დარახველიძე

კუსტარულად დამზადებული ნარკოტიკი და რუსეთის დაკავებული მოქალაქეები - ნარკოდანაშაულის დეტალები

სპეციალურ დანადგარებს და ელექტრო სასწორებს რუსეთის მოქალაქეები ნარკოტიკული საშუალების კუსტარულად დამზადებისთვის იყენებდნენ. სამართალდამცველებმა კონსპირაციული ლაბორატორია აღმოაჩინეს და 2 პირი დააკავეს.კადრები პოლიციამ საიდუმლოდ მოწყობილ ლაბორატორიაში გადაიღო. ირკვევა, რომ ახალი ნარკოტიკის დამზადებისთვის რუსეთის მოქალაქეები ქიმიურ ხსნარებს იყენებდნენ და თხევად კოკაინში აზავებდნენ.7 ლიტრი თხევადი კოკაინი და 40 მ.გ კოკაინის კრისტალები ამოიღო პოლიციამ კონსპირაციული ლაბორატორიიდან."კურიერმა" ნარკოდანაშაულის დეტალები გაარკვია. დაკავებულები არიან ალექსეი კოროლოვი და ვლადისლავ მაკარჩუკი. მათ რამდენიმე კვირის წინ თბილისში ორი ბინა იქირავეს. ერთში კონსპირაციული ლაბორატორია მოაწყვეს. სპეციალურად აღჭურვილ ოთახში თხევადი კოკაინით და ქიმიური შენაერთებით ახალ ნარკოტიკულ საშუალებებს ამზადებდნენ. გაზავებული ნარკოტიკის გაყიდვას კი, სავარაუდოდ, შავ ბაზარზე გეგმავდნენ.ნარკოტიკული საშუალებისთვის იყენებდნენ რუსეთის მოქალაქეები ქირით აღებულ მეორე ბინასაც. აქ ნარკოტიკული საშუალების შემცველი მცენარის სათბურები მოაწყვეს. ნარკოდანაშაულის ადგილიდან პოლიციამ განსაკუთრებით დიდი ოდენობით, 20 ძირი მცენარე კანაფი ამოიღო.ალექსეი კოროლოვს და ვლადისლავ მაკარჩუკს ბრალის დამტკიცების შემთხვევაში, 20 წლამდე ან უვადო პატიმრობა ემუქრებათ.ნარკოდანაშაულის ფაქტზე დაკავებულები ახლა წინასწარ პატიმრობაში იმყოფებიან. რუსეთის მოქალაქეების საქმეზე დღეს სასამართლო ჩატარდა. ბრალდების მხარემ იმ მტკიცებულებზე გაამახვილა ყურადღება, რომელიც გამოძიებამ უკვე მოიპოვა. ნარკოტიკული საშუალებების გარდა, საქმეში დევს გამოკითხვის ოქმებიც.ალექსეი კოროლოვს და ვლადისლავ მაკარჩუკს გამოძიება განსაკუთრებით დიდი ოდენობით ნარკოტიკული საშუალების შეძენა-შენახვას, ნარკოტიკული საშუალების შემცველი მცენარის დათესვა მოყვანას ედავება. რუსეთის მოქალაქეების დაკავების საქმეზე დღეს შინაგან საქმეთა მინისტრის მოადგილემ ბრიფინგზე ისაუბრა.ალექსანდრე დარახველიძემ, სამართალდამცველების მიერ ბოლო პერიოდში ჩატარებულ დაკავების ღონისძიებებზეც გაამახვილა ყურადღება და თქვა, რომ უწყების მთავარი პრიორიტეტი კვლავ ნარკოდანაშაულის წინააღმდეგ ბრძოლაა.შინაგან საქმეთა სამინისტროს ოფიციალური ინფორმაციით, მიმდინარე წელს პოლიციამ ნარკოდანაშაულის 2400-მდე ფაქტი გამოავლინა. დაკავებულია 1712 პირი, მათ შორის არიან უცხო ქვეყნის მოქალაქეები.

სამართალი • 1749205612

ავტომობილის მინის დამუქების წესის დარღვევა, ავტობუსის ზოლზე მოძრაობა, ნასვამ მდგომარეობაში მართვა და სპეციალური ციმციმის უკანონოდ გამოყენება - ბოლო დღეებში, საგზაო მოძრაობის წესების დარღვევის 104 484 ფაქტი გამოვლინდა

