სპორტი • 1788583200

პირველი საგოლე ქმედება ლიგა 1-ის ახალ სეზონში - კვარაცხელიამ მარკინიოსს გაატანინა

ხვიჩა კვარაცხელიამ საფრანგეთის ლიგა 1-ის ახალ სეზონში თავისი პირველი საგოლე გადაცემა შეასრულა.„პარი სენ-ჟერმენისა“ და „მონაკოს“ შორის მიმდინარე მატჩის 31-ე წუთზე, ქართველი შემტევის პასის შემდეგ, გუნდის კაპიტანმა მარკინიოსმა ანგარიში გახსნა და პარიზელები დააწინაურა.

საზოგადოება • 1788544255

5 წლის სოფიას საზოგადოების დახმარება სჭირდება - ის ნეირობლასტომას ებრძვის

5 წლის სოფიას საზოგადოების დახმარება სჭირდება. ის მძიმე დაავადებას ებრძვის, მკურნალობის გასაგრძელებლად საჭიროა სოლიდური თანხა. როგორც ოჯახის ახლობელი სოციალურ ქსელში წერს, შექმნილია პატარას დახმარების გვერდიც - Help Sophia, სადაც დახმარების სურვილის და შესაძლებლობის შემთხვევაში საზოგადოებას შეეძლება გაეცნოს ბავშვის მკურნალობის ეტაპებს. ასევე პოსტში მოცემულია ანგარიშის ნომრები, სადაც შესაძლებელია თანხის დარიცხვა. „არასდროს მიფიქრია, რომ ერთ დღეს ასეთი სიტყვებით მომიწევდა თქვენთვის მომართვა… მაგრამ დღეს ჩვენი პატარა სოფიასთვის დახმარებას გთხოვთ.  უკვე 8 თვეა, 5 წლის სოფია ნეირობლასტომას ებრძვის - ბავშვთა ასაკში ერთ-ერთ ყველაზე რთულ და აგრესიულ ონკოლოგიურ დაავადებას.  ამ დროის განმავლობაში მან გაიარა ქიმიოთერაპია, რთული ოპერაცია და სხივური თერაპია. სოფიამ წარმოუდგენლად დიდი გზა გამოიარა, თუმცა მკურნალობის დასრულებამდე ყველაზე მნიშვნელოვანი ეტაპი დარჩა - Qarziba-ს იმუნოთერაპია, რომელიც, სამწუხაროდ, საქართველოში არ ტარდება.  მკურნალობისთვის 237 500 დოლარია საჭირო. სახელმწიფოს ჩართულობის დიდი იმედი გვაქვს, თუმცა ეს გარკვეულ პროცედურებსა და დროს მოითხოვს - დრო კი, სამწუხაროდ, ძალიან ცოტა გვაქვს.  ამ ეტაპამდე ოჯახმა საკუთარი შესაძლებლობებით ყველაფერი გავაკეთეთ და ჩვენი ფინანსური რესურსი პრაქტიკულად ამოწურულია. ამიტომ დღეს მთელი გულით გთხოვთ დახმარებას. ნებისმიერ თანხას ჩვენთვის ძალიან დიდი მნიშვნელობა აქვს. თუ ფინანსურად დახმარება არ შეგიძლიათ, გთხოვთ, უბრალოდ გააზიაროთ ეს პოსტი. შეიძლება სწორედ თქვენმა დახმარებამ ან ერთმა გაზიარებამ სოფიასთვის ყველაფერი შეცვალოს. შევქმენით სოფიასთვის გვერდი სადაც გაგიზიარებთ დეტალურ ინფორმაციას მისი მკურნალობის შესახებ - Help Sophia TBC BANK#GE97TB7188345064300131ANASTASIIA KOBAKHIDZE ( mother ) BOG#GE81BG0000000613358579ANASTASIIA KOBAKHIDZE ( mother ) RevolutTea Tchanturidze (Aunt)IBANFR76 2823 3000 0179 5729 5249 404https://revolut.me/tchanturidze PayPalhttps://www.paypal.me/AnastasiiaKobakhidze“, - წერს ოჯახის ახლობელი სოციალურ ქსელში.

პოლიტიკა • 1788526081

განათლების, მეცნიერებისა და ახალგაზრდულ საქმეთა კომიტეტმა საქართველოს 2026 წლის სახელმწიფო ბიუჯეტის შესრულების 6 თვის ანგარიში მოისმინა

