სამართალი • 1775219336

მეტყველების უნარი მაქვს დაქვეითებული, უშუალოდ ჩემი შვილის მკვლელობის სურათი ნანახი არ მქონდა... - მოკლული გიგა ავალიანის დედა

გიგა ავალიანის საქმეზე მორიგი პროცესი გაიმართა. დასკვნითი სიტყვა ბრალდების მხარემ წარმოთქვა. სხდომას ესწრებოდა გიგა ავალიანის დედა.გიგა ავალიანის დედის, ეკა კუპატაძის თქმით, ალექსანდრე გაბაშვილს ტელეფონში ძალადობებზე მთელი ფილმი ჰქონდა შენახული."მე, გიგა ავალიანის დედამ, ვუყურე როგორ მოკლეს ჩემი შვილი და ვამბობ სიტყვას - მაგრამ, ამას იმიტომ ვამბობ, რომ ბოლო ნაწილში იყო გაშვებული ის ვიდეო, რაც მე ნანახი არ მქონდა. ფილმი ჰქონდა ალექსანდრე გაბაშვილს ტელეფონში ამ ძალადობებზე და რამდენი წუთი მიმდინარეობდა ეს ფილმი, არ ვიცი. მე ამას გარედან ვუყურებდი. ამაზრზენი იყო, ამათი გამოსწორება არ იქნება, ციხეს მაშინ აქვს აზრი, წლებს მაშინ აქვს აზრი თუ ის გამოასწორებს", - განაცხადა ავალიანის დედამ.საქმის პროკურორის, ქეთევან სონიძის თქმით, ეს იყო ძალიან ინფორმატიული, მოცულობითი და შინაარსიანი სიტყვა, სასამართლო დარწმუნდა და არავის გაუჩნდება უსამართლობის შეგრძნება, თუ რატომ უნდა დაისაჯონ ეს არასრულწლოვანები ჩადენილი დანაშაულის გამო."ბრალდების მხარემ წარადგინა თავისი დასკვნით სიტყვა გიგა ავალიანის ჯანმრთელობის დაზიანების ფაქტთან დაკავშირებით და იმ მრავალ ეპიზოდიან ძალადობებთან დაკავშირებითაც, ასევე, ბრალად ედებოდათ წარმოდგენილ ბრალდებულებს. მოგეხსენებათ, რომ ეს იყო ძალიან ინფორმატიული მოცულობითი და შინაარსიანი სიტყვა, ვინაიდან აღნიშნულ მტკიცებულებების განხილვისას, სასამართლო დარწმუნდა და არავის გაუჩნდება უსამართლობის შეგრძნება, მათ შორის, აღარც ბრალდებულებს, აღარც მათი ოჯახის წევრებს, აღარც მართლმსაჯულების განმხორციელებელ ორგანოს და აღარც დაზარალებულს, თუ რატომ უნდა დაისაჯონ ეს არასრულწლოვანები ჩადენილი დანაშაულის გამო, სწორედ იმ კვალიფიკაციით, იმ ბრალდებისთვის და უნდა მიიღონ სასჯელის უმაღლესი ზომა, რასაც ისინი საკუთარი ქმედებებიდან გამომდინარე იმსახურებდნენ", - განაცხადა პროკურორმა.საქმეზე ჯამში 4 პირია დაკავებული. მათგან ერთს ბრალი წარდგენილი აქვს მუხლით, რაც ჯანმრთელობის განზრახ მძიმე დაზიანებას გულისხმობს, რამაც გამოიწვია სიცოცხლის მოსპობა. კიდევ ორ არასრულწლოვანს გამოძიება ედავება ჯანმრთელობის განზრახ მძიმე დაზიანებას ჯგუფურად.ცნობისთვის, გიგა ავალიანის გარდაცვალების საქმეზე სამართალდამცავებმა ჯამში 4 პირი დააკავეს. მათგან ალექსანდრე გაბაშვილს საქართველოს სისხლის სამართლის კოდექსის 117-ე მუხლის მე-2 ნაწილით წარედგინა ბრალდება, რაც ჯანმრთელობის განზრახ მძიმე დაზიანებას გულისხმობს, რამაც გამოიწვია სიცოცხლის მოსპობა, ხოლო გიორგი რიკაძეს და კიდევ ორ არასრულწლოვანს ბრალდება წარდგენილი ჰქონდათ სისხლის სამართლის კოდექსის 376-ე მუხლის პირველი ნაწილით, რაც დანაშაულის შეუტყობინებლობას გულისხმობს იმის მიერ, ვინც ნამდვილად იცის, რომ მზადდება და ჩადენილია მძიმე დანაშაული.არსებული ინფორმაციით, ახალგაზრდა მასწავლებლის, გიგა ავალიანის მკვლელობის საქმეზე დაკავებული ოთხი არასრულწლოვანიდან ორს ბრალდება დაუმძიმდა.არსებული ცნობებით, საქმე ეხება დ.ჩ.-სა და ა.ნ.-ს, რომელთაც პროკურატურა თავდაპირველად დანაშაულის შეუტყობინებლობას ედავებოდა. დ.ჩ.-ს გამოძიება ახლა ედავება ჯანმრთელობის განზრახ მძიმე დაზიანებას ჯგუფურად.ამასთან, ა.ნ.-ს პროკურატურა მძიმე დანაშაულის შეუტყობინებლობას ედავებოდა, ახლა განსაკუთრებით მძიმე დანაშაულის შეუტყობინებლობისთვის წაუყენეს ბრალი, რაც უფრო მძიმე მუხლია და ისჯება თავისუფლების აღკვეთით ვადით სამიდან 7 წლამდე.

