ამბასად

მარიამ ქვრივიშვილი - ეკონომიკის განვითარებისთვის უმნიშვნელოვანესი ყველა ძირითადი პარამეტრი ჩვენს მთავარ პრიორიტეტებად რჩება, რომ 2028 წლისთვის ქვეყნის ეკონომიკა 130 მლრდ ლარამდე გაიზარდოს

ეკონომიკისა და მდგრადი განვითარების მინისტრმა, მარიამ ქვრივიშვილმა მონაწილეობა მიიღო დისკუსიაში „ქვეყნის ტურისტული და საინვესტიციო პოტენციალი, სტრატეგიული პროექტების და ინიციატივების მნიშვნელობა, შესაძლებლობები და გამოწვევები“.„ეკონომიკური ფორუმის“ მიერ ორგანიზებულ ღონისძიებაზე მინისტრმა იმ ძირითადი ეკონომიკური ასპექტების, პროექტებისა და გეგმების შესახებ ისაუბრა, რაზეც სამინისტრო აქტიურად გააგრძელებს მუშაობას.„მთავარი და ფუნდამენტური არის, რომ ყველამ ერთად განვაგრძოთ ჩვენი ქვეყნის მდგრადი ეკონომიკური განვითარება. ბუნებრივია, ეკონომიკის განვითარებისთვის უმნიშვნელოვანესი ყველა ძირითადი პარამეტრი ჩვენს მთავარ პრიორიტეტებად რჩება. ჩვენი მიზნები სამთავრობო პროგრამის ფარგლებში გვაქვს გამოცხადებული, რომ 2028 წლისთვის საქართველოს ეკონომიკა გაიზარდოს 130 მლრდ ლარამდე, რაც, თავის მხრივ, მნიშვნელოვნად შეუწყობს ხელს ქვეყნის ბიუჯეტის ზრდას. ამავდროულად, ჩვენი ერთ-ერთი მთავარი პრიორიტეტი უმუშევრობის დონის 4%-მდე შემცირებაა. რა თქმა უნდა, უმნიშვნელოვანესია ეკონომიკის მამოძრავებელი სექტორების, მათ შორის ენერგეტიკის სექტორის განვითარება, ჩვენ აქტიურად ვიმუშავებთ ენერგოდამოუკიდებლობის მიმართულებით“, – განაცხადა მარიამ ქვრივიშვილმა.ღონისძიებაში მონაწილეობა მიიღო ეკონომიკისა და მდგრადი განვითარების მინისტრის მოადგილემ, ირაკლი ნადარეიშვილმა.პანელის „ბიზნესინსაიდერი – საქართველოს“ და „ეკონომიკური ფორუმის“ დამფუძნებლის, გიორგი აბაშიშვილის მოდერატორობით წარიმართა და მასში ეკონომიკისა და მდგრადი განვითარების მინისტრთან ერთად მონაწილეობა მიიღეს პარლამენტის დარგობრივი ეკონომიკისა და ეკონომიკური პოლიტიკის კომიტეტის თავმჯდომარემ, შოთა ბერეკაშვილმა და „ამბასადორი აილენდ ბათუმის“ გენერალურმა დირექტორმა, გოჩა კამკიამ.