პოლიტიკა • 1743667936

დიმიტრი ხუნდაძე: ჩვენ ვიცით, ვინ დაიწყო უშუალოდ ომი (2008 წელს) და ვიცით უკვე ისიც, თუ ვინ მიიყვანა ამ ომამდე საქმე, მაგრამ არ ვიცით კიდევ უფრო მთავარი ფაქტორი - კიდევ ვის აწყობდა ეს ომი

„მიშაც და მისი გუნდიც როგორი ყურმოჭრილი მონები იყვნენ, ყველამ კარგად ვიცით. ფაქტია, აგვისტოს ომი აწყობდათ გარე ძალას ან ძალებს, რაც სააკაშვილმა ბრწყინვალედ შეასრულა ქართველების სისხლით," - წერს სოციალურ ქსელში „ხალხის ძალის“ გენერალური მდივანი დიმიტრი ხუნდაძე და ხაზგასმით აღნიშნავს, რომ 2008 წლის ომის შესახებ მსოფლიო ლიდერების განცხადებების ფონზე, პარლამენტის საგამოძიებო კომისიის მუშაობა ომის გამომწვევი მიზეზების დადგენის კუთხით, კიდევ უფრო მეტ მნიშვნელობასა იძენს.„დონალდ ტრამპმა ცოტა ხნის წინ, მის წინამორბედ პრეზიდენტებზე საუბრისას განაცხადა ერთი მნიშვნელოვანი ფრაზა: „ბუშის დროს რუსეთმა მიიღო საქართველო”…რას ნიშნავს ეს სიტყვები? ამაზე ამ დღეებში, პარლამენტის დროებითი საგამოძიებო კომისიის მუშაობის დროს კიდევ უფრო მეტად არის დასაფიქრებელი. ტრამპი საუბრობდა ამერიკის ყოფილი პრეზიდენტების შეცდომებზე თუ კიდევ სხვა ქმედებებზე? რატომ „მიიღო” რუსეთმა საქართველო მაშინ, როდესაც ჩვენ გვყავდა უძლიერესი სტრატეგიული მეგობარი ამერიკის სახით, რომელიც სრულად მართავდა პროცესებს საქართველოში სააკაშვილის ხელით? რატომ ვერ მოხდა აგვისტოს ომის პრევენცია მაშინ, როდესაც ქართულ ჯარს და ყველა სტრატეგიულ ობიექტს უცხოელი სპეციალისტები აკონტროლებდნენ? მათ ხელში იყო დაზვერვა და ყველანაირი ინფორმაცია რუსეთიდან მომდინარე საფრთხის შესახებ. მიშაც და მისი გუნდიც როგორი ყურმოჭრილი მონები იყვნენ, ყველამ კარგად ვიცით. ფაქტია, აგვისტოს ომი აწყობდათ გარე ძალას ან ძალებს, რაც სააკაშვილმა ბრწყინვალედ შეასრულა ქართველების სისხლით. ამაზე მეტყველებს თუნდაც ომის შემდეგ მალევე, ევროკავშირის და ამერიკის მხრიდან ამ თემის მიჩქმალვა. გვესმოდა მხოლოდ „აღშფოთებული” განცხადებები. ასევე, აგვისტოს ომის შემდეგ დასავლეთმა რუსეთთან კიდევ უფრო გააფართოვა ეკონომიკური და პოლიტიკური თანამშრომლობა. დღეს, თანამედროვე გეოპოლიტიკური პროცესებიდან გამომდინარე, მითუმეტეს, უკრაინის ომის ფონზე, აგვისტოს ომის შესახებ კითხვები ბევრად უფრო მეტია, ვიდრე წლების წინ იყო. უკრაინელი ხალხი აუცილებლად გაიგებს, რა მოხდა სამი წლის წინ, ვინ გაყიდა მათი ქვეყანა და რას შეეწირა ათასობით უდანაშაულო უკრაინელი? ქართველი ხალხიც ღირსია იცოდეს, რა მოხდა მაშინ საქართველოში? ეს გვჭირდება არა მხოლოდ ნაცმოძრაობის დასასჯელად, არამედ, იმის გასარკვევად, ვიცოდეთ, გარე ძალებთან მიმართებით ვის როგორ ვუფრთხილდეთ? რუსეთი რომ ოკუპანტია, ეს ვიცით, მაგრამ ჩვენი სტრატეგიული მეგობრები სხვისი “სტრატეგიული მეგობრებიც” იყვნენ მაშინ? რა მოხდა აგვისტოს ომში, ეს ყველაფერი იცის „ვივამედის“ ლუქს პალატაში მოთავსებულმა მაშინდელმა პრეზიდენტმა და კეთილი ინებოს, ხმა ამოიღოს, სანამ ამერიკის ახლანდელი პრეზიდენტი, უკრაინის ომის მსგავსად, აგვისტოს ომის ბურუსით დაფარულ მოვლენებსაც ახდის ფარდას. ჩვენ ვიცით, ვინ დაიწყო უშუალოდ ომი და ვიცით უკვე ისიც, თუ ვინ მიიყვანა ამ ომამდე საქმე, მაგრამ არ ვიცით კიდევ უფრო მთავარი ფაქტორი - კიდევ ვის აწყობდა ეს ომი რუსეთის გარდა საქართველოში და რა გარიგება შედგა მაშინ?" - წერს დიმიტრი ხუნდაძე.„მიშაც და მისი გუნდიც როგორი ყურმოჭრილი მონები იყვნენ, ყველამ კარგად ვიცით. ფაქტია, აგვისტოს ომი აწყობდათ გარე ძალას ან ძალებს, რაც სააკაშვილმა ბრწყინვალედ შეასრულა ქართველების სისხლით," - წერს სოციალურ ქსელში „ხალხის ძალის“ გენერალური მდივანი დიმიტრი ხუნდაძე და ხაზგასმით აღნიშნავს, რომ 2008 წლის ომის შესახებ მსოფლიო ლიდერების განცხადებების ფონზე, პარლამენტის საგამოძიებო კომისიის მუშაობა ომის გამომწვევი მიზეზების დადგენის კუთხით, კიდევ უფრო მეტ მნიშვნელობასა იძენს.„დონალდ ტრამპმა ცოტა ხნის წინ, მის წინამორბედ პრეზიდენტებზე საუბრისას განაცხადა ერთი მნიშვნელოვანი ფრაზა: „ბუშის დროს რუსეთმა მიიღო საქართველო”…რას ნიშნავს ეს სიტყვები?ამაზე ამ დღეებში, პარლამენტის დროებითი საგამოძიებო კომისიის მუშაობის დროს კიდევ უფრო მეტად არის დასაფიქრებელი. ტრამპი საუბრობდა ამერიკის ყოფილი პრეზიდენტების შეცდომებზე თუ კიდევ სხვა ქმედებებზე? რატომ „მიიღო” რუსეთმა საქართველო მაშინ, როდესაც ჩვენ გვყავდა უძლიერესი სტრატეგიული მეგობარი ამერიკის სახით, რომელიც სრულად მართავდა პროცესებს საქართველოში სააკაშვილის ხელით? რატომ ვერ მოხდა აგვისტოს ომის პრევენცია მაშინ, როდესაც ქართულ ჯარს და ყველა სტრატეგიულ ობიექტს უცხოელი სპეციალისტები აკონტროლებდნენ? მათ ხელში იყო დაზვერვა და ყველანაირი ინფორმაცია რუსეთიდან მომდინარე საფრთხის შესახებ.მიშაც და მისი გუნდიც როგორი ყურმოჭრილი მონები იყვნენ, ყველამ კარგად ვიცით. ფაქტია, აგვისტოს ომი აწყობდათ გარე ძალას ან ძალებს, რაც სააკაშვილმა ბრწყინვალედ შეასრულა ქართველების სისხლით. ამაზე მეტყველებს თუნდაც ომის შემდეგ მალევე, ევროკავშირის და ამერიკის მხრიდან ამ თემის მიჩქმალვა. გვესმოდა მხოლოდ „აღშფოთებული” განცხადებები. ასევე, აგვისტოს ომის შემდეგ დასავლეთმა რუსეთთან კიდევ უფრო გააფართოვა ეკონომიკური და პოლიტიკური თანამშრომლობა. დღეს, თანამედროვე გეოპოლიტიკური პროცესებიდან გამომდინარე, მითუმეტეს, უკრაინის ომის ფონზე, აგვისტოს ომის შესახებ კითხვები ბევრად უფრო მეტია, ვიდრე წლების წინ იყო. უკრაინელი ხალხი აუცილებლად გაიგებს, რა მოხდა სამი წლის წინ, ვინ გაყიდა მათი ქვეყანა და რას შეეწირა ათასობით უდანაშაულო უკრაინელი? ქართველი ხალხიც ღირსია იცოდეს, რა მოხდა მაშინ საქართველოში? ეს გვჭირდება არა მხოლოდ ნაცმოძრაობის დასასჯელად, არამედ, იმის გასარკვევად, ვიცოდეთ, გარე ძალებთან მიმართებით ვის როგორ ვუფრთხილდეთ?რუსეთი რომ ოკუპანტია, ეს ვიცით, მაგრამ ჩვენი სტრატეგიული მეგობრები სხვისი “სტრატეგიული მეგობრებიც” იყვნენ მაშინ? რა მოხდა აგვისტოს ომში, ეს ყველაფერი იცის „ვივამედის“ ლუქს პალატაში მოთავსებულმა მაშინდელმა პრეზიდენტმა და კეთილი ინებოს, ხმა ამოიღოს, სანამ ამერიკის ახლანდელი პრეზიდენტი, უკრაინის ომის მსგავსად, აგვისტოს ომის ბურუსით დაფარულ მოვლენებსაც ახდის ფარდას. ჩვენ ვიცით, ვინ დაიწყო უშუალოდ ომი და ვიცით უკვე ისიც, თუ ვინ მიიყვანა ამ ომამდე საქმე, მაგრამ არ ვიცით კიდევ უფრო მთავარი ფაქტორი - კიდევ ვის აწყობდა ეს ომი რუსეთის გარდა საქართველოში და რა გარიგება შედგა მაშინ?" - წერს დიმიტრი ხუნდაძე.

