რუსეთი

ევროკავშირმა სანქციები უნდა დაუწესოს ისრაელის დასახლებებს, როგორც რუსეთის მიერ ოკუპირებული ყირიმის შემთხვევაშია - კაია კალასი

ევროკავშირმა სანქციები უნდა დაუწესოს ისრაელის დასახლებებს, როგორც რუსეთის მიერ ოკუპირებული ყირიმის შემთხვევაშია, – ამის შესახებ ევროკავშირის უმაღლესმა წარმომადგენელმა, კაია კალასმა განაცხადა.„მაგალითს თუ ავიღებთ, როდესაც ყირიმის ოკუპაცია მოხდა, მაშინ ძალიან ნათელი იყო, რომ ეს უკანონოა. ჩვენ ამას არ ვაღიარებთ, რაც ნიშნავს, რომ ვწყვეტთ ყირიმიდან შემოსულ ნებისმიერ პროდუქტზე ვაჭრობას. ჩვენც იგივე პრინციპული პოზიცია უნდა გვქონდეს – თქვენ იცით, რომ ეს უკანონოა, ყველა თანხმდება – ამიტომ უნდა შევწყვიტოთ ვაჭრობა ოკუპირებულ ტერიტორიებთან“, – განაცხადა კალასმა.აღნიშნულ განცხადებას ევროკავშირსა და ნატო-ში ისრაელის მისიამ „ძალიან სამწუხარო“ უწოდა.„განსაკუთრებით დღეს, ებრაული ახალი წლის წინა დღეს, ძნელი დასაჯერებელია, რომ [ის] პირდაპირ პარალელს ავლებს იერუსალიმის დასავლეთ კედელსა და ებრაულ კვარტალსა და ყირიმში არსებულ სიტუაციას შორის, მისი პირადი მსოფლმხედველობის მიუხედავად“, – ნათქვამია მისიის განცხადებაში.

მსოფლიო • 1789141920

რიკარდ იოზვიაკი: ევროკავშირის ელჩებმა დღესაც ვერ მიაღწიეს შეთანხმებას რუსეთის წინააღმდეგ სანქციების გაგრძელებაზე. კიდევ ერთი შეხვედრა ორშაბათს გაიმართება

„რადიო თავისუფლების” ევროპის ბიუროს რედაქტორი რიკარდ იოზვიაკი სოციალურ ქსელ X-ში წერს, რომ ევროკავშირის ელჩებმა დღესაც ვერ მიაღწიეს შეთანხმებას რუსეთის წინააღმდეგ სანქციების გაგრძელებაზე.მისი განცხადებით, მომდევნო შეხვედრა 15 სექტემბერს გაიმართება, ანუ ადრე დაწესებული რუსული სანქციებს მოქმედების ვადის ამოწურვამდე ერთი დღით ადრე.გარდა ამისა, როგორც იოზვიაკი აღნიშნავს, სლოვაკეთი კვლავ ითხოვს რუსი ბიზნესმენების, ალიშერ უსმანოვისა და მიხეილ ფრიდმანის სანქცირებულთა სიიდან ამოღებას. სლოვაკეთის მოთხოვნას საფრანგეთიც შეუერთდა, რაც საკითხს უფრო ართულებს.„ევროკავშირის ელჩებმა დღესაც ვერ მიაღწიეს შეთანხმებას რუსეთის წინააღმდეგ სანქციების გაგრძელებაზე. კიდევ ერთი შეხვედრა ორშაბათს გაიმართება, ანუ 15 სექტემბრამდე ერთი დღით ადრე. სლოვაკეთი კვლავ ითხოვს, რომ უსმანოვი და ფრიდმანი სანქცირებულთა სიიდან ამოიღონ, თუმცა საკითხი ახლა კიდევ უფრო გართულდა, რადგან საფრანგეთიც ითხოვს უსმანოვის სანქციების სიიდან ამოღებას“, - დაწერა იოზვიაკმა. 🇪🇺 ambassadors AGAIN failed today to extend the 🇷🇺 sanctions. Another meeting on Monday, one day before the Sep 15 deadline. 🇸🇰 still wants Usmanov & Fridman delisted but the issue is now further complicated as 🇫🇷 also wants Usmanov off the blacklist — Rikard Jozwiak (@RikardJozwiak) September 11, 2026

