დარახველიძე

პარლამენტმა „საქართველოს ადმინისტრაციულ სამართალდარღვევათა კოდექსში“ ცვლილებას მხარი დაუჭირა

პარლამენტმა მესამე მოსმენით, 84 ხმით მხარი დაუჭირა „საქართველოს ადმინისტრაციულ სამართალდარღვევათა კოდექსში“ ცვლილებას.საკითხი პლენარულ სხდომაზე შინაგან საქმეთა მინისტრის მოადგილემ ალექსანდრე დარახველიძემ წარადგინა.ცვლილებების თანახმად, მკაცრდება ადმინისტრაციული პასუხისმგებლობა და იზრდება არსებული სანქციები ისეთი ადმინისტრაციული სამართალდარღვევებისთვის, როგორიც არის: ავტოსატრანსპორტო საშუალებით მოძრაობისას მძღოლის ან მგზავრის მიერ უსაფრთხოების ღვედის გამოუყენებლობა; მექანიკური სატრანსპორტო საშუალების მართვის დროს მძღოლის მიერ მობილური კომუნიკაციის საშუალებით სარგებლობა; იმ სატრანსპორტო საშუალების მართვა, რომელსაც აქვს გაუმართავი სამუხრუჭე სისტემა, საჭის სამართავი მექანიზმი ან მისაბმელი მოწყობილობა, ანდა მწყობრიდანაა გამოსული ფარები, უკანასაგაბარიტო მაშუქები დღე-ღამის ბნელ დროს, ან მინის საწმენდი მექანიზმი წვიმის ან თოვლის დროს, ანდა დარღვეულია ძრავის კვების სისტემის ჰერმეტულობა.გარდა აღნიშნულისა, კანონპროექტით სამართალდარღვევათა კოდექსს ემატება ნორმები, რომელთა საფუძველზეც განისაზღვრება პასუხისმგებლობა ისეთი ადმინისტრაციული სამართალდარღვევებისთვის, როგორიც არის:სატრანსპორტო საშუალების ტროტუარზე ან ქვეითთა გადასასვლელზე დგომა-გაჩერება;გზის სავალი ნაწილის საპირისპირო მიმართულებით მოძრავ სამარშრუტო სატრანსპორტო საშუალების მოძრაობისთვის განკუთვნილ სპეციალურ ზოლში („BUS LANE“) სამარშრუტო სატრანსპორტო საშუალების გარდა, სხვა სატრანსპორტო საშუალების მოძრაობა.„2025 წლის განმავლობაში საქართველოში 469 ადამიანი გარდაიცვალა ავტოსაგზაო შემთხვევების შედეგად, დაშავდა - 8191. ავტოსაგზაო შემთხვევები უმეტესად გამოწვეული იყო საპირისპირო ზოლში ავტომობილის გადასვლით, მანევრირების წესის დარღვევით. მილიონ 700 ათასზე მეტი ადმინისტრაციული ჯარიმა დაიწერა სიჩქარის გადაჭარბებისთვის. ავარიების გამომწვევი მიზეზებიდან სწორედ სიჩქარის გადაჭარბება იყო სიხშირით მე-3 ადგილზე. ეს სტატისტიკა ის მოტივაციაა, რამაც აღნიშნული ცვლილებების განხორციელების საჭიროება დააყენა“, - განაცხადა ალექსანდრე დარახველიძემ.მისივე თქმით, ცვლილებები 2026 წლის 1 მაისიდან ამოქმედდება.

პოლიტიკა • 1773660162

ალექსანდრე დარახველიძე: სამწუხაროდ, ევროპაში ისევ პირველ ადგილზე ვართ გზებზე დაშავებისა და გარდაცვალების მაჩვენებლით. თვითმიზანი ნამდვილად არ არის ჯარიმების ზრდა. მთავარი მიზანია, გზებზე დაცული იყოს საგზაო მოძრაობის წესები

