მუმლაძე

ბორჯომის მუნიციპალიტეტის მერის პირველი მოადგილე საკრებულოს თავმჯდომარესთან ერთად, შიდსის მსოფლიო დღესთან დაკავშირებით, საინფორმაციო შეხვედრას დაესწრო

ბორჯომის მუნიციპალიტეტის მერის პირველი მოადგილე ბიბო პაპიძე, საკრებულოს თავმჯდომარე გიორგი ფერაძესთან ერთად, შიდსის მსოფლიო დღესთან დაკავშირებით, საინფორმაციო შეხვედრას დაესწრო.შეხვედრას თენგიზ ცერცვაძის სახელობის ინფექციური პათოლოგიის, შიდსის და კლინიკური იმუნოლოგიის სამეცნიერო-პრაქტიკული ცენტრის ინფექციონისტი მარიამ მაღლაკელიძე უძღვებოდა, რომელმაც აივ-ინფექცია/შიდსთან დაკავშირებულ გამოწვევებზე ისაუბრა და საზოგადოების ცნობიერების ამაღლებაზე გაამახვილა ყურადღება.აივ ინფექცია/შიდსის დიაგნოსტიკა და მკურნალობა დღეს საქართველოს ნებისმიერი მოქალაქისთვის ხელმისაწვდომია და მთლიანად ფინანსდება სახელმწიფოს მიერ.შეხვედრას ესწრებოდნენ ბორჯომის მუნიციპალიტეტის საკრებულოს თავმჯდომარის მოადგილეები-გენადი მუმლაძე, რევაზ ლაშხი და თვითმმართველობის წარმომადგენლები.ღონისძიება, ქალთა მიმართ და ოჯახში ძალადობის წინააღმდეგ მიმართული 16-დღიანი კამპანიის ფარგლებში, ბორჯომის მუნიციპალიტეტის ქალთა და ბავშვთა საკითხებზე მომუშავე საბჭოს და სამცხე-ჯავახეთის ქალთა ორგანიზაციის ორგანიზებით გაიმართა.

რეგიონი • 1764338645

ბორჯომის მუნიციპალიტეტის მერი ქალთა მიმართ ძალადობის წინააღმდეგ მიმართული 16-დღიანი კამპანიის ფარგლებში, საჯარო სკოლის მოსწავლეების მონაწილეობით გამართულ ღონისძიებას დაესწრო

ბორჯომის მუნიციპალიტეტის მერი მამუკა გელაშვილი, საკრებულოს თავმჯდომარესთან გიორგი ფერაძესთან ერთად, ქალთა მიმართ ძალადობის წინააღმდეგ მიმართული 16-დღიანი კამპანიის ფარგლებში, საჯარო სკოლის მოსწავლეების მონაწილეობით გამართულ ღონისძიებას დაესწრო.ბორჯომის საბავშვო ბიბლიოთეკაში სკოლის მოსწავლეებმა მონაწილეობა მიიღეს მარჟან სატრაპის ნაწარმოების პერსეპოლისის განხილვაშიასევე, სოფელ ტაბაწყურის საჯარო სკოლაში გაიმართა ღონისძიება, სადაც მოსწავლეებმა წარმოადგინეს პოსტერები, რომ ძალადობა მიუღებელია და თითოეულ ადამიანს აქვს უსაფრთხო გარემოში ცხოვრების უფლება.ღონისძიებას, ასევე ესწრებოდნენ საკრებულოს თავმჯდომარის მოადგილეები- რევაზ ლაშხი, გენადი მუმლაძე, საგანმანათლებლო რესურსცენტრის ხელმძღვანელი ხათუნა ხარაზიშვილი და ქალთა და ბავშვთა საკითხებზე მომუშავე საბჭოს წევრები.ღონისძიება ბორჯომის მუნიციპალიტეტის ქალთა და ბავშვთა საკითხებზე მომუშავე საბჭოს ორგანიზებით გაიმართა.

