რუსეთი

ანტონიუ კოშტა: ახლო აღმოსავლეთში ხუთკვირიანი ომის შემდეგ ნათელია, რომ კონფლიქტის ძირეული მიზეზების მოგვარება მხოლოდ დიპლომატიური გზით არის შესაძლებელი

ახლო აღმოსავლეთში ხუთკვირიანი ომის შემდეგ ნათელია, რომ კონფლიქტის ძირეული მიზეზების მოგვარება მხოლოდ დიპლომატიური გზით არის შესაძლებელი, – ამის შესახებ ევროპული საბჭოს პრეზიდენტმა, ანტონიუ კოშტამ განაცხადა.მისი თქმით, ევროკავშირი მოუწოდებს ირანს, რეგიონის ქვეყნების წინააღმდეგ თავდასხმები დაუყოვნებლივ შეწყვიტოს და ჰორმუზის სრუტეში ნავიგაციის სრული თავისუფლების აღდგენა უზრუნველყოს.„ახლო აღმოსავლეთში ხუთკვირიანი ომის შემდეგ ნათელია, რომ მის ძირეულ მიზეზებს მხოლოდ დიპლომატიური გადაწყვეტა მოაგვარებს. სამოქალაქო ინფრასტრუქტურის, კერძოდ, ენერგეტიკული ობიექტების მიზანში ამოღება უკანონო და მიუღებელია. ეს ეხება რუსეთის ომს უკრაინაში და ეს ყველგან ვრცელდება. ირანის მშვიდობიანი მოსახლეობა ირანის რეჟიმის მთავარი მსხვერპლია. ის ასევე იქნება სამხედრო კამპანიის გაფართოების მთავარი მსხვერპლი. როგორც ირანის პრეზიდენტთან, მასუდ ფეზეშქიანთან ბოლო სატელეფონო საუბრის დროს აღვნიშნე, ევროკავშირი მოუწოდებს ირანს, დაუყოვნებლივ შეწყვიტოს თავდასხმები რეგიონის ქვეყნებზე და უზრუნველყოს ჰორმუზის სრუტეში ნავიგაციის სრული თავისუფლების აღდგენა. ესკალაციით ცეცხლის შეწყვეტა და მშვიდობა ვერ მიიღწევა. ამას მხოლოდ მოლაპარაკებები, კერძოდ, რეგიონული პარტნიორების ხელმძღვანელობით მიმდინარე ძალისხმევა უზრუნველყოფს,“ – წერს ანტონიუ კოშტა სოციალურ ქსელ „იქსზე“.

პოლიტიკა • 1775472018

სააკაშვილი და ნოღაიდელი სასამართლოში ერთმანეთს დაუპირისპირდნენ - მათი გაშველება მანდატურებს მოუწიათ

