პოლიტიკა • 1761563236

დავით ქართველიშვილი: „შემთხვევითი დამთხვევა“ არ არის აზერბაიჯანისა და სომხეთის უსაფრთხოების ხელმძღვანელების ვიზიტები საქართველოში - თბილისი, რეგიონული უსაფრთხოების „ჰაბის“ ფუნქციას იბრუნებს

თბილისი თანდათან რეგიონალური უსაფრთხოების "ჰაბის" და სპეცსამსახურების კოორდინაციის სფეროში, სამხრეთ კავკასიის ცენტრის ფუნქციას იბრუნებს. დღეს რეგიონში მშვიდობის და სტაბილურობის შენარჩუნება საერთო საზრუნავია, უახლოეს წარსულში ისტორიული თუ სახელმწიფოებრივი გაუგებრობის მიუხედავად,- ასე ეხმიანება ანალიტიკოსი, დავით ქართველიშვილი, სომხეთის და აზერბაიჯანის უსაფრთხოების სამსახურების უფროსების, ანდრანიკ სიმონიანსა და ალი ნაგიევის ვიზიტებს საქართველოში.ქართველიშვილის თქმით, საქართველო არის მშვიდობის მთავარი გარანტი რეგიონში, შესაბამისად სომხეთის და აზერბაიჯანის უსაფრთხოების სამსახურების ხელმძღვანელების ვიზიტი „შემთხვევითი დამთხვევას“ არ წარმოადგენს.„ თუ აზერბაიჯანის სპეცსამსახურის პირველი პირი, ალი ნაგიევი - საქართველოს სტუმრობდა 4-წლიანი პაუზის შემდეგ, სომხეთის ეროვნული უსაფრთხოების სამსახურის უფროსის, ანდრანიკ სიმონიანის თბილისში ვიზიტი, თუ არ ვცდები - საერთოდ პირველია. მსგავსად თავის აზერბაიჯანელ კოლეგასთან განხილული საკითხებისა, მამუკა მდინარაძემ და ანდრანიკ სიმონიანმა რეგიონში არსებულ გამოწვევებსა და უსაფრთხოების კუთხით თანამშრომლობის განვითარების შესაძლებლობებზე ისაუბრეს.თბილისი თანდათან რეგიონალური უსაფრთხოების "ჰაბის" და სპეცსამსახურების კოორდინაციის სფეროში, სამხრეთ კავკასიის ცენტრის ფუნქციას იბრუნებს. დღეს რეგიონში მშვიდობის და სტაბილურობის შენარჩუნება საერთო საზრუნავია, უახლოეს წარსულში ისტორიული თუ სახელმწიფოებრივი გაუგებრობის მიუხედავად. სპეცსამსახურები ყოველთვის წარმოადგენდნენ პოლიტიკის მიღმა არსებული, და ამავდროულად, მისი განმსაზღვრელი მექანიზმების მატარებელ ძირითად ინსტიტუტს.არანაირი "შემთხვევითი დამთხვევა" არაა აზერბაიჯანის და მეორე დღესვე, სომხეთის უსაფრთხოების ხელმძღვანელების გადაბმული ვიზიტები საქართველოში - როგორც მშვიდობის მთავარ გარანტ-სახელმწიფოში კავკასიის რეგიონში. საერთო გლობალურ მოწინააღმდეგეთა წინაშე, რეგიონალური უსაფრთხოების სფეროში ჩვენი ერთობლივი ძალისხმევა - საბოლოო წარმატების მიღწევის საწინდარია“, - წერს ქართველიშვილი.

სამართალი • 1761462811

სახელმწიფო უსაფრთხოების სამსახურის უფროსმა მამუკა მდინარაძემ სომხეთის ეროვნული უსაფრთხოების სამსახურის უფროს ანდრანიკ სიმონიანს უმასპინძლა

სახელმწიფო უსაფრთხოების სამსახურის უფროსმა მამუკა მდინარაძემ სომხეთის ეროვნული უსაფრთხოების სამსახურის უფროს ანდრანიკ სიმონიანს უმასპინძლა, რომელიც თბილისში ვიზიტით იმყოფებოდა. ინფორმაციას სახელმწიფო უსაფრთხოების სამსახური ავრცელებს.უწყების ცნობით, მხარეებმა შეხვედრაზე საქართველოსა და სომხეთს შორის არსებული მეგობრული ურთიერთობები განიხილეს, იმსჯელეს პარტნიორული თანამშრომლობის კიდევ უფრო გაღრმავების პერსპექტივებზე, ასევე რეგიონში არსებულ გამოწვევებსა და უსაფრთხოების კუთხით თანამშრომლობის განვითარების შესაძლებლობებზე. აღინიშნა ორმხრივი კოორდინაციისა და ინფორმაციის გაცვლის მნიშვნელობა.კოლეგასთან შეხვედრისას მამუკა მდინარაძემ ისაუბრა საქართველოს პოზიტიურ როლზე კავკასიაში მშვიდობის უზრუნველყოფისა და განმტკიცების საქმეში.მამუკა მდინარაძემ ანდრანიკ სიმონიანს საქართველოში სტუმრობისთვის მადლობა გადაუხადა და ვიზიტის მნიშვნელობაზე გაამახვილა ყურადღება.სუს-ში გამართულ შეხვედრას საქართველოს სახელმწიფო უსაფრთხოების სამსახურის უფროსის მოადგილეები, სომხეთის ეროვნული უსაფრთხოების სამსახურის უფროსის მოადგილე და შესაბამისი სტრუქტურული ერთეულის წარმომადგენელი დაესწრნენ.