რეგიონი • 1764069556

ბორჯომში ქალთა მიმართ ძალადობის აღმოფხვრის საერთაშორისო დღისადმი მიძღვნილი კამპანია დაიწყო

ბორჯომის მუნიციპალიტეტის ქალთა და ბავშვთა საკითხებზე მომუშავე საბჭოს ორგანიზებით, 25 ნოემბერს - ქალთა მიმართ ძალადობის აღმოფხვრის საერთაშორისო დღეს, 16-დღიანი კამპანია ოფიციალურად დაიწყო.მერაბ კოსტავას სახელობის მოედანზე ფლეშმობი მოეწყო, რომელშიც მონაწილეობა კულტურისა და ხელოვნების ცენტრთან არსებულმა თანამედროვე და სპორტული ცეკვების ჯგუფმა "სილუეტმა" მიიღო. შემდეგ კი, სიმბოლურად ნარინჯისფერი ჰელიუმის ბუშტები „გაუშვეს“ და შეტყობინება გაუგზავნეს მსოფლიოს: „არა ძალადობას“.ღონისძიებას ბორჯომის მუნიციპალიტეტის საკრებულოს თავმჯდომარე გიორგი ფერაძე, მერის მოადგილე ბიბო პაპიძე, საკრებულოს თავმჯდომარის მოადგილე გენადი მუმლაძე, საბჭოს წევრები და ადგილობრივები ესწრებოდნენ.აღსანიშნავია, რომ „ნარინჯისფერი კვირეულის“ ფარგლებში, ქალთა და ბავშვთა საკითხებზე მომუშავე საბჭოს არაერთი ღონისძიების განხორციელებას გეგმავს.შეგახსენებთ, რომ მსოფლიოს 187 ქვეყანაში, 1991 წლიდან ყოველწლიურად, 25 ნოემბრიდან 10 დეკემბრის ჩათვლით, გენდერული ძალადობის ბრძოლის დღეები აღინიშნება, რომლის მიზანია საზოგადოების ცნობიერების ამაღლება ქალთა მიმართ ძალადობისა და ოჯახში ძალადობის აღმოსაფხვრელად.

რეგიონი • 1762942559

ბორჯომის მუნიციპალიტეტის მერმა დაბა ბაკურიანში მიმდინარე ინფრასტრუქტურული პროექტები დაათვალიერა

ბორჯომის მუნიციპალიტეტის მერმა მამუკა გელაშვილმა დაბა ბაკურიანში მიმდინარე ინფრასტრუქტურული პროექტები დაათვალიერა.დაბა ბაკურიანში წყალმომარაგებისა და წყალარინების ინფრასტრუქტურის მასშტაბური მშენებლობა მიმდინარეობს. ისტორიაში პირველად, პროექტი მთელს არეალს მოიცავს. პროექტის დასრულების შემდეგ, 15 000-ზე მეტი ბენეფიციარი 24 საათიანი წყალმომარაგებითა და თანამედროვე სტანდარტების შესაბამისი ინფრასტრუქტურით ისარგებლებს. სამუშაოები სახელმწიფო ბიუჯეტიდან 150 მლნ. ლარით ფინანსდება და 2026 წელს დასრულდება.გარდა ამისა, საქართველოს გაერთიანებული წყალმომარაგების კომპანიის კონტრაქტორები დაბა ბაკურიანში საგზაო ინფრასტრუქტურის მოწესრიგებას აქტიურ რეჟიმში აგრძელებენ, რათა ზამთრის კურორტი 2025–2026 წლის ტურისტული სეზონს მოწესრიგებული ინფრასტრუქტურით შეხვდეს.ბორჯომის მერთან ერთად ადგილზე იმყოფებოდნენ საკრებულოს თავმჯდომარე გიორგი ფერაძე, მერის მოადგილე ბიბო პაპიძე, ბაკურიანის განვითარების სააგენტოს ხელმძღვანელი ეკატერინე ორჯონიკიძე, საკრებულოს თავმჯდომარის მოადგილეები რევაზ ლაშხი და გენადი მუმლაძე.

