მოკლეს

ტექნიკური უნივერსიტეტის დეკანის მკვლელობისთვის ბრალდებულ 2 პირს, სასამართლომ 20-20 წლით პატიმრობა მიუსაჯა - სასტიკი მკვლელობა 2023 წლის აგვისტოში მოხდა

რუსთავის საქალაქო სასამართლომ სრულად გაიზიარა პროკურატურის მიერ წარდგენილი მტკიცებულებები და გარდაბნის მუნიციპალიტეტში დამამძიმებელ გარემოებებში ჩადენილი განზრახ მკვლელობის ფაქტზე ბრალდებულ ორ პირს 20-20 წლით თავისუფლების აღკვეთა შეუფარდა. ამის შესახებ ინფორმაციას პროკურატურა ავრცელებს."სასამართლო პროცესზე გამოკვლეული მტკიცებულებებით დადასტურდა, რომ 2023 წლის აგვისტოში, გარდაბნის მუნიციპალიტეტის სოფელ ყარათაკლიაში, ბრალდებულებმა, შურისძიების მოტივით, დაზარალებულს ჯგუფურად, განსაკუთრებული სისასტიკით სიცოცხლისთვის სახიფათო, მრავლობითი დაზიანებები მიაყენეს. მიღებული დაზიანებების შედეგად დაზარალებული გარდაიცვალა.პროკურატურამ ორივე პირს ბრალდება საქართველოს სისხლის სამართლის კოდექსის 109-ე მუხლის „ი“ და „მ“ ქვეპუნქტებით (განზრახ მკვლელობა ჩადენილი ჯგუფურად, განსაკუთრებული სისასტიკით) წარუდგინა. სასამართლომ ორივე მათგანი დამნაშავედ სრულად ცნო წარდგენილ ბრალდებაში." - ნათქვამია ინფორმაციაში.საქმე ეხება, ტექნიკური უნივერსიტეტის ლექტორის ოთარ გელაშვილის საქმეს, რომელიც გაიტაცეს და სასტიკად სცემეს. შემთხვევა 2023 წლის აგვისტოში მოხდა.ოთარ გელაშვილი 12 აგვისტოს გაუჩინარდა, ოჯახის წევრებმა ის ორ დღიანი ძებნის შემდეგ რუსთავის ერთ-ერთ კლინიკაში მიაგნეს, სადაც უგონო მდგომარეობაში იმყოფებოდა.როგორც დეკანის კოლეგები ყვებოდნენ, უკაცრიელ ადგილას, ის, სავარაუდოდ, მწყემსმა იპოვა. ოთარ გელაშვილი ბეისბოლის ჯოხებით იყო ნაცემი. ასევე, ფრჩხილები ლანცეტით ჰქონდა აძრობილი. ახლა უკვე მსჯავრდებულებმა ტექნიკური უნივერსიტეტის ლექტორი ფულის გამოძალვის მიზნით აწამეს და მოკლეს.

სამართალი • 1714114382

პროკურატურამ როინ შავაძის უკანონო დაკავებაში თანამონაწილეობის ფაქტზე, სისხლისსამართლებრივი დევნა კიდევ ერთი პირის მიმართ დაიწყო