მსოფლიო • 1789135853

პუტინი ინდოეთში ნარენდრა მოდის შეხვდა, ლიდერებმა ორმხრივ ურთიერთობებზე, ვაჭრობაზე, ენერგეტიკისა და თავდაცვის სფეროში თანამშრომლობის საკითხებზე ისაუბრეს

რუსეთის პრეზიდენტი ვლადიმერ პუტინი ინდოეთში იმყოფება, სადაც ინდოელ კოლეგას ნარენდრა მოდის შეხვდა. რუსული მედიის ცნობით, ლიდერებმა ნიუ-დელიში ორმხრივ ურთიერთობებზე, ვაჭრობაზე, ენერგეტიკისა და თავდაცვის სფეროში თანამშრომლობის საკითხებზე ისაუბრეს.რუსეთის საგარეო საქმეთა სამინისტროს განცხადებით, პრეზიდენტებმა, შავი ზღვის რეგიონში არსებული ვითარებაც განიხილეს.„ლიდერებმა ასევე გაცვალეს მოსაზრებები ორმხრივი ინტერესის მქონე ძირითად რეგიონულ და გლობალურ საკითხებზე, მათ შორის დასავლეთ აზიასა და შავი ზღვის რეგიონში არსებულ კონფლიქტებზე, რომლებმაც გავლენა ახდენს საზღვაო ვაჭრობასა და ინდოელი მეზღვაურების უსაფრთხოებაზე“, – ნათქვამია ანგარიშში.სამინისტროს თქმით, მოდიმ კიდევ ერთხელ გაიმეორა, რომ კონფლიქტების მოგვარების გზა დიალოგი და დიპლომატიაა და ინდოეთი მზადაა ხელი შეუწყოს სამშვიდობო ძალისხმევას. მედიის ინფორმაციით, პუტინმა, თავის მხრივ, ინდოელი კოლეგა რუსეთში 24-ე ყოველწლიურ ორმხრივ სამიტზე მიიწვია. ვიზიტის თარიღები ჯერჯერობით ცნობილი არ არის.ამასთან, პუტინი და მოდი მონაწილეობას მიიღებენ BRICS-ის ლიდერთა სამიტის გახსნის ცერემონიაში, რომელიც ნიუ-დელიში 12-13 სექტემბერს გაიმართება. შეხვედრას ასევე დაესწრება ჩინეთის პრეზიდენტი სი ძინპინი და ირანის პრეზიდენტი მასუდ ფეზეშქიანი.

მსოფლიო • 1789127418

ევროკომისიამ 90 მილიარდი ევროს ოდენობის სესხის ფარგლებში, კიევისთვის დამატებით 6.1 მილიარდი ევროს გამოყოფა დაამტკიცა

ევროკომისიამ უკრაინას შეიარაღების შესაძენად დამატებით 6.1 მილიარდი ევრო გამოუყო. ევროკომისიის პრესსამსახურის განცხადებით, 90 მილიარდი ევროს ოდენობის სესხის ფარგლებში ბრიუსელმა კიევისთვის დამატებით 6.1 მილიარდი ევროს გამოყოფა დაამტკიცა.მათივე თქმით, აღნიშნული თანხით უკრაინა „პეტრიოტის“ სისტემებისთვის PAC-3-ის ტიპის რაკეტებს, საჰაერო თავდაცვის სისტემებს, საბრძოლო მასალას, დრონებსა და რადიოელექტრონული ბრძოლის საშუალებებს შეიძენს.„დღეს ჩვენ დავამტკიცეთ 6.1 მილიარდი ევრო, რათა დავეხმაროთ უკრაინას სხვადასხვა თავდაცვითი საშუალებების შესყიდვაში საჰაერო და სარაკეტო თავდაცვის, საბრძოლო მასალის, დრონებისა და ელექტრონული ბრძოლის სფეროებში. ამ გადაწყვეტილებით უკრაინას უკვე შეუძლია, შეიძინოს „პეტრიოტის“ სისტემები, რომლებიც მას სჭირდება რუსეთის თავდასხმებისგან ცის უკეთ დასაცავად. წევრ სახელმწიფოებსა და ნატო-სთან ერთად, ჩვენ გავაგრძელებთ უკრაინის მხარდაჭერას და, ამავდროულად, გავაძლიერებთ ევროპის თავდაცვისუნარიანობას“, – განაცხადა ევროკომისიის პრეზიდენტმა, ურსულა ფონ დერ ლაიენმა.ამასთან, ევროკომისიის პრესსამსახურის განცხადებით, მიმდინარე წელს კომისიამ უკვე გამოყო 8.35 მილიარდი ევრო უკრაინის თავდაცვის დასაფინანსებლად და უახლოეს მომავალში დამატებითი სახსრებიც გამოიყოფა.