პოლიტიკა • 1761398241

ვერ „მოვინელეთ“ ჯერ ჰექსოგენის შემოტანა ქვეყნის ტერიტორიაზე, დღეს ვიგებთ საერთაშორისო დანაშაულებრივი სინდიკატის მხრიდან, დიდი ოდენობით ურანის უკანონო დაუფლება/გატანის გამოვლენა/აღკვეთის წარმატებული ოპერაციის შესახებ - ქართველიშვილი

ვერ „მოვინელეთ“ ჯერ ჰექსოგენის შემოტანა ქვეყნის ტერიტორიაზე, დღეს ვიგებთ საერთაშორისო დანაშაულებრივი სინდიკატის მხრიდან, დიდი ოდენობით ურანის უკანონო დაუფლება/გატანის გამოვლენა/აღკვეთის წარმატებული ოპერაციის შესახებ, - ასე ეხმიანება ანალიტიკოსი, დავით ქართველიშვილი, სუს-ის თანამშრომლების მიერ ჩატარებული ღონისძიების შედეგად, თბილისში, 2 კილოგრამი ბირთვული მასალის ამოღების ფაქტს.ქართველიშვილის განცხადებით, დღევანდელობაში მტრების სამიზნე არა მხოლოდ რეგიონის ცალკეული ქვეყნები, არამედ სრულიად სამხრეთ კავკასიაა.„2021 წლის შემდეგ, ეს არის აზერბაიჯანის სპეცსამსახურების ხელმძღვანელის პირველი ვიზიტი საქართველოში თავის კოლეგასთან შესახვედრად. დიდი ალბათობით, ეს ვიზიტი იყო შეთანხმებული ბაქოში, სადაც მამუკა მდინარაძე იმყოფებოდა მსოფლიოს სპეცსამსახურების ლიდერების სამიტზე. ეს სოლიდური პაუზა ყოველთვის იწვევდა სხვადასხვა ინტერპრეტაციების წარმოშობის საბაბს. ხომ არ იყო გამოწვეული ფოთის ნავსადგურიდან სომხეთისთვის განკუთვნილი ფრანგული სამხედრო ავტოტრანსპორტის პერიოდულ სატრანზიტო ტრაფიკთან. ხომ არ იყო გარკვეული უკმაყოფილება იმის გამო, რომ აზერბაიჯანში სახელმწიფო გადატრიალებისთვის განკუთვნილი თანხები, „ქეშის“ სახით ჩვენი „ენჯეო“ სექტორის საბანკო ანგარიშებიდან „წითელი ხიდის“ გავლით შედიოდა ბაქოში და ა.შ. როგორც ჩანს ორი სტრატეგიული მეკავშირის სპეცსამსახურების დონეზე ყოველგვარი შესაძლო გაუგებრობა თუ არაკოორდინირებული მუშაობა წარსულს ჩაბარდა. ჩვენ ვხედავთ, როგორი წარმატებული ოპერატიულობით ხდება უკვე ზედიზედ მეორედ, ევროპისთვის განკუთვნილი დიდი ოდენობით ჰეროინის პარტიის (200 და 250 კილოგრამი) სწორედ აზერბაიჯანიდან შემოსულ ტრაილერებში აღმოჩენა - რაც დიდი ალბათობით ორი ქვეყნის უწყების კოორდინირებული მუშაობის შედეგია. დღეს საქართველოსაც შეუძლია ცხელ კვალზე წარმატებულად ჩატარებული ოპერაციების გამოცდილება გაუზიაროს თავის აზერბაიჯაბელ კოლეგებს. ვერ „მოვინელეთ“ ჯერ ჰექსოგენის შემოტანა ქვეყნის ტერიტორიაზე, დღეს ვიგებთ საერთაშორისო დანაშაულებრივი სინდიკატის მხრიდან, დიდი ოდენობით ურანის უკანონო დაუფლება/გატანის გამოვლენა/აღკვეთის წარმატებული ოპერაციის შესახებ. დღეს მშვიდობის და სტაბილურობის მტრების სამიზნე, არა მხოლოდ ჩვენი რეგიონის ცალკეული ქვეყნები - არამედ მთლიანად სამხრეთ კავკასიაა. და ამ გამოწვევების წინაშე - სპეცსამსახურების არაკოორდინირებული მუშაობა და დაგროვილი გამოცდილების არგაზიარება ერთმანეთში - დანაშაულებრივი ფუფუნებაა. ამ კუთხით ალი ნაგიევის ვიზიტი მამუკა მდინარაძესთან - იმედის მომცემი ფაქტია“- წერს ქართველიშვილი.

