პოლიტიკა • 1765016319

მერამდენედ უნდა დადასტურდეს, რომ „ნაციონალური მოძრაობა“ ფინანსდება გარედან და ემორჩილება გარე დაკვეთებს. ესენი, თავის ლობისტებთან ერთად, არიან მავნებლები და მათი საფუძველი არის ტყუილი და დეზინფორმაცია - დიმიტრი ხუნდაძე

უკვე მერამდენედ უნდა დადასტურდეს, რომ რადიკალური ოპოზიცია, ძირითადად „ნაციონალური მოძრაობა“ ფინანსდება გარედან და ემორჩილება გარე დაკვეთებს საკუთარი ქვეყნისა და საზოგადოების წინააღმდეგ, - განაცხადა საპარლამენტო პოლიტიკური ჯგუფის „ხალხის ძალის“ ლიდერმა, დიმიტრი ხუნდაძემ აშშ-ის იუსტიციის დეპარტამენტის უცხოელი აგენტების რეესტრის გვერდზე გამოქვეყნებულ დოკუმენტზე საუბრისას, რომლითაც ცნობილი გახდა, რომ „ნაციონალური მოძრაობა“, ლობისტური ჯგუფის საშუალებით, პიარ კამპანიას აწარმოებს 2025 წლის ივლისიდან დღემდე.ხუნდაძის თქმით, საზოგადოებამ კარგად იცის, რომ „ნაციონალური მოძრაობა“ თავის ლობისტებთან ერთად, არიან მავნებლები და მათი საფუძველი არის ტყუილი და დეზინფორმაცია.„ამერიკის შეერთებული შტატების დეპარტამენტის აგენტების რეესტრის გვერდზე გამოქვეყნდა, რომ „ნელსონ მალინსი“, არის ასეთი ლობისტური კომპანია, რომელიც დაქირავებული ჰყავდა „ნაციონალურ მოძრაობას“ და მისი დაკვეთით ახდენდა დესტრუქციას სხვადასხვა ტელევიზიებთან, სხვადასხვა მედიასაშუალებებთან. მე ვფიქრობ, BBC-იც არის ამ პროექტის ერთ-ერთი შემადგენელი, რომ BBC-მ მტრობის სტიმულირებისთვის შემოაგდო თემა, მაგრამ როგორც ხედავთ მავნებლობა შიშვლდება ისევე, როგორც მათი ძირითადი მტკიცებულების ობიექტი-თუთიყუში. ასე რომ, ტყუილს აქვს მოკლე ფეხები და ასეთი მექანიზმებით უკვე შეუძლებელია, რომ საზოგადოების აზრი შეცვალოს. საზოგადოებამ კარგად იცის, რომ ესენი თავის ლობისტებთან ერთად არიან მავნებლები და მათი საფუძველი არის ტყუილი და დეზინფორმაცია“, - განაცხადა დიმიტრი ხუნდაძემ.

პოლიტიკა • 1764925980

დიმიტრი ხუნდაძე: მჯერა, რომ ევროპაში თავად ამომრჩეველი შეცვლის პოლიტიკურ ელიტას და 2030 წლისთვის ჭეშმარიტი ევროპული ღირებულებები გაიმარჯვებს

საპარლამენტო პოლიტიკური ჯგუფის "ხალხის ძალის" ლიდერი დიმიტრი ხუნდაძე ევროპული ღირებულებების გაუფასურებასა და საქართველოსა და ევროპის ურთიერთობებს მედიასთან ეხმიანება.„ევროპაში ჭეშმარიტი ევროპული ღირებულებების გამარჯვებას სჭირდება პოლიტიკური ლიდერები, რომლებიც თავს დააღწევენ ამ მორჩილებას. იქნებიან, არა შუალედური რგოლი, რომელიც მათ თავზე დაკიდებულ მახვილს სხვა ქვეყნების წინააღმდეგ გამოიყენებს, არამედ თავად დააღწევენ ამ მახვილს თავს და ეცდებიან, რომ დემოკრატიული ხარისხი ევროპაში ისევ დაუბრუნდეს იმ ნიშანს, რის გამოც ყოველთვის მიმზიდველი იყო ევროპა“, - განაცხადა დეპუტატმა და აღნიშნა, ახლანდელი ევროპა საბჭოთა კავშირს ემსგავსება და კარგად მიმზიდველობას.„რთულია იმის პროგნოზირება თუ რა იქნება 2030 წლისთვის ბრიუსელში, გამომდინარე იქიდან, რომ „დიფ სთეითი“, რომლის გავლენის ქვეშაც ევროპაა, საკმაოდ ძლიერია. დღეს „დიფ სთეითი“ პრობლემაა არა მხოლოდ ევროპისთვის, არამედ ამერიკისთვისაც. გახსოვთ ალბათ, ტრამპი თავად ამბობდა - ან ჩვენ "დიფ სთეითს" დავამარცხებთ, ან ამერიკა უფრო დიდი პრობლემის წინაშე აღმოჩნდებაო. რთულია პროგნოზირება, თუმცა სხვადასხვა თემების აქტუალიზაცია და ევროპელი საზოგადოება მიტოვებს იმედს, რომ ევროპაში თავად ამომრჩეველი შეცვლის პოლიტიკურ ელიტას და ჭეშმარიტი ევროპული ღირებულებები გაიმარჯვებს, ყველაფერი ჩადგება თავის კალაპოტში, მაგრამ ეს რთულად მისაღწევია და თავისთავად არ მოხდება. ამას სჭირდება პოლიტიკური ლიდერები, რომლებიც თავს დააღწევენ ამ მორჩილებას. იქნებიან, არა შუალედური რგოლი, რომელიც მათ თავზე დაკიდებულ მახვილს სხვა ქვეყნების წინააღმდეგ გამოიყენებს, არამედ თავად დააღწევენ ამ მახვილს თავს და ეცდებიან, რომ დემოკრატიული ხარისხი ევროპაში ისევ დაუბრუნდეს იმ ნიშანს, რის გამოც ყოველთვის მიმზიდველი იყო ევროპა. საქართველოც სწორედ ამიტომ ისწრაფოდა მათკენ და დღეს კიდევ რჩება იმედად, რომ მოხდება ჭეშმარიტი ევროპული ღირებულებების რეაბილიტაცია, რაც აუცილებელია იმისთვის, რომ ვიყოთ რეალობაზე დაფუძნებული ოპტიმისტები.დღევანდელი ევროკავშირი დაემსგავსა საბჭოთა კავშირს, რაც მიმზიდველი ვერანაირ შემთხვევაში ვერ იქნება და ვერ დააინტერესებს ვერც ერთ სხვა ქვეყანას“, - განაცხადა დიმიტრი ხუნდაძემ.