თბილისის საქალაქო სასამართლოში საქართველოს ყოფილი პრემიერ-მინისტრი ზურაბ ნოღაიდელი და საქართველოს ყოფილი პრეზიდენტი მიხეილ სააკაშვილი ერთმანეთს დაუპირისპირდნენ. მათი დაშოშმინება მანდატურებსა და ადვოკატებს მოუხდათ.„ამ მოღალატესთან სალაპარაკო არაფერი მაქვს. ეს არის რუსეთის, პუტინის მოწყობილი ვითომ სასამართლო ჩემს გასაჩუმებლად. აქ მიდგას რუსი, ჩვენებას აძლევს ჩემ წინააღმდეგ, ივანიშვილი რუსი მასამართლებს“, – განაცხადა სააკაშვილმა ზურაბ ნოღაიდელთან ცხარე კამათის შემდეგ და პროცესი დატოვა.დაპირისპირება გამოიწვია სააკაშვილის განცხადებამ, რომ ნოღაიდელი პუტინს ომის შემდეგ შეხვდა, თავი დაუხარა და ბოდიში მოუხადა. სააკაშვილის ამ განცხადებას ნოღაიდელის მწვავე რეაქცია მოჰყვა და მათი კამათი რამდენიმე წუთს გრძელდებოდა. პროკურორები ნოღაიდელის დამშვიდებას ცდილობდნენ.პროცესზე ნოღაიდელმა ჩვენებაში თქვა, რომ 7 ნოემბერს საჯარისო ნაწილები იყვნენ მობილიზებული და ეს სააკაშვილის გადაწყვეტილების გარეშე არ მოხდებოდა.„დღესავით ნათელია, რომ ესაა თავიდან ბოლომდე ფარცხალაძის მიერ შეთითხნილი ბრალი. არ ვადასტურებ, რომ ჯარი ქუჩაში წესრიგის აღსადგენად იყო, თითი არ გაუნძრევია ჯარს, ეს მტრისათვის საჩვენებლად იყო, რომ საქართველოს ჰყავს ჯარი და თავის დაცვა შეუძლია“, – განაცხადა სააკაშვილმა ნოღაიდელის საპასუხოდ.ამასთან, სააკაშვილმა დასვა კითხვა, ზურაბ ნოღაიდელი 4 ნოემბრის თათბირთან დაკავშირებით რატომ აძლევდა სასამართლოს ჩვენებას მტკიცებით ფორმაში ვასილ მაღლაფერიძის მონაყოლზე დაყრდნობით.„4 ნოემბრის საქმეზე მე არაფერი ვიციო. ვასილ მაღლაფერიძემ გითხრა და შენ, როგორც ფაქტს, ყვები. არ გაუჭირდებოდა ამის ჩაწერა ვასილს, სადაა ამის აუდიო ჩანაწერი, აქვს ვასილ მაღლაფერიძეს?“, – მიმართა სააკაშვილმა ზურაბ ნოღაიდელს, რაზეც ნოღაიდელმა უპასუხა, რომ სასამართლო გაარკვევს, აქვს თუ არა მაღლაფერიძეს აუდიოჩანაწერი.სააკაშვილმა ნოღაიდელს კიდევ ერთი კითხვა დაუსვა: „ვასილ მაღლაფერიძე არსებულ ვითარებაზე გამოხატავდა უკმაყოფილებას, იყო ოპოზიციურ განწყობაზე. იცი თუ არა ეს?“.ნოღაიდელის თქმით, „ვასილ მაღლაფერიძეს შექმნილ მდგომარეობაზე კრიტიკულთან ერთად, დადებითი შეხედულებებიც ჰქონდა“.სასამართლო სხდომაზე მიხეილ სააკაშვილმა ისაუბრა პატარკაციშვილის რუსეთთან კავშირზე და აღნიშნა: „2007 წლის ნოემბერში ფედერალურმა სამსახურმა მოგვწერა, რომ თბილისში აპირებდნენ არეულობას. ფედერალ ბიუროს ინფორმაცია იყო. იცოდი, რომ პატარკაციშვილი რუსეთთან იყო დაკავშირებული?“, რაზეც ნოღაიდელმა უპასუხა: „ფული იქ იშოვა, მაგრამ მერე აღარ იყო მჭიდროდ დაკავშირებული“.სააკაშვილის კიდევ ერთ კითხვაზე, იცოდი თუ არა, რომ პატარკაციშვილს „ფეესბესთან“ ჰქონდა კავშირი, ნოღაიდელმა განაცხადა: რატომ იყო თბილისში, „ფეესბეს“ აგენტი თუ იყო?, „ფეესბეს“ პოლკოვნიკი თუ იყო, რატომ არ დაიჭირეთ?“სააკაშვილმა ნოღაიდელს მიმართა: „ის იცი, რომ პუტინთან იყავი?“, რაზეც ნოღაიდელმა უპასუხა: „იმიტომ, რომ ურთიერთობები მოგვეწესრიგებინა“. აღნიშნულის შემდეგ სააკაშვილმა ნოღაიდელს კვლავ მიმართა: „ეკაჩავე? ებლატავე? პუტინთან ჩავიდა ეს მოღალატე. უღალატა საქართველოს, დაასმინა და მოიხადა ბოდიში? ასეთი ხალხია ახლა ხელისუფლებაში, ასეთმა ხალხმა გაყიდა საქართველო. ამ კაცმა პუტინთან მოიხარა თავი“.სასამართლო დარბაზში დამსწრეების მხრიდან ისმოდა შეძახილები ზურაბ ნოღაიდელის მისამართით: „პუტინის მონა“.

პოლიტიკა • 1775467643

მიხეილ სააკაშვილი: ხუთჯერ ავაცილე საქართველოს დიდი უბედურება, 2012-ში ვეღარ შევძელი გადარჩენა, ივანიშვილის დიქტატურის მოშორების შემდეგ, აფხაზეთი დაბრუნდება, მჯერა, დედაქალაქი სოხუმი უნდა იყოს

