შოთო სიხა

11 წლის არჩილს საზოგადოების დახმარება სჭირდება - „3 წლის იყო, როცა ავარიაში მოყვა, მარცხენა ფეხის ამპუტაცია დასჭირდა... ახლა, საჭიროა ოპერაცია“

შოთო სიხარულიძე 11 წლის არჩილ ჯამბერიძის გადასარჩენად საზოგადოებას დახმარების თხოვნით მიმართავს.„არჩილი 3 წლის იყო, როდესაც ავარიაში მოყვა და მარცხენა ფეხის ამპუტირება დასჭირდა. გარკვეულო დროის განმავლობაში, არჩილი გადაადგილდებოდა დამხმარე ჯოხებით, რის გამოც, 11 წლის ასაკში, მარჯვენა ბარძაყზე დისპლაზია დაემართა. დროდადრო, აქვს ჩივილები მარჯვენა ბარძაყის სახსრის მიდამოებში ძლიერი ტკივილის სახით, რის გამოც, ის ვერ გადაადგილდება. სჭირდება ოპერაცია 12 წლამდე, რადგან შემდეგ ამ ოპერაციის გაკეთება შეუძლებელია“.მოზარდის დედის თქმით, 3 სექტემბერს არჩილი წაიყვანეს ავსტრიაში, ლინცში, სადაც შემოწმების შემდეგ 2025 წლის 17 ივლისს დაჯავშნეს ოპერაცია.არჩილი 9 წლის იყო, როდესაც მამა დაეღუპა... ოჯახს კი არ აქვს საშუალება, ოპერაციის ხარჯებს გაწვდეს. თუკი გაქვთ დახმარების სურვილი და შესაძლებლობა, თანხა ქვემოთ მითითებულ ნომრებზე გადარიცხეთ:საქართველო:GE45BG0000000601142659თიბისი:GE66TB7373345064300072ლიბერთი:GE37LB0211155419009000მიმღები: მაცია ბარამიძე (დედა)„ძალიან გთხოვთ, გააზიარეთ პოსტი, რადგან უფრო მეტმა ადამიანმა შეძლოს მისი ნახვა და დაგვიდგეს გვერდით. დიდი მადლობა თითოეულ თქვენგანს, ვინც ჩემს ამბავს გულთან ახლოს მიიტანს. დაგლოცოთ უფალმა,“ - წერს მოზარდის დედა.

შემთხვევა • 1744400836

„პატარა ნიტას ზეცაში ჩაიხუტებენ და მოუვლიან სამოთხის ანგელოზები...“ - ავარიამ 7 წლის ბავშვის სიცოცხლე იმსხვერპლა

ბათუმში მომხდარ ავარიას 7 წლის ნიტა ბოლქვაძის სიცოცხლე ემსხვერპლა. გავრცელებული ინფორმაციით, ბავშვს მანქანა მაშინ დაეჯახა, როცა, სკოლასთან, გზაზე გადადიოდა.აღნიშნულთან დაკავშირებით სოციალურ ქსელში სამძიმრის წერილს ავრცელებს „ემიგრანტების არხის“ დამფუძნებელი შოთო სიხარულიძე.„გარდაიცვალა 7 წლის ნიტა ბოლქვაძე, გლოვობს ჩემი ბათუმი. თანაგიგრძნობთ, პირველ რიგში, დედ-მამას. ვუსამძიმრებ ოჯახს ამ უმძიმეს ტრაგედიას. არ ვიცი, სიტყვები არ მყოფნის რა დავწერო... არ ვიცი, რას ამბობენ ასეთ დროს... თუ კი შეიძლება რამე ითქვას, საერთოდ...ენით აუღწერელ ტკივილის განიცდის ოჯახი......კიდევ ერთი პატარა ანგელოზი შეემატა ზეციურ სამყაროს...შენს გამწარებულ დედიკოს და მამიკოს მხოლოდ შენი ფერად-ფერადი ფოტოები დარჩა სახსოვრად. სიტყვები უძლურია, ტკივილს სახელი არ აქვს...“, - წერს შოთო სიხარულიძე სოციალურ ქსელში.