მარიამ ქვრივიშვილმა დისკუსიაში მონაწილე დარგის ექსპერტებს და კერძო სექტორის წარმომადგენლებს ქვეყნის მთავარი ინფრასტრუქტურული პროექტების მიმდინარეობის, ასევე საკვანძო ეკონომიკური სექტორების განვითარების კუთხით არსებული მდგომარეობის შესახებ დეტალური ინფორმაცია მიაწოდა. მინისტრმა შეკრებილ საზოგადოებას, მათ შორის, ტურიზმისა და ავიაციის დარგების უახლესი სტატისტიკური მონაცემები გააცნო. აღსანიშნავია, რომ 2024 წელს საერთაშორისო მოგზაურების მიერ განხორციელებული ვიზიტების რაოდენობამ 7,368,149 შეადგინა, რაც 4.2%-იანი ზრდაა 2023 წლის მონაცემთან შედარებით, ტურიზმიდან მიღებულმა შემოსავლებმა კი 7.3%-იანი ზრდა აჩვენა და 4.4 მილიარდი აშშ დოლარი შეადგინა. რაც შეეხება 2025 წლის მონაცემებს – იანვარი-მარტის პერიოდში საერთაშორისო მოგზაურობიდან შემოსავლების კვარტალური რეკორდული მაჩვენებელი დაფიქსირდა და ისტორიულ მაქსიმუმს – 826 მილიონ აშშ დოლარს მიაღწია.ასეთივე, ზრდის პოზიტიური დინამიკა ფიქსირდება სამოქალაქო ავიაციის სექტორში – 2024 წელს, წინა წლის ანალოგიურ მაჩვენებელთან შედარებით, მგზავრთნაკადი 24%-ით გაიზარდა და რეკორდულ 7,4 მლნ მგზავრს გადააჭარბა. ეს ტენდენცია 2025 წელსაც გაგრძელდა და იანვარი-აპრილის პერიოდში ქვეყნის სამივე საერთაშორისო აეროპორტი 2 მლნ მგზავრზე მეტს მოემსახურა. ამასთან, აღსანიშნავია, რომ საქართველოს აეროპორტებში 60-ზე მეტი სამგზავრო ავიაკომპანია დაახლოებით 100 საჰაერო ხაზზე ოპერირებს.„ტურიზმის და ავიაციის სექტორების განვითარების თვალსაზრისით ჩვენმა ქვეყანამ ბოლო რამდენიმე წლის განმავლობაში შეძლო ის, რაც ვერ შეძლო ბევრმა უფრო განვითარებულმა ქვეყანამ. ჩვენ ასევე აქტიურად გავაგრძელებთ მუშაობას ინფრასტრუქტურული პროექტების მიმართულებით – იქნება ეს მაგისტრალური გზების დასრულება, ანაკლიის ღრმაწყლოვანი პორტი თუ ახალი საერთაშორისო აეროპორტი. ეს არის ის უმნიშვნელოვანესი ძირითადი, მამოძრავებელი პროექტები, რომლებიც უზრუნველყოფენ კონკრეტული სექტორების, შემდგომ ფართო სურათში კი ჩვენი ქვეყნის მდგრად განვითარებას“, – აღნიშნა მარიამ ქვრივიშვილმა.ეკონომიკისა და მდგრადი განვითარების მინისტრმა ეკონომიკურ საზოგადოებას ასევე მთავრობის ეკონომიკური ხედვის უმთავრესი რამდენიმე მიმართულება გააცნო, მათ შორის მან აქცენტი გააკეთა ინვესტიციების მოზიდვის, ადგილობრივი მეწარმეობის მხარდაჭერის და ინფრასტრუქტურული პროექტის წარმართვის კუთხით არსებულ გეგმებზე.ინფორმაციას ეკონომიკისა და მდგრადი განვითარების სამინისტრო ავრცელებს.