ბოლო დღეების განმავლობაში, მთელი ქვეყნის მასშტაბით გამოვლენილია საგზაო მოძრაობის წესების დარღვევის 104 484 ფაქტი, - ამის შესახებ შინაგან საქმეთა სამინისტროში გამართულ ბრიფინგზე გახდა ცნობილი.როგორც მინისტრის მოადგილემ, ალექსანდრე დარახველიძემ განაცხადა, შინაგან საქმეთა მინისტრის დავალების შესაბამისად, საგზაო მოძრაობის უსაფრთხოების გაძლიერების მიზნით, გამკაცრებულია მიდგომა ავტოსატრანსპორტო საშუალებების მძღოლების მიერ საგზაო მოძრაობის წესების დარღვევებზე."ბოლო დღეების განმავლობაში, მთელი ქვეყნის მასშტაბით გამოვლენილია საგზაო მოძრაობის წესების დარღვევის 104 484 ფაქტი, მათ შორის:- ავტომობილის მინის დამუქების წესის დარღვევის - 682 ფაქტი;- ავტობუსისთვის განკუთვნილ ზოლზე მოძრაობის - 4 830 ფაქტი;- ნასვამ მდგომარეობაში ავტომობილის მართვის - 683 ფაქტი;- სატრანსპორტო საშუალებაზე სპეციალური ციმციმის უკანონოდ გამოყენების - 8 ფაქტი.თითოეული სამართალდამრღვევი მძღოლის მიმართ გატარდა კანონით გათვალისწინებული ღონისძიებები.პოლიცია, კვლავ აქტიურ რეჟიმში გააგრძელებს თოთოეულ სამართალდარღვევის ფაქტზე შესაბამის სამართლებრივ რეაგირებას.მოვუწოდებთ, საგზაო მოძრაობაში ჩართულ პირებს, დაიცვან კანონმდებლობით დადგენილი მოთხოვნები და არ დაარღვიონ საგზაო მოძრაობის წესები", - აღნიშნა ალექსანდრე დარახველიძემ. მისივე თქმით, პოლიცია 24-საათიან რეჟიმში განაგრძობს დანაშაულთან ბრძოლას და კანონის დამრღვევ პირთა მიმართ, ყველა შესაბამის სამართლებრივ ზომას გაატარებს.

სამართალი • 1749204937

გამოვლენილია ნარკოდანაშაულის - 2370 ფაქტი, პასუხისგებაში მიცემულია - 1712 პირი - შსს ბოლო დღეებში ჩატარებული ოპერატიული და საგამოძიებო მოქმედებების შესახებ ინფორმაციას ავრცელებს

ბოლო დღეებში ჩატარებული ოპერატიული და საგამოძიებო მოქმედებების შედეგად, განსაკუთრებით დიდი ოდენობით ნარკოტიკული საშუალების უკანონო შეძენა-შენახვისა და განსაკუთრებით დიდი ოდენობით ნარკოტიკული საშუალების შემცველი მცენარის უკანონო დათესვა-მოყვანის ბრალდებით, უცხო ქვეყნის 2 მოქალაქეა დაკავებული, - ამის შესახებ შინაგან საქმეთა სამინისტროში გამართულ ბრიფინგზე გახდა ცნობილი. როგორც მინისტრის მოადგილემ, ალექსანდრე დარახველიძემ განაცხადა, დაკავებული პირების პირადი და საცხოვრებელი სახლების ჩხრეკისას ამოღებულია განსაკუთრებით დიდი ოდენობით სხვადასხვა სახის ნარკოტიკული საშუალება."გვსურს საზოგადოებას მივაწოდოთ ინფორმაცია, ბოლო დღეების განმავლობაში შინაგან საქმეთა სამინისტროს თანამშრომლების მიერ გატარებული საპოლიციო ღონისძიებების შესახებ.როგორც საზოგადოებას მივაწოდეთ ინფორმაცია, ცენტრალური კრიმინალური პოლიციის დეპარტამენტის თანამშრომლების მიერ, ბოლო დღეებში ჩატარებული ოპერატიული და საგამოძიებო მოქმედებების შედეგად, განსაკუთრებით დიდი ოდენობით ნარკოტიკული საშუალების უკანონო შეძენა-შენახვისა და განსაკუთრებით დიდი ოდენობით ნარკოტიკული საშუალების შემცველი მცენარის უკანონო დათესვა-მოყვანის ბრალდებით, უცხო ქვეყნის 2 მოქალაქეა დაკავებული.დაკავებული პირების პირადი და საცხოვრებელი სახლების ჩხრეკისას ამოღებულია განსაკუთრებით დიდი ოდენობით სხვადასხვა სახის ნარკოტიკული საშუალება, მათ შორის:7 ლიტრზე მეტი თხევადი "კოკაინი" და 40 გრამი "კოკაინის" კრისტალები. ასევე, ამოღებულია ნარკოტიკული საშუალების დასაფასოებლად საჭირო ნივთები.გამოძიებით დადგინდა, რომ ბრალდებულებს დროებით საცხოვრებელ ბინაში მოწყობილი ჰქონდათ ლაბორატორია და თხევადი "კოკაინის" გამოყენებით, ნარკოტიკულ საშუალებას კუსტარული წესით ამზადებდნენ.ნარკოტიკული საშუალების შემცველი მცენარის კულტივირებისთვის მოწყობილი სპეციალური სათბურიდან ამოღებულია განსაკუთრებით დიდი ოდენობით 20 ძირი "მცენარე კანაფი", - განაცხადა მინისტრის მოადგილემ. მისივე თქმით, დანაშაული 20 წლამდე ან უვადო თავისუფლების აღკვეთას ითვალისწინებს.ალექსანდრე დარახველიძემ აღნიშნა, რომ შინაგან საქმეთა სამინისტრო კვლავ განაგრძობს ნარკოდანაშაულის წინააღმდეგ უკომპრომისო ბრძოლას და ნარკოტიკული საშუალებების გამსაღებლების მიმართ, კანონით განსაზღვრული უმკაცრესი ზომების გატარებას."საზოგადოებას, კიდევ ერთხელ შევახსენებთ, რომ საქართველოს პარლამენტის მიერ ნარკოდანაშაულისთვის, კერძოდ, ნარკოტიკული საშუალებების შეძენა-შენახვისა და მათი რეალიზაციისთვის სასჯელი მნიშვნელოვნად გამკაცრდა", - განაცხადა ალექსანდრე დარახველიძემ.სამინისტროს ცნობით, ბოლო პერიოდში სამართალდამცველების მიერ გამოვლენილია ნარკოდანაშაულის - 2370 ფაქტი. ასევე, აღნიშნული დანაშაულის ჩადენისთვის პასუხისგებაში მიცემულია - 1712 პირი, მათგან ნარკოტიკული საშუალების გასაღებისთვის პასუხისგებაში მიცემულია - 157 პირი.პოლიციის მიერ სხვადასხვა სისხლის სამართლის საქმეზე გატარებული მასშტაბური ღონისძიებების შედეგად ამოღებულია:- 4 500 აბი "სუბოტექსი" და "სუბოქსინი";- 2,5 კგ "მეთადონი";- 1 კგ "ალფა პვპ";- 2,7 კგ "პრეგაბალინი" იგივე "ლირიკა";- 72 კგ "მარიხუანა";- 150 კგ "მცენარე კანაფი".