პოლიტიკა • 1764084431

დიმიტრი ხუნდაძე ერთსქესიანთა ქორწინების შესახებ ევროკავშირის მართლმსაჯულების სასამართლოს გადაწყვეტილებაზე: ეს არის ჰიბრიდული ომის ფორმა, რათა მოსახლეობა აქციონ ადვილად მართვად ბიომასად

საქართველოს კონსტიტუციაში მკაცრადაა დაფიქსირებული ოჯახის განსაზღვრება - ქალისა და მამაკაცის კავშირი ოჯახის შექმნის მიზნით. სხვა სამართლებრივ ფორმას საქართველოს კონსტიტუცია და კანონმდებლობა არ ცნობს და არც უნდა ცნობდეს, - განაცხადა „ხალხის ძალის“ გენერალურმა მდივანმა, საპარლამენტო პოლიტიკური ჯგუფის „ხალხის ძალის“ თავმჯდომარემ დიმიტრი ხუნდაძემ ევროკავშირის მართლმსაჯულების სასამართლოს გადაწყვეტილებაზე ერთსქესიანთა ქორწინების შესახებ საკითხის კომენტირებისას.მისი თქმით, ერთსქესიანთა ქორწინების აღიარება არის ჰიბრიდული ომის ნაწილი, რათა მოსახლეობა იქცეს ბიომასად და მათი მართვა გამარტივდეს.„ჩვენ არაერთხელ ვყოფილვართ იმის მომსწრე, რომ გარკვეულ საფრთხეებს ვაფიქსირებდით, რასაც ჯერ უარყოფდნენ და შემდეგ ეს მათი განცხადებებითა და ქმედებებით დასტურდებოდა. ეს არის სწორედ ის, რასაც ვეწინააღმდეგებით და რაც საფრთხეს წარმოადგენს ქვეყნისათვის.საქართველოს კონსტიტუციაში მკაცრადაა დაფიქსირებული ოჯახის განსაზღვრება - ქალისა და მამაკაცის კავშირი ოჯახის შექმნის მიზნით. სხვა სამართლებრივ ფორმას საქართველოს კონსტიტუცია და კანონმდებლობა არ ცნობს და არც უნდა ცნობდეს, იმიტომ, რომ ეს არის გარკვეული ფორმა ჰიბრიდული ომის და მცდელობა იმის, რომ მოსახლეობა აქციონ ბიომასად, რათა შემდგომ ის იოლად მართვადი გახდეს. მოსახლეობა დაცლილი იყოს მორალისგან, ზნეობისგან, ოჯახური ფასეულობებისაგან, ტრადიციებისაგან. სწორედ ეს არის ბრძოლის მეთოდი, რაც დღეს, სამწუხაროდ, დასავლეთისგანაა შემოთავაზებული,“ - განაცხადა დიმიტრი ხუნდაძემ.შეგახსენებთ, რომ ევროკავშირის მართლმსაჯულების სასამართლოს გადაწყვეტილებით, ევროკავშირის ქვეყნებმა უნდა აღიარონ ერთნაირი სქესის მოქალაქეებს შორის ქორწინება, რომელიც კანონიერად არის გაფორმებული სხვა წევრ სახელმწიფოში.

