ნაკრები

კაია კალასი: სუვერენიტეტით ვაჭრობა არ ხდება

სუვერენიტეტით ვაჭრობა არ ხდება, - განაცხადა ევროკავშირის საგარეო პოლიტიკის ხელმძღვანელმა, კაია კალასმა.„დანია და გრენლანდია მარტონი არ არიან. არქტიკის უსაფრთხოება საერთო ტრანსატლანტიკური ინტერესია და ეს არის საკითხი, რომელიც შეგვიძლია ჩვენს ამერიკელ მოკავშირეებთან განვიხილოთ.თუმცა, ტარიფებით მუქარა ამისთვის სწორი გზა არ არის. სუვერენიტეტით ვაჭრობა არ ხდება.ჩვენ არ გვაქვს კონფლიქტის წამოწყების ინტერესი, მაგრამ ჩვენს პოზიციებს არ დავთმობთ. ევროპას საკუთარი ინტერესების დასაცავად ინსტრუმენტების მთელი ნაკრები გააჩნია“, - აღნიშნა მან.

მსოფლიო • 1768831440

გერმანიის ვიცე-კანცლერი აცხადებს, რომ ევროკავშირმა უნდა გამოიყენოს მის ხელთ არსებული ინსტრუმენტები ტრამპის „ეკონომიკური შანტაჟის“ წინააღმდეგ

გერმანიის ვიცე-კანცლერმა და ფინანსთა მინისტრმა, ლარს კლინგბაილმა, ორშაბათს ჟურნალისტებს განუცხადა, რომ ევროკავშირი მზად უნდა იყოს, გამოიყენოს საპასუხო ზომების მთელი თავისი არსენალი, რათა წინ აღუდგეს აშშ-ის პრეზიდენტის, დონალდ ტრამპის მხრიდან მომავალ მუქარებს.„ევროპელებმა ნათლად უნდა განაცხადონ, რომ ზღვარი მიღწეულია. არსებობს სამართლებრივად დადგენილი ინსტრუმენტების ნაკრები, რომლითაც შესაძლებელია ეკონომიკურ შანტაჟს მტკივნეული ზომებით ვუპასუხოთ; ჩვენ ახლა მათი გამოყენების შესაძლებლობა უნდა განვიხილოთ“, - აღნიშნა ლარს კლინგბაილმა.გასულ კვირას ტრამპმა განაცხადა, რომ ამერიკა 10%-ით გაზრდის ტარიფებს ევროპულ საქონელზე, თუ ბლოკი კვლავაც შეეწინააღმდეგება მის მცდელობებს გრენლანდიაზე კონტროლის დამყარებასთან დაკავშირებით.

სპორტი • 1768670019

ფიგურული ციგურაობა - ნიკა ეგაძე ევროპის ჩემპიონია

ქართველმა მოციგურავემ, ნიკა ეგაძემ ინგლისის ქალაქ შეფილდში მიმდინარე ფიგურული ციგურაობის ევროპის ჩემპიონატზე ოქროს მედალი მოიპოვა.უმაღლეს დონეზე შესრულებული მოკლე პროგრამის შემდეგ ეგაძე პირველ ადგილზე იყო 91.28 ქულით. თავისუფალ პროგრამაში კი 181.72 დაიმსახურა და ჯამში 273 ქულით ევროპის ჩემპიონი გახდა.შეგახსენებთ, რომ შეფილდში მიმდინარე ტურნირზე ოქროს მედალი ასევე მოიპოვა ანასტასია მეტელკინასა და ლუკა ბერულავას წყვილმა.მოგვიანებით რიტმულ ცეკვებში საქართველოს ნაკრების წევრები დიანა დევისი და გლებ სმოლკინი თავისუფალ პროგრამას წარადგენენ.