სამართალი • 1748937832

შსს-მ ადრეულ ასაკში ქორწინების წინააღმდეგ საინფორმაციო კამპანია „ნუ წაართმევ ბავშვობას“ დაიწყო

შინაგან საქმეთა სამინისტრომ ადრეულ ასაკში ქორწინების წინააღმდეგ მიმართული საინფორმაციო კამპანია „ნუ წაართმევ ბავშვობას“ ოფიციალურად გახსნა.შსს-ს ინფორმციით, გახსნის ღონისძიება ბოლნისის მხარეთმცოდნეობის მუზეუმში გაიმართა, რომელსაც საქართველოს შინაგან საქმეთა მინისტრის მოადგილე ალექსანდრე დარახველიძე, საქართველოს მთავრობის ადმინისტრაციის ადამიანის უფლებათა დეპარტამენტის უფროსი ნიკო თათულაშვილი, საქართველოს განათლების, მეცნიერებისა და ახალგაზრდობის მინისტრის პირველი მოადგილე გიორგი მოდებაძე ესწრებოდნენ. მათ დამსწრე საზოგადოებას სიტყვით მიმართეს და ყურადღება გაამახვილეს აღნიშნული კამპანიის მნიშვნელობაზე, როგორც ერთ-ერთ ძირითად ინსტრუმენტზე ბავშვთა დაცვის მიმართულებით, რომელიც მიზნად ისახავს ბავშვობის ასაკში ქორწინების წინააღმდეგ ბრძოლის გაძლიერებას, ამ პრობლემის მრავალმხრივ გააზრებასა და საზოგადოებრივი ცნობიერების ამაღლებას.ღონისძიებას ქვემო ქართლის გუბერნატორი ლევან ხარაბაძე, ბოლნისის მერის მოვალეობის შემსრულებელი ბუბა გობეჯიშვილი, ადგილობრივი თვითმმართველობის, სახელმწიფო ზრუნვის სააგენტოს წარმომადგენლები ესწრებოდნენ. კამპანიის გახსნას, ასევე ბოლნისის სკოლების მასწავლებლები და მოსწავლეები დაესწრნენ.ღონისძიების ფარგლებში გაიმართა საქართველოს შინაგან საქმეთა სამინისტროს ადამიანის უფლებების დაცვის დეპარტამენტის მიერ მომზადებული ვიდეორგოლების ჩვენება, რომლებიც ეფუძნება რეალური მსხვერპლების ისტორიებს და ასახავს ბავშვობის ასაკში ქორწინების მავნე შედეგებს.შსს-ს ცნობით, კამპანიის ფარგლებში დაგეგმილია არაერთი მნიშვნელოვანი აქტივობა, მათ შორის, საინფორმაციო ხასიათის შეხვედრები სკოლის მოსწავლეებთან, მშობლებთან, მასწავლებლებთან, დირექტორებთან, მანდატურებთან და რესურსცენტრების წარმომადგენლებთან. მოსწავლეებთან შეხვედრები გაიმართება, როგორც საგანმანათლებლო დაწესებულებებში, ასევე, საპოლიციო დანაყოფებში, სადაც ადამიანის უფლებების დაცვის დეპარტამენტისა და ადგილობრივი საპოლიციო დანაყოფების წარმომადგენლები გააცნობენ ბავშვობის ასაკში ქორწინების წინააღმდეგ ბრძოლის მიმართულებით სამინისტროს მხრიდან განხორციელებულ პრევენციულ ღონისძიებებსა და რეაგირების გზებს. ასევე, სამიზნე ჯგუფებისთვის ნაჩვენები იქნება უშუალოდ კამპანიისთვის დამზადებული ვიდეორგოლები.შეხვედრებზე, სკოლის მოსწავლეებს საჩუქრად გადაეცემათ კამპანიის თემატიკით დამზადებული, ბრენდირებული ჩანთები, მაისურები და საინფორმაციო ბროშურები.ასევე, ბავშვობის ასაკში ქორწინების უარყოფითი შედეგების თემაზე, სკოლის მოსწავლეებისთვის პოსტერების კონკურსი გამოცხადდა, რომელშიც სხვადასხვა ნომინაციაში, სამი გამარჯვებული გამოვლინდება და პრიზებით დაჯილდოვდებიან.გარდა აღნიშნულისა, საზოგადოების ცნობიერების ამაღლებისა და მომართვიანობის გაზრდის მიზნით იგეგმება საინფორმაციო სატელეფონო შეტყობინებების დაგზავნა მოსახლეობისთვის.კამპანია „ნუ წაართმევ ბავშვობას“ უკვე ერთ-ერთ მნიშვნელოვან პრევენციულ მექანიზმად იქცა, რომელიც ხელს უწყობს ბავშვთა უფლებების დაცვასა და მათთვის ძალადობისგან დაცული გარემოს შექმნას.