პოლიტიკა • 1761396321

სუს-მა 2კგ. ურანის შეძენის მცდელობისას ჩინეთის სამი მოქალაქე დააკავა. დღე არ გავა, არ შევიტყოთ უსაფრთხოების სამსახურის აქტიური მუშაობის შესახებ, უმძიმესი დანაშაულები იხსნება მას შემდეგ, რაც მამუკა მდინარაძემ ჩაიბარა სუს-ის სამსახური - ნინო ფოჩხუა

ექსპერტი ნინო ფოჩხუა სახელმწიფო უსაფრთხოების სამსახურში გამართულ ბრიფინგს გამოეხმაურა, რომლითაც ცნობილი გახდა, რომ ჩატარებული ღონისძიების შედეგად, თბილისში, 2 კილოგრამი ბირთვული მასალა - ურანის უკანონო შეძენის მცდელობისას ჩინეთის სამი მოქალაქე დააკავეს. ექსპერტი ხაზს უსვამს უსაფრთხოების სამსახურის უფროსის მამუკა მდინარაძის აქტიურ მუშაობაზე, რომ უწყების ხელმძღვანელად მისი დანიშვნის შემდეგ უმძიმესი დანაშაულები იხსნება. „სახელმწიფო უსაფრთხოების სამსახურმა 2კგ. ურანის შეძენის მცდელობისას ჩინეთის სამი მოქალაქე დააკავა. ბრიფინგზე ცნობილი გახდა, რომ დამნაშავეთა ჯგუფი გეგმავდა რადიოაქტიული ნივთიერების 400 000 აშშ დოლარად შეძენას და რუსეთის გავლით უკანონო ტრანსპორტირებას ჩინეთში. დღე არ გავა, რომ ჩვენ, საქართველოს მოქალაქეებმა, არ შევიტყოთ უსაფრთხოების სამსახურის აქტიური მუშაობის შესახებ, უმძიმესი დანაშაულები იხსნება მას შემდეგ, რაც მამუკა მდინარაძემ ჩაიბარა სუს-ის სამსახური. წარმატებას ვუსურვებ უსაფრთხოების სამსახურს და პირადად მის ხელმძღვანელს ქვეყნის საკეთილდღეოდ.“- წერს ფოჩხუა.        

საზოგადოება • 1761391203

საქართველოს სახელმწიფო უსაფრთხოების სამსახურის უფროსმა აზერბაიჯანელ კოლეგას უმასპინძლა

საქართველოს სახელმწიფო უსაფრთხოების სამსახურის უფროსმა მამუკა მდინარაძემ აზერბაიჯანის რესპუბლიკის სახელმწიფო უსაფრთხოების სამსახურის უფროს ალი ნაგიევს უმასპინძლა, რომელიც თბილისში ოფიციალური ვიზიტით იმყოფებოდა.როგორც უწყების მიერ გავრცელებულ ინფორმაციაშია ნათქვამი, შეხვედრისას მხარეებმა მიმოიხილეს საქართველოსა და აზერბაიჯანს შორის არსებული სტრატეგიული პარტნიორობის ძირითადი მიმართულებები და სამომავლო ინიციატივები, რომლებიც მიზნად ისახავს მჭიდრო კავშირების კიდევ უფრო გაღრმავებას უსაფრთხოების სფეროში.ხაზი გაესვა უწყებებს შორის ინფორმაციის გაცვლისა და გამოცდილების გაზიარების კუთხით თანამშრომლობის გააქტიურებას. აღინიშნა, რომ ორი ქვეყნის უსაფრთხოების სამსახურების თანამშრომლობა ხელს უწყობს საქართველოსა და აზერბაიჯანს შორის ურთიერთობების გაძლიერებას და მნიშვნელოვანი წვლილი შეაქვს რეგიონში მშვიდობისა და სტაბილურობის განმტკიცებაში.გარდა ამისა, საუბარი შეეხო რეგიონში მიმდინარე პროცესებსა და გამოწვევებს.მამუკა მდინარაძემ ალი ნაგიევს საქართველოში სტუმრობისთვის მადლობა გადაუხადა და ვიზიტის მნიშვნელობას გაუსვა ხაზი.სუს-ში გამართულ შეხვედრას საქართველოს სახელმწიფო უსაფრთხოების სამსახურის უფროსის მოადგილეები, აზერბაიჯანის სახელმწიფო უსაფრთხოების სამსახურის უფროსის მოადგილეები და სხვადასხვა სტრუქტურული ერთეულის ხელმძღვანელი პირები დაესწრნენ.შეხვედრის შემდეგ მამუკა მდინარაძემ და ალი ნაგიევმა საქართველოს ტერიტორიული მთლიანობისთვის ბრძოლებში დაღუპულ გმირთა მემორიალი და ჰეიდარ ალიევის ძეგლი გვირგვინებით შეამკეს.