რეგიონი • 1762861880

ბორჯომის მუნიციპალიტეტის მერმა სოფელ ტიმოთესუბანში მიმდინარე ინფრასტრუქტურული პროექტები დაათვალიერა

ბორჯომის მუნიციპალიტეტის მერმა მამუკა გელაშვილმა სოფელ ტიმოთესუბანში მიმდინარე ინფრასტრუქტურული პროექტები დაათვალიერა.მამუკა გელაშვილმა ხაზი გაუსვა მიმდინარე პროექტების დაგეგმილ ვადებში, ხარისხიანად შესრულების აუცილებლობას.სოფელ ტიმოთესუბნიდან დიდი და პატარა მიტარბის გავლით დაბა ბაკურიანამდე მისასვლელი გზის რეაბილიტაციის პირველი ეტაპი დასრულდა. პროექტის ფარგლებში 2,7 კმ მონაკვეთზე ასფალტ-ბეტონის საფარი დაიგო, ასევე მოეწყო სანიაღვრე არხები.გარდა ამისა, ტიმოთესუბანში ცენტრალური გზის გამყოლი ღობეების რეაბილიტაცია მიმდინარეობს. პროექტის ფარგლებში, მოეწყობა ცენტრალური ქუჩების მიმდებარე სახლების ღობეები, ჭიშკრები და რკინა-ბეტონის საყრდენი კედლები. სამუშაოები ბორჯომის მუნიციპალიტეტის ბიუჯეტის დაფინანსებით ხორციელდება.ბორჯომის მერთან ერთად ადგილზე იმყოფებოდნენ საკრებულოს თავმჯდომარე გიორგი ფერაძე, მერის მოადგილე ბიბო პაპიძე, საკრებულოს თავმჯდომარის მოადგილეები რევაზ ლაშხი და გენადი მუმლაძე.

სამართალი • 1760170868

სასამართლომ გიორგი მუმლაძეს აღკვეთის ღონისძიების სახით პატიმრობა, ექიმ გიორგი ჩახუნაშვილს კი გირაო შეუფარდა

სტრატეგიული და განსაკუთრებული მნიშვნელობის ობიექტის ხელში ჩაგდების მცდელობისა და ჯგუფურ ძალაობაში მონაწილეობის საქმეზე, გიორგი მუმლაძეს აღკვეთის ღონისძიების სახით პატიმრობა, ექიმ გიორგი ჩახუნაშვილს კი გირაო შეეფარდა.პროცესზე მან უარყო ბრალდება და თქვა, რომ აქციის დაწყებიდან ბოლომდე პროფესიულ მოვალეობას ასრულებდა. ცნობილი ექიმის ოჯახმა, გირაოს გადასახდელად თანხის შეგროვება ფეისბუკზე ითხოვა.ჟურნალისტებთან საუბროსას გიორგი ჩახუნაშვილის ადვოკატის, გიორგი გელხაურმა განაცხადა, რომ ჩახუნაშვილი აქციაზე მის პროფესიულ მოვალეობას ახორციელებდა.„იგი სასწრაფო სამედიცინო დახმარებას უწევდა აქციის მონაწილეებს, ვინც გაზით მოიწამლა. ამიტომ, ამ მტკიცებულების არ გამოკვლევის ფონზე სასამართლომ მაინც მიიღო გადაწყვეტილება, რომ საპატიმრო გირაო შეეფარდებინა“, - აღნიშნა ადვოკატმა.

