საზოგადოება • 1775022854

რა დაუბარა პატრიარქმა სტუდენტებს - ემოციური ჩანაწერი

„როცა მცენარეს დარგავთ აუცილებლად უთხარით, გაიხარე და გამახარე“,- ასე დაარიგა პატრიარქმა სტუდენტები, რომელსაც ფლორისტი, ბოტანიკოსი ზურა შევარდნაძე იხსენებს.როგორც შევადნაძე წერს, პატრიარქი ხშირად რგავდა მცენარეებს ან ვინმეს სახელზე ან დღესასწაულთან დაკავშირებით.„შემოდგომაზე და გაზაფხულზე ხშირად ურეკავდა დედა თეკლეს, ხე მინდა დავრგო ამა და ამ ადამიანის სახელზე ან ამა და ამ დღის აღსანიშნავად, სტუდენტები მოიყვანეთ. აბა ვინ იტყოდა ასეთ თხოვნაზე უარს? შევარჩევდით ადგილს, ნერგს, მოვამზადებდით ორმოს, ჭიგოს, მობრძანდებოდა, სახე გაბრწყინებული და დავრგავდით, მოვრწყავდით.სტუდენტებს მოეფერებოდა და უსათუოდ იქ მყოფებს მიმართავდა: როცა მცენარეს დარგავთ აუცილებლად უთხარით, გაიხარე და გამახარე. ეს თქვენ გგონიათ რომ არ ესმის, მაგრამ ისიც ჩვენსავით ღმერთის გაჩენილია, ისიც ცოცხალია. გაიხარე და გამახარე, გაიხარე და გამახარე, გაიხარე და გამახარე“,- წერს ზურა შევარდნაძე.

საზოგადოება • 1774793373

„რა კარგად გიმუშავიათ მაგრამ შენიშვნა მაქვსო...“ - რას იხსენებს ზურა შევარდნაძე ილია მეორეზე

საქართველოს კათოლიკოს-პატრიარქის ილია II-ის გარდაცვალებას გარდა ცნობილი პოლიტიკოსების, საზოგადო მოღვაწეებისა და კულტურის სფეროს წარმომადგენლებისა, სოციალურ ქსელში არაერთი ცნობილი ქართველი გამოეხმაურა.ამჯერად ქართველი ფლორისტი, მწერალი და ტელეწამყვანი, ზურა შევარდნაძე უწმინდესთან ისტორიას იხსენებს:„მცხეთაში ძველი პატარა ტაძარია მგონი გეთსიმანია ქვია. იქაურობა განაახლეს, ეკლესია გადახურეს, მოაწსრიგეს და ბაღის დარგვა, მიხედვა უწმინდესმა ჩვენს სამებაღეო სასწავლებელს დაავალა. ზაფხული იყო ძალიან ცხელოდა, დედა თეკლესთან და სტუდენტებთან ერთად ვიმუშავეთ. ომი დაიწყო.. ტაძრის კურთხევა 9 აგვისტოს იყო დაგეგმილი. ეს ის დღეა ბომბების ხმა რომ გვესმოდა გორიდან. ძალიან ვიყავით დამფრთხალი და შეშინებული, უიმედობა ეტყობოდა ყველას.უწმინდესი თუ მოვიდოდა არავის ეგონა მაგრამ დათქმულ დროს მობრძანდა, მშვიდად, წყნარად თვალი მოგვავლო ყველას და დაგვლოცა. ტაძარი აკურთა, არ ჩქარობდა. მერე გარეთ გამობრძანდა, პატარა განახლებული ბაღი შემოარა და თვალებით გვიხმო დედა თეკლეს და მე, მადლობა გვითხრა რა კარგად გიმუშავიათ მაგრამ შენიშვნა მაქვსო, გავინაბეთ. ზეთისხილები დაგირგავთ ძალიან ახლო ახლოსო. არ შევწინააღმდეგებივართ რათქმაუნდა, ვუთხარი მხოლოდ რომ პატარა ნერგები გვქონდა, გვინდოდა დღევანდელ დღეს უკვე ლამაზად ყოფილიყო და ამიტომ დავრგით ასე ახლოახლო. არა ეგ კი მესმის მაგრამ ორასი წლის შემდეგ, სამასი წლის შემდეგ, განა ხელს არ შეუძლიან ერთმანეთს? ზეთისხილი ხომ ძალიან დიდხანს ცოცხლობს. იერუსალიმში, გეთსიმანიას ბაღში ქრისტესდროინდელი ხეები დღესაც ხარობენ.ეს ყველაზე სასიამოვნო შენიშვნა იყო რაც კი ოდესმე მიმიღია, დიდი იმედით სავსე სამ სიტყვიანი შემჩნევა. დარწმუნდა ყველა იქ მყოფი რომ მომდევნო სამასი წელი მაინც საქართვეოს არაფერი ემუქრება.ნერგები რასაკვირველია იმავე დღეს დავაშორიშორეთ“,- წერს ზურა შევარდნაძე.

