რიჟვაძე

პრეზიდენტმა აჭარის ავტონომიური რესპუბლიკის უმაღლეს საბჭოს დასამტკიცებლად წარუდგინა აჭარის ავტონომიური რესპუბლიკის მთავრობის თავმჯდომარის კანდიდატურა და მის მიერ დასახელებული მინისტრების კანდიდატურები

საქართველოს პრეზიდენტმა აჭარის ავტონომიური რესპუბლიკის უმაღლეს საბჭოს დასამტკიცებლად წარუდგინა აჭარის ავტონომიური რესპუბლიკის მთავრობის თავმჯდომარის კანდიდატურა და მის მიერ დასახელებული მინისტრების კანდიდატურები, კერძოდ:აჭარის ავტონომიური რესპუბლიკის მთავრობის თავმჯდომარედ თორნიკე რიჟვაძე;აჭარის ავტონომიური რესპუბლიკის განათლების, კულტურისა და სპორტის მინისტრად მაია ხაჯიშვილი;აჭარის ავტონომიური რესპუბლიკის სოფლის მეურნეობის მინისტრად ზაზა შავაძე;აჭარის ავტონომიური რესპუბლიკის ფინანსთა და ეკონომიკის მინისტრად ჯაბა ფუტკარაძე;აჭარის ავტონომიური რესპუბლიკის ჯანმრთელობისა და სოციალური დაცვის მინისტრად ნინო ნიჟარაზე.ინფორმაციას პრეზიდენტის ადმინისტრაციის პრესსამსახური ავრცელებს.

პოლიტიკა • 1735113432

დავით სონღულაშვილი და თორნიკე რიჟვაძე აჭარაში ციტრუსის სეზონის მიმდინარეობას გაეცნენ

გარემოს დაცვისა და სოფლის მეურნეობის მინისტრი დავით სონღულაშვილი, აჭარის ავტონომიური რესპუბლიკის მთავრობის თავმჯდომარე თორნიკე რიჟვაძესთან და აჭარის სოფლის მეურნეობის მინისტრ, ზაზა შავაძესთან ერთად, ციტრუსის მოსავლის აღება - დაბინავების პროცესს ქობულეთის მუნიციპალიტეტში გაეცნო, - ინფორმაციას გარემოს დაცვისა და სოფლის მეურნეობის სამინისტრო ავრცელებს.„აჭარაში აქტიურად და შეუფერხებლად მიმდინარეობს ციტრუსის დაბინავების პროცესი, რომელსაც ადგილზე გავეცანი. ამ ეტაპზე, 28 000 ტონაზე მეტი ციტრუსი უკვე ექსპორტირებულია სხვადასხვა ბაზარზე. კოორდინირებული მუშაობით მოსავალი სრულად იქნება დაბინავებული. აღსანიშნავია, რომ აჭარის მთავრობა ფერმერების მხარდასაჭერად არაერთ პროგრამას ახორციელებს, რომელიც სოფლის მეურნეობის პროდუქტის როგორც წარმოებას, ასევე გადამუშავებას უწყობს ხელს. ვიმყოფებოდით გადამმუშავებელ საწარმოშიც, რომელიც ახლახან გაიხსნა. მსგავსი საწარმოს ფუნქციონირება რეგიონისთვის უმნიშვნელოვანესია. ჩვენი მხრიდან ფერმერების და მეწარმეების მაქსიმალური მხარდაჭერა გაგრძელდება“, - განაცხადა დავით სონღულაშვილმა.აღსანიშნავია, რომ აჭარის მთავრობის გადაწყვეტილებით, მიმდინარე წელს, სახელმწიფო სუბსიდია სამრეწველო გადამუშავების (არასტანდარტული) მანდარინზე გასულ წელთან შედარებით 10 თეთრით გაიზარდა და 1 კგ-ზე 35 თეთრს შეადგენს. შესაბამისად, გადამუშავებისთვის განკუთვნილი მანდარინის ფასი 40 თეთრია, საიდანაც ფერმერებს 5 თეთრს საწარმო უხდის.ხელისუფლების წარმომადგენლები ციტრუსის მიმღებ-გადამმუშავებელ საწარმოში „შპს იბერია ორბის ციტრუსს“ იმყოფებოდნენ, სადაც 200-მდე ადამიანია დასაქმებული. საწარმო 24 საათის განმავლობაში 120 ტონა ციტრუსის ნაყოფის მიღება-დახარისხებას და პარაფინირებას ახორციელებს. მიმდინარე წელს, საწარმო 1000 ტონამდე სტანდარტული ციტრუსის მიღებას და ექსპორტირებას, ასევე არასტანდარტული მანდარინის ჩაბარებას გეგმავს. გადამმუშავებელ საწარმოში ციტრუსის შეფუთვა ევროსტანდარტების მიხედვით მიმდინარეობს.დავით სონღულაშვილმა და თორნიკე რიჟვაძემ არასტანდარტული ციტრუსის მიმღებ-გადამმუშავებელი ქარხანაც შპს „Georgian industrial Asset Management Group“ დაათვალიერეს, რომელმაც ნედლეულის მიღება 30 ნოემბერს დაიწყო.ციტრუსის სეზონის შეუფერხებლად განხორციელებისა და რეალიზაციის ხელშეწყობის მიზნით, აჭარაში ციტრუსის საკოორდინაციო შტაბი მოქმედებს. შტაბი 1 თებერვლამდე იმუშავებს.აჭარაში საექსპორტო მანდარინს 20-ზე მეტი ციტრუსის მიმღებ-დამხარისხებელი საწარმო, ხოლო არასტანდარტულ ნაყოფს ქობულეთის მუნიციპალიტეტში არსებული ორი გადამმუშავებელი ქარხანა შეუფერხებლად იბარებს.დღეის მდგომარეობით, 28 ათას ტონამდე მანდარინის ექსპორტი უკვე განხორციელდა, რომლის ღირებულებამ 15.9 მლნ აშშ დოლარი შეადგინა; გადამუშავდა 5 400 ტონა არასტანდარტული ნაყოფი, რისთვისაც 1.9 მლნ ლარის სუბსიდია გაიცა“, - აღნიშნულია გავრცელებულ ინფორმაციაში.