საქართველოს ყოფილი პრეზიდენტი მიხეილ სააკაშვილი აცხადებს, რომ საქართველოს ხუთჯერ ააცილა დიდი უბედურება.როგორც სააკაშვილმა სასამართლო პროცესზე აღნიშნა, 2012 წელს ვეღარ შეძლო საქართველოს გადარჩენა, 2021 წელს კი, ჰქონდა ქვეყნის გადარჩენის მცდელობა და ახლაც მზადაა, კვლავ გადაარჩინოს.ამავდროულად, მიხეილ სააკაშვილი ამბობს, რომ თავისუფლებისთვის საჭიროა თავდადება და თავგანწირვა.„როგორც ჩანს, ბატონი ნოღაიდელი მობრძანდება დასაკითხად. აუცილებლად დავრჩები სამშობლოს მოღალატის, ნოღაიდელის დაკითხვის პროცესში. 7 ნოემბრის საქმე ეხება იმას, რისგან გადავარჩინეთ ჩვენ საქართველო და ბევრჯერ გადავარჩენთ. ხუთჯერ ავაცილე საქართველოს დიდი უბედურება. პირველი – შევარდნაძე ჩამოვაცილეთ, ვასაძე, ივანიშვილი, პატარკაციშვილი გამზადებული ჰყავდათ რუსებს 2005 წელს და ეს არ გამოუვიდათ. მეორედ გადავარჩინე, როდესაც ასლან აბაშიძე ჩამოვაცილეთ. მესამედ 2007 წელს პატარკაციშვილის რუსების დავალებით მოწყობილ გადატრიალებას და 2008-ში ერთპიროვნულად მე გადავარჩინე, ჯორჯ ბუშთან და საერთაშორისო კონტაქტებით, ხალხთან და ჯართან ერთად. 2012-ში ვეღარ შევძელი საქართველოს გადარჩენა. 2021-ში მქონდა სურვილი, გადარჩენის მცდელობა. ომი რომ არ ყოფილიყო, ჩვენ ეს საქმე გამოგვივიდოდა. მზად ვარ, გადავარჩინო ისევ. ივანიშვილის დიქტატურის მოშორების შემდეგ, აფხაზეთი დაბრუნებული იქნება. მჯერა, დედაქალაქი სოხუმი უნდა იყოს. მკვლელების კორპორაციასთან გვაქვს საქმე. პირველი მსხვერპლი ბარბარე რაფალიანცი იყო. არჩევნებზე ეხმარებოდა რუსეთიდან ჩამოსული ჯგუფი. კახეთშიც იყვნენ, შესთავაზეს ივანიშვილზე თავდასხმის ინსცენირება, ან მეორე სცენარი რაფალიანცი. ესენი რვა თვის ბავშვის სისხლით მოვიდნენ ხელისუფლებაში. ეროსის მკვლელობა იყო შემდეგი, რუსთავი 2-ის ხელში ჩაგდება უნდოდა, რუსეთიდან ჩამოვიდნენ, კამერა მიატრიალეს, მოკლეს ეროსი, ოჯახი გააჩუმეს. ეროსის მკვლელობისთვის ივანიშვილს ვაკისრებ პასუხისმგებლობას.შემდეგი იყო ბაჩალიაშვილის მკვლელობა, მოხდა მისი თვითმკვლელობის იმიტაცია. გლდანის ციხის უფროსიც მოკლულია, რომ ბაჩიაშვილი დაეშინებინათ და დანებებოდა. ერთნაირ ხელწერასთან გვაქვს საქმე. სერიული მკვლელების ხელშია ეს ქვეყანა. გვჭირდება თავდადება და თავგანწირვა, თავისუფლებას თავისი ფასი აქვს გადასახდელი. პოლიტიკოსი, რომელიც პოლიტოლოგობს, საქმეს არ გამოადგება. თავისუფლებისთვის საჭიროა ბრძოლა, თავგანწირვა, ჩემი მაგალითი ამას გაჩვენებთ“, – განაცხადა მიხეილ სააკაშვილმა.ამასთან, მიხეილ სააკაშვილმა აღნიშნა, რომ რუსეთი მძიმე კრიზისშია.„რუსეთი მძიმე კრიზისშია, კარგავს უნგრეთს, არჩევნების ბედი გადაწყვეტილია, კარგავს სომხეთს, თუმცა იქაური რაფალიანცის ისტორია ნებისმიერ დროს შეიძლება მოხდეს. რაც შეეხება სომხეთს, სასაცილო საყურებელი იყო პუტინისა და ფაშინიანის შეხვედრა, პუტინი როგორ აკაჩავებდა, რომ რუსეთის სამხედრო- ეკონომიკური ბლოკებიდან არ გასულიყო და ევროკავშირს არ შეერთებოდა. რუსეთს ცუდად აქვს საქმე უკრაინის ფრონტზე, ძალიან მაგრად მიდის სიტუაცია. რუსეთი წინ ვერ მიდის და უკრაინა ათავისუფლებს ტერიტორიებს. რა თქმა უნდა, უკრაინას აქვს დანაკარგებიც“, – განაცხადა მიხეილ სააკაშვილმა.