პოლიტიკა • 1750933853

მარიამ ქვრივიშვილმა დისკუსიაში „ქვეყნის ტურისტული და საინვესტიციო პოტენციალი, სტრატეგიული პროექტების და ინიციატივების მნიშვნელობა, შესაძლებლობები და გამოწვევები“ მონაწილეობა მიიღო

საქართველოს ეკონომიკისა და მდგრადი განვითარების მინისტრმა მარიამ ქვრივიშვილმა მონაწილეობა მიიღო დისკუსიაში „ქვეყნის ტურისტული და საინვესტიციო პოტენციალი, სტრატეგიული პროექტების და ინიციატივების მნიშვნელობა, შესაძლებლობები და გამოწვევები“.ეკონომიკური ფორუმის მიერ ორგანიზებულ ღონისძიებაზე მინისტრმა იმ ძირითადი ეკონომიკური ასპექტების, პროექტებისა და გეგმების შესახებ ისაუბრა, რაზეც სამინისტრო აქტიურად გააგრძელებს მუშაობას.„მთავარი და ფუნდამენტური არის, რომ ყველამ ერთად განვაგრძოთ ჩვენი ქვეყნის მდგრადი ეკონომიკური განვითარება. ბუნებრივია, ეკონომიკის განვითარებისთვის უმნიშვნელოვანესი ყველა ძირითადი პარამეტრი ჩვენს მთავარ პრიორიტეტებად რჩება. ჩვენი მიზნები სამთავრობო პროგრამის ფარგლებში გვაქვს გამოცხადებული – რომ 2028 წლისთვის საქართველოს ეკონომიკა გაიზარდოს 130 მლრდ ლარამდე, რაც თავის მხრივ მნიშვნელოვნად შეუწყობს ხელს ქვეყნის ბიუჯეტის ზრდას. ამავდროულად ჩვენი ერთ-ერთი მთავარი პრიორიტეტი უმუშევრობის დონის 4%-მდე შემცირებაა. რა თქმა უნდა, უმნიშვნელოვანესია ეკონომიკის მამოძრავებელი სექტორების, მათ შორის ენერგეტიკის სექტორის განვითარება, ჩვენ აქტიურად ვიმუშავებთ ენერგოდამოუკიდებლობის მიმართულებით“, – განაცხადა მარიამ ქვრივიშვილმა.ღონისძიებაში მონაწილეობა მიიღო ეკონომიკისა და მდგრადი განვითარების მინისტრის მოადგილე ირაკლი ნადარეიშვილმა. პანელი „ბიზნეს ინსაიდერი საქართველოს“ და „ეკონომიკური ფორუმის“ დამფუძნებლის გიორგი აბაშიშვილის მოდერატორობით წარიმართა და ეკონომიკისა და მდგრადი განვითარების მინისტრთან ერთად, მასში მონაწილეობა მიიღეს პარლამენტის დარგობრივი ეკონომიკისა და ეკონომიკური პოლიტიკის კომიტეტის თავმჯდომარე შოთა ბერეკაშვილმა და „ამბასადორი აილენდ ბათუმის“ გენერალურმა დირექტორმა გოჩა კამკიამ.მარიამ ქვრივიშვილმა დისკუსიაში მონაწილე დარგის ექსპერტებს და კერძო სექტორის წარმომადგენლებს ქვეყნის მთავარი ინფრასტრუქტურული პროექტების მიმდინარეობის, ასევე საკვანძო ეკონომიკური სექტორების განვითარების კუთხით არსებული მდგომარეობის შესახებ დეტალური ინფორმაცია მიაწოდა.მინისტრმა შეკრებილ საზოგადოებას მათ შორის ტურიზმისა და ავიაციის დარგების უახლესი სტატისტიკური მონაცემები გააცნო.აღსანიშნავია, რომ 2024 წელს საერთაშორისო მოგზაურების მიერ განხორციელებული ვიზიტების რაოდენობამ 7,368,149 შეადგინა, რაც 4.2%-იანი ზრდაა 2023 წლის მონაცემთან შედარებით, ტურიზმიდან მიღებულმა შემოსავლებმა კი 7.3%-იანი ზრდა აჩვენა და 4.4 მილიარდი აშშ დოლარი შეადგინა. რაც შეეხება 2025 წლის მონაცემებს – იანვარი-მარტის პერიოდში საერთაშორისო მოგზაურობიდან შემოსავლების კვარტალური რეკორდული მაჩვენებელი დაფიქსირდა და ისტორიულ მაქსიმუმს 826 მილიონ აშშ დოლარს მიაღწია.ასეთივე, ზრდის პოზიტიური დინამიკა ფიქსირდება სამოქალაქო ავიაციის სექტორში – 2024 წელს, წინა წლის ანალოგიურ მაჩვენებელთან შედარებით, მგზავრთნაკადი 24%-ით გაიზარდა და რეკორდულ 7,4 მლნ მგზავრს გადააჭარბა. ეს ტენდენცია 2025 წელსაც გაგრძელდა და იანვარი – აპრილის პერიოდში, ქვეყნის სამივე საერთაშორისო აეროპორტი 2 მლნ მგზავრზე მეტს მოემსახურა. ამასთან, აღსანიშნავია, რომ საქართველოს აეროპორტებში 60-ზე მეტი სამგზავრო ავიაკომპანია დაახლოებით 100 საჰაერო ხაზზე ოპერირებს.„ტურიზმის და ავიაციის სექტორების განვითარების თვალსაზრისით ჩვენმა ქვეყანამ ბოლო რამდენიმე წლის განმავლობაში შეძლო ის, რაც ვერ შეძლო ბევრმა უფრო განვითარებულმა ქვეყანამ. ჩვენ ასევე აქტიურად გავაგრძელებთ მუშაობას ინფრასტრუქტურული პროექტების მიმართულებით – იქნება ეს მაგისტრალური გზების დასრულება, ანაკლიის ღრმაწყლოვანი პორტი თუ ახალი საერთაშორისო აეროპორტი. ეს არის ის უმნიშვნელოვანესი ძირითადი, მამოძრავებელი პროექტები, რომლებიც უზრუნველყოფს კონკრეტული სექტორების, შემდგომ ფართო სურათში კი ჩვენი ქვეყნის მდგრად განვითარებას“, – აღნიშნა მარიამ ქვრივიშვილმა.ინფორმაციას საქართველოს ეკონომიკისა და მდგრადი განვითარების სამინისტროს პრესსამსახური ავრცელებს.