საქართველოს გენერალურმა პროკურატურამ თავდაცვის სამინისტროს ბრიგადის სერჟანტის, 2008 წლის აგვისტოს ომის მონაწილის როინ შავაძის უკანონო დაკავებაში თანამონაწილეობის ფაქტზე სისხლისსამართლებრივი დევნა შსს კონსტიტუციური უსაფრთხოების დეპარტამენტის აჭარის ავტონომიური რესპუბლიკის საგამოძიებო განყოფილების ყოფილი უფროსის მიმართ დაიწყო.პროკურატურის მიერ ჩატარებული გამოძიებით დადგენილია, რომ 2008 წლის 16 აგვისტოს, კონსტიტუციური უსაფრთხოების დეპარტამენტის აჭარის ავტონომიური რესპუბლიკის თანამშრომლები, ამავე დეპარტამენტის საგამოძიებო განყოფილების უფროსის დახმარებით და ხელშეწყობით, თითქოსდა ოპერატიული ინფორმაციის საფუძველზე, უცხო ქვეყნის სპეცსამსახურებთან თანამშრომლობის ბრალდებით, ქალაქ ბათუმში, კაფეში მყოფ როინ შავაძეს თავს დაესხნენ და უკანონოდ დააკავეს. დაკავებისას, "კუდ"-ის თანამშრომლები როინ შავაძეს ავტომატის კონდახების გამოყენებით სასტიკად გაუსწორდნენ. ძალადობის შედეგად როინ შავაძემ სიცოცხლისთვის სახიფათო, სხეულის მძიმე ხარისხის დაზიანებები მიიღო.სპეცდანიშნულების რაზმის წევრებმა თავდასხმის შედეგად გონებადაკარგული როინ შავაძე ავტომობილით შემთხვევის ადგილიდან წაიყვანეს და აჭარა-გურიის საზღვართან ავტომატური ცეცხლსასროლი იარაღებიდან მრავალჯერადი გასროლებით მოკლეს.მოგვიანებით როინ შავაძის უკანონო დაკავების ფორმალურ-სამართლებრივი საფუძვლის შესაქმნელად, „კუდ“-ის საგამოძიებო ნაწილის აჭარის ავტონომიური რესპუბლიკის საგამოძიებო განყოფილების უფროსის დახმარებით და ხელშეწყობით, შედგა ყალბი დაკავების და პირადი ჩხრეკის ოქმი, სადაც მიეთითა, თითქოსდა როინ შავაძეს დაკავებისას ნარკოტიკული საშუალება აღმოაჩნდა, რაც სინამდვილეს არ შეესაბამებოდა.ბრალდებულის მიმართ სისხლისსამართლებრივი დევნა საქართველოს სისხლის სამართლის კოდექსის 25,147-ე მუხლით (უკანონო დაკავებაში დახმარება) დაიწყო, რაც სასჯელის სახედ და ზომად 9-დან 12 წლამდე თავისუფლების აღკვეთას ითვალისწინებს.საზოგადოებას შევახსენებთ, რომ აღნიშნულ საქმეზე სისხლისსამართლებრივი დევნა ჯამში 12 პირის მიმართ დაიწყო, საიდანაც 10 პირის მიმართ უკვე გამოტანილია გამამტყუნებელი განაჩენი, მათ შორის კონსტიტუციური უსაფრთხოების დეპარტამენტის აჭარის მთავარი სამმართველოს უფროსის მოადგილის და ერთი სპეცრაზმელის საქმე ნაფიც მსაჯულთა სასამართლომ განიხილა და ორივე ბრალდებული სრულად ცნო დამნაშავედ წარდგენილ ბრალდებებში.სისხლის სამართლის საქმეზე გამოძიება გრძელდება დანაშაულში მონაწილე სხვა პირების გამოვლენის და მხილების მიზნით.

სამართალი • 1714113748

საქართველოს გენერალურმა პროკურატურამ თავდაცვის სამინისტროს ბრიგადის სერჟანტის, 2008 წლის აგვისტოს ომის მონაწილის როინ შავაძის უკანონო დაკავებაში თანამონაწილეობის ფაქტზე სისხლისსამართლებრივი დევნა შსს კონსტიტუციური უსაფრთხოების დეპარტამენტის აჭარის ავტონომიური რესპუბლიკის საგამოძიებო განყოფილების ყოფილი უფროსის მიმართ დაიწყო, - ამის შესახებ ინფორმაციას საქართველოს პროკურატურა ავრცელებს.მათივე ინფორმაციით, პროკურატურის მიერ ჩატარებული გამოძიებით დადგენილია, რომ 2008 წლის 16 აგვისტოს, კონსტიტუციური უსაფრთხოების დეპარტამენტის აჭარის ავტონომიური რესპუბლიკის თანამშრომლები, ამავე დეპარტამენტის საგამოძიებო განყოფილების უფროსის დახმარებით და ხელშეწყობით, თითქოსდა ოპერატიული ინფორმაციის საფუძველზე, უცხო ქვეყნის სპეცსამსახურებთან თანამშრომლობის ბრალდებით, ქალაქ ბათუმში, კაფეში მყოფ როინ შავაძეს თავს დაესხნენ და უკანონოდ დააკავეს. დაკავებისას, "კუდ"-ის თანამშრომლები როინ შავაძეს ავტომატის კონდახების გამოყენებით სასტიკად გაუსწორდნენ. ძალადობის შედეგად როინ შავაძემ სიცოცხლისთვის სახიფათო, სხეულის მძიმე ხარისხის დაზიანებები მიიღო.სპეცდანიშნულების რაზმის წევრებმა თავდასხმის შედეგად გონებადაკარგული როინ შავაძე ავტომობილით შემთხვევის ადგილიდან წაიყვანეს და აჭარა-გურიის საზღვართან ავტომატური ცეცხლსასროლი იარაღებიდან მრავალჯერადი გასროლებით მოკლეს.მოგვიანებით როინ შავაძის უკანონო დაკავების ფორმალურ-სამართლებრივი საფუძვლის შესაქმნელად, „კუდ“-ის საგამოძიებო ნაწილის აჭარის ავტონომიური რესპუბლიკის საგამოძიებო განყოფილების უფროსის დახმარებით და ხელშეწყობით, შედგა ყალბი დაკავების და პირადი ჩხრეკის ოქმი, სადაც მიეთითა, თითქოსდა როინ შავაძეს დაკავებისას ნარკოტიკული საშუალება აღმოაჩნდა, რაც სინამდვილეს არ შეესაბამებოდა.ბრალდებულის მიმართ სისხლისსამართლებრივი დევნა საქართველოს სისხლის სამართლის კოდექსის 25,147-ე მუხლით (უკანონო დაკავებაში დახმარება) დაიწყო, რაც სასჯელის სახედ და ზომად 9-დან 12 წლამდე თავისუფლების აღკვეთას ითვალისწინებს.საზოგადოებას შევახსენებთ, რომ აღნიშნულ საქმეზე სისხლისსამართლებრივი დევნა ჯამში 12 პირის მიმართ დაიწყო, საიდანაც 10 პირის მიმართ უკვე გამოტანილია გამამტყუნებელი განაჩენი, მათ შორის კონსტიტუციური უსაფრთხოების დეპარტამენტის აჭარის მთავარი სამმართველოს უფროსის მოადგილის და ერთი სპეცრაზმელის საქმე ნაფიც მსაჯულთა სასამართლომ განიხილა და ორივე ბრალდებული სრულად ცნო დამნაშავედ წარდგენილ ბრალდებებში.სისხლის სამართლის საქმეზე გამოძიება გრძელდება დანაშაულში მონაწილე სხვა პირების გამოვლენის და მხილების მიზნით.