პოლიტიკა • 1743574935

საპარლამენტო საგამოძიებო კომისიას სამუშაოდ კიდევ 1 თვე დარჩა და მოსალოდნელია, რომ ნაცების კიდევ უფრო მეტი დანაშაული გასაჯაროვდება - ნანა კაკაბაძე

„ერთიანი ნეიტრალური საქართველოს“ წევრი, ნანა კაკაბაძე პარლამენტში შექმნილი 2003-2012 წლებში მოქმედი რეჟიმისა და რეჟიმის პოლიტიკური თანამდებობის პირების საქმიანობის შემსწავლელი დროებითი საგამოძიებო კომისიის მუშაობის შესახებ სოციალურ ქსელში წერს.„რას და რატომ იკვლევს საგამოძიებო კომისიაკოლექტიური ნაძ-მოძრაობა და მისი მხარდამჭერები სერიოზულად შეაშფოთა პარლამენტის საგამოძიებო კომისიის მუშაობის პირველმა შედეგებმა. ამიტომ სასწრაფოდ აამუშავეს საკუთარი მედია-პროპაგანდისტები და შეეცადნენ ყურადღების გადატანას იმ მიმართულებით, რომ თითქოს თეა წულუკიანის კომისიის მიზანი 2008 წლის ომში საქართველოს ჯარის გაშავება და ზოგადად, ქართული სახელმწიფოს აგრესორად გამოყვანაა. მათი გათვლებით, საკუთარი მრევლის თავებში კომისიის დანიშნულება უნდა აღქმულიყო, როგორც საქართველოს წინააღმდეგ მიმართული ქმედება - რუსეთის დავალების შესრულება და ოკუპანტის საამებლად გადადგმულ ნაბიჯი.საყოველთაოდ ცნობილი ფაქტია, რომ რამდენიმე წლის წინ სწორედ თეა წულუკიანის ხელმძღვანელობით მოქმედმა ქართველ პროფესიონალთა ჯგუფმა მოიგერია ქართული ჯარის მიმართ რუსეთის პრეტენზიები ჰააგისა და სტრასბურგის სასამართლოებში, სწორედ ამ ჯგუფის ძალისხმევით გაიმარჯვა ამ სასამართლოებში საქართველომ და დაამარცხა რუსეთი. ამიტომ ვიღაცამ შეიძლება თქვას, ნაცებსაც კი არ შეიძლება ჰყავდეთ ისეთი ჩლუნგი და ბრიყვი მრევლი, რომელმაც იცის ეს ფაქტები, მაგრამ საპარლამენტო საგამოძიებო კომისიას მაინც ასეთ ბრალდებებს უყენებდეს, თუმცა, ფაქტია, რომ ნაცური იდეოლოგია ყოველ ჯერზე ახალ რეკორდებს ამყარებს სიცრუეში, სიჩლუნგეში, სიბრმავესა და სიყრუვეში. ამიტომ შეუძლებელია მათ მსჯელობაში რაიმე ლოგიკა ვეძებოთ, როცა მამა-მარჩენალის სახელით მოქმედი „მოსასპობი თაბაგარები“ შეუკვეთავენ „პოლიქრონიონ... პოლიქრონიონ...“-ის ძახილს, ამ შემთხვევაში ამ საცოდავებს ყოველდღე რუსთაველის გადაკეტვა და „ოლააა... ოლააა...“-ს ძახილით ჰგონიათ, რომ გვირაბი სწორი მიმართულებით გაჰყავთ.ასეთებს რამდენიც უნდა უმტკიცო, რომ ამით ყოველდღე უფრო შორდებიან იმ მიზანს, რისთვისაც ამ „გვირაბს თხრიან“, მაინც ლანძღვა-გინებით შეგაჩვენებენ და არც ცემა-ტყეპას დაგაკლებენ - „აბა, ჩვენი მამა-მარჩენალი ხომ არ მოგვატყუებს“-ო,მთავარი საკითხიდან ყურადღების გადატანის მიზნით ნაც-პროპაგანდისტებმა „ჩამჭრელ“ კითხვად შეარჩიეს - „ვინ დაიწყო 2008 წლის ომი?“ არქიფოს მრევლს არ აინტერესებს, რომ ამ კითხვაზე ბევრჯერ გასცეს პასუხი ზემოხსენებულმა სასამართლოებმაც და ტალიავინის კომისიამაც, რომელსაც, სხვათა შორის, თვითონ არქიფო და მისი თაბაგარებიც დაეთანხმნენ და საკუთარი ქმედებით ქართული ჯარის საფრთხის ქვეშ დამყენებლები ახლა აქეთ უბრუნებენ კითხვებს სხვებს.ნაც-პროპაგანდისტებმა შესანიშნავად იციან, რომ საპარლამენტო საგამოძიებო კომისია ომის დაწყებას კი არ იძიებს, არამედ იმას, თუ რამდენად ადეკვატური იყო იმდროინდელი პოლიტიკური თანამდებობის პირების მოქმედებები, რამდენად სწორად იქცეოდნენ ისინი იმისათვის, რომ თავიდან აერიდებინათ ომი და მისი შედეგები - ასეულობით ადამიანის სიკვდილი, ათასობით ადამიანის დაჭრა-დასახიჩრება, ათიათასობით ადგილობრივი მოსახლეობის ლტოლვილად ქცევა და კოდორისა და შიდა ქართლის ტერიტორიების არა მხოლოდ დაკარგვა, არამედ ისტორიული ქართული რეგიონების რუსეთის მიერ დამოუკიდებლად აღიარება. რამდენად სწორი იყო კოდორის ხეობის აფხაზეთად გამოცხადება, იქაური მოსახლეობის განიარაღება და შემდეგ უბრძოლველად დათმობა, ჯერ ერგნეთის ბაზრობის გაუქმება, მერე 2004 წელს იქ სამარცხვინოდ დასრულებული სამხედრო ოპერაციის ჩატარება, ცხინვალის ავტონომიის აღდგენა, „საკუთარი ოსების“ ადგილობრივი ხელისუფლების დანიშვნა, იქ ახალგორის რაიონის შეყვანა და ბოლოს, 2008 წელს, სრულიად მოუმზადებლად და დიდი ბაქი-ბუქით სამხედრო ავანტურაში ჩაბმით იქ მაცხოვრებლების ბედის ანაბარად მიტოვება, ორ დღეში სამარცხვინოდ უკან გამოქცევა და ამ გამოქცევის გამარჯვებად გამოცხადება მხოლოდ იმიტომ, რომ თურმე თბილისისკენ მომავალმა ტანკმა „ორჭოსანთან აუხვია“, ანუ „რუსებს შეეშინდათ“ რუსთაველზე მოზეიმე ხალხის და მათთან მყოფი 5 ქვეყნის პრეზიდენტის.საპარლამენტო საგამოძიებო კომისიას სამუშაოდ კიდევ 1 თვე დარჩა და მოსალოდნელია, რომ ნაცების კიდევ უფრო მეტი დანაშაული გასაჯაროვდება. ამის პარალელურად კი ნაც-პროპაგანდისტები კიდევ უფრო მეტი გაშმაგებით შეებრძოლებიან თეა წულუკიანს და კომისიის სხვა წევრებს, მაგრამ სიმართლის წარმოჩენას და სამართლის დადგენას ვერაფერი შეაჩერებს, რადგან თუ „არ იქნება სამართალი, არ იქნება მშვიდობა!“31 მარტს რუსთაველზე ვიხილეთ ამ სიმართლის ჩახშობის კიდევ ერთი მცდელობა, სადაც რამდენიმე ათასმა შეკრებილმა ჯერ ნახევარი საათი უსმინა სალომეს აბდა-უბდა წაკითხულს, მერე „ცეცხლი გაუხსნა“ ოლიგარქიის ბუდედ შერაცხულ პარლამენტის შენობას და ბოლოს მათმა ნაწილმა სიამაყით აღნიშნა, ხომ ხედავთ 100-150 ათასი ადამიანი შევიკრიბეთ („აუუ.. რამდენი ვააართ!!!“), 8 აპრილამდე დავაცდით პოლიტიკოსებს და თუ გამარჯვებას არ გაგვიფორმებენ, მერე ჩვენ ვიცით - შევიკრიბებით, აღარ დავიშლებით და ამით დავამხობთ „რუსეთუმე ხელისუფლებასო“.ასეთების სიჩლუნგე და სიბრიყვე აღარ უნდა გვაკვირვებდეს, რადგან 4-5 ათას კაცი 100-150 ათასად რომ მოეჩვენებათ, საააკშვილის რეჟიმი - „დემოკრატიის შუქურად“, ოცნების ხელისუფლების პოლიტიკა - „ანტიქართულად და პრორუსულად“, არჩევნებში გაყალბებული ხმების ოდენობა - 400 ათასად, ძალადობრივი მომიტინგეები - „მშვიდობიანად“, მათგან რატომ უნდა გაგვიკვირდეს, რომ იძახონ, სწორედ ჩვენ წარმოვადგენთ საქართველოს, ჩვენი პრეზიდენტიც გვყავს და ამომრჩეველთა უმრავლესობაც, რადგან ჩვენ გავიმარჯვეთ არჩევნებშიო. ხოლო თუ ფაქტები ამ ყველაფრის საწინააღმდეგოა, მით უარესი ფაქტებისთვისო.შეიძლება ვინმემ იკითხოს, ეს ყველაფერი რა კავშირშია საგამოძიებო კომისიასთანო, მაგრამ სწორედაც რომ კავშირი პირდაპირია, რადგან საგამოძიებო კომისიას ფაქტები გამოაქვს დღის სინათლეზე, კოლექტიურ ნაცმოს და მათ პროპაგანდისტებს კი ისე ეშინიათ ფაქტების, როგორც სიბნელეში გამოკეტილ ვირთხებს დღის სინათლის. აღქმებზე დაფუძნებული ბრმა რწმენის მთავარი მტერი ხომ უტყუარი ფაქტებია“, - აღნიშნავს ნანა კაკაბაძე.

პოლიტიკა • 1743499660

საქართველოს ევროკავშირისგან სურს სამართლიანი მოპყრობა, ჩვენი პრობლემებისა და ინტერესების გათვალისწინება - ნიკოლოზ სამხარაძე