სპორტი • 1768651020

ნიჭთან ერთად, ძალიან დიდი შრომის შედეგია წარმატება, რასაც ფუტსალის ნაკრებმა მიაღწია, ეს ყველაფერი მხოლოდ დასაწყისია, წლების განმავლობაში მეტი და მეტი წარმატება იქნება - ირაკლი კობახიძე

ნიჭთან ერთად, ძალიან დიდი შრომის შედეგია ის წარმატება, რასაც ფუტსალის ნაკრებმა მიაღწია, ძალიან დიდი მადლობა ამ ყველაფრისთვის. დარწმუნებული ვარ, ეს ყველაფერი მხოლოდ დასაწყისია, წლების განმავლობაში მეტი და მეტი წარმატება იქნება, – ამის შესახებ საქართველოს პრემიერ-მინისტრმა, ირაკლი კობახიძემ განაცხადა, რომელიც ფეხბურთის ფედერაციის პრეზიდენტთან, ლევან კობიაშვილთან ერთად, ფუტსალის ნაკრებს შეხვდა და ევროპის ჩემპიონატზე წარმატებები უსურვა.მთავრობის მეთაურმა აღნიშნა, რომ ევროპის ჩემპიონატზე ზედიზედ მეორედ გასვლა ძალიან დიდი წარმატებაა და ნაკრების წევრებს მადლობა გადაუხადა.„როგორც რიგითმა გულშემატკივარმა, მინდა, დიდი მადლობა გადაგიხადოთ. ნიჭთან ერთად, ძალიან დიდი შრომის შედეგია ის წარმატება, რასაც თქვენ მიაღწიეთ და ძალიან დიდი მადლობა ამ ყველაფრისთვის. მინდა, დიდი წარმატება გისურვოთ ახლა უკვე ევროპის ჩემპიონატზე. დარწმუნებული ვარ, ეს ყველაფერი მხოლოდ დასაწყისია, წლების განმავლობაში მეტი და მეტი წარმატება იქნება. ამას თქვენ ჩაუყარეთ საფუძველი და ამისთვის განსაკუთრებული მადლობა გეკუთვნით. წარმატებული, ბედნიერი წელი, მინდა, გისურვოთ და წარმატებები ევროპის ჩემპიონატზე”, – აღნიშნა ირაკლი კობახიძემ.საქართველოს ფუტსალის ნაკრები ევროპის ჩემპიონატზე ზედიზედ მეორე ასპარეზობისთვის ხვალ მიემგზავრება და A ჯგუფში ხორვატიის, ლატვიისა და საფრანგეთის ნაკრებებს დაუპირისპირდება.ფუტსალის ევროპის ჩემპიონატი 2026 წლის 21 იანვრიდან 7 თებერვლის ჩათვლით ლატვიაში, სლოვენიასა და ლიეტუვაში გაიმართება.

სპორტი • 1768644206

პრემიერ-მინისტრი საქართველოს ფუტსალის ნაკრებს შეხვდა და ევროპის ჩემპიონატზე წარმატებები უსურვა

საქართველოს პრემიერ-მინისტრი ირაკლი კობახიძე, ფეხბურთის ფედერაციის პრეზიდენტ ლევან კობიაშვილთან ერთად, ფუტსალის ნაკრებს შეხვდა და ევროპის ჩემპიონატზე წარმატებები უსურვა.მთავრობის მეთაურმა აღნიშნა, რომ ევროპის ჩემპიონატზე ზედიზედ მეორედ გასვლა ძალიან დიდი წარმატებაა და ნაკრების წევრებს მადლობა გადაუხადა.„როგორც რიგითმა გულშემატკივარმა, მინდა, დიდი მადლობა გადაგიხადოთ. ნიჭთან ერთად ძალიან დიდი შრომის შედეგია ის წარმატება, რასაც თქვენ მიაღწიეთ და ძალიან დიდი მადლობა ამ ყველაფრისთვის. მინდა, დიდი წარმატება გისურვოთ ახლა უკვე ევროპის ჩემპიონატზე. დარწმუნებული ვარ, ეს ყველაფერი მხოლოდ დასაწყისია, წლების განმავლობაში მეტი და მეტი წარმატება იქნება. ამას თქვენ ჩაუყარეთ საფუძველი და ამისთვის განსაკუთრებული მადლობა გეკუთვნით. წარმატებული, ბედნიერი წელი მინდა გისურვოთ და წარმატებები ევროპის ჩემპიონატზე”, - აღნიშნა ირაკლი კობახიძემ.საქართველოს ფუტსალის ნაკრები, რომელიც ევროპის ჩემპიონატზე ზედიზედ მეორე ასპარეზობისთვის ხვალ მიემგზავრება და A ჯგუფში ხორვატიის, ლატვიისა და საფრანგეთის ნაკრებებს დაუპირისპირდება.ფუტსალის ევროპის ჩემპიონატი 2026 წლის 21 იანვრიდან 7 თებერვლის ჩათვლით ლატვიაში, სლოვენიასა და ლიეტუვაში გაიმართება.ინფორმაციას მთავრობის ადმინისტრაცია ავრცელებს.

