დახმარ

ავარია გარდაბნის მუნიციპალიტეტში - გარდაცვლილი 20 წლამდე ბიჭია

გარდაბნის მუნიციპალიტეტში ავტოსაგზაო შემთხვევას 20 წლამდე ახალგაზრდა ემსხვერპლა.ერთმანეთს ორი მსუბუქი ავტომობილი შეეჯახა. შეჯახების შედეგად დაშავებული სამი პირი კი, სასწრაფო სამედიცინო დახმარების ჯგუფმა კლინიკაში გადაიყვანა. დაღუპული ერთ-ერთ ავტომობილს მართავდა.როგორც შინაგან საქმეთა სამინისტროში "რუსთავი 2-ს" განუცხადეს, მომხდართან დაკავშირებით გამოძიება სისხლის სამართლის კოდექსის 276-ე მუხლით მიმდინარეობს, რაც სატრანსპორტო საშუალების მოძრაობის ან უსაფრთხოების წესების დარღვევას გულისხმობს, რამაც ადამიანის სიცოცხლის მოსპობა გამოიწვია.

საზოგადოება • 1737289807

„ხინკლის სახლის“ სამზარეულოში 21 წლის ახალგაზრდამ მძიმე დაზიანება მიიღო

რუსთავში, რესტორან "ხინკლის სახლში" 21 წლის ბიჭი სამსახურებრივი მოვალეობის შესრულების დროს დაშავდა."ინფო რუსთავის" ინფორმაციით, ახალგაზრდამ სამზარეულოში მუშაობის დროს ზედა კიდურზე მძიმე დაზიანება მიიღო.ბიჭი სასწრაფო-სამედიცინო დახმარების ეკიპაჟმა "კლინიკა რუსთავში" გადაიყვანა."პაციენტს აღენიშნება საკმაოდ მძიმე საწარმოო ტრავმა, უნდა ჩაუტარდეს რეკონსტრუქცია, მტევნის აღდგენის ოპერაცია", - აცხადებს "კლინიკა რუსთავის" გადაუდებელი დახმარების განყოფილების ექიმი ლალი ღირსიაშვილი.შემთხვევის ადგილზე მობილიზებული იყო სასწრაფო დახმარებისა და პოლიციის ეკიპაჟები.

ასტროლოგია • 1737283531

2025 წლის 5 ყველაზე მნიშვნელოვანი ასტროლოგიური მოვლენა, რომელთა გავლენასაც ყველა ადამიანი იგრძნობს

როდესაც ასტროლოგები ამბობენ, რომ 2025 წელი ტრანსფორმაციისა და აღორძინების წელია, მათ, რა თქმა უნდა, შესაბამისი არგუმენტებიც აქვთ.მიმდინარე წლის განმავლობაში არაერთი მნიშვნელოვანი ასტროლოგიური მოვლენა გველოდება. გავლენას კი ყველა ადამიანი იგრძნობს. მათ შორის, აღსანიშნავია:რეტროგრადული მარსი და რეტროგრადული ვენერა2025 წელი იწყება რთული ტრანზიტით: მარსი, ნებისყოფისა და ენერგიის პლანეტა და ვენერა, სიყვარულისა და მიზიდულობის პლანეტა, რეტროგრადულ მოძრაობაშია. ეს კი იმას ნიშნავს, რომ ცხოვრების ყველა ის სფერო, რომლებსაც აღნიშნული პლანეტები განაგებენ, შეფერხებულია. ადამიანებს კომუნიკაცია, გადაწყვეტილებების მიღება უჭირთ და ენერგიაც დაქვეითებულია. 23 თებერვლიდან მარსი საწყის პოზიციას უბრუნდება და ყველა სირთულე, რაც რეტროგრადული მოძრაობით იყო გამოწვეული, წარსულს ჩაბარდება.ვენერა რეტროგრადულ მოძრაობას 1-ელი მარტიდან 12 აპრილამდე გააგრძელებს. ამ პერიოდის განმავლობაში შესაძლოა, თქვენს ცხოვრებაში გამოჩნდეს ყოფილი პარტნიორი, შეყვარებული და გაგიჩნდეთ ცდუნება, რომ ყველაფერი თავიდან დაიწყოთ. თუმცა, მნიშვნელოვანია, რომ წარსულის გამოცდილებას გადახედოთ და საბოლოოდ მიიღოთ გადაწყვეტილება. ჩრდილოეთის კვანძი თევზებში11 იანვარს მთვარის კვანძებმა პოზიცია ვერძი/სასწორის ღერძიდან თევზები/ქალწულის ღერძზე უკვე შეცვალეს. ამ პოზიციაში კი 20256 წლამდე დარჩებიან. მოგიწევთ, გათავისუფლდეთ ზედმეტი ნერვიულობისაგან, სულ სხვა ადამიანების გათვალისწინებისა და საკუთარი სურვილების დათრგუნვის მცდელობისაგან. ეს პერიოდი ბევრ ადამიანს სხვადასხვა საკითხს განსხვავებულად აჩვენებს და დააფიქრებს იმაზეც, რომ სხვების დახმარებასა და პირად კეთილდღეობას შორის ბალანსის პოვნა აუცილებელია.ლილიტი და ვესტა მორიელში2025 წლის მაისში ლილიტი და ვესტა მორიელის ნიშანში შეხვდებიან. ეს კი ადამიანებზე განსაკუთრებულ გავლენას მოახდენს და თითოეულ ჩვენგანი საბოლოოდ დაემშვიდობება ყველაფერს, რა ბედნიერებასა და წარმატებაში ხელს გვიშლის...ვრცლად

