აღდგენით

ორთაჭალაში, რუსთავი–თბილისის დამაკავშირებელი საავტომობილო გზის მონაკვეთზე აღდგენითი სამუშაოები დაიწყო

თბილისის მერიის ინფრასტრუქტურის განვითარების საქალაქო სამსახურმა ორთაჭალაში, რუსთავი–თბილისის დამაკავშირებელი საავტომობილო გზის მონაკვეთზე დაზიანებული ინფრასტრუქტურის აღდგენითი სამუშაოები დაიწყო.როგორც თბილისის მერმა კახა კალაძემ დღეს დედაქალაქის მთავრობის სხდომაზე განაცხადა, აღნიშნულ საგზაო მონაკვეთზე რამდენიმე კვირის წინ მდინარე მტკვრის ნაპირსამაგრი ჯებირი დაზიანდა, რის შედეგადაც სავალ ნაწილსა და ტროტუარზე ბზარები განვითარდა.„პრობლემის დაფიქსირებისთანავე, ოპერატიულად მოვახდინეთ რეაგირება - უსაფრთხოების მიზნით, დაზიანებულ მონაკვეთზე ავტოტრანსპორტის მოძრაობა ნაწილობრივ შეიზღუდა და გატარდა ყველა აუცილებელი პირველადი ღონისძიება. პარალელურად, დარგის სპეციალისტების მიერ ჩატარდა კვლევა, რომლის მიზანიც იყო დაზიანების გამომწვევი მიზეზების იდენტიფიცირება და შესაბამისი პრევენციული ღონისძიებების დაგეგმვა. კვლევამ აჩვენა, რომ პროცესის ძირითადი მიზეზია გრუნტში მიწისქვეშა და ზედაპირული წყლების ინტენსიური ჩადინება, რასაც ემატება მდინარე მტკვრის ჰიდროდინამიკური ზემოქმედება ნაპირდაცვით კონსტრუქციებზე, ასევე, მიწისქვეშა წყლების დონის სეზონური მერყეობა“, - განაცხადა თბილისის მერმა.მისივე თქმით, ამ ეტაპზე მიმდინარეობს აღდგენითი სამუშაოები, რომელიც მოიცავს ნაპირსამაგრი ინფრასტრუქტურის გაძლიერებას და უსაფრთხო გადაადგილებისთვის გზის დაზიანებული მონაკვეთის სრულ აღდგენას.ამასთან, როგორც მერმა აღნიშნა, სამუშაოების დასრულებისთვის, დაახლოებით, ოთხი თვე იქნება საჭირო, დროის ამ მონაკვეთში კი ავტომობილებით გადაადგილება ნაწილობრივ შეაზღუდება.მისივე ინფორმაციით, პროექტის ღირებულება 3,5 მილიონ ლარს შეადგენს.

პოლიტიკა • 1774890960

დავით ქართველიშვილი მარკო რუბიოსა და ირაკლი კობახიძის სატელეფონო საუბარზე: საქართველო რჩება სუბიექტად, რომელთანაც აშშ საჭიროდ მიიჩნევს პირდაპირ საუბარს

