პოლიტიკა • 1783348800

ირაკლი ხელაძე: ბელგიის საგარეო საქმეთა მინისტრი კი არა, ვინც არ უნდა ჩამოვიდეს, წარმოუდგენელია, რომ რაღაც კონსენსუსი შედგეს საზოგადოებაში, მით უმეტეს როდესაც „ქართული ოცნებაა“ ხელისუფლებაში - როგორ არ უნდა იცნობდე ამ ქვეყანას, რომ ეს გაბედო, საპატრიარქოში მიხვიდე და ლგბტ პროპაგანდის მხარდაჭერა მოითხოვო

ბელგიის საგარეო საქმეთა მინისტრი კი არა, ვინც არ უნდა ჩამოვიდეს ამ საკითხთან დაკავშირებით, წარმოუდგენელია, რომ რაღაც კონსენსუსი შედგეს საზოგადოებაში, მით უმეტეს როდესაც „ქართული ოცნებაა“ ხელისუფლებაში, - განაცხადა „დღის ქრონიკაში“ საპარლამენტო უმრავლესობის წევრმა, საფინანსო-საბიუჯეტო კომიტეტის თავმჯდომარის პირველმა მოადგილემ, ირაკლი ხელაძემ, რომელმაც კომენტარი გააკეთა დეკანოზ ანდრია ჯაღმაიძის მიერ „იმედის კვირისთვის“ მიცემულ ექსკლუზიურ ინტერვიუში გაცხადებულ ფაქტებზე.ხელაძემ აღნიშნა, რომ „ქართული ოცნება“ მთავარი ფლაგმანია ღირებულებების დაცვის და საქართველოს მართლმადიდებელ ეკლესიასთან ერთად აკეთებს ყველაფერს, რომ საზოგადოება, მომავალი თაობა დაიცვას მახინჯი პროპაგანდისტული კამპანიური წამოწყებებისგან.მისივე თქმით, ის თავდასხმები, რაც ევროპული ბიუროკრატიისგან მოდის, პირველ რიგში, ეს ხდებოდა მართლმადიდებელი ეკელესიისა და გარდაცვლილი, პატრიარქ ილია მეორის მისამართით.„როგორ ეყოთ ასეთი გამბედაობა?! ეს ფაქტი ცალსახად აჩვენებს, გარკვეულ ლუსტრაციას ახდენს, იმ პროცესებისა, რაც საქართველოსთან მიმართებით მიდის. ჯერ ერთი, როგორ არ უნდა იცნობდე იმ ქვეყანას, რომ ეს გაბედო და გააკეთო, საპატრიარქოში მიხვიდე და ლგბტ პროპაგანდის მხარდაჭერა მოითხოვო. არ უნდა იცნობდე მის ისტორიას; არ უნდა იცნობდე მის წარსულს; არ უნდა იცნობდე მის ხასიათს; არ უნდა იცოდე საერთოდ არაფერი ამ ქვეყნისა და მისი მოსახლეობის შესახებ - რა მოსწონთ, რა სჭყინთ, რა უხარიათ, რა არის მათი მთავარი ღირებულებები! ამას რომ ბედავენ და მიდიან ყველაზე გავლენიან ინსტიტუციაში, საქართველოს საპატრიარქოში და ითხოვენ ამას, აყენებენ საკითხზ, რომ თითქოს ჩვენ ევროკავშირის ხალხების პროგრესულ ნაწილს ჩამოვრჩით, განსხვავებული შეხედულებები გვაქვს ამ კონკრეტულ საკითხთან დაკავშირებით და თხოვენ დახმარებას ამ მიმართულებით“, - განაცხადა ხელაძემ.

პოლიტიკა • 1782482307

შალვა პაპუაშვილმა ტატა ხვედელიანს მიმართა – ჩინურს, ეთნიკურ ეპითეტს იყენებთ დამაკნინებელი მნიშვნელობით? ეს არის თქვენი დამოკიდებულება? ყოჩაღ, ასე გინდათ ხელისუფლებაში მოსვლა?

თქვენ ჩინურს, ეთნიკურ ეპითეტს იყენებთ დამაკნინებელი მნიშვნელობით? ეს არის თქვენი დამოკიდებულება? ყოჩაღ, ყოჩაღ. თქვენ გინდათ ასე ხელისუფლებაში მოსვლა?, – ასე მიმართა საქართველოს პარლამენტის თავმჯდომარემ, შალვა პაპუაშვილმა პარლამენტში პარტიის „გახარია საქართველოსთვის“ წევრს, ტატა ხვედელიანს.პაპუაშვილი პრემიერის მისამართით დამაზუსტებელი კითხვის დასმისას ტატა ხვედელიანის განცხადებას გამოეხმაურა.„ეს არის „ქართული ოცნების“ ჩინური ვერსიის სახე დღესღეობით, რასაც თქვენ აკეთებთ და როგორც თქვენ თავზე დაასვით ჩვენს მოქალაქეებს ეს „ქართული ოცნება“, ჩინური ვერსია, მას შემდეგ, რაც გიორგი გახარია აღარ იცავს ამ პარტიას“, – განაცხადა ტატა ხვედელიანმა.