ჯანდაცვა • 1763625509

დემოგრაფიული პოლიტიკისა და მრავალშვილიანი ოჯახების სოციალური მდგომარეობის გაუმჯობესების მიზნით, სამუშაო შეხვედრა გაიმართა

დემოგრაფიული პოლიტიკისა და მრავალშვილიანი ოჯახების სოციალური მდგომარეობის გაუმჯობესების მიზნით, სამუშაო შეხვედრა გაიმართა - აღმასრულებელი და საპარლამენტო ხელისუფლების წარმომადგენლებმა, ამ მიმართულებით არსებული მდგომარეობა შეაფასეს და სამომავლო გეგმები განიხილეს.ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრმა დემოგრაფიული პოლიტიკის ფარგლებში მოქმედ, სახელმწიფო პროგრამებზე ისაუბრა. როგორც მიხეილ სარჯველაძემ აღნიშნა, მიმდინარე პროგრამები მიმართულია ოჯახების სოციალური და ეკონომიკური მდგომარეობის გაუმჯობესებისკენ, რაც დემოგრაფიული გარემოს გაჯანსაღების ერთ-ერთი წინაპირობაა. მინისტრის განცხადებით, საჭიროა კიდევ უფრო თანმიმდევრული და გრძელვადიანი პოლიტიკა, რომელიც ოჯახების ინსტიტუტის გაძლიერებას, სტაბილური მხარდაჭერის მექანიზმების გაფართოებასა და მოსახლეობის კეთილდღეობის მდგრად ზრდას უზრუნველყოფს.როგორც მონაწილეებმა აღნიშნეს, დემოგრაფიული გამოწვევის წინაშე, დღეს, თითქმის მთელი მსოფლიო, განსაკუთრებით კი განვითარებული ქვეყნები დგანან. მხარეებმა იმსჯელეს არსებული გლობალური ტენდენციების გავლენასა და იმ კონკრეტულ ნაბიჯებზე, რომელიც საქართველოში უნდა გადაიდგას. ასევე, განიხილეს გამოწვევების გადაჭრის პრაქტიკული მექანიზმები.დისკუსიის შედეგად, განისაზღვრა ის ძირითადი მიმართულებებიც, რომლებიც დემოგრაფიული პოლიტიკის კიდევ უფრო ეფექტიან განხორციელებას შეუწყობს ხელს.ღონისძიება საქართველოს პარლამენტის ჯანმრთელობის დაცვისა და სოციალურ საკითხთა კომიტეტის, ქალთა და ბავშვთა საკითხებზე მომუშავე დროებითი საპარლამენტო კომისიისა და საპარლამენტო პოლიტიკური ჯგუფ „ხალხის ძალის“ ორგანიზებით გაიმართა.შეხვედრაში საქართველოს პარლამენტის ჯანმრთელობის დაცვისა და სოციალურ საკითხთა კომიტეტის თავმჯდომარე ზაზა ლომინაძე, პოლიტიკური ჯგუფის „ხალხის ძალის“ თავმჯდომარე დიმიტრი ხუნდაძე, ქალთა და ბავშვთა საკითხებზე მომუშავე დროებითი საპარლამენტო კომისიის თავმჯდომარე მარიამ ლაშხი, აჭარის ჯანმრთელობისა და სოციალური დაცვის მინისტრი ნინო ნიჟარაძე, ასევე, აღმასრულებელი და საპარლამენტო ხელისუფლების სხვა წარმომადგენლები მონაწილეობდნენ.

პოლიტიკა • 1763195722

"ერვოლიბერალებმა ჯობია საკუთარ საზოგადოებას მოუსმინონ და შემდეგ ასწავლონ ჭკუა სხვა ქვეყნის ხელისუფლებებს" - დიმიტრი ხუნდაძე IPSOS-ის კვლევაზე

დეზინფორმაცია, კორუფცია, მთავრობის არასაკმარისი ანგარიშვალდებულება, IPSOS-ის კვლევა აჩვენებს, რომ დასავლეთის ქვეყნებში ამომრჩევლები შეშფოთებულები არიან დემოკრატიის წინ მდგარი საფრთხეებით. წამყვანი მარკეტინგული ორგანიზაციის კვლევა, რომელიც გამოცემა Politico-მ გამოაქვეყნა, ისევ პოლიტიკური შეფასებების თემაა."IPSOS-ის კვლევამ დაადასტურა ის, რასაც ჩვენ კვლევამდე ვსაუბრობდით, რომ დასავლეთში თავად საზოგადოებაა წინააღმდეგი იმ პოლიტიკის, რასაც მათი მთავრობები ატარებენ ბოლო პერიოდში. მზარდია საზოგადოებაში უკმაყოფილება. ისინი მიიჩნევენ, რომ მათი ხელისუფლებები მათ ინტერესებს ვერ იცავენ - ისინი უყურებენ კორუფციას, ისმენენ დეზინფორმაციას და დემოკრატიის სიმცირის ხარისხი მათთვის თვალშისაცემია. ვფიქრობ, ერვოლიბერალებმა ჯობია საკუთარ საზოგადოებას მოუსმინონ და შემდეგ ასწავლონ ჭკუა სხვა ქვეყნის ხელისუფლებებს და მათ ხალხზე ზეწოლის მოხდენისაგან თავი შეიკავონ," - აცხადებს "ხალხის ძალის" წევრი, დიმიტრი ხუნდაძე,შეგახსენებთ, რომ ჩატარებულმა გამოკითხვამ, რომელიც 9 ქვეყანაში, მათ შორის, ევროკავშირის შვიდ სახელმწიფოში, დიდ ბრიტანეთსა და აშშ-ში ჩატარდა, გაირკვა, რომ ამომრჩეველთა, დაახლოებით, ნახევარი უკმაყოფილოა იმით, თუ როგორ მუშაობს დემოკრატია და ფიქრობს, რომ მომავალი 5 წლის განმავლობაში საფრთხე უფრო გაიზრდება.ყველა ქვეყანაში, სადაც გამოკითხვა ჩატარდა, მოსახლეობის უმრავლესობა მიიჩნევს, რომ ადგილობრივი მთავრობები, მათ შეხედულებებს სათანადოდ არ წარმოაჩენენ.