სპორტი • 1737278632

ითამაშებს თუ არა ხვიჩა კვარაცხელია ჩემპიონთა ლიგის ამ სეზონში

ხვიჩა კვარაცხელია პსჟ-ს ფეხბურთელი სულ რამდენიმე საათის წინ გახდა. მხარეებს შორის კონტრაქტი 2029 წლამდე გაფორმდა, ქართველმა ფეხბურთელმა კი 7-ნომრიანი მაისური შეარჩია. პარიზულმა გრანდმა 23 წლის ფეხბურთელის სანაცვლოდ €70 მილიონი გადაიხადა.რამდენიმე დღის წინ როგორც დავწერეთ, ხვიჩა კვარაცხელიას პსჟ-ს მაისურით სადებიუტო მატჩი ლიგა 1-ში ექნება, კერძოდ რეიმსთთან, 25 იანვარს. ამ მატჩამდე პარიზელებს ჩემპიონთა ლიგაზე მანჩესტერ სიტისთან ელოდებათ უმნიშვნელოვანესი დაპირისპირება.ითამაშებს თუ არა ხვიჩა კვარაცხელია ჩემპიონთა ლიგის ამ სეზონში?ქართველი ფეხბურთელი პსჟ-ს ჩემპიონთა ლიგაზე დარჩენილ ორ მატჩში ვერ დაეხმარება. ამის შესახებ lagazzetta წერს.კლუბებს განაცხადის შეცვლა მხოლოდ ლიგის ფაზის დასრულების შემდეგ შეუძლიათ, შესაბამისად, კვარაცხელია გუნდთან ერთად არც მანჩესტერ სიტისთან იქნება და არც შტუტგარტთან. თუ პარიზელები პლეიოფში გასვლას მოახერხებენ, ისინი ხვიჩა კვარაცხელიას დაარეგისტრირებენ, 23 წლის ფეხბურთელი კი გუნდის დახმარებას შეძლებს. ჩემპიონთა ლიგაზე პსჟ ამ მომენტისთვის 25-ე პოზიციაზე იმყოფება.