სამართალი • 1714047630

გარდაბანში 36 წლის კაცი მოკლეს

მკვლელობა გარდაბნის მუნიციპალიტეტის სოფელ ზემო თელეთში - ურთიერთშელაპარაკებისას ცივი იარაღით 36 წლის კაცს თანასოფლელმა ჭრილობები მიაყენა. დაჭრილი საავადმყოფოში გარდაიცვალა.მკვლელობაში ბრალდებული დაკავებულია:"შინაგან საქმეთა სამინისტროს ქვემო ქართლის პოლიციის დეპარტამენტის თანამშრომლებმა, ცხელ კვალ ჩატარებული ოპერატიულ-სამძებრო ღონისძიებებისა და საგამოძიებო მოქმედებების შედეგად, 1984 წელს დაბადებული დ.ა. განზრახ მკვლელობის ბრალდებით დააკავეს.გამოძიებით დადგინდა, რომ ბრალდებულმა გარდაბნის მუნიციპალიტეტის სოფელ ზემო თელეთში, ურთიერთშელაპარაკებისას თანასოფლელს 1988 წელს დაბადებული დ.კ. ცივი იარაღის გამოყენებით სხეულზე ჭრილობები მიაყენა და შემთხვევის ადგილიდან მიიმალა. დაჭრილი მამაკაცი სამედიცინო დაწესებულებაში გარდაიცვალა.სამართალდამცველებმა დ.ა. ცხელ კვალზე, ბრალდებულის სახით დააკავეს.განზრახ მკვლელობის ფაქტზე გამოძიება სისხლის სამართლის კოდექსის 108-ე მუხლით მიმდინარეობს." ნათქვამია შსს-ს განცხადებაში.დანაშაული 10-დან 15 წლამდე ვადით თავისუფლების აღკვეთას ითვალისწინებს.