მსოფლიო • 1775465191

მარგუს ცაჰკნა: რუსეთის მორიგი სისასტიკე ოდესაში, „ღრმა შეშფოთების“ შესახებ სიტყვები საკმარისი არ არის, სანქციების ახალი პაკეტის არქონით რუსეთს ვაძლევთ საშუალებას, გააგრძელოს მკვლელობა

ესტონეთის საგარეო საქმეთა მინისტრი, მარგუს ცაჰკნა რუსეთის მიერ ოდესაზე განხორციელებულ თავდასხმას ეხმაურება.როგორც ცაჰკნა სოციალურ ქსელში წერს, სანქციების ახალი პაკეტის დაწესების გარეშე, რუსეთს ბავშვების მკვლელობის გაგრძელების საშუალება ეძლევა.„რუსეთის მორიგი სისასტიკე ოდესაში. ღამის განმავლობაში დარტყმები განხორციელდა სახლებზე, სადაც მშვიდობიან მოსახლეობას ეძინა – დაიღუპა ახალგაზრდა დედა, მისი ორი წლის შვილი და სხვები, ხოლო მრავალი ადამიანი დაშავდა. „ღრმა შეშფოთების“ შესახებ სიტყვები საკმარისი არ არის. ვიდრე რუსული ნავთობისა და გაზის დაფინანსება გრძელდება, ეს ტერორიც გრძელდება. სანქციების ახალი პაკეტის გარეშე, ჩვენ რუსეთს ვაძლევთ საშუალებას, გააგრძელოს ბავშვების მკვლელობა. დუმილი და გულგრილობა ადამიანების სიცოცხლის ფასად გვიჯდება“, – წერს მარგუს ცაჰკნა.ცნობისთვის, რუსეთის მიერ ოდესაზე თავდასხმას სამი ადამიანის, მათ შორის ერთი ბავშვის სიცოცხლე ემსხვერპლა. არიან დაშავებულებიც.

მსოფლიო • 1775464094

უკრაინა „თურქსტრიმის“ აფეთქების მცდელობასთან კავშირს უარყოფს

უკრაინა სერბეთში მილსადენის მახლობლად აღმოჩენილ ასაფეთქებელ ნივთიერებებთან კავშირს კატეგორიულად უარყოფს. უკრაინის საგარეო საქმეთა სამინისტროს წარმომადგენელი გეორგი ტიხი მიიჩნევს, რომ ეს სავარაუდოდ, რუსეთის მიერ უნგრეთის არჩევნებში ჩარევის მცდელობაა.„კატეგორიულად უარვყოფთ სერბეთში, „თურქსტრიმის მილსადენის მახლობლად აღმოჩენილ ასაფეთქებელ ნივთიერებებთან უკრაინის დაკავშირების ცრუ მცდელობებს. უკრაინას ამასთან არაფერი აქვს საერთო. სავარაუდოდ, ეს რუსეთის ოპერაციაა და უნგრეთის არჩევნებში მოსკოვის ჩარევის ნაწილია“, - წერს ტიხი.სერბეთმა უნგრეთისკენ მიმავალ გაზსადენზე საბოტაჟის მცდელობის შესახებ 5 აპრილს განაცხადა. უნგრეთის პრემიერ-მინისტრმა უსაფრთხოების საბჭოს სხდომა მოიწვია და განაცხადა, რომ საბოტაჟის უკან, შესაძლოა, უკრაინა იდგეს.

მსოფლიო • 1775461780

უკრაინა „თურქსტრიმის“ აფეთქების მცდელობასთან კავშირს უარყოფს

მსოფლიო • 1775457323

რუსული მედიის ცნობით, უკრაინის შეიარაღებული ძალების მიერ ლუგანსკში, ბელორეჩენსკაიას მაღაროზე დარტყმის შემდეგ, 41 მუშა მიწისქვეშ რჩება

რუსეთის მიერ კონტროლირებად ლუგანსკის რეგიონში, ბელორეჩენსკაიას მაღაროზე უკრაინის იერიშის შედეგად 41 მაღაროელი მიწისქვეშ დარჩა. ინფორმაციას რუსული მედია ავრცელებს.ლუგანსკის ე.წ. რესპუბლიკის ლიდერის, ლეონიდ პასეჩნიკის თქმით, უკრაინის შეიარაღებული ძალების თავდასხმის შედეგად ელექტროქვესადგური დაზიანდა.„გუშინ ღამით, უკრაინის შეიარაღებულმა ძალებმა ბელორეჩენსკაიას მაღაროზე დარტყმა განახორციელეს, რის შედეგადაც ელექტროქვესადგური დაზიანდა. ელექტროენერგიის გათიშვამ 41 მაღაროელი დააზარალა, რომლებიც ამჟამად მიწისქვეშ იმყოფებიან. მათთან კონტაქტი დამყარდა და მათ სასმელი წყალი მიეწოდებათ. ყველა საჭირო სამსახური ზომებს იღებს მაღაროელების გადასარჩენად და მაღაროში ელექტროენერგიის აღსადგენად“, – აცხადებს პასეჩნიკი.