საზოგადოება • 1748260427

ალექსანდრე დარახველიძე: აქ არის მოწყობილი იმიტირებული მართვის მოწმობის გამოცდა, წარმოდგენილია ქიმიური შოუ, იმიტირებული გამშვები პუნქტი და უსაფრთხო ქალაქი, გამოფენილია ტექნიკა

აქ არის მოწყობილი მომსახურების სააგენტოს იმიტირებული მართვის მოწმობის გამოცდა, საექსპერტო კრიმინალისტიკურ დეპარტამენტს წარმოდგენილი აქვს ქიმიური შოუ, საპატრულო პოლიციის დეპარტამენტს იმიტირებული გამშვები პუნქტი და უსაფრთხო ქალაქი, აქვე არის დაცვის პოლიციის დანაყოფი და გამოფენილია ტექნიკა, - განაცხადა შინაგან საქმეთა მინისტრის მოადგილემ ალექსანდრე დარახველიძემ.„ჩვენთან მოსულ სტუმრებს შეუძლიათ ნახონ სრულიად ახალი ვერტმფრენი, რომელიც სასაზღვრო პოლიციამ შეიძინა და ახალი სახანძრო ავტომობილები“, - აღნიშნა ალექსანდრე დარახველიძემ.საქართველოს დამოუკიდებლობის დღესთან დაკავშირებული ერთიანი საზეიმო ღონისძიების ფარგლებში, შინაგან საქმეთა სამინისტრო მოქალაქეებს ფოთის ცენტრალური მოედნის ტერიტორიაზე მასპინძლობს.

პოლიტიკა • 1748011383

იურიდიულ საკითხთა კომიტეტმა „საერთაშორისო დაცვის შესახებ“ კანონპროექტი მეორე მოსმენით განიხილა