რჩევები • 1737232884

როგორ ვაკურთხოთ სახლი ნაკურთხი წყლით

მართმადიდებელ ქრისტიანებში სახლის კურთხევის წესი ითვლება ერთ-ერთ ყველაზე მნიშვნელოვნად. ის განასახიერებს ეკლესიათან კავშირს, ღვთის კურთხევას, ბოროტი ძალებისგან დაცვას. უმეტესად სახლის კურთხევა ხდება მასში საცხოვრებლად გადასვლის დროს, ასევე რემონტის შემდეგ. მღვდელმა ან მოსულმა სტუმრებმა შეიძლება გირჩიოთ სახლის კურთხევა, თუ ოჯახში გყავთ მძიმედ დაავადებული ადამიანი, ოჯახი გაყრის პირასაა, გყავთ პატარა ბავშვები. საჭიროა: ნაკურთხი წყალი, ახალი თასი, ბიბლია, ხატი, კანდელი, სანთლებიმართლმადიდებლური ეკლესია მოგვიწოდებს იმისკენ, რომ სახლი ვაკურთხებინოთ მღვდელს. თუ გაქვთ ამის შესაძლებლობა, მოიწვიეთ მღვდელი ეკლესიიდან. როგორც წესი, ამ წესის შესასრულებლად მამაოები მოდიან საკუთარი კანდელით, ზეთით, სანთლებითა და ნაკურთხი წყლით. თუმცა, ყოველი შემთხვევისთვის, უკეთესი იქნება თუ მღვდლის მოსვლამდე მოიმარაგებთ სანთლებსა და ნაკურთხ წყალს. სანთლების შეძენა ყოველთვის შეგიძლიათ საეკლესიო მაღაზიაში. წყლის კურთხევა ხდება წელიწადში ერთხელ, ნათლისღების დღესასწაულზე. როგორც წესი, ნაკურთხი წყლის მარაგი სახლში აქვთ ეკლესიურ მორწმუნეებს, დახმარებისათვის შეგიძლიათ მიმართოთ მათ.თუ თქვენ არ გაქვთ სახლის კურთხევაზე მოძღვრის მოწვევის საშუალება, ეკლესია უშვებს იმას, რომ ერისკაცმა თავად ჩაატაროს ეს წესი.მის შესრულებამდე სასურველია კურთხევა აიღოთ საკუთარი სულიერი მოძღვრისგან, მისი არ ყოლის შემთხვევაში ეკლესიის მღვდლისგან. შეავსეთ თასი (სასურველია ახალი) ნაკურთხი წყლით, შეაერთეთ 3 თითი ისე, თითქოს აპირებდეთ პირჯვარის გადაწერას და ჩაჰყავით ისინი თასში. შემდეგ თითების საშუალებით მიასხით წყალი ოთახს, დაიწყეთ ხატების კუთხით და განაგრძეთ საათის ისრის მიმართულებით. საცხოვრებელი აკურთხეთ ლოცვით: " სახელითა მაისათა და ძისათა და სულისა წმიდისათა, ამინ". თუ თქვენ ზეპირად იცით 90 ფსალმუნი ან მისი ამონარიდები, შეგიძლიათ მისი წარმოთქმაც.