პოლიტიკა • 1761390444

მამუკა მდინარაძე აზერბაიჯანის სახელმწიფო უსაფრთხოების სამსახურის უფროსს, ალი ნაგიევს შეხვდა

საქართველოს სახელმწიფო უსაფრთხოების სამსახურის უროსმა, მამუკა მდინარაძემ აზერბაიჯანის რესპუბლიკის სახელმწიფო უსაფრთხოების სამსახურის უფროსს, ალი ნაგიევს უმასპინძლა, რომელიც თბილისში ოფიციალური ვიზიტით იმყოფებოდა.სუს-ის ცნობით, შეხვედრისას მხარეებმა მიმოიხილეს საქართველოსა და აზერბაიჯანს შორის არსებული სტრატეგიული პარტნიორობის ძირითადი მიმართულებები და სამომავლო ინიციატივები, რომლებიც მიზნად ისახავს მჭიდრო კავშირების კიდევ უფრო გაღრმავებას უსაფრთხოების სფეროში.„ხაზი გაესვა უწყებებს შორის ინფორმაციის გაცვლისა და გამოცდილების გაზიარების კუთხით თანამშრომლობის გააქტიურებას. აღინიშნა, რომ ორი ქვეყნის უსაფრთხოების სამსახურების თანამშრომლობა ხელს უწყობს საქართველოსა და აზერბაიჯანს შორის ურთიერთობების გაძლიერებას და მნიშვნელოვანი წვლილი შეაქვს რეგიონში მშვიდობისა და სტაბილურობის განმტკიცებაში. გარდა ამისა, საუბარი შეეხო რეგიონში მიმდინარე პროცესებსა და გამოწვევებს.მამუკა მდინარაძემ ალი ნაგიევს საქართველოში სტუმრობისთვის მადლობა გადაუხადა და ვიზიტის მნიშვნელობას გაუსვა ხაზი.სუს-ში გამართულ შეხვედრას საქართველოს სახელმწიფო უსაფრთხოების სამსახურის უფროსის მოადგილეები, აზერბაიჯანის სახელმწიფო უსაფრთხოების სამსახურის უფროსის მოადგილეები და სხვადასხვა სტრუქტურული ერთეულის ხელმძღვანელი პირები დაესწრნენ.შეხვედრის შემდეგ მამუკა მდინარაძემ და ალი ნაგიევმა საქართველოს ტერიტორიული მთლიანობისთვის ბრძოლებში დაღუპულ გმირთა მემორიალი და ჰეიდარ ალიევის ძეგლი გვირგვინებით შეამკეს“, – აღნიშნულია უწყების ინფორმაციაში.

პოლიტიკა • 1760690513

ირაკლი კობახიძე: დღეს სახელმწიფო უსაფრთხოების სამსახურს ჰყავს ძალიან ძლიერი ხელმძღვანელი, რომლის პირობებშიც უსაფრთხოების სამსახური მიაღწევს სრულიად ახალ სიმაღლეებს

დღეს სახელმწიფო უსაფრთხოების სამსახურს ჰყავს ძალიან ძლიერი ხელმძღვანელი, - ამის შესახებ საქართველოს პრემიერ-მინისტრმა ირაკლი კობახიძემ ჟურნალისტებს განუცხადა.როგორც მთავრობის მეთაურმა აღნიშნა, მამუკა მდინარაძის ხელმძღვანელობის პირობებში უსაფრთხოების სამსახური მიაღწევს სრულიად ახალ სიმაღლეებს.„ჩვენ ვართ კონცენტრირებული დღევანდელ დღეზე და კონცენტრირებული ვართ იმაზე, რომ დღეს სახელმწიფო უსაფრთხოების სამსახურს ჰყავს ძალიან ძლიერი ხელმძღვანელი, რომლის პირობებშიც უსაფრთხოების სამსახური მიაღწევს სრულიად ახალ სიმაღლეებს. ამის პირობას გაძლევთ მამუკა მდინარაძესთან ერთად“, - განაცხადა ირაკლი კობახიძემ.

პოლიტიკა • 1760520480

ლევან მაჭავარიანი: მას შემდეგ, რაც ირაკლი კობახიძემ დაიკავა პრემიერ-მინისტრის თანამდებობა ყველა სახელმწიფო განკარგულება არის აბსოლუტურად გამჭვირვალე, ბატონი მამუკა მდინარაძე გახდა სუს-ის ხელმძღვანელი და ხედავთ როგორი დაუნდობელი ბრძოლა არის გამოცხადებული კორუფციის წინააღმდეგ