იურიდიულ საკითხთა კომიტეტმა მეორე მოსმენით განიხილა და მხარი დაუჭირა „საერთაშორისო დაცვის შესახებ“ კანონპროექტთა პაკეტს, რომელიც შინაგან საქმეთა მინისტრის მოადგილე ალექსანდრე დარახველიძემ წარადგინა.ახალი საკანონმდებლო ინიციატივის მიზანია უკანონო მიგრაციის წინააღმდეგ ბრძოლის გაძლიერება და ქვეყნის უსაფრთხოების დაცვა.მომხსენებლის განმარტებით, კანონპროექტის შემუშავების დროს გაზიარებულია ევროპის წამყვან ქვეყნებში მოქმედი პრაქტიკა და ასევე, ევროკავშირის და ევროსაბჭოს სხვადასხვა დირექტივები.„კანონპროექტის მიზანია, თავშესაფრის სისტემა კონკრეტული პირების მხრიდან ბოროტად არ იქნას გამოყენებული ქვეყანაში ხანგრძლივად, ლეგალურად დარჩენის მიზნით. გარდა ამისა, ქვეყანას უნდა ჰქონდეს ეფექტური მექანიზმი იმ პირების მიმართ, ვისაც არ ესაჭიროება საერთაშორისო დაცვა, სწრაფად უთხრას უარი და დაიწყოს შესაბამისი პროცედურები მათ მიმართ“, - განაცხადა ალექსანდრე დარახველიძემ.როგორც მომხსენებელმა მუხლობრივი განხილვისას განმარტა, დაზუსტდა მე-5 მუხლის პირველი პუნქტი, სადაც მიეთითა, რომ თავშესაფრის მაძიებლის ან საერთაშორისო დაცვის მქონე პირის შესახებ კონფიდენციალური ინფორმაცია არ გამჟღავნდება მათ შორის, წარმოშობის ქვეყნის სახელმწიფო უწყებისა და მოქალაქეებისთვის.მისივე განმარტებით, გარკვეული ჩასწორებები გაკეთდა მე-10, მე-11 მუხლებში და მიეთითა, რომ უცხოელის ან მოქალაქეობის არმქონე პირის/თავშესაფრის მაძიებლის დროებითი განთავსების ცენტრში მოთავსების ალტერნატიულ ზომასთან დაკავშირებით, შინაგან საქმეთა სამინისტროს შუამდგომლობა წარედგინება საჭიროებისამებრ. ასევე დაკორექტირდა მე-3 პუნქტი, რომელიც ეხება უცხოელის ან მოქალაქეობის არმქონე პირის/თავშესაფრის მაძიებლის დროებითი განთავსების ცენტრში მოთავსების ალტერნატიული ზომის განსაზღვრის ვადებს.„კერძოდ, უცხოელის ან მოქალაქეობის არმქონე პირის/თავშესაფრის მაძიებლის დროებითი განთავსების ცენტრში მოთავსების ალტერნატიული ზომა შეიძლება პირს დაენიშნოს 3 თვემდე ვადით, რაც შესაძლოა გაგრძელდეს დამატებით 6 თვემდე ვადით“, - განაცხადა მომხსენებელმა.მომხსენებელმა თანმდევ კანონპროექტებთან დაკავშირებით განხორციელებულ ცვლილებებსა და დაზუსტებებზე დეტალურად ისაუბრა.როგორც კომიტეტის თავმჯდომარემ არჩილ გორდულაძემ განაცხადა, პლენარულ სხდომაზე საკითხის განხილვამდე, საკანონმდებლო პაკეტთან დაკავშირებით კონსულტაციები კვლავაც გაგრძელდება.

პოლიტიკა • 1747998988

თბილისის საქალაქო სასამართლოსთან დაკავებისას კონკრეტული პირების მხრიდან ადგილი ჰქონდა წინააღმდეგობის გაწევას, პოლიციელებს ყავაც კი შეასხეს - ალექსანდრე დარახველიძე

თბილისის საქალაქო სასამართლოს დაკავებისას კონკრეტული პირების მხრიდან ადგილი ჰქონდა წინააღმდეგობის გაწევას, პოლიციელებს ყავაც კი შეასხეს, – ამის შესახებ შინაგან საქმეთა მინისტრის მოადგილემ, ალექსანდრე დარახველიძემ განაცხადა.მისივე თქმით, დაკავებულების დაზიანებების შესახებ ინფორმაცია დაუყოვნებლივ მიეწოდა საგამოძიებო სამსახურს.„საზოგადოებამ სხვადასხვა სოციალური ქსელით ნახა, რომ დაკავების დროს კონკრეტული პირების მხრიდან ადგილი ჰქონდა წინააღმდეგობის გაწევას. ერთ შემთხვევაში ნახეთ კიდეც, რომ პოლიციელებს ყავაც კი შეასხეს. შესაბამისად, მათი ადმინისტრაციული წესით დაკავება მოხდა და დაწყებულია შესაბამისი წარმოება. რაც შეეხება დაზიანებებს, აღნიშნულის თაობაზე დაუყოვნებლივ მიეწოდა ინფორმაცია სპეციალურ საგამოძიებო სამსახურს. შესაბამისად, ეს დაზიანებები გამოწვეული იყო კონკრეტულ შემთხვევაში პროპორციული ძალის გამოყენების შედეგად, თუ სხვა ტიპის გადაცდომას ჰქონდა ადგილი, ეს უკვე გამოძიების შესწავლის საგანს წარმოადგენს. როგორც კი დროებითი მოთავსების იზოლატორში მოთავსდნენ, მათ საშუალება ჰქონდათ, რომ ექიმთან დაეფიქსირებინათ აღნიშნული დაზიანების და პრეტენზიების შესახებ. ეს ინფორმაცია დაუყოვნებლივ მიეწონა საგამოძიებო სამსახურს. ეს ის პროცედურაა, რაც არის კანონით გათვალისწინებული“, – განაცხადა დარახველიძემ.ცნობისთვის, პარტია „ახალის“ ერთ-ერთი ლიდერის, ზურაბ ჯაფარიძის სასამართლო პროცესის პარალელურად თბილისის საქალაქო სასამართლოსთან სამართალდამცველებმა ადმინისტრაციული წესით სამი პირი დააკავეს.