პოლიტიკა • 1775301643

"სწორედ პატრიარქი იყო ადამიანი, რომელიც თავისი ხელით მოასვენებდა ომში დაღუპულ ჩვენს გმირებს, როდესაც სააკაშვილს ტაშ-ფანდური ჰქონდა გამართული" - გიორგი ვოლსკი

"ნაციონალური მოძრაობის" ახალი თავდასხმა გარდაცვლილ პატრიარქზე - ასე აფასებს მმართველი გუნდი მიხეილ სააკაშვილის განცხადებას, რომელიც მან სოციალურ ქსელში გაავრცელა.სააკაშვილი ილია მეორის მოსკოვში ვიზიტს იხსენებს და პატრიარქის მაშინდელ გზავნილებს საკუთარ თავს უკავშირებს."2014 წელს ის ჩავიდა მოსკოვში, შეხვდა პუტინს და უთხრა შემდეგი ფრაზა - "ერთ პიროვნებას არ უნდა გადავაყოლოთ ორ ხალხს შორის ურთიერთობა". ამ ერთ პიროვნებაში, რა თქმა უნდა, მე ვიგულისხმებოდი და ის რომ სწორედ ჩემს გამო ვერ შეძლო პუტინმა 2008-ში საქართველოს დაპყრობა. ეს განცხადება ყველამ თვითონ შეაფასეთ ისტორიის შეფასება იქნება მკაცრი", - წერს სააკაშვილი.მმართველ გუნდში ამბობენ, რომ მათ ოპონენტები მუდმივად ებრძოდნენ ავტორიტეტებს, ახლა კი მათთვის მიუღებელი, ეკლესიისა და პატრიარქის გარშემო ქართველი ხალხის ერთიანობა აღმოჩნდა."მიხეილ სააკაშვილი თვითონ არაერთხელ აცხადებდა, რომ რამდენიმე ათეული შეხვედრა ჰქონდა პუტინთან, აცხადებდა, რომ საქართველო ნატოზე უარს იტყვის და ნატოში წევრობისაკენ მისწრაფებას არ უნდა გადააყოლოს ორ ქვეყანას შორის ურთიერთობა. თუკი პატრიარქი რამე სიტყვას ამბობს, ეს ყველაფერი მიმართულია იმისაკენ, რომ საქართველო არ დაინგრეს, მათ შორის, რუსული აგრესიის ქვეშ და მისი სამიზნე არ გახდეს.რეალურად, ფაქტია, რომ სააკაშვილმა თავის მიზანს მიაღწია. შექმნა სიტუაცია, როდესაც იგი წითელ ხალიჩაზე დადგა იმის გამო, რომ რუსეთს აგინებდა, თუმცა რუსეთი მოგებული დარჩა და წაგებული დარჩა ქართველი ხალხი. ამის საწინააღმდეგოდ, არათუ არ უმოქმედია ოდესმე ეკლესიას და პატრიარქს - პირიქით, სწორედ პატრიარქი იყო ადამიანი, რომელსაც თავისი ხელით გამოჰყავდა, მოასვენებდა ომში დაღუპულ ჩვენს გმირებს, როდესაც სააკაშვილს ტაშ-ფანდური ჰქონდა გამართული," - განაცხადა საქართველოს პარლამენტის თავმჯდომარის პირველი მოადგილემ, გიორგი ვოლსკიმ.

მსოფლიო • 1775286357

Reuters: აშშ-მა რუსეთის ფინანსთა ყოფილ მინისტრს სანქციები მოუხსნა

აშშ-ის ხაზინის დეპარტამენტმა რუსეთის ფინანსთა ყოფილი მინისტრის, მიხეილ ზადორნოვის წინააღმდეგ შემოღებული სანქციები მოხსნა. ინფორმაციას Reuters-ი ავრცელებს.წყაროს ცნობით, ზადორნოვს, რომელიც 2022 წლიდან უკრაინაში რუსეთის სრულმასშტაბიანი შეჭრის შემდეგ იყო დასანქცირებული, ამერიკის ხელისუფლების გადაწყვეტილება გასაჩივრებული ჰქონდა.„როგორც გარკვეული პირების წინააღმდეგ სანქციების დაწესება, ისე მათი ამოღება სიიდან არის საჭირო ინსტრუმენტი აშშ-ის საგარეო პოლიტიკური მიზნების მისაღწევად“, - განუცხადა სააგენტოს აშშ-ის ხაზინის დეპარტამენტის ერთ-ერთმა მაღალჩინოსანმა.მისი თქმით, სანქციების დაწესების აზრი არა ადამიანის დასჯაში, არამედ აშშ-ის ეროვნულ ინტერესებზე პოზიტიურ გავლენაში მდგომარეობს.ზადორნოვს რუსეთის ფინანსთა მინისტრის თანამდებობა 1997-1999 წლებში ეკავა. საჯარო სამსახურიდან წამოსვლის შემდეგ ის კერძო სექტორში, VTB Bank-ში გადავიდა.

