება.ამასთან, ორი ქვეყნის შინაგან საქმეთა მინისტრები ხელს მოაწერენ „საქართველოს მთავრობასა და სომხეთის რესპუბლიკის მთავრობას შორის უნებართვოდ მცხოვრებ პირთა რეადმისიის შესახებ“ შეთანხმებას.სომხეთის რესპუბლიკის შინაგან საქმეთა მინისტრი ორდღიანი ვიზიტის ფარგლებში, ასევე ეწვევა საქართველოს შინაგან საქმეთა სამინისტროს საზოგადოებრივი უსაფრთხოების მართვის ცენტრ 112-ს, შინაგან საქმეთა სამინისტროს აკადემიას, საპატრულო პოლიციის დეპარტამენტს, მომსახურების სააგენტოს და მათ საქმიანობას გაეცნობა.

სამართალი • 1752910835

ალექსანდრე დარახველიძემ ავსტრიის რესპუბლიკის პოლიციის ახლად დანიშნულ მეკავშირე ოფიცერთან გაცნობითი ხასიათის შეხვედრა გამართა

საქართველოს შინაგან საქმეთა მინისტრის მოადგილემ, ალექსანდრე დარახველიძემ, საქართველოში ავსტრიის რესპუბლიკის პოლიციის ახლად დანიშნულ მეკავშირე ოფიცერთან, ჰარალდ მიულებნერთან გაცნობითი ხასიათის შეხვედრა გამართა. მინისტრის მოადგილემ მეკავშირე ოფიცერს, თანამდებობაზე დანიშვნა მიულოცა და სამომავლო საქმიანობაში წარმატებები უსურვა.შეხვედრის ფარგლებში, ავსტრიის რესპუბლიკის პოლიციის ახალმა მეკავშირე ოფიცერმა ხაზი გაუსვა ორი ქვეყნის სამართალდამცავი უწყებების წარმატებული თანამშრომლობის მნიშვნელობას და იმედი გამოთქვა, რომ აღნიშნული ურთიერთობები ერთობლივი ძალისხმევით კიდევ უფრო გაღრმავდება.შეხვედრის ფარგლებში ალექსანდრე დარახველიძემ, ახლად დანიშნული მეკავშირე ოფიცრის წინამორბედი, გერალდ ჰორმანი საქართველოს შინაგან საქმეთა სამინისტროსა და ავსტრიის რესპუბლიკის შინაგან საქმეთა ფედერალურ სამინისტროს შორის სამართალდაცვით სფეროში მჭიდრო თანამშრომლობის ეფექტიანად განხორციელებაში მნიშვნელოვანი წვლილის შეტანისათვის „მადლობის სიგელით“ დააჯილდოვა.შეხვედრას ასევე ესწრებოდნენ საქართველოს შინაგან საქმეთა სამინისტროს ცენტრალური კრიმინალური პოლიციის დეპარტამენტის, საერთაშორისო ურთიერთობების დეპარტამენტისა და საპატრულო პოლიციის დეპარტამენტის ხელმძღვანელი პირები. შეხვედრის ფარგლებში, მხარეებმა ასევე განიხილეს საქართველოსა და ავსტრიის სამართალდამცავ უწყებებს შორის თანამშრომლობის სამომავლო გეგმები.

სამართალი • 1752820743

შინაგან საქმეთა მინისტრი სახალხო დამცველს შეხვდა

შინაგან საქმეთა მინისტრმა გელა გელაძემ სახალხო დამცველთან, ლევან იოსელიანთან გაცნობითი შეხვედრა გამართა.შინაგან საქმეთა სამინისტროს ცნობით, შეხვედრაზე ადამიანის უფლებების დაცვის კუთხით ქვეყანაში არსებული ვითარება განიხილეს.„გელა გელაძემ ხაზი გაუსვა სახალხო დამცველის ინსტიტუტის საქმიანობის მნიშვნელობას და აღნიშნა, რომ ადამიანის უფლებების დაცვის სტანდარტის კიდევ უფრო გაუმჯობესების მიზნით, მნიშვნელოვანია ორ ინსტიტუციას შორის თანამშრომლობის გაღრმავება. მინისტრის თქმით, ადამიანის უფლებებისა და მათი უსაფრთხოების დაცვა სამინისტროსთვის პრიორიტეტულ საკითხს წარმოადგენს.თავის მხრივ, ლევან იოსელიანი მინისტრს სახალხო დამცველის ინსტიტუტის საქმიანობის ძირითად მიმართულებებზე ესაუბრა და პარტნიორობის კიდევ უფრო მეტად გაღრმავების მზაობა გამოთქვა.შეხვედრას შინაგან საქმეთა მინისტრის პირველი მოადგილე, როლანდ მესხი, მოადგილეები ალექსანდრე დარახველიძე და შალვა თადუმაძე დაესწრნენ“,-აღნიშნულია ინფორმაციაში.