ჰოროსკოპი • 1713893765

ზოდიაქოს ნიშნების ჯადოსნური ნიჭი

ვერძი ვერძს ძალიან კარგად აქვს განვითარებული ინტუიცია. თუ ამ ნიშნის წარმომადგენლები უფრო მეტს მოუსმენენ და ენდობიან საკუთარ შინაგან ხმას, მაშინ არ ექნებათ დაბრკოლებები მიზნების მიღწევაში.ვერძებო, მნიშვნელოვანია გახსოვდეთ, თქვენ არ შეგიძლიათ თქვენი გეგმების სხვებისთვის გაზიარება, წინააღმდეგ შემთხვევაში, არსებობს შანსი, რომ თქვენს იღბალს სხვებს "აჩუქებთ".კურო კურო უფრო მეტად ყურადღებიანი უნდა იყოს თავისი ოცნებების მიმართ, რადგან მის კითხვებზე ყველა პასუხი იქ დევს. თუ კუროს განუვითარდება სიზმრების ანალიზის უნარი, მაშინ ადვილად შეძლებს გეგმების განსაზღვრას და ასევე კარიერული საკითხების გადაწყვეტასაც.ტყუპები ტყუპებს აქვთ ორატორობის ნიჭი. მათი ნიჭი სიტყვების მაგიაა. მეტყველების ოსტატურად ფლობა ეხმარება ამ ნიშნის წარმომადგენლებს ცხოვრების ყველა სფეროში. მათ იციან როგორ დაარწმუნონ ადამიანები, როგორ დააკისრონ პასუხისმგებლობა და კომპეტენტურად მისცენ დავალებები. ტყუპები ყოველთვის უნდა უფიქრდებოდნენ რას და როგორ ამბობენ, რადგან მათ სიტყვას რეალური ძალა აქვს.კიბო კირჩხიბები ემპათებად იბადებიან. ისინი მარტივად ცნობენ ადამიანებს, რაც საშუალებას აძლევს მათ ზუსტად გაშიფრონ ესა თუ ის ადამიანი. შორსმჭვრეტელობის ნიჭი მათ საშუალებას აძლევს იწინასწარმეტყველონ, თუ როგორ შეიძლება მოიქცეს გარშემომყოფი. ასეთი უნარების წყალობით კირჩხიბებს შეუძლიათ აირიდონ მოულოდნელი სიტუაციები, ამოიცნონ სიცრუე და შეცვალონ სიტუაცია მათ სასარგებლოდ.ლომილომებს აქვთ ძლიერი ენერგია, რომელსაც შეუძლია ყველაფერი გაანადგუროს გზად. მნიშვნელოვანია, რომ ფუჭად არ დახარჯოთ ეს ენერგია, არამედ გამოიყენეთ იგი თქვენს სასარგებლოდ. ლომებს ხომ ნებისმიერის მოხიბვლა შეუძლიათ, როგორც პროფესიულად, ისე რომანტიკულად. ტყუილად არ მუშაობს ლომების მიერ დამზადებული სასიყვარულო თილისმები, რომელსაც თითქოს მაგიური ძალა აქვს.ქალწული ქალწულებს შეუძლიათ მომავლის დანახვა. მკითხაობა, რუნები და ტაროს ბარათები დაეხმარება ამ ნიშანს მსგავსი უნარების განვითარებაში. შორსმჭვრეტელობის ნიჭი ქალწულებს მთელი ცხოვრების მანძილზე დაეხმარება და მრავალი უბედურებისგან იხსნის.სასწორი სასწორები იბადებიან მკურნალებად. მათ შეუძლიათ მხოლოდ მტკივნეულ ადგილზე შეხება დისკომფორტის მოსახსნელად. თუ სასწორი გადაწყვეტს ტექნიკის მეტად გაუმჯობესებას, მაშინ მათთვის რთული არ იქნება მცენარეებისგან სამკურნალო ნარევების, ამულეტების დამზადება, რომლებიც ნამდვილად გაათავისუფლებს და დაიცავს დაავადებებისგან.მორიელი მორიელებს აქვთ თითქმის დაუცველი ბიოველი, რომელიც სიტყვასიტყვით ასახავს ნებისმიერ ნეგატიურ ენერგიას და უბრუნებს მას გამგზავნს. ასეთი ნიჭი ხელს შეუწყობს ნებისმიერი ბოროტი თვალის ან დაზიანების აღმოფხვრას და სათანადო განვითარებით ის ასევე მისცემს შესაძლებლობას შექმნას განსაკუთრებული ძალის ამულეტები და თილისმები.მშვილდოსანი მშვილდოსანს შეუძლია უმოკლეს დროში მიაღწიოს ყველაზე გაბედულ და არარეალურ სურვილებსაც კი, აზრების მატერიალიზაციის ნიჭის წყალობით. მთავარი ამოცანაა პოზიტიურად აზროვნება. განსაკუთრებული ინტუიცია და პოზიტიური აზროვნება დაგეხმარებათ ჰარმონიისა და ბედნიერების მიღწევაში.თხის რქა ამ ნიშნის წარმომადგენლები კარგად ერკვევიან სიმბოლოებსა და ნიშნებში და შეუძლიათ მათი ზუსტი ინტერპრეტაცია. თხის რქების ნიჭი ყველაზე მეტად გამოვლინდება ასტროლოგიაში და ნუმეროლოგიაში. ასეთი ადამიანები არსებობის მნიშვნელობისა და ცხოვრების არსის გაუთავებელ ძიებაში არიან. მათი შესაძლებლობები საშუალებას აძლევს მათ „წაიკითხონ“ ადამიანები, როგორც ღია წიგნები.მერწყული მერწყულები ყველაზე მგრძნობიარენი არიან კარმული კავშირებისა და შეცდომების მიმართ. მათ ყოველთვის იციან რა უნდა გააკეთონ ნებისმიერ სიტუაციაში და ასევე შეუძლიათ სასარგებლო რჩევების მიცემა. ყველა მერწყული თავისი აზრით ობიექტურია და შეუძლია მნიშვნელოვნად შეცვალოს სხვების ცხოვრება უკეთესობისკენ.თევზები ემოციურ თევზებს შეუძლიათ სხვადასხვა რიტუალების და შეთქმულების დახმარებით გაასუფთაონ გარშემო არსებული სივრცე უარყოფითი ენერგიისგან. უფრო მეტიც, მათ აქვთ წინასწარმეტყველების ნიჭი. ასეთი ნიჭის წყალობით თევზები სახლისა და ახლობელი ადამიანების დამცველები ხდებიან უარყოფითი გავლენისგან.

