რუსეთი

ზელენსკი: მხოლოდ კიევში, დღევანდელი საღამოს მონაცემებით, მილიონზე მეტი მომხმარებელი ელექტროენერგიის გარეშეა - 4 000-ზე მეტი საცხოვრებელი კორპუსი გათბობის გარეშეა დარჩენილი

კიევში მილიონზე მეტი მომხმარებელი ელექტროენერგიის გარეშე დარჩა დედაქალაქზე რუსეთის ბოლო დარტყმების შემდეგ, - განაცხადა უკრაინის პრეზიდენტმა, ვოლოდიმირ ზელენსკიმ.„მხოლოდ კიევში, დღევანდელი საღამოს მონაცემებით, მილიონზე მეტი მომხმარებელი ელექტროენერგიის გარეშეა, ხოლო შენობების მნიშვნელოვანი რაოდენობა - 4 000-ზე მეტი საცხოვრებელი კორპუსი - გათბობის გარეშეა დარჩენილი“, - აღნიშნა ზელენსკიმ.მან მოუწოდა დავოსში შეკრებილ ქვეყნებს, მხარი დაუჭირონ უკრაინას დახმარების პაკეტებით.„თუ დავოსის ფორმატს უკრაინისთვის რეალური შედეგების მოტანა შეუძლია, მაშინ უკრაინა იქ წარმოდგენილი იქნება. არავის სჭირდება ფუჭი პოლიტიკა და საუბრები შედეგის გარეშე“, - დასძინა მან.

მსოფლიო • 1768933142

არქტიკის სუვერენიტეტის საკითხში ჩვენ მტკიცედ ვდგავართ გრენლანდიისა და დანიის მხარეს, კატეგორიულად ვეწინააღმდეგებით გრენლანდიასთან დაკავშირებულ ტარიფებს - მარკ კარნი

არქტიკის სუვერენიტეტის საკითხში ჩვენ მტკიცედ ვდგავართ გრენლანდიისა და დანიის მხარეს, – ამის შესახებ კანადის პრემიერ-მინისტრმა, მარკ კარნიმ დავოსში, მსოფლიო ეკონომიკურ ფორუმზე სიტყვით გამოსვლისას განაცხადა.მისივე თქმით, კანადა კატეგორიულად ეწინააღმდეგება გრენლანდიასთან დაკავშირებულ ტარიფებს.„არქტიკის სუვერენიტეტის საკითხში ჩვენ მტკიცედ ვდგავართ გრენლანდიისა და დანიის მხარეს და სრულად ვუჭერთ მხარს მათ უნიკალურ უფლებას, განსაზღვრონ გრენლანდიის მომავალი. ჩვენი ერთგულება ნატოს მე-5 მუხლის მიმართ ურყევია. კანადა კატეგორიულად ეწინააღმდეგება გრენლანდიასთან დაკავშირებულ ტარიფებს და მოუწოდებს ფოკუსირებული მოლაპარაკებებისკენ არქტიკაში უსაფრთხოებისა და კეთილდღეობის ჩვენი საერთო მიზნების მისაღწევად. ვიტყოდი, რომ საფრთხეები არსებობს. რუსეთი, უდავოდ, საფრთხეს წარმოადგენს არქტიკაში. რუსეთი ბევრ საშინელ რამეს აკეთებს და მე ვისარგებლებ შემთხვევით, რათა დავგმო მათი გაუმართლებელი და საშინელი თავდასხმა უკრაინაზე, რომელიც თითქმის მეოთხე წელია, მიმდინარეობს. ისინი რეალურ საფრთხეს წარმოადგენენ არქტიკაში, ჩვენ უნდა დავიცვათ ისინი, სწორედ ამიტომ ვითანამშრომლებთ ნატო-ს პარტნიორებთან“, – აღნიშნა კარნიმ.