შინაგან საქმეთა მინისტრის მოადგილის ალექსანდრე დარახველიძის განცხადებით, ადმინისტრაციულ სამართალდარღვევათა კოდექსის პროექტი კონკრეტულ შემთხვევებში საჯარიმო სანქციების გადახედვას ისახავს მიზნად.მისი თქმით, მთავარი მიზანია დაცული იყოს საგზაო მოძრაობის წესები, ნაკლები ადამიანი დაშავდეს და ნაკლები გარდაიცვალოს.„ჩვენი მთავარი მიზანია, რომ გზებზე დაცული იყოს საგზაო მოძრაობის წესები იმისათვის, რომ ნაკლები ადამიანი დაშავდეს, ნაკლები გარდაიცვალოს. სამწუხაროდ, ევროპაში ისევ პირველ ადგილზე ვართ გზებზე დაშავებისა და გარდაცვალების მაჩვენებლით. თვითმიზანი ნამდვილად არ არის ჯარიმების ზრდა იმისათვის, რომ კონკრეტულმა პირებმა გადაიხადონ ჯარიმები და ეს არ მიდის შინაგან საქმეთა სამინისტროს ბიუჯეტში. ცვლილებები ეხება სწორედ იმ მიმართულებებს, სადაც ყველაზე მეტად ხდებოდა საგზაო მოძრაობის წესების დარღვევა და ყველაზე მეტად იწვევდა ავტოავარიებსა და გზებზე გარდაცვალებას“, - აღნიშნა დარახველიძემ.იურიდიულ საკითხთა კომიტეტის სხდომაზე მესამე მოსმენით განიხილეს ადმინისტრაციულ სამართალდარღვევათა კოდექსის პროექტი. ცვლილებები ეხება საგზაო უსაფრთხოებას და მკაცრდება სანქციები. მთელი რიგი მიმართულებით იზრდება ჯარიმები.

პოლიტიკა • 1773656698

ალექსანდრე დარახველიძე: „მოსკოვის მექანიზმის“ წარმომადგენლებს, რომლებიც იმყოფებოდნენ შინაგან საქმეთა სამინისტროში, წარვუდგინეთ აქციის მიმდინარეობის ვიდეომასალა და თავადვე აღიარეს, რომ აქცია ძალადობრივი ხასიათის იყო

თავად „მოსკოვის მექანიზმის“ წარმომადგენლებს, რომლებიც იმყოფებოდნენ შინაგან საქმეთა სამინისტროში, წარვუდგინეთ აქციის მიმდინარეობის ვიდეომასალა და თავადვე აღიარეს, რომ აქცია ძალადობრივი ხასიათის იყო, - განაცხადა შინაგან საქმეთა მინისტრის მოადგილემ, ალექსანდრე დარახველიძემ „მოსკოვის მექანიზმის“ ფარგლებში ექსპერტის მიერ საქართველოზე მომზადებულ ანგარიშზე საუბრისას.მისი თქმით, პოლიციამ გამოიყენა შესაბამისი პროპორციული ძალა და საშუალებები, რისი გამოყენების სრული ლეგიტიმური არათუ უფლება, ვალდებულება ჰქონდა.„უნდა გავიხსენოთ რა ხდებოდა 2024 წლის ნოემბერ-დეკემბერში. ვერავინ იტყვის, რომ აქცია მშვიდობიანი იყო. თავად „მოსკოვის მექანიზმის“ წარმომადგენლებს, რომლებიც იმყოფებოდნენ შინაგან საქმეთა სამინისტროში, წარვუდგინეთ აქციის მიმდინარეობის ვიდეომასალა და თავადვე აღიარეს, რომ აქცია ძალადობრივი ხასიათის იყო. ეს ჩანაწერი არსებობს შსს-ში. როდესაც არის ძალადობრივი აქცია, ადგილი აქვს სახელმწიფო უწყებებზე თავდასხმას, კარგად ნახეთ, საქართველოს პარლამენტის შენობა ფაქტობრივად იყო გადამწვარი აქციის მოძალადე მონაწილეების მხრიდან, პოლიციამ გამოიყენა შესაბამისი პროპორციული ძალა და საშუალებები, რისი გამოყენების სრული ლეგიტიმური არათუ უფლება, ვალდებულება ჰქონდა მას.რაც შეეხება კონკრეტულ შემთხვევაში თანამშრომელთა მხრიდან ადგილი თუ ჰქონდა გადაცდომებს, ამის გამოძიების უფლება შსს-ს არ აქვს, რადგან თავის თანამშრომლების სავარაუდო გადაცდენის ფაქტებს ვერ გამოიძიებს. აღნიშნულ საკითხს ჯერ იძიებდა სპეციალური საგამოძიებო სამსახური. ვინაიდან ეს სამსახური შეუერთდა საქართველოს გენერალურ პროკურატურას, ახლა გენერალური პროკურატურა იძიებს ამ საკითხს“, - აღნიშნა დარახველიძემ.პატრიცია გჟებიკი ის ე.წ. დამოუკიდებელი ექსპერტია, რომელმაც სავარაუდოდ, წინასწარ დაწერილ დეზინფორმაციას ხელი მოაწერა და „მოსკოვის მექანიზმის“ დასკვნად წარმოადგინა.ეუთო-ს „მოსკოვის მექანიზმის“ ანგარიშის თანახმად, საქართველოს ხელისუფლებას სხვა საკითხებთან ერთად, საკანონმდებლო ცვლილებების შესახებ, რეკომენდაციები მიეცა. კერძოდ, მოსკოვის მექანიზმის ანგარიშის თანახმად, ხელისუფლებას სთხოვენ „უცხოური გავლენის გამჭვირვალობის შესახებ“ და „ოჯახური ღირებულებების შესახებ“ კანონების გაუქმებას.ასევე, მოთხოვნილია „უცხოელი აგენტების რეგისტრაციის აქტის“ (FARA) , „გრანტების შესახებ“ კანონში უცხოურ გრანტებთან დაკავშირებული დებულებებისა და „მაუწყებლობის შესახებ“ კანონში ბოლო დროს შეტანილი ცვლილებების გაუქმება, რომლებიც ეხება უცხოურ დაფინანსებას და მაუწყებლობის შინაარსის შეზღუდვას.