დედაქალაქი • 1758389412

თბილისის საპატიო მოქალაქის წოდება 30 ადამიანს მიენიჭა - სია

საზოგადოება • 1758388937

საპატიო თბილისელის წოდება 30 მოქალაქეს მიენიჭა - კახა კალაძემ მათ საპატიო თბილისელის წოდების სიგელთან ერთად, დედაქალაქის სიმბოლური გასაღებიც გადასცა

სახელმწიფო ცერემონიების სასახლეში თბილისის საპატიო მოქალაქეების დაჯილდოების ცერემონია გაიმართა. დედაქალაქის მერმა კახა კალაძემ საპატიო თბილისელის წოდება 30 მოქალაქეს მიანიჭა.კახა კალაძემ შეკრებილ სტუმრებს "თბილისობა" მიულოცა და მადლობა გადაუხადა ყველა იმ ადამიანს, ვისაც ყოველდღიურად შეაქვს საკუთარი წვლილი ქალაქის განვითარებაში. თბილისის საპატიო მოქალაქეებს წელს შეემატნენ: ზურაბ თურმანიძე - ექიმი, ქირურგი, სამხედრო-სამედიცინო აკადემიის წევრ-კორესპონდენტი; თინათინ მღვდლიაშვილი - პოეტი, მხატვარი; ჯენარო ქრისტესაშვილი - ექიმი-რეპროდუქტოლოგი, მედიცინის მეცნიერებათა დოქტორი, პროფესორი; ნოდარ ჩხარტიშვილი - ბიოლოგი, მეცნიერი, საქართველოს სოფლის მეურნეობის მეცნიერებათა აკადემიის აკადემიკოსი; ბაკურ კიღურაძე - არქიტექტორი, მეცნიერი; ოთარ გაბელაშვილი - ინჟინერი, სამთო გეოლოგი; გივი ჭიჭინაძე - ინჟინერი, მომღერალი, პოლიტიკოსი; თენგიზ გუგეშაშვილი - ქირურგი, მედიცინის მეცნიერებათა დოქტორი; გოგა პიპინაშვილი - თეატრისა და კინოს მსახიობი, მიხეილ თუმანიშვილის სახელობის კინომსახიობთა თეატრის დასის წევრი; თომზირ ცომაია - სპორტსმენი, ტანმოვარჯიშე; თინა მგალობლიშვილი - დიქტორი, მსახიობი; დავით ევგენიძე - კომპოზიტორი, პიანისტი; ზურაბ აბაშიძე - დიპლომატი, მეცნიერი, პოლიტიკის მეცნიერებათა დოქტორი, პროფესორი, ქართული ენციკლოპედიის მთავარი რედაქტორი; არჩილ გოგელია - მოფარიკავე, ჟურნალისტი, სპორტსმენი, პოლიტიკოსი; თეიმურაზ ჩიგოგიძე - ექიმი-უროლოგი, მედიცინის მეცნიერებათა დოქტორი; ვლადიმერ (ვახტანგ) ვეფხვაძე - გამომცემელი, მეცენატი; გიორგი ბურჯანაძე - ქართული თეატრისა და კინოს მსახიობი, საქართველოს დამსახურებული არტისტი; ლაუზ (რეზო) ჭანიშვილი - ქორეოგრაფი-ქორეოლოგი, მოცეკვავე, დოქტორი, პროფესორი; ნუგზარ კვაშალი - მომღერალი, საქართველოს დამსახურებული არტისტი, ანსამბლ "ივერიის" სოლისტი, ანსამბლ "ხომლის" წევრი; რომან (რომა) რცხილაძე - მუსიკოსი, კომპოზიტორი, მომღერალი; თინათინ ბუკია - ექიმი, პედაგოგი, მედიცინის მეცნიერებათა დოქტორი, საქართველოს ლაბორატორიული მედიცინის ასოციაციის დამფუძნებელი და პირველი პრეზიდენტი; ნოდარ მითაგვარია - ბიოლოგი, ბიოლოგიურ მეცნიერებათა დოქტორი, აკადემიკოსი; ნანული აბესაძე - მომღერალი, საქართველოს დამსახურებული არტისტი; მანანა თოდაძე - მომღერალი, მსახიობი; ნანული სარაჯიშვილი - კინოსა და თეატრის მსახიობი, საქართველოს დამსახურებული არტისტი; ლეილა მუმლაძე - მუსიკოსი, პედაგოგი, საქართველოს დამსახურებული მასწავლებელი; თამაზ მოლაშვილი - მუსიკოსი; ნიკოლოზ შენგელაია - მხატვარი, ფილმ "სოფიკოს" დამდგმელი რეჟისორი, სცენარის ავტორი და პროდიუსერი; მალხაზ დოლიძე - პურის მრეწველთა კავშირის თავმჯდომარე, ტექნიკურ მეცნიერებათა დოქტორი, პროფესორი; ჯიმი ყიფიანი - იურისტი.კახა კალაძემ დაჯილდოებულ პირებს, საპატიო თბილისელის წოდების აღმნიშვნელ სიგელთან ერთად, დედაქალაქის სიმბოლური გასაღებიც გადასცა."მივესალმები საქართველოს პრემიერ-მინისტრს, ბატონ ირაკლი კობახიძეს, თბილისის საკრებულოს თავმჯდომარეს ზურაბ აბაშიძეს, დამსწრე საზოგადოებას, დიპლომატიური კორპუსის წარმომადგენლებს, ჩვენს უცხოელ სტუმრებს, მივესალმები უცხოეთში მცხოვრებ ჩვენს თანამემამულეებს, მივესალმები ჩვენს საყვარელ თბილისსა და თბილისელებს"თბილისობის" დღესასწაულს გილოცავთ ყველას. თბილისი თავად არის სასწაული - ქალაქი, რომელმაც საუკუნეების მანძილზე გაუძლო უამრავ განსაცდელს, ფერფლიდანაც ბევრჯერ აღდგა და მუდამ სიცოცხლით სავსე, მუდამ ახალგაზრდული სულით აგრძელებს სვლას. ჩვენ ახლა ვიმყოფებით თბილისის გულში, ზემოდან გადმოგვყურებს ნარიყალა, ბუმბერაზი ქართველების სამყოფელი - მთაწმინდა, ქვემოთ სოლოლაკი და ხმაურიანი აბანოთუბანია, აქვეა მეტეხი, ავლაბარი, ჩუღურეთი. აქ ყველა ადგილი, ყველა ქუჩა უდიდეს ისტორიას ინახავს, თუმცა, თბილისი მხოლოდ ღირსშესანიშნავი ადგილები და უძველესი არქიტექტურა არ არის. ჩვენი ქალაქი კიდევ უფრო ლამაზია, როდესაც ქმნის, ფეხს უწყობს თანამედროვეობას, ყოველდღიურად ვითარდება, ინარჩუნებს თავის ისტორიას და საფუძველს უყრის მომავალს.