რეგიონი • 1788683719

თურქეთში ქართველი ემიგრანტი გარდაიცვალა

53 წლის გია ელიაშვილი, ქალაქ იზმირში ცხოვრობდა და მუშაობდა.გარდაცვლილი წარმოშობით სიღნაღის მუნიციპალიტეტის ქალაქ წნორიდან იყო.ოჯახის ახლობლების განმარტებით, ელიაშვილმა დაიძინა და ვეღარ გაიღვიძა. ისინი ამბობენ, რომ მამაკაცს ჯანმრთელობის პრობლემები არ ჰქონდა და გარდაცვალების მიზეზი მათთვის უცნობია.ცხედარს სამედიცინო ექსპერტიზა ჩაუტარდება, რის შემდეგაც გარდაცვალების ზუსტი გარემოება დადგინდება.ოჯახი გია ელიაშვილის სამშობლოში გადმოსვენებისათვის, თურქეთში საქართველოს საკონსულოს მიმართავს.

პოლიტიკა • 1788347568

საერთაშორისო საზღვაო და ლოგისტიკური პორტალი Splash247: ანაკლიის პორტი საქართველოს შავი ზღვის სანაპიროზე ვითარდება, როგორც შუა დერეფნის გავლით, ევროპის, ცენტრალური აზიისა და ჩინეთის დამაკავშირებელი სავაჭრო მარშრუტის ახალი კარიბჭ

„საქართველოს ანაკლიის ღრმაწყლოვან პორტში დაღრმავებითი სამუშაოები დაიწყო“, - ამ სათაურით აქვეყნებს სტატიას საერთაშორისო საზღვაო და ლოგისტიკური პორტალი Splash247, სადაც აღნიშნულია, რომ ანაკლიის ღრმაწყლოვანი პორტის მშენებლობა ახალ ეტაპზე გადავიდა, ვინაიდან კომპანია Jan De Nul-ის ორმა ფსკერ დამაღრმავებელმა გემმა შესასვლელი არხის და მოსაბრუნებელი აუზის სამუშაოები დაიწყო.„ანაკლიის პორტი საქართველოს შავი ზღვის სანაპიროზე ვითარდება, როგორც შუა დერეფნის, ანუ შავი და კასპიის ზღვების გავლით ევროპის, ცენტრალური აზიისა და ჩინეთის დამაკავშირებელი სავაჭრო მარშრუტის, ახალი კარიბჭე. პროექტის მიზანია, საქართველოს მნიშვნელოვნად გაუზარდოს გამტარუნარიანობა კონტეინერების, მშრალი ნაყარი და სხვა ტიპის ტვირთების მიმართულებით, რუსეთისა და სუეცის არხის მარშრუტებზე დამოკიდებულების შემცირების პარალელურად. პირველი ეტაპის დასრულება 2029 წელს იგეგმება, როდესაც, სავარაუდოდ, პორტი წლიურად სულ მცირე 600000 TEU-ს (20-ფუტის ეკვივალენტურ ერთეულის) გადაამუშავებს. მეორე ეტაპი კი 2035 წლისთვის გამტარუნარიანობას სულ მცირე 1 მილიონ TEU-მდე გაზრდის. Jan De Nul მონაწილეობს შუა დერეფანთან დაკავშირებულ სხვა საპორტო პროექტებშიც, მათ შორის ყაზახეთში კურიკის პორტის გაფართოებასა და თურქეთში, მერსინის პორტში მიმდინარე დაღრმავებით სამუშაოებში“, - აღნიშნულია სტატიაში.