მსოფლიო • 1768930843

კიევის მერი: ათ დღეში დედაქალაქი 600 000-მა ადამიანმა დატოვა

უკრაინის დედაქალაქის მერმა, ვიტალი კლიჩკომ Agence France-Presse-თან ინტერვიუში განაცხადა, რომ კიევიდან ნახევარ მილიონზე მეტი ადამიანის ევაკუაცია განხორციელდა.კლიჩკოს განმარტებით, დაახლოებით 600 000-მა ადამიანმა უპასუხა მის 9 იანვრის მოწოდებას. მერმა მოსახლეობას ქალაქის დროებით დატოვება მას შემდეგ სთხოვა, რაც რუსეთის მიერ განხორციელებულმა მასირებულმა სარაკეტო თავდასხმებმა კრიტიკული ენერგოობიექტები დააზიანა.თავდასხმების შედეგად, კიევის ზოგიერთ რაიონში ელექტროენერგიის, წყლისა და გათბობის მიწოდება შეწყდა, რაც განსაკუთრებით კრიტიკული აღმოჩნდა იმ ფონზე, როდესაც ჰაერის ტემპერატურა -20 °C-მდე დაეცა.

პოლიტიკა • 1768918800

ვატო შაქარიშვილი: აშშ-ისა და ევროკავშირის განქორწინებას ვადევნებთ თვალს და ეს არის ძალიან მტკივნეული ევროკავშირისთვის იმიტომ, რომ ევროკავშირის უსაფრთხოების გარანტი მეორე მსოფლიო ომის შემდეგ არსებულ წესრიგში იყო აშშ

პარტია „ერთიანი ნეიტრალური საქართველოს“ აღმასრულებელმა მდივანმა ვატო შაქარიშვილმა გადაცემაში „დღის ქრონიკა“ ამერიკის შეერთებული შტატებისა და ევროკავშირის დღევანდელ ურთიერთობაზე ისაუბრა.მან მიმდინარე პროცესებს აშშ-ევროკავშირის „განქორწინება“ უწოდა.„ამერიკის შეერთებული შტატებისა და ევროკავშირის განქორწინებას ვადევნებთ თვალს და ეს განქორწინება არის ძალიან მტკივნეული ევროკავშირისთვის იმიტომ, რომ ევროკავშირის უსაფრთხოების გარანტი მეორე მსოფლიო ომის შემდეგ არსებულ წესრიგში იყო ამერიკის შეერთებული შტატები. მთელ ამ პროცესში, ათწლეულების განმავლობაში ევროკავშირი, ევროკავშირის წევრი ქვეყნები მთლიანად ექვემდებარებოდნენ ამერიკის მმართველ ელიტებს, ოლიგარქიულ ოჯახებს, იმ პოლიტიკას, რომელსაც უკარნახებდა ვაშინგტონი. ამან ევროკავშირი მიიყვანა იმ შედეგებამდე, რომ მათი იდენტობა დგას რეალური საფრთხის წინაშე, მიგრანტების საკითხმა სერიოზული პრობლემა შეუქმნა ევროპის ცალკეულ სახელმწიფოებს და ევროკავშირს“, - განაცხადა ვატო შაქარიშვილმა.მან იაფი ენერგიის რესურსების მნიშვნელობაზეც გაამახვილა ყურადღება.„ამერიკის შეერთებულმა შტატებმა ევროკავშირი და მისი წევრი ქვეყნები ხელოვნურად ჩახსნა იაფი ენერგიიდან და მწვანე პოლიტიკით მთლიანად მოუსპო იაფი ენერგიის რესურსები, რომელიც მათი ეკონომიისა და ინდუსტრიისთვის აუცილებელი იყო; ჩახსნა ასევე რუსეთიდან ევროპაში შემავალი იაფი ენერგომატარებლები და მთლიანად დააზიანა, ჩამოშალა მისი ეკონომიკა; შეიყვანა რუსეთთან ომში, ევროპის კონტინენტზე არის ომი, რომელსაც ვერაფერს უხერხებს ცალკე დარჩენილი ევროპა-უკრაინა და ახლა თვითონაც გამოეცალა ამ პროცესს.ანუ ევროკავშირი მთლიანად, გეგმაზომიერად მიიყვანა იმ კატასტროფულ შედეგამდე, რომელსაც ჩვენ თვალს ვადევნებთ და რომელიც კომიკური და ღიმილისმომგვრელი უფროა, ვიდრე სერიოზულად აღსაქმელი“, - აღნიშნა შაქარიშვილმა.