საზოგადოება • 1713869754

ქათმის ფილეს ნიმუშებში სალმონელოზი გამოვლინდა

სურსათის ეროვნული სააგენტოს უფლებამოსილმა პირებმა საზოგადოებრივი კვების ობიექტში - პიცერია „TASHIR PIZZA GEORGIA“-ში (ს/კ 400016647; ფაქტობრივი მისამართი: ქ. თბილისი, რუსთაველის გამზ. N2/4) გაყინული ქათმის მკერდის ფილეს ნიმუშები აიღეს. ლაბორატორიული კვლევის შედეგად გამოვლინდა პათოგენური მიკროორგანიზმი სალმონელა, სეროტიპი - Salmonella typhimurium.პიცერიაში ჩატარდა ინსპექტირება, რომლის შედეგად დადგინდა, რომ ქათმის გაყინული ფილეს მიმწოდებელია შპს „სიფუდ გრუპ თელავი“ (ს/კ 431167364, მის: თელავის რაიონი, სოფ. კისისხევი, მწარმოებელი შპს QINGDAO CHIA TAI CO., LTD, ქარხნის კოდი 3700/03262). სააგენტომ შპს „TASHIR PIZZA GEORGIA“-ს ყველა ფილიალს დაავალა დარჩენილი სურსათის პარტიის აღრიცხვა და აღნიშნული მიმწოდებლისგან სურსათის მიღების დროებით შეზღუდვა, ხოლო შპს „სიფუდ გრუპ თელავს“ აეკრძალა აღნიშნული სურსათის (გაყინული ქათმის მკერდის ფილე, დამზადების თარიღი: 07.12.2023 წ. ვარგისიანობის ვადა: 06.06.2025 წ.) ბაზარზე განთავსება და დაევალა ბაზარზე უკვე განთავსებული სურსათის ამოღება, პარტიებად დასაწყობება, რაოდენობის აღრიცხვა და მიღებული ზომების თაობაზე სააგენტოს დაუყოვნებლივ ინფორმირება; ასევე უმოკლეს ვადაში იმ ბიზნესოპერატორების საიდენტიფიკაციო მონაცემების გადაცემა, ვისაც მიაწოდა აღნიშნული სურსათი.გარდა ამისა, სურსათის ეროვნული სააგენტოს კახეთის რეგიონული სამმართველოს უფლებამოსილმა პირებმა შპს „სიფუდ გრუპ თელავიდან“ აიღეს გაყინული ქათმის მკერდის ფილეს ნიმუშები. ლაბორატორიული კვლევის შედეგად ხუთივე ნიმუშში აღმოჩნდა პათოგენური მიკროორგანიზმი სალმონელა, სეროტიპი - Salmonella typhimurium. აღნიშნულიდან გამომდინარე, შპს „სიფუდ გრუპ თელავს“ შეუჩერდა საწარმოო პროცესი და დაჯარიმდა 1000 ლარით "სურსათის/ცხოველის საკვების უვნებლობის, ვეტერინარიისა და მცენარეთა დაცვის კოდექსის" 66-ე მუხლის მესამე ნაწილის შესაბამისად.სალმონელოზი ბაქტერიოლოგიური ეტიოლოგიის ზოონოზური დაავადებაა, რომელიც ადამიანს სურსათისგან, განსაკუთრებით ხორცისა და მისგან დამზადებული პროდუქტისგან გადაეცემა. დაავადების გამომწვევი სალმონელები მიეკუთვნებიან ენტერობაქტერიების ოჯახს და სალმონელების გვარს, რომელიც 2500-ზე მეტ სეროვარს მოიცავს, უმრავლესობა პათოგენურია როგორც ადამიანისთვის, ისე ცხოველებისა და ფრინველებისათვის. სალმონელოზის პრევენციის მიზნით, მნიშვნელოვანია სურსათის წარმოების მთლიან ჯაჭვში (სასაკლაო, ხორცისა და ხორცის პროდუქტების გადამამუშავებელი, სარეალიზაციო და საზკვების ობიექტები) წარმოების და ჰიგიენის სანიმუშო პრაქტიკის დანერგვა.