პოლიტიკა • 1762513606

დიმიტრი ხუნდაძე ცალკეული ოპოზიციონერი ლიდერების მიმართ სამართლებრივი დევნის დაწყების შესახებ: საბოლოო გადაწყვეტილებას, ასევე, ვის რა წილი დანაშაული მიუძღვის ამ საქმეში, მიიღებს სასამართლო

საქართველოს კონსტიტუციური წყობილების ძალადობით შეცვლისაკენ, ან სახელმწიფო ხელისუფლების დამხობისაკენ მოწოდების ბრალდებით, ცალკეული ოპოზიციონერი ლიდერების მიმართ სამართლებრივი დევნის დაწყების შესახებ, მედიასთან ისაუბრა საპარლამენტო პოლიტიკური ჯგუფ „ხალხის ძალის“ თავმჯდომარემ დიმიტრი ხუნდაძემ.დეპუტატის თქმით, საქმეზე საბოლოო გადაწყვეტილებას, ასევე, ვის რა წილი დანაშაული მიუძღვის ამ საქმეში, სასამართლო მიიღებს.„ის, რაც პროკურატურის ბრიფინგზე მოვისმინეთ, ნანახი გვაქვს პირდაპირ ეთერებშიც. ვნახეთ, საკანონმდებლო ორგანოს შენობაზე და პრეზიდენტის სასახლეზე შტურმის მცდელობა, „მოლოტოვის კოქტეილების“ გამოყენება, პოლიციელების ცოცხლად დაწვის მცდელობა. საგარეო ფრონტზე კი ცალკე ხაზი ჰქონდათ გახსნილი - თითქოს საქართველო იყო შავი ხვრელი, არადა, შესაბამისი კომპეტენტური, მათ შორის, უცხოელი პარტნიორების მხრიდან დადებითი შეფასება გვქონდა - არავითარი შავი ხვრელი საქართველოში არ ფიქსირდებოდა. იყო სანქციებთან მიერთების მცდელობა, განცხადებები და რეზოლუციები, რომელსაც საქართველოდან ამარაგებდა აგენტურა, რომელიც მოუწოდებდა საზოგადოებას, ცალ ფეხზე მდგარიყო. ეს არის მტრული დამოკიდებულება, მაგრამ სამართლებრივი შეფასება უნდა გააკეთოს შესაბამისმა უწყებებმა. საბოლოო გადაწყვეტილებას, ასევე, ვის რა წილი დანაშაული მიუძღვის ამ საქმეში, მიიღებს სასამართლო,“ - განაცხადა დიმიტრი ხუნდაძემ.

პოლიტიკა • 1762509767

დიმიტრი ხუნდაძე მიხეილ სააკაშვილის წერილზე: მისგან შეურაცხყოფასა და დანაშაულებს უკვე მივეჩვიეთ - სწორედ ამის გამო იხდის ის სასჯელს

„არავითარი ორი საქართველო არ არსებობს - ეს დასტურდება არჩევნებით და ეს დასტურდება ქუჩაშიც, სადაც მხოლოდ რამდენიმე ადამიანი ცდილობს რუსთაველის გამზირის საავტომობილო გზის გადაკეტვას და ამით საქართველოს პერსპექტივის შეჩერებას, იმ ფონზე, რომ პარალელურად, მათი ლიდერები ქართულ საზოგადოებას ცალ ფეხზე დგომისკენ მოუწოდებენ“, - ასე გამოეხმაურა საპარლამენტო პოლიტიკური ჯგუფ „ხალხის ძალის“ თავმჯდომარე დიმიტრი ხუნდაძე მედიასთან საქართველოს ყოფილი პრეზიდენტის, მიხეილ სააკაშვილის წერილს ციხიდან, სადაც სააკაშვილი აღნიშნავს, რომ: „არანაირი ერთი საქართველო აღარ არსებობს, არის ორი, ცივილიზაციურად გაყოფილი საქართველო, სახეზეა ღრმა შეუთავსებლობა და სამოქალაქო კონფლიქტი. მოვეშვათ საუბარს, რომ ერთნი ვართ“.დიმიტრი ხუნდაძის თქმით, ქართული საზოგადოება მიხეილ სააკაშვილისგან შეურაცხყოფასა და დანაშაულებს უკვე მიეჩვია და სწორედ ამის გამო იხდის ის სასჯელს.„სააკაშვილის ეს წერილი, მით უმეტეს, 7 ნოემბერს, არის შეურაცხყოფის პიკი და ის, რომ მან ვერაფერი ვერ გაიგო - თუ რა მოხდა, რისი ავტორი იყო და რა განაჩენი გამოუტანა საზოგადოებამ.18 წლის წინ, მისი ხელმძღვანელობით, ის ადამიანები, რომლებიც სიტყვის თავისუფლებას ნიღბებითა და იარაღებით ახშობდნენ, დღეს ვითომ ამ თავისუფლების დაცვის სათავეში არიან.სააკაშვილისგან შეურაცხყოფასა და დანაშაულებს უკვე მივეჩვიეთ - სწორედ ამის გამო იხდის ის სასჯელს“, - აღნიშნა დიმიტრი ხუნდაძემ.