პოლიტიკა • 1747998618

ალექსანდრე დარახველიძე - ევროკავშირის დელეგაციის წევრთან დაკავშირებით ინციდენტი ამოწურულია, ჩვენი მხრიდან დაფიქსირდა, რომ ეს არ იყო მიზანმიმართული ქმედება, მას აქვს საშუალება, შემოვიდეს საქართველოში

საქართველოს შინაგან საქმეთა მინისტრის მოადგილე ალექსანდრე დარახველიძე აცხადებს, რომ ევროკავშირის დელეგაციის წევრ საიმონ ვანდერბრუკსთან დაკავშირებით ინციდენტი ამოწურულია.მისი თქმით, ქართულმა მხარემ დაფიქსირა, რომ ეს არ იყო მიზანმიმართული ქმედება და მას აქვს საშუალება, შემოვიდეს საქართველოში დ„მსგავს ფაქტს ნამდვილად ჰქონდა ადვილი, თუმცა ეს გარკვეული ტიპის ტექნიკური ხარვეზი და შეფერხება იყო. იგივე საკითხთან დაკავშირებით შესაბამის უწყებებს საუბარი კონკრეტულ დიპლომატთან ჰქონდათ. ჩვენი მხრიდან პოზიცია დაფიქსირდა, რომ ეს არ იყო მიზანმიმართული ქმედება, იყო გარკვეული სახის შეცდომა. შესაბამისად, განემარტა, რომ ამ ადამიანს საქართველოში შემოსვლის და დიპლომატიური პრივილეგიებით სარგებლობის უფლება აქვს, რაც ვენის კონვენციით და შესაბამისი სამართლებრივი აქტებით არის განსაზღვრული. ინციდენტი ამოწურულია და მგონი, ამაზე დამატებით საუბარი არ ღირს. ეს იყო გარკვეული სახის ტექნიკური შეცდომა, რაზეც შესაბამისი კომუნიკაცია იყო კონკრეტულ მხარესთან. განემარტა აღნიშნულის თაობაზე. მას აქვს საშუალება, ჩვეულებრივად შემოვიდეს საქართველოში და ისარგებლოს იმ დიპლომატიური იმუნიტეტით, რასაც მას საერთაშორისო აქტები აძლევს“, – განაცხადა დარახველიძემ.ცნობისთვის, საქართველოში ევროკავშირის წარმომადგენლობამ დაადასტურა, რომ 21 მაისს ევროკავშირის დელეგაციის წევრს, საიმონ ვანდერბრუკს თბილისის აეროპორტში შემოსვლის უფლება არ მისცეს. მათი განცხადებით, საკითხთან დაკავშირებით საგარეო საქმეთა სამინისტროს ნოტა გადაეგზავნა და საქართველოს ხელისუფლებამ სიტყვიერად მოიბოდიშა.ამასთან, აღნიშნულ საკითხზე კომენტარი გაკეთდა საქართველოს საგარეო საქმეთა სამინისტროშიც. როგორც უწყებაში განმარტეს, ადგილი ჰქონდა ტექნიკურ გაუგებრობას და საკითხი ამოწურულია.

სამართალი • 1747773477

შსს-მ 2021 წლიდან 2025 წლის პირველი კვარტლის ჩათვლით, ნარკოდანაშაულისთვის 19 000 პირი მისცა პასუხისგებაში - ალექსანდრე დარახველიძე