სამართალი • 1713777635

საოკუპაციო ძალებმა სოფელ დირბის მიმდებარედ უკანონოდ დააკავეს საქართველოს ორი მოქალაქე - სუსი

სახელმწიფო უსაფრთხოების სამსახურის ინფორმაციით, რუსეთის საოკუპაციო ძალების წარმომადგენლებმა ქარელის მუნიციპალიტეტის სოფელ დირბის მიმდებარედ უკანონოდ დააკავეს საქართველოს ორი მოქალაქე.მათივე ცნობით, აღნიშნული ინციდენტის შესახებ ინფორმაციის მიღებისთანავე სახელმწიფო უსაფრთხოების სამსახურის მიერ გააქტიურდა ევროკავშირის სადამკვირვებლო მისიის მიერ ოპერირებული „ცხელი ხაზი“.„ინფორმაცია უკანონო დაკავების მორიგი ფაქტის შესახებ დაუყოვნებლივ ეცნობა ჟენევის საერთაშორისო დისკუსიების თანათავმჯდომარეებსა და საერთაშორისო პარტნიორებს. ამოქმედებულია ყველა არსებული მექანიზმი უკანონოდ დაკავებული საქართველოს მოქალაქეების უმოკლეს ვადებში გასათავისუფლებლად. საქართველოს ოკუპირებულ ტერიტორიებზე, ისევე როგორც საოკუპაციო ხაზის გასწვრივ ჩადენილ ყველა დესტრუქციულ ქმედებაზე პასუხისმგებლობა ეკისრება რუსეთის საოკუპაციო ძალას“, – აღნიშნულია სუს-ის ინფორმაციაში.

პროკურატურამ ქორწინების იძულების ფაქტზე ერთ პირს ბრალდება წარუდგინა

სამართალი • 1713775100

პროკურატურის მიერ წარდგენილი მტკიცებულებების საფუძველზე, სასამართლომ როინ შავაძის მკვლელობის საქმეზე კონსტიტუციური უსაფრთხოების დეპარტამენტის აჭარის მთავარი სამმართველოს უფროსი და ოთხი სპეცრაზმელი დამნაშავედ ცნო

თბილისის საქალაქო სასამართლომ სრულად გაიზიარა პროკურატურის მიერ წარდგენილი მტკიცებულებები და 2008 წლის აგვისტოს ომის მონაწილის როინ შავაძის განზრახ უკანონო დაკავებისა და უმწეო მდგომარეობაში მყოფის ჯგუფური მკვლელობის, ასევე სამსახურებრივი უფლებამოსილების ძალადობით გადამეტების ფაქტზე, კონსტიტუციური უსაფრთხოების დეპარტამენტის აჭარის მთავარი სამმართველოს უფროსი და ოთხი სპეცრაზმელი დამნაშავედ ცნო.საქართველოს პროკურატურის მიერ ჩატარებული გამოძიებით დადგენილია, რომ 2008 წლის 16 აგვისტოს, კონსტიტუციური უსაფრთხოების დეპარტამენტის აჭარის ავტონომიური რესპუბლიკის მთავარი სამმართველოს თანამშრომლები, ამავე სამმართველოს უფროსისა და მისი მოადგილის ხელმძღვანელობით, თითქოსდა ოპერატიული ინფორმაციის საფუძველზე, უცხო ქვეყნის სპეცსამსახურებთან თანამშრომლობის ბრალდებით, ქალაქ ბათუმში, კაფეში მყოფ როინ შავაძეს თავს დაესხნენ და ავტომატის კონდახების გამოყენებით სასტიკად გაუსწორდნენ.როინ შავაძემ ძალადობის შედეგად სიცოცხლისთვის სახიფათო, სხეულის მძიმე ხარისხის დაზიანებები მიიღო. სპეცდანიშნულების რაზმის წევრებმა თავდასხმის შედეგად გონებადაკარგული როინ შავაძე ავტომობილით შემთხვევის ადგილიდან წაიყვანეს და აჭარა-გურიის საზღვართან ავტომატური ცეცხლსასროლი იარაღებიდან მრავალჯერადი გასროლებით მოკლეს.თბილისის საქალაქო სასამართლომ ხუთივე ბრალდებული სრულად ცნო დამნაშავედ წარდგენილ ბრალდებებში და სასჯელის სახედ და ზომად 16-16 წლით თავისუფლების აღკვეთა განუსაზღვრა. დანიშნული სასჯელი ,,ამნისტიის შესახებ“ კანონით შემცირდა და საბოლოოდ ბრალდებულებს 12 -12 წლით თავისუფლების აღკვეთა მიესაჯათ.საზოგადოებას შევახსენებთ, რომ აღნიშნულ საქმეზე სისხლისსამართლებრივი დევნა ჯამში 12 პირის მიმართ დაიწყო. აქედან, კონსტიტუციური უსაფრთხოების დეპარტამენტის აჭარის მთავარი სამმართველოს უფროსის მოადგილის და ერთი სპეცრაზმელის საქმე, უკვე განიხილა ნაფიც მსაჯულთა სასამართლომ და ორივე ბრალდებული სრულად ცნო დამნაშავედ წარდგენილ ბრალდებებში. მოცემულ ეტაპზე სისხლის სამართლის საქმეზე გამოძიება გრძელდება, დანაშაულში მონაწილე სხვა პირთა გამოვლენის და მხილების მიზნით.