პოლიტიკა • 1773321798

შემოსავლების სამსახურის ხელმძღვანელმა საქართველოში საფრანგეთის რესპუბლიკის საგანგებო და სრულუფლებიან ელჩთან გაცნობითი ხასიათის შეხვედრა გამართა

შემოსავლების სამსახურის ხელმძღვანელმა, ირაკლი (დაჩი) ბერაიამ საქართველოში საფრანგეთის რესპუბლიკის საგანგებო და სრულუფლებიან ელჩთან, ოლივიე კურტოსთან გაცნობითი ხასიათის შეხვედრა გამართა.შეხვედრის მსვლელობისას, მხარეებმა საქართველოსა და საფრანგეთს შორის მრავალწლიანი, პარტნიორული ურთიერთობები განიხილეს და თანამშრომლობის შემდგომი გაღრმავების მნიშვნელობაზე ისაუბრეს.შემოსავლების სამსახურში გამართულ შეხვედრას ესწრებოდნენ საერთაშორისო ურთიერთობათა დეპარტამენტის უფროსი, არჩილ დარახველიძე, ასევე მისი მოადგილე მინდია გრძელიძე და საქართველოში საფრანგეთის საელჩოს ეკონომიკური სამსახურის უფროსი, ჰუგო დებრუა.ინფორმაციას შემოსავლების სამსახური ავრცელებს.

სამართალი • 1773224476

სპეციალური ბრიფინგი შინაგან საქმეთა სამინისტროში - დაკავებულია 51 პირი

გასული ორი დღის განმავლობაში სამართალდამცველების მიერ, ქვეყნის მასშტაბით ჩატარებული საპოლიციო და მათ შორის პრევენციული ღონისძიებების შედეგად, ამოღებულია ათეულობით უკანონო ცეცხლსასროლი იარაღი, საბრძოლო მასალა და ასაფეთქებელი ნივთიერებები. სულ დაკავებულია 51 პირი. აღნიშნულთან დაკავშირებით შსს-ში ბრიფინგი მინისტრის მოადგილე ალექსანდრე დარახველიძემ გამართა.როგორც მინისტრის მოადგილემ აღნიშნა, გამოძიება საქართველოს სისხლის სამართლის კოდექსის 236-ე მუხლით მიმდინარეობს, რაც შვიდ წლამდე ვადით თავისუფლების აღკვეთას ითვალისწინებს.„საზოგადოებრივი წესრიგისა და მოქალაქეთა უსაფრთხოების უზრუნველსაყოფად, საქართველოს შინაგან საქმეთა სამინისტროს თანამშრომლები ყოველდღიურ რეჟიმში განაგრძობენ ორგანიზებული დანაშაულის წინააღმდეგ აქტიურ ბრძოლას. სამინისტრო ამ მიმართულებით სისტემატურად ატარებს საპოლიციო, მათ შორის პრევენციული ხასიათის ღონისძიებებს.„გასული ორი დღის განმავლობაში სამართალდამცველების მიერ, ქვეყნის მასშტაბით ჩატარებული საპოლიციო და მათ შორის პრევენციული ღონისძიებების შედეგად, ამოღებულია ათეულობით უკანონო ცეცხლსასროლი იარაღი, საბრძოლო მასალა და ასაფეთქებელი ნივთიერებები – სულ დაკავებულია 51 პირი.აღნიშნული ღონისძიებები სამართალდამცველებმა, მოსამართლის განჩინების საფუძველზე, თბილისსა და საქართველოს სხვადასხვა რეგიონში ჩაატარეს.პოლიციამ დაკავებულების პირადი, საცხოვრებელი სახლების, დამხმარე სათავსოებისა და ავტომანქანების ჩხრეკისას, ნივთმტკიცებად ამოიღო დიდი რაოდენობით ცეცხლსასროლი და ავტომატური ცეცხლსასროლი იარაღები, ხელყუმბარები, მჭიდები, ასეულობით ვაზნა და ასაფეთქებელი ნივთიერებები. გამოძიება საქართველოს სისხლის სამართლის კოდექსის 236-ე მუხლით მიმდინარეობს, რაც 7 წლამდე ვადით თავისუფლების აღკვეთას ითვალისწინებს.საქართველოს შინაგან საქმეთა სამინისტროს მიერ განხორციელებული ეფექტიანი საპოლიციო და პრევენციული ღონისძიებების შედეგად, ქვეყანაში შემცირებულია სიცოცხლისა და ჯანმრთელობის წინააღმდეგ ჩადენილი დანაშაულების რაოდენობა, რასაც ჩვენ მიერ გამოქვეყნებული ოფიციალური სტატისტიკაც ცხადყოფს.მოქალაქეთა უსაფრთხოების დაცვა ჩვენი საქმიანობის ერთ-ერთ უმთავრეს პრიორიტეტს წარმოადგენს. სამინისტრო მომავალშიც გააგრძელებს აქტიურ და თანმიმდევრულ მუშაობას დანაშაულის პრევენციის მიმართულებით, რათა ქვეყანაში უზრუნველყოფილი იყოს წესრიგი და უსაფრთხო გარემო“, – განაცხადა დარახველიძემ.