აშშ-ის სახელმწიფო მდივან მარკო რუბიოსა და საქართველოს პრემიერ-მინისტრ ირაკლი კობახიძეს შორის გამართულ სატელეფონო საუბარს სოციალურ ქსელში გამოეხმაურა პარტია „ხალხის ძალის“ წევრი დავით ქართველიშვილი.მისი შეფასებით, აღნიშნული კომუნიკაცია მნიშვნელოვანია არა იმდენად შინაარსით, არამედ ფორმატით, რაც, მისი თქმით, მიუთითებს, რომ საქართველო კვლავ რჩება ამერიკის შეერთებული შტატების სტრატეგიულ დღის წესრიგში.როგორც ქართველიშვილი აღნიშნავს, საუბარი შეეხო ორმხრივ ურთიერთობებს, რეგიონულ უსაფრთხოებასა და საერთაშორისო საკითხებს, თუმცა განცხადებები თავშეკავებული და პრაგმატული იყო.„აშშ-ის სახელმწიფო მდივნის, მარკო რუბიოსა და საქართველოს პრემიერ-მინისტრ ირაკლი კობახიძეს შორის გამართული სატელეფონო საუბარი სწორედ ის შემთხვევაა, როდესაც კონტაქტის ფორმა უფრო მნიშვნელოვანია, ვიდრე მისი ფორმალური შინაარსი. ოფიციალურ თბილისსა და ვაშინგტონს შორის გაწელილი პაუზისა და პოლიტიკური გაგრილების ფონზე, აშშ-ის სახელმწიფო მდივანსა და საქართველოს პრემიერ-მინისტრს შორის პირდაპირი დიალოგის ფაქტი უკვე აღარ არის მხოლოდ დიპლომატიური ჟესტი - ეს არის სიგნალი, რომ საქართველო რჩება ამერიკის შეერთებული შტატების სტრატეგიულ დღის წესრიგში და არ არის გამოტანილი მისი აქტუალური ინტერესების ფარგლებს გარეთ.შინაარსობრივად, საუბარი შეეხო მთავარ ბლოკებს ორმხრივ ურთიერთობებს, რეგიონულ უსაფრთხოებასა და საერთაშორისო დღის წესრიგს. დიახ, სახელმწიფო დეპარტამენტის ფორმულირებები იყო თავშეკავებული და ნეიტრალური ხმამაღალი განცხადებების, დაპირებებისა და დემონსტრაციული პოლიტიკური ჟესტების გარეშე. მაგრამ სწორედ ეს არის პრაგმატიზმის მაჩვენებელი: არ არის ბრალდებები, არ არის ზეწოლა, არ არის საჯარო კონფრონტაცია. დიპლომატიაში ეს ნიშნავს ერთს მხარეები შეგნებულად ტოვებენ სივრცეს შემდგომი დიალოგისთვის და არ კეტავენ შესაძლო დაახლოების არც ერთ სცენარს.განსაკუთრებით მნიშვნელოვანია, რომ საუბარში ხაზი გაესვა საქართველოს როლს, როგორც რეგიონულ პარტნიორს. ეს არ არის უბრალოდ რიტორიკა - ეს არის მარკერი. სამხრეთ კავკასიაში მიმდინარე ტურბულენტობის, ენერგეტიკული მარშრუტებისა და ლოჯისტიკური დერეფნების ფონზე საქართველოს მნიშვნელობა ობიექტურად იზრდება და ვაშინგტონი ამას აფიქსირებს. შესაბამისად, მიუხედავად წარსულში გამოთქმული მკვეთრი შეფასებებისა და კრიტიკისა, აშშ არ არის მზად დაკარგოს თბილისი, როგორც რეგიონული არქიტექტურის ელემენტი. სწორედ ამიტომ შედგა ეს კონტაქტი - ზედმეტი ხმაურის გარეშე, მაგრამ უმაღლეს დონეზე.ამასთან, კონკრეტული შეთანხმებების არქონა არ უნდა გახდეს მცდარი ინტერპრეტაციის საფუძველი. ეს არც სისუსტეა და არც ჩავარდნა 0 ეს არის ეტაპი. საუბარი არ არის საბოლოო გადაწყვეტილებებზე, არამედ კომუნიკაციის არხის აღდგენაზე. იმ პირობებში, როდესაც ადრე ჟღერდა მკვეთრი ფორმულირებები ქართული ხელმძღვანელობის მიმართ, პირდაპირ დიალოგზე გადასვლის ფაქტი უკვე ტონალობის ცვლილებას ნიშნავს. დიდი პოლიტიკა ემოციებით არ მუშაობს - ის მუშაობს ნდობის ეტაპობრივი, ნაბიჯ-ნაბიჯ აღდგენით.სწორედ ამიტომ ამ საუბრის შეფასება უნდა იყოს მკაცრი და რეალისტური: ეს არ არის გარღვევა, მაგრამ არც სიცარიელე. ეს არის ფრთხილი, თუმცა პრინციპული დაფიქსირება - საქართველო რჩება სუბიექტად, რომელთანაც აშშ საჭიროდ მიიჩნევს პირდაპირ საუბარს. ხოლო თანამედროვე გეოპოლიტიკაში ეს უკვე არის რესურსი, რომელსაც ან იყენებ, ან კარგავ. ამ ეტაპზე თბილისმა ეს რესურსი არ დაკარგა - და სწორედ ეს არის ამ კონტაქტის მთავარი პოზიტიური შედეგი. ნიშანდობლივია, რომ მარკო რუბიომ ეს ზარი განახორციელა ირაკლი კობახიძის მოწოდების შემდეგ - ამერიკამ აღადგინოს საქართველოსთან ცალმხრივად შეჩერებული სტრატეგიული პარტნიორობა. ვნახოთ - ღმერთმა ქნას“, - წერს დავით ქართველიშვილი.