ტაბლოიდი • 1788196140

„ჩემი ყველაფერი“ - ირაკლი მაქაცარია მოგზაურობის კადრებს აზიარებს

ირაკლი ნაქაცარია მეუღლესთან, უფროს შვილთან და მეგობრებთან ერთად თურქეთში ისვენებს. წყვილი დასვენების ულამაზეს კადრებს გამომწერებს უზიარებს. „ჩემი ყველაფერი“, – წერს ირაკლი მაქაცარია მორიგი კადრების გაზიარებისას.           View this post on Instagram                       A post shared by Irakli Makatsaria (@maqatsa)

ტექნოლოგიები • 1788023234

მეცნიერებმა თურქეთში, ნოეს კიდობნის ძიების არეალში, უცნაური წარმონაქმნები აღმოაჩინეს

მკვლევრებმა თურქეთში, დურუფინარის კლდოვანი წარმონაქმნის რაიონში, რომელსაც ზოგიერთი ნოეს კიდობნის სავარაუდო ადგილად მიიჩნევს, მიწისქვეშა სიცარიელეები და სხვა ანომალიები აღმოაჩინეს. რადიოლოკაციური სკანირების შედეგების მიღება ორი თვის განმავლობაში იგეგმება. აღმოჩენის შესახებ უცხოური მედია წერს.პროექტის ხელმძღვანელის, პროფესორ ჯენქერ ათილას თქმით, სპეციალისტებმა ადგილმდებარეობის 3D-მოდელები შექმნეს და მიწისქვეშა სკანირება ჩაატარეს. წარმონაქმნის შიგნით 40 პროცენტით მეტი ნახშირბადი აღმოაჩინეს, ვიდრე მის გარეთ, რაც შესაძლოა ორგანული ნივთიერების ან ხის არსებობაზე მიუთითებდეს.წარმონაქმნის სიგრძე დაახლოებით 164 მეტრია - დაახლოებით 300 ძველი წყრთა, როგორც კიდობნის ზომაა აღწერილი ძველ აღთქმაში. მკვლევრები ნიადაგის ათასამდე ნიმუშის აღებას გეგმავენ, რის შემდეგაც მიღებულ მონაცემებს შეაფასებენ.

კულტურა • 1787736936

თურქეთში ლეოპარდზე ამხედრებული ადამიანის 11 000 წლის ქანდაკება იპოვეს

არქეოლოგებმა თურქეთის სამხრეთ-აღმოსავლეთით მდებარე ყარახანთეფეს ნეოლითური ხანის არქეოლოგიურ კომპლექსში 11 000 წლის ქვის ქანდაკება აღმოაჩინეს, რომელიც ლეოპარდზე ამხედრებულ ადამიანს გამოსახავს.თურქეთის კულტურისა და ტურიზმის მინისტრმა მეჰმეთ ნური ერსოიმ სოციალურ ქსელ NSosyal-ში გამოქვეყნებულ პოსტში აღმოჩენა აღწერა, როგორც „კომპოზიციური ქანდაკება“ ისეთი სტილით, როგორიც ამ ტერიტორიაზე მანამდე არ შეხვედრიათ. მისი თქმით, 70 სანტიმეტრის სიმაღლის ქანდაკება დაახლოებით 3 მეტრის დიამეტრის მქონე სტრუქტურის კედლის გასწვრივ იპოვეს.ეს აღმოჩენა თურქეთში მიმდინარე პროექტის „მემკვიდრეობა მომავალს“ (Heritage to the Future) ნაწილია, რომლის მიზანიც ქვეყნის მასშტაბით არქეოლოგიური კვლევებისა და ისტორიული ძეგლების კონსერვაციის გაფართოებაა.ერსოის თქმით, აღმოჩენა „ახალ კითხვებს ბადებს კაცობრიობის ისტორიის ყველაზე ადრეული პერიოდების შესახებ“ და სამეცნიერო საზოგადოებაზე დიდი გავლენა ექნება.