საქართველოს პარლამენტის განათლების, მეცნიერებისა და ახალგაზრდულ საქმეთა კომიტეტმა ფინანსთა სამინისტროს მიერ წარმოდგენილი საქართველოს 2026 წლის სახელმწიფო ბიუჯეტის შესრულების 6 თვის ანგარიში მოისმინა.მომხსენებელმა, ფინანსთა მინისტრის პირველმა მოადგილემ, გიორგი კაკაურიძემ კომიტეტის წევრებს ძირითადი მაკროეკონომიკური პარამეტრები გააცნო.მისი თქმით, 2026 წლის 6 თვეში მთლიანი შიდა პროდუქტის საშუალო რეალურმა ზრდამ 7.9% შეადგინა, ხოლო ივნისში ინფლაციის დონე 5.8% იყო.2026 წლის იანვარ-ივნისში საქართველოში საქონლით საგარეო სავაჭრო ბრუნვამ 12 მილიარდ 925 მილიონი დოლარი შეადგინა. აქედან - ექსპორტი 3 მილიარდ 876 მილიონი დოლარია, ხოლო იმპორტი 9 მილიარდ 49 მილიონი დოლარი.გიორგი კაკაურიძის ინფორმაციით, საქართველოს უმსხვილესი სავაჭრო პარტნიორი ევროკავშირია, რომლის წილიც მთლიან საქონელბრუნვაში 20.1%-ს შეადგენს.როგორც მომხსენებელმა აღნიშნა, იანვარ-ივნისში წმინდა ფულადი გზავნილები, წინა წლის შესაბამის პერიოდთან შედარებით, 11%-ით გაიზარდა. 2026 წლის 6 თვეში საქართველოს 2 მილიონ 734 ათასი საერთაშორისო ვიზიტორი ეწვია.გიორგი კაკაურიძის განმარტებით, 2026 წლის იანვარ-ივნისის ნაერთ ბიუჯეტში მობილიზებულია 15 მილიარდ 86 მილიონი ლარი, რაც 6 თვის საპროგნოზო მაჩვენებლის 104.%-ია.რაც შეეხება უშუალოდ სახელმწიფო ბიუჯეტის შემოსავლებს, ჯამში 12 მილიარდ 515 მილიონ ლარამდეა მობილიზებული, რაც დაგეგმილი მაჩვენებლის 103%-ია.ფინანსთა მინისტრის პირველი მოადგილის თქმით, სახელმწიფო უწყებების მიერ ბიუჯეტის ათვისების საშუალო მაჩვენებელი 92%-ია.„საქართველოს განათლების, მეცნიერებისა და ახალგაზრდობის სამინისტროს მიერ მილიარდ 336 მილიონ ლარამდე არის ათვისებული, ჯამური ათვისების მაჩვენებელი 98.9%-ია“, - განაცხადა გიორგი კაკაურიძემ.განათლების, მეცნიერებისა და ახალგაზრდულ საქმეთა კომიტეტმა საქართველოს 2026 წლის სახელმწიფო ბიუჯეტის შესრულების 6 თვის ანგარიში ცნობად მიიღო.

პოლიტიკა • 1788523610

თავდაცვისა და უსაფრთხოების კომიტეტმა სახელმწიფო ბიუჯეტის შესრულების 6 თვის ანგარიში ცნობად მიიღო

პარლამენტის თავდაცვისა და უსაფრთხოების კომიტეტის სხდომაზე ფინანსთა მინისტრის პირველმა მოადგილემ, გიორგი კაკაურიძემ საქართველოს 2026 წლის სახელმწიფო ბიუჯეტის შესრულების 6 თვის ანგარიში წარადგინა.მომხსენებლის ინფორმაციით, დადებითი მაკროეკონომიკური ტენდენციებიდან გამომდინარე, ეკონომიკური ზრდის მაჩვენებელი დაგეგმილზე მაღალია - 7.9%. რაც შეეხება ინფლაციის დონეს, წინა წლის შესაბამის პერიოდთან შედარებით მისი მაჩვენებელი 4.9%-ით განისაზღვრა.კომიტეტის სხდომაზე გიორგი კაკაურიძემ საგარეო სავაჭრო ბრუნვის მონაცემები წარადგინა და აღნიშნა, რომ საანგარიშო პერიოდში საგარეო სავაჭრო ბრუნვამ 12 925.4 მილიონი დოლარი შეადგინა, რაც წინა წლის მაჩვენებელთან შედარებით 5.8%-ით არის გაზრდილი. რაც შეეხება ფულად გზავნილებს - მისი მოცულობა 11%-ით მეტია, ვიდრე 2025 წლის 6 თვის მონაცემები.ფინანსთა მინისტრის პირველმა მოადგილემ კომიტეტის წევრებს ნაერთი და სახელმწიფო ბიუჯეტების საშემოსავლო და ხარჯვითი ნაწილის მონაცემები გააცნო. მისი თქმით, 2026 წლის სახელმწიფო ბიუჯეტის შემოსავლების საპროგნოზო მაჩვენებელი 24 996 300 ათასი ლარით განისაზღვრა. საანგარიშო პერიოდში 12 514 898 ათასი ლარის მობილიზება განხორციელდა, რაც წლიური საპროგნოზო მაჩვენებლის 50.1%-ია და 6 თვის საპროგნოზო მაჩვენებლის 103%. რაც შეეხება გადასახადების ნაწილს, 6 თვის საპროგნოზო მაჩვენებელი 101.3%-ით შესრულდა.გიორგი კაკაურიძემ სამინისტროებისა და უწყებების მიერ თანხების ათვისების მაჩვენებლებზე საუბრისას აღნიშნა, რომ 6 თვის მონაცემებით, თავდაცვის სამინისტრომ - 81.2%, შინაგან საქმეთა სამინისტრომ - 91.8%, სახელმწიფო უსაფრთხოების სამსახურმა - 81.6%, პროკურატურამ - 84% და სახელმწიფო დაცვის სპეციალურმა სამსახურმა - 84.2% აითვისა.საკითხის განხილვის დასრულების შემდეგ, კომიტეტის წევრებმა ბიუჯეტის შესრულების 6 თვის ანგარიში ცნობად მიიღეს.