პოლიტიკა • 1735108810

გარემოს დაცვისა და სოფლის მეურნეობის მინისტრი დავით სონღულაშვილი, აჭარის ავტონომიური რესპუბლიკის მთავრობის თავმჯდომარე თორნიკე რიჟვაძესთან ერთად, ციტრუსის მოსავლის აღება-დაბინავების პროცესს ქობულეთის მუნიციპალიტეტში გაეცნო.„აჭარაში აქტიურად და შეუფერხებლად მიმდინარეობს ციტრუსის დაბინავების პროცესი, რომელსაც ადგილზე გავეცანი. ამ ეტაპზე, 28 000 ტონაზე მეტი ციტრუსი უკვე ექსპორტირებულია სხვადასხვა ბაზარზე. კოორდინირებული მუშაობით მოსავალი სრულად იქნება დაბინავებული. აღსანიშნავია, რომ აჭარის მთავრობა ფერმერების მხარდასაჭერად არაერთ პროგრამას ახორციელებს, რომელიც სოფლის მეურნეობის პროდუქტის როგორც წარმოებას, ასევე გადამუშავებას უწყობს ხელს. ვიმყოფებოდით გადამმუშავებელ საწარმოშიც, რომელიც ახლახანს გაიხსნა. მსგავსი საწარმოს ფუნქციონირება რეგიონისთვის უმნიშვნელოვანესია. ჩვენი მხრიდან ფერმერების და მეწარმეების მაქსიმალური მხარდაჭერა გაგრძელდება“, - განაცხადა დავით სონღულაშვილმა. აღსანიშნავია, რომ აჭარის მთავრობის გადაწყვეტილებით, მიმდინარე წელს, სახელმწიფო სუბსიდია სამრეწველო გადამუშავების (არასტანდარტული) მანდარინზე გასულ წელთან შედარებით 10 თეთრით გაიზარდა და 1 კგ-ზე 35 თეთრს შეადგენს. შესაბამისად, გადამუშავებისთვის განკუთვნილი მანდარინის ფასი 40 თეთრია, საიდანაც ფერმერებს 5 თეთრს საწარმო უხდის.ხელისუფლების წარმომადგენლები ციტრუსის მიმღებ-გადამმუშავებელ საწარმოში ,,შპს იბერია ორბის ციტრუსს“ იმყოფებოდნენ, სადაც 200-მდე ადამიანია დასაქმებული. საწარმო 24 საათის განმავლობაში 120 ტონა ციტრუსის ნაყოფის მიღება-დახარისხებას და პარაფინირებას ახორციელებს. მიმდინარე წელს, საწარმო 1000 ტონამდე სტანდარტული ციტრუსის მიღებას და ექსპორტირებას, ასევე არასტანდარტული მანდარინის ჩაბარებას გეგმავს. გადამმუშავებელ საწარმოში ციტრუსის შეფუთვა ევროსტანდარტების მიხედვით მიმდინარეობს.დავით სონღულაშვილმა და თორნიკე რიჟვაძემ არასტანდარტული ციტრუსის მიმღებ-გადამმუშავებელი ქარხანაც შპს ,,Georgian industrial Asset Management Group’’ დაათვალიერეს, რომელმაც ნედლეულის მიღება 30 ნოემბერს დაიწყო.