სამართალი • 1752578760

ალექსანდრე დარახველიძე რუსეთიდან დეპორტირებულ უკრაინის მოქალაქეებზე: ჩადენილი აქვთ დანაშაული, მათ შორის, საკმაოდ მძიმე და განსაკუთრებით მძიმე დანაშაულები. შესაბამისად, არ ხდება ამ პირების შემოშვება ქვეყნის საზღვარზე

მათი საკითხის შესწავლის შემდეგ გამოიკვეთა, რომ ჩადენილი აქვთ დანაშაული, მათ შორის, საკმაოდ მძიმე და განსაკუთრებით მძიმე დანაშაულები, - განაცხადა საქართველოს შინაგან საქმეთა მინისტრის მოადგილე ალექსანდრე დარახველიძემ რუსეთიდან დეპორტირებულ უკრაინის მოქალაქეებზე.მისივე თქმით, შესაბამისად არ ხდება ამ პირების შემოშვება ქვეყნის საზღვარზე.„მათი საკითხის შესწავლის შემდეგ გამოიკვეთა, რომ ჩადენილი აქვთ დანაშაული. მათ შორის, საკმაოდ მძიმე და განსაკუთრებით მძიმე დანაშაულები. შესაბამისად, არ ხდება ამ პირების შემოშვება ქვეყნის საზღვარზე. აქტიურ რეჟიმში მიმდინარეობს მოლაპარაკებები უკრაინული მხარის მხრიდან მოლდოვის რესპუბლიკასთან, ვინაიდან სახმელეთო საზღვრით არის შესაძლებელი ამ პირების დაბრუნება. ბოლო პერიოდში 40-მდე პირი მსგავსი გზით უკვე დაბრუნდა უკრაინის რესპუბლიკაში, თუმცა ბოლო პერიოდში გარკვეულწილად შეჩერდა ეს პროცესი. როგორც ჩვენთვის ცნობილია და როგორც უკრაინული მხარე აცხადებს, მოლდოვური მხარე არის წინააღმდეგი, რომ გაატაროს ეს პირები, თუმცა გრძელდება მათთან მოლაპარაკებები. როგორც კი იქნება მათი მხრიდან შეთანხმება მიღწეული, საქართველო იღებს პასუხისმგებლობას, რომ ხელი შეუწყოს დარიალის სასაზღვრო-გამშვებ პუნქტზე მყოფ უკრაინის მოქალაქეებს, რომ დაბრუნდნენ ისინი სამშობლოში“, - აღნიშნა ალექსანდრე დარახველიძემ.ცნობისთვის, „ბიბისიმ“ გაავრცელა ცნობა, რომ მოლდოვამ უარი განაცხადა რუსეთის მიერ დეპორტირებული უკრაინის მოქალაქეების გატარებაზე.

სამართალი • 1752390815

შინაგან საქმეთა მინისტრმა, გეკა გელაძემ კახეთის რეგიონში სამუშაო შეხვედრები გამართა