საზოგადოება • 1743884929

,,გარდაიცვალა საუკეთესო მამამთილი...“ - ვრცელდება სამწუხარო ინფორმაცია

შოთო სიხარულიძე სამწუხარო ინფორმაციას ავრცელებს.,,გარდაიცვალა საუკეთესო მამამთილი, ნათელი მის სულს, კარგი ადამიანი იყო, რძალმაც დაუფასა. ოჯახს გამძლეობა, როგორ მეწყინა, რა კარგი ურთიერთობა ჰქონდათ რძალ-მამამთილს, გულს რომ გაგითბობდა“, - წერს შოთი სიხარულიძე. გარდაცვლილი მამაკაცი სოციალურ ქსელში პოპულარული სახალისო ვიდეოებით გახდა, რომელსაც რძალი იღებდა. ვიდეოებს საკმაოდ პოზიტიური გამოხმაურება ჰქონდა.„როგორ მახალისებდა თქვენი ვიდეოები... თითქოს ახლოს ვიცნობდი და მიყვარდა, ეტყობოდა როგორი კეთილი და კარგი ადამიანი იყო...“ - წერენ სოციალური ქსელის მომხმარებლები და ოჯახს სამძიმარს უცხადებენ.

შემთხვევა • 1742415487

„შენი ხმა არ ამომდის ყურებიდან... ჩემი მშრომელი შვილი, დენმა მომიკლაო“ - ახალგაზრდა ტრაგიკულად დაიღუპა

ტრაგედია მოხდა ბათუმში - დენის დარტყმის შედეგად ბათუმელი, დათო ბერიძე დაიღუპა. სამწუხარო ინფორმაციას შოთო სიხარულიძე ავრცელებს.„გლოვობს ჩემი ბათუმი - გარდაიცვალა დათო ბერიძე, ახალგაზრდა, სიცოცხლით სავსე, ოქროს ბიჭი... შენთან რა უნდოდა სიკვდილს...ვუსამძიმრებ, უპირველეს ყოვლისა, ოჯახს, მეგობრებს და ნათესავებს, ვერაფერს გეტყვით იმ უდიდესი ტკივილის შესამსუბუქებლად, რომელსაც ახლა განიცდით. უბრალოდ, მინდა, იცოდეთ, რომ მე შოთო სიხარულიძე ამ უმძიმეს წუთებში, მე თქვენს გვერდით ვარ. გამძლეობა და სულის სიმტკიცე.. დღეს მგლოვიარეა ჩემი ბათუმი შავებით შეიმოსა...დედას შვილი არ უნდა უკვდებოდეს, ლალი, თანაგიგრძნობ, შენი ანგელოზის, შენი დათუნას გარდაცვალებას... შენი ხმა არ ამომდის ყურებიდან, არ იმსახურებდი ამას... შოთო, ჩემი მშრომელი შვილი დენმა მომიკლაო...ღმერთო აცხონე დათუნა და მის დედას მიეცი ძალა, რომ იცოცხლოს...“ - წერს შოთო სიხარულიძე.

საზოგადოება • 1742195407

„სამი ახალგაზრდა გარდაიცვალა ერთ დღეში, სამივეს დათო ერქვა...“ - რას წერენ ტრაგიკულად დაღუპულ ახალგაზრდებზე

ბოლო რამდენიმე საათში ავტოსაგზაო შემთხვევას 3 ახალგაზრდა კაცის სიცოცხლე ემსხვერპლა. მათ შესახებ სოციალურ ქსელში შოთო სიხარულიძე პოსტს აქვეყნებს:„3 ახალგაზრდა გარდაიცვალა 1 დღეში, სამივეს დათო ერქვა, დათო მარგალიტაძე, დათო აბულაძე, დათო ალავიძე...სულ ახალგაზრდა, ნარჩევი სიცოცხლით გაუმაძღარი ვაჟკაცები დავკარგეთ, სამივე ავარიით 2 მატოციკლეტით, ერთი მანქანით... ამდენი უბედურება კმარა...სულ გლოვის ზარია, უფალო, გვაკმარე, ეს რა წელია.... ავარიები მოხდა სამტრედიაში, ბათუმში, ქუთაისში...სიკვდილო რა ძალიან გადიდგულებულხარ?! გაბედე და თავი გაგვიტოლე ! რა იფიქრე? არც ისეთი პატარები ვართ, ტკივილის სიღრმე ვერ ვიგრძნოთ... არც ისეთი დიდები, ისე გადავიტანოთ, რომ არ გაგვიტანოს !!! გათენდეს ერთი დღე ცუდი არ წავიკითხოთ, უფალმა გაანათლოს მათი ლამაზი სულები,“ - წერს შოთო სიხარულიძე.