ციტრუსის სეზონის შეუფერხებლად განხორციელებისა და რეალიზაციის ხელშეწყობის მიზნით, აჭარაში ციტრუსის საკოორდინაციო შტაბი მოქმედებს. შტაბი 1 თებერვლამდე იმუშავებს. აჭარაში საექსპორტო მანდარინს 20-ზე მეტი ციტრუსის მიმღებ-დამხარისხებელი საწარმო, ხოლო არასტანდარტულ ნაყოფს ქობულეთის მუნიციპალიტეტში არსებული ორი გადამმუშავებელი ქარხანა შეუფერხებლად იბარებს. დღეის მდგომარეობით, 28 ათას ტონამდე მანდარინის ექსპორტი უკვე განხორციელდა, რომლის ღირებულებამ 15.9 მლნ აშშ დოლარი შეადგინა; გადამუშავდა 5 400 ტონა არასტანდარტული ნაყოფი, რისთვისაც 1.9 მლნ ლარის სუბსიდია გაიცა.აჭარაში ციტრუსის რთველის მიმდინარეობას, ხელისუფლების წარმომადგენლებთან ერთად, აჭარის სოფლის მეურნეობის მინისტრი, ზაზა შავაძეც ესწრებოდა.

პოლიტიკა • 1733320127

შანტაჟი და შეთქმულება, ქართული სახელმწიფოს წინააღმდეგ, ჩავარდა - თორნიკე რიჟვაძე

აჭარის მთავრობის თავმჯდომარე თორნიკე რიჟვაძემ მედიასთან ქვეყანაში მიმდინარე პროცესები შეაფასა და აღნიშნა, რომ შანტაჟი და შეთქმულება ქართული სახელმწიფოს წინააღმდეგ ჩავარდა.„მადლობა მინდა გადავუხადო ჩვენს სახელმწიფო ინსტიტუტებს, სამართალდამცავებს, რომლებიც მთელი ამ დღეების განმავლობაში, არნახული ზეწოლის მიუხედავად, მთელი თავისი პროფესიონალიზმით, გმირულად ახერხებენ ჩვენს ქვეყანაში წესრიგის შენარჩუნებას.არაერთხელ აღნიშნა პრემიერმა, რომ თუკი რაიმე ხელშესახები შედეგი არსებობს ევროინტეგრაციის გზაზე, მათ შორის ევროკავშირთან დაახლოების კუთხით, ეს ყველა მიღწევა არის „ქართული ოცნების“ ხელისუფლებასთან დაკავშირებული. ჩვენი არჩევანი, რომელიც უკავშირდება ევროკავშირის სრულფასოვან წევრობას, არის ძალაში. ჩვენ ვაგრძელებთ ამ მიმართულებით რეფორმების გატარებას. თუმცა, უნდა აღინიშნოს, რომ არავის მივცემთ საშუალებას, რომ მოლაპარაკებები გამოიყენონ ქვეყნისა და სახელმწიფო ინსტიტუტების დაშანტაჟების მიზნით. ამ ქვეყნის მტრები, როგორც ქვეყნის შიგნით, ასევე გარე ძალები ცდილობენ, რომ ეს საკითხი გამოიყენონ ქვეყანაში არეულობის შემოსატანად. განსაკუთრებით მიუღებელია, როდესაც სკოლის მოსწავლეების ჩართვა ხდება ამ პროცესებში“, - აღნიშნა თორნიკე რიჟვაძემ.