მსოფლიო • 1768910822

რუსეთის საგარეო უწყება: რუსეთი აშშ-ის მიერ „მშვიდობის საბჭოში“ მიწვევის საკითხს შეისწავლის

რუსეთის საგარეო საქმეთა მინისტრის მოადგილის, სერგეი ვერშინინის განცხადებით, ოფიციალური მოსკოვი აშშ-ის პრეზიდენტის დონალდ ტრამპის მიერ რუსეთის ლიდერის, ვლადიმირ პუტინი მიწვევას ღაზის „მშვიდობის საბჭოში“ შეისწავლის.„მშვიდობის საბჭოში“ ამერიკის წარმომადგენლებმა დაახლოებით 60 ქვეყანა მიიწვიეს, და ამოცანები, რომლებიც წესდებაშია ასახული, ერთი რეგიონის ფარგლებს სცდება. ეს ამოცანები, ასე ვთქვათ, გულისხმობენ კონკრეტული სიტუაციების მოგვარებას. ნებისმიერ შემთხვევაში, ეს ყველაფერი ყურადღებით შესწავლას საჭიროებს“, - განაცხადა ვერშინინმა.ცნობისთვის, კრემლში გუშინ განაცხადეს, რომ ტრამპმა პუტინი თავის „მშვიდობის საბჭოში“ მიიწვია ღაზაში სამომავლო ნაბიჯების ზედამხედველობისთვის.

პოლიტიკა • 1768909579

ევროპამ ძალიან ბევრი მცდარი ნაბიჯი გადადგა საკუთარი სუვერენიტეტის საწინააღმდეგოდ - თენგიზ შარმანაშვილი

ფილოსოფოსი ზაზა შათირიშვილი ვრცელ წერილს აქვეყნებს. შათირიშვილი "დიფ სთეითის" რებრენდინგზე წერს და აცხადებს, რომ უკრაინაში მიმდინარე ომით ევროპა დასუსტდა, ევროკავშირში პოლიტიკური სიტუაცია უკიდურესად დაძაბულია, "დიფ სთეითს" კი დარჩა მხოლოდ ერთი - შტატებისა და ევროპის პარტნიორობის ჩამოშლა."დიფ სთეითის" მიერ მართული დონალდ ტრამპის მხრიდან გრენლანდიის მოთხოვნა მხოლოდ საბაბია, ევროპასთან კონფლიქტის და ევროპისგან გათავისუფლების საბაბი" - წერს შათირიშვილი და სვამს კითხვას, სად არიან და რა აზრზე არიან ის ე.წ. ექსპერტები, არასამთავრობო ორგანიზაციები, თუ პოლიტიკოსები, რომლებიც შტატებს, დემოკრატიის შუქურად მოიხსენიებდნენ და მისგან ხსნას ელოდნენ.პარლამენტის თავდაცვისა და უსაფრთხოების კომიტეტის თავმჯდომარის პირველი მოადგილე თენგიზ შარმანაშვილი აცხადებს, რომ ევროპა თავის სუვერენიტეტის საწინააღმდეგოდ მცდარ ნაბიჯებს დგამს."თქვენ იცით, რომ ტრამპმა დააანონსა, რომ ტარიფებს გაუზრდის ევროპას, გრენლანდიის საკითხთან დაკავშირებით.დღეს ხაზინის მდივანი გამოვიდა და მოუწოდა ევროპელებს, რომ საპასუხო ნაბიჯების გადადგმისგან თავი შეეკავებინათ, რადგან ეს იქნება დიდი უგუნურობა, მაშინ ევროპის საწინააღმდეგოდ კიდევ უფრო დიდ ნაბიჯს გადმოდგამსო.ახლა გაახსენდა გერმანიას, რომ თურმე რუსეთი ევროპის ნაწილი ყოფილა, მაკრონმა თქვა, რომ დროა, რუსეთთან დიალოგი დავიწყოთო... აი, ასეთი ვითარებაა, იმიტომ, რომ ევროპამ ძალიან ბევრი მცდარი ნაბიჯი გადადგა თავის სუვერენიტეტის საწინააღმდეგოდ... მოინდომა ამ "დიფ სთეითის" ზეგავლენით, რაღაც იდეოლოგიის გასავრცელებლად, ხუთჯერ მოიცალეს ჩვენთვის, რომ ქვეყანა რევოლუციისკენ წასულიყო, აი, ეს ნიშნებია ინტერესთა გაცხოველებული დაპირისპირება", - აცხადებს შარმანაშვილი.