პოლიტიკა • 1775214621

მიხეილ ყაველაშვილი: წინა ხელისუფლების წარმომადგენლებმა 26 მაისის ღამეს ჩვენი მოქალაქეები ცემაში მოკლეს და ბედავენ მასშტაბურ ეროვნულ აქციებზე საუბარს, ეს წარმოუდგენელია

უკრაინაში საომარი ვითარების შემდეგ კიდევ უფრო მკაფიოდ გამოიკვეთა ისეთი ძალების არსებობა, რომლებიც პირდაპირ ზეწოლას ახორციელებდნენ ჩვენს ხელისუფლებაზე, – ამის შესახებ საქართველოს პრეზიდენტმა, მიხეილ ყაველაშვილმა სლოვაკეთში ქართველ ჟურნალისტებს განუცხადა.ყაველაშვილს კითხვა დაუსვეს ნიდერლანდების პარლამენტში საგარეო ურთიერთობათა კომიტეტზე „საერთაშორისო გამჭვირვალობა საქართველოს“ დირექტორის, ეკა გიგაურის განცხადებაზე.„ეს არ არის ახალი ჩვენი საზოგადოებისთვის, ჩვენთვის – მით უმეტეს. განსაკუთრებით უკრაინაში საომარი ვითარების შემდეგ კიდევ უფრო მკაფიოდ გამოიკვეთა ამ ძალების არსებობა. მათ აღარ დამალეს და პირდაპირი ზეწოლა ხორციელდებოდა ჩვენს ხელისუფლებაზე – რა თქმა უნდა, გარედან და აქაც, არასამთავრობოებისა და რადიკალური ოპოზიციის საშუალებით. ვხედავდით, არაერთხელ დაისვა კითხვა, რას ითხოვდნენ ომის პირველ დღეებში საქართველოს ხელისუფლებისგან. აქციებიც მოაწყვეს და დღეს თითქოს ჩუმად არიან, თითქოს სხვა პროტესტი ჰქონდათ. ხომ ვიცით, რა უნდოდათ. უნდოდათ, სანქციები დაგვეწესებინა რუსეთისთვის, მოხალისეები გაგვეგზავნა და იარაღი გაგვეგზავნა უკრაინისთვის. არაერთხელ მითქვამს, რომ დაახლოებით ერთ კვირაში ამერიკის პრეზიდენტმაც აღნიშნა – მოხალისეების გაგზავნა ნებისმიერი მთავრობის მხრიდან ნიშნავს, რომ ქვეყანა ომში ერთვება. სწორედ ამას ითხოვდნენ ეს ადამიანები, რომლებიც დღესაც აქციებზე დადიან. როცა ამბობენ – ომი გინდათ, ომს ვინ ითხოვდაო, ეს ხომ ომში ჩართვა იყო პირდაპირი მნიშვნელობით.იმას აღარ ვამბობ, კულუარებში რას ითხოვდნენ. ჩვენ ამას გავუძელით. მაგრამ საზოგადოებამ დაინახა, რომ ამ რადიკალურ ფრთას არავითარი შესაძლებლობები არ აქვს. მათი ერთადერთი შესაძლებლობაა, სამწუხაროდ, სწორედ გარე ძალების მიერ მათი დაფინანსება, რომელსაც ჩვენ კანონის საშუალებით ვამხელთ. როგორ წარმოგიდგენიათ, დამოუკიდებელი ქვეყანა, რომელსაც აქვს თავისი პოლიტიკა და პოლიტიკური პარტიები, მათი არსებობა სხვა ქვეყნის დაფინანსებით ხდებოდეს. ეს ხომ წარმოუდგენელია. არასამთავრობო ორგანიზაციები, რომლებიც თითქოს ქვეყნის განვითარებას ემსახურებოდნენ, კრიტიკულ ვითარებაში დავინახეთ, მათი ქმედებები. აქციებზე მათი დიდი ნაწილი იყო გამოსული, მართლა წარმოუდგენელი ფაქტი იყო, როცა ავიდნენ პოლიტიკურ სცენაზე და ხელისუფლების გადაბარებაზე ჰქონდათ აქცენტი“, – აღნიშნა ყაველაშვილმა.ამასთან, მისი თქმით, „ოპოზიციის ალიანსში“ გაერთიანებული არიან წინა ხელისუფლების წარმომადგენლები.„იმ ხალხში, რომელიც დღეს შეიკრიბა, ვინ არის ახალი? ისინი წინა ხელისუფლების წარმომადგენლები არიან. ზოგიერთი ახალგაზრდა ამბობს, მაშინ პატარა ვიყავი და არაფერი მახსოვსო, შევახსენებ, იცოდნენ მათი დანაშაულები. ამ ადამიანების უმრავლესობა „ნაციონალური მოძრაობის“ წევრი იყო. 26 მაისის ღამეს ჩვენი მოქალაქეები ცემაში მოკლეს – ორი ადამიანი გარდაიცვალა, ხანდაზმულები ძირს დაყრილები, დასისხლიანებულები იყვნენ. ახლა ციხეში მყოფმა მიხეილ სააკაშვილმა აღლუმი ჩაატარა ჩვენი ხანდაზმული ადამიანების სისხლზე. ეს ადამიანები ბედავენ 26 მაისზე საუბარს და მასშტაბურ ეროვნულ აქციებს – ეს წარმოუდგენელია“, – აღნიშნა ყაველაშვილმა.პრეზიდენტის თქმით, პატრიარქის გარდაცვალების შემდეგ, ყველამ დაინახა ქართველი ხალხის განწყობა. მისივე თქმით, დღეს ერი და ბერი ერთად დგას.„მთავარია, საზოგადოება იყოს ინფორმირებული. პარალელის გავლება მარტივად შეიძლება. მაგალითად, ჩვენი უწმინდესისა და უნეტარესის გარდაცვალების გამო ყველა განცვიფრებული ვართ. ერთი კვირის განმავლობაში მუდმივი კონტაქტი მქონდა სასულიერო პირებთან და ისინიც განცვიფრებული, შოკში იყვნენ, რაც საქართველოში ხდებოდა. ეს აჩვენებს, რომ ამ უდიდეს პიროვნებას ასეთი ძალა ჰქონდა, ასეთ სიყვარულს აფრქვევდა. გარდა ამისა, დავინახეთ ხალხის განწყობა არა მხოლოდ საქართველოში, არამედ მის ფარგლებს გარეთაც. ყველა განცვიფრებულია, როგორი მასშტაბური მოვლენა მოხდა ჩვენი პატრიარქის გარდაცვალების დროს. სწორედ ამას ვიცავთ ჩვენ. რა თქმა უნდა, შეცდომების გარეშე ვერც ერთი ხელისუფლება ვერ არსებობს. მთავარი საკითხი რა არის, იცით? ბოლო წლების მოვლენებს კარგად თუ გადავავლებთ თვალს, ხელისუფლება შეცდომებს უშვებს, მაგრამ ძალიან დიდი მნიშვნელობა აქვს, როცა ის უსმენს ხალხს და ისეთ ინსტიტუციებს, რომლებიც მაღალი ავტორიტეტით სარგებლობენ. ეს ჩვენმა ხელისუფლებამ შეძლო – დღეს ერი და ბერი ერთად დგას და სწორედ ამას ვიცავთ.ყველამ დაინახა, სად უნდა იყოს საქართველო, რას უნდა იცავდეს ქართველი ადამიანი და როგორი ქვეყნის აშენება გვინდა. აქ პოლიტიკური განსხვავება არ იყო, ეს იყო ეროვნული საკითხი – რომ არაფრის დიდებით არ დავთმობთ ჩვენს მამულს, რწმენას, ენას, კულტურას და ტრადიციებს. ეს იყო გამოხატული ბოლო წლებში ჩვენი უწმინდესისა და უნეტარესის მიერ. სწორედ ამ ღირებულებების გარშემო ვიბრძვით პოლიტიკურ ველზე. გუშინდელი ჩემი შეხვედრაც ამ თემებს ეხებოდა. რა თანხვედრა გვაქვს, რას იცავს სლოვაკეთი – ეროვნული ინტერესები, ტრადიციები, ოჯახური ღირებულებები. ეს ის საკითხებია, რომლებიც ყველა ქვეყანას აწუხებს, მით უმეტეს, პატარა ქვეყნებს“, – განაცხადა მიხეილ ყაველაშვილმა სლოვაკეთში ქართველ ჟურნალისტებთან.