ევრობიუროკრატები გვადანაშაულებენ ჩვენ რაღაც გამოგონილ თემებში, აბსოლუტურად უაპელაციოდ აღქმებზე დაყრდნობით და ამბობენ, რომ საქართველოში არის დემოკრატიული უკუსვლა, - ამის შესახებ საპარლამენტო ფრაქცია „ქართული ოცნების“ თავმჯდომარის პირველმა მოადგილემ, ლევან მაჭავარიანმა, განაცხადა პარლამენტში პლენარულ სხდომაზე პოლიტიკური განცხადების გაკეთებისას.ლევან მაჭავარიანი აღნიშნავს, ირაკლი კობახიძის, მამუკა მდინარაძისა და გეკა გელაძის როლს სახელმწიფოს გამჭვირვალე, ეფექტურ მუშაობაში კორუფციის წინააღმდეგ.„როდესაც ევროკომისიის ანგარიში გამოქვეყნდა სულ რამდენიმე კვირის წინ, რომელიც ფაქტებსა და კონკრეტულ მოცემულობას ეფუძნება საქართველო დაასახელეს ტოპ 20 ქვეყანაში შემდეგი მიმართულებებით: „კანონის უზენაესობა და სასამართლო“, „დემოკრატიული გარდაქმნის პროცესი“, „მიმზიდველი გარემო ინვესტორებისთვის“, „ეფექტური და შორსმჭვრეტელი მთავრობა“, „ძლიერი სახელმწიფო ინსტიტუტები“, „დანაშაულის კონტროლის ეფექტურობა“, და აქ მე ხაზი მინდა გავუსვა, რომ სულ რამდენიმე წელიწადში ოცეულში კი არა სამეულში აღმოვჩნდებით. ბატონი გეკა გელაძე რომ შეუდგა საქმიანობას თქვენ ხედავთ თუ როგორი დაუნდობელი ბრძოლა არის გამოცხადებული ორგანიზებული დანაშაულის, ნარკორეალიზატორების და ზოგადად კრიმინალის წინააღმდეგ, ასევე ტოპ 20 ქვეყანაში დაგვასახელეს კორუფციის სიმცირის კუთხით და აქაც ვპირდები ჩვენს საზოგადოებას, რომ სულ რამდენიმე ტოპ სამ ქვეყანაში აღმოვჩნდებით. როდესაც ირაკლი კობახიძემ დაიკავა პრემიერ-მინისტრის თანამდებობა ყველა სახელმწიფო განკარგულება არის აბსოლუტურად გამჭვირვალე, შეიქმნა სახელმწიფო ეფექტურობის დეპარტამენტი , რომელიც კორუფციის აღმოფხვრაზე მუშაობს, გაძლიერდა სახელმწიფო აუდიტის სამსახური, ბატონი მამუკა მდინარაძე გახდა სახელმწიფო უსაფრთხოების სამსახურის ხელმძღვანელი, სადაც შედის ანტიკორუფციული ბიურო და ხედავთ როგორი დაუნდობელი ბრძოლა არის გამოცხადებული კორუფციის წინააღმდეგ“,- განაცხადა ლევან მაჭავარიანმა.

პოლიტიკა • 1760181035

ქართველიშვილი: როდესაც ეცნობი ქემოკლიძის მრავალმილიონიან ქონებას გებადება კითხვა: ამ ყველაფრის მოპარვა ციხიდან შეიძლებოდა? ისიც "ქართული ოცნების" პირობებში? წარმატებები მამუკა მდინარაძეს - როგორც ჩანს, სუს-ის სათავეში მის მოსვლას ელოდებოდა ქვეყანა ამდენი წელი

სუს-ის მიერ გიორგი ბაჩიაშვილის საქმეზე დაკავებული გიორგი ქემოკლიძე არა იმდენად მიმდინარე კონკრეტული გამოძიების გარემოებებიდან არის საინტერესო - რამდენადაც მოქმედი ხელისუფლების გაუგებარი საკადრო პოლიტიკის გამო, როდესაც პერიოდულად შემთხვევით ვგებულობთ მორიგი "სოსოგოგაშვილის" შესახებ, რომელიც წლების განმავლობაში მსუყე თანამდებობას იკავებდა თურმე სწორედ რომ "ქართული ოცნების" საფარქვეშ, - ამის შესახებ „ ხალხის ძალის“ წევრი, დავით ქართველიშვილი წერს სოციალურ ქსელში.