სპორტი • 1768414671

საქართველოს წყალბურთელთა ნაკრები ხვალ სლოვენიას დაუპირისპირდება

გადამწყვეტ მატჩამდე ერთი დღე რჩება. ზედიზედ მეშვიდედ ევროპის ჩემპიონატზე გასული საქართველოს წყალბურთელთა ნაკრები, ხვალ სლოვენიას დაუპირისპირდება. წარმატების შემთხვევაში ჩემპიონატის მეორე ჯგუფურ ეტაპზე თამაშის უფლებას მოიპოვებს და რვა საუკეთესოში მოხვედრის შანსს შეინარჩუნებს.მანამდე კი ქართველმა წყალბურთელებმა B ჯგუფში ორი შეხვედრა ევროპირველობის ფავორიტებთან - საბერძნეთთან და ხორვატიასთან დათმეს, თუმცა შანსი, რომ ნაკრებმა 8 საუკეთესოში ადგილი შეინარჩუნოს ჯერ კიდევ არის. ბელგრადში ვაჟ წყალბურთელთა ნაკრები ხვალინდელი მატჩისთვის განსაკუთრებულად ემზადება.

სპორტი • 1768383011

„ადიდასმა“ მესის ახალი ბუცები წარმოადგინა

ფირმა „ადიდასმა“ წარმოადგინა რეტროს სტილში დამზადებული ფეხსაცმელი F15, რომელიც ლიონელ მესისთვისაა განკუთვნილი.ბუცები გადაწყვეტილია არგენტინის ნაკრების ფერებში და ზედ გამოსახულია ორი რიცხვი – 19 და 10. ეს ის ნომრებია, რომლითაც მესის მსოფლიოს საფეხბურთო ჩემპიონატებზე აქვს ნათამაშები.მან მუნდიალზე პირველად 2006 წელს მიიღო მონაწილეობა. მაისურზე 19 ნომერი ეწერა. მას მერე ლეომ ოთხი მსოფლიო ჩემპიონატი 10 ნომრით ითამაშა.მესი თავის მეექვსე მსოფლიოზე სათამაშოდ ემზადება, თუ არგენტინის ნაკრებში იქნება, „ადიდასის“ რეტრო ბუცებით იასპარეზებს.

სპორტი • 1768371977

საქართველოს ნაკრები დღეიდან ფიგურულ ციგურაობაში ევროპის ჩემპიონატში იასპარეზებს

14 იანვრიდან 18 იანვრის ჩათვლით ინგლისის ქალაქ შეფილდში ფიგურულ ციგურაობაში 2026 წლის ევროპის ჩემპიონატი გაიმართება. ტურნირში მონაწილეობას საქართველოს ნაკრებიც.შეჯიბრს დღეს სპორტულ წყვილები (17:00) და ქალები გახსნიან (21:00).15 იანვარი კაცები მოკლე (17:00), სპორტული წყვილები კი თავისუფალ პროგრამებს შეასრულებენ (23:00).16 იანვარს გულშემატკივარი რიტმული ცეკვას (16:00) და ქალების თავისუფალი პროგრამას (22:00) იხილავს.17 იანვარს კი კაცები თავისუფალი პროგრამას (17:00), სპორტული მოცეკვავეები კი თავისუფალ პროგრამას შეასრულებენ (22:30).ტურნირი 18 იანვარს საჩვენებელი პროგრამით დასრულდება (19:00).