პოლიტიკა • 1762013386

"მზად ვართ პარტნიორული ურთიერთობისათვის და არა იმისთვის, რომ ვიღაცამ საქართველოზე უსამართლო ზეწოლა მოახდინოს, არჩევნები გამოაცხადოს გაყალბებულად" - დიმიტრი ხუნდაძე

"ეს არის საქართველოს მორჩილების გეგმის ნაწილი, ეს იყო მორიგი შემოტევა საქართველოზე, მაგრამ, რა თქმა უნდა, ჩვენ დავიცავთ ჩვენს ინტერესებს, ჩვენი ქვეყნისა და საზოგადოების უსაფრთხოებას," - ამის შესახებ საპარლამენტო პოლიტიკური ჯგუფის "ხალხის ძალა" თავმჯდომარე, დიმიტრი ხუნდაძე საუბრობს და ევრონესტის საპარლამენტო ასამბლეის რეზოლუციაზე საუბრობს.დიმიტრი ხუნდაძე ამბობს, რომ საქართველო მზად არის პარტნიორული ურთიერთობისათვის და არა იმისთვის, რომ "ვიღაცამ მასზე უსამართლო ზეწოლა მოახდინოს"."ეს არის საქართველოს მორჩილების გეგმის ნაწილი, ეს იყო მორიგი შემოტევა საქართველოზე, მაგრამ, რა თქმა უნდა, ჩვენ დავიცავთ ჩვენს ინტერესებს, ჩვენი ქვეყნისა და საზოგადოების უსაფრთხოებას. ასევე, კიდევ ერთხელ ვამბობთ, რომ მზად ვართ პარტნიორული ურთიერთობისათვის და არა იმისთვის, რომ ვიღაცამ საქართველოზე უსამართლო ზეწოლა მოახდინოს, არჩევნები გამოაცხადოს გაყალბებულად. რა შემთხვევაშიც აბსოლუტურად არ არსებობს არცერთი ფაქტი ამის და ასევე თვითგამოცხადებულად გამოაცხადოს საზოგადოების უმრავლესობის მიერ არჩეული ხელისუფლება. ეს არ არის პარტნიორული დამოკიდებულება, ეს არის მტრული დამოკიდებულება და ასეთი ურთიერთობის გაგრძელებას უბრალოდ აზრი არ აქვს," - აცხადებს დიმიტრი ხუნდაძე.ოფიციალური თბილისი აცხადებს, რომ ევროპარლამენტმა ევრონესტის პლატფორმა გადააქცია მეზობელ ქვეყნებზე შანტაჟის, საკუთარი ვიწროპოლიტიკური დღის წესრიგის იძულებით თავსმოხვევის იარაღად. შესაბამისად, ევროპარლამენტის ამ ძალების მხრიდან მტრული და ვიწრო პოლიტიკური მიდგომების გათვალისწინებით, საქართველოს მუდმივმოქმედი საპარლამენტო დელეგაცია მონაწილეობას არ მიიღებს ევრონესტის შემდგომ სესიებში.

საზოგადოება • 1762001653

შემოსავლების სამსახურის უფროსის ყოფილ მოადგილეს ვლადიმერ ხუნდაძეს პატიმრობა დაუსწრებლად შეეფარდა