შოუბიზნესი • 1750858003

კილიან მბაპე Dior-ის ამბასადორი გახდა

ფრანგი ფეხბურთელი კილიან მბაპე მოდის სახლის Dior ახალი გლობალური ამბასადორი გახდა. შესაბამისი განცხადება ბრენდის კრეატიულმა დირექტორმა ჯონათან ანდერსონმა გააკეთა. მისი თქმით, მბაპე „თაობის ხმაა“ და მისი ქარიზმა მას ბრენდის იდეალურ წარმომადგენლად ხდის.კოლაბორაცია მბაპეს 2026 წლის კაცების საზაფხულო კოლექციის სარეკლამო კამპანიაში მონაწილეობით დაიწყო.მბაპე ასევე პარფიუმ Dior Sauvage-ის ახალი სახე გახდება და ამ როლს ჯონი დეპთან გაინაწილებს.

ტაბლოიდი • 1745526301

„ის ცნობილი მომღერალია...“ - ვის მიუძღვნა გიორგი სარდალაშვილმა ჩემპიონობა

მონტენეგროს დედაქალაქ პოდგორიცაში ძიუდოსიტთა ევროპის ჩემპიონატზე, ტურნირის პირველივე დღეს საქართველოს ნაკრებს ოქროს მედლის მოპოვების შანსი მიეცა. 60 კგ. წონით კატეგორიაში, კრისტალბეთის ამბასადორმა, გიორგი სარდალაშვილმა ფინალში გასვლა შეძლო. ფინალში სარდალაშვილის მეტოქე რუსი აიუბ ბლიევი იყო, რომელიც საერთაშორისო დროშით ასპარეზობდა. „პრაიმტაიმის“ ყურადღება ჩემპიონობის აღნიშვნის ჟესტმა მიიქცია, მან თითებით ლათინური A გამოსახა.აღმოჩნდა, რომ მისი შეყვარებული მომღერალი ანანო სამხარაძეა და სწორედ მას მიუძღვნა გამარჯვება.„გამარჯვების შემდეგ, ის ინიციალი ჩემს შეყვარებულს ეძღვნება. ყოველთვის გვერდით მიდგას. ძალიან, ძალიან გახარებული იყო, ტიროდა. დიდ ემოციებში იყო,“ - თქვა ძიუდოში ევროპის ჩემპიონმა CrystalSport-თან. @ananana190 წინასააღდგომო #ანანანა #აღდგომა #for #you ♬ original sound - Ananana 🎙️ 20 წლის ანანო ტელევიზიის მაყურებლებმა „ნიკოს შოუდან“ გაიცნო, როცა მანუ მურღულია ჩაანაცვლა. ახლა კი „ზურას შოუს“ ბენდის წევრია. ანანო ქართული ტელესივრცისთვის ახალი სახეა, თუმცა, „ტიკ-ტოკზე“ უკვე კარგად იცნობენ.

საზოგადოება • 1745487156

საქართველოს ბანკის მხარდაჭერით, „ამბასადორი ჯგუფმა“ სასტუმროს ახალი ფლიგელი და რესტორანი „მოზაიკო“ გახსნა