პოლიტიკა • 1782463522

ირაკლი კობახიძე: პირველად ისტორიაში საქართველოს ეკონომიკა გადასცდა 100 მილიარდ ლარს და შეადგინა 104,6 მილიარდი ლარი, ეკონომიკური ზრდის მაღალი ტემპი არის შენარჩუნებული მიმდინარე წელსაც

ჩვენი ქვეყნის ეკონომიკა გასულ 2025 წელს გაიზარდა 7,5 პროცენტით. ჩვენი ეკონომიკა გაიზარდა 3,9 მილიარდი დოლარით გასული ერთი წლის განმავლობაში, რაც არის შთამბეჭდავი მაჩვენებელი, - განაცხადა საქართველოს პრემიერ-მინისტრმა ირაკლი კობახიძემ პარლამენტში ყოველწლიური მოხსენებით გამოსვლისას.როგორც მთავრობის მეთაურმა აღნიშნა, პირველად ისტორიაში საქართველოს ეკონომიკა გადასცდა 100 მილიარდ ლარს და შეადგინა 104,6 მილიარდი ლარი.„რაც შეეხება უშუალოდ სამთავრობო პროგრამის ანგარიშს, ტრადიციულად დავიწყებ საუბრით ეკონომიკის შესახებ და პირველ რიგში, მინდა, წარმოგიდგინოთ ციფრები, ციფრები არის ის, რაც არ უყვართ ჩვენს ოპონენტებს ყველაზე მეტად არ უყვართ, რადგან ციფრები თავისთავად მეტყველებს ყველაფერზე. არ სჭირდება ციფრებს განსაკუთრებული ანალიზი. შეიძლება გაგაკრიტიკონ ბევრი რამისთვის როდესაც ფეხბურთს თამაშობ, პასებში ჰქონდა ხარვეზები და ა.შ. თუმცა ტაბლოზე თუ არის ანგარიში 7:1 ამ კრიტიკას დიდი ფასი არ აქვს.მე შემიძლია გითხრათ, რა ანგარიშით დასრულდა გასული წელი ჩვენი ქვეყნისთვის. არა ჩვენთვის მთავრობისთვის, ხელისუფლებისთვის სუბიექტურად, არამედ რა ანგარიშით დასრულდა ეს წელი ჩვენი ქვეყნისთვის, როგორი იყო ქვეყნის წინსვლა და პროგრესი გასული ერთი წლის, საანგარიშო პერიოდის განმავლობაში.ჩვენი ქვეყნის ეკონომიკა გასულ 2025 წელს გაიზარდა 7,5 პროცენტით. ჩვენი ეკონომიკა გაიზარდა 3,9 მილიარდი დოლარით გასული ერთი წლის განმავლობაში, რაც არის შთამბეჭდავი მაჩვენებელი.პირველად ისტორიაში საქართველოს ეკონომიკა გადასცდა 100 მილიარდ ლარს და შეადგინა 104,6 მილიარდი ლარი. მინდა, შეგახსენოთ, რომ 2012 წელს, როდესაც „ქართული ოცნება“ მოვიდა ხელისუფლებაში ჩვენ დაგვხვდა ეკონომიკა 28 მილიარდ ლარზე ნაკლები და სულ რაღაც 5 წლის წინ, 2020 წელს ჩვენი ეკონომიკა იყო 50 მილიარდზე ნაკლები. ეს ნიშნავს იმას, რომ გასული 5 წლის განმავლობაში ლარში ჩვენი ეკონომიკა გაორმაგდა, დოლარში კიდევ უფრო მეტად გაიზარდა, გამომდინარე იქიდან, რომ ჩვენ კიდევ უფრო მეტად მოვახერხეთ ლარის კურსის დასტაბილურება, გამყარება. შესაბამისად, გვაქვს ზრდის შთამბეჭდავი მაჩვენებლები როგორც 5 წლის ჭრილში, ასევე გასული წლის განმავლობაში. დოლარში 2020 წელს ჩვენი ეკონომიკა იყო 16 მილიარდი, ხოლო 2025 წელს გახდა 38,1, რაც ნიშნავს იმას, რომ დოლარში უფრო შთამბეჭდავია ჩვენი ზრდის მაჩვენებელი“, - განაცხადა ირაკლი კობახიძემ.მისივე თქმით, საშუალო ზრდა გასული 5 წლის განმავლობაში შეადგენდა 9,3 პროცენტს.„რომ ავიღოთ იანვარ-აპრილის მონაცემები, ზრდამ შეადგინა წელს უკვე 8,2 პროცენტი. ეს ნიშნავს იმას, რომ ეკონომიკური ზრდის მაღალი ტემპი არის შენარჩუნებული მიმდინარე წელსაც და ჩვენი ერთ-ერთი უმთავრესი პრიორიტეტია ზრდის მაღალი ტემპის შენარჩუნება“, - განაცხადა ირაკლი კობახიძემ.