საზოგადოება • 1742155439

„უთხრეს, დედა გარდაგეცვალაო, ჩამოფრინდა და 14 წლის შვილი დახვდა გაყინული...“ - ტრაგედია ემიგრანტი ქალის ოჯახში

ლანჩხუთში, ავარიის დროს დაღუპული მოზარდი 15 წლის ნიკოლოზ გვარჯალაძეა. როგორც შოთო სიხარულიძე წერს, მას დედა ემიგრანტი ჰყავდა.„მკვდარი იყო შვილი და ნინოს უთხრეს, დედა გარდაგეცვალაო, ემიგრანტ დედას იტალიაში ასეთი ტრაგედია დაატყდა თავს. ჩამოფრინდა და დედა ცოცხალი დახვდა და მისი 14 წლის შვილი გაყინული...ნინო ამბობდა, მოვდივარ, დედა, მალე ჩაგეხუტებიო, ეს რა დღე გამითენდა, რა მწარე ხარ, ჩემო დედაო და სინამდვილეში, მისი ანგელოზი შვილი აღარ ჰყავდა... ორი დღეა, მხოლოდ ამ ბავშვზე და მის გაუბედურებულ დედაზე მეფიქრება. ამაზე დიდი უსამართლობა არ არსებობს, დედას შვილი არ უნდა უკვდებოდეს... რა ვთქვა, არ ვიცი. ყველას გული გაგვიხლიჩე, ღმერთო, რატომ?! როგორი კეთილი, ლამაზი, ტკბილი, ყურადღებიანი, ყველასაგან გამორჩეული ნიკოლოზი დააკლდა ლანჩხუთს... გლოვობს ჩემი ლანჩხუთი. გამძლეობა შენს ემიგრანტ დედას, უფალს ებარებოდე ნიკოლოზ“, - წერს შოთო სიხარულიძე.

საზოგადოება • 1742153663

„გლოვობს ჩემი ქუთაისი...“ - ახალგაზრდა ტრაგიკულად დაიღუპა

ზესტაფონის ავტობანზე ავტოსაგზაო შემთხვევის შედეგად დათო ალავიძე დაიღუპა. ის ქუთაისიდან იყო. სამწუხარო ინფორმაციას სოციალურ ქსელში შოთო სიხარულიძე აქვეყნებს.„გლოვობს ჩემი ქუთაისი - გარდაიცვალა ახალგაზრდა, სიცოცხლით სავსე, დედისერთა დათო ალავიძე. სხვისი ტკივილი გტკიოდა ნატალია და შენი ერთადერთი შვილის სიკვდილს მოესწარი... როგორი დედა-შვილი იყავით, რა ბედნიერი ჰყვებოდი რომ კარგი შვილია და კარგი ოჯახი, მეუღლე ჰყავსო... უფალმა მოგცეს გამძლეობა, დათოს პატარა ვაჟკაცს სჭირდები. დაგტირის შენი ოჯახი გლოვობს „ავტოქარხანა“... ენით აუწერელი ტკივილი დაგვიტოვე, გაანადგურე და თავდაყირა დააყენე ყველას ცხოვრება ვინც გიცნობდა, ნათელში იყავი, ჩვენო ყველასგან და ყველაფრით გამორჩეულო და განსაკუთრებულო...“ - წერს შოთო სიხარულიძე.

საზოგადოება • 1742069498

ცნობილია, ბათუმში ავარიის დროს დაღუპული ახალგაზრდა კაცის ვინაობა

ავტოსაგზაო შემთხვევა ბათუმში - მოტოციკლი ქვეითს შეეჯახა, შედეგად ორივე ადამიანი დაიღუპა. შემთხვევა აეროპორტის გზატკეცილზე მოხდა.დაღუპული ახალგაზრდა კაცი დათო აბულაძეა. „გლოვობს ჩემი ბათუმი გარდაიცვალა ახალგაზრდა სიცოცხლით სავსე დათო აბულაძე მიწამ როგორ უნდა მიგიღოს ღიმილის სიკეთის ბიჭი...სიყვარულის, გვერდში დგომის და რა კარგი სიტყვაც მომხვდება პირზე ყველაფრის დაწერა შემიძლია, მარტო იმიტომ, რომ ეგეთი იყო...გიზიარებთ ყველას ვინც იცნობდით თუ არ იცნობდით ამ სიყვარულის კაცის აღარ ყოფნას...“, - წერს შოთო სიხარულიძე სოციალურ ქსელში.

საზოგადოება • 1741803577

„შენთვის ვლოცულობთ...“ - ტიკტოკერ მაკა ქიქავას ოპერაციისთვის ამზადებენ

ვლოცულობთ შენთვის - ტიკტოკერი მაკა ქიქავა კლინიკაში დააწვინეს და თავის ტვინზე მეორე ოპერაციისთვის ამზადებენ.„ძალიან მძიმე ოპერაციას იკეთებს... ეს ფოტო გამომიგზავნა და მომწერა, შოთო, ძალიან მეშინიაო... ეს ანევრიზმის მეორე ოპერაციაა, თუ რამე დამემართა, არ დამივიწყოთო.ყველაფერი კარგად იქნება, არ ინერვიულო, ოპერაცია კარგად ჩაივლის... მაკუ, გუდუნები, ჩემო ბრილიანტო, მადლობა, რომ არსებობ... უყვარხარ შენს ტკბილ ფორთოხალს. როგორ დასრულდება ოპერაცია და როგორ განვითარდება მოვლენები, ყველაფერს გაგაგებინებთ, მთავარია, ვილოცოთ მაკასთვის“, - წერს შოთო სიხარულიძე.