საქართველოს ევროკავშირისგან სურს სამართლიანი მოპყრობა, ჩვენი პრობლემებისა და ინტერესების გათვალისწინება, – ამის შესახებ საქართველოს პარლამენტის საგარეო ურთიერთობათა კომიტეტის თავმჯდომარემ ნიკოლოზ სამხარაძემ რუმინულ გამოცემასთან ინტერვიუში განაცხადა.ბუქარესტში ოფიციალური ვიზიტით მყოფმა ნიკოლოზ სამხარაძემ უპასუხა შეკითხვებს საქართველოს რუმინეთთან ურთიერთობასთან, საქართველოს შიდა ვითარებასთან და ასევე თბილისის საგარეო პოლიტიკურ პერსპექტივასთან დაკავშირებით.როგორც სამხარაძემ ინტერვიუს დასაწყისში აღნიშნა, ბუქარესტში რუმინეთის სენატის საგარეო ურთიერთობების კომიტეტის თავმჯდომარის ოფიციალური მიწვევით იმყოფებოდა. სამხარაძის თქმით, ბუქარესტში განიხილეს რუმინეთსა და საქართველოს შორის ორმხრივი ურთიერთობების განვითარების შესაძლებლობებიდა ორ ქვეყანას შორის სტრატეგიული პარტნიორობის გაძლიერებასთან დაკავშირებული საკითხები, რათა კიდევ უფრო მეტად გააქტიურდეს თანამშრომლობა იმ საკითხებზე, რომლებიც საქართველოს ევროკავშირის და ნატო-ს წევრობას უკავშირდება.ამასთან, ნიკოლოზ სამხარაძის თქმით, 2022 წელს ხელი მოეწერა დეკლარაციას რუმინეთსა და საქართველოს შორის სტრატეგიული პარტნიორობის თაობაზე, ამჟამად კი, მიმდინარეობს მუშაობა სამოქმედო გეგმაზე, რაც წარმოადგენს სტრატეგიული პარტნიორობის სამოქმედო ჩარჩო-პროგრამას.ნიკოლოზ სამხარაძემ პოლიტიკურ დიალოგთან დაკავშირებით აღნიშნა, რომ არის მნიშვნელოვანი პროგრესი, ეკონომიკური ურთიერთობების დონეზე კი, არსებობს აუთვისებელი პოტენციალი ვაჭრობისა და ინვესტიციების საკითხებში.„ამ მხრივ, შეგვიძლია ჩვენი ძალისხმევის კაპიტალიზაცია მოვახდინოთ ისეთ მიმდინარე პროექტებზე როგორიცაა, შავი ზღვის წყალქვეშა ელექტროკაბელის და ციფრული კაბელის პროექტი, რომელიც ერთმანეთთან დააკავშირებს რუმინეთსა და საქართველოს და სხვა დაინტერესებულ ქვეყნებს, მათ შორის აზერბაიჯანსა და უნგრეთს. აქვე ხაზს ვუსვამ ამ პროექტების მნიშვნელობას არა მხოლოდ ეკონომიკური თვალსაზრისით, არამედ გეოსტრატეგიული კომპონენტის კუთხითაც. მე ასევე აღვნიშნავ რუმინეთისა და საქართველოს ურთიერთდაკავშირებადობის საკითხს შავი ზღვის რეგიონში,რადგან რუმინეთსაც და საქართველოსაც აქვს მნიშვნელოვანი როლი ტრანსკასპიის დერეფანში, რომელიც ასევე ცნობილი როგორც „შუა დერეფანი“ და რომელიც აკავშირებს აზიას ევროპასთან. ამ მხრივ, მიმაჩნია, რომ ორივე ქვეყნის ინტერესშია ამ კავშირის  სარგებლის მაქსიმალურად გაზრდა. რა თქმა უნდა, ჩვენ ასევე უნდა გავითვალისწინოთ შავი ზღვის რეგიონში არსებული უსაფრთხოების გამოწვევები, უკრაინის წინააღმდეგ რუსეთის აგრესიის შედეგად წარმოქმნილი რისკები  და  კონფლიქტის  დასრულებასთან დაკავშირებული მიმდინარე პროცესები.ამ ასპექტებიდან გამომდინარე, რუმინეთმაც და საქართველომაც უნდა განავითარონ თანამშრომლობა და გააძლიერონ ერთობლივი ძალისხმევა“, – განაცხადა ნიკოლოზ სამხარაძემ.სამხარაძემ ჟურნალისტმა კითხვა დაუსვა: „არჩევნებში პარტია „ქართული ოცნების“ გამარჯვების შემდეგ, საქართველოში საპროტესტო აქციები მიმდინარეობს. ხალხი ქუჩაში 100 დღის განმავლობაში გამოდის. როგორია დღევანდელი განწყობა ქართულ საზოგადოებაში? როგორია ხალხის აღქმა საქართველოში არსებულ პოლიტიკურ ვითარებაზე?“, რაზეც სამხარაძემ განაცხადა, რომ „საქართველოში პოლიტიკური ვითარება კვლავ დაძაბულია, მაგრამ არა იმ დონეზე, რაც ორი-სამი თვის წინ იყო“.„საპროტესტო აქციები კვლავ მიმდინარეობს, მაგრამ ყოველდღიურად გამოსული მომიტინგეების რაოდენობა საგრძნობლად შემცირდა და მაქსიმუმ 200-300 ადამიანია. საპროტესტო აქციები საპარლამენტო არჩევნების ფონზე დაიწყო, რის შემდეგაც ოპოზიცია აცხადებდა, რომ არჩევნები გაყალბდა. თუმცა, ბრალდებებს, ამ კუთხით, მკაფიო მტკიცებულებები არ ახლდა. უფრო მეტიც, საქართველოში საერთაშორისო სადამკვირვებლო მისიის საბოლოო ანგარიშის თანახმად, რომელსაც ხელმძღვანელობს ეუთო-ს დემოკრატიული ინსტიტუტებისა და ადამიანის უფლებათა ოფისი, არჩევნები გაყალბების გარეშე ჩატარდა. შედეგად, ადამიანებს, რომლებიც ამ მიზეზით გამოდიოდნენ საპროტესტო აქციებზე, აღარ სჯეროდათ, რომ არჩევნები გაყალბდა და პროტესტმა თანდათან იკლო“, – აღნიშნა სამხარაძემ.ამასთან, კითხვაზე, რომ „ქართული ოცნება“ თავდაპირველად აღიქმებოდა როგორც ევროკავშირის მომხრე პარტია და ახლა როგორია ამ პარტიის პოლიტიკური ხედვა, ნიკოლოზ სამხარაძემ განაცხადა, რომ საქართველოსთვის საგარეო პოლიტიკური პრიორიტეტები უცვლელი რჩება.„მხედველობაში მაქვს საქართველოს წევრობა ევროკავშირსა და ნატო-ში. ძირითადად, საქართველოს საგარეო პოლიტიკა არ შეცვლილა, პრიორიტეტები და ამოცანები იგივე რჩება. თუმცა, როდესაც ვსაუბრობთ კონკრეტულ საკითხებზე, რაც უნდა გაკეთდეს საქართველოს ევროკავშირთან დაახლოებისთვის, ჩვენ მაინც განსხვავებული აღქმები გვაქვს. სწორედ ამ მიზეზით ჩნდება მცირე აზრთა სხვადასხვაობა ჩვენსა და ევროპულ ინსტიტუტებს შორის, როგორიცაა ევროკომისია ან ევროპარლამენტი, რომლებიც მიიჩნევენ, რომ საქართველოს გარკვეული კანონები თუ ქმედებები არ შეესაბამება ევროპულ მისწრაფებებს. თუმცა, ხანდახან პოლიტიკურ დეკლარაციებს არ ვცდებით. მაგალითად, სამართლებრივ სიბრტყეში, ჩვენ შევთავაზეთ ადამიანის უფლებათა ევროპულ სასამართლოში განხილვების შესაძლებლობა, თუმცა პასუხი არ მიგვიღია. ფაქტობრივად, ჩვენთვის სულაც არ არის სასიამოვნო, როცა ვხედავთ ევროკავშირის ამ დამოკიდებულებას და როგორ ეპყრობიან საქართველოს ბოლო ორი წლის განმავლობაში. ერთადერთი, რაც გვინდა და მოვითხოვთ, არის სამართლიანი მოპყრობა და ჩვენი პრობლემების და ინტერესების გათვალისწინება“, – აღნიშნა სამხარაძემ.სამხარაძეს ჟურნალისტმა კითხვა დაუსვა, რა მოლოდინები აქვს საქართველოს უახლოეს მომავალში და რა სურს ბრიუსელისგან, რაზეც საქართველოს პარლამენტის საგარეო ურთიერთობათა კომიტეტის თავმჯდომარემ აღნიშნა:„პირველ ყოვლისა, გვინდა, ბრიუსელმა გაიგოს, რომ საქართველო, გეოსტრატეგიული თვალსაზრისით, ძალიან არასტაბილურ რეგიონში მდებარეობს. გვჭირდება, ევროკავშირმა გააცნობიეროს, რომ საქართველო არის რუსეთის ფედერაციის ოკუპაციის ქვეშ მყოფი ქვეყანა, რის გამოც მოსკოვთან კონფლიქტის ესკალაციის ძალიან მაღალი რისკი არსებობს. უფრო მეტიც, ბრიუსელის ინსტიტუტებმა უნდა იცოდნენ, რომ საქართველო არ არის ის ქვეყანა, რომელსაც შეუძლია იმოქმედოს ისევე, როგორც სხვა ქვეყნები, მაგალითად ესტონეთმა. ეს იმიტომ, რომ საქართველო არ არის ნატოს უსაფრთხოების ქოლგის ქვეშ და არ სარგებლობს ევროკავშირის ეკონომიკური სოლიდარობით. ამიტომ, ევროკავშირმა არ უნდა სთხოვოს საქართველოს ისეთი რამ, რაც ევროკავშირში არ გამოიყენება. ჩვენ არ უნდა მოგვთხოვონ კანონმდებლობის შეცვლა ან ახალი კანონმდებლობის მიღება, რომელიც არ გამოიყენება ევროკავშირის ფარგლებში. ჩვენ არ უნდა ვიყოთ ექსპერიმენტების ჩატარების ადგილი. ჩვენ ძალიან ღიად ვუთხარით ჩვენს ევროპელ პარტნიორებს, რომ მზად ვართ, წინ წავიწიოთ რეფორმების განხორციელებით, დავნერგოთ ევროპული მოთხოვნები და მოვახდინოთ ეროვნული კანონმდებლობის ჰარმონიზაცია ევროკავშირის კანონმდებლობასთან. მაგრამ ჩვენ არ გვინდა ვიყოთ იძულებული, გავაკეთოთ ისეთი რამ, რასაც წევრი სახელმწიფოები არ აკეთებენ.მაგალითად, ევროკავშირმა საქართველოს სთხოვა, შეცვალოს გენერალური პროკურორის არჩევის პროცედურა. კერძოდ, პროკურორის არჩევა კვალიფიციური უმრავლესობით სამი მეხუთედით. იმის გათვალისწინებით, რომ ევროკავშირის ყველა ქვეყანაში გენერალურ პროკურორს პარლამენტი საერთოდ არ ნიშნავს, ან იმ შემთხვევაში, როდესაც მას ნიშნავს პარლამენტი, დანიშვნა ხდება უბრალო უმრავლესობით. კიდევ ერთი მაგალითი ეხება საარჩევნო ბარიერს, ევროკავშირი გვთხოვს საარჩევნო ბარიერის შემცირებას 5%-დან 2%-მდე, მაშინ როდესაც წევრ ქვეყნებში უმეტესობაში საარჩევნო ბარიერი 5%-ია. არ მესმის, რამდენად შეუძლია პროცენტულ მაჩვენებელს განსაზღვროს ქვეყნის ევროპულობა ან  ნაკლებად ევროპულობა. ევროპულობის იდეის მიღმა, საუბარია იმაზე, რა არის რეალურად აქტუალური სრულად პროპორციულ საარჩევნო სისტემაში ამ სისტემის სტაბილურობისა და პოლარობისათვის. ევროკავშირისგან ჯერ არ მიმიღია განმარტება, რატომ უნდა შეამციროს საქართველომ საარჩევნო ბარიერი“, – განაცხადა სამხარაძემ.ინტერვიუში ნიკოლოზ სამხარაძემ ისაუბრა საქართველოს ევროკავშირში გაწევრიანებაზეც. კერძოდ, სამხარაძემ აღნიშნა, რომ ამ დროისთვის საქართველო არ არის მზად, გახდეს კავშირის წევრი, თუმცა სჯერა, რომ 2030 წელს განხორციელდება ყველა საჭირო რეფორმა გაწევრიანების კრიტერიუმების დასაკმაყოფილებლად.„საქართველოს აქვს კანდიდატი ქვეყნის სტატუსი. რა თქმა უნდა, ამ დროისთვის ჩვენ მზად არ ვართ გავხდეთ კავშირის წევრი, მაგრამ გვჯერა, რომ მომდევნო 5 წელიწადში, კერძოდ 2030 წელს, განვახორციელებთ ყველა საჭირო რეფორმას გაწევრიანების კრიტერიუმების დასაკმაყოფილებლად, რათა 2030 წლისთვის მზად ვიყოთ ევროკავშირში გასაწევრიანებლად. ჩნდება კითხვა, არის თუ არა მზად ევროკავშირი გაფართოებისთვის, იმ გამოწვევების გათვალისწინებით, რომელიც ამჟამად დგას?“ – განაცხადა სამხარაძემ.ჟურნალისტის მორიგ კითხვაზე, რა როლის შესრულება შეუძლია რუმინეთს ევროკავშირისა და საქართველოს ორმხრივ ურთიერთობაში, სამხარაძემ განაცხადა, რომ რუმინეთს შეუძლია, გადამწყვეტი და ძალიან მნიშვნელოვანი როლი ითამაშოს.„რუმინეთს, როგორც მეზობელ ქვეყანას, კარგად ესმის შავი ზღვის რეგიონში არსებული პრობლემები და ასევე შექმნილი საფრთხეები და რისკები. ასევე, ჯერ კიდევ უახლესი გამოცდილებიდან გამომდინარე, რუმინეთს, შეუძლია რეალური მხარდაჭერა შემოგვთავაზოს ევროკავშირის სხვა წევრებთან დიალოგში. ამ როლის აღებით რუმინეთს შეუძლია საქართველოში არსებული ვითარების სწორად წარმოჩენა, რადგან ჩვენი ქვეყნის შიგნით რეალობების აღქმა მხოლოდ შავ-თეთრად არ შეიძლება იყოს აღქმული.