პოლიტიკა • 1788521057

კომიტეტების ერთობლივ სხდომაზე 2026 წლის სახელმწიფო ბიუჯეტის შესრულების 6 თვის ანგარიში ცნობად მიიღეს

პარლამენტის დიასპორის, ევროპასთან ინტეგრაციისა და კულტურის კომიტეტების ერთობლივ სხდომაზე ფინანსთა მინისტრის პირველმა მოადგილემ, გიორგი კაკაურიძემ საქართველოს 2026 წლის სახელმწიფო ბიუჯეტის შესრულების 6 თვის ანგარიში წარადგინა.მომხსენებელმა საანგარიშო პერიოდში ქვეყნის ბიუჯეტის შესრულების მიმოხილვისას ეკონომიკური ზრდის პარამეტრებზე, ინფლაციის მაჩვენებელზე, საგარეო ვაჭრობის მიმართულებებზე, ნაერთი და სახელმწიფო ბიუჯეტის შესრულებაზე ისაუბრა.ფინანსთა მინისტრის პირველი მოადგილის თქმით, ეკონომიკური ზრდის დინამიკა წელსაც გრძელდება.„წელს, 6 თვეში ეკონომიკური ზრდის მაჩვენებელმა 7,9% შეადგინა. ჩვენ უკვე განვაახლეთ ეკონომიკური ზრდის პროგნოზი, რომელიც 6,3%-ის დონეზეა წარმოდგენილი. ეს მაჩვენებლები თანხვედრაშია საერთაშორისო საფინანსო ინსტიტუტების პროგნოზებთან, რომლებმაც ასევე გაზარდეს საქართველოს ეკონომიკური ზრდის პროგნოზი“, - განაცხადა გიორგი კაკაურიძემ.ფინანსთა მინისტრის პირველი მოადგილის ინფორმაციით, საანგარიშო პერიოდში საქართველოში საქონლით საგარეო სავაჭრო ბრუნვამ 12 925 მილიონი დოლარი შეადგინა, რაც წინა წელთან შედარებით 5,8%-ით არის გაზრდილი. აქედან, ექსპორტის მაჩვენებელი 3 876 მილიონი დოლარია, იმპორტის - 9 049 მილიონი დოლარი.გიორგი კაკაურიძემ ხაზგასმით აღნიშნა, რომ საქართველოს უმსხვილესი სავაჭრო პარტნიორი კვლავ ევროკავშირია, რომლის წილი ქვეყნის მთლიან საგარეო სავაჭრო ბრუნვაში 20.1%-ია.კომიტეტების ერთობლივ სხდომაზე ყურადღება დაეთმო საქართველოს ეკონომიკურ ურთიერთობებსა და სავაჭრო-ეკონომიკური თანამშრომლობის გაღრმავების შესაძლებლობებს ევროკავშირთან და ქვეყნის ეკონომიკური განვითარების პერსპექტივებს.მომხსენებელმა ტურიზმიდან მიღებულ შემოსავლებზე ისაუბრა და აღნიშნა, რომ წლის პირველ ნახევარში საქართველოს 2 734.5 ათასი საერთაშორისო ვიზიტორი ეწვია.რაც შეეხება ფულად გზავნილებს, ეს მაჩვენებელი 11%-ით არის გაზრდილი და 1 692 მილიონ დოლარს მიაღწია.გიორგი კაკაურიძის ინფორმაციით, საანგარიშო პერიოდში ნაერთი ბიუჯეტის შემოსავლებმა 15 086 მილიონი ლარი შეადგინა და ის 104%-ით არის შესრულებული.რაც შეეხება გადასახადებს, მიღებულმა შემოსავლებმა 13 303 მილიონ ლარს გადააჭარბა და დაგეგმილის 101,9% შეადგინა.მომხსენებლის თქმით, გრანტებიდან მიღებულმა შემოსავლებმა 170 მილიონ ლარზე მეტი შეადგინა. გადაჭარბებით არის შესრულებული სხვა შემოსავლებიც, რომელთა ოდენობა 1 613 მილიონი ლარია. პრივატიზაციიდან 248 მილიონი ლარია შემოსული და დაგეგმილი 134%-ით არის შესრულებული.რაც შეეხება უშუალოდ სახელმწიფო ბიუჯეტის შემოსავლებს, გიორგი კაკაურიძის განმარტებით, ჯამში 12 515 მილიონ ლარამდეა მობილიზებული, რაც დაგეგმილი მაჩვენებლის 103%-ია. გადასახადებიდან 6 თვეში მიღებულია 11 216 მილიონი ლარი, რაც დაგეგმილი მაჩვენებლის 101,3%-ია. მისი თქმით, გადაჭარბებაა სხვა შემოსავლების მიმართულებითაც.გიორგი კაკაურიძის ინფორმაციით, სახელმწიფო ბიუჯეტი დაგეგმილია 30 881 მილიონ ლარზე მეტით და წლის პირველ ნახევარში ათვისებულია 14 053 მილიონი ლარი.ფინანსთა მინისტრის პირველმა მოადგილემ სახელმწიფო უწყებების მიერ ბიუჯეტის ათვისების მაჩვენებლებზეც ისაუბრა და აღნიშნა, რომ ამ მხრივ, საშუალო მაჩვენებელი 92%-ია.მისი განცხადებით, საგარეო საქმეთა სამინისტრომ საანგარიშო პერიოდში 107 819 ათასი ლარი, კულტურის სამინისტრომ 163 553 ათასი ლარი, ხოლო სპორტის სამინისტრომ 168 605 ათასი ლარი აითვისა.სახელმწიფო ბიუჯეტის შესრულების ანგარიშის განხილვა კითხვა-პასუხის ფორმატში გაგრძელდა.საკითხის განხილვის შემდეგ, კომიტეტებმა 2026 წლის სახელმწიფო ბიუჯეტის შესრულების 6 თვის ანგარიში ცნობად მიიღეს.