პოლიტიკა • 1773153591

ალექსანდრე დარახველიძე აშშ-ის სახდეპის მიერ რეგიონში ყველაზე უსაფრთხო ქვეყნად საქართველოს დასახელებაზე: საქართველოს შეფასება განაპირობა სწორედ იმ სწორმა და პრაგმატულმა პოლიტიკამ, რასაც საქართველოს ხელისუფლება ახორციელებს

საქართველოს შეფასება და მისი მოხვედრა პირველ კალათაში განაპირობა სწორედ იმ სწორმა და პრაგმატულმა პოლიტიკამ, რასაც საქართველოს ხელისუფლება ახორციელებს, - განაცხადა შინაგან საქმეთა მინისტრის მოადგილემ ალექსანდრე დარახველიძემ ამერიკის შეერთებული შტატების სახელმწიფო დეპარტამენტის მიერ რეგიონში სამოგზაუროდ ყველაზე უსაფრთხო ქვეყნად საქართველოს დასახელების შესახებ.მინისტრის მოადგილემ აღნიშნა, რომ შეერთებულმა შტატებმა საქართველოში არსებული ვითარება სწორად შეაფასა.„ამერიკის შეერთებული შტატების სახელმწიფო დეპარტამენტმა გამოაქვეყნა გზამკვლევი საკუთარი მოქალაქეებისთვის, რომლებიც გეგმავენ ქვეყნის გარეთ მოგზაურობა. აღნიშნული დოკუმენტის თანახმად მსოფლიოს ქვეყნები დაყოფილია 4 კატეგორიად საფრთხის რისკის მიხედვით პირველიდან მეოთხე დონის ჩათვლით. ქვეყნები, რომლებიც პირველ კალათაში მოხვდნენ, ითვლებიან ყველაზე უსაფრთხო ქვეყნებად მათი მოქალაქეების მოგზაურობისთვის და საქართველო სწორედ ამ კალათაში მოხვდა. რაც შეეხება სხვა მეზობელ სახელმწიფოებს და ასე შემდეგ, ნაწილმა მეორე კალათაში, ნაწილმა კი მესამე და მეოთხე კალათაში გადაინაცვლეს. ეს შეფასება ეფუძნება იმ უსაფრთხოების რისკების შეფასების ანალიზს, რაც სხვადასხვა ქვეყანაში არსებობს.მნიშვნელოვანია, აღინიშნოს, რომ საქართველოს შეფასება და მისი მოხვედრა პირველ კალათაში განაპირობა სწორედ იმ სწორმა და პრაგმატულმა პოლიტიკამ, რასაც საქართველოს ხელისუფლება ახორციელებს. ასევე დადებითად შეფასდა სახელმწიფო უწყებების და განსაკუთრებით სამართალდამცავი უწყებების მიერ განხორციელებული ღონისძიებები ქვეყნის უსაფრთხოების დაცვის კუთხით. შესაბამისად, აღსანიშნავია, რომ ამერიკის შეერთებული შტატების სახელმწიფო დეპარტამენტის მხრიდან ძალიან სწორედ იქნა შეფასებული ქვეყანაში არსებული ვითარება და ის პოლიტიკა, რომელსაც ხელისუფლება ატარებს და გაიცა კონკრეტული რეკომენდაციები ამერიკის მოქალაქეებისთვის საქართველოში მოგზაურობასთან დაკავშირებით“, - განაცხადა მინისტრის მოადგილემ.აშშ-ის სახელმწიფო დეპარტამენტის მონაცემებით, საქართველო რეგიონში სამოგზაუროდ ყველაზე უსაფრთხო ქვეყანაა.