არის ბევრი ნიუანსი და განზომილება, რომელიც ჩვენმა რუმინელმა პარტნიორებმა კარგად იციან და ჩვენ ეს ვიცით. ამიტომ, ჩვენ გვჯერა, რომ მათ შეუძლიათ, გავლენა მოახდინონ ევროპელი პარტნიორებისა და კოლეგების აღქმებზე და დაარწმუნონ ისინი, რომ შეუძლებელია, მოსთხოვო ზუსტად იგივე კრიტერიუმების შესრულება სრულიად განსხვავებულ ქვეყანას. უნდა არსებობდეს პერსონალიზებული მიდგომა და ამ თვალსაზრისით, რუმინეთს შეუძლია, შეასრულოს განსაკუთრებით მნიშვნელოვანი როლი“, – განაცხადა ნიკოლოზ სამხარაძემ.კითხვაზე, „როგორია საქართველოში არსებული პოლიტიკური სპექტრი? მაგალითად, რომელი საპარლამენტო პარტიები არიან პროევროპული მიმართულების, რომლები იხრებიან პრორუსული პოზიციებისკენ, ვის უკავია შუალედური პოზიცია?“, სამხარაძემ განაცხადა:„საქართველოში არ გვყავს პარტიები, რომლებიც ოფიციალურ პრორუსულ პოზიციას იკავებენ, რადგან რუსეთი არის ოკუპანტი სახელმწიფო, რომელსაც საქართველოს მოქალაქეებს შორის მეგობრები არ ჰყავს. აქედან გამომდინარე, არცერთი პოლიტიკური პარტია საქართველოში, აქვს თუ არა საპარლამენტო წარმომადგენლობა, არ უჭერს მხარს რუსეთისთვის ხელსაყრელ პოლიტიკას. რა თქმა უნდა, არიან ცალკეული ადამიანები, რომლებიც ცალკეულ პარტიებზე ამბობენ, რომ მათ აქვთ რუსეთის მიმართ ფრთხილი დამოკიდებულება და მომხრეები არიან რუსეთთან კარგი ურთიერთობების. თუმცა, პრორუსული პარტია არ არსებობს. სწორედ ამიტომ, პოლიტიკური პარტიების უმეტესობა ამტკიცებს, თუნდაც სიმბოლურად, რომ მათ სურთ, საქართველო გახდეს ევროკავშირის წევრი. ინტეგრაციის ამ სურვილს იზიარებს საქართველოს მოსახლეობის უმრავლესობაც. საზოგადოებრივი აზრის გამოკითხვების მიხედვით, ქართველების 80%-ზე მეტს სურს, რომ მათი ქვეყანა ევროკავშირში მიიღოს. პოლიტიკური პარტიები პრაქტიკულად ასახავენ მოსახლეობის ამ სურვილს“, – აღნიშნა სამხარაძემ.ამასთან, მისივე თქმით, ნატო-ში ინტეგრაციას არ აქვს ასეთივე ძლიერი მხარდაჭერა, მაგრამ ეს იმიტომ, რომ ქართველები უბრალოდ დაიღალნენ ნატო-ში მიღების მოლოდინით.„მას შემდეგ, რაც 2008 წელს, ბუქარესტში გაიმართა სამიტი, როდესაც ნატო-ს ლიდერებმა პირობა დადეს, რომ საქართველო გახდებოდა ალიანსის წევრი, მას შემდეგ და დღემდე გავიდა 17 წელი. ჩვენ არ მიგვიღია არანაირი სიგნალი საქართველოს ნატო-ში გაწევრიანების შესახებ. შესაბამისად, ამან გამოიწვია იმედგაცრუება საქართველოს მოქალაქეებში, რის გამოც ჩვენ ვხედავთ ნატო-ს მხარდაჭერის შემცირებას ევროკავშირში გაწევრიანების მხარდაჭერასთან შედარებით. ეს ტენდენცია თუ გაგრძელდება, სავარაუდოა, რომ ნატო-ში ინტეგრაციის ეს მხარდაჭერა კიდევ უფრო მეტად შემცირდება.ამასთან, მომდევნო 15 წელიწადში თუ ჩვენ აღმოვჩნდებით იმავე პოზიციაში, ანუ გავაგრძელებთ კაკუნს ევროკავშირის კარზე და არ გვექნება პოზიტიური გამოხმაურება, რა თქმა უნდა, იგივე მოხდება ევროკავშირთან მიმართებით. მე იმედი მაქვს, რომ ანალოგიური არ განმეორდება ევროკავშირთან დაკავშირებით. ასევე იმედი მაქვს, წელს თუ არა, მომავალ წელს მოლაპარაკებები გაიხსნება, რათა საქართველო 2030 წელს გახდეს ევროკავშირის პოტენციური წევრი“, – აღნიშნა სამხარაძემ.მისივე თქმით, საქართველოს საგარეო პოლიტიკა ასევე ორიენტირებულია კავკასიასა და შავი ზღვის რეგიონზე.„ჩვენთვის პრიორიტეტულია პოლიტიკური ურთიერთობების განვითარება სამხრეთის მეზობელ ქვეყნებთან: სომხეთი, აზერბაიჯანი და თურქეთი, რომლებთანაც ჩვენ ასევე გვაქვს შესანიშნავი პოლიტიკური ურთიერთობა და სტრატეგიული პარტნიორობა და ძალიან კარგი ეკონომიკური, პოლიტიკური და სტრატეგიული ურთიერთობები. ასევე, საქართველოს საგარეო პოლიტიკის კიდევ ერთი მნიშვნელოვანი მიმართულებაა ცენტრალური აზიის ქვეყნებთან ორმხრივი ურთიერთობების გაუმჯობესება. ამ კუთხით შეიძლება ითქვას, რომ ჩვენი კავშირები ყაზახეთთან და უზბეკეთთან, ბოლო პერიოდში, ძალიან გაუმჯობესდა, საქართველო ამ ორ ქვეყანას ტრანსპორტის, ვაჭრობისა და ლოჯისტიკის სფეროებში ძალიან მნიშვნელოვან პარტნიორებად მიიჩნევს. საგარეო პოლიტიკის პრიორიტეტებია ასევე ურთიერთობების გაფართოება ჩინეთთან (ძირითადად, სავაჭრო-ეკონომიკურ სფეროში), ყურის ქვეყნებთან და ისრაელთან. საქართველოს ტრადიციულად კარგი ურთიერთობები აქვს, მაგრამ ამ ეტაპზე, სახეზეა ამ კავშირების ეკონომიკური კომპონენტის კიდევ უფრო გაზრდილი მნიშვნელობა“, – განაცხადა სამხარაძემ.პარლამენტის საგარეო ურთიერთობათა კომიტეტის თავმჯდომარემ ნიკოლოზ სამხარაძემ ინტერვიუში აღნიშნა, საქართველოს საგარეო პოლიტიკაში ძალიან მნიშვნელოვანია აშშ-სთან ურთიერთობა, რომელიც საქართველოსთვის მნიშვნელოვანი სტრატეგიული პარტნიორია.„სამწუხაროდ, უკრაინაში ომის დაწყების შემდეგ, ბოლო ორი წლის განმავლობაში, ჩვენ არ გვქონდა შესაძლებლობა აშშ-სთან ურთიერთობების გაღრმავების, მაგრამ ვიმედოვნებთ, რომ ახლა, ვაშინგტონის ახალი ადმინისტრაციის პირობებში, ჩვენ შევძლებთ ამ ურთიერთობების გადატვირთვას. ამასთან, მიმაჩნია, რომ როგორი სახის შეთანხმება არ უნდა იყოს მიღწეული აშშ-სა და რუსეთს შორის უკრაინასთან დაკავშირებით, ეს მნიშვნელოვნად იმოქმედებს აღმოსავლეთ ევროპისა და ზოგადად შავი ზღვის რეგიონის უსაფრთხოებაზე. ცხადია, გვესმის, რომ ახლა პრიორიტეტი ომის დასრულებაა. თუმცა, საუბარია გრძელვადიან მშვიდობაზე, რომელიც იძლევა გარანტიას, რომ ცეცხლის შეწყვეტის შემთხვევაში ახალი ომი არ დაიწყება. ამიტომ, ვიმედოვნებ, რომ ახალმა ადმინისტრაციამ სრულად იცის ეს რისკები და რომ რუსეთსა და აშშ-ს შორის ნებისმიერი შეთანხმება, უკრაინაში ომის დასრულების შესახებ, ასევე ითვალისწინებს გარანტიებს, რომ ახალი ომი არ დაიწყება უახლოეს მომავალში“, – განაცხადა სამხარაძემ.ამასთან, დონალდ ტრამპსა და ევროკავშირს შორის დაძაბულობის შესახებ დასმულ კითხვაზე საპასუხოდ, სამხარაძემ აღნიშნა, რომ „ეს დაძაბულობა გამოწვეულია იმ განსხვავებული მიდგომებით, რომლითაც ორი ადმინისტრაცია აღიქვამს ევროპაში უსაფრთხოების ვითარებას“.„ვეთანხმები პრეზიდენტ ტრამპს, რომელიც ევროპულ ქვეყნებს სთხოვს მეტი დახარჯონ თავდაცვაზე, რაც ევროპელებისთვის ახალი არ არის, იმის გათვალისწინებით, რომ ტრამპმა ეს ითხოვა 2016 წელს. როგორც მე შევამჩნიე, საკუთარი უსაფრთხოების ინტერესებიდან გამომდინარე, ამერიკის ადმინისტრაცია ახლა ყურადღებას აქცევს სამხრეთ-აღმოსავლეთ აზიასა და სხვა რეგიონებს, რის გამოც ევროპელების მხრიდან თავდაცვის ხარჯების გაზრდის მოთხოვნა გამართლებულია. თუმცა, არ მჯერა, რომ ეს გაუგებრობები ორ მხარეს შორის დიდ კონფლიქტს გამოიწვევს. საბოლოო ჯამში, შეერთებული შტატები და ევროპელები მიაღწევენ კონსენსუსს, რომელიც მიზნად ისახავს ნატო-ს შიგნით კოლექტიური უსაფრთხოების პასუხისმგებლობების სამართლიან განაწილებას. თუმცა, მიმაჩნია, რომ ევროპელებმა უფრო დიდი პასუხისმგებლობა უნდა აიღონ და გეოპოლიტიკური არქიტექტურის თვალსაზრისით, უფრო აქტიური როლი უნდა ჰქონდეთ, ვიდრე მანამდე“, – განაცხადა სამხარაძემ.ჟურნალისტმა ევროკავშირსა და აშშ-ზე საუბრისას ნიკოლოზ სამხარაძეს კითხვა დაუსვა, რომელს აირჩევდა საქართველოს უსაფრთხოების ერთ-ერთი პარტნიორად, რაზეც სამხარაძემ აღნიშნა:„საქართველოს სურს, იყოს ევროკავშირში და ჩვენ თავს ვხედავთ ევროპული ცივილიზაციისა და ევროპის ნაწილად. ჩვენი, როგორც ქვეყნის პრიორიტეტია, ვიყოთ უსაფრთხო ევროკავშირის ნაწილი, მაგრამ არ მგონია, აშშ მთლიანად ჩამოშორდეს ევროპას. ცხადია, ამერიკელები ყოველთვის იქნებიან ევროპაში. ამიტომ, საქართველოსთვის იდეალურია აშშ-მ და ევროკავშირმა ითანამშრომლონ ევროკავშირის უსაფრთხოებისათვის, რომლის ნაწილიც საქართველოა“, – განაცხადა ნიკოლოზ სამხარაძემ.კითხვაზე, შეიცვალა თუ არა ბოლო ერთი წლის განმავლობაში რუსეთის მიდგომა ჰიბრიდული ომის მიმართ, სამხარაძემ განაცხადა, რომ „შეიძლება ითქვას, რუსეთი საქართველოს ოკუპირებულ რეგიონებში უფრო თავდაჯერებული და აქტიური გახდა“.„ბოლო თვეებში, განსაკუთრებით აფხაზეთში, რუსებმა დააჩქარეს ისეთი ინფრასტრუქტურული პროექტების განხორციელება. კერძოდ, რეგიონში აეროპორტის მშენებლობა. რუსეთის ფედერაციამ ასევე გააძლიერა კონტროლი ოკუპირებულ ტერიტორიებზე. თუ გადავხედავთ ბოლო წლებში განვითარებულ მოვლენებს, მომხდარი ცვლილებები ხაზს უსვამს რუსეთის ფართო კონტროლს ოკუპირებულ რეგიონებზე და კონკრეტულად აფხაზეთში, არა მხოლოდ სამხედრო და უსაფრთხოების თვალსაზრისით, არამედ ფინანსურ, სოციალური და ენერგეტიკული მიმართულებით.სამწუხაროდ, უახლოეს მომავალში გამოსავალს არ ვხედავ. ოკუპირებული ტერიტორიების საკითხის გადაწყვეტის გასაღები არის რუსული ჯარების გაყვანა ამ ოკუპირებული ტერიტორიებიდან, აფხაზეთიდან და ოსეთიდან. არ მგონია, რომ რუსეთი ამას უახლოეს მომავალში აპირებს.იმ სცენარის მიხედვით, როდესაც საქართველო ევროკავშირის წევრობამდე ვერ დაიბრუნებს იურისდიქციას აფხაზეთისა და ოსეთის ტერიტორიებზე, ვფიქრობ, ამ რეგიონების ვითარება ჩრდილოეთ კვიპროსის ვითარებას დაემსგავსება, იმ თვალსაზრისით, რომ ევროკავშირი აღიარებს ამ ტერიტორიებს საქართველოს ნაწილად, მაგრამ პრაქტიკული განზომილების გარეშე“, – განაცხადა ნიკოლოზ სამხარაძემ.სამხარაძის თქმით, ქართულ საზოგადოებას აქვს მაღალი მდგრადობა ანტიევროკავშირისა და ანტიდასავლური ნარატივების მიმართ, როდესაც ისინი რუსეთიდან მოდის, თუმცა, როგორც ჩანს, ბოლო დროს ევროკავშირის სხვადასხვა ბიუროკრატებისა თუ პოლიტიკოსების გარკვეული ქმედებები ძირს უთხრის ქართული საზოგადოების ნდობას ევროკავშირის მიმართ.„იყო შემთხვევები, როდესაც ზოგიერთი ევროპელი პოლიტიკოსი ჩაერია საქართველოს არჩევნებში და ამა თუ იმ პარტიის მხარე დაიჭირა, რაც უსამართლო იყო ქართველი ამომრჩევლის მიმართ. ასევე, ორმაგი სტანდარტების  მაგალითია საპროტესტო აქციების განსხვავებულიშეფასება საქართველოში და ბულგარეთში, როდესაც  ევროკავშირის შტაბ-ბინას მომიტინგეები დაესხნენ თავს. ყველა ამ სიტუაციამ დააზიანა ევროკავშირის იმიჯი საქართველოს მოქალაქეების თვალში. რაც შეეხება რუსულ პროპაგანდას, ქართული საზოგადოება უკიდურესად მდგრადია, რადგან საქართველო ამ პროპაგანდის წნეხის ქვეშ არის ბოლო 30 წელი“, – განაცხადა ნიკოლოზ სამხარაძემ.