ყოფილ მაღალჩინოსანს ვლადიმერ ხუნდაძეს, რომელიც სამსახურებრივი უფლებამოსილების ბოროტად გამოყენების ფაქტზე არის ბრალდებული, სასამართლომ აღკვეთის ღონისძიების სახით პატიმრობა შეუფარდა.თბილისის საქალაქო სასამართლოს მოსამართლე ირაკლი შვანგირაძემ ვლადიმერ ხუნდაძეს პატიმრობა დაუსწრებლად შეუფარდა. ადვოკატის ინფორმაციით, ბრალდებული საქართველოში არ იმყოფება.ადვოკატი ზურაბ ტაბიძე „ინტერპრესნიუსთან“ აცხადებს, რომ თბილისის საქალაქო სასამართლომ უკანონო გადაწყვეტილება მიიღო, რომელსაც გაასაჩივრებს. მისი თქმით, ვლადიმერ ხუნდაძე მკურნალობის მიზნით თურქეთში დაახლოებით 15-20 დღის წინ წავიდა და საზღვარი ისე გადაკვეთა, რომ არანაირი პრობლემა არ შეჰქმნია. ადვოკატის თქმით, ხუნდაძემ არც ის იცოდა, რომ მას ბრალი უნდა წარდგენოდა.„არასწორად დააკმაყოფილა ბრალდების მხარის შუამდგომლობა პატიმრობის თაობაზე. ვლადიმერ ხუნდაძე თურქეთის რესპუბლიკაში სამკურნალოდ არის წასული. მისი მხრიდან არანაირი წინასწარი განზრახვა მიმალვის, სასამართლო პროცესზე არგამოცხადების და ხელის შეშლის თაობაზე არ ყოფილა. თავად ხუნდაძე გამოკითხული არ არის, მან არც ის იცოდა, რომ ბრალი უნდა წარდგენოდა. მან ჩვეულებრივად, ყოველგვარი დაბრკოლების გარეშე გადალახა საზღვარი მკურნალობის მიზნით. სასამართლოს წარვუდგინე ცნობა თურქეთის სამედიცინო დაწესებულებიდან, რაც მოსამართლემ მხედველობაში არ მიიღო და რატომღაც ჩათვალა, რომ თითქოს ის ყალბი და არამყარი იყო. ვლადიმერ ხუნდაძე თურქეთში სამკურნალოდ დაახლოებით, 15-20 დღის წინ წავიდა“- განაცხადა ზურაბ ტაბიძემ.ადვოკატის თქმით, ვლადიმერ ხუნდაძეს ჯანმრთელობის მდგომარეობა ისეთ ფაზაშია, რომ 3 ნოემბერს ოპერაცია უნდა გაიკეთოს, შესაბამისად, ადვოკატი ფიქრობს, რომ ბრალდებული მასთან კომუნიკაციას, სავარაუდოდ, ჯერ ვერ შეძლებს.შეგახსენებთ, საქართველოს პროკურატურის ინფორმაციით, ფინანსთა სამინისტროს საგამოძიებო სამსახურის მიერ ჩატარებული გამოძიებით დადგინდა, რომ შემოსავლების სამსახურის უფროსის ყოფილ მოადგილეს ვლადიმერ ხუნდაძეს, პირადი ნაცნობობა აკავშირებდა ბორის გოგიჩაიშვილთან, რომელიც თანამზრახველებთან ერთად ქალაქ გორში უცხოური ბრენდების სასაქონლო ნიშნის გამოყენებით უკანონოდ ახორციელებდა ალკოჰოლური სასმელების – ვისკისა და არყის დამზადებასა და შენახვას.პროკურატურის ცნობით, ალკოჰოლური სასმელების დასამზადებლად საჭირო სხვადასხვა პროდუქციის საქართველოში უსაფრთხოდ შემოსატანად ბ.გოგიჩაიშვილმა დასახმარებლად მიმართა ვლადიმერ ხუნდაძეს, რომლის სამსახურებრივ უფლებამოსილებასაც საბაჟო პროცედურების კონტროლი და ზედამხედველობა წარმოადგენდა.ვლადიმერ ხუნდაძე ბორის გოგიჩაიშვილს მუდმივად აძლევდა მითითებებს პროდუქციის შემოტანისა და განბაჟების სათანადო დროის შესახებ, ასევე უთითებდა თუ რა შინაარსით უნდა მომხდარიყო პროდუქციის განბაჟება, რათა საბაჟო პროცედურების გავლის დროს საფრთხე არ შეჰქმნოდათ.

პოლიტიკა • 1761989158

"ისინი გვთავაზობენ, რომ დაგვამხობენ, ჩვენ კი სასამართლოში წასვლის უფლებაც არ უნდა გვქონდეს?! ეს უსამართლოა, მიუღებელია და ცდება დემოკრატიულ პრინციპებს" - დიმიტრი ხუნდაძე ევროპის საბჭოს მომხსენებლების განცხადებაზე