მსოფლიო • 1789107966

ტულის ოლქზე უკრაინული დრონებით განხორციელებული თავდასხმის შედეგად ორი ადამიანი დაიღუპა, სამი კი დაშავდა

ტულის ოლქზე უკრაინული დრონებით განხორციელებული თავდასხმის შედეგად ორი ადამიანი დაიღუპა, სამი კი დაშავდა. ინფორმაციას ამის შესახებ რუსული მედია ავრცელებს.ტულის ოლქის გუბერნატორმა დაღუპულთა ოჯახის წევრებსა და ახლობლებს მიუსამძიმრა, ხოლო დაშავებულებს სწრაფი გამოჯანმრთელება უსურვა. მისივე თქმით, გასული ღამის განმავლობაში ტულის ოლქის თავზე 26 უკრაინული უპილოტო საფრენი აპარატი ჩამოაგდეს.რუსული მედიის ცნობით, უკრაინის შეიარაღებული ძალები ყოველდღიურად ცდილობენ დრონებით რუსეთის ტერიტორიაზე მდებარე სამოქალაქო ობიექტებზე თავდასხმას, რუსეთის საჰაერო თავდაცვის სისტემები კი მათ უმეტესობას ანადგურებენ.ამასთან, როგორც მედია წერს, საპასუხოდ რუსეთის არმია იერიშებს ახორციელებს გადაწყვეტილების მიღების ცენტრებზე, საწარმოებსა და საწყობებზე, რომლებსაც უკრაინის შეიარაღებული ძალები ნატო-ს სპეციალისტებთან ერთად იყენებენ.ამავე ცნობით, რუსული ძალები იყენებენ დამრტყმელ უპილოტო საფრენ აპარატებსა და შორი მოქმედების ზუსტ იარაღს, რომელსაც, მათი მტკიცებით, უკრაინის მთელ ტერიტორიაზე ნებისმიერი სამიზნის განადგურება შეუძლია.

მსოფლიო • 1789104096

უკრაინაში, სავაჭრო ცენტრზე რუსეთის თავდასხმის შედეგად 5 ადამიანი დაიღუპა, 67 კი დაშავდა

უკრაინაში, ოკუპანტებმა ქალაქები და დასახლებები ბალისტიკური რაკეტებით და დრონებით დაბომბეს. მსხვერპლი მოჰყვა დნეპროპეტროვსკის ოლქში, სავაჭრო ცენტრზე განხორციელებულ იერიშს - დაღუპულია 5 ადამიანი, დაშავდა 67, მათ შორის 8 ბავშვია.აფეთქებებია კიევშიც. დნიპროვსკის რაიონში, 9-სართულიან საცხოვრებელ სახლში ხანძარი გაჩნდა. დაშავდა 2 ადამიანი. იერიშები იყო კიევის მახლობლად მდებარე დასახლებებშიც. არის მსხვერპლი. დაზიანებულია სამოქალაქო ინფრასტრუქტურა და საცხოვრებელი სახლები.