საქართველოს ბანკი პარტნიორი ბიზნესების მხარდაჭერას და მათ გაძლიერებას განაგრძობს. ამჯერად, ბანკთან თანამშრომლობით, „ამბასადორი ჯგუფმა“ სასტუმროს ახალი ფლიგელი და განახლებული რესტორანი მოზაიკო გახსნა.ამბასადორი ჯგუფი სტუმარ-მასპინძლობის სექტორში მრავალწლიანი გამოცდილების მქონე ქართული კომპანიაა, რომელიც 2004 წელს დაარსდა. ის აერთიანებს სასტუმროებს „ამბასადორი კაჭრეთი“, „ამბასადორი თბილისი“, „ამბასადორი გოდერძი“, „ამბასადორი აკადემია“, ხელოვნური კუნძულის პროექტს “ამბასადორი აილენდ ბათუმი”, მეღვინეობა “ქებურიას”, რესტორანს „ამბასადორი“ ბათუმში და ახლა უკვე განახლებულ რესტორნებს - „მოზაიკო“ და “მოზაიკო ტერასა”.„2023 წლის მარტში, სასტუმრო ამბასადორში მომხდარი ხანძრის შედეგად დამწვარი სასტუმროს ნომრების ნაწილი და რესტორანი “მოზაიკო” 1,5 წლიანი დაუღალავი შრომის და ჩვენი პარტნიორი, საქართველოს ბანკის მხარდაჭერით, უკვე სრულიად არის აღდგენილი. განახლებული „მოზაიკო“ უკვე სხვა კონცეფციის სივრცეა, რომელიც აზიურ რესტორანსა და ტერასას აერთიანებს. განახლებული ინტერიერის “მოზაიკოში” მთავარი იდეა სტუმრებისთვის უზადო გასტრონომიული გამოცდილების მინიჭებაა. სტუმრებს რესტორანში აზიური კერძები დახვდებათ, ხოლო ტერასაზე განსხვავებული მენიუ, ფერადი ბარი და ულამაზესი პანორამული ხედები ძველ თბილისზე. შესაბამისად, “მოზაიკო” იქცა ადგილად, სადაც ადამიანები ყველა სფეროდან იკრიბებიან არა მხოლოდ განსაკუთრებული კულინარიული გამოცდილებისთვის, არამედ განტვირთვისთვის და ჰარმონიულობის განსაცდელად. თითოეული სტუმარი თუ თანამშრომელი, დიდი მოზაიკის შემადგენელი უნიკალური ნაწილია. საქართველოს ბანკი 2012 წლიდან ჩვენი საიმედო პარტნიორია და აქამდე არაერთი ინიციატივა განგვიხორციელებია ერთობლივად. ვიმედოვნებთ, სამომავლოდ კიდევ არაერთ საინტერესო და ქართული სტუმარ-მასპინძლობის სფეროსთვის მნიშვნელოვან პროექტს განვახორციელებთ“, - განაცხადა ამბასადორის აღმასრულებელმა დირექტორმა, თეა ცხვიტავამ.„საქართველოს ბანკისთვის სტუმარ-მასპინძლობის სექტორის განვითარების ხელშეწყობა და გაძლიერება ერთ-ერთი მთავარი პრიორიტეტია. „ამბასადორი ჯგუფთან“ 10 წელზე მეტია ვთანამშრომლობთ და ამ პერიოდის განმავლობაში ბევრი საერთო პროექტი განგვიხორციელებია. აღსანიშნავია ბოლოდროინდელი „ამბასადორი აკადემია“ და “ამბასადორი კაჭრეთის” ახალი შენობის მშენებლობა. ამჯერად კი, „ამბასადორი თბილისში” ახლახან გახსნილი სასტუმროს ფლიგელი და განახლებული რესტორანი „მოზაიკო“. როგორც ყველასთვის ცნობილია, სასტუმროს ნაწილი და რესტორანი 2023 წელს ხანძრის შედეგად სრულიად განადგურდა ამიტომაც, ეს ორი პროექტი განსაკუთრებული მნიშვნელობის მქონეა. სასიხარულოა, როდესაც ჩვენი პარტნიორი ბიზნესები არ ჩერდებიან და მუდმივად ცდილობენ როგორც ქალაქისთვის, ასევე ქვეყნისთვის ახალი ტურისტული პროექტების განხორციელებას რაც, როგორც შიდა, ასევე უცხოელი ტურისტების მოზიდვას და საქართველოში სტუმარ-მასპინძლობის სფეროს განვითარებას უწყობს ხელს. გვინდა წარმატებები ვუსურვოთ გუნდს, ჩვენ კი ვაგრძელებთ ბიზნესების გაძლიერებას და მათი ინიციატივების მხარდაჭერას“,- განაცხადა საქართველოს ბანკის კორპორაციული კლიენტების მომსახურების დეპარტამენტის დირექტორის მოადგილემ, ლალი ყელაურაძემ.