საზოგადოება • 1774528920

ზურა შევარდნაძე პატრიარქის შესახებ სახალისო ისტორიას იხსენებს

საქართველოს ფლორისტი და მწერალი ზურა შევარდნაძე პატრიარქის შესახებ სახალისო ისტორიას იხსენებს. ,,ეპიზოდი 14.ოცჯერ მაინც უკითხავს:-ზურაბ თქვენ მარხულობთ არა?-არა თქვენო უწმინდესობავ მე არ ვმარხულობ.-თქვენ მარხულობთ არა?-არა არ ვმარხულობ.-დიდ მარხვაში ხორცს მიირთმევთ?-დიახ უწმინდესო, ექიმმა დამინიშნა.-მერე თქვენც მორწმუნე ექიმებთან იარეთ.ერთხელ სუფრასთან მკითხა ტრაპეზის დროს, სამი მეუფე იჯდა მაგიდასთან უცხო სტუმრებთან ერთად.-ზურაბ თქვენ მარხულობთ არა?-არა თქვენო უწმინდესობავ მე არ ვმარხულობ.-მეუფევ, ამ გურულს თავისი გულწრფელობა აცხონებს",- წერს ზურა შევარდნაძე. 

საზოგადოება • 1774112409

ამაზე ფსიქოლოგებმა და სპეციალისტებმა უნდა ისაუბრონ... ჩემთვის პატრიარქმა უკვე მოახდინა პირველი სასწაული... - ზურა შევარდნაძე

მებაღე ზურა შევარდნაძე პატრიარქის გარდაცვალებასთან დაკავშირებით სახალხო გლოვას ეხმაურება. მისი თქმით, ის რაც ახლა სამებაში ხდება ჩვეულებრივი ამბავი არ არის.„მთელი ღამე იქ ვიყავი. ის რაც ახლა სამებაში ხდება არის იმაზე დიდი, ვიდრე ჩვენ გვგონია. ამაზე ალბათ ფსიქოლოგებმა და სპეციალისტებმა უნდა ისაუბრონ. მაგრამ რაღაც უცნაური და ძალიან დიდი რომ ხდება ეს ფაქტია. პირველად მაქვს ჩემს ცხოვრებაში განცდა უდიდესი სევდის, უდიდესი ტკივილის, დანაკარგის მისი უწმინდესობის ჩვენთან ცოცხლად არ ყოფნის, მისი წასვლით, მაგრამ ამავე დროს უდიდესი სიხარულის, მარტო მას შეეძლო ასეთი რამე გაეკეთებინა. რა გასაკვირიც არ უნდა იყოს ამის შემხედვარე ბედნიერების განცდაც აქვს. ადამიანები გაუცნობიერებლად ფოტოებს იღებენ პანაშვიდის რიგში, ეს არ არის ჩვეულებრივი ამბავი, მოსწონთ ადამიანებს თავისი თავი ამ მდგომარეობაში, თანაგრძნობის მდგომარეობაში. ზრუნავენ ერთმანეთზე, თურმე შეგვძლებია ერთად ყოფნა და ერთმანეთის სიყვარული, ჩემთვის უწმინდესმა უკვე მოახდინა პირველი სასწაული...ასეთი განცდა ჩემს ცხოვრებაში არასდროს მქონია, დიდი ტკივილი და დიდი სიხარულის.“ - ამბობს ვიდეოში ზურა შევარდნაძე.