მსოფლიო • 1775133069

ფლორიდის შტატის ქალაქ კორალ სპრინგის ვიცე-მერი მოკლეს, მკვლელობაში ეჭვმიტანილია მისი მეუღლე, რომელიც სამართალდამცველებმა დააკავეს

 ფლორიდის შტატის, კორალ სპრინგის ვიცე-მერი ნენსი მეთაიერ ბოუენი მოკლეს. გავრცელებული ცნობით, ის ფემიციდის მსხვერპლია.მკვლელობაში ეჭვმიტანილია ნენსი მეთაიერ ბოუენის მეუღლე, რომელიც სამართალდამცველებმა დააკავეს.38 წლის ნენსი მეთაიერ ბოუენი პირველი აფროამერიკელი და ჰაიტური წარმოშობის ქალი იყო ამ თანამდებობაზე.ნენსი მეთაიერ ბოუენი 2020 წელს კომისრად აირჩიეს, 2024 წელს კი, ვიცე-მერად დაასახელეს.ქალაქი კორალ სპრინგი მაიამიდან 70 კმ-ის დაშორებით მდებარეობს. მისი მოსახლეობა 134 000-ს შეადგენს. ფლორიდის შტატის, კორალ სპრინგის ვიცე-მერი ნენსი მეთაიერ ბოუენი მოკლეს. გავრცელებული ცნობით, ის ფემიციდის მსხვერპლია.მკვლელობაში ეჭვმიტანილია ნენსი მეთაიერ ბოუენის მეუღლე, რომელიც სამართალდამცველებმა დააკავეს.38 წლის ნენსი მეთაიერ ბოუენი პირველი აფროამერიკელი და ჰაიტური წარმოშობის ქალი იყო ამ თანამდებობაზე.ნენსი მეთაიერ ბოუენი 2020 წელს კომისრად აირჩიეს, 2024 წელს კი, ვიცე-მერად დაასახელეს.ქალაქი კორალ სპრინგი მაიამიდან 70 კმ-ის დაშორებით მდებარეობს. მისი მოსახლეობა 134 000-ს შეადგენს.

მსოფლიო • 1775023913

შვეიცარიული მედია: ტრამპი ირანთან დაკავშირებით „პირველი რიგის დილემის“ წინაშე დგას

შვეიცარიული გამოცემა Neue Zürcher Zeitung-ი წერს, რომ აშშ-ის პრეზიდენტი, დონალდ ტრამპი ირანის წინააღმდეგ ომში მასიურ ესკალაციასა და საჰაერო დარტყმების მკვეთრ შეწყვეტას შორის მერყეობს, თუმცა, ზესახელმწიფოს ძნელად თუ შეუძლია საომარი მოქმედებების ცალმხრივი შეწყვეტა ჰორმუზის სრუტის გახსნის გარეშე.როგორც გამოცემა წერს, უკვე ერთი თვეა, აშშ და ისრაელი დაუნდობელ საჰაერო ომს აწარმოებენ ირანის წინააღმდეგ. მათ მოკლეს უზენაესი ლიდერი, ალი ხამენეი და გაანადგურეს ირანის ფლოტი, სარაკეტო ცენტრები და იარაღის ინდუსტრია. თუმცა, სტრატეგიულ დონეზე ვაშინგტონმა ჯერჯერობით დიდად ვერაფერს მიაღწია. პირიქით, რეჟიმის „თავის მოკვეთამ“, როგორც ჩანს, გააძლიერა თეირანში მკაცრი ხაზის მომხრეების გავლენა. ტრამპის ადმინისტრაციამ ბაზრების დასამშვიდებლად ირანის წინააღმდეგ ნავთობის სანქციების მოხსნა იძულებული გახდა. გამოცემის ცნობით, ჰორმუზის სრუტის შერჩევითი დახურვით, აშშ და მისი მოკავშირეები სერიოზული პრობლემის წინაშე დგანან, რომელიც ომამდე არ არსებობდა.“მიმდინარე ვითარებაში ამერიკის პრეზიდენტს თითქმის აღარ დარჩა კარგი არჩევანი, თუ რეჟიმი დაბომბვებს კვლავ გაუძლებს: ომის მასშტაბური ესკალაცია, ზავი თეირანის პირობებით ან საჰაერო იერიშების ცალმხრივი შეწყვეტა. რომელ გზას აირჩევს დონალდ ტრამპი, ამ ეტაპზე მხოლოდ თავად მან იცის. რიტორიკულად ის ყველა ვარიანტს ღიად ტოვებს. ომის შედეგების შელამაზებითა და მიზნების გადახედვით, ის ნიადაგს ამზადებს, რათა ნებისმიერ შემთხვევაში ამომრჩევლებს ეს გამარჯვებად წარუდგინოს. ამავე დროს, ის თეირანს კიდევ უფრო დამანგრეველი საჰაერო იერიშებით ემუქრება”, - წერს Neue Zürcher Zeitung.