შოუბიზნესი • 1744367520

PRADA 1.375 მილიარდ დოლარად VERSACE-ს ყიდულობს

4 აპრილს იტალიური მოდის სახლი PRADA ამერიკული Capri Holdings-ისგან კონკურენტი ბრენდის, VERSACE-ს 1.375 მილიარდ დოლარად შეძენას დათანხმდა, რაც ასევე კომპანიის ვალებსაც მოიცავს."ჩვენ მიზნად ვისახავთ VERSACE-ს მემკვიდრეობის გაგრძელებას, მისი თამამი და დროის დაუმორჩილებელი ესთეტიკის მემკვიდრეობის გაგრძელებასა და გადააზრებას," - ამბობს PRADA-ს დირექტორთა საბჭოს თავმჯდომარე, პატრიციო ბერტელი."მე აბსოლუტურად აღფრთოვანებული ვარ იმ ფაქტით, რომ VERSACE PRADA-ს ოჯახის ნაწილი ხდება. ჯანი და მე ყოველთვის ძალიან ვაფასებდით მიუჩიას და მის ოჯახს. ჩემთვის დიდი პატივია, რომ ბრენდი გადავიდა ასეთი სანდო იტალიური საოჯახო ბიზნესის ხელში და მზად ვარ, ყველანაირად მხარი დავუჭირო ბრენდის ამ ახალ ეპოქას," - წერს დონატელა ვერსაჩე თავის სოციალურ ქსელში.შეგახსენებთ, რომ დონატელა ვერსაჩემ მოდის სახლი VERSACE-ს შემოქმედებითი ხელმძღვანელის პოსტი 13 მარტს დატოვა.დონატელა შემოქმედებითი ხელმძღვანელის პოსტს 28 წლის განმავლობაში იკავებდა, აღნიშნული გადაწყვეტილების შემდეგ კი VERSACE-ს ბრენდ ამბასადორი გახდება. დონატელა ვერსაჩე მოდის სახლის შემოქმედებითი ხელმძღვანელი მისი ძმის, ჯანი ვერსაჩეს მკვლელობის შემდეგ გახდა.დონატელა

პოლიტიკა • 1742878055

მაკა ბოჭორიშვილი: ვაფასებთ იმ პოზიციებს, რასაც უნგრეთი აფიქსირებს ევროკავშირის ფარგლებში, რაც მნიშვნელოვნად ეხმარება საქართველოს იმაში, რომ მოხდეს პრევენცია იმ არასამართლიანი მიდგომების, რომელსაც ბრიუსელი იყენებს

საქართველოს საგარეო საქმეთა მინისტრმა უნგრეთში ვიზიტი შეაჯამა. მაკა ბოჭორიშვილის განმარტებით, უნგრეთი საქართველოს პარტნიორი ქვეყანაა, რომელთან სტრატეგიული ურთიერთობა წლიდან წლამდე პოზიტიურ დინამიკას ინარჩუნებს.მისივე განცხადებით, სამომავლოდ დაგეგმილია რამდენიმე მაღალი რანგის შეხვედრა, რომლებიც არსებულ პარტნიორულ ურთიერთობებს უფრო მეტად გააღრმავებს.„უახლოეს მომავალში საქართველოში ჩატარდება ეკონომიკური თანამშრომლობის კომისიის სხდომა, სადაც ბიზნესწრეების მონაწილეობით, მსჯელობა იქნება იმ მიმართულებებზე, რაც საჭიროა ორ ქვეყანას შორის ეკონომიკური ურთიერთობების განსავითარებლად. ასევე, წელს დაგეგმილია ორ ქვეყანას შორის მთავრობათაშორისი შეხვედრა, რომელიც გაიმართება ბუდაპეშტში.ჩვენ ვაფასებთ იმ პოზიციებს, რასაც უნგრეთი აფიქსირებს ევროკავშირის ფარგლებში, რაც მნიშვნელოვნად ეხმარება საქართველოს იმაში, რომ მოხდეს პრევენცია იმ არასამართლიანი მიდგომების, რომელსაც ძალიან ხშირად ბრიუსელი იყენებს საქართველოსთან მიმართებაში და კონკრეტული აქტორები“, - აღნიშნა მაკა ბოჭორიშვილმა უნგრეთში, ქართველ ჟურნალისტებთან საუბრისას.ცნობისთვის, საქართველოს საგარეო საქმეთა მინისტრმა უნგრელი კოლეგის მიწვევით, უნგრეთის ამბასადორიალში მიიღო მონაწილეობა.