Crystalsport • 1768311527

სანიოლი: ოჯახური პრობლემის გამო ფეხბურთს ჩამოვშორდი, შემდეგ საქართველოდან დამირეკეს

ვილი სანიოლმა, იუთუბერ Kampo-სთან ვრცლად ისაუბრა 2021 წელს გაკეთებულ არჩევანზე, როდესაც საქართველოს ნაკრები ჩაიბარა - რა მოვლენები ახლდა თან ამ გადაწყვეტილებას და როგორ მივიდა ის საქართველოს ნაკრებამდე.„იყო თავგადასავალი „ბორდოში“, შემდეგ „ბაიერნი“ ანჩელოტისთან ერთად. „ბაიერნის“ შემდეგ კი მინდოდა დრო ჩემი უმცროსი ვაჟისთვის დამეთმო, რომელიც გარკვეული სირთულეებით დაიბადა. მას აქვს თანდაყოლილი დეფექტი, რის გამოც განსაკუთრებული ყურადღება სჭირდებოდა. ჩემი იქ ყოფნა აუცილებელი იყო - უამრავი ვიზიტი საავადმყოფოებში და ა.შ. გადავწყვიტე, რომ ჩემი ცხოვრების ეს ნაწილი, სამწვრთნელო კარიერა, პაუზაზე დამეყენებინა.განაგრძე კითხვა

სპორტი • 1768299180

ოჯახური პრობლემების გამო ფეხბურთს ჩამოვშორდი, ქართველების პროექტზე კი მივხვდი, რომ ეს საქმე ჩემთვის იყო - ვილი სანიოლი

საქართველოს ნაკრების მთავარმა მწვრთნელმა, ვილი სანიოლმა პურ კამპოს პოდკასტში ისაუბრა, რატომ დათანხმდა საქართველოს ნაკრებში მუშაობას.„ცხოვრებაში რთული დრო მეც მქონდა. სოფლიდან ვარ, მამაჩემი ქვაბებს ყიდდა, დედაჩემი კი მდივნად მუშაობდა. როდესაც სოფელში იბადები, ცხოვრებისეული პერსპექტივები დიდი არ არის, მაგრამ ამან ხელი არ შემიშალა ახალგაზრდობის კარგად გატარებაში.ჯერ „ბორდოში“, ხოლო შემდეგ „ბაიერნში“ კარლო ანჩელოტის ასისტენტად მუშაობის შემდეგ, მინდოდა, ჩემი უმცროსი ვაჟისთვის დამეთმო დრო, რომელსაც დაბადებიდანვე შეზღუდული შესაძლებლობები ჰქონდა, ამიტომ სამწვრთნელო საქმეს დროებით თავი დავანებე.ფეხბურთს მთლიანად რომ არ ჩამოვშორებოდი, პერიოდულად ფრანგულ რადიოსა და ტელევიზიაში ვმუშაობდი. მოგვიანებით საფრანგეთის ფეხბურთის ფედერაციაში დავიწყე საქმიანობა, სადაც ოთხი წელი გავატარე.მინდოდა, შემდეგი გამოცდილება ყოფილიყო პროექტი, სადაც გუნდის თავიდან აშენება იყო საჭირო, რისთვისაც დროს მომცემდნენ და ნდობასაც გამომიცხადებდნენ. სწორედ მაშინ დამიკავშირდნენ საქართველოდან – ფეხბურთის ფედერაციის პრეზიდენტს, ლევან კობიაშვილსა და ვიცე-პრეზიდენტს, ალექსანდრე იაშვილს მანამდეც ვიცნობდი – როდესაც მიუნხენის „ბაიერნში“ ვიყავი, ისინი გერმანიის ბუნდესლიგაში თამაშობდნენ.საქართველოს ნაკრებში მუშაობა შემომთავაზეს და მითხრეს, რომ ყველაფერი ნულიდან უნდა დაგვეწყო. ისეთ ადგილას მივდიოდი, სადაც წარმატებული სანაკრებო წარსული არ ჰქონდათ. მაშინვე მივხვდი, რომ ეს საქმე ჩემთვის მიმზიდველი იყო და დავთანხმდი – ეს არის პროექტი, სადაც ჩვენ ბრძოლისუნარიან გუნდს ვაშენებთ“, – განაცხადა ვილი სანიოლმა.