პოლიტიკა • 1782461815

ირაკლი კირცხალია: ყველა წინსვლა, წარმატება არის გამოწვეული იმ პრაგმატული და სამშვიდობო პოლიტიკით, რომელსაც აწარმოებს „ქართული ოცნება“ და რაც არის ჩვენი საზოგადოების აბსოლუტური უმრავლესობის დაკვეთა

ყველა ის მიმართულება, წინსვლა, წარმატება არის გამოწვეული იმ პრაგმატული და სამშვიდობო პოლიტიკით, რომელსაც აწარმოებს „ქართული ოცნება“ და რაც არის ჩვენი საზოგადოების აბსოლუტური უმრავლესობის დაკვეთა, - განაცხადა საპარლამენტო უმრავლესობის ლიდერმა ირაკლი კირცხალიამ.მან ასე შეაფასა პრემიერ-მინისტრის წლიურ მოხსენებაშუ შესული წარმატებული მიმართულებები.კირცხალიამ ასევე ყურადღება გაამახვილა რეგიონში არსებული გამოწვევების ფონზე საქართველოს სამშვიდობო კურსის მნიშვნელობაზე.„ასეთ ვითარებაში, როდესაც ირგვლივ არის ომი, დაპირისპირება, ენერგეტიკული გამოწვევები, უამრავი კრიზისული მიმართულება, შეინარჩუნო თავისუფლების, მშვიდობის კუნძულის სტატუსი, არის ურთულესი. ეს ჩვენი ხელისუფლების, იმ კურსის დამსახურებაა, რომელიც დასახა ბატონმა ბიძინა ივანიშვილმა და რომელსაც ძალიან მყარად, პროფესიონალურად და ამაყად მიჰყვება ჩვენი გუნდი“, - განაცხადა კირცხალიამ.საპარლამენტო უმრავლესობის ლიდერმა ასევე ისაუბრა ოკუპაციის გამოწვევაზე.„ოკუპაცია რა თქმა უნდა, ყოველთვის იყო ჩვენი ქვეყნის გამოწვევა და აქ ძალიან მნიშვნელოვანია ჩვენი საგარეო პოლიტიკა. ჩვენი ქვეყანა ყველაფერს აკეთებს დიპლომატიური არხებით და ყველგან, ყველა ფრონტზე მშვიდობიანად იბრძვის, რომ ჩვენი ოკუპირებული ტერიტორიების დეოკუპაცია მოხდეს“, - აღნიშნა ირაკლი კირცხალიამ.როგორც ცნობილია, დღეს საქართველოს პრემიერ-მინისტრი საკანონმდებლო ორგანოში წლიური მოხსენებით წარდგება. ვრცელ დოკუმენტში ასახულია ყველა ის მნიშვნელოვანი საკითხი, რომელიც საქართველომ 2025 წელს გადაჭრა და გამოწვევა, რომელსაც ქვეყანა სამომავლოდ უნდა გაუმკლავდეს.

პოლიტიკა • 1782461374

ევროსაბჭოს რეზოლუცია კიდევ ერთი მაგალითია იმისა, რომ თუ როგორ მძიმე ვითარებაში იმყოფება ჩვენი ქვეყანა - ლაშა ფარულავა

საგარეო საქმეთა სამინისტრო საქართველოში დემოკრატიული ინსტიტუტების ფუნქციონირების შესახებ ევროსაბჭოს საპარლამენტო ასამბლეის რეზოლუციაზე განცხადებას ავრცელებს.უწყების განმარტებით, ანგარიში არ ემყარება ობიექტურ და ფაქტებზე დაფუძნებულ შეფასებას, შეიცავს ტენდენციურ ინტერპრეტაციებს, ცალმხრივ პოლიტიკურ შეფასებებსა და საქართველოს შესახებ მცდარი ნარატივების გამეორებას, რაც სერიოზულ კითხვებს აჩენს როგორც ანგარიშის მიუკერძოებლობასთან, ისე მისი მომზადების პროცესთან დაკავშირებით.განცხადების მიხედვით, განსაკუთრებით საგანგაშოა, რომ ადამიანის უფლებების, დემოკრატიისა და კანონის უზენაესობის დაცვის მიზნით შექმნილი საერთაშორისო ინსტიტუტი სულ უფრო ხშირად გამოიყენება პოლიტიკური ზეწოლის ინსტრუმენტად.უწყება ასევე წერს, რომ მსგავსი პრაქტიკა აზიანებს თავად ევროპის საბჭოს ავტორიტეტს და აჩენს საფუძვლიან ეჭვებს ორგანიზაციის ცალკეული სტრუქტურების მიუკერძოებლობის მიმართ.პარტია "ერთიანობა - ნაციონალური მოძრაობის" პოლიტიკური საბჭოს წევრი ლაშა ფარულავა აცხადებს, რომ რეზოლუცია კიდევ ერთი მაგალითია, როგორ რთულ ვითარებაში იმყოფება საქართველო."აქ აღარ არის საუბარი დემოკრატიულ უკუსვლაზე... სწორედ ამას ეხმაურება ევროპის საბჭოს რეზოლუცია, სადაც მკაცრად არის გაკრიტიკებული "ქართული ოცნება". ჩვენ ვითხოვთ სამართლიან არჩევნებს, რომლის უზრუნველყოფაც შეუძლიათ მხოლოდ ჩვენს დასავლელ პარტნიორებს," - აცხადებს ლაშა ფარულავა. 