ფინანსები • 1788504200

სებ-თან არსებული დავების განმხილველი კომისიის მიერ განხილული საჩივრების შედეგად, აგვისტოს მდგომარეობით, მომხმარებლისთვის ანაზღაურებული თანხების ჯამურმა მოცულობამ 426 ათასი ლარი შეადგინა

 მიმდინარე წლის აგვისტოს მდგომარეობით, საქართველოს ეროვნულ ბანკთან არსებულმა დავების განმხილველმა კომისიამ საქმიანობის ფარგლებში განიხილა და წარმოებაში მიიღო მომხმარებლებსა და საგადახდო მომსახურების პროვაიდერებს შორის არსებული დავების თაობაზე შემოსული 150 საჩივარი. მათგან 125 დავა უკვე დასრულებულია, ხოლო 25 - განხილვის და მოკვლევის პროცესშია.აღსანიშნავია, რომ ბოლო პერიოდში კომისიის მიმართ მოქალაქეების მიმართვიანობა მნიშვნელოვნად გაიზარდა, რასაც ხელი შეუწყო საკანონმდებლო ცვლილებებმა.  ცვლილებების თანახმად, დავის საგნის ღირებულება, რომლის ფარგლებშიც კომისია უფლებამოსილია განიხილოს მომხმარებელთა საჩივრები, 50 000 ლარიდან 100 000 ლარამდე გაიზარდა. მომხმარებლების მიერ წარდგენილი საჩივრები უმეტესწილად უკავშირდება ანგარიშიდან განხორციელებულ გადახდის ოპერაციებს, რომლებსაც მომხმარებელი არ ეთანხმება.ამასთან, კომისიის მიერ მიღებული დადებითი გადაწყვეტილებების შესაბამისად, მომხმარებლებისთვის უკვე ფაქტობრივად ანაზღაურებული/ჩარიცხული თანხების ჯამური მოცულობა 426 ათას ლარს შეადგენს.ამ ეტაპზე მიმდინარე დავების ჯამური ღირებულება 400 ათასი ლარია, ხოლო კომისიის გადაწყვეტილებების შესაბამისად, პროვაიდერების მიერ მომხმარებლებისთვის ასანაზღაურებელი დარჩენილი თანხის მოცულობა 393 ათასი ლარია.ჯამურად, კომისიის საქმიანობის მთელი პერიოდის განმავლობაში შემოსული საჩივრებით მოთხოვნილი თანხის მოცულობა 1 მილიონ 645 ათას ლარს შეადგენს.საქართველოს ეროვნულ ბანკთან არსებული დავების განმხილველი კომისია მომხმარებლებისთვის დავის განხილვის სწრაფ, ეფექტურ და უფასო მექანიზმს წარმოადგენს. კომისიის მიზანია საგადახდო მომსახურების მომხმარებელთა უფლებების დაცვა, მათი სამართლიანი მოპყრობის უზრუნველყოფა და ციფრული გადახდების მიმართ მომხმარებლების ნდობის განმტკიცება.კომისია წარმოადგენს დამოუკიდებელ ორგანოს და მისი შექმნა უკავშირდება საქართველოსა და ევროკავშირს შორის ასოცირების შესახებ შეთანხმებით საქართველოს მიერ აღებულ ვალდებულებას.მომხმარებელი უფლებამოსილია, საჩივრით მიმართოს საქართველოს ეროვნულ ბანკთან არსებულ დავების განმხილველ კომისიას თუ მიიჩნევს, რომ ადგილი ჰქონდა საგადახდო ბარათით, ინტერნეტ-ბანკიდან, მობაილ-ბანკიდან და სხვა განხორციელებულ არაავტორიზებულ (მისი თანხმობის გარეშე განხორციელებულ) ოპერაციებს, გადახდის ოპერაციის შესრულების ვადის დარღვევას, არასწორად შესრულებულ ოპერაციას, ოპერაციის საკომისიოს არასწორად ჩამოჭრას და სხვა მსგავს შემთხვევას.

მსოფლიო • 1788451577

მსოფლიოს მასშტაბით ხელოვნური ინტელექტის წამყვანი ჩატბოტები შეფერხებით მუშაობენ

მსოფლიოს მასშტაბით ხელოვნური ინტელექტის რამდენიმე წამყვანი პლატფორმის მუშაობაში მასშტაბური შეფერხება დაფიქსირდა. ამის შესახებ Forbes წერს.გამოცემის ინფორმაციით, პრობლემების შესახებ ათიათასობით მომხმარებელი იუწყება. შეფერხებები შეეხო OpenAI-ის ChatGPT-ს, Anthropic-ის Claude-ს, xAI-ის Grok-სა და Google-ის Gemini-ს.Downdetector-ის მონაცემებით, ყველაზე მეტი შეტყობინება ChatGPT-ის მუშაობას უკავშირდებოდა - დაახლოებით 11:00 საათისთვის, პრობლემის შესახებ, მომხმარებლებისგან 37 000-ზე მეტი ანგარიში დაფიქსირდა.ამავე მონაცემებით, Claude-ის შემთხვევაში შეტყობინებების რაოდენობამ 1 324-ს მიაღწია, Grok-ის შემთხვევაში — 1 365-ს, ხოლო Gemini-ს მუშაობასთან დაკავშირებული პრობლემა დაახლოებით 500-მა მომხმარებელმა დააფიქსირა.შეფერხებების გამომწვევი საერთო მიზეზი ამ ეტაპზე უცნობია. ასევე ჯერჯერობით დადასტურებული არ არის, ერთმანეთთან არის თუ არა დაკავშირებული სხვადასხვა AI პლატფორმაზე ერთდროულად წარმოქმნილი პრობლემები.