რჩევები • 1774362480

„ცივ ოთახში ძილი წონას ამცირებს და დაბერებას ანელებს“ – მეცნიერების ახალი კვლევა

ბოლო წლებში ჩატარებული სამეცნიერო კვლევები აჩვენებს, რომ შედარებით ცივ გარემოში ძილს მნიშვნელოვანი დადებითი გავლენა შეუძლია მოახდინოს ადამიანის ჯანმრთელობაზე. სპეციალისტების თქმით, საძინებლის ტემპერატურის ოდნავ შემცირებაც კი საკმარისია, რათა ორგანიზმში სასარგებლო პროცესები გააქტიურდეს. ამის შესახებ უცხოური მედია წერს. ერთ-ერთი მთავარი მექანიზმი, რომელიც ცივ გარემოს უკავშირდება, არის sogenannten „ყავისფერი ცხიმის“ აქტივაცია. ეს ცხიმის უნიკალური ტიპია, რომელიც ენერგიის დაწვასა და სითბოს გამომუშავებაზეა პასუხისმგებელი. მისი გააქტიურება ხელს უწყობს ორგანიზმის მეტაბოლიზმის დაჩქარებას და კალორიების უფრო ეფექტურად ხარჯვას.გარდა ამისა, ცივ ოთახში ძილი დადებითად მოქმედებს ძილის ხარისხზე. დაბალი ტემპერატურა ეხმარება ორგანიზმს სხეულის შიდა ტემპერატურის ბუნებრივ რეგულაციაში, რაც აუცილებელია ღრმა და აღდგენითი ძილის ფაზების გასაძლიერებლად. შედეგად, ადამიანი იღვიძებს უფრო დასვენებული, უმჯობესდება მეხსიერება, კონცენტრაცია და ემოციური მდგომარეობა.სპეციალისტები გვირჩევენ, რომ საძინებლის ტემპერატურა ეტაპობრივად შევამციროთ, რათა ორგანიზმმა ცვლილებას მარტივად მოერგოს. ეს მარტივი ჩვევა შეიძლება გახდეს ეფექტური გზა ძილის ხარისხის გასაუმჯობესებლად, მეტაბოლიზმის დასარეგულირებლად და საერთო ჯანმრთელობის გასაძლიერებლად.მეცნიერების შეფასებით, მცირე ცვლილებებს ყოველდღიურ ცხოვრებაში ხშირად დიდი მნიშვნელობა აქვს - განსაკუთრებით მაშინ, როდესაც საქმე ძილსა და ჯანმრთელობას ეხება.