ევროპის საბჭოს მომხსენებლების განცხადებას, რომელიც გმობს "ქართული ოცნების" გადაწყვეტილებას მიმართოს საკონსტიტუციო სასამართლოს, თბილისში პოლიტიკური შეფასებები მოჰყვა. მმართველი გუნდი ევროპული კონვენციის პრინციპების დარღვევაზე საუბრობს. "ქართული ოცნებისთვის" უპრეცედენტოა, როდესაც დემოკრატიის მთავარი პრინციპის - სასამართლოსთვის მიმართვის უფლების გამოყენება - კრიტიკის მიზეზია.სახელისუფლებო გუნდი კიდევ ერთხელ განმარტავს, რომ უმაღლესი დონის საერთაშორისო ინსტიტუციების კონვენციებში პირდაპირ წერია, რომ სასამართლოსათვის მიმართვის უფლება არის აბსოლუტური უფლება და მისი შეზღუდვა დაუშვებელია."დემოკრატიული პრინციპისათვის მიუღებელია, როცა ვინმეს სასამართლოში წასვლას უკრძალავენ, თუმცა, ჩვენ გვახსოვს ევრობიუროკრატების დამოკიდებულება სასამართლოს მიმართ, როცა ისინი ცდილობდნენ, სასამართლო საკუთარი კონტროლის ქვეშ აეყვანათ და, ასევე, სასამართლოს გადაწყვეტილებების რევიზია მოეხდინათ საელჩოებში. ახლა უკვე მოინდომეს ის, რომ საქართველოს ხელისუფლებას არ ჰქონდეს უფლება, წავიდეს სასამართლოში. ანუ, გამოდის, რა - ისინი გვთავაზობენ, რომ დაგვამხობენ, ჩვენ კი სასამართლოში წასვლის უფლებაც არ უნდა გვქონდეს?! ეს უსამართლოა, მიუღებელია და ცდება დემოკრატიულ პრინციპებს," - აცხადებს საპარლამენტო პოლიტიკური ჯგუფის ”ხალხის ძალა” თავმჯდომარე, დიმიტრი ხუნდაძე.ევროსაბჭოს განცხადებას ორი ავტორი ჰყავს, - ესენი არიან საქართველოს საკითხზე თანამომხსენებლები ბერნდ ფორინგერი და სტიუარტ დიკსონი.

სამართალი • 1761908710

ფალსიფიცირებული ვისკის და არაყის დამზადების და შენახვის საქმეზე შემოსავლების სამსახურის უფროსის ყოფილი მოადგილის მიმართ სისხლისსამართლებრივი დევნა დაიწყო

საქართველოს პროკურატურამ სამსახურებრივი უფლებამოსილების ბოროტად გამოყენების ფაქტზე შემოსავლების სამსახურის უფროსის ყოფილი მოადგილეს, ვლადიმერ ხუნდაძეს ბრალი დაუსწრებლად წარუდგინა.როგორც პროკურატურაში აცხადებენ, ბრალდებულის მიმართ აღკვეთის ღონისძიების სახით პატიმრობის გამოყენების მოთხოვნით სასამართლოს კანონით დადგენილ ვადაში მიმართავენ.„საქართველოს პროკურატურამ სამსახურებრივი უფლებამოსილების ბოროტად გამოყენების ფაქტზე შემოსავლების სამსახურის უფროსის ყოფილი მოადგილის მიმართ სისხლისსამართლებრივი დევნა დაიწყო. ინფორმაციას ამის შესახებ პროკურატურა ავრცელებს.ფინანსთა სამინისტროს საგამოძიებო სამსახურის მიერ ჩატარებული გამოძიებით დადგინდა, რომ ვლადიმერ ხუნდაძეს, პირადი ნაცნობობა აკავშირებდა ბორის გოგიჩაიშვილთან, რომელიც თანამზრახველებთან ერთად ქალაქ გორში უცხოური ბრენდების სასაქონლო ნიშნის გამოყენებით უკანონოდ ახორციელებდა ალკოჰოლური სასმელების – ვისკისა და არყის დამზადებასა და შენახვას.ალკოჰოლური სასმელების დასამზადებლად საჭირო სხვადასხვა პროდუქციის საქართველოში უსაფრთხოდ შემოსატანად ბორის გოგიჩაიშვილმა დასახმარებლად მიმართა ვლადიმერ ხუნდაძეს, რომლის სამსახურებრივ უფლებამოსილებასაც საბაჟო პროცედურების კონტროლი და ზედამხედველობა წარმოადგენდა.ვლადიმერ ხუნდაძე ბორის გოგიჩაიშვილს მუდმივად აძლევდა მითითებებს პროდუქციის შემოტანისა და განბაჟების სათანადო დროის შესახებ, ასევე უთითებდა თუ რა შინაარსით უნდა მომხდარიყო პროდუქციის განბაჟება, რათა საბაჟო პროცედურების გავლის დროს საფრთხე არ შექმნოდათ.შედეგად, 2025 წლის პირველ ნახევარში, ბორის გოგიჩაიშვილმა, ყოველგვარი დაბრკოლების გარეშე, საქართველოში შემოიტანა ალკოჰოლური სასმელების უკანონოდ დასამზადებლად საჭირო პროდუქცია: სპეციალური შეფუთვის მქონე მინის ბოთლები, ეტიკეტები, საცობები და სხვ.გარდა აღნიშნულისა, ვლადიმერ ხუნდაძისთვის ზუსტად იყო ცნობილი თუ რა დანაშაულის ჩადენა ხორციელდებოდა ბორის გოგიჩაიშვილისა და მასთან დაკავშირებული პირთა მიერ. თუმცა, მის მიერ არ მომხდარა შესაბამისი სამსახურებრივი რეაგირება და არც სხვა სახელმწიფო ორგანოებისთვის შეტყობინება მძიმე დანაშაულის შესახებ.ვლადიმერ ხუნდაძეს ბრალდება სამსახურებრივი უფლებამოსილების ბოროტად გამოყენების ფაქტზე დაუსწრებლად წარედგინა. პროკურატურა ბრალდებულის მიმართ აღკვეთის ღონისძიების სახით პატიმრობის გამოყენების მოთხოვნით სასამართლოს კანონით დადგენილ ვადაში მიმართავს.საზოგადოებას შევახსენებთ, რომ მოცემულ საქმეზე, მიმდინარე წლის 16 სექტემბერს გამოძიებამ ქალაქ გორში სპეციალურ მოწყობილ ფართში აღმოაჩინა სხვადასხვა უცხოური ბრენდის სასაქონლო ნიშნის გამოყენებით დამზადებული 75 000-ზე მეტი ბოთლი ალკოჰოლური სასმელი, რომელთა ღირებულება რამდენიმე მილიონ ლარს აღემატება. დასახელებულ ფაქტზე პროკურატურამ სისხლისსამართლებრივი დევნა 7 პირის მიმართ უკვე დაიწყო“, – ნათქვამია პროკურატურის განცხადებაში.