მსოფლიო • 1787387511

ისრაელი თურქეთის პრეზიდენტს "ანტისემიტ დიქტატორს" უწოდებს - ერდოღანი კი განცხადებას "იაფფასიან პოლიტიკურ მანევრს"

ისრაელი თურქეთის პრეზიდენტს ანტისემიტ დიქტატორს უწოდებს. ბენიამინ ნეთანიაჰუს ოფისის განცხადებით, რეჯეფ თაიფ ერდოღანი ისრაელის წინააღმდეგ აგრესიის სირიაში გავრცელებას ცდილობს. ნეთანიაჰუს ასევე ბრალს დებენ ქურთების განადგურებასა და "ჰამასის" ტერორისტებისთვის თავშესაფრის მიცემაში.ისრაელის ხელისუფლების განცხადებებს მალევე უპასუხეს თურქეთში. რეჯეფ თაიფ ერდოღანის ადმინისტრაციის განცხადებით, ეს არის ბენიამინ ნეთანიაჰუსა და მისი გუნდის მიერ განხორციელებული "იაფფასიანი პოლიტიკური მანევრი", რომელიც, ასევე მიმართულია არჩევნებში ნეთანიაჰუს პირადი უპირატესობის მოსაპოვებლად.

საზოგადოება • 1786997599

რა მოხდა თურქეთში და სად არის გურამ დადიანიძის მამა? - რას ჰყვება გურიკას დედა

12 წლის წინ დაკარგული გურამ დადიანიძის დედა გადაცემაში „შენი ამბავი თაისთან“ ჰყვება რა მოხდა თურქეთში და სად არის გურამ დადიანიძის მამა. „14 წლის იყო გურიკა პირველად, რომ გადავიყვანე თურქეთში, ჩემთან. სამი თვე აქეთ იყო სამი თვე იქით. ხუთი გადმოსვლა აქვს, მეხუთე ვიზის შემდეგ ბავშვმა გააფუჭა ვიზა, აღარ მინდა საქართველოშიო...ერთი დღე იყო, როცა ბინის მეპატრონემ დამირეკა, მთელი კორპუსი და ქუჩა იჩხრიკებაო. იმ წუთას ის გავიფიქრე, რომ ვიზა არ მქონდა. გაჩხრიკეს და პასპორტით ნახეს, რომ მე 9 წელი საბუთები მქონდა გაფუჭებული. გაკვირვებული მიყურებდა, ნუთუ როგორ დადიოდი აქ, რომ საერთოდ არსად არ ხარ დაფიქსირებულიო. წავედით პოლიციაში, იქ გავიგე, რომ ჩვენი ბინის წინ ბავშვი დაღუპულა. პოლიციამ მაჩვენა იმ ბავშვის ფოტო, რომელიც ჩემი მულის კლასელი იყო. ამის საფუძველზე იყო ჩემს ბინაში ჩხრეკა...ჩემი წარსული ან მამასთან გაშორება არანაირი კავშირში არ არის გურიკას გაქრობასთან. (გურიკას) მამა რატომ არ გამოდის კონტაქტზე არ ვიცი. გული, რომ აწუხებს ვიცი. მე თუ რამეზე დამირეკავს მასთან ყოველთვის ნორმალურად გაუცია პასუხი“

საზოგადოება • 1786877849

„დღეს, როცა ჩემი გარდასახვის გზა გავიარე, მინდა ეს სიკეთე უკან დავაბრუნო“ - ლილიანა გოჭოშვილი მიმართვას ავრცელებს