ომი უკრაინაში • 1789102970

რუსეთის სარატოვის ოლქში ნავთობგადამამუშავებელ ქარხანაზე დრონებით დარტყმა განხორციელდა

რუსეთის სარატოვის ოლქში ნავთობგადამამუშავებელ ქარხანაზე დრონებით დარტყმა განხორციელდა, - ინფორმაციას უკრაინული მედია ავრცელებს.დრონებით იერიშის შედეგად სარატოვის ნავთობგადამამუშავებელ ქარხანაში ხანძარი გაჩნდა.მანამდე, სარატოვის ოლქის გუბერნატორმა, რომან ბუსარგინმა საჰაერო საფრთხის შესახებ გამოაცხადა.ასევე, დრონებით დარტყმის შედეგად სარატოვის ოლქში მდებარე კომპანია OZON-ის საწყობი დაზიანდა.როგორც კომპანიაში აღნიშნეს, საწყობის ტერიტორიაზე ხანძარი გაჩნდა და თანამშრომლების ევაკუაცია გახდა საჭირო. მათივე თქმით, დაშავებულები არ არიან.

მსოფლიო • 1789067100

პოლონეთის თავდაცვის მინისტრი: თუ ბალტიის ქვეყნებზე თავდასხმა მოხდება, ვარშავამ ნატოს წესდების მე-5 მუხლის ამოქმედება უნდა მოითხოვოს

თუ ბალტიის ქვეყნებზე თავდასხმა მოხდება, ვარშავამ ნატოს წესდების მე-5 მუხლის ამოქმედება უნდა მოითხოვოს. ამის შესახებ პოლონეთის თავდაცვის მინისტრმა და ვიცე-პრემიერმა, ვლადისლავ კოსინიაკ-კამიშმა განაცხადა.პოლონეთის თავდაცვის სამინისტროს ხელმძღვანელმა აღიარა, რომ რუსეთის მხრიდან ბალტიის ქვეყნებზე შესაძლო თავდასხმის სცენარი საჯარო სივრცეში სულ უფრო ხშირად განიხილება. მან ხაზგასმით აღნიშნა, რომ ამ სცენარის განხორციელების შემთხვევაში პოლონეთის რეაქცია მკაცრი იქნება.„თუ იმ მომენტში თავდაცვის მინისტრის თანამდებობაზე ვიქნები, მინისტრთა საბჭოს, მთავრობასა და პრეზიდენტს წინადადებით მივმართავ, რომ პოლონეთი დასახმარებლად პირველი გამოვიდეს, მე-5 მუხლის ამოქმედებითა და რესპუბლიკისა და პოლონური საზოგადოებისთვის ყველა მოსალოდნელი შედეგით. რადგან თუ ამას არ გავაკეთებთ, ამ რეგიონს დავკარგავთ. ხოლო როცა ამ რეგიონს დავკარგავთ, ძალიან მალე თავად ვითხოვთ დახმარებას, რადგან მე-5 მუხლის ამოქმედება უკვე ჩვენთვის მოგვიწევს“, - განაცხადა კოსინიაკ-კამიშმა.

მსოფლიო • 1789065000

Bloomberg: არქტიკაში მდებარე რუსეთის ობიექტებზე უკრაინის დარტყმებმა შეშფოთება გამოიწვია ევროპაში, რომელიც იამალის ნახევარკუნძულიდან დღემდე დიდი რაოდენობით თხევად ბუნებრივ გაზს იძენს