პოლიტიკა • 1743496895

ნიკოლოზ სამხარაძე: რუსეთი არის ოკუპანტი სახელმწიფო, რომელსაც საქართველოს მოქალაქეებს შორის მეგობრები არ ჰყავს

საქართველოში არ გვყავს პარტიები, რომლებიც ოფიციალურ პრორუსულ პოზიციას იკავებენ, რადგან რუსეთი არის ოკუპანტი სახელმწიფო, რომელსაც საქართველოს მოქალაქეებს შორის მეგობრები არ ჰყავს, - განაცხადა საქართველოს პარლამენტის საგარეო ურთიერთობათა კომიტეტის თავმჯდომარემ ნიკოლოზ სამხარაძემ რუმინულ გამოცემასთან ინტერვიუში. ამით მან უპასუხა კითხვას - „შეგიძლიათ მოკლედ აღწეროთ საქართველოში არსებული პოლიტიკური სპექტრი? მაგალითად, რომელი საპარლამენტო პარტიები არიან პროევროპული მიმართულების, რომლები იხრებიან პრორუსული პოზიციებისკენ, რა რომლებს უკავიათ შუალედური პოზიცია?“„აქედან გამომდინარე, არც ერთი პოლიტიკური პარტია საქართველოში, აქვს თუ არა საპარლამენტო წარმომადგენლობა, არ უჭერს მხარს რუსეთისთვის ხელსაყრელ პოლიტიკას. რა თქმა უნდა, არიან ცალკეული ადამიანები რომლებიც ცალკეულ პარტიებზე ამბობენ, რომ მათ აქვთ რუსეთის მიმართ ფრთხილი დამოკიდებულება და მომხრეები არიან რუსეთთან კარგი ურთიერთობების. თუმცა, პრორუსული პარტია არ არსებობს. სწორედ ამიტომ, პოლიტიკური პარტიების უმეტესობა ამტკიცებს, თუნდაც სიმბოლურად, რომ მათ სურთ საქართველო გახდეს ევროკავშირის წევრი. ინტეგრაციის ამ სურვილს იზიარებს საქართველოს მოსახლეობის უმრავლესობაც. საზოგადოებრივი აზრის გამოკითხვების მიხედვით, ქართველების 80%-ზე მეტს სურს, რომ მათი ქვეყანა ევროკავშირში მიიღოს. და პოლიტიკური პარტიები პრაქტიკულად ასახავს მოსახლეობის ამ სურვილს“, - აღნიშნა სამხარაძემ.

პოლიტიკა • 1743347702

[საგამოძიებო] კომისიის გაშავების მიზნით საუბარი იმაზე, რომ ის ახდენს ქვეყნის დადანაშაულებას ომის დაწყებაში და არა მაშინდელი მთავრობის ბრძანების გამცემი მაღალჩინოსნების და მათი დანაშაულებრივი ქმედებების გამოკვლევას, არის აბსურდი და მიზანმიმართული სიცრუე - ბაჩო ოდიშარია