ასტროლოგია • 1737228631

19 იანვრის ასტროლოგიური პროგნოზი

ვერძი: დროა, საკუთარი გეგმებისა და ოცნებების განხორციელება დაიწყოთ. შესაძლოა, წარსულიდან მნიშვნელოვან ადამიანს შეხვდეთ ან გაწყვეტილი კავშირები აღადგინოთ.კურო: ზოგი თქვენი წამოწყება ან იდეა ჩიხში აღმოჩნდება ან დასრულდება. ამაზე არ უნდა ინერვიულოთ – ვარსკვლავები სწორ გზას გაჩვენებენ და შეცდომებისგან გიცავენ. თუ კითხვებზე პასუხებს ეძებთ, დღეს ამისთვის არახელსაყრელი დღეა. სავარაუდოდ, ამ დღეს გაიცნობთ ადამიანს, ვისგანაც მომავალში ბევრს ისწავლით.ტყუპები: მთელ დღეს ქაოსური მოვლენების შუაგულში ატარებთ და მნიშვნელოვან საკითხებზე ყურადღების გამახვილება გიჭირთ. სტრესული სიტუაციის თავიდან ასაცილებლად ეცადეთ, დაისვენოთ და თქვენ გარშემო განვითარებულ მოვლენებში არ ჩაერიოთ. უბრალოდ, დამკვირვებლის პოზიცია დაიკავეთ და ნახეთ, სად მიგიყვანთ.კირჩხიბი: შეგიძლიათ, საკუთარი კარგად შესრულებული სამუშაოსთვის შეაქოთ, დაისვენოთ და მიღებული შედეგებით ისიამოვნოთ. ამ დღეს დაწყებული პროექტი ძლიერ წინააღმდეგობას წააწყდება, ამიტომ მისი დაწყება რამდენიმე დღე უნდა გადადოთ. იფიქრეთ თქვენს ამჟამინდელ მდგომარეობაზე და განთავისუფლდით ყველაფრისგან, რაც წინსვლაში ხელს გიშლით.ლომი: ნაყოფიერი დღეა, რომელსაც თქვენი მომავლისთვის დიდი მნიშვნელობა აქვს. ყველა გადაწყვეტილებას, რომელსაც ამ დღეს მიიღებთ, სერიოზული შედეგები მოჰყვება. ამიტომ, ვარსკვლავები გირჩევენ, ყოველი ნაბიჯი კარგად აწონ-დაწონოთ. ეცადეთ, აქტიურობა შეამციროთ და მეტი დაისვენოთ.ქალწული: ხელსაყრელი დღეა პირადი ცხოვრების პრობლემების მოსაგვარებლად. გირჩევთ, ეჭვით შეხედოთ შეთავაზებას, რომელსაც ამ დღეს მიიღებთ – დიდი ალბათობით, ეს უიმედო საქმეა. მოერიდეთ გარშემო მყოფთა კრიტიკას, რაც თქვენს ურთიერთობაზე უარყოფითად აისახება. რაც უფრო ადრე იტყვით უარს ფუჭ მოლოდინებზე, თქვენთვის მით უფრო უკეთესი იქნება.სასწორი: დამღლელი კვირის შემდეგ თავს უენერგიოდ გრძნობთ და დაწყებული საქმის დასრულება გიჭირთ. ახლობელ ადამიანთან ურთიერთობაში მოსალოდნელია სამწუხარო გაუგებრობა, ამიტომ ყველანაირად ეცადეთ, ეს დღე განმარტოებით, სიმშვიდეში გაატაროთ – ძალებსაც აღიდგენთ და კამათსაც აარიდებთ თავს.მორიელი: დილიდან მელანქოლიურ განწყობას ებრძვით. ნუ მისცემთ თავს წარსულში დარჩენის უფლებას. ეცადეთ, ახალი გეგმები შეადგინოთ და საკუთარი ოცნებისკენ ნაბიჯ-ნაბიჯ იაროთ. პირად ურთიერთობებში არსებული პრობლემები შეიძლება გულწრფელი საუბრით და სადავო საკითხების განხილვით მოაგვაროთ. გირჩევთ, იმედი არ გაუცრუოთ ადამიანს, რომელსაც თქვენი დახმარება სჭირდება.მშვილდოსანი: ამ დღის ემოციური ფონი ნაჩქარევი და დაუფიქრებელი გადაწყვეტილებების მიღებისკენ გიბიძგებთ. ეცადეთ, კარგად გაიაზროთ ამა თუ იმ ქმედების აუცილებლობა და მხოლოდ ამის შემდეგ განახორციელოთ. პატივი ეცით საყვარელი ადამიანის სურვილებს და გადაწყვეტილებებს. დღის განმავლობაში უსიამოვნო შემთხვევებისგან შინაგანი წინდახედულობა და გაძლიერებული ინტუიცია დაგიცავთ.თხის რქა: გირჩევთ, ეს დღე ოჯახს და საყოფაცხოვრებო საკითხების მოგვარებას დაუთმოთ. ახალი ან მნიშვნელოვანი საქმის დაწყებას მოერიდეთ და ვალდებულებების შესრულება სამომავლოდ გადადეთ. დაწყებული საქმის დასრულებაში მოულოდნელად ისეთი ადამიანები დაგეხმარებიან, ვისგანაც მხარდაჭერას არ ელოდით. ეცადეთ პლანეტების კეთილგანწყობა ფინანსური საკითხების მოგვარებისა და მნიშვნელოვან ადამიანებთან ურთიერთობისთვის გამოიყენოთ.მერწყული: ამ დღეს ყველაზე მეტად კამათში ჩართვას და საკუთარი სიმართლის მტკიცებას უნდა მოერიდოთ. ურთიერთობა მხოლოდ მაშინ გაუმჯობესდება, თუ ნაკლებს ისაუბრებთ და საყვარელი ადამიანების სურვილებს მეტად მოუსმენთ. დროა თქვენს ყოფაში ჯანსაღი ცხოვრების წესი დანერგოთ და ფიზიკური მდგომარეობა გაიძლიეროთ.თევზები:ამ დღეს განსაკუთრებულ ყურადღებას საჭიროებს ჯანმრთელობა და ემოციური მდგომარეობა. ეცადეთ, სტრესი მოერიდოთ და მეტი დრო დაუთმოთ დასვენებას. ამავდროულად, მნიშვნელოვანია თქვენი ფინანსური საკითხების გაანალიზება და ახალი გეგმების შედგენა. შეიძლება შეხვდეთ ადამიანს, ვისთანაც საერთო ინტერესებს აღმოაჩენთ და მომავლისთვის საინტერესო პროექტები დაგეგმოთ. ეცადეთ, საკუთარი ემოციები აკონტროლოთ და ნაჩქარევი გადაწყვეტილებებისგან თავი შეიკავოთ.