მსოფლიო • 1774971540

ევროკავშირის საგარეო საქმეთა მინისტრები ბუჩაში ვიზიტის შემდეგ ერთობლივ განცხადებას ავრცელებენ

ევროკავშირის საგარეო საქმეთა მინისტრები ბუჩაში ვიზიტის შემდეგ ერთობლივ განცხადებას ავრცელებენ. განცხადებას ევროკავშირის წევრი ყველა ქვეყანა უერთდება უნგრეთის გარდა.მინისტრები აცხადებენ, რომ რუსეთმა 2022 წელს ბუჩაში მასობრივი მკვლელობა მოაწყო, რაზეც მას პასუხისმგებლობა ეკისრება.„დღეს კიევსა და ბუჩაში შევიკრიბეთ, რათა პატივი მივაგოთ ბუჩაში ჩადენილი მასობრივი სისასტიკის მსხვერპლებს, რომლებიც რუსეთმა ჩაიდინა კიევის რეგიონის ნაწილების დროებითი ოკუპაციის დროს 2022 წელს. ჩვენ პატივს მივაგებთ ბუჩასა და უკრაინის სხვა ქალაქებში, დაბებსა და სოფლებში მომხდარი ხოცვა-ჟლეტის ყველა მსხვერპლის ხსოვნას, სადაც მშვიდობიანი მოსახლეობა მასობრივი მკვლელობების, წამების, სექსუალური ძალადობის, იძულებითი დეპორტაციისა და საერთაშორისო ჰუმანიტარული და ადამიანის უფლებების სამართლის სხვა მძიმე დარღვევების მსხვერპლი გახდა. რუსული ძალების გასვლის შემდეგ შეგროვებული მტკიცებულებები ხაზს უსვამს სრული და ყოვლისმომცველი პასუხისმგებლობის უზრუნველყოფის აუცილებლობას“, – ნათქვამია განცხადებაში.მინისტრები ასევე აცხადებენ, რომ ისინი უკრაინის მხარდაჭერას გააგრძელებენ.„რუსეთის აგრესიული ომის ამ მეხუთე წელს ჩვენ კიდევ ერთხელ ვადასტურებთ ჩვენს მტკიცე და ურყევ მხარდაჭერას უკრაინის დამოუკიდებლობის, სუვერენიტეტისა და ტერიტორიული მთლიანობის მიმართ მის საერთაშორისოდ აღიარებულ საზღვრებში, გაერთიანებული ერების ორგანიზაციის წესდებისა და საერთაშორისო სამართლის მიზნებისა და პრინციპების შესაბამისად“, – ნათქვამია განცხადებაში.ცნობისთვის, 2022 წლის მარტში მას შემდეგ, რაც უკრაინელებმა ბუჩა დაიბრუნეს, ქალაქში ასობით მოკლული მშვიდობიანი მოქალაქის ცხედარი იპოვეს. უკრაინის ხელისუფლების წარმომადგენლების თანახმად, ბუჩაში 300-ზე მეტი მშვიდობიანი მაცხოვრებელი მოკლეს.

მსოფლიო • 1774948560

ჰაიტის არტიბონიტის რეგიონში თავდასხმის შედეგად, სულ მცირე, 70 ადამიანი დაიღუპა, 30 კი დაშავდა

ჰაიტის არტიბონიტის რეგიონში თავდასხმის შედეგად, სულ მცირე, 70 ადამიანი დაიღუპა, 30 კი დაშავდა. ადამიანის უფლებადამცველი ჯგუფის, Defenseurs Plus-ის განცხადებით, დაღუპულთა რაოდენობა შესაძლოა, გაცილებით მეტი იყოს.ჰაიტის მაცხოვრებლებმა და ოფიციალურმა პირებმა ადგილობრივ მედიას განუცხადეს, რომ თავდასხმა კვირას გამთენიისას, ჟან-დენის მიმდებარე სოფლებში დაიწყო და ორშაბათსაც გაგრძელდა. მათივე თქმით, ბანდების წევრები დასახლებაში შეიჭრნენ და სახლებს ცეცხლი წაუკიდეს.Defenseurs Plus-ის ინფორმაციით, მომხდარის გამო 6 000 ადამიანი იძულებული გახდა, საცხოვრებელი დაეტოვებინა.ჰაიტიში განვითარებულ მოვლენებს გაერთიანებული ერების ორგანიზაციაც გამოეხმაურა. გაერო-ს გენერალური მდივნის პრესსპიკერმა პრესკონფერენციაზე განაცხადა, რომ ორგანიზაციის ოფისი ჰაიტიში მოვლენებს ყურადღებით აკვირდება. მან ადგილობრივ ხელისუფლებას საფუძვლიანი გამოძიებისკენ მოუწოდა.ამასთან, გაერო-ს ბოლო ანგარიშის თანახმად, 2021 წლიდან დღემდე შეიარაღებულმა დაჯგუფებებმა ჰაიტიში თითქმის 20 000 ადამიანი მოკლეს.

პოლიტიკა • 1774946152

თამარ ჩერგოლეიშვილი: მარკო რუბიოს ზარი არის კარგი, ეს ნიშნავს, რომ საქართველოს მიმართ ამერიკის ინტერესები არსებობს

მარკო რუბიოს ზარი არის კარგი, ეს ნიშნავს, რომ საქართველოს მიმართ ამერიკის ინტერესები არსებობს, – ამის შესახებ პარტია „ფედერალისტების“ ლიდერმა, თამარ ჩერგოლეიშვილმა განაცხადა.მისი თქმით, აშშ ირანში სახმელეთო ოპერაციას ამზადებს, თბილისიდან 1000 კილომეტრშია თეირანი და ეს ზარიც ბუნებრივია.„საქართველოს და ირანს შორის უმოკლესი მანძილი არის 160 კილომეტრი. აშშ სახმელეთო ოპერაციას ამზადებს, თბილისიდან 1000 კილომეტრშია თეირანი და ბუნებრივია ეს ზარი. მარკო რუბიოს ზარი არის კარგი, ეს ნიშნავს, რომ ამერიკის ინტერესები საქართველოს მიმართ არსებობს. ჩვენ ძალიან კარგად გვახსოვს 9/11 ის შემდეგ, შევარდნაძის შემდეგ, როგორ დაიწყო წვრთნის და აღჭურვის პროგრამა და ამას ძალიან მალე მოჰყვა ცვლილება და იგივე მოხდება აქაც. საქართველოში რუსული რეჟიმის მარცხი იქნება არა მხოლოდ ქართველი ხალხის არამედ მთელი თავისუფალი სამყაროს გამარჯვება და ამ გამარჯვებას ერთად ვიზეიმებთ“, – განაცხადა თამარ ჩერგოლეიშვილმა.ცნობისთვის, 30 მარტს აშშ-ის სახელმწიფო დეპარტამენტმა გაავრცელა განცხადება, რომ მარკო რუბიოსა და ირაკლი კობახიძეს შორის სატელეფონო საუბარი შედგა. „მათ განიხილეს ორმხრივი ინტერესის სფეროები, მათ შორის კავკასიისა და შავი ზღვის რეგიონში უსაფრთხოება“, – განაცხადა სახელმწიფო დეპარტამენტის წარმომადგენლმა, ტომი პიგოტმა.სატელეფონო ზარს გამოეხმაურა საქართველოს პრემიერ-მინისტრი ირაკლი კობახიძეც, რომელმაც აღნიშნა: „მარკო რუბიოსთან პროდუქტიული საუბარი მქონდა, განვიხილეთ პარტნიორობის გადატვირთვისა და სამხრეთ კავკასიაში საქართველოს როლის გაძლიერების მნიშვნელობა“.