სამართალი • 1772449648

ალექსანდრე დარახველიძე: შსს ნარკოდანაშაულთან უკომპრომისო ბრძოლას აგრძელებს, ნარკოდანაშაულში ჩართულ ყველა პირს მოუწევს, კანონის წინაშე უმკაცრესად აგოს პასუხი

საქართველოს შინაგან საქმეთა მინისტრის მოადგილის, ალექსანდრე დარახველიძის განცხადებით, შინაგან საქმეთა სამინისტრო ნარკოდანაშაულთან უკომპრომისო ბრძოლას აგრძელებს.დარახველიძის თქმით, სამინისტრო მომავალშიც გააგრძელებს ეფექტურ ბრძოლას და ნარკოდანაშაულში მონაწილე ყველა პირს კანონის წინაშე მოუწევს პასუხისგება.„საზოგადოება ყოველ დღე ხედავს არაერთ ფაქტს, როცა ხდება ნარკოტიკების გავრცელების გამოვლენა. პასუხისგებაში მივეცით არაერთი პირი, რომლებიც ნარკოდანაშაულში სხვადასხვა ფორმით იყვნენ ჩართული, მათ შორის ნარკოტიკების გავრცელებაში. სამინისტრო მომავალშიც გააგრძელებს ეფექტურ ბრძოლას და ყველა იმ პირს, ვინც გადაწყვეტს, ჩართული იყოს ნარკოდანაშაულში, მოუწევს, კანონის წინაშე უმკაცრესად აგოს პასუხი“, – განაცხადა ალექსანდრე დარახველიძემ

პოლიტიკა • 1772197906

ალექსანდრე დარახველიძე მიგრაციის საერთაშორისო ორგანიზაციის ევროპისა და ცენტრალური აზიის რეგიონული ოფისის ხელმძღვანელს შეხვდა

შინაგან საქმეთა მინისტრის მოადგილემ, ალექსანდრე დარახველიძემ, მიგრაციის საერთაშორისო ორგანიზაციის (IOM) ევროპისა და ცენტრალური აზიის რეგიონული ოფისის ხელმძღვანელთან, არტურ ერკენთან გაცნობითი შეხვედრა გამართა.მხარეებმა არსებული თანამშრომლობის ფარგლებში მხარდაჭერილი პროექტები განიხილეს და სამომავლო თანამშრომლობის პრიორიტეტულ მიმართულებებზე ისაუბრეს.განსაკუთრებული ყურადღება გამახვილდა უახლეს საკანონმდებლო ცვლილებებზე მიგრაციის სფეროში.ინიცირებული საკანონმდებლო ცვლილებების კონტექსტში, ალექსანდრე დარახველიძემ ხაზი გაუსვა უწყების მიერ განხორციელებულ იმ ეფექტიან ღონისძიებებს, რომელიც უკანონო მიგრაციის წინააღმდეგ ბრძოლისკენ არის მიმართული. შეხვედრას ასევე ესწრებოდა მიგრაციის საერთაშორისო ორგანიზაციის საქართველოს მისიის ხელმძღვანელი, ლარს იოჰან ლონბაკი.შეხვედრის დასასრულს, მინისტრის მოადგილემ არტურ ერკენს და მიგრაციის საერთაშორისო ორგანიზაციის ხელმძღვანელს მადლობა გადაუხადა წლების განმავლობაში შინაგან საქმეთა სამინისტროს შესაძლებლობების განვითარებაში შეტანილი წვლილისთვის.ინფორმაციას საქართველოს შინაგან საქმეთა სამინისტროს პრესსამსახური ავრცელებს.