მსოფლიო • 1768894393

დონალდ ტრამპი აცხადებს, რომ საფრანგეთიდან იმპორტირებულ ღვინოსა და ცქრიალა ღვინოზე 200-პროცენტიან ტარიფებს დააწესებს

აშშ-ის პრეზიდენტი დონალდ ტრამპი აცხადებს, რომ საფრანგეთიდან იმპორტირებულ ღვინოსა და ცქრიალა ღვინოზე 200-პროცენტიან ტარიფებს დააწესებს. ამის შესახებ დონალდ ტრამპმა ჟურნალისტებთან საუბრისას განაცხადა.ტრამპს ჰკითხეს, რა პასუხი ჰქონდა საფრანგეთის პრეზიდენტის გადაწყვეტილებაზე, რომ არ შეუერთდებოდა „მშვიდობის საბჭოს“, რაზეც შეერთებული შტატების ლიდერმა უპასუხა, რომ ამის შესახებ არ იცოდა.„მან თქვა ეს? არავის სჭირდება ის, რადგან ის მაინც ძალიან მალე დატოვებს ადმინისტრაციას. ისინი მტრულად თუ არიან განწყობილი, მე დავაწესებ 200%-იან ტარიფებს მათ ღვინოსა და ცქრიალა ღვინოზე და ის შემოუერთდება საბჭოს. მან ეს თუ ნამდვილად თქვა – შესაძლოა ცოტა სხვანაირად მეუბნებით – მაგრამ თუ მან ეს მართლა თქვა, როგორც იცით, ის რამდენიმე თვეში თანამდებობას დატოვებს“, – თქვა ტრამპმა.აშშ-ის პრეზიდენტს ასევე ჰკითხეს, ნამდვილად მიიწვია თუ არა მან რუსეთის ლიდერი მშვიდობის საბჭოს წევრად, რაზეც მან დადებითად უპასუხა.„დიახ, ის მოწვეულია“, – თქვა ტრამპმა.

ეკონომიკა • 1768893850

2025 წელს საქართველოსთვის უმსხვილესი საექსპორტო ქვეყანა ყირგიზეთი იყო, ყველაზე დიდი იმპორტიორი კი, თურქეთი - საქსტატი