პოლიტიკა • 1774943422

ტრამპისთვის ირანული კამპანიის სწრაფად დასრულება უფრო მომგებიანია, ვიდრე მისი გაჭიანურება - დავით ქართველიშვილი

ირანთან დაკავშირებულ გეოპოლიტიკურ პროცესებსა და აშშ-ის შესაძლო სტრატეგიას გამოეხმაურა პარტია „ხალხის ძალის“ წევრი დავით ქართველიშვილი.მისი შეფასებით, მიმდინარე ვითარებაში აშშ-ის პრეზიდენტის, დონალდ ტრამპის მიდგომა ეფუძნება არა სრულ გამარჯვებას, არამედ დანაკარგების დროულად შეზღუდვას.“ის კი არ იმარჯვებს, ვინც ყველაფერს იგებს — არამედ ის, ვინც დროულად აჩერებს საკუთარი დანაკარგების ზრდას“—  აღნიშნა ექსპერტმა და განმარტა, რომ ტრამპი შესაძლოა მზად იყოს, ირანთან კონფლიქტი შედარებით მოკლე ვადაში დაასრულოს.„სანამ ადგილობრივი “რაგვეშველება”-ს კლასტერში მსჯელობენ, თუ რა დაუთმო კობახიძემ რუბიოს: ხმელეთი — სამხედრო ბაზისთვის, ჰაერი — სამხედრო ავიაციისთვის თუ ნავსადგურები — საზღვაო ქვეითების მისაღებად, ტრამპმა დააანონსა ირანის კამპანიის უმოკლეს ვადაში დასრულება. მის ლოგიკაში ყველაფერი სწორედ ასე გამოიყურება: “ის კი არ იმარჯვებს, ვინც ყველაფერს იგებს — არამედ ის, ვინც დროულად აჩერებს საკუთარი დანაკარგების ზრდას”. 2026 წლის 31 მარტის მდგომარეობით, Reuters-ი WSJ-ზე დაყრდნობით წერს, რომ ტრამპმა უკვე მიანიშნა თავის გარემოცვას: ის მზადაა დაასრულოს ირანთან ომი მაშინაც კი, თუ ორმუზის სრუტეში სრული კონტროლი დაუყოვნებლივ არ აღდგება.ეს არ არის არც კეთილი ნების ჟესტი და არც ჰუმანიზმის გამოხატულება — ეს არის ცივი ანგარიში: კონფლიქტის გაჭიანურება აშშ-სთვის უკვე არა მხოლოდ სამხედრო ხარჯებს შეეხება, არამედ პირდაპირ პოლიტიკურ ზიანსაც მიაყენებს ქვეყნის შიგნით. რატომ არის მისთვის მომგებიანი კამპანიის სწრაფად დასრულება? იმიტომ, რომ ხანგრძლივი ომი ურტყამს ამერიკული პოლიტიკის მთავარ ნერვს — ამომრჩევლის ჯიბეს. 31 მარტის მონაცემებით, აშშ-ში ბენზინის ფასი უკვე 4 დოლარს გადააჭარბა ერთ გალონზე, ხოლო ნავთობის ფასი 100 დოლარზე მაღლა ავიდა. ეს კი ნიშნავს ინფლაციას, მომხმარებლის გაღიზიანებას და პოლიტიკური წნეხის ზრდას. თუ ომი გაგრძელდება, თეთრი სახლი მიიღებს არა „ძლიერი ლიდერის“ იმიჯს, არამედ პრეზიდენტის, რომლის დროსაც ამერიკელი ისევ იხდის გეოპოლიტიკის ფასს ბენზინგასამართ სადგურზე და მაღაზიაში.მეორე, კიდევ უფრო მკაცრი ფაქტორი: გრძელვადიანი ირანული კამპანია თითქმის გარდაუვლად მიიყვანს ვაშინგტონს უფრო სახიფათო სცენარის განვითარებამდე. უკვე განიხილებოდა ხარკის კუნძულის დაკავება და სხვა მაღალი რისკის სახმელეთო ოპერაციები, რაც ზრდის როგორც სამხედროების დანაკარგის, ისე ხანგრძლივი ომის გაფართოების საფრთხეს. რაც უფრო დიდხანს გაგრძელდება კონფლიქტი, მით უფრო გაიზრდება რისკი, რომ ტრამპი გადაიქცევა არა ლიდერად, რომელმაც სწრაფად „დასაჯა და აიძულა შეთანხმებაზე ირანი“, არამედ პრეზიდენტად, რომელიც კიდევ ერთ ახლოაღმოსავლურ ომში გაიჭედა გაურკვეველი შედეგით. მისი ტიპის პოლიტიკოსისთვის — ეს თითქმის ყველაზე უარესი და სუიციდური სცენარია.სწორედ ამიტომ ორმუზის სრუტეზე კონტროლის ნაწილობრივი დაკარგვაც კი შეიძლება იყოს მისთვის მისაღები, მაგრამ იძულებული და შეზღუდული დანაკარგი — ვინაიდან ამის ალტერნატივა ტრამპისთვის უფრო მძიმე სტრატეგიული ჭაობია. დიახ, სრუტე — კრიტიკულია (მასზე გადის მსოფლიო ნავთობის დაახლოებით მეხუთედი), მაგრამ მასზე კონტროლის დროებითი დაკარგვით შედარებით უფრო ძლიერად ზარალდებიან გარე მომხმარებლები: ჩინეთი, იაპონია, სამხრეთ კორეა, ინდოეთი და ევროკავშირი. ტრამპის ცინიკურ, მაგრამ გასაგებ ლოგიკაში ეს ნიშნავს: ამერიკა შესაძლოა დაზარალდეს მოკლევადიან პერსპექტივაში, მაგრამ სხვები გაცილებით უფრო სწრაფად და უფრო ძლიერად წააგებენ. და ეს უკვე შეიძლება ტრამპისთვის გადაიქცეს პოლიტიკურ და გეოეკონომიკურ დამატებით აქტივად.აქედან მოდის მთავარი დასკვნა: ირანული კამპანიის სწრაფად დასრულება ტრამპისთვის უფრო მომგებიანია, ვიდრე მისი ხანგრძლივ ომად გადაქცევა, რადგან მოკლე, თუნდაც არასრულყოფილი ფინალი შეიძლება მის მიერ გასაღებული იქნას როგორც სტრატეგიული „გამარჯვება“, ხოლო გრძელი ომი გარდაიქმნება სისუსტედ და ტაქტიკურ მარცხად. მას ჯერ კიდევ შეუძლია თქვას: ირანი დასჯილია, მიუღებელი რეჟიმი — მისაღები ხელისუფლებით ჩანაცვლდა, ბალისტიკური რაკეტების მარაგი — განახევრდა, ბირთვული პროგრამა — შეჩერებულია, აშშ არ გატყდა — და შემდგომი ჩათრევა ომში საჭირო არ არის. მაგრამ თუ ომი გაიწელება, ანგარიში უკვე წავა არა ირანის განადგურებულ ობიექტებზე, არამედ ამერიკაში ფასების ზრდაზე, ახალ სამხედრო ბიუჯეტებზე და თავად ტრამპის პოლიტიკურ გამოფიტვაზე. მის სისტემაში ეს არის მთავარი კრიტერიუმი — არა იდეალური შედეგი, არამედ დროულად თამაშიდან გამოსვლა იმაზე ნაკლები დანაკარგით, ვიდრე სხვებს მიადგათ,“ — განაცხადა დავით ქართველიშვილმა.