მსოფლიო • 1737204600

გერმანიის მინისტრთა კაბინეტში უთანხმოებაა. ანალენა ბერბოკმა უარი თქვა ოლაფ შოლცთან ფოტოს გადაღებაზე და მინისტრთა სხდომა დატოვა - მედია

გერმანიის საგარეო საქმეთა მინისტრმა, ანალენა ბერბოკმა უარი თქვა გერმანიის კანცლერთან, ოლაფ შოლცთან ფოტოს გადაღებაზე და მინისტრთა კაბინეტის სხდომა დატოვა. ინფორმაციას გერმანული გამოცემა Bild-ი ავრცელებს.გამოცემის ინფორმაციით, მიზეზი არის ის, რომ შოლცი ბლოკავს უკრაინისთვის სამი მილიარდი ევროს ოდენობის დახმარების პაკეტის გადაცემას გერმანიაში დაგეგმილ ვადამდელ არჩევნებამდე. მანამდე ბერბოკმა ხმამაღლა გააკრიტიკა კანცლერის ვეტო და აღნიშნა, რომ შოლცის ქცევა ზიანს აყენებს ევროპელი მოკავშირეების ნდობას გერმანიის მიმართ.გასულ კვირას „შპიგელმა“ გაავრცელა ინფორმაცია, რომ ბერბოკი და თავდაცვის მინისტრი ბორის პისტორიუსი არჩევნებამდე უკრაინისთვის სამი მილიარდი ევროს ღირებულების იარაღის მიწოდებას ითხოვდნენ, მაგრამ შოლცმა ეს წინადადება დაბლოკა.შოლცის განცხადებით, ის უკრაინისთვის იარაღის მიწოდების გაზრდის წინააღმდეგი იმ შემთხვევაშია, თუ ეს ბიუჯეტის სხვა პუნქტების შემცირებას შეეხება.

საზოგადოება • 1737191856

ლევან მგალობლიშვილი: ჩემთვის უმნიშვნელოვანესია, განსაკუთრებული ყურადღება გამოვიჩინოთ იმ ადამიანების მიმართ, რომლებიც საქართველოს ტერიტორიულ მთლიანობას იცავდნენ