პოლიტიკა • 1782379956

გიორგი შარაშიძე: „ოცნებას“ თუ დიალოგი სურს, დიალოგისთვის მზაობა ქმედებით უნდა აჩვენოს და არა იმის ძახილით, რომ მზად არიან დიალოგისთვის

დიალოგის დაწყება „ოცნების“ საქმეა, „ოცნებამ“ თავად უნდა გადადგას ნაბიჯები იმისთვის, რომ დიალოგი დაიწყოს, – ამის შესახებ „საქართველოსთვის“ წევრმა, გიორგი შარაშიძემ განაცხადა.მისი თქმით, „ოცნებას“ თუ დიალოგი სურს, დიალოგისთვის მზაობა ქმედებით უნდა აჩვენოს.„შალვა პაპუაშვილს სჯობდა, იმაზე ესაუბრა და აეხსნა, ევროსაბჭოს საპარლამენტო ასამბლეამ რატომ ამხილა და დაადანაშაულა „ქართული ოცნება“ ადამიანის უფლებების დარღვევაში, როდესაც მიუთითა იმაზე, თუ რამდენად არასწორად და მანიპულაციურად გამოიყენა სტრასბურგის სასამართლოს გადაწყვეტილება 20 ივნისთან დაკავშირებით, რომ მისი პოლიტიკური ინტერესებისთვის გამოეყენებინა ჩანაწერი და ყოფილი პრემიერისა და შინაგან საქმეთა მინისტრის, გიორგი გახარიას წინააღმდეგ საქმე აღეძრა. ეს საკმაოდ მნიშვნელოვანი ჩანაწერია, რაც იმაზე მიუთითებს, რომ „ოცნებამ“, იმის ნაცვლად, რომ ადამიანის უფლებათა სასამართლოს გადაწყვეტილება, რომელიც უპირველესად ადამიანის უფლებების დაცვას უნდა ემსახურებოდეს, პირიქით, ადამიანის უფლებების დასარღვევად გამოიყენა, როდესაც სრულიად შეთითხნილი და გამოგონილი ბრალდებით გიორგი გახარიას წინააღმდეგ სისხლის სამართლის საქმე აღძრა. დიალოგი სწორი იქნებოდა, ჩვენ ყოველთვის დიალოგისკენ მოვუწოდებთ. დიალოგის დაწყება „ოცნების“ საქმეა. „ოცნებამ“ თავად უნდა გადადგას ნაბიჯები იმისთვის, რომ დიალოგი დაიწყოს. როდესაც „ოცნება“ არა თუ უკან არ იხევს და არ სურს არანაირი ცვლილება საკუთარ პოლიტიკაში, სურს, ევროკავშირში საკუთარი თამაშის წესებით შევიდეს და უგულებელყოს ევროკავშირის სტანდარტები, რაც საბოლოო ჯამში დემოკრატიული სტანდარტებია. „ოცნებას“ თუ დიალოგი სურს, დიალოგისთვის მზაობა ქმედებით უნდა აჩვენოს და არა იმის ძახილით, რომ მზად არიან დიალოგისთვის. არაფერს აკეთებენ იმისთვის, რომ რეალური ნაბიჯები გადადგან. ფაქტობრივად, „ოცნების“ ყველა გზავნილი მანიპულაციაა და არანაირი კავშირი არ აქვს დიალოგთან“, – განაცხადა შარაშიძემ.

პოლიტიკა • 1782329914

ლევან მაჭავარიანი PACE-ს რეზოლუციაზე: მათ სურთ აგენტურა ხელისუფლებაში, რომ პროქსი ქვეყნად გამოაყენებინონ საქართველო