faceამბები • 1773495629

„სასწაულზე მეტიც იყო ამის ნახვა... გვეჩვენებოდა ალბათ რომ ტიროდნენ კიდეც“ - რას წერს ზურა შევარდნაძე

ქართველი ფლორისტი, მწერალი და ტელეწამყვანი, ზურა შევარდნაძე, რომელიც ცნობილია თავისი ყვავილებისადმი განსაკუთრებული სიყვარულითა და ბაღის მოვლისადმი​მიძღვნილი შრომით, სოციალურ ქსელში ხშირად უზიარებს საზოგადოებას ამა თუ იმ რჩევებს და სახალისო ისტორიებს მისი წარსულიდან. ამჯერად ზურამ სოციალურ ქსელში ახალი პოსტი გამოაქვეყნა, სადაც ბავშვობას იხსენებს და გაზაფხულის დადგომაზე წერს:„ჩემი ბავშვობისდროინდელ გურიაში ყველას სჯეროდა, რომ მერცხლების მოფრენას გაზაფხულზე მოაქ ოჯახიზა სიკეთე და ყორიფელი კაი. სახლზე მერცხალი რომ ბუდეს არ გეიკეთებს გლახას უნდა ელოდეს პატრონი.ჩვენი შუშაბანდის სარაბახი და პარმაღის მესამე, მოღუნული ქილიში ქონდათ ამოჩემებული, აპრილის ბოლოსკენ გამოჩნდებოდენ, გულმოდგინედ მოზელდენ ტალახს და იწყებდენ ბუდის შენებას. ხან მეკირიები დაესხმებოდენ თავს, წაართმევდენ სიმწრით ნაშენებს, ბოლომდე ამოქოლავდენ და დაისაკუთრებდენ.იმ წლის გაზაფხულზე ხარება დღეს მოფრინდნენ, ძველი ბუდე შეაკეთეს და მალევე დაჩეკეს ექვსი ბარტყი, ყველა დაზარდეს და დააფრთიანეს.ნაფერისცვალებევს გასაფრენად რომ ემზადებოდენ რატომღაც დედა მერცხალი ბუდეში რჩებოდა დღისით, იქიდან იმზირებოდა მოწყენილი. ბაბუამ თქვა რაცხა უჭირს თვარა ასე არ გაჩერდებოდაო, დავაკვირდით..აკითხავდენ სხვა მერცხლები, ბუდეზე ჩამოუსხდებოდენ, იყო ერთი ჟივილი, ის კიდევ უფრო მოიწყენდა, ბოლოს ბუდეში მთლად ჩაიმალა, თავიც აღარ უჩანდა.დადგა გაფრენის დღე, შეგროვდენ, მეზობლის სახლებიდან სხვა მერცხლებიც მოვიდნენ, ყველამ მოაკითხა იჟივლეს, იჟივლეს, უფრინეს ირგვლივ ჩვენს სახლს და ეზოს, ვერაფერს გახდნენ ან რა უნდა ექნათ, გაფრინდნენ.ბაბუამ სკამი დაიდგა, ავიდა და ბუდიდან ფრთამოტეხილი, მარტო დარჩენილი დედა მერცხალი ჩამოიყვანა, მიმინოს ყავს გამონაქცევიო დაადგინა. მარტო ჩვენ ბავშვებმა კიარა დიდებმაც იდარდეს. ბებიამ უიღბლა დაარქვა და გვითხრა: "რა ოჯახი ვართ ნენა ამდენმა სულმა ერ ჩიტს თუ ვერ მივხედეთ და ვეპატრონეთ არხეინათ იყავით აფერს არ გუუჭივრეფო."