ყველაფერი, რაც ღირებულია თბილისისთვის, რასაკვირველია, შექმნილია ამ ქალაქის მცხოვრებთა შრომით, მათი პროფესიონალიზმით, ზრუნვით, სიყვარულით და ერთგულებით დედაქალაქის მიმართ. თბილისს ქმნით თქვენ, თბილისელები და იგი ზუსტად ისეთია, როგორიც არის ჩვენი ყოველდღიურობა, ჩვენი დამოკიდებულება მის მიმართ. სწორედ აქ და ახლა ჩვენ ვქმნით თბილისის დღევანდელობას და მე, როგორც ამ ქალაქის მერი, ვარ ბედნიერი ადამიანი, რადგან თბილისს ჰყავს გამორჩეული ადამიანები, რომლებმაც თავიანთი კვალი დაატყვეს ქალაქს. საპატიოა ყველა მოქალაქე, ვინც ზრუნავს ქალაქზე, დახმარების ხელს უწვდის გაჭირვებაში მყოფებს, ვინც კეთილსინდისიერი შრომით ემსახურება ქალაქს და ქვეყანას. მინდა, თითოეულ მათგანს, მთელი გულით, მადლობა გადავუხადო გაწეული შრომისთვის და საქმიანობისთvის. ტრადიციას არც წელს დავარღვევთ და თბილისის განვითარებაში შეტანილი განსაკუთრებული წვლილისთვის წარმოგიდგენთ ადამიანებს, რომლებმაც ზუსტად იციან, რომ თბილისის საპატიო მოქალაქეობა მხოლოდ წოდება არ არის, ეს, პირველ რიგში, არის უდიდესი პასუხისმგებლობა ქვეყნისა და ხალხის წინაშე, უდიდესი პასუხისმგებლობა თბილისისა და თბილისელების წინაშე", - განაცხადა კახა კალაძემ.დედაქალაქის მერმა აღნიშნა, რომ თბილისი მუდამ იქნება ახალგაზრდული, ძლიერი, განვითარებული ქალაქი."ვიდრე გვიყვარს ჩვენი ქალაქი, ვიდრე არ ვიღლებით მასზე ზრუნვით, ვიდრე პროფესიონალიზმით და თავდადებით ვემსახურებით მას, თბილისი მუდამ იქნება ახალგაზრდული, ძლიერი, განვითარებული ქალაქი. მინდა, მადლობა გადავუხადო ყველა იმ თბილისელს, ვინც მანდო ამ ქალაქის ბედი. არ დავიღლები იმაზე საუბრით, თუ რამხელა პატივია ჩემთვის, ვემსახურო თბილისს და თბილისელებს. თქვენი მხარდაჭერა და თანადგომა ჩემთვის უდიდესი მოტივაციაა. მადლობას გიხდით ყველას მობრძანებისთვის. გპირდებით, შემდეგი ოთხი წელი ჩვენი ქალაქისთვის კიდევ უფრო საინტერესო და მრავალფეროვანი იქნება. კიდევ ერთხელ გილოცავთ ყველას, ვინც დღეს ეს ჯილდო მიიღო და გისურვებთ, პირველ რიგში, ჯანმრთელობას, დიდხანს სიცოცხლეს, რადგან თქვენ კიდევ სჭირდებით ჩვენს ქვეყანასა და ჩვენს ქალაქს", - განაცხადა დედაქალაქის მერმა.