პოლიტიკა • 1742814006

უნგრეთი საქართველოსთვის მნიშვნელოვანი პარტნიორია - ევროკავშირის წევრი ქვეყანა, რომელიც ცალსახად უჭერს მხარს საქართველოს - მაკა ბოჭორიშვილი

საქართველოს საგარეო საქმეთა მინისტრმა ბუდაპეშტში ოფიციალური შეხვედრები დაიწყო. მაკა ბოჭორიშვილი უნგრელ კოლეგას, პიტერ სიიარტოს შეხვდა. მხარეებმა განიხილეს ქვეყნის წინაშე მდგარი გამოწვევები. ორმხრივი თანამშრომლობის, საგარეო პოლიტიკისა და ევროინტეგრაციის საკითხები. სწორედ სიიარტოს მიწვევით იმყოფება საქართველოს პირველი დიპლომატი ბუდაპეშტში.უნგრეთის დედაქალაქში ახლა ამბასადორიალი იწყება, რომლის პარალელურადაც, სულ რამდენიმე წუთში საქართველოსა და უნგრეთის საგარეო საქმეთა მინისტრები ერთობლივ პრესკონფერენციას გამართავენ."უნგრეთი საქართველოსთვის არის მნიშვნელოვანი პარტნიორი, ევროკავშირის წევრი ქვეყანა, რომელიც ცალსახად უჭერს მხარს საქართველოს. დაკავშირებადობასთან დაკავშირებით ენერგეტიკული პროექტები და ის თანამშრომლობა, რომელიც არის მრავალმხრივ ფორმატში უნგრეთის მონაწილეობით საქართველოსთან, არის ჩვენთვის ძალიან მნიშვნელოვანი იმ ამბიციური გეგმებიდან და როლიდან გამომდინარე, რაც საქართველოს სურს ითამაშოს და აქვს შესაძლებლობა ითამაშოს დაკავშირებადობის კუთხით. მადლიერი ვართ უნგრეთის პოზიციონირებასთან დაკავშირებით, რასაც ის ახორციელებს ევროკავშირის შიგნით მაშინ, როდესაც საქმე ეხება იმ უსამართლო კრიტიკას და ნაბიჯებს, რომელიც იდგმება რიგი პოლიტიკოსების მხრიდან საქართველოსთან მიმართებაში. ჩემთვის, ერთი რომ პატივია და სასიამოვნოა, რომ ვარ აქ და სწორედ უნგრული დიპლომატიის ნაწილიც არის საქართველოს და საქართველოს მხარდაჭერის საკითხი და პირადად მექნება შესაძლებლობა ელჩებთან მქონდეს საუბარი იმ მნიშვნელოვან საკითხებზე, რაც არის საქართველოსთვის საყურადღებო", - აცხადებს საქართველოს საგარეო საქმეთა მინისტრი მაკა ბოჭორიშვილი.

პოლიტიკა • 1742789253

მაკა ბოჭორიშვილი, ოფიციალური ვიზიტით, უნგრეთში იმყოფება

ოფიციალური ვიზიტით, უნგრეთში იმყოფება საქართველოს საგარეო საქმეთა მინისტრი. მაკა ბოჭორიშვილი უნგრეთის ამბასადორიალში მიიღებს მონაწილეობას.ბუდაპეშტში საქართველოს პირველი დიპლომატი, უნგრელი კოლეგის, პიტერ სიიარტოს მიწვევით ჩავიდა. ვიზიტის დროს დაგეგმილია უნგრეთის საგარეო საქმეთა და ვაჭრობის მინისტრთან პირისპირ შეხვედრასაც.საქართველოს საგარეო საქმეთა სამინისტროს ინფორმაციით, ბოჭორიშვილი "ელჩების კონფერენციაში", კოლეგასთან ერთად, პანელურ დისკუსიაში ჩაერთვება.დაგეგმილია დიპლომატიურ აკადემიაში საჯარო ლექციის გამართვაც.