დედაქალაქი • 1773687967

წყალი შეწყდება - გადაამოწმეთ თქვენი მისამართი

„ჯორჯიან უოთერ ენდ ფაუერი“ წყალმომარაგების შეზღუდვასთან დაკავშირებით სპეციალურ განცხადებას ავრცელებს და მოსახლეობას აფრთხილებს.ნაძალადევი, ჯავის ქ. 2 შეს.N 10-ში მოქალაქის კუთვნილ წყალსადენის ქსელზე დაზიანების აღდგენითი სამუშაოების ჩატარების მიზნით 3/16/2026 16:20 დან 3/17/2026 03:00 საათამდე წყალმომარაგება შეუწყდება: ჯავის N46-N100 (ლუწები) N37-N93 (კენტები) ჯავის 2,3,4,5,6 შეს. ჯავის 1,2,3 გასავალს. მერი პაკელიანის, ვასილ მოლოკოვის, ლილი თაკვარელიას ქუჩებს.კონსტანტინე ილურიძის ქ. 2 გას.N 11ა-თან წყალმომარაგების ქსელზე დაზიანების გამო 3/16/2026 21:15 დან 3/17/2026 09:00 საათამდე წყალმომარაგება შეუწყდება: ლომთათიძის და ილურიძის ქუჩას (სრულად).ვაკე, ირაკლი გამრეკელის ქ.N 12-ში მოქალაქის კუთვნილ წყალსადენის ქსელზე დაზიანების აღდგენითი სამუშაოების ჩატარების მიზნით 3/16/2026 16:00 დან 3/17/2026 03:00 საათამდე წყალმომარაგება შეუწყდება: დუდუ დადიანის (მამია გურიელის) და ირაკლი გამრეკელის ქუჩებს.ირაკლი გამრეკელის ქ.N 12-ში მოქალაქის კუთვნილ წყალსადენის ქსელზე დაზიანების აღდგენითი სამუშაოების ჩატარების მიზნით 3/16/2026 17:30 დან 3/17/2026 03:00 საათამდე წყალმომარაგება შეუწყდება: ეგრელაძის, დელისის ქუჩები, ჯებაშვილი, ზალდასტანიშვილების, ვ.ჩიქოვანის, ნუცუბიძის N 1-129 (კენტები) N2-84 (ლუწები), ნადარეიშვილის, ს. ზაქარიაძის, მ. ასათიანის, კამანის, ი.გამრეკელის, გურიელის, ონიაშვილის N 61-87 (კენტები), N 64-80 (ლუწები), ბუდაპეშტის N13-29(კენტებს) 14-44(ლუწებს, ლვოვის N81-97, ვაზისუბნის (ისაკაძის) N 79-139(კენტებს)78-138(ლუწებს), ბუდაპეშტის 1-ლი შესახვევს, ვაჟა-ფშაველას მე-2 კვარტალს.ისანი, ვლადიმერ ლობჟანიძის ქ.N 2-თან წყალმომარაგების ქსელზე დაზიანების გამო 3/16/2026 20:30 დან 3/17/2026 08:30 საათამდე წყალმომარაგება შეუწყდება: ლობჟანიძის N2, N4, ქეთევან წამებულის გამზ. N67, N67ა, N69, ქეთევან წამებულის 1 ჩიხი, ნავთლუღის N24.

დედაქალაქი • 1773087557

წყალი შეწყდება - გადაამოწმეთ თქვენი მისამართი

„ჯორჯიან უოთერ ენდ ფაუერი“ წყალმომარაგების შეზღუდვასთან დაკავშირებით სპეციალურ განცხადებას ავრცელებს და მოსახლეობას აფრთხილებს.კომპანიის ცნობით, ქუჩების ნაწილს წყალი დილამდე შეუწყდება.გლდანი, მუხიანი 2, ვანის ქ. N69 თან წყალმომარაგების ქსელზე დაზიანების გამო 3/10/2026 10:00 საათამდე წყალმომარაგება შეუწყდება: მუხიანი 2, ვანის ქუჩას (სრულად).ისანი, მახათას ქ. N12 ში მოქალაქის კუთვნილ წყალსადენის ქსელზე დაზიანების აღდგენითი სამუშაოების ჩატარების მიზნით 3/10/2026 07:00 საათამდე წყალმომარაგება შეუწყდება: იუსტინე აბულაძეს, დმანისის, მარტყოფის ქუჩას ჩიხებით და შესახვევებით, მთავარანგელოზის, მახათას ქუჩას შესახვევებით, ნასაკირალის, ობსერვატორიის, სევანის, ალადაშვილის, ფაბრიციუსის ქუჩას შესახვევებით, ერისთავის, ჩუბინიძეს და გურჯაანის ქუჩას.ვაზისუბნის დას, ნიკო მუსხელიშვილის ქ. N3 თან წყალმომარაგების ქსელზე დაზიანების გამო 3/10/2026 09:00 საათამდე წყალმომარაგება შეუწყდება: ვაზისუბნის დასახლებას მთლიანად, თამარ ღვალაძის, თეოფანე დავითაიას, დავით კვაჭანტირაძის და ნიკო მუსხელიშვილის ქუჩებს, მარშალ იოზეფ პილსუდსკის გამზირს, შანდორ პეტეფის 1 კორპუსი,შანდორ პეტეფის I შესახვევი, შანდორ პეტეფის N23,N25,N27,N29,N31, წულუკიძის მე-3 და მე-4 შესახვევს.( იგივეა რა მიტროფონე ლაღიძის მე-3 მე-4 შესახვევს) ემზარ სულაქველიძის ქუჩას.ჩუღურეთი, დავით აღმაშენებლის გამზირი, N79 თან წყალმომარაგების ქსელზე დაზიანების გამო 3/10/2026 09:00 საათამდე წყალმომარაგება შეუწყდება: დავით აღმაშენებლის გამზირის 57 -დან 81 ჩათვლით, კენტები.