შინაგან საქმეთა მინისტრმა, გეკა გელაძემ კახეთის რეგიონში სამუშაო შეხვედრები გამართა.გეკა გელაძე კახეთის პოლიციის დეპარტამენტის ხელმძღვანელ პირებსა და თანამშრომლებს შეხვდა.შინაგან საქმეთა მინისტრმა კახეთის რეგიონში დანაშაულთან ბრძოლისა და საპოლიციო პრევენციული ღონისძიებების შესახებ მიიღო ინფორმაცია.საუბარი, ასევე, შეეხო რეგიონში დანაშაულის სტატისტიკას და გახსნის მაჩვენებელს.შინაგან საქმეთა მინისტრი კახეთის რეგიონში განთავსებულ სამინისტროს სხვა დანაყოფებსა და სტრუქტურულ ერთეულებსაც ეწვია. გეკა გელაძე თანამშრომლებს გაესაუბრა, მათი სამუშაო სივრცეები, ტექნიკა და აღჭურვილობა დაათვალიერა.მინისტრმა თანამშრომლებს გაწეული ეფექტიანი საქმიანობისთვის მადლობა გადაუხადა.კახეთის რეგიონში გამართულ სამუშაო შეხვედრებს, ასევე, ესწრებოდნენ შინაგან საქმეთა მინისტრის პირველი მოადგილე როლანდ მესხი, მოადგილეები - მარიამ ტაბატაძე, შალვა თადუმაძე, გიორგი ბუთხუზი და ალექსანდრე დარახველიძე.

სამართალი • 1751798088

სამართალდამცველებმა საპოლიციო ღონისძიების შედეგად ბათუმში განსაკუთრებით დიდი ოდენობით ნარკოტიკული საშუალებები ამოიღეს

შინაგან საქმეთა სამინისტროს თანამშრომლების მიერ ჩატარებული კიდევ ერთი საპოლიციო ღონისძიების შედეგად, გვიან ღამით, აჭარის რეგიონში, ქალაქ ბათუმში, ამოღებულია განსაკუთრებით დიდი ოდენობით ნარკოტიკული საშუალებები – 3 კილოგრამამდე „კოკაინი”, 13 000-მდე „ექსტაზის” აბი და განსაკუთრებით დიდი ოდენობით ნარკოტიკული საშუალება „ჰეროინი“. ინფორმაციას შსს ავრცელებს.აღნიშნული ნარკოტიკული საშუალებების რეალიზაცია, სავარაუდოდ ბათუმში არსებულ სხვადასხვა ღამის კლუბში იგეგმებოდა, რაც გამოუსწორებელ ზიანს მოუტანდა ადამიანების და განსაკუთრებით კი ახალგაზრდების ჯანმრთელობასა და სიცოცხლეს.აჭარის პოლიციის დეპარტამენტის ბათუმის საქალაქო სამმართველოს თანამშრომლებმა, ოპერატიული ღონისძიებებისა და საგამოძიებო მოქმედებების შედეგად, განსაკუთრებით დიდი ოდენობით ნარკოტიკული საშუალებების უკანონო შეძენა-შენახვისა და ნარკოდანაშაულში დახმარების ფაქტებზე ბელარუსის ორი მოქალაქე, 2000 წელს დაბადებული რ.ს. და 2004 წელს დაბადებული მ.ვ. დააკავეს.დანაშაული 20 წლამდე, ან უვადო თავისუფლების აღკვეთას ითვალისწინებს.„შინაგან საქმეთა სამინისტრო აქტიურად აგრძელებს შესაბამის კომპლექსურ საგამოძიებო მოქმედებებს, აღნიშნული ნარკოდანაშაულის ფაქტთან შესაძლო კავშირში მყოფი სხვა პირების დადგენისა და სისხლის სამართლის პასუხისგებაში მიცემის მიზნით.გამოძიება სისხლის სამართლის კოდექსის 260-ე და 18-260-ე ტერცია მუხლით მიმდინარეობს.შინაგან საქმეთა სამინისტრო მთელი ქვეყნის მასშტაბით განაგრძობს ნარკოტიკების უკანონო ბრუნვისა და გავრცელების წინააღმდეგ უკომპრომისო ბრძოლას და ნარკოდანაშაულში ბრალდებული პირების მიმართ, კანონით განსაზღვრული უმკაცრესი ზომების გატარებას. ჩვენი უწყება, ნარკოდანაშაულის წინააღმდეგ ბრძოლის შედეგების შესახებ საზოგადოებას ინფორმაციას პერიოდულად კვლავ მიაწვდის", - განაცხადა შსს-ში გამართულ ბრიფინგზე მინისტრის მოადგილემ ალექსანდრე დარახველიძემ.