მსოფლიო • 1774903159

" ახლობლებს კუბო დაზიანებული დახვდათ... " - ახალი დეტალები სასტიკად მოკლული 29 წლის მოდელის საქმეში

იტალიაში გამოძიება მიმდინარეობს სასაფლაოზე მომხდარი შოკის მომგვრელი ინციდენტის გამო. მოკლული მოდელის თავი კუბოდან გაუჩინარდა. ამის შესახებ The New York Post იტყობინება.„პამელა ჯენინი, 29 წლის მოდელი და ბიზნესვუმენი, რომელიც ასევე მონაწილეობდა იტალიაში რეალურ შოუში, გასული წლის ოქტომბერში, საკუთარ აივანზე დანით მოკლეს“, - ნათქვამია სტატიაში.სასაფლაოს თანამშრომლებმა არეულობა დაკრძალვისთვის მზადების დროს აღმოაჩინეს. მათ შენიშნეს, რომ კუბოს სახურავი საიმედოდ არ იყო დამაგრებული და დაზიანების კვალი ეტყობოდა. გაკვეთამ აჩვენა, რომ გარდაცვლილის სხეულის ნაწილი დაკარგული იყო.სამართალდამცავი ორგანოები ეჭვობენ, რომ ინციდენტში შესაძლოა რამდენიმე ადამიანი მონაწილეობდა. დანაშაულის მოტივი უცნობია. დამნაშავეების ქმედებები კლასიფიცირებულია, როგორც სხეულის შეურაცხყოფა და ნეშტის ქურდობა. იტალიაში ასეთი ქმედებები ისჯება შვიდ წლამდე თავისუფლების აღკვეთით. - წერს უცხოური მედია.

პოლიტიკა • 1774615087

რევაზ სოხაძე თბილისის №209 საჯარო სკოლის პედაგოგებსა და მშობლებს შეხვდა

საქართველოს ინფრასტრუქტურის მინისტრი რევაზ სოხაძე თბილისის №209 საჯარო სკოლის პედაგოგებსა და მოსწავლეთა მშობლებს შეხვდა და მათ დეტალურად გააცნო ახალი სკოლის მშენებლობასთან დაკავშირებული მიმდინარე მდგომარეობა და დაგეგმილი ნაბიჯები. ინფორმაციას ინფრასტრუქტურის სამინისტრო ავრცელებს.თბილისის 209-ე საჯარო სკოლა, რომელიც სოფელ გლდანში მდებარეობს, ამორტიზებული იყო. ძველი სკოლის ნაცვლად ახალი სკოლის მშენებლობის პროექტი ინფრასტრუქტურის სამინისტროს მუნიციპალური განვითარების ფონდს მას შემდეგ გადაეცა, რაც განათლების, მეცნიერებისა და ახალგაზრდობის სამინისტროს სსიპ საგანმანათლებლო და სამეცნიერო ინფრასტრუქტურის განვითარების სააგენტო გაუქმდა.ამ ეტაპზე სამშენებლო სამუშაოები ჯერ არ დაწყებულა, რადგან კვლავ არსებობს სამშენებლო ტერიტორიის განსაზღვრასთან დაკავშირებული საკითხები. სკოლის თანამედროვე სტანდარტების შესაბამისად ასაშენებლად აუცილებელია მომიჯნავე მიწის ნაკვეთის გამოსყიდვა, რომელსაც უწყებათაშორისი კომისიის გადაწყვეტილებით განათლების სამინისტრო გამოისყიდის. აღნიშნული პროცედურების დასრულების შემდეგ შესაძლებელი გახდება საპროექტო-სამშენებლო სამუშაოების დაწყება.მინისტრმა პედაგოგებისა და მშობლების შეკითხვებს უპასუხა და აღნიშნა, რომ პროექტის დროული დაწყება და ხარისხიანად განხორციელება სამინისტროსთვის პრიორიტეტულია.„ჩვენ მაქსიმალურად სწრაფად ვმუშაობთ, რომ არსებული სირთულეები, მათ შორის ბიუროკრატიული ბარიერები, დავძლიოთ და პროექტი გადავიყვანოთ აქტიურ ფაზაში,“ - განაცხადა რევაზ სოხაძემ. მინისტრმა ასევე ბოდიში მოუხადა დამსწრეებს შექმნილი შეფერხებისთვის და ხაზი გაუსვა, რომ განათლების ინფრასტრუქტურა სამინისტროს ერთ-ერთი მთავარი პრიორიტეტია.შეხვედრაზე აღინიშნა, რომ პროექტის განხორციელება დამოკიდებულია მიმდინარე პროცედურების დროულ დასრულებაზე, მათ შორის პროექტირების ეტაპზეც, თუმცა უწყებები აქტიურად მუშაობენ პროცესის დაჩქარებაზე.მიღწეული შეთანხმების საფუძველზე, ინფრასტრუქტურის სამინისტრო, მუნიციპალური განვითარების ფონდი და ადგილობრივი თვითმმართველობა კოორდინირებულად იმუშავებენ, რათა საკითხი დროულად გადაიჭრას და №209 საჯარო სკოლის მოსწავლეებმა უმოკლეს ვადაში შეძლონ სწავლა შესაბამის გარემოში.შეხვედრას ესწრებოდნენ მინისტრის მოადგილე მზია გიორგობიანი, მუნიციპალური განვითარების ფონდის აღმასრულებელი დირექტორი ბექა ურუშაძე, პარლამენტისა და საკრებულოს დეპუტატები ლადო ბოჟაძე და შალვა ოგბაიძე, ასევე გლდანის რაიონის გამგებელი ბესიკ კალაძე.