დავით ქართველიშვილი აღნიშნავს, თუ რამდენად იყო შესაძლებელი „ქართული ოცნების“ პირობებში ქემოკლიძეს მილიონიანი ქონება ციხიდან მოპარვის საფუძველზე დაეგროვებინა  და ხაზს უსვამს მამუკა  მდინარაძის წვლილს რიგი სახელმწიფო მექანიზმების უკეთ ამუშავებასთან დაკავშირებით.„სუს-ის მიერ გიორგი ბაჩიაშვილის საქმეზე დაკავებული გიორგი ქემოკლიძე არა იმდენად მიმდინარე კონკრეტული გამოძიების გარემოებებიდან არის საინტერესო - რამდენადაც მოქმედი ხელისუფლების გაუგებარი საკადრო პოლიტიკის გამო, როდესაც პერიოდულად შემთხვევით ვგებულობთ მორიგი "სოსოგოგაშვილის" შესახებ, რომელიც წლების განმავლობაში მსუყე თანამდებობას იკავებდა თურმე სწორედ რომ "ქართული ოცნების" საფარქვეშ.ჯერ სააკაშვილზე უზომოდ შეყვარებული დევი ჭელიძის (2003 წლამდე გვიმუშავია ერთად - ვიცი, რასაც ვიძახი) რეკომენდაციით ყოფილ ლიბერალურ-ფაშისტური სისტემაში (შსს-ში) მოხვედრილი კადრი რომ არ იწვევს ეჭვისა თუ კითხვის საბაბსაც კი - ეს ხომ ცალკე ტრაგედიაა. 2013 წელს საეჭვო გარემოებების გამო შსს-დან წამოსულ კადრს რომ მაინც გადაეფარები და 2013 წლიდან 2025 წლამდე, სასჯელაღსრულების სამინისტროს პენიტენციურ დეპარტამენტში, სხვადასხვა პოზიციაზე ამუშავებ (მათ შორის, 2019-2025 წლებში პენიტენციური დეპარტამენტის დირექტორის მოადგილის თანამდებობაზე) - ეს ხომ მეორე კოშმარია.სანამ 2025 წლის 21 აგვისტოს მან დაკავებული თანამდებობა "პირადი განცხადების" საფუძველზე დატოვა - 2021 წლის 25 დეკემბერს, ერთ-ერთი ოპოზიციური ტელეკომპანიის ეთერში ქემოკლიძეს ციხეში „ობშიაკების“ შეგროვებასა და გატანაში დაადანაშაულეს. გაფუჭებული საათიც კი დღეში ორჯერ სწორ დროს ანახებს - იქნებ გადაგემოწმებინათ ოპპო-მედიის ეს ინფორმაცია? ეს უკვე - მესამე გაუგებრობა.გაუგებრობა თუ "არმაგედონი" მეოთხე -  რა დროსაც ცნობილი საბჭოთა კომედია "გარაჟი" გახსენდება, რომლის ერთ-ერთ გმირზე, ქურდობაში ჩაფლულ საკოლმეურნეო ბაზრის დირექტორზე, ისმის მისი გამამართლებელი განცხადება: "და რისი მოპარვა შეეძლო ბაზარში? სასწორის?". როდესაც ეცნობი ქემოკლიძის მიერ მხოლოდ საკუთარ სახელზე გაფორმებულ მრავალმილიონიან ქონებას: იარაღები ( SIG PRO, SIG-SAUER, BERETTA, MAKAROV და ა.შ.), მანქანები, უძრავი ქონება, მიწები, საბანკო ანგარიშები - შენც გებადება კითხვა: ამ ყველაფრის მოპარვა ციხიდან შეიძლებოდა? ისიც "ქართული ოცნების" პირობებში? ანუ, კლასიკურ "სოსოგოგაშვილი-2"-ან გვაქვს საქმე? და ესენი აღარ გათავდნენ? როდემდე??? წარმატებები და წინსვლა მინდა ვუსურვო მამუკა მდინარაძეს - როგორც ჩანს, სუს-ის სათავეში მის მოსვლას ელოდებოდა ქვეყანა ამდენი წელი.“- წერს დავით ქართველიშვილი.