სამართალი • 1761423965

ირაკლი ღარიბაშვილს 1-მილიონიანი გირაოს გადასახდელად 30-დღიანი ვადა აქვს - ყოფილი მაღალჩინოსნების საქმე

სახელმწიფო უსაფრთხოების სამსახურის ყოფილი უფროსის ნათესავი, ანდრია ლილუაშვილი, თბილისის საქალაქო სასამართლომ პატიმრობაში დატოვა. მოსამართლე ნანა შამათავამ სრულად გაიზიარა ბრალდების მხარის პოზიცია, დაცვის მხარე ლილუაშვილის აღკვეთის ღონისძიების გარეშე დატოვებას ითხოვდა, ალტერნატივის სახით კი, ადვოკატმა მოსამართლეს 300 000 ლარის ოდენობით გირაო შესთავაზა.ლილუაშვილის დაკავების დღეს გამართულ ბრიფინგზე, უწყებაში განაცხადეს ისიც, რომ უკანონო შემოსავლების ლეგალიზაციის გარდა, პროკურატურა და სუსი შესაძლო ზეგავლენით ვაჭრობის ფაქტებსაც იკვლევს, შესაბამისად, არ არის გამორიცხული, რომ ბრალდებულთა წრე გაიზარდოს.პატიმრობაში რჩება გრიგოლ ლილუაშვილის ახლო გარემოცვის კიდევ ერთი წევრი – კობა ხუნდაძე, რომელსაც გამოძიება უკანონო შემოსავლების ლეგალიზაციას ედავება. მისი საცხოვრებელი სახლის ჩხრეკისას სამართალდამცველებმა 94 კონვერტადდახარისხებული 1 300 000 აშშ დოლარი ამოიღეს.ბრალი ოფიციალურად წარედგინა და აღკვეთის ღონისძიების სახით 1-მილიონიანი გირაოს გადახდა დაეკისრა ყოფილ პრემიერს. ირაკლი ღარიბაშვილს დამატებით აეკრძალა ქვეყნის დატოვება და ჩამოერთვა პასპორტიც. გამოძიებით დგინდება, რომ ექსპრემიერი თანამდებობაზე ყოფნის პერიოდში, სამეწარმეო საქმიანობის აკრძალვის მიუხედავად, ფარულად იყო ჩართული ბიზნესში და განსაკუთრებით დიდი ოდენობით არალეგალურ შემოსავალს იღებდა. შავი ფულის გათეთრების მიზნით კი ქონებრივ დეკლარაციაში არასწორი ინფორმაცია შეჰქონდა.ე.წ. ყოფილი მაღალჩინოსნების საქმეზე შეფასებები კეთდება პოლიტიკურ სპექტრში. ოპოზიციაში ამბობენ, რომ შესაძლო კორუფციულ სქემებზე ისინი წარსულშიც საუბრობდნენ.მმართველი გუნდი გამოძიების შედეგებს ელოდება. "ქართულ ოცნებაში" ამბობენ, რომ კანონის წინაშე ყველა თანასწორია და ვერც ერთი პროფესია თუ თანამდებობა ინდულგენცია ვერ გახდება.ყოფილი მაღალი მაღალჩინოსნების - ირაკლი ღარიბაშვილის, გრიგოლ ლილუაშვილის, ოთარ ფარცხალაძის და მათთან კავშირში მყოფი პირების სახლებში ჩხრეკა 17 ოქტომბერს ჩატარდა. სუსისა და პროკურატურის ერთობლივი საგამოძიებო მოქმედებების შედეგად ამოღებულია განსაკუთრებით დიდი ოდენობით ფული, ოქრო, ძვირადღირებული ნაკეთობები და ელექტრონული მოწყობილობები. ე.წ. ყოფილი მაღალჩინოსნების საქმეზე გამოძიება გრძელდება. დანაშაულის დამტკიცების შემთხვევაში, ბრალდებულებს 9-დან 12 წლამდე პატიმრობა ემუქრებათ.