ჩემთვის, როგორც აფხაზეთის მთავრობის თავმჯდომარისთვის, უმნიშვნელოვანესია, რომ განსაკუთრებული ყურადღება გამოვიჩინოთ იმ ადამიანების მიმართ, რომლებიც საქართველოს ტერიტორიულ მთლიანობას იცავდნენ, - განაცხადა აფხაზეთის ავტონომიური რესპუბლიკის მთავრობის თავმჯდომარე ლევან მგალობლიშვილმა ვეტერანებთან შეხვედრაზე.მთავრობის თავმჯდომარის თქმით, სამუშაო შეხვედრის ფორმატში ვეტერანების სოციალურ-ეკონომიკური მდგომარეობის გაძლიერებასა და მათთვის ჯანდაცვის სერვისებზე ხელმისაწვდომობის გაზრდაზე ისაუბრეს.„სამუშაო შეხვედრის ფორმატში, ვეტერანებს შევხვდი და ვისაუბრეთ ისეთ მნიშვნელოვან საკითხებზე, როგორიცაა ვეტერანების სოციალური და ეკონომიკური გაძლიერება და ჯანდაცვის სერვისებზე ხელმისაწვდომობის გაზრდა. ჩვენ, ვეტერანების დახმარებისა და რესოციალიზაციის მიზნით, სხვადასხვა სახელმწიფო უწყებებთან კოორდინაციით დღემდე აქტიურად ვახორციელებთ სხვადასხვა ღონისძიებებს, რომელიც მომავალში კიდევ უფრო მასშტაბური გახდება და ინტენსიურ ხასიათს მიიღებს“, - განაცხადა ლევან მგალობლიშვილმა.

მსოფლიო • 1737143688

პალესტინის ადმინისტრაცია აცხადებს, რომ მზად არის სრული პასუხისმგებლობა აიღოს ღაზის სექტორში ცეცხლის შეწყვეტის შემდეგ

პალესტინის ადმინისტრაცია აცხადებს, რომ მზად არის „სრული პასუხისმგებლობა აიღოს“ ღაზის სექტორში ცეცხლის შეწყვეტის შემდეგ.სოციალურ ქსელ X-ზე გამოქვეყნებულ განცხადებაში ნათქვამია:„პალესტინის მთავრობამ დაასრულა ყველა მოსამზადებელი სამუშაო ღაზის სექტორში სრული პასუხისმგებლობის ასაღებად და მთავრობის ადმინისტრაციული და უსაფრთხოების პერსონალი სრულად მზად არის, განახორციელოს თავისი ამოცანები ღაზის მოსახლეობის ტანჯვის შესამსუბუქებლად, იძულებით გადაადგილებული პირების საკუთარ სახლებში დასაბრუნებლად, სექტორში აუცილებელი სერვისების აღსადგენად, სასაზღვრო გადასასვლელებზე პასუხისმგებლობის აღებისა და ღაზის რეკონსტრუქციის დაწყების ხელშეწყობისთვის.“პალესტინის ადმინისტრაცია ასევე მოუწოდებს საერთაშორისო საზოგადოებას, დახმარება გაუწიოს ღაზას, დასავლეთ სანაპიროსა და იერუსალიმს და აცხადებს, რომ უნდა ჩატარდეს „საერთაშორისო სამშვიდობო კონფერენცია“ პალესტინის სახელმწიფოს აღიარებისა და გაერო-ში მისი გაწევრიანების მხარდასაჭერად.ცნობისთვის, პალესტინის ადმინისტრაცია არის ორგანო, რომელიც 1990-იანი წლებიდან არის წარმოდგენილი დასავლეთ სანაპირო ნაწილში და 2006 წლის არჩევნებამდე აკონტროლებდა ღაზას.