მათ სურთ აგენტურა ხელისუფლებაში, რომ პროქსი ქვეყნად გამოაყენებინონ საქართველო, - განაცხადა გადაცემაში „იმედი Live” ფრაქცია „ქართული ოცნების“ თავმჯდომარის პირველმა მოადგილემ ლევან მაჭავარიანმა ევროსაბჭოს საპარლამენტო ასამბლეის რეზოლუციაზე საუბრისას.მისივე თქმით, მორიგ რეზოლუციაში სიახლე არაფერია და ყველა დოკუმენტი ერთი და იმავეს იმეორებს.„ეს კიდევ ერთი ლუსტრირებაა იმის, რაზეც ქართული ოცნება ვსაუბრობთ - უსამართლო დამოკიდებულება, რადიკალური ოპოზიციის მხარდაჭერა. „ქართულმა ოცნებამ“ მიუხედავად უზარმაზარი წნეხის, შანტაჟის, ზეწოლის, პირველ რიგში ბატონ ბიძინა ივანიშვილზე, ჩვენს პრემიერ-მინისტრზე, მთალიანად ქართული ოცნების გუნდზე, უარი განვაცხადეთ, რომ საქართველო გამოყენებული ყოფილიყო პროქსი სახელმწიფოდ, როგორც გამოიყენეს უკრაინა“, - განაცხადა მაჭავარიანმა.მმართველი პარტიის დეპუტატი ევროპარლამენტის ბოლო რეზოლუციაში სამ ქართულ მედიასაშუალებასთან დაკავშირებით გაკეთებულ ჩანაწერსაც შეეხო.„ევროპარლამენტის ბოლო რეზოლუციაში გაჩნდა ახალი მუქარა ტელევიზიების დასანქცირების. გაჩნდა ახალი ჩანაწერი, რომ „რუსთავი 2“, „იმედი“ და „პოსტვ“ უნდა დასანქცირდეს. პირდაპირ საუბრობენ რომ უნდა დარჩეს მხოლოდ „ტვ პირველი“ და „ფორმულა“ მათი გადმოსახედიდან. მათ სურთ აგენტურა ხელისუფლებაში, რომ პროქსი ქვეყნად გამოაყენებინონ საქართველო. სურთ აქ არაეროვნული ხელისუფლება, აგენტურა“, - აღნიშნა ლევან მაჭავარიანმა.

პოლიტიკა • 1782301576

გიორგი შარაშიძე: „ოცნება“ ყველაფერს აკეთებს, რომ საქართველო ევროპას რაც შეიძლება დააშოროს და თავის ტყუილებშია ახლართული

პარტიის „გახარია საქართველოსთვის“ წევრის გიორგი შარაშიძის განცხადებით, „ქართული ოცნება“ ცდილობს, საქართველო დააშოროს ევროპას, ყველაფრის ფასად შეინარჩუნოს ძალაუფლება და თავის ტყუილებშია ახლართული.შარაშიძის თქმით, ტყუილია, თითქოს ევროპარლამენტის რეზოლუცია საქართველოს ეკლესიას ებრძვის.„გუშინ, პლენარულ სხდომაზე ევროინტეგრაციის კომიტეტის თავმჯდომარის სიტყვით გამოსვლა თავიდან ბოლომდე ტყუილებით იყო აგებული. თურმე, ეს რეზოლუცია საქართველოს ეკლესიას ებრძვის. გვაჩვენოს, ერთი წინადადება რეზოლუციიდან, რომელიც საქართველოს ეკლესიას ებრძვის. „ოცნება“ თავად არის ჩაკარგული თავის ტყუილებში და ახლართულია. ყველაფერს აკეთებს, რომ საქართველო ევროპას რაც შეიძლება დააშოროს. ხელისუფლება არაფერს აკეთებს, რომ ვითარება უკეთესობისკენ შეიცვალოს. „ოცნებისთვის“ რეალობაა ის, როგორ შეიძლება, ძალაუფლება შეინარჩუნოს ყველაფრის ფასად. არსებობს მეორე, ნამდვილი რეალობა, როცა კანონის უზენაესობა ირღვევა და ადამიანის უფლებები არ არის დაცული. სხვა დანარჩენი „ოცნების“ ილუზიებია, რაც ძალაუფლების შენარჩუნებას ემსახურება“, – განუცხადა გიორგი შარაშიძემ საქართველოს პირველ არხს.ევროპარლამენტმა 17 ივნისის სხდომაზე საქართველოს შესახებ რეზოლუცია მიიღო.

პოლიტიკა • 1782219403

ლევან მაჭავარიანი: რეზოლუციები ვიდრე გაჟღენთილი იქნება აბსურდით, დეზინფორმაციით, მანამდე მათ არანაირი ფასი არ ექნება და ყურადღებას არ მივაქცევთ