„ახლა რომ უკან ვიყურები, მახსოვს დღეები, როცა მეც არ მქონდა საშუალება… მაგრამ მაშინ მთელი საქართველო გამიხდა დასაყრდენი, არასდროს დამავიწყდება ის მხარდაჭერა და სიყვარული, რაც თქვენგან მივიღე“, – ამის შესახებ სოციალურ ქსელში ლილიანა გოჭოშვილი წერს.გოგონა, რომელიც საზოგადოებამ ცნობილი ფოტოგრაფის, დანტესის მეშვეობით გაიცნო, სოციალურ ქსელში ოპერაციამდე გადაღებულ კადრებს გვიზიარებს. ლილიანას თურქეთში ურთულესი პლასტიკური ოპერაცია გასულ წელს ჩაუტარდა. სწორედ ამ ოპერაციამ შეცვალა გოგონას ცხოვრება, ახლა კი ლილიანას სურს იმ ადამიანების დახმარება, ვისაც ეს ძალიან სჭირდება.„ახლა რომ უკან ვიყურები, მახსოვს დღეები, როცა მეც არ მქონდა საშუალება… მაგრამ მაშინ მთელი საქართველო გამიხდა დასაყრდენი. არასდროს დამავიწყდება ის მხარდაჭერა და სიყვარული, რაც თქვენგან მივიღე.დღეს, როცა ჩემი გარდასახვის გზა გავიარე და ფეხზე მყარად ვდგავარ, მინდა ეს სიკეთე უკან დავაბრუნო. მინდა გავხდე ვიღაცისთვის ისეთივე იმედი, როგორიც ჩემთვის იყავით თქვენ! თუ გჭირდებათ დახმარება, ან იცნობთ ადამიანს, ვისაც ახლა ყველაზე მეტად სჭირდება გვერდში დგომა — მომწერეთ. სიკეთე წრებრუნვაა და დროა, ეს ჯაჭვი გავაგრძელოთ!“ – წერს ლილიანა სოციალურ ქსელში. 

საზოგადოება • 1786823741

12 წლის წინ დაკარგული გურიკა დადიანიძის დედა მიმართვას ავრცელებს

12 წლის წინ დაკარგული გურიკა დადიანიძის დედა მიმართვას ავრცელებს.„თურქეთში ცხოვრების დროს გარდაცვლილი გიორგი დურული არაფერ კავშირშია ჩემთან ან გურიკას პოვნასთან. გთხოვთ პატივი ეცით გარდაცვლილის ოჯახს. ჩემი ერთადერთი სურვილი შვილის პოვნაა, რაც არ უნდა ეცადოთ ჩემს გაშავებას ღმერთი ხედავს, რომ მართალი ვარ ! მე პირადად ბოდიშს ვუხდი მის ოჯახს მის გამო რომ 12 წლის ტკივილს შეეხნენ...“,  წერს სოფო ბიბილაშვილი სოციალურ ქსელში. 

რეგიონი • 1786524829

ამბროლაურის მუნიციპალიტეტის მერი ზაზა ქევანიშვილი და საკრებულოს თავმჯდომარე ზვიად მხეიძე პროექტის - „ძველი დიდების ნაკვალევზე“ პრეზენტაციას დაესწრნენ

ამბროლაურის მუნიციპალიტეტის მერი ზაზა ქევანიშვილი და საკრებულოს თავმჯდომარე ზვიად მხეიძე პროექტის - „ძველი დიდების ნაკვალევზე“ პრეზენტაციას დაესწრნენ.პროექტი უკვე 12 წელია, ამბროლაურის მოსწავლე-ახალგაზრდობის ცენტრის ორგანიზებით და მუნიციპალიტეტის მერიის ფინანსური მხარდაჭერით ხორციელდება.პროექტის ფარგლებში შემეცნებითი ჯგუფის წევრები თურქეთში იმყოფებოდნენ, სადაც ისტორიულ და გეოგრაფიულ ღირსშესანიშნაობებს გაეცნენ. ვიზიტის დასრულების შემდეგ მონაწილეებმა აუდიტორიას წარუდგინეს მომზადებულიპრეზენტაციები და ვიზიტის ფარგლებში მოპოვებული მასალა.პროექტის მიზანია ახალგაზრდებისთვის დამატებითი ცოდნისა და პრაქტიკული გამოცდილების მიღების ხელშეწყობა.პრეზენტაციას ასევე ესწრებოდნენ საკრებულოს სივრცით-ტერიტორიული დაგეგმარებისა და ინფრასტრუქტურის საკითხთა კომისიის თავმჯდომარე ბაქარ ბაკურაძე და საკრებულოს ფრაქცია „ქართული ოცნება-დემოკრატიული საქართველოს“ თავმჯდომარის მოადგილე ლაშა აბაიშვილი.