საზოგადოება • 1788345211

თიბისის მხარდაჭერით ემიგრანტებისთვის ნიუ-იორკში ფესტივალი ZEIMI გაიმართა

თიბისის მხარდაჭერით, ნიუ-იორკში ქართული კულტურის, ღვინისა და გასტრონომიის ფესტივალი ZEIMI გაიმართა, რომელმაც ბრუკლინში ასობით ქართველი ემიგრანტი, ამერიკელი და საერთაშორისო სტუმარი შეკრიბა.ფესტივალზე, თიბისი სტუმრებს განსაკუთრებული გამოცდილებით და არაერთი სასიამოვნო სიურპრიზით, აქტივობით და საჩუქრებით დახვდა.თიბისი ემიგრანტებისთვის საბანკო მომსახურებას კიდევ უფრო მარტივსა და ხელმისაწვდომს ხდის. მსოფლიოს ნებისმიერი წერტილიდან მომხმარებლებს შეუძლიათ მიიღონ მათ საჭიროებებზე მორგებული სრული საბანკო მომსახურება დისტანციურად, სწრაფად და კომფორტულად.სადაც არ უნდა იყოთ, თიბისი მუდმივად იზრუნებს თქვენს ფინანსურ საჭიროებებზე - ციფრული სერვისების საშუალებით შესაძლებელია ანგარიშის დისტანციურად გახსნა, ციფრული ბარათის მიღება, იპოთეკური სესხით სარგებლობა, გზავნილების გაგზავნა და განაღდება, თანხის დაგროვება უსაფრთხოდ და სხვა საბანკო სერვისების მარტივად მიღება.ZEIMI-ის მთავარი იდეა იყო ქართული დიასპორის გაერთიანება, ერთმანეთის გაცნობა, მხარდაჭერა, კულტურული კავშირების გაძლიერება და ქართული მდიდარი კულტურის საერთაშორისო აუდიტორიისთვის გაცნობა.გარდა ფინანსური სერვისების შექმნისა, თიბისი მომავალშიც აქტიურად დაუჭერს მხარს ინიციატივებს, რომლებიც ქართველ ემიგრანტებს ერთმანეთთან და სამშობლოსთან აკავშირებს.

საზოგადოება • 1788336065

საქსტატი: საქართველოსი ინტერნეტით სარგებლობის მაჩვენებელი ყველაზე მაღალი 15-29 წლის მოსახლეობაშია და 99.6 პროცენტს შეადგენს