არქტიკაში მდებარე რუსულ გაზის ობიექტებზე უკრაინის უპრეცედენტო იერიშებმა რუსეთის ენერგოსექტორის ახალი სუსტი წერტილები და გლობალური გაზის ბაზრისთვის მოსალოდნელი საფრთხეები გამოკვეთა. ამის შესახებ Bloomberg იუწყება.გამოცემის ცნობით, ოთხშაბათს, უკრაინულმა დრონებმა 3 200 კილომეტრზე მეტი მანძილი დაფარეს იმ ორი ქარხნის დასაბომბად, რომლებიც გაზის კონდენსატს ნავთობპროდუქტებად გადაამუშავებენ.აღნიშნული საწარმოები ჩრდილოეთ პოლარული წრის სამხრეთით, იამალის რეგიონში მდებარეობს, სადაც რუსული ბუნებრივი გაზის დაახლოებით 80% მოიპოვება.ამ თავდასხმებმა შეშფოთება გამოიწვია ევროპაში, რომელიც იამალის ნახევარკუნძულიდან დღემდე დიდი რაოდენობით თხევად ბუნებრივ გაზს იძენს.ეტალონური გაზის ფასმა, რომელიც ირანთან კონფლიქტის ფონზე ისედაც იზრდებოდა, ბოლო სამ წელზე მეტი ხნის განმავლობაში პირველად გადააჭარბა 80 ევროს მეგავატ-საათში.ევროპულ ბაზრებზე ერთ-ერთ მთავარ საფიქრალს „იამალ-სპგ“-ზე - რუსეთის თხევადი ბუნებრივი გაზის უმსხვილეს ქარხანაზე - შესაძლო იერიში წარმოადგენს. 1-ლი იანვრიდან მასზე იმპორტის აკრძალვა გავრცელდება, თუმცა მანამდე ქარხანა ევროკავშირისთვის გაზის მიწოდების გაგრძელებას შეძლებს.მიუხედავად იმისა, რომ 2022 წელს უკრაინაში სრულმასშტაბური შეჭრის შემდეგ რუსეთიდან ევროპაში გაზის ექსპორტი შემცირდა, ის კვლავ ფარავს კონტინენტის გაზის მოთხოვნის დაახლოებით 10%-ს.ამ მოცულობის ნახევარი თხევად ბუნებრივ გაზზე მოდის, ხოლო დარჩენილი ნაწილი „თურქული ნაკადის“ გაზსადენით მიეწოდება, რომლის მეშვეობითაც დასავლეთ ციმბირის საბადოების გაზი შავი ზღვის გავლით სამხრეთ-აღმოსავლეთ ევროპაში შედის.

მსოფლიო • 1789063140

დონალდ ტუსკი: პოლონეთი მოელის, რომ უახლოეს მომავალში რუსეთმა შესაძლოა უკრაინა-პოლონეთის საზღვარზე მდებარე გამშვებ პუნქტებზე მიიტანოს იერიში უკრაინის სავაჭრო ბლოკადის კამპანიის ფარგლებში

პოლონეთი მოელის, რომ უახლოეს მომავალში რუსეთმა შესაძლოა უკრაინა-პოლონეთის საზღვარზე მდებარე გამშვებ პუნქტებზე მიიტანოს იერიში უკრაინის სავაჭრო ბლოკადის კამპანიის ფარგლებში. ამის შესახებ პოლონეთის პრემიერ-მინისტრმა, დონალდ ტუსკმა განაცხადა.მან, კერძოდ, მიუთითა რამდენიმე პრეცედენტზე, როდესაც რუსებმა მიზანმიმართულად იერიში მიიტანეს ოდესის ოლქში უკრაინასა და მოლდოვას შორის არსებულ სასაზღვრო გადასასვლელებზე. ამ თავდასხმებს, მათ შორის, მსხვერპლიც მოჰყვა.ტუსკის თქმით, გასულ ღამეს უკრაინაზე რუსეთის მასშტაბური იერიშის დროს, უკრაინული და პოლონური სამსახურების თანამშრომლობის წყალობით, აცილებული იყო „პირდაპირი საფრთხე ერთ-ერთ სასაზღვრო გადასასვლელზე“.„როგორც თქვენთვის ცნობილია, რუსეთმა უკვე მიმართა პროვოკაციულ თავდასხმებს საზღვრის გადაკვეთის პუნქტებზე, მაგალითად, მოლდოვასთან. ჩვენ ველოდებით ანალოგიურ ქმედებებს“, - განაცხადა ტუსკმა.ამასთან, მან აღნიშნა, რომ პოლონეთი, ისევე როგორც მთელი ევროპა, მზად უნდა იყოს სხვადასხვა სცენარისთვის არა მხოლოდ რუსეთ-უკრაინის ფრონტზე, არამედ ზოგადად ევროკავშირის აღმოსავლეთ ფლანგზე.