სამართალი • 1713774991

სასამართლომ როინ შავაძის ჯგუფური მკვლელობის, ასევე სამსახურებრივი უფლებამოსილების ძალადობით გადამეტების ფაქტზე ოთხი სპეცრაზმელი დამნაშავედ ცნო

თბილისის საქალაქო სასამართლომ სრულად გაიზიარა პროკურატურის მიერ წარდგენილი მტკიცებულებები და 2008 წლის აგვისტოს ომის მონაწილის როინ შავაძის განზრახ უკანონო დაკავებისა და უმწეო მდგომარეობაში მყოფის ჯგუფური მკვლელობის, ასევე სამსახურებრივი უფლებამოსილების ძალადობით გადამეტების ფაქტზე, კონსტიტუციური უსაფრთხოების დეპარტამენტის აჭარის მთავარი სამმართველოს უფროსი და ოთხი სპეცრაზმელი დამნაშავედ ცნო. ამის შესახებ ინფორმაციას საქართველოს პროკურატურა ავრცელებს.უწყების ცნობით, მათ სასჯელის სახედ და ზომად 16-16 წლით თავისუფლების აღკვეთა განუსაზღვრა, დანიშნული სასჯელი ,,ამნისტიის შესახებ“ კანონით შემცირდა და საბოლოოდ ბრალდებულებს 12 -12 წლით თავისუფლების აღკვეთა მიესაჯათ.„საქართველოს პროკურატურის მიერ ჩატარებული გამოძიებით დადგენილია, რომ 2008 წლის 16 აგვისტოს, კონსტიტუციური უსაფრთხოების დეპარტამენტის აჭარის ავტონომიური რესპუბლიკის მთავარი სამმართველოს თანამშრომლები, ამავე სამმართველოს უფროსისა და მისი მოადგილის ხელმძღვანელობით, თითქოსდა ოპერატიული ინფორმაციის საფუძველზე, უცხო ქვეყნის სპეცსამსახურებთან თანამშრომლობის ბრალდებით, ქალაქ ბათუმში, კაფეში მყოფ როინ შავაძეს თავს დაესხნენ და ავტომატის კონდახების გამოყენებით სასტიკად გაუსწორდნენ.როინ შავაძემ ძალადობის შედეგად სიცოცხლისთვის სახიფათო, სხეულის მძიმე ხარისხის დაზიანებები მიიღო. სპეცდანიშნულების რაზმის წევრებმა თავდასხმის შედეგად გონებადაკარგული როინ შავაძე ავტომობილით შემთხვევის ადგილიდან წაიყვანეს და აჭარა-გურიის საზღვართან ავტომატური ცეცხლსასროლი იარაღებიდან მრავალჯერადი გასროლებით მოკლეს.თბილისის საქალაქო სასამართლომ ხუთივე ბრალდებული სრულად ცნო დამნაშავედ წარდგენილ ბრალდებებში და სასჯელის სახედ და ზომად 16-16 წლით თავისუფლების აღკვეთა განუსაზღვრა. დანიშნული სასჯელი ,,ამნისტიის შესახებ“ კანონით შემცირდა და საბოლოოდ ბრალდებულებს 12 -12 წლით თავისუფლების აღკვეთა მიესაჯათ.საზოგადოებას შევახსენებთ, რომ აღნიშნულ საქმეზე სისხლისსამართლებრივი დევნა ჯამში 12 პირის მიმართ დაიწყო. აქედან, კონსტიტუციური უსაფრთხოების დეპარტამენტის აჭარის მთავარი სამმართველოს უფროსის მოადგილის და ერთი სპეცრაზმელის საქმე, უკვე განიხილა ნაფიც მსაჯულთა სასამართლომ და ორივე ბრალდებული სრულად ცნო დამნაშავედ წარდგენილ ბრალდებებში. მოცემულ ეტაპზე სისხლის სამართლის საქმეზე გამოძიება გრძელდება, დანაშაულში მონაწილე სხვა პირთა გამოვლენის და მხილების მიზნით“, - ნათქვამია ინფორმაციაში.