პოლიტიკა • 1759991902

ლევან ხაბეიშვილი: სოლიდარობა ყველას, ვინც საქართველოს სიყვარულისთვის ისჯება, ნუ ჩაქოლავთ, ნუ ესვრით ტალახს ადამიანებს, ვინც ინიციატივას გამოიჩენს, ხელი ჩაკიდეთ ერთმანეთს, მნიშვნელოვანია ერთსულოვნება

ყველაფრის მცოდნენი განიხილავენ კაცს, რომელმაც ირწმუნა ქართველი ხალხის გამარჯვება და თუ ეს დროებით, ამ ეტაპზე არ გამოუვიდა, არავის არ აქვს მორალური უფლება, გააკრიტიკოს დატყვევებული ადამიანი, – ამის შესახებ „ნაციონალური მოძრაობის“ პოლიტსაბჭოს თავმჯდომარის, ლევან ხაბეიშვილის მიერ საპატიმროდან გამოგზავნილ წერილშია ნათქვამი, რომელიც მის ფეისბუქგვერდზე გავრცელდა.„71 წლის მსოფლიო ბანმა, მსოფლიო მოქალაქემ – პაატა ბურჭულაძემ უარი თქვა კომფორტზე, ფუფუნებაზე, მშვიდ ცხოვრებაზე და აირჩია თავგანწირული ბრძოლა. პირადი მაგალითით, პასუხისმგებლობით, საქართველოს სიყვარულისთვის აღმოჩნდა გისოსებს მიღმა. მინიმუმ სამარცხვინოდ და უსინდისობად მიმაჩნია, ვინც მას განსჯის, აქილიკებს, სტრატეგიას, ბრძოლის მეთოდს, შინაარსს, ტაქტიკას უწუნებს. ყველაფრის მცოდნენი განიხილავენ კაცს, რომელმაც ირწმუნა ქართველი ხალხის გამარჯვება და თუ ეს დროებით, ამ ეტაპზე არ გამოუვიდა, არავის არ აქვს მორალური უფლება, გააკრიტიკოს დატყვევებული ადამიანი.ირაკლი ნადირაძე ჩემი ძმადნაფიცია. დედამიწაზე მასზე კეთილშობილი, ნიჭიერი, ვაჟკაცი იშვიათად მინახავს. მავანთათვის, ერთადერთი მისი დანაშაული სამშობლოს უანგარო სიყვარულია და კიდევ ის, რომ ოთხი შვილის მამამ ბრძოლის ველიდან გაქცევას ბრძოლა არჩია საკუთარი თავისუფლების ფასად.მურთაზ ზოდელავას დაკავებამდე ბოლო ჩართვები ვნახე ტელევიზიით. რეალურად, ახლიდან გავიცანი ამ ადამიანის მენტალობა, სიმამაცე და შეუპოვრობა.პაატა მანჯგალაძე – საქმიანი, ნიჭიერი, პასუხისმგებლიანი, საქართველოს პატრიოტი მოქალაქეა.სასამართლო სხდომაზე, ლაშა ბერიძის სიტყვაც ზედმიწევნით პატრიოტი, სამშობლოზე შეყვარებული ადამიანის განცხადება იყო.ასევე, სოლიდარობა ყველას, ვინც საქართველოს სიყვარულისთვის ისჯება.საოკუპაციო რეჟიმის წინააღმდეგ, წინასწარ განსაზღვრული „შპარგალკით“ ბრძოლა შეუძლებელია. გამოსავალი და გეგმა არის ერთადერთი – ხალხი, ხალხი და ხალხი. ნუ ჩაქოლავთ, ნუ ესვრით ტალახს ადამიანებს, ვინც ინიციატივას გამოიჩენს, თორემ წინააღმდეგ შემთხვევაში, მხოლოდ შემფასებლების, კომენტატორების ამარა დავრჩებით.შეგვიძლია თუ არა ივანიშვილის მოშორება? დიახ, დიახ და კიდევ ერთხელ დიახ! უპირობოდ შეგვიძლია!ხელი ჩაკიდეთ ერთმანეთს, ვინც წაბორძიკდა ან დაეცა, სასწრაფოდ წამოაყენეთ. უკიდურესად მნიშვნელოვანია ერთსულოვნება და საკუთარ ძალებში დარწმუნება.რაც შეეხება რუსულ სპეცოპერაციას – „არჩევნებს“. ფაქტები მეტყველებს, რომ გახარიას პარტიამ 2024 წელს 65-70 პროცენტით მეტი ხმა მიიღო, ვიდრე ახლა ანუ 65-70 პროცენტმა და უშუალოდ მისმა ამომრჩეველმა უთხრა უარი ნდობაზე, რის გამოც 110 000 „ხმით“ ნაკლები მიიღო.თითქმის იგივე დაემართა პარტია „ლელოს“, რომელსაც მისი ამომრჩევლების 50 პროცენტი გაემიჯნა და 100 000 ხმით ნაკლები „ხმა“ მიიღო.ეს უტყუარი მტკიცებულებები დადასტურებაა იმისა, რომ არა თუ სხვასთან, არამედ საკუთარ ამომრჩევლებთანაც კი შეცდნენ.2-5-პროცენტიანი პარტიები 70 პროცენტის დოზით ნუ არიგებენ ჭკუას საზოგადოებას, რომელიც როგორც აღმოჩნდა, მათი არსებობით არ ინტერესდება.გამოსავალი მათაც აქვთ, გამოვიდნენ პარტიული ილუზიიდან და მხარში დაუდგნენ, მხარი დაუჭირონ ხალხს.ყველაზე მეტად ვდარდობ, რომ აბსოლუტურ იზოლაციაში მყოფმა, ვერ შევძელი დავხმარებოდი საქართველოს მოქალაქეებს.ფაქტია და უტყუარია ისიც, რომ 4 ოქტომბერს 100 000-ობით ადამიანმა დაინახა ერთმანეთი 300 დღის შემდეგ. თურმე კი არ გამქრალა ან ჩამქრალა პროტესტი, არამედ, ხალხის გულებში ისევ მკვეთრად სცემს თავისუფლების პატრიოტული სულისკვეთება.ამასობაში, კიდევ ერთი მკვლელობა! თან საქმეზე, რომელიც დაკავშირებულია ივანიშვილთან, მის ფულთან, მდინარაძესთან და მის სუს-თან. რიჟვაძის სავარაუდო მკვლელობის მცდელობა, ერთი კვირის წინ საეჭვოდ მოკლული ან თავმოკლული სუს-ის თანამშრომელი აჭარაში და ავტოფარეხში ნაპოვნი მიცვალებული – გლდანის ციხის ყოფილი უფროსი, ბაჩიაშვილის საქმის სკანდალიდან.როდემდე ვიცხოვროთ მკვლელობიდან მკვლელობამდე, სისხლიდან სისხლამდე?! დღევანდელი რეჟიმის პირობებში, ამ სავარაუდო მკვლელობების/თვითმკვლელობების საქმეებზე სიმართლეს ვერ გავიგებთ.ძალა ერთობაშია!! ძალა ხალხშია!! ღმერთმა დალოცოს საქართველო“, – ნათქვამია ლევან ხაბეიშვილის წერილში.

პოლიტიკა • 1759954740

ირაკლი კირცხალია: ვინც ასე ვთქვათ, ფრონტზეა და ფუტკარივით შრომობს სამშობლოსთვის, ყველას დიდ მადლობას ვუხდი. როგორც რიგითი ქართველი მოქალაქე, ამაყი ვარ, როდესაც ვხედავ ამ ბიჭებს, ამ სამსახურების წარმომადგენლებს