პოლიტიკა • 1774606740

ირაკლი ფავლენიშვილი: ჰელსინკის კომისია ყოველთვის გამოირჩეოდა საქართველოსადმი მეგობრული, სოლიდარული დამოკიდებულებით, მათთვის სულერთი არ არის, რაც ხდება ქვეყანაში

„სალფეტკის“ სროლის გამო ახალგაზრდას იჭერენ, წლობით უშვებენ ციხეში და ამ დროს ხალხი, ფაქტობრივად, ეკრანების წინ ცემაში მოკლეს და ერთი კაციც არ არის დაჭერილი. შერჩევითი სამართალი რომ არის, ყველა ძირითადი ინსტიტუცია შერჩევითად და პოლიტიკური მიკერძოებით რომ მოქმედებს, ამას ჰელსინკის კომისიის გარეშეც მიხვდება ბევრი, – ამის შესახებ  „ნაციონალური მოძრაობის“ წევრმა, ირაკლი ფავლენიშვილმა განაცხადა.მისი თქმით, ჰელსინკის კომისიასაც აქვს სრული უფლება, შეფასება გააკეთოს.„ყველაფერი ზედაპირზე დევს და არაფერი განსაკუთრებულად ახალი არ უთქვამთ. ჰელსინკის კომისია ყოველთვის გამოირჩეოდა საქართველოსადმი მეგობრული, სოლიდარული დამოკიდებულებით, მათთვის სულერთი არ არის, რაც ხდება საქართველოში. ეს არ არის ჩარევა. იმავე ლოგიკით არცერთმა ქვეყანამ არცერთ ქვეყანაზე არაფერი არ უნდა თქვას, თუ იქ ადამიანის უფლებების უხეში დარღვევაა, ხმა არ უნდა ამოიღონ, რომ არ ჩაეთვალოთ სხვა ქვეყნის საქმეებში ჩარევად. თანამედროვე მსოფლიო ასე არ არის მოწყობილი და ასეც უნდა იყოს. ფლომასტერით საარჩევნო ბანერზე წარწერის გაკეთების გამო ქალი პოლიტიკოსის, ოთხი შვილის დედის წელიწად-ნახევრით დასჯა არ არის მისაღები არანაირი სამართლებრივი, მორალური თუ პოლიტიკური ლოგიკით. მე ვფიქრობ, ეს არაქართული, არასამართლებრივი და არაპოლიტიკურია“, – განაცხადა ირაკლი ფავლენიშვილმა.