ასტროლოგია • 1737134125

მალე პლანეტების აღლუმს ვიხილავთ - რა იკრძალება და რისი გაკეთება შეიძლება ამ დღეს

2025 წლის 21 იანვარს ცაზე მზის სისტემის 6 პლანეტა ერთმანეთის გვერდით ჩამწკრივდება.აღლუმად იწოდება ყველა ის შემთხვევა, როცა ცაზე 3 ან მეტი პლანეტაა ჩამწკრივებული. როდესაც მათი რაოდენობა 5 ან 6-ია, ეს უკვე დიდ აღლუმად მოიხსენიება. ასევე, მნიშვნელოვანია, რომ 5 ციური სხეულის განლაგება შედარებით ხშირია, 6-ისა კი - საკმაოდ იშვიათი.21 იანვრის ღამე კარგი დროა ამ ფენომენზე დასაკვირვებლად. ეს უნიკალური სანახაობა ხილული იქნება, იმ შემთხვევაში, თუ კარგი ამინდი იქნება.21 იანვარს თქვენ შეძლებთ ნახოთ 4 პლანეტა: ვენერა, მარსი, იუპიტერი და სატურნი. მაგრამ მხოლოდ პროფესიონალური აღჭურვილობის მფლობელებს შეეძლებათ ნახონ ურანი და ნეპტუნი.უფრო მეტიც, 28 თებერვალს ნაწინასწარმეტყველებია პლანეტების სრული აღლუმი, რომელსაც ასევე უწოდებენ დიდ აღლუმს. ეს არის ფენომენი, რომელშიც არა ექვსი, არამედ შვიდი ციური სხეული რიგდება - მერკური შეუერთდება არსებულ „მონაწილეებს". ის მზის ჩასვლისკენ განთავსდება სატურნსა და ვენერას შორის.რისი გაკეთება შეგიძლიათ და რისი არა პლანეტების აღლუმის დროსასტროლოგმა განმარტა, რა არ უნდა გავაკეთოთ ამ დღეს:არ უნდა დაიწყოთ რაიმე მნიშვნელოვანი საქმე, არ შეიტანოთ სერიოზული ცვლილებები ცხოვრებაში, არ მოაგვაროთ მნიშვნელოვანი საკითხები - საქმე შეიძლება არასწორი მიმართულებით წავიდეს ან საერთოდ შეჩერდეს.გარდა ამისა, არ უნდა გააკეთოთ დიდი შესყიდვები - შეიძლება ფული დაკარგოთ. ასევე, არ უნდა სთხოვოთ ვინმეს დახმარება - შეიძლება უარი გითხრან ან რაიმეს დაგპირდნენ, მაგრამ არ შეასრულონ.არ უნდა ენდოთ ამ დროს გაჩენილ იდეებსა და წინადადებებს.აღსანიშნავია, რომ 21 იანვარი ასევე არის მარსის დღე - აქტივობის, ფიზიკური სიძლიერის, მონდომების, ენთუზიაზმის, გამბედაობის, მეომარი სულისკვეთების დრო.ამ დროს დაიწყეთ ახალი ტიპის ვარჯიშები და გაზარდეთ ფიზიკური დატვირთვა. ასევე, შეგიძლიათ დაასრულოთ ძველი საქმეები. გადახედოთ ურთიერთობებს და აპატიოთ მათ, ვინც გაწყენინათ.

საზოგადოება • 1737119138

ლაშა დოლბაძე ორთაჭალაში, აფეთქების შედეგად დაზარალებულ მოსახლეობას შეხვდა

აფხაზეთის ავტონომიური რესპუბლიკის ფინანსთა და ეკონომიკის მინისტრი ლაშა დოლბაძე ორთაჭალაში მომხდარი აფეთქების შედეგად დაზარალებულ მოსახლეობას შეხვდა.მინისტრი დაზარალებული პირების საჭიროებებს ადგილზე გაეცნო, მათ მხარდაჭერის მზაობა გამოუცხადა და აღნიშნა, რომ მთავრობა ცენტრალურ და ადგილობრივ ხელისუფლებასთან ერთად აქტიურად იმუშავებს, რათა დაზარალებულებს დროული დახმარება გაუწიოს და მათი ცხოვრების პირობები გააუმჯობესოს.აფხაზეთის მთავრობის თავმჯდომარის დავალებით, 14 იანვარს, გვიან ღამით შექმნილი სამუშაო ჯგუფი საჭიროებების იდენტიფიცირებას სწრაფი რეაგირების მიზნით, 24-საათიან რეჟიმში ახორციელებს. ასევე, აფხაზეთის მთავრობაში მუშაობს ცხელი ხაზი - 143, სადაც დევნილებს უწყვეტად შეუძლიათ დარეკონ და მიიღონ საჭირო ინფორმაცია.ინფორმაციას აფხაზეთის ავტონომიური რესპუბლიკის მთავრობა ავრცელებს.