იმ დღიდან ჩვენი, ბაღნების მთავარი საზრუნავი, სადარდებელი, სიხარული და მწუხარება მხოლოდ უიღბლა გახდა. ბებიამ კვერცხის ცილა და კუპრის საპონი ათქვიფა, ჩემს ძველ ფეხსაცმელს ენა ამოგლიჯა, თხელი ტყავი ფრთის ფორმაზე გამოჭრა და ნარეცხი მიტკალით არტაშანი დავადეთ მტკივან ფრთაზე უიღბლას. ბაბუამ მომცრო ყუთი შეჭედა, ფუჩეჩით, რბილი თივით გამოვტენეთ და შიგ ჩავსვით. რძეში მოზელილი ჭადისგულის ბურთულებს ვაჭმევდით ერთხანს, ხან კვერცხისგულს ვუჩიტავდით. ორ კვირაში მოიკეთა, ძალა მოიკრიბა ფრთაც მოურჩა და შუშაბანდში გადავასახლეთ, კარების თავზე მივუმაგრეთ ყუთი. ფრთხილად გამოდიოდა, ფანჯრის რაფებზე შუშებთან შეგროვილ ბუზებზს დარაჯობდა.დაზამთრდა, ჩამოთოვა საყორნია, ტოლების და ბახმაროს მთებიც ჩამოათეთრა. უიღბლა მთლად დასევდიანდა, უმეტეს დროს ყუთში ატარებდა მხოლოდ წყლის დასალევად თუ გამოვიდოდა, ერთი ორი სიცივისგან დარეტიანებული ბუზი ჰყოფნიდა მთელი დღე, რას არ ვთავაზობდით მაგრამ ჩვენი მოტანილი არაფერი უნდოდა, ძალიან შეგვეჩვია, აღარ გვიფრთხოდა.გამარტებისკენ დღეები რომ დაგრძელდა, დათბა, გარეთაც დაიწყო სახლის ირგვლივ და ეზოში ფრენა. ტყემლები და ფრანგულა მსხლები რომ აყვავდა შუშაბანდი და ყუთი დატოვა, თავის ბუდეში გადასახლდა, ხალისიანი გახდა, ბუმბულიც გამოიცვალა.ბევრი ემოციებიანი, სიხარულით, სიცილ-ყიჟინით მონატრებული ადამიანების შეხვედრა მინახავს ამ 45 წლის მანძილზე მაგრამ არც მანამდე და არც მერე იმის მსგავსი არაფერი როგორიც მერცხლების შეხვედრა იყო იმ წლის გაზაფხულზე... როგორ ჟიოდნენ, ყველანი როგორ ჟიოდნენ, როგორ ეფერებოდნენ ერთმანეთს შუბლებით სასწაული და სასწაულზე მეტიც იყო ამის ნახვა. გვეჩვენებოდა ალბათ რომ ტიროდნენ კიდეც.ოთხი ბარტყი გამოჩეკა და გაზარდა იმ წელს უიღბლამ, დააფრთიანა, ნაფერსცვალებევს დიდი მადლიერებით სამი წრე დაარყეს ჩვენს ოდასახლს და სხვა მერცხლებთან ერთად გაფრინდა.გასათხოვი ყველა გავათხუეთ, მოსაყვანებმა ყველამ მოიყვანეს, შვიდი ბიჭი შვილი გაჩნდა მარტო ჩვენს სანათესაოში, თავიც არ წამოგვტკენია არცერთს, სულ ირიახო ურუახო ისმოდა ჩვენსას იმ წელიწადს“,- წერს ზურა შევარდნაძე. 