ეროვნული კინოცენტრის ფილმწარმოების დეპარტამენტის უფროსი, ბაჩო ოდიშარია „ფეისბუქზე“ პოსტს აქვეყნებს, სადაც პარლამენტის დროებითი საგამოძიებო კომისიის მუშაობის აუცილებლობაზე ამახვილებს ყურადღებას და აცხადებს, რომ „კომისიის მუშაობა ერთ-ერთი ყველაზე მნიშვნელოვანი პროცესია დამოუკიდებლობის ისტორიაში, რადგან როდესაც რეჟიმი მარცხდება, აუცილებელია მისი სახელდება, მისი ფუნქციონირების მექანიზმის და ამ მექანიზმის მოქმედებისათვის საჭირო ჭანჭიკების როლის დადგენა“.ოდიშარია ასევე აღნიშნავს, რომ „პოლიტიკურად გამოფიტული და მორალურად ატროფირებული რეჟიმისთვის წინასაარჩევნო პერიოდში ეს იყო მაშველი რგოლიც კი, რადგან ამით შეძლეს ოპოზიციის გაჩუმება და ხალხში განცდის ჩანერგვა, თითქოს გადაგვარჩინეს, შემდეგ გვაზეიმეს კიდეც აგვისტოს ომი და მოგებულებად გამოგვიყვანეს, როდესაც თავად, ევროსაბჭოს იმ რეზოლუციას მოაწერეს ხელი, სადაც პირველმა ქართულმა მხარემ გახსნა ცეცხლიო წერია და ქართულ ჯარს ომის დანაშაული დააბრალეს. ამიტომ, ყალბი ნარატივი, თითქოს ნაცების რეჟიმის წარმომადგენლების გამოკითხვა აგვისტოს ომზე ნიშნავს ქვეყნის ომის დაწყებაში დადანაშაულებას, მხოლოდ მავნებლური პროპაგანდაა“.მისივე თქმით, ისტერია, რომელიც კომისიის მუშაობამ გამოიწვია ნაც და ნეოლიბერალურ ბაბლებში, კიდევ ერთხელ ცხადყოფს მის აუცილებლობას.„პარლამენტში მოქმედი საგამოძიებო კომისიის მუშაობა ერთ-ერთი ყველაზე მნიშვნელოვანი პროცესია დამოუკიდებლობის ისტორიაში, რადგან როდესაც რეჟიმი მარცხდება, აუცილებელია მისი სახელდება, მისი ფუნქციონირების მექანიზმის და ამ მექანიზმის მოქმედებისათვის საჭირო ჭანჭიკების როლის დადგენა, რადგან შესაძლებელი გახდეს სამართლიანობის აღსრულება, შერიგება და დეპოლარიზაცია. სოციალური სამართლიანობის ერთ-ერთი საერთაშორისო ინსტრუმენტი არის “სიმართლის კომისია”, რომელიც იქმნება, როდესაც პოლიტიკური რეპრესიების თუ დიქტატურის შემდეგ ხდება რეჟიმის ცვლილება და აუცილებელია დადგენა, როგორ და რაში გადაამეტეს უფლებამოსილებას და ადამიანის რა უფლებები დაარღვიეს ამ რეჟიმებმა. ასეთი კომისია იძიებდა სამხრეთ აფრიკაში აპარტეიდს, არგენტინაში სამხედრო დიქტატურას, ჩილეში პინოჩეტის რეჟიმს და ა.შ. ჩვენ კონტექსტში კი ნაცების რეჟიმი იყო აპარტეიდიც, პინოჩეტიც და ჰოლოკოსტიც. კომისიის გაშავების მიზნით საუბარი იმაზე, რომ ის ახდენს ქვეყნის დადანაშაულებას ომის დაწყებაში და არა მაშინდელი მთავრობის ბრძანების გამცემი მაღალჩინოსნების და მათი დანაშაულებრივი ქმედებების გამოკვლევას, არის აბსურდი და მიზანმიმართული სიცრუე.ქვეყანამ დაიწყო ომი, ნიშნავს, რომ ამის სრული კონსენსუსი არსებობდა საზოგადოებასა და სახელმწიფოს შორის, რომ ეს იყო მოქალაქეების დაკვეთა საკუთარი არჩეული მთავრობისადმი, რაც 2008 წელზე სრულად საპირისპიროა; პოლიტიკურად გამოფიტული და მორალურად ატროფირებული რეჟიმისთვის წინასაარჩევნო პერიოდში ეს იყო მაშველი რგოლიც კი, რადგან ამით შეძლეს ოპოზიციის გაჩუმება და ხალხში განცდის ჩანერგვა, თითქოს გადაგვარჩინეს, შემდეგ გვაზეიმეს კიდეც აგვისტოს ომი და მოგებულებად გამოგვიყვანეს, როდესაც თავად, ევროსაბჭოს იმ რეზოლუციას მოაწერეს ხელი, სადაც პირველმა ქართულმა მხარემ გახსნა ცეცხლიო წერია და ქართულ ჯარს ომის დანაშაული დააბრალეს. ამ მოცემულობის შემოსატრიალებლად სტრასბურგის სასამართლოში ისევ ქართულ ოცნებას და მიმდინარე საგამოძიებო კომისიის თავმჯდომარეს, თეა წულუკიანს მოუწია ბრძოლა, რომ ოკუპანტი რუსული მხარე დამნაშავედ ეცნოთ.ამიტომ ყალბი ნარატივი, თითქოს ნაცების რეჟიმის წარმომადგენლების გამოკითხვა აგვისტოს ომზე ნიშნავს ქვეყნის ომის დაწყებაში დადანაშაულებას, მხოლოდ მავნებლური პროპაგანდაა, ემსახურება ნაცების ჩადენილის დაფარვას და სააკაშვილის საქართველოსთან გათანაბრების მცდელობაა. ისტერია, რომელიც კომისიის მუშაობამ გამოიწვია ნაც და ნეოლიბერალურ ბაბლებში, კიდევ ერთხელ ცხადყოფს მის აუცილებლობას. ფაქტობრივი გარემოებების გამოვლენა იმის შესახებ თუ რა დანაშაულები ჩაიდინა ნაცების რეჟიმმა, გარდა ისტორიული სამართლიანობის დაფიქსირებისა, იმისთვისაცაა საჭირო, რომ მსგავსი ტრაგედიის განმეორების პრევენცია მოხდეს.“-წერს ბაჩო ოდიშარია.        შეყვანის ღილაკი  

პოლიტიკა • 1743084222

მოქალაქეებს ვთხოვთ რეჟიმთან წინააღმდეგობას ყველა ნაბიჯზე და ვუშვებთ თანამშრომლობის გამონაკლისებს, რომელიც დღეს გენერლებმა დაუშვეს - ნიკა მელია

მოქალაქეებს ვთხოვთ რეჟიმთან წინააღმდეგობას ყველა ნაბიჯზე და ვუშვებთ თანამშრომლობის გამონაკლისებს, რომელიც დღეს გენერლებმა დაუშვეს, – ამის შესახებ პარტია „ახალის“ ერთ-ერთი ლიდერი ნიკა მელია სოციალურ ქსელში წერს.როგორც მელიამ აღნიშნა, საგამოძიებო კომისიასთან თანამშრომლობა რეჟიმის დახმარება და მისი წესებით თამაშია.„არალეგიტიმურ პარლამენტში, ოკუპანტი ქვეყნისათვის საჭირო პოზიციის ჩამოსაყალიბებლად გამართულ კომისიაზე, არცერთ ნათქვამ ფრაზას არ აქვს ფასი. აქ კონტექსტი განსაზღვრავს ყველაფერს, თუ მონაწილეობ ე.ი. ეხმარები – ესაა მოცემულობა, არ არსებობს მაგრამ. ამ ფარსში მონაწილეობა არმონაწილეობაზე თუ ვერ ვთანხმდებით, რაზე უნდა შევთანხმდეთ და როგორ. მოქალაქეებს ვთხოვთ რეჟიმთან ართანამშრომლობას და წინააღმდეგობას ყველა ნაბიჯზე და ვუშვებთ თანამშრომლობის გამონაკლისებს, რომელიც დღეს გენერლებმა დაუშვეს და ხვალ შეიძლება, სხვა კონტექსტში სხვამ დაუშვას. ვეხმარებით რეჟიმს, ვთამაშობთ მათ თამაშს და მათი წესებით“, – წერს ნიკა მელია.ცნობისთვის, „2003-2012 წლებში მოქმედი რეჟიმისა და რეჟიმის პოლიტიკური თანამდებობის პირების საქმიანობის შემსწავლელი დროებითი საგამოძიებო კომისიის“ კითხვებს ამჟამად 2008 წლის აგვისტოს ომის დროს საქართველოს შეიარაღებული ძალების გაერთიანებული შტაბის ხელმძღვანელი, გენერალი ზაზა გოგავა პასუხობს. კომისიაზე ასევე დაბარებულია გენერალი მამუკა ყურაშვილი.

პოლიტიკა • 1743061033

„გენერლებმა გოგავამ და ყურაშვილმა პარტიული თანამდებობები დატოვეს და თავს ვალდებულად თვლიან, ომთან დაკავშირებით ნებისმიერ შეკითხვას, ნებისმიერ ფორმატში უპასუხონ" - "ნაციონალური მოძრაობის" განცხადება საგამოძიებო კომისიაზე

დღეს, პარლამენტის დოებითი საგამოძიებო კომისიის წინაშე ზაზა გოგავა და მამუკა ყურაშვილი წარდგებიან. "ნაციონალურმა მოძრაობამ" ამ საკითხთან დაკავშირებით ცოტა ხნის წინ ინფორმაცია გაავრცელა და განაცხადა, რომ გენერლებმა გოგავამ და ყურაშვილმა პარტიული თანამდებობები დატოვეს და თავს ვალდებულად თვლიან, ომთან დაკავშირებით ნებისმიერ შეკითხვას, ნებისმიერ ფორმატში უპასუხონ.ოპოზიციური პარტიის შეფასებით, მოქმედი პოლიტიკოსების დაბარების მთავარი ამოცანა არა ფაქტობრივი გარემოებების დადგენა, არამედ პოლიტიკური პროპაგანდისტული წარმოდგენის დადგმა და მათი დაკავების მუქარით მანიპულაციაა.განცხადებაში ასევე წერია, რომ მათი ძალისხმევით საქართველომ 2008 წელს რუსული აგრესიის შეკავება შეძლო."ივანიშვილის რეჟიმის მიერ შექმნილი ე.წ. საპარლამენტო კომისია ზედმიწევნით აგრძელებს ოკუპანტი რუსეთის დავალებების შესრულებას. ოცნების არალეგიტიმური პარლამენტის გაცხადებული პოზიციის მიუხედავად, რომ რუსულ კომისიაზე არ დაიბარებდნენ არც ერთ სამხედრო პირს, დღეს სხდომაზე სწორედ ქართველი სამხედროების დაკითხვაა დაანონსებული.დღევანდელ სხდომაზე ივანიშვილის რეჟიმმა 2008 წელს გაერთიანებული შტაბის უფროსის, გენერალ ზაზა გოგავას და 2008 წელს სამშვიდობო ოპერაციების შტაბის უფროსის, გენერალ მამუკა ყურაშვილის გამოკითხვა გადაწყვიტა.გენერალი გოგავა და გენერალი ყურაშვილი არიან ის სამხედროები, რომელთა ძალისხმევით საქართველომ 2008 წელს შეძლო რუსული აგრესიის შეკავება და პრეზიდენტ სააკაშვილთან და ჩვენ გმირ მებრძოლებთან ერთად საქართველოს სახელმწიფოებრიობის შენარჩუნება. სწორედ ამიტომ ატარებს 2008 წლის უმაღლესი მთავარსარდალი, პრეზიდენტი სააკაშვილი მეოთხე წელს რუსეთის დაკვეთით ტყვეობაში და ამიტომაა, რომ გენერლებს დღემდე რუსეთის ფედერაცია დევნის.საქართველომ გაიმარჯვა რუსეთის წინააღმდეგ და გაბათილდა პუტინის ყველა სიცრუე აგვისტოს ომის შესახებ ჯერ 2021 წლის 21 იანვარს სტრასბურგის ადამიანის უფლებათა ევროპულ სასამართლოში, ხოლო შემდეგ, 2022 წლის 30 ივნისს ჰააგას სისხლის სამართლის საერთაშორისო სასამართლოში სწორედ იმიტომ, რომ გენერალმა გოგავამ და გენერალმა ყურაშვილმა ქართული ჯარის, საქართველოს სიმართლე უმაღლესი კვალიფიკაციითა და არგუმენტაციით დაიცვეს.ამ გამარჯვების რევიზირებაა ქართული ოცნების მთავარი მიზანი. ამას გულისხმობს ე.წ. "სამართლიანობის აღდგენა", საქართველოს ისტორიის ოკუპანტის ვერსიით გადაწერა, 2008 წლის ომის საქართველოსა და ქართველ სამხედროებზე გადაბრალება და ოკუპანტის გამართლება უმაღლესი საერთაშორისო ტრიბუნალების გადაწყვეტილებების შეტრიალებით.2025 წლის 18 თებერვალს გამართულ "ერთიანი ნაციონალური მოძრაობის" პოლიტიკური საბჭოს სხდომაზე გენერალმა გოგავამ და გენერალმა ყურაშვილმა გაგვაცნეს მათი საერთო გადაწყვეტილება, რომ თავს ვალდებულად თვლიან ქართული სახელმწიფოს და ომში დაღუპული გმირების ოჯახებისა და ხსოვნის წინაშე, 2008 წლის ომთან დაკავშირებით უპასუხონ ნებისმიერ შეკითხვას, ნებისმიერ ფორმატში, თუნდაც არალეგიტიმურ პარლამენტში.ამავე სხდომაზე გენერლებმა დატოვეს ყველა პარტიული თანამდებობა პარტიის და საერთო ოპოზიციური პოზიციის გათვალისწინებით, რომელიც გამორიცხავს პოლიტიკოსების მონაწილეობას რუსულ კომისიაში, რადგან მოქმედი პოლიტიკოსების დაბარების მთავარი ამოცანა არა რაიმე ფაქტობრივი გარემოებების დადგენა, არამედ პოლიტიკური პროპაგანდისტული წარმოდგენის დადგმა და მათი დაკავების მუქარით მანიპულაციაა. ამგვარად, გვსურს საზოგადოებისთვის განვმარტოთ, რომ გენერლები კომისიაში წარდგებიან ყოველგვარი პარტიული აფილიაციის გარეშე.გვჯერა, სულ მალე, ერთად დავიხსნით ჩვენს სამშობლოს შიდა მტრისგან, რომელიც ოკუპანტის დავალებით ასამართლებს ქართულ სახელმწიფოს", - აღნიშნულია განცხადებაში.