საზოგადოება • 1741119956

„ტრაგედია დატრიალდა... სიკეთის ბიჭი გაგვიფრინდა“ - ახალგაზრდა კაცს მეგობრები ემშვიდობებიან

შოთო სიხარულიძე სოციალურ ქსელში სამწუხარო ინფორმაციას ავრცელებს. როგორც მისი პოსტიდან ირკვევა, ახალგაზრდა ფოტოგრაფი სოსო ლომიძე მოულოდნელად გარდაიცვალა.კომენტარებში წერენ, რომ მიზეზი გულის შეტევა გახდა.„გლოვობს ჩემი ხაშური. მიწამ როგორ უნდა მიგიღოს, ეს რა ტრაგედია დატრიალდა... ეს ანგელოზი გარდაიცვალა, გაქვავებულები ვართ.მზე, სიკეთის ბიჭი გაგვიფრინდა.ბოლოს ასე როდის მეტკინა გული არ ვიცი... როგორი კარგი ადამიანი იყო... ნეტავ, იცოდეს, როგორ დაწყვიტა გული მთელ რაიონს... ყველას ასე რატომ უყვარდა ეს ბიჭი... სიტყვებია ზედმეტია, ისეთი ტკივილია“, - წერს შოთო სიხარულიძე სოციალურ ქსელში.

საზოგადოება • 1739959867

„გლოვობს ჩემი ბათუმი...“ - 35 წლის ქალი ტრაგიკულად დაიღუპა

ავტოსაგზაო შემთხვევას ახალგაზრდა ქალის, 35 წლის ეკა რატიანის სიცოცხლე ემსხვერპლა. სამწუხარო ინფორმაციას შოთო სიხარულიძე ავრცელებს.შემთხვევა ბათუმში, ბონში მოხდა. ის ქვეითთა გადასასვლელით სარგებლობდა.„გლოვობს ჩემი ბათუმი - გარდაიცვალა 35 წლის ეკა რატიანი. სახეზე ჩამოაფარეთ, რა ახალგაზრდა მოკვდა... როგორი იყავი, ღიმილით, ბედნიერებით და სიყვარულით სავსე... ყველას უნაწილებდი ღიმილებს, ვუსამძიმრებ, უპირველეს ყოვლისა, მეგობრებს და ნათესავებს, ვერაფერს გეტყვით იმ უდიდესი ტკივილის შესამსუბუქებლად, რომელსაც ახლა განიცდით. დღეს მგლოვიარეა ბათუმი, შავებით შეიმოსა....“ - წერს სიხარულიძე.

საზოგადოება • 1739735588

საფრანგეთში, 27 წლის ქართველი ემიგრანტი გარდაიცვალა

საფრანგეთში, 27 წლის ქართველი ემიგრანტი გარდაიცვალა. სამწუხარო ინფორმაციას სოციალურ ქსელში შოთო სიხარულიძე ავრცელებს.„სიკეთე და სიყვარული გოგო, ვიკა გაგვიფრინდა მოულოდნელად იმიერში... ვუსამძიმრებ შენს გამზრდელ ბებოს, რომელიც საქართველოში დაგხვდება, მოგეფერება მონატრებულს. ვუსამძიმრებ ყველას, ვისაც სიცოცხლეში უყვარდი და გული ატკინე შენი მოულოდნელი წასვლით. უფალს ებარებოდე...უფალმა სამოთხის კარი გაგიღო და შენც შენი ფიქრებითა და აუსრულებელი ოცნებით დაადექი სასუფევლის გზას. ყველაფერი გიხაროდა, მაგრამ განგებამ არ გაცადა 27 წლისას მოგისპო სიცოცხლე. ულმობელმა ცხოვრებამ დაგასნეულა და თვალებში სიცოცხლის ნიშანწყალიც გაგიქრო, წახვედი და თან გაიყოლე შენს ოჯახზე ფიქრები, ოცნებები, აუხდენელი სურვილები. შენი სულის მოსაგონებლად ყოველთვის იციმციმებს დანთებული სანთლები და შენს საფლავზე აყვავებულ ყვავილებს არ მოაკლდება ნამი ცრემლებისა“, - წერს შოთო სიხარულიძე.