faceამბები • 1772460420

„ყველა დარდი და სევდა გაქრება, კარგად ვიქნებით“ - რას წერს ზურა შევარდნაძე

 „გარდენია შევარდნაძის“ დამფუძნებელი, ფლორისტი და მწერალი ზურა შევარდნაძე, სოციალურ ქსელში პოზიტიური პოსტით მიმართავს გამომწერებს:„გაზაფხული მოვიდა!!!ყველა ჩვენგანისთვის სიხრული მოეტანოს.ეს თოვლიც მალე წყლად იქცევა, ყველა დარდი და სევდა გაქრება. კარგად ვიქნებით!!!“,- წერს შევარდნაძე

faceამბები • 1772099105

„ნუ გვეჩხუბებით! არ გათავდა ჭკუის სწავლება და დარიგებები...“ -  ზურა შევარდნაძე მიმართვას ავრცელებს

ქართველი ფლორისტი, მწერალი და ტელეწამყვანი, ზურა შევარდნაძე, რომელიც ცნობილია თავისი ყვავილებისადმი განსაკუთრებული სიყვარულითა და ბაღის მოვლისადმი მიძღვნილი შრომით, სოციალურ ქსელში ხშირად უზიარებს საზოგადოებას ამა თუ იმ რჩევებს და სახალისო ისტორიებს მისი წარსულიდან.ამჯერად ზურამ სოციალურ ქსელში მორიგი პოსტი გაავრცელა და ის მიზეზი დაასახელა, რის გამოც „გარდენიას“ საკურიერო მომსახურება არ აქვს:„არ გათავდა ჭკუს სჭავლება და დარიგებები: "აიყვანეთ კურიერი, უფრო მეტს გაყიდით.." "რა გაგიხდათ გაგზავნის სერვისის გაკეთება?!.." "გამოგზავნის სერვისით უფრო მეტ მოგებას ნახავთ.." "ფოსტით არ აგზავნით?!.." და ამის მსგავსი ბევრი. ზოგი პირდაპირ მოგვიწოდებს და გვავალებს..მართლა ვინმეს ჰგონია ნეტავ რომ ასე გამიჭირდებოდა კურიერის აყვანა ან გაგზავნის სერვისის დაორგანიზება?არსებობს მარტივი მიზეზი რატომ არ ვაგზავნით მცენრეებს, ნერგებს, მიწას და სასუქებს და მგონი მეათასედ ვამბობ და ვწერ :არაფერი გვრჩება გასაგზავნი!!!! იმას რასაც ვთესავთ ვრგავთ, ვამყნობთ, მოგვყავს ძვლივს ჰყოფნის ბაღში ან ბაღის ჭიშკართან დახლთან მოსულ სტუმრებს. რომ გავაგზავნოთ ბაღში ვინც მოდის იმას არაფერი დახვდება. ვერ ვააწარმოებთ მთელი საქათველოსთვის საკმარის ნერგს ჩითილს, თესლს ..... სხვამაც იშრომოს ყველაფერს გარდენია ვერ ეყოფა და არც უნდა ეყოს.ნუ გვწერთ შეურაცმყოფელ და დამრიგებლურ წერილიებს. " ააააა გინდათ 5 ლარი გადავიხადოთ ბაღში შესასვლელად და ამიტომ არ გვიგზავნით???" არავის ვაიძულებთ ბაღში გვესტუმროს, ბაღს საკმარისზე მერტი სტუმარი ჰყავს ისედაც. ნერგი, მიწა ჩითილი, თესლი სასუქი ბაღის გარეთ იყიდება, არ გჭირდებათ ბაღში შესასვლელი ბილეთი. ვერ გამოიცანით)))) ნუ გვეჩხუბებით ნუუუუ!!!! ჩვენ მადლიერი ვართ თქვენი, ძალიან მადლიერიც!!!!!1 მარტს გარდენია ოცდამეერთე საგაზაფხულო, სამებაღეო სეზონს გახსნის“,- ნათქვამია გავრცელებულ ინფორმაციაში. 

ტაბლოიდი • 1771252200

VIDEO: „აი წითელი ფხალი რაფერი მწვანეა...“ - ზურა შევარდნაძის ვიდეო ნახვების რეკორდს ხსნის

გადაცემაში „შაბათ-კვირის დილა“ ზურა შევარდნაძე თავისი საოცარი ისტორიებით დაბრუნდა.ნინო კვაჭანტირაძესთან ერთად მაყურებლისთვის სხვადასხვა კერძები მოამზადეს საინტერესო ამბების თანხლებით...ერთ-ერთი ასეთი ვიდეო ნახვების რეკორდს ხსნის 