პოლიტიკა • 1743057900

„ერთიანი ნაციონალური მოძრაობა“ განცხადებას ავრცელებს

ივანიშვილის რეჟიმის მიერ შექმნილი ე.წ. საპარლამენტო კომისია ზედმიწევნით აგრძელებს ოკუპანტი რუსეთის დავალებების შესრულებას. „ოცნების“ არალეგიტიმური პარლამენტის გაცხადებული პოზიციის მიუხედავად, რომ რუსულ კომისიაზე არ დაიბარებდნენ არცერთ სამხედრო პირს, დღეს სხდომაზე სწორედ ქართველი სამხედროების დაკითხვაა დაანონსებული“, – ამის შესახებ „ერთიანი ნაციონალური მოძრაობის“ განცხადებაშია ნათქვამი.განცხადების მიხედვით, დღევანდელ სხდომაზე ბიძინა ივანიშვილის რეჟიმმა 2008 წელს გაერთიანებული შტაბის უფროსის, გენერალ ზაზა გოგავას და 2008 წელს სამშვიდობო ოპერაციების შტაბის უფროსის, გენერალ მამუკა ყურაშვილის გამოკითხვა გადაწყვიტა.„გენერალი გოგავა და გენერალი ყურაშვილი არიან ის სამხედროები, რომელთა ძალისხმევით საქართველომ 2008 წელს შეძლო რუსული აგრესიის შეკავება და პრეზიდენტ სააკაშვილთან და ჩვენ გმირ მებრძოლებთან ერთად საქართველოს სახელმწიფოებრიობის შენარჩუნება. სწორედ ამიტომ ატარებს 2008 წლის უმაღლესი მთავარსარდალი, პრეზიდენტი სააკაშვილი მეოთხე წელს რუსეთის დაკვეთით ტყვეობაში და ამიტომაა, რომ გენერლებს დღემდე რუსეთის ფედერაცია დევნის.საქართველომ გაიმარჯვა რუსეთის წინააღმდეგ და გაბათილდა პუტინის ყველა სიცრუე აგვისტოს ომის შესახებ ჯერ 2021 წლის 21 იანვარს სტრასბურგის ადამიანის უფლებათა ევროპულ სასამართლოში, ხოლო შემდეგ, 2022 წლის 30 ივნისს ჰააგას სისხლის სამართლის საერთაშორისო სასამართლოში სწორედ იმიტომ, რომ გენერალმა გოგავამ და გენერალმა ყურაშვილმა ქართული ჯარის, საქართველოს სიმართლე უმაღლესი კვალიფიკაციითა და არგუმენტაციით დაიცვეს.ამ გამარჯვების რევიზირებაა „ქართული ოცნების“ მთავარი მიზანი. ამას გულისხმობს ე.წ. „სამართლიანობის აღდგენა“, საქართველოს ისტორიის ოკუპანტის ვერსიით გადაწერა, 2008 წლის ომის საქართველოსა და ქართველ სამხედროებზე გადაბრალება და ოკუპანტის გამართლება უმაღლესი საერთაშორისო ტრიბუნალების გადაწყვეტილებების შეტრიალებით.2025 წლის 18 თებერვალს გამართულ „ერთიანი ნაციონალური მოძრაობის“ პოლიტიკური საბჭოს სხდომაზე გენერალმა გოგავამ და გენერალმა ყურაშვილმა გაგვაცნეს მათი საერთო გადაწყვეტილება, რომ თავს ვალდებულად თვლიან ქართული სახელმწიფოს და ომში დაღუპული გმირების ოჯახებისა და ხსოვნის წინაშე, 2008 წლის ომთან დაკავშირებით უპასუხონ ნებისმიერ შეკითხვას, ნებისმიერ ფორმატში, თუნდაც არალეგიტიმურ პარლამენტში.ამავე სხდომაზე გენერლებმა დატოვეს ყველა პარტიული თანამდებობა პარტიის და საერთო ოპოზიციური პოზიციის გათვალისწინებით, რომელიც გამორიცხავს პოლიტიკოსების მონაწილეობას რუსულ კომისიაში, რადგან მოქმედი პოლიტიკოსების დაბარების მთავარი ამოცანა არა რაიმე ფაქტობრივი გარემოებების დადგენა, არამედ პოლიტიკური პროპაგანდისტული წარმოდგენის დადგმა და მათი დაკავების მუქარით მანიპულაციაა. ამგვარად, გვსურს საზოგადოებისთვის განვმარტოთ, რომ გენერლები კომისიაში წარდგებიან ყოველგვარი პარტიული აფილიაციის გარეშე.გვჯერა, სულ მალე, ერთად დავიხსნით ჩვენს სამშობლოს შიდა მტრისგან, რომელიც ოკუპანტის დავალებით ასამართლებს ქართულ სახელმწიფოს“, – ნათქვამია „ერთიანი ნაციონალური მოძრაობის“ განცხადებაში.

პოლიტიკა • 1742903309

არ შეიძლება, შენ საქართველოს მეგობარი იყო და ამავდროულად უბიძგებდე ესკალაციისკენ რუსეთის ფედერაციასთან, რომელიც ოკუპანტი ქვეყანაა - ნიკოლოზ სამხარაძე

არ შეიძლება, შენ საქართველოს მეგობარი იყო და ამავდროულად უბიძგებდე ესკალაციისკენ რუსეთის ფედერაციასთან, რომელიც ოკუპანტი ქვეყანაა, – ამის შესახებ საგარეო ურთიერთობათა კომიტეტის თავმჯდომარემ, ნიკოლოზ სამხარაძემ განაცხადა.მისივე თქმით, არსებობდა დიდი ზეწოლა ქვეყნის არაკეთილმოსურნებიისგან, რათა საქართველო რუსეთთან ესკალაციაში შესულიყო.„არა მხოლოდ დახურულ კარს მიღმა, მგონია, აკადემიური წრეების წარმომადგენლები, ამ ინსტიტუტების წარმომადგენლები საჯარო სივრცეშიც ღიად საუბრობდნენ, რომ საქართველო უნდა შევიდეს ესკალაციაში რუსეთთან. აქედან გამომდინარე, კარგია, რომ ნელ-ნელა ეს ყველაფერი მჟღავნდება, რადგან ჩვენ მაშინ მართლა ძალიან დიდი ზეწოლა გვქონდა, პირდაპირ შემიძლია ვთქვა, ქვეყნის არაკეთილმოსურნეებისგან. არ შეიძლება, შენ საქართველოს მეგობარი იყო და ამავდროულად უბიძგებდე ესკალაციისკენ რუსეთის ფედერაციასთან, რომელიც არის ოკუპანტი ქვეყანა, ბირთვული სახელმწიფო და რომელთან ომსაც შეიძლება, შეეწიროს საქართველოს სახელმწიფოებრიობა. კარგია, რომ ამ სიმართლემ დღის სინათლე იხილა და ჩვენმა საზოგადოებამ იცის, რა ხდებოდა მაშინ, 2022 წლის გაზაფხულზე და ასევე შემდგომ პერიოდშიც“, – განაცხადა სამხარაძემ.

პოლიტიკა • 1742197740

არაფრად მიგვაჩნია ეს უკანონო ბრალი და სასჯელი, ზუსტად ვიცით, რომ პრეზიდენტ სააკაშვილის თავისუფლება გარდაუვალია - თინა ბოკუჩავა

არაფრად მიგვაჩნია ეს არაფრისმთქმელი, უკანონო ბრალი და სასჯელი, ზუსტად ვიცით, რომ ამ ქვეყნის თავისუფლებაც, პრეზიდენტი სააკაშვილის თავისუფლებაც გარდაუვალია, – ამის შესახებ „ნაციონალური მოძრაობის“ თავმჯდომარემ, თინა ბოკუჩავამ განაცხადა.ბოკუჩავას თქმით, დღევანდელი გადაწყვეტილებით შეკრებითობის პრინციპი აღადგინეს.„გახსოვთ პრეზიდენტი სააკაშვილი როგორ ამბობდა ხოლმე, რომ ქვეყნის აღმშენებლობისთვის, ოკუპანტის სახელით, ივანიშვილის რუსული რეჟიმი მას უსჯიდა სამუდამო პატიმრობას. პრაქტიკულად, ეს მოვისმინეთ დღეს ე.წ. სასამართლოს დარბაზში, რომელიც იქცა უსამართლობის, უკანონობის ბუდედ პრეზიდენტის სააკაშვილის მიმართ, როგორც მთავარი პოლიტიკური ოპონენტი ბიძინა ივანიშვილის, ასევე ათეულობით სხვა პოლიტპატიმრის მიმართ, რომელთა სასამართლოები სიმბოლურია, მაგრამ პარალელურ რეჟიმში მიმდინარეობს, როცა ისჯება ამ ქვეყნის მთავარი მედასავლეთე, პუტინის მთავარი მოწინააღმდეგე პოლიტიკოსი და ქართული თანამედროვე სახელმწიფოს შემქმნელი პრეზიდენტი სააკაშვილის სახით. არაფრად მიგვაჩნია ეს არაფრისმთქმელი, უკანონო ბრალი და სასჯელი, რომელსაც აცხადებენ მონურ მორჩილებაში მყოფი, რუსების დავალებების შემსრულებელი მოსამართლეებად წოდებული ივანიშვილის მსახურები და ზუსტად ვიცით, რომ ამ ქვეყნის თავისუფლებაც, პრეზიდენტი სააკაშვილის თავისუფლებაც გარდაუვალია. ამას ამბობს საქართველოს ისტორია და იტყვის საქართველოს მომავალიც“, – განაცხადა თინა ბოკუჩავამ.თბილისის საქალაქო სასამართლომ საქართველოს სახელმწიფო საზღვრის უკანონო კვეთის საქმეზე ყოფილი პრეზიდენტი მიხეილ სააკაშვილი დამნაშავედ ცნო. სააკაშვილს სასჯელის ზომად ოთხი წელი და ექვსი თვე განესაზღვრა, თუმცა, მოსამართლემ განაჩენთა ერთობლიობით სააკაშვილს სასჯელის ვადად 12 წლითა და ექვსი თვით პატიმრობა მიუსაჯა.