პოლიტიკა • 1771934918

რევაზ სოხაძე საფრანგეთის ბიზნესგაერთიანების MEDEF International-ის დელეგაციას შეხვდა

საქართველოს ინფრასტრუქტურის მინისტრი რევაზ სოხაძე საფრანგეთის ბიზნესგაერთიანების — MEDEF International-ის დელეგაციას შეხვდა. შეხვედრა თბილისში მიმდინარე ბიზნესმისიის ფარგლებში გაიმართა.ფრანგული დელეგაციის შემადგენლობაში 20-მდე კომპანიის წარმომადგენელი იმყოფება, რომლებიც საქართველოში საინვესტიციო შესაძლებლობებს ეცნობიან. წარმოდგენილი კომპანიები საქმიანობენ ინფრასტრუქტურის, მშენებლობის, ინფორმაციული ტექნოლოგიების, ენერგეტიკის, საინჟინრო და სხვა სტრატეგიულ სფეროებში.შეხვედრაზე ქართულმა მხარემ ფრანგ ბიზნესმენებს ქვეყანაში არსებული ბიზნესგარემო და საინვესტიციო პოტენციალი გააცნო. საუბარი შეეხო მსხვილ ინფრასტრუქტურულ პროექტებს, მათ შორის შუა დერეფნისა და ქვეყნის საგზაო ქსელის განვითარებას. მინისტრმა ასევე ისაუბრა წყალმომარაგებისა და წყალარინების სისტემების, სპორტული და ურბანული ინფრასტრუქტურის განვითარების მასშტაბურ გეგმებზე.შეხვედრა დისკუსიის ფორმატში წარიმართა. ფრანგული კომპანიების წარმომადგენლებმა დეტალური ინფორმაცია მიიღეს მიმდინარე და დაგეგმილი პროექტების, სახელმწიფო პოლიტიკის პრიორიტეტებისა და კერძო სექტორის ჩართულობის შესაძლებლობების შესახებ. აღინიშნა, რომ საქართველო ტრადიციულად მიმზიდველი საინვესტიციო ბაზარია ფრანგული კომპანიებისთვის და ქვეყნებს შორის თანამშრომლობას უკვე აქვს პრაქტიკული გამოცდილება.ფრანგმა ბიზნესწრეების წარმომადგენლებმა სამინისტროს გუნდს საკუთარი კომპანიების საქმიანობის მიმართულებები და შესაძლებლობები გააცნეს. მხარეებმა თანამშრომლობის გაღრმავების მზადყოფნა გამოთქვეს და აღნიშნეს, რომ MEDEF International-ის პლატფორმა მნიშვნელოვანია ქვეყნებს შორის სავაჭრო და საინვესტიციო ურთიერთობების გასაძლიერებლად.შეხვედრას ესწრებოდნენ ინფრასტრუქტურის მინისტრის მოადგილეები ვახუშტი ბაგრატიონი, მზია გიორგობიანი, ილია ბეგიაშვილი, გიორგი კობერიძე და ბათუ გურჯიძე, ასევე მუნიციპალური განვითარების ფონდის აღმასრულებელი დირექტორი ბექა ურუშაძე, საავტომობილო გზების დეპარტამენტის თავმჯდომარე ლევან დარახველიძე და გაერთიანებული წყალმომარაგების კომპანიის დირექტორი გიორგი შონია.MEDEF International არის საფრანგეთის ბიზნესკონფედერაციის — MEDEF-ის — საერთაშორისო პლატფორმა, რომელიც აწყობს ბიზნესდელეგაციებსა და ეკონომიკურ ფორუმებს, ამყარებს პარტნიორობებს მთავრობებსა და კერძო სექტორს შორის და მხარს უჭერს მსხვილ საინვესტიციო პროექტებს სხვადასხვა ქვეყანაში.