საზოგადოება • 1731424655

ბათუმი ახდენილი ოცნებაა - ფოტოებს ამ სათაურით თორნიკე რიჟვაძე აქვეყნებს

აჭარის ავტონომიური რესპუბლიკის მთავრობის თავმჯდომარე, თორნიკე რიჟვაძე ბათუმის ახალ ფოტოებს აქვეყნებს, სათაურით - ბათუმი ახდენილი ოცნებაა.

რეგიონი • 1730292222

თორნიკე რიჟვაძემ ციტრუსის საკოორდინაციო შტაბი გახსნა

ციტრუსის სეზონის შეუფერხებლად განხორციელებისა და ციტრუსის რეალიზაციის ხელშეწყობის მიზნით, ციტრუსის საკოორდინაციო შტაბი ამოქმედდა.აჭარის მთავრობის თავმჯდომარე თორნიკე რიჟვაძემ აჭარის სოფლის მეურნეობის მინისტრთან, ზაზა შავაძესთან ერთად, ციტრუსის საკოორდინაციო შტაბი გახსნა და ჩაქვის ციტრუსის სანერგე სადემონსტრაციო ნაკვეთში საადრეო მანდარინის კრეფის პროცესში მიიღო მონაწილეობა. აჭარის მთავრობის გადაწყვეტილებით, სამრეწველო გადამუშავების (არასტანდარტულ) მანდარინზე სუბსიდია გაიზარდა 10 თეთრით, შესაბამისად, სამეწარმო გადამუშავებისთვის მანდარინის ფასი 40 თეთრი იქნება.მიმდინარე წელს ციტრუსის 40-45 ათას ტონამდე მოსავალს ელოდებიან. საექსპორტო მანდარინს 20-ზე მეტი ციტრუსის მიმღებ-გადამამუშავებელი საწარმო მიიღებს, რაც შეეხება არასტანდარტულ ნაყოფს, ქობულეთში ორი საკონსერვო ქარხანა შეუზღუდავი რაოდენობით გადაამუშავებს.შტაბი აჭარის მთავრობის, საქართველოს გარემოს დაცვისა და სოფლის მეურნეობის სამინისტროსა და აჭარის სოფლის მეურნეობის სამინისტროს ხელშეწყობით ამოქმედდა და მუშაობას 1 თებერვლამდე გააგრძელებს. ამოქმედდება ცხელი ხაზი, სადაც ნებისმიერ მსურველს საჭირო ინფორმაციის მიღების შესაძლებლობა ექნება.ინფორმაციას აჭარის მთავრობა ავრცელებს.

რეგიონი • 1730207255

თორნიკე რიჟვაძე ხელვაჩაურში სოციალური სახლების მშენებლობის პროცესს გაეცნო

ხელვაჩაურის მუნიციპალიტეტში აქტიურად მიმდინარეობს სოციალური სახლების მშენებლობა. აჭარის მთავრობის თავმჯდომარე თორნიკე რიჟვაძე, ხელვაჩაურის მერთან ზაზა დიასამიძესთან ერთად, სოფელ ერგესა და კაპრეშუმში სოციალური სახლების მშენებლობის მიმდინარეობას გაეცნო, - ინფორმაციას აჭარის მთავრობა ავრცელებს.„სოფელ კაპრეშუმში, 9 სართულიან, თანამედროვე სტანდარტების, მრავალბინიანი საცხოვრებელ სახლში, 90 ოჯახი გააგრძელებს ცხოვრებას. ამ ეტაპზე შენობის აშენება დასრულებულია, მიმდინარეობს შიდა სამუშაოები.სოფელ ერგეში 11 სართულიანი სოციალური სახლი შენდება. თანამედროვე სტანდარტების შენობა სრულად არის ადაპტირებული შშმ პირებისთვის. ამ ეტაპზე აშენებულია შენობის სამი სართული. ახალ სოციალურ სახლში 121 ოჯახი დაკმაყოფილდება საცხოვრებელი ფართით.ხელვაჩაურის მუნიციპალიტეტში უკვე დასრულებულია 4 სოციალური სახლის მშენებლობა, სადაც ბინები გადაეცათ 112 ეკომიგრანტ ოჯახს“, - აღნიშნულია გავრცელებულ განცხადებაში.

