ირანის არმია, ლიდერების ორი ჯგუფი აღარ არსებობს, განადგურებულია საზღვაო ფლოტი, კომუნიკაციები, საჰაერო ძალები - დონალდ ტრამპი

აშშ-ის პრეზიდენტმა, დონალდ ტრამპმა განაცხადა, რომ აშშ-ის სამხედრო ძალები ირანის სამხედრო პოტენციალის განადგურებას „ფენომენალურად“ უმკლავდება.

„მათი არმია აღარ არსებობს. საზღვაო ფლოტი განადგურებულია. კომუნიკაციები განადგურებულია. ლიდერების ორი ჯგუფი აღარ არსებობს. საჰაერო ძალები მთლიანად განადგურებულია“, – განაცხადა შეერთებული შტატების პრეზიდენტმა.

დონალდ ტრამპის თქმით, ირანს 32 გემი ჰყავდა და ყველა მათგანი ზღვის ფსკერზეა.