სპორტი • 1757941320

მარნეულელმა მკლავჭიდელებმა მსოფლიო ჩემპიონატზე ოქროს და ვერცხლის მედლები მოიპოვეს

ბულგარეთის ქალაქ ალბენაში მიმდინარე მსოფლიო ჩემპიონატზე მარნეულის მუნიციპალიტეტის სპორტული სკოლის ახალგაზრდა მკლავჭიდელებმა საქართველო ღირსეულად წარადგინეს და ორი მედალი მოიპოვეს. დემეტრე მუმლაძემ 15 წლამდე ასაკში, აბსოლუტურ წონით კატეგორიაში, მარჯვენა ხელით მსოფლიო ჩემპიონობა მოიპოვა!ლუკა მაისურაძემ 15 წლამდე ასაკში, 45 კგ წონით კატეგორიაში, მარცხენა ხელით, მსოფლიო ვიცე-ჩემპიონის ტიტული მოიპოვა!ახალგაზრდა სპორტსმენების პირადი მწვრთნელია, მამუკა ბოჭოიძე.

სპორტი • 1756473258

გიორგი მუმლაძე კადეტთა მსოფლიო ჩემპიონატის ფინალშია

ბულგარეთის დედაქალაქ სოფიაში მიმდინარე კადეტთა მსოფლიოს ჩემპიონატის მესამე დღეს ტატამზე ექვსი ქართველი სპორტსმენი გავიდა, რომელთაგანაც გიორგი მუმლაძე (81 კგ) ოქროს მედლისთვის იჭიდავებს.ფინალური ბლოკი 17:30 საათიდან დაიწყება.შეგახსენებთ, რომ მსოფლიო პირველობის ორი საშეჯიბრო დღის შემდეგ საქართველოს კადეტთა ნაკრები ჯერჯერობით უმედლოდაა.

პოლიტიკა • 1751967055

ნებისმიერ პოლიტიკურ სუბიექტს, რომელიც შევა ამ თამაშში, სათანადო პასუხს გავცემ ყველგან, სიტყვითაც და, თუ საჭიროა, მუშტითაც - გიორგი მუმლაძე

მოღალატეობრივი პოზიცია და პასუხი მუშტით, - ოპოზიციაში არსებული დაპირისპირების ფონზე, "ნაციონალურ მოძრაობაში" ამბობენ, რომ იმ პარტიებმა, რომლებმაც არჩევნებში მონაწილეობა გადაწყვიტეს, მათგან მეტი აგრესია უნდა იგრძნონ და სათანადო პასუხი აგონ."ლელოში" და გახარიას გუნდში აცხადებენ, რომ მათ გადაწყვეტილებაზე კოლეგების მუქარა გავლენას ვერ მოახდენს.ირაკლი ფავლენიშვილის განცხადებით, ადამიანებმა, რომლებმაც თვითმმართველობის არჩევნებში მონაწილეობენ, ამით ქუჩის პროტესტს ღალატობს და მას უარს ეუბნებიან."ის ხალხი, ვინც სპეცოპერაციაში იღებს მონაწილეობას და ე.წ. ოპოზიციურ ფლანგად იყო მოაზრებული ქუჩის პროტესტს უარს ეუბნება და ღალატობენ ამ ქუჩის პროცესს", - განაცხადა ფავლენიშვილმა.ძალის გამოყენებაზე საუბრობს "ნაციონალური მოძრაობის" წევრი, გიორგი მუმლაძე."ნებისმიერი ის პოლიტიკური სუბიექტი, ვინც შევა ამ თამაშში, სათანადო პასუხს გავცემ ყველგან, სიტყვითაც და თუ საჭიროა, მუშტითაც. მოღალატემ უფრო მეტი აგრესია უნდა იგრძნოს ჩვენგან.როდესაც ამ ბრძოლაში, შენი თანამებრძოლი ცელს გამოგისვამს და გიღალატებს, მას თუ სათანადო პასუხს არ გასცემ, ის მოწინააღმდეგე არ დაგაფასებს და შენ ძალას პატივს არ სცემს."ლელო" იქნება გახარია თუ სხვა, ყველა აგებთ სათანადოდ პასუხს. ვერ გამოხვალთ და ვერ დადგებით პროტესტში, თუ დადგებით მიიღებთ სათანადო პასუხს. მოღალატის იარლიყი აიკარით უკვე", - განაცხადა გიორგი მუმლაძემ.

სპორტი • 1749043161

მარნეულელი მკლავჭიდელების წარმატება ევროპის ჩემპიონატზე

რუმინეთის ქალაქ კლუჟ-ნაპოკაში, მკლავჭიდის ევროპის ჩემპიონატზე, მარნეულელმა სპორტსმენებმა ორი ოქროს და ერთი ბრინჯაოს მედალი მოიპოვეს.დემეტრე მუმლაძე ევროპის ჩემპიონი გახდა, 70+ კგ წონით კატეგორიაში, მარჯვენა ხელში, ხოლო მარცხენა ხელში ბრინჯაოს მედალი მოიპოვა.გიორგი ლომიძე ევროპის ჩემპიონი გახდა მარცხენა ხელში, 70 კგ წონით კატეგორიაში.სპორტსმენების პირადი მწვრთნელია:მამუკა ბოჭოიძე.