მსოფლიო • 1774385311

„დედაჩემი მკვლელი იყო... “ - ოჯახური ძალადობის მსხვერპლის გულახდილი ინტერვიუ

კელი ჰიგინსს ჯერ კიდევ ახსოვს ბავშვობის ჩახუტება - თბილი, მფარველი, დამამშვიდებელი. როდესაც შეშინებული ან მოწყენილი იყო, ეს მას ნუგეშს ანიჭებდა.მაგრამ დღეს ეს მოგონებები ძლიერ ემოციებს იწვევს კელიში, რომელიც ახლა სამი შვილის დედაა.მიუხედავად იმისა, რომ ბავშვების უმეტესობას ახსოვს მშობლების ნაზი ჩახუტება, კელისთვის ბავშვობის სიყვარულის ერთადერთი წყარო მისი ძიძა, 16 წლის სუზან კაპერი იყო.კელის სუზანის შესახებ ბოლო მოგონება არის ხელის დაქნევა დასამშვიდობებლად, როდესაც ის დაწყებითი სკოლიდან წამოიყვანა 1992 წლის დეკემბრის დასაწყისში.როგორც მოგვიანებით შეიტყო, სუზანი რამდენიმე დღის შემდეგ წამებით მოკლეს, რომელიც იმდენად სასტიკი და საშინელი იყო, რომ თითქმის დაუჯერებელია.კელის ბიოლოგიური დედა, ბერნადეტ მაკნილი იყო. ეს საშინელი მკვლელობა წვრილმანი კამათის საფუძველზე მოხდა - ბერნადეტ მაკნილის ვარდისფერი პალტოს გამო ჩხუბის დროს.ოკულტიზმის თაყვანისმცემელმა მაკნილიმ და სატანისტ თანამზრახველთა ჯგუფმა გაიტაცეს და აწამეს ახალგაზრდა სუზანი, შემდეგ კი ცოცხლად დაწვეს 1992 წლის დეკემბერში.ასევე იტყობინებოდნენ, რომ სუზანს ამფეტამინს უკეთებდა, რასაც გოგონა რვა დღის განმავლობაში იტანდა, სანამ ტყვეობაში იმყოფებოდა.მაგრამ კელისთვის, რომელიც ახლა 40 წლისაა, სუზანი ერთადერთი ბედნიერი მოგონება იყო ბავშვობაში, „სუზანი ერთადერთია ჩემთვის, ვისთანაც კარგი მოგონებები მაკავშირებს. როცა მცემეს, ჩამეხუტა. ერთ დღეს პური მომიტანა. ის იმ ბნელ სახლში სინათლე იყო“, - განუცხადა კელიმ Daily Mail-ს.კელი იხსენებს, რომ სულ რაღაც შვიდი წლის იყო, როდესაც სუზანი მოკლეს და მას გვერდითა ოთახიდან ყვირილი ესმოდა.მაშინ მას წარმოდგენაც არ ჰქონდა, რომ ყვირილი მისი საყვარელი ძიძა ყვიროდა.ამ საშინელი მოგონებებით კელი წლების განმავლობაში იტანჯებოდა. „ჩემი ყველაზე მკაფიო მოგონებაა, როგორ ფხაჭნიდა ის კედელს, მაგრამ შემდეგ ის [სხვა სახლში] გადაიყვანეს, ამიტომ მისი ხმა აღარ მესმოდა“.იქ სუზანი კიდევ უფრო საშინელი წამების მსხვერპლი გახდა: ის საწოლზე ჯვარცმულ მდგომარეობაში მიაბეს დენის კაბელებითა და ჯაჭვებით, კბილები ამოუღეს, შემდეგ კი ბუჩქნარში დააგდეს, ცეცხლი წაუკიდეს და მიატოვეს. კელი ამტკიცებს, რომ დედამისი, რომელიც დანაშაულისთვის იყო დაპატიმრებული, არ გამოხატავდა სინანულს.სამაგიეროდ, ის ციხეშძი დაუმეგობრდა ცნობილ ბავშვთა მკვლელებს, მათ შორის მაირა ჰინდლის და როუზ უესტს.ბერნადეტ მაკნილისთან ერთად, სუზანის მკვლელობისთვის კიდევ სამი პირი იქნა დამნაშავედ ცნობილი: 26 წლის ჯინ პაუელი და მისი ყოფილი ქმარი, გლინ პაუელი. ოცდაცხრა ადამიანს სამუდამო პატიმრობა მიესაჯა. 16 წლის ენტონი დადსონი მისი უდიდებულესობის ნებით დააკავეს.27 წლის ჯეფრი ლი უკანონო პატიმრობისთვის 12 წლით თავისუფლების აღკვეთა მიესაჯა; 18 წლის კლიფორდ პუკს, ასევე კლიფორდ ჰეისს, 16 წლით თავისუფლების აღკვეთა მიესაჯა. ყველა მათგანი ახლა თავისუფალია - ლი 1998 წელს, პუკი 2001 წელს, მაკნილი 2015 წელს, ჯინ პაუელი 2017 წელს და გლინ პაუელი 2023 წელს - სუზანის დედის, ელიზაბეტ დანბარის და მანჩესტერის ვეტერანი პარლამენტის წევრის, გრეჰემ სტრინგერის მიერ მათი გათავისუფლების წინააღმდეგ მიმართული დაუღალავი კამპანიების მიუხედავად.მოსამართლე პუტსმა, 1993 წლის დეკემბერში მათ განაჩენი გამოუტანა და მკვლელობა „ყველაზე საშინელ მკვლელობად“ გამოაცხადა.კელი იხსენებს, როგორ დაუქნია ხელი სუზანს კართან 1992 წლის დეკემბრის ერთ შუადღეს, როდესაც ის სკოლიდან მოჰყავდა.„სუზანის შესახებ ჩემი ბოლო მოგონება ისაა, როდესაც მან ამიყვანა. ჩამეხუტა, მიყურებდა, როგორ გადავკვეთე ქუჩა უსაფრთხოდ და შემდეგ შემობრუნდა და გაიქცა“, - თქვა მან. „ფიზიკურად, ფსიქოლოგიურად და სექსუალურად შევიწროებული ვიყავი [დედაჩემის ბანდის წევრის მიერ]“.„მაგრამ ყოველთვის მაგრძნობინებდნენ, რომ დედაჩემი იყო ბანდის ლიდერი“.დროთა განმავლობაში კელი გარყვნილი თამაშების მსხვერპლი გახდა, მათ შორის იძულებული იყო, რაც შეიძლება დიდხანს ერთ ფეხზე მდგარიყო, შემდეგ კი სცემდნენ, სანამ ბანდა იცინოდა.„სექსუალური ძალადობა იყო. „დედაჩემს რეგულარულად ჰქონდა სექსი ჩემს თვალწინ სხვებთან“.კელი იხსენებს, როგორ აიძულეს შვიდი წლის ასაკში ხელი აკვარიუმში ჩაეყო და უთხრეს, რომ მასში მტაცებელი პირანია იყო.ის აიძულეს ენახა, როგორ შემოიყვანა ბანდამ ცოცხალი გედი სახლში, დაფარა ოკულტური სიმბოლოებით და თავი მოკვეთა.„როდესაც ცხოველს თავს აჭრი, სხეული მაინც მოძრაობს“, - თქვა მან. „ყველგან სისხლი იყო. ვყვიროდი. გედი ისევ დადიოდა მოკვეთილი თავით“.მან დაამატა: „ღამით მაიძულებდნენ ხელის გაწვდენას და სახაზავით მცემდნენ. ოთახში ვიყავი გამოკეტილი, ვყვიროდი და ვტიროდი. მახსოვს, მუდმივად მშიოდა. დედის დაპატიმრების შემდეგ კელიმ მოგვიანებით ბედნიერება ახალ ოჯახში იპოვა, რომელმაც ის იშვილა.მიუხედავად მისი თხოვნისა, რომ არ სურდა, სოციალურმა სამსახურებმა აიძულეს, დარემის ციხეში მოძალადე დედა მოენახულებინა.კელის უსიამოვნო მოგონებები აქვს დედასთან ვიზიტებთან დაკავშირებით.დედის როლის შესახებ სიმართლე სუზან კაპერის საშინელ მკვლელობაში მხოლოდ მისი ტრაგიკული გარდაცვალებიდან 15 წელზე მეტი ხნის შემდეგ შეიტყო.ბავშვობაში მას უთხრეს, რომ დედამისი მკვლელობაში მონაწილეობდა, რის გამოც დააპატიმრეს, მაგრამ მან არ იცოდა, რომ მსხვერპლი მისი საყვარელი ძიძა იყო.წიგნის „სადისტი მკვლელები“ ​​კითხვისას მან შეიტყო, რომ მაკნილიმ საყვარელი ძიძა წამებით მოკლა.„მე ყოველთვის ვიცოდი“, თქვა მან, „რომ მან ბავშვი მოკლა. იმ ფაქტმა, რომ ეს სუზანი იყო, ნამდვილად შოკში ჩამაგდო.„დედას დავურეკე და ვიყვირე, რომ აღარასდროს მინდოდა მისი ნახვა, მან კი მიპასუხა: „კარგი, კელი“. ნახვამდის.“კელის მას შემდეგ დედისგან არაფერი სმენია.ციხეში დედის მონახულების მოგონებებით ტრავმირებულმა მან პარლამენტს შუამდგომლობით მიმართა, რათა ბავშვზე მოძალადეებს მშობლის უფლებები ჩამოერთვათ.მაკნილი 2015 წელს გაათავისუფლეს, სავარაუდოდ, ახალი სახელით. 2019 წლის მონაცემებით, ის რედინგში, შუალედურ სახლში ცხოვრობდა კარენ მეთიუსთან ერთად, რომელიც 2008 წელს მისი პატარა ქალიშვილის, შენონ მეთიუსის გატაცების ინსცენირებისთვის დააპატიმრეს და ტვაიფორდის მახლობლად BP-ის ბენზინგასამართ სადგურზე მუშაობდა.დღეს კელი კოსმეტოლოგად მუშაობს, ბედნიერად არის დაქორწინებული და ჰყავს 21 წლის ვაჟი და ორი ქალიშვილი, 17 და 12 წლის. ცხადია, ის კვლავ ტრავმირებულია აღზრდის გამო.