სტატისტიკის ეროვნული სამსახურის ინფორმაციით, 2025 წელს ათი უმსხვილესი საექსპორტო პარტნიორი ქვეყნის წილმა საქართველოს მთლიან ექსპორტში 78.3 პროცენტი შეადგინა. უმსხვილესი საექსპორტო სამეულში პირველ ადგილს ყირგიზეთი იკავებს 498.8 მლნ. აშშ დოლარით, მეორე ადგილზეა ყაზახეთი – 910.0 მლნ. აშშ დოლარით, ხოლო მესამეზე რუსეთი – 749.3 მლნ. აშშ დოლარით.რაც შეეხება იმპორტს, საქსტატის ცნობით, 2025 წელს ათი უმსხვილესი საიმპორტო პარტნიორი ქვეყნის წილმა საქართველოს მთლიან იმპორტში 70.5 პროცენტი შეადგინა. პირველ სამეულში შედიან თურქეთი – 2 775.0 მლნ. აშშ დოლარით, აშშ – 2 723.7 მლნ. აშშ დოლარითა და ჩინეთი – 1 985.4 მლნ. აშშ დოლარით.ამასთან, უწყების ანგარიშით, 2025 წელს სასაქონლო ჯგუფებიდან საექსპორტო ათეულში პირველი ადგილი მსუბუქმა ავტომობილებმა დაიკავა 2 814.4 მლნ. აშშ დოლარით, რაც მთელი ექსპორტის 38.6 პროცენტს შეადგენს. მეორე ადგილს იკავებს ძვირფასი ლითონების მადნები და კონცენტრატები 378.9 მლნ. აშშ დოლარით, ხოლო სპირტიანი სასმელები მესამე ადგილზეა 282.5 მლნ. აშშ დოლარით.ხოლო უმსხვილესი საიმპორტო სასაქონლო ჯგუფი 2025 წელს წარმოდგენილი იყო მსუბუქი ავტომობილების სახით, რომლის იმპორტმა 3 870.8 მლნ. აშშ დოლარი და მთელი იმპორტის 20.9 პროცენტი შეადგინა. მეორე ადგილს იკავებს ნავთობი და ნავთობპროდუქტები 1 358.8 მლნ. აშშ დოლარით, ხოლო მესამე ადგილზეა დაფასოებული სამკურნალო საშუალებები 680.3 მლნ. აშშ დოლარით.

მსოფლიო • 1768893670

ნიკოლ ფაშინიანმა „მშვიდობის საბჭოში“ ტრამპის მიწვევა მიიღო

სომხეთის პრემიერ-მინისტრმა, ნიკოლ ფაშინიანმა ტრამპის „მშვიდობის საბჭოში“ დამფუძნებელ წევრად შესვლის მიწვევა მიიღო.ამის შესახებ სომხეთის პრემიერის პრესმდივანმა გაავრცელა განცხადება.„პრემიერ-მინისტრმა მიიღო წინადადება სიყვარულითა და პასუხისმგებლობით, დაადასტურა რა სომხეთის ერთგულება მშშვიდობის ხელშეწყობის საქმისადმი“, – წერს სოციალურ ქსელში სომხეთის პრემიერ-მინისტრის პრესმიდვანი.ამ დროისთვის არსებული ინფორმაციით, ტრამპმა საბჭოში მიწვევა გაუგზავნა არგენტინის, კანადის, გერმანიის, ფინეთის, ისრაელის, რუსეთის, უნგრეთისა და ბელარუსის ლიდერებს.

ეკონომიკა • 1768893560

2025 წელს საქართველოში საქონლით საგარეო სავაჭრო ბრუნვა 10.1 პროცენტით გაიზარდა - საქსტატი

სტატისტიკის ეროვნული სამსახურის მონაცემებით, 2025 წელს საქართველოში საქონლით საგარეო სავაჭრო ბრუნვამ (არადეკლარირებული ვაჭრობის გარეშე) 25 820.9 მლნ. აშშ დოლარი შეადგინა, რაც წინა წელთან შედარებით 10.1 პროცენტით მეტია.აქედან, საქსტატის ცნობით, ექსპორტი 7 291.2 მლნ. აშშ დოლარს შეადგენს, ანუ გაიზარდა 11.2 პროცენტით, ხოლო იმპორტმი 18 529.7 მლნ. აშშ დოლარს – ზრდამ 9.7 პროცენტი შეადგინა.საქართველოს უარყოფითმა სავაჭრო ბალანსმა 2025 წელს 11 238.5 მლნ. აშშ დოლარი შეადგინა, რაც საგარეო სავაჭრო ბრუნვის 43.5 პროცენტია.ამასთან, უწყების ანგარიშით, 2025 წელს ათი უმსხვილესი სავაჭრო პარტნიორი ქვეყნის წილმა საქართველოს მთლიან საგარეო სავაჭრო ბრუნვაში 67.8 პროცენტი შეადგინა. ქვეყნის უმსხვილესი სავაჭრო პარტნიორები არიან თურქეთი – 3 107.9 მლნ. აშშ დოლარით, აშშ – 2 843.8 მლნ. აშშ დოლარითა და რუსეთი – 2 688.5 მლნ. აშშ დოლარით.