რეზოლუციები ვიდრე გაჟღენთილი იქნება აბსურდით, დეზინფორმაციით, მანამდე არანაირი ფასი არ ექნება და ამას ყურადღებას არ მივაქცევთ, – ამის შესახებ საპარლამენტო უმრავლესობის წევრმა, ლევან მაჭავარიანმა განაცხადა.მაჭავარიანს კითხვა დაუსვეს ევროსაბჭოს საპარლამენტო ასამბლეაში 24 ივნისს დაგეგმილ საქართველოს შესახებ რეზოლუციის განხილვასთან დაკავშირებით, რომელშიც ნათქვამია, რომ „საქართველოში დემოკრატიული უკუსვლა განუწყვეტლივ გრძელდება“.„ვიდრე ჩვენი ხელისუფლების, ჩვენი ქვეყნის მიმართ ასეთი უსამართლო მიდგომა გაგრძელდება, ურთიერთობის გადატვირთვაზე საუბარი ძალიან რთული იქნება. ბრიუსელი უნდა შეეგუოს, რომ მიუხედავად ასეთი უპრეცედენტო ჩარევისა, მათ „ქართული ოცნება“ არჩევნების გზით ვერ შეცვალეს. მიუხედავად იმისა, რომ ბოლო წლების განმავლობაში საქართველოში ხუთჯერ დააფინანსეს რევოლუცია, ვერც რევოლუციის გზით შეცვალეს „ქართული ოცნება“. უნდა დასხდნენ და ჩვენთან ისაუბრონ. ევროპის საბჭოს საპარლამენტო ასამბლეა ჩვენი სურვილით დავტოვეთ- დათქმა იყო, რომ რიგგარეშე არჩევნები უნდა ჩაგვეტარებინა, რისი საფუძველიც არ არსებობს. არჩევნების ე.წ. გაყალბებასთან დაკავშირებით ვინმეს რაიმე მტკიცებულება თუ აქვს, წარმოადგინონ, ამას ვითხოვთ. ორი წელი ისე გავიდა, რომ ფიზიკურად ერთი მტკიცებულებაც ვერავინ წარმოადგინა. როდესაც ევროპის საბჭოს საპარლამენტო ასამბლეა  მაინც გვთხოვს, ახალი არჩევნები უნდა ჩაატაროთო, ეს ჩვენი სუვერენიტეტის უპატივცემლობაა. ამის ფონზე, ჩვენთვის საინტერესო არ არის, რა რეზოლუციას მიიღებენ. რეზოლუციებს, რომელსაც ევროპარლამენტი თუ ევროპის საბჭოს საპარლამენტო ასამბლეა მიიღებს, ერთი და იგივე მესიჯბოქსითაა გაჟღენთილი. ვიდრე რეზოლუციები გაჟღენთილი იქნება აბსურდით, დეზინფორმაციით, მანამდე ამ რეზოლუციებს არანაირი ფასი არ ექნება და ამას ყურადღებას არ მივაქცევ“, – განაცხადა ლევან მაჭავარიანმა.

პოლიტიკა • 1782209123

ლევან მაჭავარიანი: ბიძინა ივანიშვილზე და „ქართული“ ოცნების რიგით ჯარისკაცებზე ზეწოლისა და შანტაჟის მიუხედავად, ჩვენ არავის მივეცით უფლება, საქართველო გამოეყენებინათ პროქსი სახელმწიფოდ, როგორც სამწუხაროდ, გამოიყენეს უკრაინა