ძალოვანი თუ არაძალოვანი სტრუქტურა, ყველა, ვინც ასე ვთქვათ ფრონტზეა და ფუტკარივით შრომობს სამშობლოსთვის, ყველას დიდ მადლობს ვუხდი. როგორც რიგითი ქართველი მოქალაქე, ამაყი ვარ, როდესაც ვხედავ ამ ბიჭებს, ამ სამსახურების წარმომადგენლებს, - განაცხადა გადაცემაში „იმედი LIVE“ ფრაქცია „ქართული ოცნების“ თავმჯდომარემ და საპარლამენტო უმრავლესობის ლიდერმა ირაკლი კირცხალიამ. მას კითხვა დაუსვეს 4 ოქტომბრის აქციაზე, ასევე შემდგომ განვითარებულ პროცესებთან დაკავშირებით.„არ დავტოვებ არცერთ შესაძლებლობას, სადაც მადლობას არ გადავუხდი იმ სამსახურებს, რომელი სამსახურებიც ხედავთ, თუ როგორი მოწოდების სიმაღლეზე მუშაობენ. შინაგან საქმეთა სამინისტრო, ბატონი გეკა გელაძე, სახელმწიფო უსაფრთხოების სამსახური, ბატონი მამუკა მდინარაძე, სახელმწიფო დაცვის სამსახური, ბატონი ანზორ ჩუბინიძე, საგანგებო სიტუაციების მართვის სამსახური, თითოეული ის ადამიანი, რომელზეც დგას ნებისმიერი თავმოყვარე და ძლიერი სახელმწიფო, ძალოვანი თუ არაძალოვანი სტრუქტურა, ყველა, ვინც ასე ვთქვათ ფრონტზეა და ფუტკარივით შრომობს სამშობლოსთვის, ყველას დიდ მადლობს ვუხდი. როგორც რიგითი ქართველი მოქალაქე, ამაყი ვარ, როდესაც ვხედავ ამ ბიჭებს, ამ სამსახურების წარმომადგენლებს. მათ რეალურად თვისობრივად ახალ ეტაპზე აჰყავთ თითოეული ეს უმნიშვნელოვანესი სამსახური“, - აღნიშნა კირცხალიამ.მისი თქმით, ვინც 4 ოქტომბერს აქციაზე მივიდა, ყველამ მონაწილეობა მიიღო იმ აქციაში, რომლის მთავარი მიზანი სახელმწიფოს დამხობა იყო.„როდესაც ომში ჩართვას მომიწოდებდი, ელჩი გაიწვიე, სად იყვნენ ევროკავშირის წარმომადგენლები, აქაური დიპლომატიური მისიები, ერთ განცხადებას რომ არ აკეთებდნენ? სად იყვნენ ცეცხლი რომ ეკიდა პარლამენტს, რამდენიმე დღის წინ კი პრეზიდენტის სასახლეს შტურმით რომ იღებდნენ? ვხედავდით რა განცხადებებს აკეთებდნენ [მაია] სანდუ და ბოდიში საზოგადოებასთან და სანდუს პატენტი - სალომე ზურაბიშვილი. ღალატი, გაქცევა, დაგმობა, გადაბრალება - ეს ნაციონალური მოძრაობის მორალური სახეა. თითოეულმა მათგანმა, რომელიც მივიდა და მონაწილეობდა ამ აქციაში, იცოდეს, რომ მიიღო მონაწილეობა (თუნდაც არაძალადობრივად) იმ აქციაში, რომლის მთავარი მიზანი იყო სახელმწიფოს დამხობა“, - აღნიშნა კირცხალიამ.

პოლიტიკა • 1759931880

ირაკლი ზარქუა: ყველანი იყვნენ ჩართულები სახელმწიფოს, მთავრობის დამხობაში. ბუნებრივია, ვერავინ გაექცევა ამ პასუხისმგებლობას, ვინც ამ თემაში იყო ჩართული

საპარლამენტო უმრავლესობის დეპუტატმა, დიასპორისა და კავკასიის საკითხთა კომიტეტის თავმჯდომარემ ირაკლი ზარქუამ სამართალდამცველებს მუშაობისთვის მადლობა გადაუხადა. ამ თემაზე მან „დღის ქრონიკაში ისაუბრა და განსაკუთრებით სუსის ხელმძღვანელი, მამუკა მდინარაძე გამოყო.„ამ ბიჭმა თავისი ახალი მუხტით, ახალი შემართებით, კიდევ უფრო მაღალ დონეზე აიყვანა სახელმწიფო უსაფრთხოების სამსახური“, - აღნიშნა ზარქუამ.მისივე თქმით, სახელმწიფოს დამხობის მცდელობაში მონაწილე ადამიანები პასუხისმგებლობას ვერ გაექცევიან, სასამართლო კი მაღალი სტანდარტით იხელმძღვანელებს.„დეკემბრის აქციებზე ასობით ადამიანი ძალადობდა, როგორც მთავრობაზე, ასევე სახელმწიფო სტრუქტურების შენობებზე. მაშინ სულ რამდენიმე [დააკავეს], დანარჩენები გაუშვეს, იმიტომ რომ მაღალი მტკიცებულებითი სტანდარტის მქონე გამოძიება მიმდინარეობს. ანალოგიურად [იქნება] აქაც. ვერავინ დაემალება. ყველანი იყვნენ ჩართულები სახელმწიფოს, მთავრობის დამხობაში. ბუნებრივია, ვერავინ გაექცევა ამ პასუხისმგებლობას, ვინც ამ თემაში იყო ჩართული. მაღალი სტანდარტით ხელმძღვანელობს დღეს გამოძიება და სასამართლო“, - განაცხადა ზარქუამ.