პოლიტიკა • 1768892884

კითხვები არსებობს რუსეთთან მიმართებაშიც, ლოგიკური პასუხები ამ კითხვებსაც აქვს და ისიც ცხადი და გასაგებია, რა დგას ამ ყველაფრის უკან, მაგრამ, ჯერჯერობით ამ თემებზე საუბარი ნაადრევია - ზაზა შათირიშვილი

კითხვებს რაც შეეხება, ამ ყველაფრის ფონზე, ბუნებრივია, ჩემთვის კითხვები არსებობს რუსეთთან მიმართებაშიც. ვფიქრობ, ამ ეტაპზე, მიმდინარე პროცესებში რუსეთის როლზე საუბარი ნაადრევია, მაგრამ რადგან კითხვები არსებობს, მათ მაინც დავსვამ, - ამის შესახებ ფილოსოფოსი, ზაზა შათირიშვილი, მის მიერ გავრცელებულ წერილში წერს.იგი ყურადღებას ამახვილებს რამდენიმე საკითხზე, რომელთა შორისაა რუსეთის პოზიცია იანუკოვიჩის რევოლუციის გზით გადადგომაზე, ზელენსკის გაპრეზიდენტებაზე, ასევე, სირიასა და ირანში, ისევე როგორც ვენესუელაში განვითარებული მოვლენებისას რუსეთის პასიურობაზე.“1. გახსოვთ როგორ მოუწყვეს რევოლუცია რუსეთისადმი ლოიალურად და მეგობრულად განწყობილ ვიქტორ იანუკოვიჩს? როგორ ფიქრობთ, რუსეთს, რომელმაც იმ მომენტისთვის უკვე იცოდა, რომ უკრაინასთან შესაძლოა პრობლემები წარმოშობილიყო, არ ჰქონდა იმის რესურსი, რომ ვიქტორ იანუკოვიჩი უკრაინის ხელისუფლებაში შეენარჩუნებინა, ნაცვლად იმისა, რომ რუსეთში წაეყვანა?2. ყურადღებით ვაკვირდებოდი უკრაინის არჩევნებს და იმ მოვლენას, რასაც ვოლოდიმირ ზელენსკის გაპრეზიდენტება ჰქვია. პირადად ჩემთვის, იქ აშკარად იკვეთებოდა დახმარების ხელი, რომელიც რუსეთმა ზელენსკის გაუწოდა. ამ დახმარების მიზნობრიობა, თავისთავად, არაერთ კითხვას აჩენს.გარდა ამისა, დღეს ეჭვი არავის ეპარება, რომ ზელენსკი სწორედ „დიფ სთეითის“ ფავორიტი იყო და მისი არჩევაც მათ მიერ იყო გადაწყვეტილი. ამ ფონზე, რუსეთის მხარდაჭერა მისი არჩევისადმი, კითხვებს იწვევს.3. კითხვას აჩენს რუსეთის მოქმედება სირიაში, როდესაც რუსეთის ფედერაციამ მისთვის სტრატეგიულად მნიშვნელოვანი ქვეყნიდან, კრიტიკულად მნიშვნელოვან დროს, არმია სწრაფად და უმტკივნეულოდ გაიყვანა, ბაშარ ალ ასადს კი მოსკოვში მისცა თავშესაფარი.4. როგორ აიხსნება ის ფაქტი, რომ ვენესუელა, რუსეთის „სტრატეგიული პარტნიორი“, რომელსაც რუსები წლების განმავლობაში არაერთი მიმართულებით უწევდნენ დიდ დახმარებას, აწვდიდნენ იარაღს, საჰაერო თავდაცვის სისტემებს, ეხმარებოდნენ ნავთობის