პოლიტიკა • 1772700820

თენგიზ შარმანაშვილი: საქართველო-ამერიკას შორის ურთიერთობის გადატვირთვა შორეულ პერსპექტივაში არ გადაიდება, რადგან ახლა ყველაფერი მართლა თავიდან არის დასაწყები

აშშ-თან სტრატეგიული პარტნიორობა ახალ  შეთანხმებას უნდა დაეფუძნოს და ორივე მხარისთვის მისაღები, მომგებიანი იყოს. დარწმუნებული ვარ, ამერიკაც დაინტერესებულია ურთიერთობის აღდგენისთვის, – ამის შესახებ საპარლამენტო უმრავლესობის წევრმა, თენგიზ შარმანაშვილმა საქართველოს პირველ არხს განუცხადა.შარმანაშვილმა საქართველოს საპარლამენტო დელეგაციის აშშ-ში ვიზიტი და შეხვედრები შეაფასა.„სახელმწიფო დეპარტამენტში შეხვედრის შემდეგ, უკვე შეხვედრა თეთრ სახლში გაიმართა უშიშროების საბჭოს მდივნის მოადგილესთან, რაც ბევრის მანიშნებელია. ქართული დელეგაციის ხელმძღვანელს თეთრ სახლში როცა მიიწვევენ, ეს იმაზე მეტყველებს, რომ ამერიკის შეერთებული შტატები სერიოზულად ფიქრობს საქართველოსთან ურთიერთობის აღდგენაზე. დარწმუნებული ვარ, ეს შედეგს გამოიღებს, რადგან არავინ ელოდა, რომ ერთი შეხედვით კონფერენციაზე წასული დელეგაცია შეხვედრებს სახელმწიფო დეპარტამენტშიც და თეთრ სახლშიც გამართავდა. საქართველო-ამერიკას შორის ურთიერთობის გადატვირთვა შორეულ პერსპექტივაში არ გადაიდება, რადგან ახლა ყველაფერი მართლა თავიდან არის დასაწყები. დარწმუნებული ვარ, ამერიკაც დაინტერესებულია ურთიერთობის აღდგენით ამ რეგიონში“, – განაცხადა თენგიზ შარმანაშვილმა.საქართველოს საპარლამენტო დელეგაცია ამერიკის შეერთებულ შტატებში, ვაშინგტონში ვიზიტით იმყოფება. დელეგაციის შემადგენლობაში არიან საპარლამენტო უმრავლესობის წევრები: ნიკოლოზ სამხარაძე, მარიამ ლაშხი და ლიკა შარტავა.ვიზიტის ფარგლებში ნიკოლოზ სამხარაძე აშშ-ის სახელმწიფო დეპარტამენტში ბრენდან ჰანრაჰანს შეხვდა. როგორც სამხარაძემ განაცხადა, შეხვედრაზე დაადასტურა მზაობა, დაიწყონ მუშაობა სტრატეგიული პარტნიორობის ახალ შეთანხმებაზე.ნიკოლოზ სამხარაძემ ასევე შეხვედრა გამართა აშშ-ის უშიშროების საბჭოს მდივნის მოადგილესთან, ენდრიუ ბეიკერთან. როგორც სამხარაძემ აღნიშნა, შეხვედრის მთავარი თემა იყო ქართულ-ამერიკული ურთიერთობების გამოსწორება, გაჯანსაღება და სტრატეგიული პარტნიორობის აღდგენა.