სპორტი • 1768232242

„უცხოეთიდან არის ძალიან სერიოზული ინტერესი“ - თბილისის „დინამოს“ მარჯვენა მცველის, გიორგი გვასალიას შესახებ ინფორმაცია ვრცელდება

თბილისის „დინამოს“ 18 წლის მარჯვენა მცველის, გიორგი გვასალიას პროგრესი თვალსაჩინოა. ეროვნულ ლიგასა თუ საერთაშორისო არენაზე, ეს ბიჭი მართლა კარგად თამაშობს.გვასალიას ყველა საჭირო თვისება აქვს საიმისოდ, რომ ახლო მომავალში მაღალი კლასის ფეხბურთელად, საქართველოს ნაკრების სტაბილურ წევრად ჩამოყალიბდეს.მედიაში გავრცელებული ინფორმაციით, მის მიმართ უცხოეთიდან არის ძალიან სერიოზული ინტერესი. ახალგაზრდა ქართველი ფეხბურთელის სამსახურით დაინტერესებულები არიან როგორც ინგლისური პრემიერლიგის, ისე იტალიური სერია A-ს კლუბები.ვნახოთ, როგორ განვითარდება მოვლენები. შესაძლებელია ისიც, რომ ევროტურნირებზე გვასალიამ თბილისის „დინამოს" ღირსება დაიცვას და მერე მიაშუროს უცხოეთს. მოგეხსენებათ, ზაფხულში საქართველოს ყველაზე ტიტულოვანი კლუბი ევროტურნირზე ბრუნდება... ინფორმაცია ფეხბურთელის მენეჯერმა, ლაშა ჯაკობიამ დაადასტურა.„დიახ, ვადასტურებ, რომ გვასალიას მიმართ არის ძალიან სერიოზული ინტერესი ინგლისიდან და იტალიიდან. საუბარია ტრადიციულ, ძლიერ კლუბებზე, რომლებიც წარმოადგენენ პრემიერლიგას და სერია A-ს. ამ ეტაპზე, საქმის ინტერესიდან გამომდინარე, კლუბებს ვერ დავასახელებ, მაგრამ ამის დროც დადგება", - თქვა ჯაკობიამ.

faceამბები • 1768164133

"მე და სალომემ ბევრი რთული პერიოდი გამოვიარეთ ერთად" - ზურაბ ხიზანიშვილი

ფეხბურთელმა ზურაბ ხიზანიშვილმა ლაშა დვალიშვილის გადაცემაში მეუღლის სალომე ღვინიაშვილის შესახებ ისაუბრა. როგორც ახალგაზრდული ნაკრების მწვრთნელმა და ვეტერანმა ფეხბურთელმა გადაცემაში სტუმრობისას განაცხადა, ცნობილი ქართველი მოდელი სალომე ღვინიაშვილი მას გვერდით აქტიურად უდგას. «შოტლანდიის ცხოვრება სალომეს არ ეხებოდა, იმიტომ რომ მაშინ მარტო ვიყავი. ინგლისიდან ჩაერთო ჩემს კარიერაში, ისეთ ტამაშებზე დამყავდა... მერე დედაჩემი და სალომე იჯდნენ და არჩევდნენ თამაშებს. მეორე ნახევრის გვერდში დგომა უმნიშვნელოვანესია სპორტსმენისთვის. როცა სახლში მოდიხარ, ყველაფერი გტკივა, წყლის აღება და ჭამა არ შეგიძლია, გჭირდება გვერდით მეუღლე და ადამიანი, რომელიც ხელს შეგიწყობს ყველაფერში. კარგად გაიაზრებს რას არის შეჭიდებული და გვერდით დაგიდგება. მე და სალომემ ბევრი რთული პერიოდი გამოვიარეთ ერთად. სალომეს დიდი ამაგი აქვს ჩემზე პრემიერ-ლიგაში»-განაცხადა ზურაბ ხიზანიშვილმა. ზურა ხიზანიშვილმა და სალომე ღვინიაშვილმა 20 წლის წინ იქორწინეს. სალომე 21 წლის იყო, როდესაც ზურა გაიცნო და მალევე დაქორწინდნენ. ქორწინებიდან მათ 2 გოგონა ჰყავთ, ტასო და ნიტა ხიზანიშვილები, პირველი ქორწინებიდან სალომეს 1 ბიჭი დათი აბულაძე ჰყავს.