სამართალი • 1775284575

მიგრაციის დეპარტამენტის თანამშრომლებმა უცხო ქვეყნის 42 მოქალაქე დააკავეს

უკანონო მიგრაციის წინააღმდეგ ბრძოლის ფარგლებში, შინაგან საქმეთა სამინისტროს მიგრაციის დეპარტამენტის თანამშრომლებმა, თბილისში, ქუთაისსა და ბათუმში სპეციალური საიმიგრაციო კონტროლის ღონისძიებები ჩაატარეს.კომპლექსური ღონისძიებების შედეგად დაკავებულია უცხო ქვეყნის 42 მოქალაქე, მათ შორის - ბანგლადეშის, ინდოეთის, პაკისტანის, ეგვიპტის, უზბეკეთის, თურქეთის, ერაყის, ჩინეთის, ბურკინა-ფასოს, ფილიპინების, იორდანიის, რუსეთის, ტაილანდის, სუდანისა და ნეპალის მოქალაქეები. ჩატარებული ღონისძიებების ფარგლებში დეპარტამენტის თანამშრომლების მიერ გადამოწმდა კონკრეტული ლოკაციები და სხვადასხვა დანიშნულების ობიექტები, რაც მიზნად ისახავდა საქართველოში კანონიერი საფუძვლის გარეშე მყოფი უცხო ქვეყნის მოქალაქეთა გამოვლენას.დადგინდა, რომ დაკავებული პირები ქვეყანაში იმყოფებოდნენ „უცხოელთა და მოქალაქეობის არმქონე პირთა სამართლებრივი მდგომარეობის შესახებ“ საქართველოს კანონით დადგენილ მოთხოვნათა დარღვევით. ამჟამად, დაკავებულები მოთავსებული არიან მიგრაციის დეპარტამენტის დროებითი განთავსების ცენტრში. მიმდინარეობს შესაბამისი პროცედურები მათი ქვეყნიდან გაძევების მიზნით.უნდა აღინიშნოს, რომ ქვეყნის მასშტაბით ინტენსიურ რეჟიმში მიმდინარე საიმიგრაციო კონტროლის ღონისძიებებმა ერთგვარი პრევენციული ხასიათის დატვირთვა მიიღო, რამაც საქართველოში მყოფი უცხოელი არალეგალების მხრიდან ქვეყნის ნებაყოფლობით დატოვება გამოიწვია. მიმდინარე წლის პირველ კვარტალში საქართველო ნებაყოფლობით უკვე 2030-მა უცხოელმა არალეგალმა დატოვა.ინფორმაციას შინაგან საქმეთა სამინისტრო ავრცელებს.

მსოფლიო • 1775231366

თურქული მხარის ინიციატივით, ერდოღანსა და პუტინს შორის სატელეფონო საუბარი გაიმართა - კრემლი

რუსეთისა და თურქეთის ლიდერებს, რეჯეფ თაიფ ერდოღანსა და ვლადიმერ პუტინს შორის სატელეფონო საუბარი გაიმართა. ინფორმაციას ამის შესახებ კრემლი ავრცელებს.მათივე ცნობით, სატელეფონო საუბრის ინიციატორი თურქული მხარე იყო.კრემლის ცნობით, ლიდერებმა განიხილეს ახლო აღმოსავლეთში არსებული მდგომარეობა და აღნიშნეს, რომ მიმდინარე სიტუაციას ნეგატიური გავლენა აქვს არა მხოლოდ რეგიონული, არამედ გლობალური მასშტაბით, მათ შორის ენერგეტიკის, ვაჭრობისა და ლოგისტიკის სფეროებში.მხარეებმა ასევე გამოხატეს საერთო სურვილი რაც შეიძლება სწრაფად ცეცხლის შეწყვეტისა და რეგიონის ყველა სახელმწიფოს კანონიერ ინტერესებზე დაფუძნებული კომპრომისული სამშვიდობო შეთანხმებების შემუშავების აუცილებლობასთან დაკავშირებით.ერდოღანმა და პუტინმა ასევე განიხილეს თურქეთსა და რუსეთს შორის ორმხრივი ურთიერთობები.როგორც კრემლი წერს, ვლადიმერ პუტინმა მადლობა გადაუხადა ერდოღანს მოლაპარაკებების პროცესის ხელშეწყობისთვის მუდმივი მზადყოფნისთვის.„კიევის რეჟიმის მიერ რუსეთსა და თურქეთს შემაერთებელ გაზსატრანსპორტო ინფრასტრუქტურასა და შავ ზღვაში სავაჭრო გემებზე დარტყმის მცდელობების გათვალისწინებით, ხაზგასმულ იქნა შავი ზღვის აკვატორიაში ყოვლისმომცველი უსაფრთხოების უზრუნველყოფის მიზნით კოორდინირებული ზომების მნიშვნელობა“, – აღნიშნულია კრემლის მიერ გავრცელებულ ინფორმაციაში.