სტატისტიკის ეროვნული სამსახურის მონაცემებით, შინამეურნეობებში საინფორმაციო და საკომუნიკაციო ტექნოლოგიების გამოყენების 2026 წლის გამოკვლევის შედეგების მიხედვით, ინტერნეტით უზრუნველყოფილია შინამეურნეობების 93.5 პროცენტი, რაც წინა წლის ანალოგიურ მაჩვენებელს 1.5 პროცენტული პუნქტით აღემატება.ინტერნეტით უზრუნველყოფილი შინამეურნეობების წილი საქალაქო დასახლებებში 1.6 პროცენტული პუნქტით გაიზარდა, ხოლო სასოფლო დასახლებებში – 1.5 პროცენტული პუნქტით და შესაბამისად, 96.8 და 89.0 პროცენტი შეადგინა. რეგიონების მიხედვით ყველაზე მაღალი მაჩვენებელი თბილისსა და აჭარის ა.რ.-ში დაფიქსირდა და შესაბამისად, 98.2 და 96.3 პროცენტი შეადგინა.გამოკვლევის შედეგების მიხედვით, ბოლო 3 თვის განმავლობაში ინტერნეტით ისარგებლა 6 წლის და უფროსი ასაკის მოსახლეობის 89.6 პროცენტმა, რაც 1.7 პროცენტული პუნქტით აღემატება წინა წლის ანალოგიურ მაჩვენებელს. საქალაქო დასახლებებში აღნიშნული მაჩვენებელი 92.9 პროცენტით, ხოლო სასოფლო დასახლებებში 83.9 პროცენტით განისაზღვრა. ეს მაჩვენებელი ქალების შემთხვევაში 89.7 პროცენტი, ხოლო კაცების შემთხვევაში 89.5 პროცენტია. ასაკობრივი ჯგუფების მიხედვით, ამ მაჩვენებლის მნიშვნელობა ყველაზე მაღალია 15-29 წლის მოსახლეობაში და 99.6 პროცენტს შეადგენს.საქსტატის ცნობით, 15 წლის და უფროსი ასაკის მოსახლეობიდან, რომლებიც ბოლო 3 თვის განმავლობაში სარგებლობდნენ ინტერნეტით, 96.4 პროცენტი ინტერნეტს ყოველდღე ან თითქმის ყოველდღე იყენებდა, 3.4 პროცენტი – კვირაში ერთხელ მაინც, 0.2 პროცენტი კი – უფრო იშვიათად, ვიდრე კვირაში ერთხელ.ამასთან, გამოკვლევის შედეგების მიხედვით, 15 წლის და უფროსი ასაკის მოსახლეობაში, ძირითადად ინტერნეტის გამოყენების მიზნებს წარმოადგენდა: სოციალური ქსელების გამოყენება (97.5%), ინტერნეტ (აუდიო/ვიდეო) კავშირი (97.0%), ინტერნეტ ბანკინგით სარგებლობა (61.0%), ჯანმრთელობის საკითხებზე ინფორმაციის მოძიება (54.5%), საქონლისა და მომსახურების შესახებ ინფორმაციის მოძიება (50.2%), ონლაინ ახალი ამბების/გაზეთების/ჟურნალების წაკითხვა (49.0%), ელ. ფოსტის მიღება/გაგზავნა (41.7%), პროგრამული უზრუნველყოფის პროდუქტის ჩამოტვირთვა (15.8%) და სამუშაოს ძიება ან სამუშაოსთვის აპლიკაციების გაგზავნა (11.5%).უწყების ანგარიშით, 15 წლის და უფროსი ასაკის, ბოლო 12 თვეში ინტერნეტის მომხმარებელი მოსახლეობის 38.6 პროცენტმა ინტერნეტის მეშვეობით შეიძინა ან შეუკვეთა საქონელი ან მომსახურება. აღნიშნული მაჩვენებლის მნიშვნელობები განსხვავდება დასახლების ტიპის მიხედვით: საქალაქო დასახლებებში – 42.7 პროცენტს, ხოლო სასოფლო დასახლებებში 31.0 პროცენტს შეადგენს. სქესის მიხედვით მაჩვენებლის მნიშვნელობები ქალებისათვის 42.5 პროცენტი, კაცებისათვის კი 34.2 პროცენტია. ასაკობრივი ჯგუფების მიხედვით მაჩვენებლის მნიშვნელობებია: 15-29 წლის ასაკის მოსახლეობაში – 63.0 პროცენტი, 30-59 წლის ასაკის მოსახლეობაში – 39.9 პროცენტი, ხოლო 60 წლის და უფროსი ასაკის მოსახლეობაში – 17.5 პროცენტი.15 წლის და უფროსი ასაკის, ბოლო 3 თვეში ინტერნეტის მომხმარებელთა 99.8 პროცენტმა გამოიყენა მობილური მოწყობილობა (მობილური ტელეფონი, ლეპტოპი, პლანშეტი და ა.შ.) უსადენო ინტერნეტთან დასაკავშირებლად. აღნიშნული მაჩვენებელი ქალებისათვის 99.7 პროცენტს, ხოლო კაცებისათვის – 99.8 პროცენტს შეადგენს.გამოკვლევის შედეგების მიხედვით, კომპიუტერით უზრუნველყოფილია შინამეურნეობების 57.9 პროცენტი. აღნიშნული მაჩვენებლის მნიშვნელობამ საქალაქო დასახლებებში 69.0 პროცენტი შეადგინა, ხოლო სასოფლო დასახლებებში – 42.8 პროცენტი. რეგიონების მიხედვით ეს მაჩვენებელი ყველაზე მაღალი თბილისსა და აჭარის ა.რ.-ში დაფიქსირდა და შესაბამისად – 74.1 და 62.1 პროცენტი შეადგინა.6 წლის და უფროსი ასაკის მოსახლეობის 49.9 პროცენტმა ისარგებლა კომპიუტერით ბოლო 3 თვის განმავლობაში. აღნიშნული მაჩვენებელი განსხვავებულია დასახლების ტიპის მიხედვით: საქალაქო დასახლებებში 57.9 პროცენტია, ხოლო სასოფლო დასახლებებში – 36.2 პროცენტი. ეს მაჩვენებელი ქალების შემთხვევაში 49.0 პროცენტს შეადგენს, ხოლო კაცების შემთხვევაში – 50.8 პროცენტს. ასაკობრივი ჯგუფების მიხედვით, კომპიუტერის მომხმარებელთა ყველაზე მაღალი წილი 6-14 წლის მოსახლეობაში დაფიქსირდა და 89.3 პროცენტი შეადგინა.15 წლის და უფროსი ასაკის, ბოლო 3 თვეში კომპიუტერის მომხმარებელთა 70.0 პროცენტი კომპიუტერით ყოველდღე ან თითქმის ყოველდღე სარგებლობდა, 19.0 პროცენტი – კვირაში ერთხელ მაინც, 11.0 პროცენტი კი – უფრო იშვიათად, ვიდრე კვირაში ერთხელ.საქსტატის გამოკვლევის შედეგების მიხედვით, 6 წლის და უფროსი ასაკის მოსახლეობის 93.3 პროცენტი ფლობს მობილურ ტელეფონს, რაც წინა წლის ანალოგიურ მაჩვენებელთან შედარებით 0.7 პროცენტული პუნქტით მეტია. ამასთან, აღნიშნული მაჩვენებელი ქალაქის ტიპის დასახლებებში 0.4 პროცენტული პუნქტით, ხოლო სოფლის ტიპის დასახლებებში 1.1 პროცენტული პუნქტით გაიზარდა და შესაბამისად 95.2 და 90.1 პროცენტი შეადგინა.