პოლიტიკა • 1730205040

ოპოზიციას არ აქვს ხალხის უმრავლესობის ნდობა, იმედგაცრუებით გამოწვეული აქციები, ჩვენს სახელმწიფოს ზიანს ვერ მიაყენებს და ქვეყანაში იქნება მშვიდობა და სტაბილურობა - თორნიკე რიჟვაძე

აჭარის მთავრობის თავმჯდომარე თორნიკე რიჟვაძემ ქვეყანაში მიმდინარე პოლიტიკურ პროცესებთან დაკავშირებით კომენტარი გააკეთა, სადაც კიდევ ერთხელ აღნიშნა, რომ 26 ოქტომბრის არჩევნებში ქართველი ხალხის აბსოლუტურმა უმრავლესობამ მტკიცედ გამოხატა ქართული ოცნების მხარდაჭერა.,,კიდევ ერთხელ ხაზგასმით მინდა აღვნიშნო, რომ ამ არჩევნებში ჩვენი ქვეყნის მოსახლეობის, ქართველის ხალხის აბსოლუტურმა უმრავლესობამ ძალიან მტკიცედ გამოხატა მისი ნება, რომ ისინი მხარს უჭერენ ,,ქართული ოცნების" პოლიტიკას, ისინი მხარს უჭერენ ქვეყანაში მშვიდობას, სტაბილურობას, დემოკრატიული და ევროპული სახელმწიფოს მშენებლობას. ყველა ბრალდება, რომელიც ეხება არჩევნების გაყალბებას, არ ეფუძნება არანაირ ფაქტს, არანაირი საფუძველი არ არსებობს.თორნიკე რიჟვაძის თქმით, რადიკალური ოპოზიცია იმედგაცრუებულია რადგან მათ ვერ შეძლეს იმ დავალების შესრულება, რომელიც ძალაუფლების ხელში ჩაგდებას ისახავდა მიზნად.,,ეს, რა თქმა უნდა, არის იმედგაცრუება რადიკალური ოპოზიციისთვის, რომ მათ ვერ შეძლეს იმ დავალების შესრულება, რომელიც მიზნად ისახავდა ძალაუფლების ხელში ჩაგდებას ქვეყანაში. ხალხის ძალა არის უზენაესი და ეს ყველამ უნდა გაითვალისწინოთ. ძალას და ხალხის ნებას ძალით ვერავინ ვერ შეცვლის. შესაბამისად, დღევანდელი დღეც არის მაგალითი, რომ ამ არჩევნების შედეგები, რომელიც არის ძალიან ცხადი ყველასთვის, არის ლეგიტიმური, გვაძლევს იმის აბსოლუტურ საშუალებას, რომ ჩვენ გავაგრძელოთ ხალხის სამსახური და ყველა ის საქმე მივიყვანოთ ბოლომდე, რაც გვქონდა დაწყებული.ოპოზიციას არ აქვს ხალხის უმრავლესობის ნდობა, შესაბამისად, ეს იმედგაცრუება და იმედგაცრუებით გამოწვეული აქციები, ჩვენ და ჩვენს სახელმწიფოს ვერანაირ ზიანს ვერ მიაყენებს და ქვეყანაში იქნება მშვიდობა და სტაბილურობა. და, კიდევ ერთხელ, როგორც არის ხალხის დავალება, გაგრძელდება ხალხის სამსახური", - განაცხადა თორნიკე რიჟვაძემ.