პოლიტიკა • 1775214621

მიხეილ ყაველაშვილი: წინა ხელისუფლების წარმომადგენლებმა 26 მაისის ღამეს ჩვენი მოქალაქეები ცემაში მოკლეს და ბედავენ მასშტაბურ ეროვნულ აქციებზე საუბარს, ეს წარმოუდგენელია

უკრაინაში საომარი ვითარების შემდეგ კიდევ უფრო მკაფიოდ გამოიკვეთა ისეთი ძალების არსებობა, რომლებიც პირდაპირ ზეწოლას ახორციელებდნენ ჩვენს ხელისუფლებაზე, – ამის შესახებ საქართველოს პრეზიდენტმა, მიხეილ ყაველაშვილმა სლოვაკეთში ქართველ ჟურნალისტებს განუცხადა.ყაველაშვილს კითხვა დაუსვეს ნიდერლანდების პარლამენტში საგარეო ურთიერთობათა კომიტეტზე „საერთაშორისო გამჭვირვალობა საქართველოს“ დირექტორის, ეკა გიგაურის განცხადებაზე.„ეს არ არის ახალი ჩვენი საზოგადოებისთვის, ჩვენთვის – მით უმეტეს. განსაკუთრებით უკრაინაში საომარი ვითარების შემდეგ კიდევ უფრო მკაფიოდ გამოიკვეთა ამ ძალების არსებობა. მათ აღარ დამალეს და პირდაპირი ზეწოლა ხორციელდებოდა ჩვენს ხელისუფლებაზე – რა თქმა უნდა, გარედან და აქაც, არასამთავრობოებისა და რადიკალური ოპოზიციის საშუალებით. ვხედავდით, არაერთხელ დაისვა კითხვა, რას ითხოვდნენ ომის პირველ დღეებში საქართველოს ხელისუფლებისგან. აქციებიც მოაწყვეს და დღეს თითქოს ჩუმად არიან, თითქოს სხვა პროტესტი ჰქონდათ. ხომ ვიცით, რა უნდოდათ. უნდოდათ, სანქციები დაგვეწესებინა რუსეთისთვის, მოხალისეები გაგვეგზავნა და იარაღი გაგვეგზავნა უკრაინისთვის. არაერთხელ მითქვამს, რომ დაახლოებით ერთ კვირაში ამერიკის პრეზიდენტმაც აღნიშნა – მოხალისეების გაგზავნა ნებისმიერი მთავრობის მხრიდან ნიშნავს, რომ ქვეყანა ომში ერთვება. სწორედ ამას ითხოვდნენ ეს ადამიანები, რომლებიც დღესაც აქციებზე დადიან. როცა ამბობენ – ომი გინდათ, ომს ვინ ითხოვდაო, ეს ხომ ომში ჩართვა იყო პირდაპირი მნიშვნელობით.იმას აღარ ვამბობ, კულუარებში რას ითხოვდნენ. ჩვენ ამას გავუძელით. მაგრამ საზოგადოებამ დაინახა, რომ ამ რადიკალურ ფრთას არავითარი შესაძლებლობები არ აქვს. მათი ერთადერთი შესაძლებლობაა, სამწუხაროდ, სწორედ გარე ძალების მიერ მათი დაფინანსება, რომელსაც ჩვენ კანონის საშუალებით ვამხელთ. როგორ წარმოგიდგენიათ, დამოუკიდებელი ქვეყანა, რომელსაც აქვს თავისი პოლიტიკა და პოლიტიკური პარტიები, მათი არსებობა სხვა ქვეყნის დაფინანსებით ხდებოდეს. ეს ხომ წარმოუდგენელია. არასამთავრობო ორგანიზაციები, რომლებიც თითქოს ქვეყნის განვითარებას ემსახურებოდნენ, კრიტიკულ ვითარებაში დავინახეთ, მათი ქმედებები. აქციებზე მათი დიდი ნაწილი იყო გამოსული, მართლა წარმოუდგენელი ფაქტი იყო, როცა ავიდნენ პოლიტიკურ სცენაზე და ხელისუფლების გადაბარებაზე ჰქონდათ აქცენტი“, – აღნიშნა ყაველაშვილმა.ამასთან, მისი თქმით, „ოპოზიციის ალიანსში“ გაერთიანებული არიან წინა ხელისუფლების წარმომადგენლები.