სოციალური თემა • 1771273157

„ფულადი დახმარება 7 000 ლარის ნაცვლად, იქნება 20 000 ლარი...“ - დეტალები

ორმაგდება იმ თანხების რაოდენობა, რომელიც გათვალისწინებულია სამსახურებრივი მოვალეობის შესრულების დროს დაშავებული პოლიციელებისთვის, - განაცხადა შინაგან საქმეთა მინისტრის მოადგილემ ალექსანდრე დარახველიძემ შსს-ს მიერ მომზადებულ ცვლილებათა პაკეტზე საუბრისას.მისივე თქმით, სამსახურებრივი მოვალეობის შესრულების დროს გარდაცვლილ პოლიციელთა და მეხანძრე-მაშველთა ოჯახების კომპენსაციის ოდენობა 30 000 ლარი ხდება.„კანონმდებლობით ინერგება ძალიან მნიშვნელოვანი ინსტიტუტი, რაც გულისხმობს სამედიცინო შვებულებას პოლიციელებისთვის, რომლებმაც სამსახურებრივი მოვალეობის შესრულების დროს მიიღეს ჯანმრთელობის დაზიანება. აღნიშნული ცვლილებები თანაბრად გავრცელდება, როგორც პოლიციელებზე, ასევე მეხანძრე-მაშველებზე“, - განაცხადა ალექსანდრე დარახველიძემ.შინაგან საქმეთა სამინისტრომ კიდევ ერთი ცვლილებათა პაკეტი მოამზადა, რომელიც პოლიციელთა სოციალური გარანტიების გაუმჯობესებას ეხება. პოლიციის შესახებ კანონპროექტით, ჯანმრთელობის დაზიანების შემთხვევაში ერთჯერადი ფულადი დახმარების ოდენობა იზრდება.7 000 ლარის ნაცვლად, პოლიციელს გადაეცემა 20 000 ლარი, ნაკლებად მძიმე დაზიანებისას 15 000 ლარი, ჯანმრთელობის მსუბუქი დაზიანების შემთხვევაში კი 10 000 ლარი. კანონს დაემატება შვებულება, ჯანმრთელობის მდგომარეობის გამო, რომელიც აქამდე არ არსებობდა.სამსახურებრივი მოვალეობის შესრულების დროს პოლიციელის გარდაცვალების შემთხვევაში, 15 000 ლარის ნაცვლად გარდაცვლილი პოლიციელის ოჯახს ერთჯერადად 30 000 ლარი გადაეცემა. დაკრძალვის ხარჯები განისაზღვრება ორი ათასი ლარის ოდენობით.

პოლიტიკა • 1771242406

ალექსანდრე დარახველიძე: კარგია, რომ შევთანხმდით, „კამიტი“ არ გამოგვიყენებია, საია-ც ადასტურებს, რომ ეს იყო სიცრუე, დეზინფორმაცია

კარგია, რომ შევთანხმდით, „კამიტი“ არ გამოგვიყენებია და საია-ც ადასტურებს ამ ფაქტს, რომ ეს იყო სიცრუე, დეზინფორმაცია, რომელიც გავრცელდა, – ამის შესახებ საქართველოს შინაგან საქმეთა მინისტრის მოადგილემ, ალექსანდრე დარახველიძემ განაცხადა.დარახველიძეს კითხვა დაუსვეს „ახალგაზრდა იურისტთა ასოციაციის“ განცხადებაზე, რომ წყლის ჭავლში შერეული ნივთიერებებით დაზიანებული მოქალაქეების სახელით სამართალწარმოებას იწყებენ. მათი მხრიდან სარჩელში ნახსენები არ არის სიტყვა „კამიტი“.ალექსანდრე დარახველიძის განცხადებით, საქართველოში ადგილი ჰქონდა ძალადობრივ აქციას და პოლიციაზე, სახელმწიფო უწყებებზე, მათ შორის პარლამენტის შენობაზე თავდასხმის დროს, პოლიციის შესახებ კანონი განსაზღვრავს, რას საშუალებები შეიძლება იყოს გამოყენებული.„რაც შეეხება კონკრეტულ შემთხვევებს, არაერთგზის განვმარტეთ, 2024 წლის ნოემბერ-დეკემბრის თვეში, რაც საზოგადოებამაც კარგად იხილა, არ იყო მშვიდობიანი აქცია, ეს იყო ძალადობრივი აქცია, ხელისუფლების დამხობის მცდელობა და ამაზე გამოძიება მიმდინარეობს საქართველოს გენერალურ პროკურატურაში. არაერთი პირის მიმართ უკვე შესაბამისი პასუხისმგებლობაც დადგა და წარდგენილი აქვს ბრალდება. შესაბამისად, საზოგადოებამ იხილა, რომ ადგილი ჰქონდა ძალადობრივ აქციას. ძალადობრივი აქციის დროს, როდესაც ადგილი აქვს თავდასხმას პოლიციაზე, სახელმწიფო უწყებებზე, მათ შორის პარლამენტის შენობაზე და ა.შ. პოლიციის შესახებ კანონი შავით თეთრზე განსაზღვრავს, რა საშუალებები შეიძლება იქნას გამოყენებული. ეს არის როგორც აქტიური, ისე პასიური თავდაცვის საშუალებები, მათ შორის ცრემლსადენი გაზი, წყლის ჭავლი და ა.შ.რაც შეეხება ბრძანება 10.02-ს, ნამდვილად არსებობდა ასეთი ჩანაწერი, თუ არ ვცდები, 2021 წლამდე, რომლითაც შეზღუდული იყო წყლის ჭავლისა და გაზის ერთობლივად და პარალელურ რეჟიმში გამოყენება, თუმცა ვინაიდან ეს არ გამომდინარეობდა კანონის აკრძალვიდან, ჩვენ გავეცანით ასევე სხვადასხვა ქვეყნის გამოცდილებას, მათ შორის ეუთო/ოდირის სტანდარტებს, ამნესტის კონკრეტულ ანგარიშებს, იქ არანაირი შეზღუდვა და აკრძალვა არ ყოფილა. კანონში განსაზღვრულია მთავარი პრინციპი პროპორციულობასთან დაკავშირებით, სპეციალური საშუალება და ძალა გამოყენებული უნდა იქნას იმ პროპორციულობით, რა საფრთხეც არსებობს. თითოეულ ჩვენგანს გვინახავს არაერთი ფაქტი, ევროპული ქვეყნების პოლიცია რა ტიპის ძალებს იყენებს აქციის მოძალადე წევრების წინააღმდეგ, გვინახავს სპეციალური სასამსახურო ძაღლები, ცხენებით აქციის დაშლა და ა.შ. ამ შემთხვევაში იმ პროპორციით იყო გამოყენებული ის საშუალებები, რა ტიპის თავდასხმებიც არსებობდა პოლიციასა და სახელმწიფო უწყებებზე. ეს არაერთ საქმეში დევს. გახსენით ღია სივრცეში არაერთი ვებგვერდი და შეგიძლიათ ნახოთ, როგორ ხდებოდა „მოლოტოვის კოქტეილებით“ თავდასხმა, რამდენი ათასი ერთეული პიროტექნიკა იქნა გამოყენებული პოლიციელების წინააღმდეგ და სახეზე გვყავს ადამიანები, რომლებმაც დამწვრობა მიიღეს. 171 პოლიციელი არის „მშვიდობიანი“ მომიტინგეების მხრიდან დაშავებული. ძალიან ბევრ მათგანს დასჭირდა ქირურგიული ჩარევა, ერთმა ადამიანმა მხედველობა დაკარგა, ერთმა – სმენა. პროპორცია განისაზღვრება ყოველ კონკრეტულ შემთხვევაში კონკრეტული ვითარებიდან გამომდინარე“, – განაცხადა ალექსანდრე დარახველიძემ.