რეალიზაციაში და სამხედრო რესურსებთან ერთად ფინანსურად უჭერდნენ მხარს, ამერიკის შეერთებული შტატების ხელში ასე მარტივად აღმოჩნდა?5. ირანში მიმდინარე მოვლენები - რატომაა ასე პასიური ირანის სტრატეგიული პარტნიორი რუსეთი? რატომ არ იმჩნევს მისთვის უმნიშვნელოვანეს ქვეყანაში მიმდინარე პროცესებს?” - წერს შათირიშვილი.როგორც ის აღნიშნავს, რუსეთის მიერ სხვადასხვა თანამედროვე იარაღის დემონსტირირბამ თავად ომის მიმდინარეობაზე შედეგი ვერ მოახდინა. შათირიშვილის თქმით, ერთადერთი შედეგი იყო ის, რომ „დიფ სთეითმა“ აიძულა ნატო-ს წევრი ევროპის ქვეყნები, თავდაცვაზე მშპ-ის 5%-მდე გაზრდა, რაც მათ ეკონომიკას დაანგრევს.“ყველას კარგად გვახსოვს, რომ რუსეთ-უკრაინას შორის ომის დაწყებიდან, რუსეთმა რამდენჯერმე მოახერხა სუპერ-თანამედროვე იარაღის ჩვენება. გასაგებია, რომ იარაღის ჩვენებას თავისი აზრი უნდა ჰქონდეს - პირველ რიგში, ამ იარაღის ძალა უნდა გაეთვალისწინებინა „დიფ სთეითს“, რომელიც უკრაინას ამ ომში აშკარად აქეზებდა და მხარს უჭერდა. რისთვის მოახდინა რუსეთმა აღნიშნული იარაღების დემონსტიტრება, ეს გაუგებარია, ვინაიდან ომზე გავლენა არ მოუხდენია - გარდა ერთისა, რომ იმავე „დიფ სთეითმა“ აიძულა ნატო-ს წევრი ევროპის ქვეყნები, თავდაცვაზე მშპ-ის 5%-მდე გაზრდა, რაც მათ ეკონომიკას, პირდაპირ დაანგრევს. ასეთი სუპერ თანამედროვე იარაღის ჩვენება, რეალურად, საფუძველი უნდა ყოფილიყო, რომ ომის გამჩაღებლებს ყურად ეღოთ და შეეჩერებინათ საბრძოლო მოქმედებები, მაგრამ მთავარი რაც მივიღეთ სწორედ ესაა - 5%მდე აიწია გადასახადმა, სხვა გავლენა კი, ამ იარაღს, უშუალოდ ომის მიმდინარეობაზე არ მოუხდენია.გვერდს ვერც იმას ავუვლი, თუ როგორ გვიხატავდა „დიფ სთეითი“ პუტინს - როგორ კოორდინირებულად წარმოაჩენდა მის პიროვნებას „დიფ სთეითის“ მიერ ტოტალურად კონტროლირებადი მედია, ახლა კი, ვხედავთ შემდეგს: რუსეთის პრეზიდენტმა, ღაზის მშვიდობის საბჭოში გაწევრიანების შეთავაზება აშშ-სგან მიიღო.რა თქმა უნდა, ლოგიკური პასუხები ამ კითხვებსაც აქვს და ისიც ცხადი და გასაგებია, რა დგას ამ ყველაფრის უკან, მაგრამ როგორც უკვე აღვნიშნე, ჯერჯერობით ამ თემებზე საუბარი ნაადრევია, რადგან ამ წუთისთვის დღის წესრიგში ის საკითხები დგას, რომელზეც ზემოთ ვისაუბრე.” - წერს ზაზა შათირიშვილი.