„იმ ხალხში, რომელიც დღეს შეიკრიბა, ვინ არის ახალი? ისინი წინა ხელისუფლების წარმომადგენლები არიან. ზოგიერთი ახალგაზრდა ამბობს, მაშინ პატარა ვიყავი და არაფერი მახსოვსო, შევახსენებ, იცოდნენ მათი დანაშაულები. ამ ადამიანების უმრავლესობა „ნაციონალური მოძრაობის“ წევრი იყო. 26 მაისის ღამეს ჩვენი მოქალაქეები ცემაში მოკლეს – ორი ადამიანი გარდაიცვალა, ხანდაზმულები ძირს დაყრილები, დასისხლიანებულები იყვნენ. ახლა ციხეში მყოფმა მიხეილ სააკაშვილმა აღლუმი ჩაატარა ჩვენი ხანდაზმული ადამიანების სისხლზე. ეს ადამიანები ბედავენ 26 მაისზე საუბარს და მასშტაბურ ეროვნულ აქციებს – ეს წარმოუდგენელია“, – აღნიშნა ყაველაშვილმა.პრეზიდენტის თქმით, პატრიარქის გარდაცვალების შემდეგ, ყველამ დაინახა ქართველი ხალხის განწყობა. მისივე თქმით, დღეს ერი და ბერი ერთად დგას.„მთავარია, საზოგადოება იყოს ინფორმირებული. პარალელის გავლება მარტივად შეიძლება. მაგალითად, ჩვენი უწმინდესისა და უნეტარესის გარდაცვალების გამო ყველა განცვიფრებული ვართ. ერთი კვირის განმავლობაში მუდმივი კონტაქტი მქონდა სასულიერო პირებთან და ისინიც განცვიფრებული, შოკში იყვნენ, რაც საქართველოში ხდებოდა. ეს აჩვენებს, რომ ამ უდიდეს პიროვნებას ასეთი ძალა ჰქონდა, ასეთ სიყვარულს აფრქვევდა. გარდა ამისა, დავინახეთ ხალხის განწყობა არა მხოლოდ საქართველოში, არამედ მის ფარგლებს გარეთაც. ყველა განცვიფრებულია, როგორი მასშტაბური მოვლენა მოხდა ჩვენი პატრიარქის გარდაცვალების დროს. სწორედ ამას ვიცავთ ჩვენ. რა თქმა უნდა, შეცდომების გარეშე ვერც ერთი ხელისუფლება ვერ არსებობს. მთავარი საკითხი რა არის, იცით? ბოლო წლების მოვლენებს კარგად თუ გადავავლებთ თვალს, ხელისუფლება შეცდომებს უშვებს, მაგრამ ძალიან დიდი მნიშვნელობა აქვს, როცა ის უსმენს ხალხს და ისეთ ინსტიტუციებს, რომლებიც მაღალი ავტორიტეტით სარგებლობენ. ეს ჩვენმა ხელისუფლებამ შეძლო – დღეს ერი და ბერი ერთად დგას და სწორედ ამას ვიცავთ.ყველამ დაინახა, სად უნდა იყოს საქართველო, რას უნდა იცავდეს ქართველი ადამიანი და როგორი ქვეყნის აშენება გვინდა. აქ პოლიტიკური განსხვავება არ იყო, ეს იყო ეროვნული საკითხი – რომ არაფრის დიდებით არ დავთმობთ ჩვენს მამულს, რწმენას, ენას, კულტურას და ტრადიციებს. ეს იყო გამოხატული ბოლო წლებში ჩვენი უწმინდესისა და უნეტარესის მიერ. სწორედ ამ ღირებულებების გარშემო ვიბრძვით პოლიტიკურ ველზე. გუშინდელი ჩემი შეხვედრაც ამ თემებს ეხებოდა. რა თანხვედრა გვაქვს, რას იცავს სლოვაკეთი – ეროვნული ინტერესები, ტრადიციები, ოჯახური ღირებულებები. ეს ის საკითხებია, რომლებიც ყველა ქვეყანას აწუხებს, მით უმეტეს, პატარა ქვეყნებს“, – განაცხადა მიხეილ ყაველაშვილმა სლოვაკეთში ქართველ ჟურნალისტებთან.