საზოგადოება • 1771240708

ალექსანდრე დარახველიძე: ახალი შენობა მოემსახურება მიგრაციის დეპარტამენტის თანამშრომლებს, აქამდე მათ უწევდათ მუშაობა იმ შენობაში, სადაც პარალელურად განთავსებული იყო დროებითი განთავსების ცენტრი

აღნიშნული შენობა მოემსახურება მიგრაციის დეპარტამენტის თანამშრომლებს, სხვადასხვა სამმართველოს მოსამსახურეებს. აქამდე მათ უწევდათ მუშაობა იმ შენობაში, სადაც პარალელურად განთავსებული იყო დროებითი განთავსების ცენტრი, - განაცხადა შინაგან საქმეთა მინისტრის მოადგილემ ალექსანდრე დარახველიძემ.მისივე თქმით, ახალი, თანამედროვე, ევროპული სტანდარტების შენობა, რომელიც ადაპტირებულია სპეციალური საჭიროების მქონე და შეზღუდული შესაძლებლობების მქონე პირთა საჭიროებებზე, მოემსახურება, როგორც გაძევების მიმართულებას, ასევე თავშესაფრის მიმართულებას.„აქ არის ასევე განთავსებული სხვადასხვა სამმართველოები. ძალიან მნიშვნელოვანია, რომ მიგრაციის დეპარტამენტი უკვე გაძლიერებული ინფრასტრუქტურული და ადამიანური რესურსით შეძლებს, რომ შეასრულოს ის მთავარი ამოცანა, რაც არის უკანონო მიგრაციის წინააღმდეგ ბრძოლა, კანონიერი საფუძვლის გარეშე მყოფი პირების ქვეყნიდან გაძევება და მათ მიმართ კანონით გათვალისწინებული ღონისძიებების აღსრულება“, - აღნიშნა ალექსანდრე დარახველიძემ.მთავრობის მეთაური, შინაგან საქმეთა მინისტრთან ერთად მიგრაციის ახალ დეპარტამენტში იმყოფებოდა. მიგრაციას როგორც ერთ-ერთ გამოწვევას ხელისუფლება ეფექტიანად პასუხობს და ამას სტატისტიკა ადასტურებს.