მსოფლიო • 1788298210

2050 წლისთვის ყოველწლიურად გამოვლენილი კიბოს შემთხვევების რაოდენობა მკვეთრად გაიზრდება - ჯანმო

 მსოფლიოში ყოველწლიურად გამოვლენილი კიბოს შემთხვევების რაოდენობამ 2050 წლისთვის შესაძლოა 35 მილიონს მიაღწიოს. ინფორმაციას ჯანმრთელობის მსოფლიო ორგანიზაცია თავის გლობალურ ანგარიში ავრცელებს.ამჟამად მსოფლიოში ყოველწლიურად ონკოლოგიური დაავადებების 20,6 მილიონ ახალ შემთხვევას აფიქსირებენ, თითქმის 10 მილიონი ადამიანი კი კვდება. ონკოლოგია გულ-სისხლძარღვთა დაავადებების შემდეგ სიკვდილიანობის მეორე მიზეზად ითვლება.ჯანმოში აღნიშნეს, რომ ონკოლოგიური დაავადებების დიაგნოსტიკისა და მკურნალობის სფეროში არსებულმა სამეცნიერო მიღწევებმა ყველა ქვეყანაში თანაბარი გაუმჯობესება არ გამოიწვია. მაღალი შემოსავლის მქონე სახელმწიფოებში სიმსივნის საწინააღმდეგო პრეპარატების ხელმისაწვდომობა და პაციენტების გადარჩენის მაჩვენებელი გაცილებით მაღალია.2024 წელს კიბოთი გამოწვეული გარდაცვალებების ნახევარზე მეტი (56,5%) აზიაზე მოდიოდა. ამავე რეგიონში გამოვლინდა ახალი შემთხვევის 50,7%. ევროპაზე კი, შესაბამისად, სიკვდილიანობის 20% და ახალი შემთხვევების 21% მოდის.ონკოლოგიის ყოველი 10 შემთხვევიდან თითქმის ოთხი პრევენცირებად რისკფაქტორებს უკავშირდება, რომლებსაც მიეკუთვნება მოწევა, ალკოჰოლის მოხმარება, ჭარბი წონა, ფიზიკური აქტივობის ნაკლებობა და სხვა. თებერვალში ჯანმომ ამ ფაქტორებთან დაკავშირებული კიბოს შემთხვევების რაოდენობა 2022 წლისთვის დაახლოებით 7,1 მილიონად შეაფასა.

საზოგადოება • 1788270154

მნიშვნელოვანი ნაბიჯი მსოფლიო ჩემპიონატისკენ | რა მოგვცა ამ ორმა გამარჯვებამ? - საქართველოს ბანკი საკალათბურთო ნაკრების მთავარი სპონსორი

საქართველოს საკალათბურთო ნაკრებმა 2027 წლის მსოფლიო ჩემპიონატის ევროპული საკვალიფიკაციო ეტაპის მე-2 ჯგუფურ ეტაპზე ორი უმნიშვნელოვანესი გამარჯვება მოიპოვა. მონტენეგროსთან საშინაო არენაზე სოლიდური სხვაობით გამარჯვების შემდეგ, ჩვენმა კალათბურთელებმა, გასვლით შეხვედრაში, პორტუგალიასაც სძლიეს და მსოფლიო ჩემპიონატზე ასპარეზობის რეალური შანსი მოიპოვეს.თამაში მონტენეგროსთან28 აგვისტოს, ოთარ ქორქიასა და ნოდარ ჯორჯიკიას სახელობის ახალ სპორტის სასახლეში გამართულ თამაშზე მონტენეგროს სოლიდური ანგარიშით, 101:74 მოვუგეთ. პირველი სამი მეოთხედის განმავლობაში მეტოქემ წინააღმდეგობა გაგვიწია და მეოთხე პერიოდის წინ ანგარიში 77:67 იყო. თუმცა, გადამწყვეტ ათწუთეულში ჩვენი კალათბურთელები შეუჩერებლები იყვნენ - მეოთხედი ანგარიშით 24:7 მოვიგეთ.სასურველ შედეგთან ერთად, თამაში კარგი საყურებელიც გამოდგა: ნაკრებმა 100-ქულიან ბარიერს გადააბიჯა. ვიხილეთ ეფექტური ჩატენვები, ულამაზესი პასები, სამქულიანები და თითქმის შეუცდომელი თამაში: მთელი თამაშის განმავლობაში მხოლოდ 3 ბურთი დავკარგეთ. მონტენეგროსთან თამაშისას ბრწყინავდნენ:● გოგა ბითაძე: 23 ქულა, 8 მოხსნა, 2 პასი, 2 დაფარება● თორნიკე შენგელია: 24 ქულა, 7 მოხსნა, 2 პასი, 2 ჩაჭრა● სანდრო მამუკელაშვილი: 17 ქულა, 7 მოხსნა, 6 პასი, 2 ჩაჭრაგასვლითი შეხვედრასაშინაო გამარჯვების შემდეგ, ნაკრები პორტუგალიაში გაემგზავრა. თამაში მატოსინოში გაიმართა. პორტუგალიელებს წინა ტურში ესპანეთი ჰყავდათ დამარცხებული და ცხადია, უხერხულ მეტოქედ ითვლებოდნენ. ძალიან საინტერესო თამაში ვიხილეთ - პორტუგალიელებმა გაცილებით მეტი წინააღმდეგობა გაგვიწიეს, თუმცა მაინც, ანგარიშით 98:90 დამარცხდნენ.გამარჯვების მოსაპოვებლად, ოლეკსანდარ ჯიკიჩი ჩვენი შემადგენლობის ბირთვს დაეყრდნო: თორნიკე შენგელიამ მოედანზე შეუცვლელად, სრული 40 წუთის განმავლობაში ითამაშა და გუნდს 26 ქულით, 6 მოხსნითა და 3 პასით ულიდერა. ბრწყინვალე იყო რატი ანდრონიკაშვილიც, რომელმაც 35 წუთში 20 ქულა, 4 ჩაჭრა და 1 დაფარება მიითვალა (თანაც, დაკარგვა საერთოდ არ ჰქონია). სანდრო მამუკელაშვილის ანგარიშზე კი 22 ქულა, 6 მოხსნა და 4 პასი იყო.აღსანიშნავია, რომ შენგელია და ანდრონიკაშვილი FIBA-ს საკვალიფიკაციო დღის საუკეთესო ხუთეულში სვი მიხალიუკთან (უკრაინა), კონსტანტინოს მიტოღლუსთან (საბერძნეთი) და ნეემიას კეტასთან (პორტუგალია) ერთად მოხვდნენ.თამაშის შემდეგ, ჯიკიჩმა აღნიშნა, რომ უზარმაზარი დატვირთვის გაძლება და ლიდერთა თავდადება გამარჯვების მთავარი მიზეზი იყო. თავად პორტუგალიელთა ლიდერმა, ნეემიას კეტამაც ხაზგასმით აღნიშნა, რომ საქართველოს ნაკრები როგორც შეტევაში, ისე დაცვაში სტაბილური იყო. ისიც დაამატა, ეს თამაში ჩვენთვის ერთგვარი გაკვეთილი იქნებაო.სატურნირო მდგომარეობა და მსოფლიო ჩემპიონატზე გასვლის შანსიამ ორი გამარჯვების შემდეგ, FIBA-ს 2027 წლის მსოფლიო ჩემპიონატის ევროპული საკვალიფიკაციო ეტაპის I ჯგუფში ცხრილი ასე გამოიყურება:უკრაინა - 14 ქულა;ესპანეთი - 13 ქულა;საქართველო - 13 ქულა;პორტუგალია - 12 ქულა;საბერძნეთი - 12 ქულა;მონტენეგრო - 12 ქულა.მსოფლიო ჩემპიონატზე ზედიზედ მეორედ მოსახვედრად ჯგუფის პირველ სამეულში მოხვედრაა საჭირო. ჯერჯერობით, ჩვენს ჯგუფში დაძაბულობაა: იმდენად მცირე სხვაობაა ნაკრებებს შორის, რომ მსოფლიოზე გასვლის შანსს ყველა მათგანი ინარჩუნებს.სამწუხაროდ, მომდევნო თამაშებზე NBA-ს ლეგიონერები - სანდრო მამუკელაშვილი და გოგა ბითაძე - ნაკრებს ვერ დაეხმარებიან. გადამწყვეტ ბრძოლებში, წინ კიდევ 4 თამაში გველოდება, თუმცა წელს ორს ვიხილავთ: 26 ნოემბერს საბერძნეთს სტუმრად ვეთამაშებით, ხოლო 29 ნოემბერს თბილისში პორტუგალიას ვმასპინძლობთ.ერთად ვუგულშემატკივროთ ქართველ სპორტსმენებს - საქართველოს ბანკი ეროვნული საკალათბურთო ნაკრების მთავარი სპონსორია