მსოფლიო • 1789056380

პოლონეთი შიშობს, რომ რუსეთმა შესაძლოა, სამიზნედ უკრაინასთან სასაზღვრო გამშვები პუნქტები აირჩიოს - დონალდ ტუსკი

პოლონეთის პრემიერ-მინისტრმა, დონალდ ტუსკმა განაცხადა, რომ ღამით პოლონეთმა უკრაინასთან ერთ-ერთ სასაზღვრო გამშვებ პუნქტზე არსებული პირდაპირი საფრთხე აღკვეთა. ტუსკის განცხადებით, საფრთხის აღკვეთა პოლონეთისა და უკრაინის შესაბამის სამსახურებს შორის თანამშრომლობის შედეგად მოხერხდა.პოლონეთის პრემიერ-მინისტრის თქმით, რუსეთის მიერ უკრაინის მეზობელ ქვეყნებთან დამაკავშირებელი საერთაშორისო გამშვები პუნქტების დაბომბვის ფონზე, პოლონეთი საკუთარი სასაზღვრო პუნქტების წინააღმდეგ შესაძლო თავდასხმასაც ელოდება.როგორც ტუსკმა სლოვაკეთში გამართულ პრესკონფერენციაზე განაცხადა, რუსეთმა უკვე განახორციელა პროვოკაციული თავდასხმები სასაზღვრო გამშვებ პუნქტებზე, მათ შორის მოლდოვაში.„ჩვენ ველოდებით მსგავს ქმედებებს სხვა ქვეყნებში, მათ შორის, პოლონეთში, უკრაინასთან დამაკავშირებელი სასაზღვრო პუნქტების წინააღმდეგ“, – განაცხადა პოლონეთის პრემიერ-მინისტრმა.ტუსკმა ასევე აღნიშნა, რომ უახლოეს თვეებში შესაძლო მოვლენებთან დაკავშირებით აშშ-ის ცენტრალური სადაზვერვო სააგენტოსგან (CIA) საკმაოდ ზუსტი ანგარიში მიიღო. მისი თქმით, ანგარიში ემთხვევა იმ შეფასებებს, რომლებზეც ის ბოლო რამდენიმე თვის განმავლობაში საუბრობდა და საზოგადოებას აფრთხილებდა.„ჩვენ სხვადასხვა სცენარისთვის უნდა ვიყოთ მზად. პოლონეთიც და მთელი ევროპაც მზად უნდა იყოს მოვლენების განვითარების სხვადასხვა ვარიანტისთვის – არა მხოლოდ რუსეთ-უკრაინის ფრონტზე, არამედ ევროკავშირის აღმოსავლეთ ფლანგზეც“, – განაცხადა ტუსკმა.

მსოფლიო • 1789056060

ევროპარლამენტის 122 დეპუტატი გაყინული რუსული აქტივების უკრაინისთვის გამოყენებაზე მოლაპარაკებების განახლებას ითხოვს - „ევრონიუსი“

ევროპარლამენტის 122 დეპუტატი გაყინული რუსული აქტივების უკრაინისთვის გამოყენებაზე მოლაპარაკებების განახლებას ითხოვს, – ამის შესახებ „ევრონიუსი“ წერს.„ევრონიუსის“ ცნობით, დეპუტატებმა წერილი გაუგზავნეს ევროკომისიის პრეზიდენტs, ურსულა ფონ დერ ლაიენს, ევროკავშირის უმაღლეს წარმომადგენელs, კაია კალასს, ეკონომიკის საკითხებში ევროკომისარs, ვალდის დომბროვსკისს, ევროპული საბჭოს პრეზიდენტs, ანტონიუ კოშტას და ევროკავშირის საბჭოს თავმჯდომარე ქვეყნის, ირლანდიის პრემიერ-მინისტრs, მიჰოლ მარტინს.წერილში ევროპარლამენტარები მოუწოდებენ ევროკავშირს გაყინული რუსული აქტივების უკრაინის დასახმარებლად გამოყენების შესახებ მოლაპარაკებების განახლებისკენ. წერილში ნათქვამია, რომ რუსეთმა უნდა აანაზღაუროს მის მიერ უკრაინისთვის მიყენებული ზარალი. შესაბამისად, დეპუტატების განცხადებით, რუსეთის გაყინული აქტივები უკრაინისა და მისი თავდაცვის დაფინანსებას უნდა მოხმარდეს.ევროპარლამენტარები ევროკომისიას ასევე ახალი წინადადების წარდგენისკენ მოუწოდებენ, რომელმაც ევროკავშირის წევრი ქვეყნების, მათ შორის ბელგიის, წინააღმდეგობები უნდა დაძლიოს.„რუსეთმა უნდა იტვირთოს თავისი აგრესიული ომის ფინანსური შედეგები“, – ნათქვამია წერილში.