პოლიტიკა • 1740552780

დღეს ხალხი მედიისა და ინტერნეტის საშუალებით ყოველდღიურად უყურებს სხვადასხვა ქვეყნებში რა სტიქიური უბედურებები ხდება. თუ ხელისუფლების რეაგირებაზე ჩნდება პრეტენზიები, კრიზისის აღმოფხვრის შემდეგ იხილავენ, მაგრამ არსად არ ცდილობენ ამ ყველაფრის გამოყენებას ხელისუფლებების დასამხობად - ნანა კაკაბაძე

“ერთიანი ნეიტრალური საქართველოს“ წევრი ნანა კაკაბაძე თოვლით გამოწვეულ პრობლემებზე ოპოზიციის რეაქციას ეხმიანება და აღნიშნავს, რომ მათთვის ხელისუფლების ჩამოშლისთვის ყველაფრის გამოყენებაა შესაძლებელი, თუნდაც ეს იყოს რთული მეტეოროლოგიური პირობები და ამის შედეგად შექმნილი სერიოზული პრობლემები.როგორც კაკაბაძე აღნიშნავს, დღეს ხალხი მედიისა და ინტერნეტის საშუალებით ყოველდღიურად უყურებს მთელი მსოფლიოს სხვადასხვა ქვეყნებში რა სტიქიური უბედურებები ხდება, რაც ხშირად მცირე, დიდი ან უდიდესი მსხვერპლით მთავრდება. მისივე თქმით, არსად, არც ერთ ქვეყანაში არ აბრალებენ ამას ხელისუფლებას, ხოლო თუ ასეთ უბედურებაზე ხელისუფლების ადეკვატურ რეაგირებაზე ჩნდება ხოლმე პრეტენზიები, ამას კრიზისის აღმოფხვრის შემდეგ ცივილიზებულად იხილავენ და არჩევენ მტყუან-მართალს, მაგრამ არსად არ ცდილობენ ამ ყველაფრის გამოყენებას ხელისუფლებების დასამხობად.„დიფ-სთეითი, სტიქია და ოპოზიციასაქართველოს ხელისუფლების მიერ "ომის პარტიად“ წოდებული „დიფ სთეითის“ ქმედებები ყოველდღიურად იშიფრება. მსოფლიოს ეს ფარული და სიღრმისეული მმართველები ჩვენი ქვეყნის ომში ჩართვას ისეთი დაჟინებით, მეთოდურად და უკომპრომისოდ ცდილობდნენ მთელი 3 წელი, რომ საქართველოში მათ „გლობალური ომის პარტია“ დაარქვეს. იქმნება ისეთი შთაბეჭდილება, თითქოს „გლობალური ომის პარტიამ“, იგივე „დიფ სთეითმა“, თავისი ღირსების შელახვად ჩათვალა, ის ფაქტი, რომ უკრაინის მსგავსად აქაც ვერ დაანთო ცეცხლი რუსეთის წინააღმდეგ, ვერ მოდრიკა ეს პატარა ქვეყანა და აქ მცხოვრები „ერთი მუჭა ხალხი“. ეს იმ დროს, როდესაც მათ ამოუწურავი ფინანსები, მსოფლიო მასშტაბით უზარმაზარი გავლენები და შესაძლებლობები აქვთ. ამ მარცხის საპასუხოდ, დიდი მცდელობის მიუხედავად, დიფ სთეითმა, ისიც კი ვერ შეძლო, რომ საქართველოს სათავეში მათთვის სასურველი ხელისუფლება დაესვა.ის, რომ უკრაინის ომში ჩართვის მომენტშიც და შემდეგაც, როდესაც ჩვენს ქვეყანასაც აიძულებდნენ იგივეს გაკეთებას, „დიფ სთეითმა“ ბრწყინვალედ იცოდა, რომ ამ ომში, რუსეთზე გამარჯვების შანსი არ არსებობდა (3 წლის წინ გამოთქმულ ჩვენს ამ მოსაზრებას დღეს აშშ-ს ახალი პრეზიდენტიც შემოუერთდა) მხოლოდ ნგრევას და უბედურებას მოუტანდა 40-მილიონიან უკრაინას (მით უმეტეს, 4-მილიონიან საქართველოს). მაშ რა იმალებოდა „დიფ სთეითის“ ომის გაგრძელების ამ დაუოკებელი სურვილის უკან? დრო ამ კითხვაზე პასუხს უფრო სრულყოფილად გასცემს, დღეს კი ჩვენ საქართველოს დღევანდელი მდგომარეობა გვაინტერესებს.ომი თავიდან ავიცილეთ, თუმცა ქვეყნის დესტაბილიზაციის, ეკონომიკის პარალიზების და ხელისუფლების დამხობისა და ძალადობრივი გზით შეცვლის მცდელობები ისევ დღის წესრიგში დგას. ქართველი ხალხის ბუნებრივი პატრიოტული გრძნობების ექსპლუატაცია და ამ გრძნობებით მანიპულაციას აქ ორგანიზებას უწევენ უცხოური აგენტურის ადგილობრივი წარმომადგენლები და არწმუნებენ საზოგადოებას, რომ „უწყვეტი პროტესტის“ კერის შენარჩუნება მოუტანს მათ წარმატებას და ბოლოს და ბოლოს დაამხობენ ხელისუფლებას. უფრო ფრთხილები ამას ეძახიან „ხელახალი არჩევნების“ დანიშვნის მიღწევას, თუმცა, უფრო გულწრფელი ნაცები პირდაპირ აცხადებენ, რომ ახალი არჩევნები მხოლოდ ხელისუფლების დამხობის შემდეგ უნდა ჩატარდეს, რადგან „ქართული ოცნების“ პირობებში და ამ პარტიის მონაწილეობით არჩევნების ჩატარება შეიცავს მათი დამარცხების რეალურ საფრთხეს.ხელისუფლების ჩამოშლისთვის კი ყველაფრის გამოყენება შესაძლებელია, თუნდაც ეს იყოს რთული მეტეოროლოგიური პირობები და ამის შედეგად შექმნილი სერიოზული პრობლემები. ასეთ დროს უნდა დაირაზმონ და, რადგან მათთვის სასურველი სისხლისა და სიკვდილის სუნი ეცათ, ამიტომ ხელისუფლებას უნდა დააბრალონ სტიქიური უბედურებაც, თოვლის მოსვლაც, გზების დაზიანებაც, სახლების დანგრევაც. როგორ, ამისთვის მზად არ უნდა ყოფილიყვნენ? - მრისხანედ კითხულობენ ვითომ ხალხზე მზრუნველი და სინამდვილეში სიკვდილის და სისხლის სუნზე დაგეშილი „პატრიოტები“. აგერ, გუშინ „მუდმივმა პრეზიდენტმა“ სალომემაც გამოიყენა საქართველოს ოკუპაციის თარიღი და ჯერ საყვედური უთხრა ხელისუფლებას, ოკუპანტი რუსეთი 25 თებერვალს „მიკიბულ-მოკიბულად“ ახსენა, აი, შეხედეთ, მე რა რიხიანად ვლანძღავ რუსებსო, ხოლო შემდეგ იმის მტკიცება დაიწყო, რომ სანამ ხალხმა არ შეუძახა, ხელისუფლებას ეძინა და არ ეხმარებოდა სტიქიური უბედურებისგან დაზარალებულებსო.ისე, ამ უბედურებს ეს პროპაგანდა ან იდიოტებზე აქვთ გათვლილი, ან არქიფო სეთურის მრევლზე, რომელსაც ყველაფერი სჯერა, თორემ ის მაინც ხომ უნდა იფიქრონ, რომ დღეს ხალხი მედიისა და ინტერნეტის საშუალებით ყოველდღიურად უყურებს მთელი მსოფლიოს სხვადასხვა ქვეყნებში რა სტიქიური უბედურებები ხდება, რაც ხშირად მცირე, დიდი ან უდიდესი მსხვერპლით მთავრდება. არსად, არც ერთ ქვეყანაში არ აბრალებენ ამას ხელისუფლებას, ხოლო თუ ასეთ უბედურებაზე ხელისუფლების ადეკვატურ რეაგირებაზე ჩნდება ხოლმე პრეტენზიები, ამას კრიზისის აღმოფხვრის შემდეგ ცივილიზებულად იხილავენ და არჩევენ მტყუან-მართალს, მაგრამ არსად არ ცდილობენ ამ ყველაფრის გამოყენებას ხელისუფლებების დასამხობად“, - წერს ნანა კაკაბაძე.

პოლიტიკა • 1740461065

არა მხოლოდ გაერო, არამედ ზოგადად მთელი ცივილიზებული სამყარო თანხმდება იმაზე, რომ რუსეთი საერთაშორისო სამართლის პრინციპების უხეში დარღვევით შეიჭრა უკრაინაში - გიორგი კაპანაძე

გაეროს გენერალური ასამბლეის მიერ ამერიკის შეერთებული შტატებისა და კიევის რეზოლუციის მიღებაზე კომენტარები კეთდება ოპოზიციაში.ოპოზიციის წარმომადგენლები აცხადებენ, რომ მნიშვნელოვანია საქართველო მოწოდებული იყოს სუვერენიტეტის მხარდამჭერ რეზოლუციაზე, რადგან ეს ქვეყნის ინტერესებს შეესაბამება."არა მხოლოდ გაერო, არამედ ზოგადად მთელი ცივილიზებული სამყარო თანხმდება იმაზე, რომ რუსეთი საერთაშორისო სამართლის პრინციპების უხეში დარღვევით შეიჭრა უკრაინაში. ამიტომ, რა თქმა უნდა ეს უნდა ყოფილიყო დაგმობილი და დაგმო კიდევაც არა მხოლოდ გაერომ, არამედ ზოგადად ცივილიზებულმა სამყარომ იმიტომ, რომ ერთმნიშვნელოვანი ამბავია - პუტინის რეჟიმი და რუსეთი არის ოკუპანტი არა მხოლოდ ჩვენს ქვეყანაში, არამედ უკრაინაშიც და მისი მიზანი არის ამა თუ იმ დამოუკიდებელი სახელმწიფოების ან დაპყრობა, ან ოკუპაცია", - აცხადებს პარტიის "ერთიანობა - ნაციონალური მოძრაობის" პოლიტიკური საბჭოს წევრი გიორგი კაპანაძე.