მინდა გამოვეხმაურო კირ სტარმერის გადადგომის საკითხს, რომელიც კიდევ ერთი მაგალითია, თუ როგორ აკონტროლებენ არაფორმალური ოლიგარქიული ძალები, იგივე „გლობალური ომის პარტია“, იგივე პირობითად „დიფ სთეითი", როგორც ამას აშშ-ის დღევანდელი ადმინისტრაცია უწოდებს, ევროპის წამყვანი ქვეყნების დღევანდელ მმართველ კლასს, - განაცხადა საპარლამენტო ფრაქცია „ ქართული ოცნების“ თავმჯდომარის პირველმა მოადგილემ, ლევან მაჭავარიანმა, პარლამენტის პლენარულ სხდომაზე სიტყვით გამოსვლისას.მისი განცხადებით, სწორედ კირ სტარმერის პრემიერ-მინისტრობის პერიოდს უკავშირდება საქართველოს ორი დამოუკიდებელი კომპანიის, „იმედისა“ და „პოს ტვ“-ისთვის სანქციების დაწესება და BBC-ს რეპორტაჟი, პირველი მსოფლიო ომის დროს აკრძალული ნივთიერებით აქციის მონაწილეების დაშლის თაობაზე.მან ასევე აღნიშნა, რომ ევროპის წამყვანი ქვეყნების არაერთი ლიდერი, სტარმერის მსგავსად, საკუთარ საზოგადოებაში დაბალი რეიტინგით სარგებლობს, რადგან ისინი საკუთარ ხალხზე არ ზრუნავენ.„ბატონი სტარმერი იყო დაქირავებული ამ ადამიანების და ჯგუფების მიერ, გააკეთებინეს ძალიან ბევრი ბინძური საქმე და შემდეგ, როდესაც უკვე აღარ დასჭირდათ, მოსთხოვეს გადადგომა. იგი არ სარგებლობდა ბრიტანელი ხალხის მანდატით და ნდობით, რაზეც ყველაზე კარგად მეტყველებდა მისი რეიტინგი, რომელიც 15%-ზე ქვემოთ იყო ჩამოსული და სამწუხაროდ, ასეთივე რეიტინგით სარგებლობს დღეს ევროკავშირის წამყვანი ქვეყნების ბევრი ლიდერი. ბატონი სტრამერის პირობებში, შეგვიძლია გავიხსენოთ საქართველოსთან მიმართებით მიღებული გადაწყვეტილებები, რომელსაც უსამართლო აღარ ჰქვია, უკიდურესად სასაცილო გადაწყვეტილებები - როდესაც, დამოუკიდებელი ტელეკომპანიები, „იმედი" და „პოს ტვ" დაასანქცირა ბრიტანეთის მთავრობამ და ამის მიზეზად მოიყვანეს ის, რომ თითქოს, ამ ტელევიზიების მეშვეობით ხდება უკრაინის სუვერენიტეტის ხელყოფა. ასევე, ის სასაცილო ნარატივი და რეპორტაჟი, რომელსაც პატარა ბავშვიც არ დაიჯერებს, რომ თითქოს, ჩვენმა ხელისუფლებამ გამოვიყენეთ პირველი მსოფლიო ომის დროს აკრძალული ნივთიერება ჩვენი მოქალაქეების დასაშლელად და ფიზიკურად მოწამლული ადამიანიც არ არსებობს. ეს გააკეთა დიდი ბრიტანეთის საზოგადოებრივმა მაუწყებელმა და რა თქმა უნდა, ამ შემთხვევაშიც არის საფუძვლიანი ეჭვი, რომ სტარმერის მთავრობასთან იყო ეს ყველაფერი შეთანხმებული. ძალიან სამწუხაროა, რომ ზოგადად, ევროპის წამყვანი ქვეყნების დღევანდელი ლიდერები არ ზრუნავენ საკუთარი სახელმწიფოების ეროვნულ ინტერესებზე, არ ზრუნავენ საკუთარი ხალხის პრობლემებზე. ძირითადი უკმაყოფილება მათი ხალხის გამოწვეულია იქიდან გამომდინარე, რომ სწორედ ასეთ პოლიტიკას ატარებენ ეს ლიდერები: უკონტროლო მიგრაცია, რომელიც სულ პრობლემაა ევროპის წამყვანი ქვეყნებისთვის, ულტრამემარცხენე ფაშისტური იდეოლოგია, ლგბტ პროპაგანდა, რომელიც თავს მოახვიეს ევროპელ ხალხს - ესეც, რა თქმა უნდა, თავის მხრივ ძალიან დიდ უკმაყოფილებას იწვევს და სწორედ ამის გამოძახილია ის რეკორდულად დაბალი რეიტინგები, რომელიც, როგორც აღვნიშნე ევროპელ ლიდერებს აქვთ,“ - განაცხადა ლევან მაჭავარიანმა.რაც შეეხება საქართველოს, მისივე თქმით, ბრიუსელის მხრიდან უკმაყოფილება გამოწვეულია იმით, რომ „ქართული ოცნება“ ეროვნულ პოლიტიკას ატარებს და ბიძინა ივანიშვილსა და მმართველი გუნდის წარმომადგენლებზე ზეწოლის მიუხედავად, მათ არ დაუშვეს საქართველოს უკრაინის მდგომარეობაში ჩაგდება.„საქართველოსთან მიმართებით, რა იწვევს უკმაყოფილებას ამ ქვეყნების მხრიდან, ბრიუსელის მხრიდან და პირველ რიგში, იმ ძალების მხრიდან, რომლებიც აკონტროლებენ ბრიუსელს? - ეს არის ის ეროვნული პოლიტიკა, რომელსაც ჩვენი ხელისუფლება საქართველოში ატარებს. კი, რა თქმა უნდა, შეცდომებიც არის, რაღაცები შეიძლება უკეთესადაც გაკეთდეს, თუმცა, ჩვენ პრობლემებს არასდროს გავურბივართ და ყველაზე მნიშვნელოვანი არის ის, რომ ჩვენ მივყვებით ქართულ ხაზს. ჩვენ ვართ ეროვნული ხელისუფლება, პასუხისმგებლობიანი ხელისუფლება, და მიუხედავად ამ ძალებისა, რაც მე აღვნიშნე - უზარმაზარი წნეხის, ზეწოლის, შანტაჟის ბატონ ბიძინა ივანიშვილზე, „ქართული“ ოცნების რიგით ჯარისკაცებზე - ჩვენ ერთი ნაბიჯით უკან ვერ დაგვახევინეს და ჩვენ არ მივეცით არავის უფლება, რომ საქართველო გამოეყენებინათ პროქსი სახელმწიფოდ, ისევე, როგორც სამწუხაროდ, გამოიყენეს უკრაინა. ჩვენი ხალხის გვერდში დგომით, ჩვენ, რა თქმა უნდა, ამ გზას გავაგრძელებთ - -ერთი ნაბიჯით უკან არ დავიხევთ, და, რა თქმა უნდა, ჩვენ ვიქნებით მშვიდობის და სტაბილურობის გარანტი საქართველოში,“ - აღნიშნა ლევან მაჭავარიანმა.

პოლიტიკა • 1782205306

გიორგი შარაშიძე: ჩვენთვის „ნაციონალური მოძრაობა“ „ოპოზიციის ალიანსის“ ფარგლებშიც, მის მიღმაც წითელი ხაზია და წერტილი, ბოიკოტისტებთან საქმე არ გვაქვს