faceამბები • 1771188137

ლამპრობის ტრადიცია გურიაში - რა ამბავს იხსენებს ზურა შევარდნაძე

მებაღე ზურაბ შევარდნაძე სოციალურ ქსელში გურიაში ლამპრობის ტრადიციაზე წერს.„15 თებერვლის ღამეს ბავშვობაში ძალიან ველოდებოდით.ეს ღამე განსაკუთრებული ღამეა გურიაში, გურულები ლამპარს ანთებენ და ამ რიტუალს ჩვეულებრივად ლამპრობას ვეძახით.ბაბუა დილიდან ჩაალბობდა ნავთიან გობში საგანგებოდ ამ დღისთვის გადანახულ, მსხვილ ნაგულებს, აკაციის გრძელ ღჯას კანს გააცლიდა და ნავთით გაჟღენთილ ნაგულებს თავბოლოშექცევით , მჭიდროდ, რამდენიმე წყებად მიამაგრებდა სარზე.ძალიან ველოდით დაბნელებას, და თუ კი ფერდებზე შეფენილი ეზოებიდან, რომელიმე მეზობელი დაგვასწრებდა ანთებას, ბაბუას მოსვენებას არ ვაძლევდით. ბაბუა დინჯად გამოიტანდა ლამპარს აანთებდა, ეზოს გადაღმა გადმოგვიყვანდა და აგუზგუზებულ სარს თოვლში ჩაარჭობდა, საზღვარი არ ქონდა ჩვენს სიხარულს… ვიჭაჭებოდით და ბოლო ხმაზე ვყვიროდით, ლამპარი, ალური კუდიანებსა.. ლამპარიიიიიი..ოჯახი არ დარჩებოდა გურიაში, ვინც ლამპარს არ აანთებდა. ბავშვიანი ოჯახები განსაკუთრებით მოინდომებდნენ, მოხუცები მოკრძალებულ და მგლოვიარე ოჯახი არ შეიმჩნევდა და არ გამოიტანდა ლამპარს.ბებიას ჯეროდა, რომ ჭინკები, ეშმაკები და უჟმურები, რომლებიც ღელეებში და ღარდებში ცხოვრობდნენ ამ ღამეს სოფელ, სოფელ დადიან და “თუ დეინახეს, რომე არ ანთია ცეხლი, მეივლიენ და დაბუდდებიენ შინ. ჩვენი მტრისას და დამაწყევარისას დაბუდდა უხილავი. თუ დეინახავს ცეცხლს გეიარს და წავა ნენა, დაბრუნდება მის ღარდაში…”ზოგჯერ ბაბუა ზაფხულიდან გადანახულ შამბალას ქერხებს გაურევდა ნაგულებში, ასეთი ლამპარი ნაპერწკლებს ისვრის და ოიიიი ამ ნაპერწკლების საშინლად ეშინიათ თურმე ჭინკებს.თუ ვინმე ძველ რეზინის ჩექმას ან კალოშს დაწვავდა ჭინკების დასაფრთხობად ბრაზობდა ბაბუა ” ააქოთეს, წაპილწეს აქოურობაო”…მინელდებოდა ლამპარი და ჩვენ გულდაწყვეტილი ვბრუნდებოდით შინ, რომ ეს ნანატრი ამბავი ასე უცბად მორჩა.ბებია გახურებულ ბუხარს დაგვახვედრებდა, კეცს არეკავდა, მზისფერ ჭადს შქერის ფოთოლს გააცლიდა, დერგიდან აგვისტოს ყველს ამოიღებდა, კუხე პამიდორის თხილიან მჟავეს დიდი ჯამით დადგამდა და გვავახშმებდა.მერე ფეხებს დაგვითბილავდნენ, სველი პირსახოცით ლამპრობის მურს გაგვაცლიდნენ სახიდან და გახამებულ ლოგინებში ჩაგვაწვენდნენ. შუბლზე გვაკოცებდნენ და დაგლოცავდნენ. ” ვეფერი დაგაკლოს ეშმაკმა და უხილავმა ნენა, შუუმჩეველი დარჩით წრომანდელ წელს უჟმურიზა და ჭინკიზა, გამიხაროს და გამიძლიეროს თქვენი თავი გამჩენელმა…ალური კუდიანებს”ვიწექით და გვჯეროდა, რომ ვეფერი ვერ მოგერევა წელს…არვიცი, მართლა არვიცი მაგრამ ვიცი ერთი, რომ ლამპრობა სანამ ვარ სულ ასე ტბილად მემახსოვრება.ნეტა წელს თუ დაანთეს ლამპარი გურიაში..“ - წერს ზურა შევარდნაძე.