2021 წლიდან 2025 წლის პირველი კვარტლის ჩათვლით, 19 000 პირი ჰყავს შსს-ს ნარკოტიკული დანაშაულისთვის პასუხისგებაში მიცემული, აქედან, დაახლოებით 1 000 პირი ნარკოგამსაღებელია, - განაცხადა შინაგან საქმეთა მინისტრის მოადგილე ალექსანდრე დარახველიძემ. მისი თქმით, ერთი მხრივ, სახელმწიფო უნდა ებრძოლოს ნარკოგასაღებას, ამავე დროს უნდა შემცირდეს იმ ადამიანების რიცხვი, ვინც მოიხმარს ნარკოტიკს. „2021 წლიდან 2025 წლის პირველი კვარტლის ჩათვლით, 19 000 პირი ჰყავს შსს-ს ნარკოტიკული დანაშაულისთვის პასუხისგებაში მიცემული, აქედან, დაახლოებით 1 000 პირი ნარკოგამსაღებელია. მარტივად, ციფრებს რომ შევხედოთ, საკმაოდ შთამბეჭდავია ეს ციფრები, თუმცა კიდევ ერთხელ ვიმეორებ, ერთია, როდესაც ნარკოგასაღებას ებრძვის სახელმწიფო, მაგრამ მეორეს მხრივ, როდესაც არსებობს მოთხოვნა ნარკოტიკებზე, ბუნებრივია, გარკვეულ შემთხვევებში ჩნდება ის კერები, საიდანაც ხდება მიწოდება. ამიტომ, ერთის მხრივ, სახელმწიფო უნდა ებრძოლოს ნარკოგასაღებას, ამავე დროს უნდა შემცირდეს იმ ადამიანების რიცხვი, ვინც მოიხმარს ნარკოტიკს“, - განაცხადა შინაგან საქმეთა მინისტრის მოადგილემ.

პოლიტიკა • 1747771600

„სისხლის სამართალშიც ემატება სასჯელის ახალი სახე, ქვეყნიდან გაძევება და შემოსვლის გარკვეული ვადით აკრძალვა“ - ალექსანდრე დარახველიძე მიგრაციის ახალ კანონზე

შინაგან საქმეთა მინისტრის მოადგილემ, ალექსანდრე დარახველიძემ, მიგრაციის შესახებ ახალ კანონთან დაკავშირებით ისაუბრა. მისი თქმით, ყველა მექანიზმი, რომელიც პრაქტიკაში გამოვლინდა, რომ იყო ხვრელი კანონში და იყენებდნენ კონკრეტული პირები ქვეყანაში ლეგალურად ხანგრძლივი ვადით დარჩენის მიზნებისთვის, საკანონმდებლო დონეზე მოწესრიგდება და იქნება კონკრეტული გამართული მექანიზმები, რომელიც უწყებას საშუალებას მისცემს, ადამიანებს, რომლებსაც თავშესაფარი არ ესაჭიროებათ, დროულად ეთქვათ უარი და დაიწყოს გაძევების პროცედურა.„შემოდის სახდელის, ანუ ადმინისტრაციული სახდელის ახალი სახე ქვეყნიდან გაძევება, რომელსაც გამოვიყენებთ იმ ადამიანების მიმართ, ვინც სჩადის კონკრეტულ გადაცდომებს, როგორიც არის მაგალითად, წვრილმანი ხულიგნობა, პოლიციისთვის დაუმორჩილებლობა, შეკრება-მანიფესტაციების წესის დარღვევა. საზოგადოება ხედავდა, რომ არაერთი უცხოელი მონაწილეობდა გასული წლის აქციებზე, მათ შორის, რამდენიმე მათგანი პარლამენტის შენობაშიც კი დავაკავეთ და მოგვიწია შესაბამისი ღონისძიებების განხორციელება. ასევე გამოყენებული იქნება იმ პირების მიმართ, ვინც არღვევს ქვეყანაში უვიზოდ მოგზაურობის წესებს. არის კონკრეტული ვადები. თუ ვთქვათ, ნაკლებად მძიმე დანაშაულს ჩაიდენს, შედარებით მცირე ვადებია, 5-დან 10 წლამდე, ხოლო განსაკუთრებით მძიმე და მძიმე დანაშაულისთვის უვადო შეზღუდვაც კი შეიძლება, დაწესდეს“, – განაცხადა მინისტრის მოადგილემ.

პოლიტიკა • 1747771161

ევროპის არაერთი ქვეყანა ცვლის და ამკაცრებს თავის მიგრაციულ კანონმდებლობას და შემოდის სხვადასხვა მექანიზმი, რომელიც თავშესაფრის სისტემის ამგვარად, ანუ ბოროტად გამოყენების პრევენციის მიზნით არსებობს - ალექსანდრე დარახველიძე

შინაგან საქმეთა მინისტრის მოადგილემ, ალექსანდრე დარახველიძემ, მიგრაციის შესახებ ახალ კანონთან დაკავშირებით ისაუბრა და განაცხადა, რომ ქვეყანაში ტურისტული მიზნით შემოსული ადამიანები რჩებოდნენ და არსებულ საკანონმდებლო ხარვეზებს იყენებდნენ, იმისთვის, რომ ქვეყანაში ყოფნის ვადები გაეხანგრძლივებინათ. „დღეს გვაქვს მოცემულობა, როდესაც ქვეყანაში ტურისტული მიზნით შემოსული ადამიანები რჩებიან და იყენებენ სხვადასხვა საკანონმდებლო ხარვეზებს, რათა ხანგრძლივი ვადით დარჩნენ.“- განაცხადა ალექსანდრე დარახველიძემ. „ევროპის არაერთი ქვეყანა ცვლის და ამკაცრებს თავის მიგრაციულ კანონმდებლობას და შემოდის სხვადასხვა მექანიზმი, რომელიც თავშესაფრის სისტემის ამგვარად, ანუ ბოროტად გამოყენების პრევენციის მიზნით არსებობს. ვაკვირდებოდით იმ თანამედროვე მიდგომებს და კონკრეტულ საკითხებს, რომელიც სხვადასხვა ქვეყანაში ხორციელდება ამ მიმართულებით და ასევე ,ვაკვირდებოდით იმ პრაქტიკას, რაც ჩვენ ქვეყანაში არსებობდა“- განაცხადა ალექსანდრე დარახველიძემ.