საზოგადოება • 1788213820

ცვლილება, რომელიც დღეიდან ამოქმედდება და 60 წელს გადაცილებულ ადამიანებს შეეხება

1-ელი სექტემბრიდან 60 წელს გადაცილებული პირებისთვის გარკვეული ფინანსური ოპერაციების განხორციელებაზე კონტროლი მკაცრდება. კერძოდ, 60 წელს გადაცილებული მომხმარებლის ანგარიშიდან განხორციელებული 500 ლარზე მეტი აზარტული თამაშების, კრიპტოაქტივებისა და სხვა მაღალი რისკის მქონე ოპერაცია შესაძლოა საეჭვო ტრანზაქციად ჩაითვალოს და დამატებით შემოწმებას დაექვემდებაროს.საქართველოს ეროვნულმა ბანკმა 60 წელს გადაცილებული პირებისთვის საგადახდო მოთხოვნების გამკაცრების შესახებ გადაწყვეტილება აპრილში მიიღო. ცვლილება ძალაში 1-ელი სექტემბრიდან შევა.ეროვნული ბანკის განმარტებით, ახალი რეგულაციის მიზანია მოწყვლადი სეგმენტის - 60 წელს გადაცილებული მომხმარებლების - თაღლითური სქემებისგან დაცვის გაძლიერება.განახლებული რეგულაციით, საგადახდო მომსახურების პროვაიდერი ვალდებული იქნება 60 წელს გადაცილებული მომხმარებლების ანგარიშებიდან შესასრულებელ გარკვეულ ტრანზაქციებზე რისკების მართვა უფრო მაღალი სტანდარტით განახორციელოს.ცვლილებები, მათ შორის, ეხება ოპერაციებს, რომლებიც დაკავშირებულია აზარტულ თამაშებთან, კრიპტოაქტივებთან, ფორექსთან, საინვესტიციო საქმიანობასთან და სხვა მაღალი რისკის მქონე მიმართულებებთან.ამასთან, ახალი რეგულაცია არ ნიშნავს, რომ 60 წელს გადაცილებულ პირებს მსგავსი ოპერაციების განხორციელება სრულად აეკრძალებათ. საუბარია დამატებით კონტროლსა და უსაფრთხოების მექანიზმებზე, რომლებიც შესაძლო თაღლითობის შემთხვევების გამოვლენასა და თავიდან აცილებას ემსახურება.ეროვნული ბანკის განცხადებით, ცვლილების მთავარი მიზანი მომხმარებლების ფინანსური უსაფრთხოების გაძლიერება და მათ წინააღმდეგ განხორციელებული თაღლითური სქემების პრევენციაა.