საზოგადოება • 1751197643

შსს-ში შიდა საფეხბურთო ტურნირი გაიმართა

შინაგან საქმეთა სამინისტროში შიდა საფეხბურთო ტურნირი გაიმართა, რომელშიც სამინისტროს სხვადასხვა სტრუქტურული დანაყოფის გუნდები მონაწილეობდნენ. ფინალურ მატჩში ერთმანეთს საგანგებო სიტუაციების მართვის სამსახურისა და დაცვის პოლიციის დეპარტამენტის გუნდები დაუპირისპირდნენ.დაძაბულ მატჩში, საგანგებო სიტუაციების მართვის სამსახურის გუნდმა გამარჯვება მოიპოვა და უკვე ზედიზედ მესამედ ჩემპიონი გახდა. მატჩის ბოლოს, შინაგან საქმეთა მინისტრმა, გეკა გელაძემ ტურნირისთვის სპეციალურად განკუთვნილი თასი გამარჯვებულ გუნდს გადასცა, ხოლო გუნდის ფეხბურთელები - მედლებით დააჯილდოვა. მინისტრმა სპეციალური პრიზი გადასცა ტურნირის ბომბარდირს - ლაშა კობახიძეს, რომელმაც ტურნირის განმავლობაში, მეტოქის კარში 18 გოლის გატანა შეძლო.მეორე და მესამე ადგილზე გასული დაცვის პოლიციის და საპატრულო პოლიციის დეპარტამენტის გუნდის მოთამაშეები, შინაგან საქმეთა მინისტრის მოადგილემ - ალექსანდრე დარახველიძემ და დაცვის პოლიციის დეპარტამენტის თავმჯდომარემ - თეიმურაზ კუპატაძემ მედლებით დააჯილდოვეს.შინაგან საქმეთა სამინისტროში საფეხბურთო ტურნირი, ტრადიციულად, ყოველ წელს იმართება, რომელიც მიზნად ისახავს უწყების თანამშრომლებს შორის ჯანსაღი ცხოვრების წესის პოპულარიზაციას.

სამართალი • 1751094553

შინაგან საქმეთა მინისტრმა გურიასა და სამეგრელოში სამუშაო შეხვედრები გამართა

შინაგან საქმეთა მინისტრმა გეკა გელაძემ გურიასა და სამეგრელოში სამუშაო შეხვედრები გამართა. ინფორმაციას შსს ავრცელებს.მინისტრმა პირველ მოადგილესთან როლანდ მესხთან ერთად, გურიისა და სამეგრელო-ზემო სვანეთის პოლიციის დეპარტამენტების, ასევე საპატრულო პოლიციის დეპარტამენტების დანაყოფების ხელმძღვანელ პირებთან სამუშაო შეხვედრები გამართა.გეკა გელაძე გურიასა და სამეგრელოს რეგიონში განთავსებულ სამინისტროს სხვა სტრუქტურულ დანაყოფებსაც ეწვია, მინისტრმა დაცვის პოლიციის, საგანგებო სიტუაციების მართვის სამსახურის და ასევე სასაზღვრო პოლიციის სანაპირო დაცვის დეპარტამენტის სამუშაო სივრცეები, ტექნიკა და აღჭურვილობა დაათვალიერა. სამუშაო შეხვედრებს ასევე ესწრებოდნენ, შინაგან საქმეთა მინისტრის მოადგილეები - ალექსანდრე დარახველიძე, მარიამ ტაბატაძე, შალვა თადუმაძე და გიორგი ბუთხუზი. მინისტრმა რეგიონის პოლიციის დეპარტამენტის ხელმძღვანელი პირებისგან მათ სამოქმედო ტერიტორიაზე დანაშაულთან ბრძოლისა და საპოლიციო პრევენციული ღონისძიებების შესახებ დეტალური ინფორმაცია მოისმინა.შეხვედრაზე ასევე, საუბარი შეეხო რეგიონში დანაშაულის სტატისტიკას და გახსნის მაჩვენებელს. გეკა გელაძემ სამუშაო შეხვედრაზე, ყურადღება გაამახვილა სამინისტროს პრიორიტეტულ მიმართულებებზე და თანამშრომლებს გაწეული ეფექტიანი საქმიანობისთვის მადლობა გადაუხადა.