საზოგადოება • 1747723841

რევაზ სოხაძე აზიის განვითარების ბანკის საქართველოს წარმომადგენლობის ხელმძღვანელს შეხვდა

საქართველოს ინფრასტრუქტურის მინისტრმა, რევაზ სოხაძემ, სამინისტროს გუნდთან ერთად, შეხვედრა გამართა აზიის განვითარების ბანკის (ADB) მუდმივი წარმომადგენლობის ხელმძღვანელთან საქართველოში, ლესლი ბეარმან ლამთან.შეხვედრის მხარეებმა განიხილეს ADB-სთან თანამშრომლობის მნიშვნელობა ქვეყნის განვითარებისთვის, შეაჯამეს ერთობლივი პროექტების შედეგები, მიმოიხილეს მიმდინარე სამუშაოები და ისაუბრეს სამომავლო გეგმებზე.„აზიის განვითარების ბანკს მადლობა გადავუხადეთ იმ პროექტებისთვის, რომელიც მათი მხარდაჭერით ჩვენს ქვეყანაში წლების განმავლობაში ხორციელდებოდა. ვისაუბრეთ სამომავლო გეგმებზე, ისეთებზე, როგორიცაა ბათუმი-სარფის გზა და გვირაბი, ქობულეთის შემოვლითი გზა და იმაზე, რომ მნიშვნელოვანია, რაც შეიძლება, მალე დაიწყოს თბილისის შემოვლითი გზის მშენებლობა. ასევე, გამოვთქვით სურვილი კიდევ უფრო გაღრმავდეს ჩვენი პარტნიორობა და მათი მხარდაჭერა ქვეყნისთვის მნიშვნელოვანი სხვა მიმართულებებითაც“, – აღნიშნა რევაზ სოხაძემ.მხარეებმა კიდევ ერთხელ დაადასტურეს მზადყოფნა, გააძლიერონ თანამშრომლობა საერთო პროექტების განხორციელებაში.ბანკის მუდმივი მისიის წარმომადგენელებმა, წარმატება უსურვეს მინისტრსა და მის გუნდს საქმიანობასა და ერთობლივი მიმდინარე და დაგეგმილი პროექტების განხორციელებაში.აზიის განვითარების ბანკი (ADB) საქართველოს ერთ-ერთი უმნიშვნელოვანესი პარტნიორია ქვეყნის მდგრადი და ინკლუზიური განვითარების ხელშეწყობაში. ADB-სთან თანამშრომლობა უკვე სამი ათეული წელია გრძელდება და მოიცავს ინფრასტრუქტურის სამინისტროს პორტფელის თითქმის ყველა მიმართულებას. ADB-ის მხარდაჭერით განხორციელდა და მიმდინარეობს მრავალი მნიშვნელოვანი პროექტი, მათ შორის: წყალმომარაგებისა და წყალარინების სისტემების გაუმჯობესება; აღმოსავლეთ-დასავლეთის მაგისტრალის განვითარება; დასახლებების ურბანული განვითარება; სპორტული და საგანმანათლებლო ინფრასტრუქტურის მშენებლობა და სხვა.შეხვედრას ესწრებოდნენ ინფრასტრუქტურის მინისტრის მოადგილეები – ვახუშტი ბაგრატიონი, მზია გიორგობიანი, გიორგი კობერიძე, ილია ბეგიაშვილი, საავტომობილო გზების დეპარტამენტის თავმჯდომარე ლევან დარახველიძე, მუნიციპალური განვითარების ფონდის აღმასრულებელი დირექტორი ბექა ურუშაძე, გაერთიანებული წყალმომარაგების კომპანიის დირექტორი დავით კვინიკაძე; აზიის განვითარების ბანკის მუდმივი მისიის ხელმძღვანელის მოადგილე ანდრეს პეტერსონი, ტრანსპორტის უფროსი სპეციალისტი ზეღამ ნაქვი, ურბანული განვითარების სპეციალისტი მარია პია ანკორა და სატრანსპორტო საკითხების მთავარი სპეციალისტი ლი მინგ ტაი.ინფორმაციას ინფრასტრუქტურის სამინისტროს პრესსამსახური ავრცელებს.