საზოგადოება • 1768325267

გურული დალოცვა კალანდობის ღამეს - „გასათხოვი გაგვათხუებიე, მოსაყვანს მუაყვანიე. გვაშორე დარდი“

ბიოლოგი, მებაღე ზურა შევარდნაძე საზოგადოებას ახალ წელს სოციალურ ქსელში ულოცავს და 40 წლის წინ ბებია-ბაბუასგან კალანდობას მოსმენილ და დამახსოვრებულ „გალოცვას” უზიარებს.„40 წლის წინ ბებიასგან და ბაბუასგან კალანდობას მოსმენილი და დამახსოვრებული “გალოცვაა”, უფრო მარტივი და უკეთესი არ ვიცი.„გამჩენო მამაზეციერო, უხვი წელი მოგვეცი, გვიმყოფე ყველა მთელი ჯანით და მხიარული გულით. გასათხოვი გაგვათხუებიე, მოსაყვანს მუაყვანიე, წამსლელი მშვიდად წეიყვანე იმქვეყანას. გვაშორე დარდი, ოხი მიეცი ყველა გაჭივრებულს და უქონელს. გაგვიმსე სახლი ბაღნებით, გული სიკეთით და სიხარულით, ეზო ფრინველით, საყოლით და საკლავით.ბეღელი მარცვლით და ბარაქით. არ მოგვაკლო სტუმარი, მოკეთე და მოყვარე. ყველა ჩვენიანს კაის მსურველს გძელი დღეი მიე. ავს, ეშმაკს და უხილავს დუუფსე თვალი, დააყრუე და დაქციე. ჩვენი გულის სატკივარი აღმა ქარს მიქონდეს, დაღმა წყალს.წრომანდელი ნაშრომი ტკბილად შეგვაჭამე, მოგვახმარე და შეგვარგე, მომვალ წელს შრომის ძალა და ხალისი მოგვეცი.”ყველას გვჯეროდა, რომ ამფერი “გალოცვის”, ფერხვის და კაი ფეხადის გარეშე წახდებოდა საქმე და არ გათენდებოდა კალანდა”, – წერს ზურა შევარდნაძე.

ტაბლოიდი • 1764955253

„პრანჭვა-გრეხვა უნდა მარტო... ნატანებში წავიყვანოთ და მოვატყუოთ მაროკოში ვართ-თქო...“ - ზურა VS პროდიუსერი

რუსთავი2-ის გადაცემაში „შაბათ-კვირის დილა“ ბიოლოგი, ზურა შევარდნაძე მაყურებელს საინტერესო რჩევებს უზიარებს. ორი საათის მანძილზე, მაყურებელი ეცნობა ბაღის მოვლის წესებსა და გურულ კულინარიას.ამ ყველაფერს გურული იუმორით ახალისებს და ზურა შევარდნაძისა და ნინო კვაჭანტირაძის დუეტი.ზურასა და პროდიუსერის „დაპირისპირება“ უკვე სოციალურ ქსელებს იპყრობს. მაყურებელი ხალისით ელოდება მორიგ პაექრობას, ნაწილი ზურას გულშემატკივრობს, ნაწილი პროდიუსერს ამხნევებს და ასე  ელოდებიან მორიგ ვიდეოს, რომელიც „შაბათ-კვირის დილის“ ფეისბუქ-გვერდზე ქვეყნდება.ჩანს ზურას გადაცემის პროდიუსერმა რამდენიმე დავალება მისცა, რომელსაც წამყვანები ნაწილობრივ აპროტესტებენ.   

საზოგადოება • 1763823086

,,ჩემთან ეს ხდება მეოთხედ... ჯვარი უნდა დაეწერათ და გოგომ უარი თქვა...“ - ზურა შევარდნაძე ვიდეოს აქვეყნებს

,,გარდენია შევარდნაძის“ მფლობელი ზურა შევარდნაძე სოციალურ ქსელში ვიდეოს აქვეყნებს და ამბობს, რომ პატარძალმა ჯვრისწერა ჩაშალა. მისი თქმით, მასთან ეს უკვე მეოთხე შემთხვევაა. ,,დღეს უნდა დაეწერათ ჯვარი და ჩემთან უნდა მოსულიყვნენ ხელის მოსაწერად. ეს უკვე მეოთხედ ხდება ჩემთან. გოგომ, თინიკომ თქვა უარი... დილის მერე ვაწყობ, ვარიგებ ამ ყვავილებს, არ გათავდა. ძალიან გული მწყდება, ისეთი საყვარლები იყვნენ, იმედი მაქვს, რომ შერიგდებიან. ახლა არ გამოვიდა, მაგრამ მერე გამოვა...“, - ამბობს ზურა შევარდნაძე ვიდეოში.