მსოფლიო • 1772700448

საზოგადოება • 1772607952

თოვლის სქელმა საფარმა ეროვნული ბოტანიკური ბაღის მრავალწლიან ისტორიაში ერთ-ერთი ყველაზე მასშტაბური ზიანი გამოიწვია, ბაღი ვიზიტორებისთვის დროებით დაიკეტა - თბილისის მერია

საქართველოს ეროვნული ბოტანიკური ბაღი ვიზიტორებისთვის დროებით დაკეტილია. თბილისის მერიის ცნობით, აღნიშნული გადაწყვეტილება მიღებულია უსაფრთხოების მაქსიმალური დაცვის უზრუნველყოფის მიზნით.ადმინისტრაციის ინფორმაციით, თოვლის სქელმა საფარმა ეროვნული ბოტანიკური ბაღის მრავალწლიან ისტორიაში ერთ-ერთი ყველაზე მასშტაბური ზიანი გამოიწვია. დიდთოვლობამ მძიმე გავლენა მოახდინა როგორც უნიკალურ ხე-მცენარეთა კოლექციებზე, ისე მნიშვნელოვან ექსპონატებზე.„დაზიანებულია იშვიათი მერქნიანი მცენარეების გამორჩეული ეგზემპლარები, რაც ბაღის ეკოსისტემისთვის სერიოზულ გამოწვევას წარმოადგენს.არსებული მდგომარეობა, სპეციალისტების შეფასებით, განსაკუთრებულ ყურადღებასა და ხანგრძლივ აღდგენით პროცესს საჭიროებს. ამ ეტაპზე, ბაღის ადმინისტრაცია და შესაბამისი სამსახურები სრულად არიან მობილიზებულნი და საგანგებო რეჟიმში მუშაობენ. მიმდინარეობს დაზიანებული ტერიტორიების გაწმენდა, რისკების შეფასება და ვიზიტორთა უსაფრთხო გადაადგილებისთვის დამატებითი პრევენციული ზომების შემუშავება.ზიანის მასშტაბიდან გამომდინარე, პროცესში ჩართულია ბაღის შესაბამისი მიმართულების სამსახურები. სპეციალისტები ეტაპობრივად აფასებენ მიყენებულ ზარალს და ამუშავებენ აღდგენითი ღონისძიებების დეტალურ გეგმას.როგორც ადმინისტრაციაში აცხადებენ, სტიქიის შედეგების სრულად აღმოსაფხვრელად მნიშვნელოვანი დრო და რესურსი იქნება საჭირო.ბაღის დროებითი დახურვა პრევენციული გადაწყვეტილებაა, რომელიც მიზნად ისახავს უსაფრთხოების სამუშაოების შეუფერხებლად ჩატარებას. სამუშაოების დასრულებისთანავე, ის ტერიტორიები, სადაც ამჟამად გადაადგილება შეზღუდულია, ეტაპობრივად დაუბრუნდება ჩვეულ სამუშაო რეჟიმს“, – ნათქვამია თბილისის მერიის მიერ გავრცელებულ ინფორმაციაში.

საქართველოს ეროვნული ბოტანიკური ბაღისათვის ოფიციალური სტატუსის მინიჭებიდან 179 წელი გავიდა