ომი უკრაინაში • 1713766020

ამერიკის დახმარება, უკრაინას გამარჯვების შანსს მისცემს - ზელენსკი

ამერიკის დახმარება, უკრაინას გამარჯვების შანსს მისცემს, - ამის შესახებ ვოლოდიმირ ზელენსკიმ NBC News-თან ინტერვიუში განაცხადა.უკრაინის პრეზიდენტმა ამერიკელ კონგრესმენებს უკრაინის სამხედრო დახმარების დამტკიცებისთვის მადლობა გადაუხადა და იმედი გამოთქვა, რომ კიევი დახმარებას უმოკლეს დროში მიიღებს.უკრაინის დახმარების 61 მილიარდიანი პაკეტი კონგრესის წარმომადგენელთა პალატამ 20 აპრილს დაამტკიცა, ხვალ კი მას სენატში დაამტკიცებენ, რის შემდეგაც, ხელმოსაწერად პრეზიდენტ ბაიდენს გადაეგზავნება.

მსოფლიო • 1713702094

მექსიკაში მერობის ორი კანდიდატი მოკლეს - DW

DW-ის ცნობით, მექსიკაში მერობის ორი კანდიდატი მოკლეს. არსებული ინფორმაციით, ერთ-ერთი მათგანი ნოე რამოსია. მას ტამაულიპას შტატის ქალაქ სიუდად მანტეში, ცივი იარაღით მაშინ დაესხნენ თავს, როდესაც წინასაარჩევნო კამპანიის ფარგლებში ადგილობრივ მოსახლეობას ხვდებოდა. სამართალდამცველები ეჭვმიტანილს ეძებენ.რაც შეეხება მერობის მეორე კანდიდატს, ალბერტო ანტონიო გარსიას, რომელიც ოახაკას ქალაქ სან ხოსე ინდიპენსიას მერობისთვის იბრძოდა, ის ოთხშაბათს გაუჩინარდა. დღეს კი გარდაცვლილი იპოვეს.როგორც მედია წერს, 2024 წლის საყოველთაო არჩევნებში მონაწილე მოკლულ პოლიტიკოსთა რიცხვმა 17-ს მიაღწია.

მსოფლიო • 1713511316

ლეკვი სასეირნოდ წაიყვანა და გაუჩინარდა... - 4 წლის წინ გაუჩინარებული ბიჭის ცხედარი სხვენში იპოვეს

2020 წლის აგვისტოდან დაკარგული ბიჭი იპოვეს იმ ბინის სხვენში, სადაც ის ბოლოს ნახეს. ამის შესახებ უცხოური მედია წერს. ორშაბათს ბუფალოს პოლიციის დეპარტამენტმა პრესკონფერენციაზე გამოაცხადა, რომ 12 წლის ჯეილენ გრიფინის ცხედარი გასულ პარასკევს სამწელიწადნახევრიანი ძებნის შემდეგ იპოვეს. გამოძიების ინფორმაციით ბიჭის ძმა ჯავაანი სახლის წინ მოკლეს 2020 წელს - სამი თვის შემდეგ, რაც მისი 12 წლის ძმა გაუჩინარდა. გრიფინის დედა, ჯოან პონზო, 2023 წლის სექტემბერში გარდაიცვალა. ბიჭის ცხედრის ამოსაცნობად სტომატოლოგიური ჩანაწერები გახდა საჭირო.როგორც მეზობლები ამბობენ, სახლში, სადაც ბიჭის ცხედარი იპოვეს, ადამიანები ხშირად მოძრაობდნენ. პოლიციამ ფულადი ჯილდოც კი დააწესა ინფორმაციის სანაცვლოდ - თუ ვინმეს რაიმე ცნობა აქვს ამ საქმესთან დაკავშირებით.