ჩვენი საქმე არ არის და არც გვაინტერესებს, ვინ იქნება „ნაციონალური მოძრაობის“ თავმჯდომარე, –  ამის შესახებ პარტიის „გახარია საქართველოსთვის“ წევრმა, გიორგი შარაშიძემ განაცხადა.მისივე თქმით, ამ საკითხის გარჩევა არასერიოზულია.„ვინ იქნება „ნაციონალური მოძრაობის“ თავმჯდომარე, ეს საქართველოს მოქალაქეების წინაშე არსებული პრობლემიდან არა თუ მეორეხარისხოვანი, არამედ მეასეხარისხოვანია. ამ ფონზე, საკითხის გარჩევა არასერიოზულია. არც გვაინტერესებს და ჩვენი საქმე არ არის. „ნაციონალური მოძრაობა“ თავად თუ ცდილობს, რეალური პრობლემებიდან ინტერესი, ყურადღება გადაიტანოს, ვინ შეიძლება გახდეს „ნაციონალური მოძრაობის“ თავმჯდომარე, ეს კიდევ ერთხელ უსვამს ხაზს მათ უპასუხისმგებლობას“, – განაცხადა შარაშიძემ.კითხვაზე, როგორ ფიქრობს, დატოვებს თუ არა „ოპოზიციის ალიანსს“ „ნაციონალური მოძრაობა“, შარაშიძემ უპასუხა, რომ ესეც ამ პარტიის გადასაწყვეტია.„ესეც მათი გადასაწყვეტია. ჩვენთვის „ნაციონალური მოძრაობა“ ალიანსის ფარგლებშიც და ალიანს მიღმაც წითელი ხაზია, წერტილი.  ჩვენთვის „ნაციონალური მოძრაობა“ წითელი ხაზი იყო, არის და მომავალშიც წითელი ხაზი იქნება. ალიანსში დარჩება, თუ ალიანს მიღმა, არანაირი მნიშვნელობა არ აქვს. ამ ბოიკოტისტებთან საქმე არ გვაქვს. ბოიკოტის იდეას თავიდანვე გავემიჯნეთ და ვამბობდით, რომ ეს იყო გზა არსაითკენ. ერთადერთი, რაც შეიძლებოდა, ბოიკოტს მოეტანა, იქნებოდა „ოცნების“ ავტოკრატიული რეჟიმის კიდევ უფრო დამძიმება. სწორედ ეს მოხდა 4 ოქტომბრის შემდეგ. ჩვენ კავშირი არ და ვერ გვექნება იმ ხალხთან, პოლიტიკურ ძალებთან, ვინც, პირდაპირ თუ ირიბად, თავად არიან 4 ოქტომბრის პროვოკაციის შემოქმედი, რამაც ათობით ადამიანის პატიმრობა გამოიწვია, ოპოზიცია და მშვიდობიანი პროტესტი დაასუსტა, მხოლოდ „ქართული ოცნება“ გააძლიერა და ამ ყველაფერზე არანაირი პასუხისმგებლობა არ აუღიათ. თავად ჩამოყალიბდნენ, ვინ დარჩება და ვინ დატოვებს ალიანსს, ვინ რომელი პარტიის თავმჯდომარე გახდება“, – განაცხადა გიორგი შარაშიძემ.ამასთან, როგორც გიორგი შარაშიძემ შესაბამის კითხვაზე საპასუხოდ განაცხადა, საქართველოს ბედი საქართველოს მოქალაქეებმა უნდა გადაწყვიტონ.„ჩვენ ყოველთვის იმას ვამბობდით, რომ საქართველოს ბედი საქართველოს მოქალაქეებმა უნდა გადაწყვიტონ. ეს არჩევნების კონტექსტთანაც კავშირშია. იმიტომაც ვამბობდით ყოველთვის, რომ ხელისუფლება დემოკრატიული, მშვიდობიანი გზით უნდა შეიცვალოს, რადგან არჩევნებში საქართველოს მოქალაქეები მონაწილეობენ. ეს ერთმანეთთან კავშირშია. ჩვენი სახით როდესაც არის პოლიტიკური ძალა, რომელიც საქართველოს მოქალაქეებს ეუბნება, რომ ხელისუფლება მხოლოდ არჩევნების გზით შეგვიძლია, შევცვალოთ, ეს ავტომატურად ნიშნავს, რომ საქართველოს ბედი საქართველოს მოქალაქეების გადასაწყვეტია და აქაც წერტილი უნდა დავსვათ“, – აღნიშნა გიორგი შარაშიძემ.

პოლიტიკა • 1782195178

ცოტნე ანანიძე ვიქტორ ყიფიანის განცხადებაზე, რომ „ქართული ოცნება” ძალაუფლების პარტიად იქცა: სინამდვილეში „ქართული ოცნების“ ორგანიზაციული სიძლიერისა და პოლიტიკური წონის აღიარებაა

აჭარის უმაღლესი საბჭოს თავმჯდომარე, ცოტნე ანანიძე ვიქტორ ყიფიანის განცხადებას ეხმიანება, რომ “ქართული ოცნება” ძალაუფლების პარტიად იქცა.ანანიძე წერს, რომ პოლიტიკური პარტიის არსი სწორედ ძალაუფლებისთვის ბრძოლა და მისი რეალიზებაა.„პოლიტიკური პარტიის არსი ძალაუფლებისთვის ბრძოლა და მისი რეალიზებაა. შესაბამისად, ვიქტორ ყიფიანის ეს შეფასება, სინამდვილეში „ქართული ოცნების“ ორგანიზაციული სიძლიერისა და პოლიტიკური წონის აღიარებაა“, - წერს ანანიძე.