პოლიტიკა • 1729967185

ხალხის პოზიციამ და მათმა სიმყარემ ისტორიის სწორ მხარეს დაგვაყენა - თორნიკე რიჟვაძე

აჭარის ავტონომიური რესპუბლიკის თავმდჯომარე თორნიკე რიჟვაძემ საზოგადოებას შედეგები მიულოცა, რიჟვაძის თქმით გაიმარჯვა საქართველოს ეკონომიკურმა განვითარებამ."მინდა მადლობა გადავუხადო ჩვენს ხალხს, საქართველოს მოქალაქეებს. მინდა მათ კიდევ ერთხელ დავპირდე, რომ ჩვენი გუნდი ყველაფერს გააკეთებს მათთვის. მათმა პოზიციამ და მათმა სიმყარემ ისტორიის სწორ მხარეს დაგვაყენა. ყველას ვულოცავ, დღევანდელმა დღემ ძალიან მშვიდად და წყნარად ჩაიარა, სწორედ ასე მშვიდად და წყნარად გააგრძელებს ჩვენი ქვეყანა წინსვლას. ხალხი კი უფრო მეტად იგრძნობს, წინსვლას, პროგრესს და განვითარებას,"- აცხადებს რიჟვაძე.

პოლიტიკა • 1729962040

ბედნიერი ვარ, რომ ხალხმა, მათმა სიბრძნემ, მათმა პოზიციამ, ისტორიის მართალ მხარეს კიდევ ერთხელ დაგვაყენა - თორნიკე რიჟვაძე

მადლობა საქართველოს მოქალაქეებს ამ უწყვეტი მხარდაჭერისთვის. მინდა მათ დავპირდე, რომ ჩვენი გუნდი, ჩვენი ლიდერების ხელმძღვანელობით გააკეთებს ყველაფერს, რომ მათ გულწრფელად ემსახუროს, - განაცხადა აჭარის მთავრობის თავმჯდომარემ თორნიკე რიჟვაძემ „იმედის“ დაკვეთით „გორბის“ მიერ ჩატარებული ეგზიტპოლის შედეგების გამოქვეყნების შემდეგ.„ბედნიერი ვარ, რომ ხალხმა, მათმა სიბრძნემ, მათმა პოზიციამ, სიმყარემ ჩვენ ისტორიის მართალ მხარეს კიდევ ერთხელ დაგვაყენა“, - აღნიშნა თორნიკე რიჟვაძემ.ტელეკომპანია „იმედის“ დაკვეთით, „გორბის“ მიერ ჩატარებული ეგზიტპოლების შედეგები ცნობილია. ეგზიტპოლების თანახმად, მმართველმა პარტიამ, „ქართულმა ოცნებამ“, 18:30 საათის მონაცემებით 56.1 % მიიღო. ცდომილების ზღვარი +- 2.5 პროცენტია.

პოლიტიკა • 1729957845

ბათუმში და აჭარის ყველა მუნიციპალიტეტში წინასწარი მონაცემებით, დამაჯერებლად ვიმარჯვებთ - თორნიკე რიჟვაძე