პოლიტიკა • 1768892634

„დიფ სთეითის“ მიერ მართული დონალდ ტრამპის მხრიდან გრენლნადიის მოთხოვნა მხოლოდ საბაბია, ევროპასთან კონფლიქტის და ევროპისგან გათავისუფლების საბაბი - ზაზა შათირიშვილი

პოლიტიკით დაინტერესებული ნებისმიერი ლოგიკურად მოაზროვნე ადამიანი უკვე მიხვდებოდა, რომ ეს მიზეზი ნაპოვნია და ცნობილი ქართული ფილმისა არ იყოს, ყბადაღებულ თემად გრენლანდია იქცა, - წერსფილოსოფოსი, ზაზა შათირიშვილი.მისი განცხადებით, „დიფ სთეითის“ მიერ მართული დონალდ ტრამპის მხრიდან გრენლნადიის მოთხოვნა მხოლოდ ევროპასთან კონფლიქტის და ევროპისგან გათავისუფლების საბაბია.“ზოგადად, სხვა ვითარებაში, ამერიკის შეერთებულ შტატებს გრენლანდიის გადაცემაზე რომ არავინ ეტყოდა უარს, ამაში ალბათ არავის ეპარება ეჭვი. ეგ კი არა, დარწმუნებული ვარ, თავად დანია იქნებოდა პირველი, ვინც თვალისმომჭრელად, დემოკრატიული პროცესების მანტიაში „შეფუთულ“ ამ გადაწყვეტილებას და გრენლანდიის ამერიკის შეერთებული შტატების ბალანსზე გადასვლას დაუჭერდა მხარს, თუმცა „დიფ სთეითის“ მიერ მართული დონალდ ტრამპის მხრიდან გრენლნადიის მოთხოვნა მხოლოდ საბაბია, ევროპასთან კონფლიქტის და ევროპისგან გათავისუფლების საბაბი.” - ვკითხულობთ ფილოსოფოსის მიერ გავრცელებულწერილში.მისივე თქმით, ცალკე აღნიშვნის ღირსია ის, თუ როგორ მოქმედებს ამ და არაერთი სხვა კუთხით „დემოკრატიის შუქურად“ და მონათლული აშშ, რომელიც უხეში ძალის პოლიტიკას იყენებს.“ცალკე აღნიშვნის ღირსია ის, თუ როგორ მოქმედებს ამ და არაერთი სხვა კუთხით „დემოკრატიის შუქურად“ და მსოფლიოში დემოკრატიის გამავრცელებლად მონათლული ამერიკის შეერთებული შტატები დღეს. ვხედავთ, რომ ისინი იყენებენ უხეში ძალის პოლიტიკას - არანაირი დიპლომატია, არანაირი შემოვლითი გზების ძიება, არანაირი ისტორიული პრეტენზია, მხოლოდ და მხოლოდ ხისტი ძალა - ან დაგვითმობთ გრენლანდიას, იმიტომ, რომ ჩვენ ასე გვინდა, ან დამატებით ტარიფებს დავუწესებთ ევროპას! ასე ჟღერს „დიფ სთეითის“ მოთხოვნა დღეს.აქვე ჩნდება ლოგიკური კითხვა - რატომ აცხადებს დონალდ ტრამპი, რომ ამერიკის შეერთებულმა შტატებმა თუ არ „ივაჟკაცა“, გრენლანდიას რუსეთი, ან ჩინეთი დაიკავებს, მაშინ, როდესაც არავითარი ნიშანი არ არსებობს იმისა, რომ ჩინეთი, ან რუსეთი გრენლანდიის მიტაცებას გეგმავდეს?! თავად როგორ ფიქრობთ, ესაა დემოკრატია?!არადა, ხომ ვიცით, რომ დონალდ ტრამპი და ამერიკის შეერთებული შტატების ახალი ადმინისტრაცია ევროპას სწორედ დემოკრატიის გამო „სთხოვს პასუხს“?” - წერს ზაზა შათირიშვილი.