საზოგადოება • 1772606981

ეროვნული ბოტანიკური ბაღი ვიზიტორებისთვის დროებით დაიკეტა

საქართველოს ეროვნული ბოტანიკური ბაღი ვიზიტორებისთვის დროებით დაკეტილია. აღნიშნული გადაწყვეტილება მიღებულია უსაფრთხოების მაქსიმალური დაცვის უზრუნველყოფის მიზნით.ადმინისტრაციის ინფორმაციით, თოვლის სქელმა საფარმა, ეროვნული ბოტანიკური ბაღის მრავალწლიან ისტორიაში ერთ-ერთი ყველაზე მასშტაბური ზიანი გამოიწვია.დიდთოვლობამ მძიმე გავლენა მოახდინა, როგორც უნიკალურ ხე-მცენარეთაკოლექციებზე, ისე მნიშვნელოვან ექსპონატებზე. დაზიანებულია იშვიათი მერქნიანი მცენარეების გამორჩეული ეგზემპლარები, რაც ბაღის ეკოსისტემისთვის სერიოზულ გამოწვევას წარმოადგენს. არსებული მდგომარეობა სპეციალისტების შეფასებით, განსაკუთრებულ ყურადღებასა და ხანგრძლივ აღდგენით პროცესს საჭიროებს.ამ ეტაპზე, ბაღის ადმინისტრაცია და შესაბამისი სამსახურები სრულად არიან მობილიზებულნი და საგანგებო რეჟიმში მუშაობენ. მიმდინარეობს დაზიანებული ტერიტორიების გაწმენდა, რისკების შეფასება და ვიზიტორთა უსაფრთხო გადაადგილებისთვის დამატებითი პრევენციული ზომების შემუშავება. ზიანის მასშტაბიდან გამომდინარე, პროცესში ჩართულია ბაღის შესაბამისი მიმართულების სამსახურები.სპეციალისტები ეტაპობრივად აფასებენ მიყენებულ ზარალს და ამუშავებენ აღდგენითი ღონისძიებების დეტალურ გეგმას.როგორც ადმინისტრაციაში აცხადებენ, სტიქიის შედეგების სრულად აღმოსაფხვრელად მნიშვნელოვანი დრო და რესურსი იქნება საჭირო.ბაღის დროებითი დახურვა პრევენციული გადაწყვეტილებაა, რომელიც მიზნად ისახავს უსაფრთხოების სამუშაოების შეუფერხებლად ჩატარებას.სამუშაოების დასრულებისთანავე ის ტერიტორიები, სადაც ამჟამად გადაადგილება შეზღუდულია, ეტაპობრივად დაუბრუნდება ჩვეულ სამუშაო რეჟიმს.ინფორმაციას თბილისის მერია ავრცელებს.

დედაქალაქი • 1772362673

თბილისის მერია - დედაქალაქის შემოერთებულ ტერიტორიებზე შიდა გზები ინტენსიურ რეჟიმში იწმინდება

დედაქალაქის შემოერთებულ ტერიტორიებზე შიდა გზების წმენდა გრძელდება, – ამის შესახებ ინფორმაციას თბილისის მერია ავრცელებს. მათივე ცნობით, გაიწმინდა თბილისის ქუჩები არსებული გადასასვლელები, გაჩერებები. შპს „თბილსერვის ჯგუფის“ თანამშრომლები სპეცტექნიკის საშუალებით 24-საათიან რეჟიმში უწყვეტად მუშაობენ.„თბილისში მოსული უხვი ნალექის გამო, დედაქალაქში გარკვეული პრობლემები შეიქმნა. ამ დროისთვის, ნაძალადევის რაიონში, გურამიშვილის #3-თან მდებარე საცხოვრებელ სახლთან, ასევე, ლოტკინის დასახლებაში, გურამ ასათიანის N26-ში გრუნტის დამჭერი კედელი ჩამოიშალა. მიწის ჩამოშლა მოხდა ვაკის და საბურთალოს რაიონებში რამდენიმე მისამართზე, ასევე გლდანის და ისნის რაიონებში. გარდა ამისა, ისანში ერთ-ერთი ავარიული სახლის კედელი ჩამოიშალა. აღნიშნულ მისამართზე არავინ ცხოვრობდა. გვერდით სახლში მცხოვრებლებმა კი სასტუმროში გადაყვანაზეუარი განაცხადეს. ისანში, ერთ-ერთ ლოკაციაზე ბილიკის ჩამოშლის ფაქტი ფიქსირდება. ისნის გამგეობა აღდგენის სამუშაოებს უახლოეს მომავალში დაიწყებს.აღნიშნული შემთხვევების გამო არავინ დაშავებულა. გამგეობებმა უკვე უზრუნველყო დაზარალებული ოჯახების სასტუმროში დროებით გადაყვანა. ადგილზე მუშაობდნენ, როგორც გადაუდებელი სიტუაციების კოორდინაციის, ისე მუნიციპალიტეტის შესაბამისი უწყების წარმომადგენლები. ტერიტორიები გაიწმინდა, მოეწყო დროებითი შემოღობვა, ხოლო აღდგენითი სამუშაოები დაიწყება უახლოეს მომავალში.თბილისის „ეკოსერვის ჯგუფი“ და გამგეობების კონტრაქტორი კომპანიები 24-საათიან რეჟიმში აგრძელებენ დაზიანებული ხეების დამუშავებას და მათ გატანას სხვადასხვა მისამართებზე.მოსახლეობას შევახსენებთ, რომ პრობლემის არსებობის შემთხვევაში, შეგიძლიათ დარეკოთ თბილისის მერიის ცხელ ხაზზე- 032 2722222“,- აღნიშნულია თბილისის მერიის ინფორმაციაში.