მსოფლიო • 1737116493

რუსეთი მზად არის, დნესტრისპირეთისთვის ბუნებრივი აირი ევროპულ ბაზარზე შეისყიდოს, თუმცა მოლდოვის ხელშეწყობაა საჭირო - პესკოვი

რუსეთი მზად არის, დნესტრისპირეთისთვის ბუნებრივი აირი შეისყიდოს, თუმცა მოლდოვის ხელშეწყობაა საჭირო, – ამის შესახებ რუსეთის პრეზიდენტის პრესმდივანმა, დიმიტრი პესკოვმა ჟურნალისტებს უთხრა, რომლებიც დაინტერესდნენ, გეგმავს თუ არა მოსკოვი დნესტრისპირეთისთვის ევროპულ ბაზარზე გაზის შესყიდვას.დიმიტრი პესკოვის თქმით, „ლოგისტიკურად აქ უნდა განხორციელდეს ქმედებები, რომლებიც მოლდოვის მხრიდან გაზის მიწოდებას და კონტრაქტირებას უზრუნველყოფს“.„მზადყოფნის შესახებ ჯერჯერობით არაფერი გვსმენია“, – განაცხადა კრემლის სპიკერმა.მანამდე გაზეთმა „კომერსანტმა“ საკუთარ წყაროებზე დაყრდნობით გაავრცელა ინფორმაცია, რომ, გეგმის თანახმად, დნესტრისპირეთი ბუნებრივ აირს შუამავალი კომპანიის მეშვეობით ევროპულ ბაზარზე შესყიდვის გზით მიიღებს, ხარჯები კი რუსეთის ბიუჯეტიდან დაიფარება.ამ სქემით იგეგმება გაზის შესყიდვა იანვრიდან აპრილამდე, დღეში სამ მილიონ კუბურ მეტრამდე მოცულობით. „კომერსანტის“ შეფასებით, აღნიშნულ პერიოდში გაზის შესყიდვა შეიძლება რუსეთს 164 მილიონი დოლარი დაუჯდეს.გამოცემის წყაროების თქმით, „ტირასპოლტრანსგაზს“ ბუნებრივ აირს, სავარაუდოდ, არა „მოლდოვაგაზი“, არამედ კომპანია Natural Gaz D.C მიაწვდის.გამოცემა NewsMaker-ს Natural Gaz D.C-ს თანამფლობელმა, არკადი ვიკოლმა აცნობა, რომ მისმა კომპანიამ „ტირასპოლტრანსგაზთან“ ჩარჩოხელშეკრულება გააფორმა დნესტრისპირეთში გაზის მიწოდებასთან დაკავშირებით, დღეში 2-3 მილიონი კუბური მეტრის მოცულობით.მოლდოვის პრემიერ-მინისტრმა, დორინ რეჩანმა განაცხადა, რომ მოლდოვის ინფორმაციისა და უსაფრთხოების სამსახურის თანამშრომლებმა არკადი ვიკოლი დაკითხეს კომპანიის გეგმებთან დაკავშირებით. კომპანია „მოლდოვაგაზში“ თავის მხრივ განაცხადეს, რომ, „მოლდოვაგაზის“ გარდა« სხვა ვერავინ შეძლებს გაზის მიწოდებას დნესტრისპირეთის რეგიონისთვის.ამავე დროს, მოლდოვის პრეზიდენტმა, მაია სანდუმ განაცხადა, რომ კიშინეუ არ აპირებს, ხელი შეუშალოს დნესტრისპირეთის ადმინისტრაციის ქმედებებს, რომლებიც მიზნად ისახავენ რეგიონის ენერგეტიკული კრიზისიდან გამოყვანას. დნესტრისპირეთის ხელმძღვანელმა, ვადიმ კრასნოსელსკიმ განაცხადა, რომ რუსეთი გაზის მიწოდებას ჰუმანიტარული დახმარების სახით უზრუნველყოფს.