სამართალი • 1786430218

სამართალდამცველებმა ინტერპოლის წითელი ცირკულარით ძებნილი პირი დააკავეს

შინაგან საქმეთა სამინისტროს ცენტრალური კრიმინალური პოლიციის დეპარტამენტის აჭარის მთავარი სამმართველოს თანამშრომლებმა, ინტერპოლის წითელი ცირკულარით ძებნილი, უცხო ქვეყნის მოქალაქე დააკავეს. ინფორმაციას შსს ავრცელებს.დაკავებული, თურქეთის რესპუბლიკის სამართალდამცავი ორგანოების მოთხოვნის საფუძველზე, თურქეთში ჩადენილი განზრახ მკვლელობისთვის, საერთაშორისო დონეზე იძებნებოდა.სამართალდამცველებმა, ჩატარებული საგამოძიებო მოქმედებების შედეგად, ძებნილი პირი ბათუმში დააკავეს.ამჟამად, დაკავებულის მიმართ კანონით გათვალისწინებული საექსტრადიციო პროცედურები მიმდინარეობს.

მსოფლიო • 1786427146

Reuters: ავსტრიამ რუსეთის თავდაცვის ინდუსტრიისთვის სანქციების გვერდის ავლით აღჭურვილობის მიწოდების სქემა გამოავლინა

ავსტრიამ გამოავლინა სქემა, რომლის წყალობით ვენაში დაფუძნებული კომპანია რუსულ სარაკეტო და საბრძოლო თვითმფრინავების ძრავების წარმოებაში გამოყენებულ აღჭურვილობას ევროკავშირის სანქციების დარღვევით აწვდიდა. ინფორმაციას Reuters-ი ავსტრიის შინაგან საქმეთა სამინისტროზე დაყრდნობით ავრცელებს.შინაგან საქმეთა სამინისტროს ცნობით, კომპანიამ სანქციების ქვეშ მოქცეული აღჭურვილობის, მათ შორის სპეციალური ლითონის დამუშავების ხელსაწყოებისა და CNC ჩარხების, მიწოდებისთვის საბოლოო მომხმარებლის სერტიფიკატები გააყალბა. აღნიშნული მოწყობილობები შესაძლოა დეტალებისა და სხვადასხვა ხელსაწყოს დასამზადებლად გამოიყენებოდეს.უწყების განცხადებით, კომპანიის 28 წლის ბელარუსი ხელმძღვანელი მაისში დააკავეს.სამინისტროს ინფორმაციით, კომპანიამ რუსეთში საქონლის მიწოდება თურქეთში, არაბთა გაერთიანებულ საამიროებში, ჰონკონგში, ბელარუსში, ყირგიზეთში, სამხრეთ კორეაში, პოლონეთსა და ლიეტუვაში მოქმედი კომპანიების ქსელის მეშვეობით დამალა.„დაუშვებელია, რომ მაღალი სიზუსტის ევროპული ტექნოლოგიები ფრთოსანი რაკეტებისა და საჰაერო თავდაცვის სისტემების წარმოებისთვის გამოიყენებოდეს“, - განაცხადა ავსტრიის დაზვერვის საკითხებში სახელმწიფო მინისტრმა იორგ ლაიხტფრიდმა.ავსტრიის შინაგან საქმეთა სამინისტროს ცნობით, აღჭურვილობა მიეწოდებოდა რუსულ სახელმწიფო სამრეწველო კონგლომერატ „როსტეხ“-თან დაკავშირებულ კომპანიებს. გამოძიების ბოლო მონაცემებით, მიწოდებული საქონელი სამხედრო ტექნიკის, მათ შორის ფრთოსანი რაკეტებისა და საბრძოლო თვითმფრინავების ძრავების დასამზადებლად გამოიყენებოდა.სამინისტროს ინფორმაციით, მთავარი ეჭვმიტანილის დაკავების დღესვე სამართალდამცველებმა დაახლოებით 140 000 ევროს ღირებულების CNC ჩარხები და სპეციალიზებული ხელსაწყოები ამოიღეს. დაკავებული, რომლის ვინაობაც არ სახელდება, გამოძიების გაგრძელების პერიოდში პატიმრობაში რჩება.