ბათუმში და აჭარის ყველა მუნიციპალიტეტში წინასწარი მონაცემებით ჩვენ დამაჯერებლად ვიმარჯვებთ, - ეს განცხადება აჭარის მთავრობის თავმჯდომარე თორნიკე რიჟვაძემ ბრიფინგზე გააკეთა.მისი თქმით, საარჩევნო უბნებთან მოქალაქეთა მაღალი აქტივობა დაფიქსირდა. თორნიკე რიჟვაძე ოპოზიციის ბრალდებებსაც გამოეხმაურა და აღნიშნა, რომ ისინი დამარცხებას უნდა შეეგუონ.„დარწმუნებული ვარ, რომ ბოლო საათებში მაქსიმალურად მობილიზაციის პირობებში - შევძლებთ დასახული მიზანი, როგორც მყარი კონსტიტუციური უმრავლესობის მიღწევის, ეს იქნება მიღწევადი და შესრულებადი.მადლობა საქართველოს მოქალაქეებს, სამოქალაქო პასუხისმგებლობის კეთილსინდისიერად განხორციელებისთვის, განსაკუთრებით აჭარის მაცხოვრებლებს კიდევ ერთხელ გამოხატული ნდობისთვის. დარწმუნებული ვარ, გამარჯვებაც ძალიან მყარი და დამაჯერებელი იქნება, ხალხთან ერთად გამარჯვებას ვიზეიმებთ.ამ არჩევნებში, როგორც საქართველოს პარლამენტის, ასევე, აჭარის უმაღლესი საბჭოს არჩევნებში ოპოზიცია კოლექტიური ნაცმოძრაობა, ყველა მათი სტრატეგიული პარტია მერწმუნეთ, რომ გამანადგურებელი ანგარიშით დამარცხდება. საარჩევნო უბნებზე, სადაც ყოფილა მცდელობა ნებისმიერი ექსცესი მოდიოდა კოლექტიური „ნაცმოძრაობის“ წარმომადგენლების და მათთან შეზრდილი მედიის წარმომადგენლების მიერ, თუმცა იმდენად გამართული იყო საარჩევნო პროცესი და იმდენად ეფექტურად იმუშავეს შესაბამისმა ორგანოებმა, რომ არავის არ მიეცა შესაძლებლობა რაიმე სახით არსებითად დაერღვიათ საარჩევნო პროცესი. ერთადერთს, რასაც მოვუწოდებ ჩვენს რადიკალურ ოპოზიციას მიიღონ ეს დამარცხება. ვინაიდან, ძალიან გარდამტეხი არჩევნები იყო ქვეყნისთვის, დარწმუნებული ვარ, როგორც საარჩევნო დღემ ჩაიარა მშვიდ გარემოში, ასე გაგრძელდება ცხოვრება საქართველოში.მაქსიმალურად ვმუშაობთ, ჩვენს მხარდამჭერებთან, რომ მოვახდინოთ ამომრჩევლის მაქსიმალური მობილიზაცია.ძალიან კარგად შევჯერდით როგორც ბათუმში ასევე, ყველა დიდ ქალაქში და მუნიციპალიტეტში, მომავალშიც გავაგრძელებთ ჩვენს ამომრჩეველთან აქტიურ კოორდინაციას და მათ შორის ყველა კანონით დაშვებულ ნორმებს გამოვიყენებთ ამომრჩევლის მობილიზაციისთვის.ბატონმა პრემიერმა ძალიან სიღრმისეულად ისაუბრა, - რამდენიმე უბნის მოგება უხარია პატივცემულ ოპოზიციას საზღვარგარეთ, ღმერთმა მშვიდობაში მოახმაროთ 15 და 20 ხმა, დარწმუნებული ვარ, რომ რამდენიმე წუთში პრაქტიკულად საბოლოო შედეგები გამოცხადდება”, - აღნიშნა თორნიკე რიჟვაძემ

პოლიტიკა • 1729920397

„მე ხმა მივეცი ჩვენი ქვეყნის მშვიდობიან განვითარებას, სტაბილურობას და იმ ოცნების ახდენას, რასაც ჰქვია ჩვენი ქვეყნის გამთლიანება და გაერთიანება“ - თორნიკე რიჟვაძე

აჭარის მთავრობის თავმჯდომარემ თორნიკე რიჟვაძემ, საკუთარი არჩევანი დააფიქსირა.„ძალიან მნიშვნელოვანი არჩევნებია დღეს. მოგეხსენებათ, რომ ტარდება როგორც საქართველოს პარლამენტის, ასევე აჭარის უმაღლესი საბჭოს არჩევნები.შესაბამისად, ჩვენს რეგიონში ამომრჩევლებს უწევთ გააკეთონ შესაბამისი არჩევანი და ორი სვეტი გააფერადონ. მე ხმა მივეცი ჩვენი ქვეყნის მშვიდობიან განვითარებას, სტაბილურობას და იმ ოცნების ახდენას, რასაც ჰქვია ჩვენი ქვეყნის გამთლიანება და გაერთიანება“,- განაცხადა თორნიკე რიჟვაძემ.