საზოგადოება • 1772300656

უხვი ნალექი და ვითარება გზებზე - მეტეოროლოგები ნალექს ქვეყნის ზოგიერთ ნაწილში ხვალაც ელოდებიან

კოჯრის, წყნეთისა და წავკისის დასახლებაში, შესაბამისი სამსახურები 24 საათიან, საგანგებო რეჟიმში მუშაობენ. გზები ტექნიკური მარილით მუშავდება. იწმინდება, როგორც ცენტრალური, ისე მეორეხარისხოვანი მონაკვეთები.მობილიზებულია სპეცტექნიკა. თბილისის მერია მოსახლეობას მოუწოდებს უხვი ნალექის გამო, ავტომანქანით, მხოლოდ ზამთრის საბურავებით იმოძრაონ.ინტენსიურმა თოვამ პრობლემები შექმნა კახეთშიც. თოვლმა ელექტრო გადამცემი ხაზები დააზიანა. აღდგენითი სამუშაოები მთელი დღის განმავლობაში მიმდინარებდა. მუნიციპალიტეტში ამ დრომდე იწმინდება გზები. ბოლო მონაცემებით, თელავში მუნიციპალური ტრანსპორტი თავისუფლად მოძრაობს.ზვავსაშიშროების საფრთხის დონე მაღალია მცხეთა–სტეფანწმინდა–ლარსის საავტომობილო გზის- გუდაური-კობის მონაკვეთზე, რის გამოც დროებით აკრძალულია ყველა სახის საგზაო მოძრაობა. საავტომობილო გზების დეპარტამენტის ცნობით, გზებზე სხვადასხვა მიმართულებით მოძრაობის სპეციალური რეჟიმია დაწესებული.სამუშაოები 24 საათიან რეჟიმში მიმდინარეობს. საავტომობილო გზების გაწმენდა ღამის განმავლობაშიც გაგრძელდება. მეტეოროლოგები ნალექს ქვეყნის ზოგიერთ ნაწილში ხვალაც ელოდებიან.

საზოგადოება • 1772269653

„თელასი“ თბილისის მასშტაბით ელექტროენერგიის მიწოდების შეწყვეტასთან დაკავშირებით ინფორმაციას ავრცელებს - დეტალები

კომპანია „თელასი“ თბილისის მასშტაბით ელექტროენერგიის მიწოდების შეწყვეტასთან დაკავშირებით ინფორმაციას ავრცელებს.მათივე ცნობით, ტექნიკური სამსახურის მიერ ადგილზე მიმდინარეობს ხაზების დათვალიერება, რათა აღდგენითი სამუშაოები ოპერატიულად დასრულდეს„დღეს თბილისის ქსელში მაღალი ძაბვის ხაზებზე დაზიანების გამო ელექტროენერგიის მიწოდება შეუწყდა მთაწმინდის, ვაკის და დიღმის დასახლების 100 000 მომხმარებელს.დილის ხუთ საათზე მკვებავი მაღალი ძაბვის ხაზების დაზიანების გამო ელექტროენერგია შეუწყდა ქვესადგურს დიღომი 1-ს. აღდგენითი სამუშაოები უკვე დასრულებულია და 12 საათისთვის 30000 მომხმარებელს ელექტროენერგია უკვე მიეწოდაასევე, დილის 10 საათისთვის დაზიანდა მთაწმინდა 1 და 2 მაღალი ძაბვის გადამცემი ხაზები, რის გამოც ელექტროენერგიის მიწოდება შეუწყდა მთაწმინდისა და ვაკის რაიონის 70 000 მომხმარებელს.თელასის ტექნიკური სამსახურის მიერ ადგილზე მიმდინარეობს ხაზების დათვალიერება, რათა აღდგენითი სამუშაოები ოპერატიულად დასრულდეს“, – ნათქვამია „თელასის“ მიერ გავრცელებულ ინფორმაციაში.