ტაბლოიდი • 1741901295

დონატელა ვერსაჩე Versace-ს ტოვებს

Versace-ს ისტორიაში ახალი ეპოქა იწყება - 28 წლის შემდეგ, დონატელა ვერსაჩე ბრენდის შემოქმედებითი ხელმძღვანელის პოზიციას ოფიციალურად ტოვებს. მოდის სახლის განცხადების მიხედვით, ლეგენდარული დიზაინერი ბრენდის ამბასადორის მოვალეობებს შეასრულებს, Versace-ს შემოქმედებითი დიზაინერის პოზიციაზე კი Miu Miu-ს ყოფილი დიზაინის დირექტორი, დარიო ვიტალი დაინიშნა.

საზოგადოება • 1738918801

საქართველო-შვეიცარიის ინტელექტუალური საკუთრების ერთობლივი პროექტის (GESIP) დასკვნითი ღონისძიება გაიმართა

„კაჭრეთი ამბასადორში“ საქართველო-შვეიცარიის ინტელექტუალური საკუთრების ერთობლივი პროექტის (GESIP) დასკვნითი ღონისძიება გაიმართა.„საქართველო-შვეიცარიის ინტელექტუალური საკუთრების პროექტი (Georgian-Swiss Intellectual Property Project (GESIP)) საქართველოში, შვეიცარიის ეკონომიკურ საკითხებში სახელმწიფო სამდივნოს (SECO) ფინანსური მხარდაჭერით, შვეიცარიის ინტელექტუალური საკუთრების ფედერალურ ინსტიტუტსა (IPI) და საქპატენტს შორის მჭიდრო თანამშრომლობის საფუძველზე, 2022 წლის 1 აგვისტოდან ხორციელდება.პროექტის ძირითადი მიზანია საპატენტო სფეროში დამატებითი სერვისების დანერგვა, საპატენტო ძიებებთან დაკავშირებული გამოცდილების გაზიარება და საქართველოში გეოგრაფიული აღნიშვნების დაცვის სისტემის განვითარების ხელშეწყობა.დასკვნით ღონისძიებაზე საქართველოს ინტელექტუალური საკუთრების ეროვნული ცენტრის – „საქპატენტის“ თავმჯდომარემ სოსო გიორგაძემ სიტყვით მიმართა დამსწრე საზოგადოებას. მან ხაზი გაუსვა ინტელექტუალური საკუთრების დაცვის სფეროში სამომხმარებლო სერვისების გაუმჯობესებისა და გეოგრაფიული აღნიშვნების ეფექტიანი დაცვის მექანიზმების შემუშავების მნიშვნელობას, ასევე, ყურადღება გაამახვილა, პროექტის ფარგლებში, მჭიდრო თანამშრომლობის შედეგად მიღწეულ წარმატებებზე და ინტელექტუალური საკუთრების ინსტიტუციური გაძლიერების როლზე ქვეყნის სოციალურ-ეკონომიკური განვითარების საქმეში.ღონისძიებაზე აღინიშნა საქპატენტის მიერ ბოლო წლებში განხორციელებული წარმატებული საქმიანობა. განსაკუთრებით გაესვა ხაზი საქართველოს პარლამენტის მიერ 2023 წლის 21 სექტემბერს მიღებული „საქონლის ადგილწარმოშობის დასახელებისა და გეოგრაფიული აღნიშვნის შესახებ“ საქართველოს ახალი კანონის მნიშვნელობას, რომელმაც განსხვავებულად დაარეგულირა გეოგრაფიული აღნიშვნებისა და ადგილწარმოშობის დასახელებების რეგისტრაციის პროცედურა, რომელშიც საქპატენტთან ერთად ჩაერთვება ადგილწარმოშობის დასახელებისა და გეოგრაფიული აღნიშვნის განმხილველი ეროვნული კომისია. აღნიშნულმა კანონმა გაზარდა მეწარმეთა გაერთიანებების ფუნქციები და ხელი შეუწყო მათ გაძლიერებას. ასევე, საერთაშორისო პრაქტიკასის შესაბამისად ჩამოყალიბდა საქონლის ადგილწარმოშობის დასახელებებისა და გეოგრაფიული აღნიშვნებით ნიშანდებული პროდუქტის კონტროლის სისტემა. ეფექტიანი პოლიტიკის შედეგად უნდა მივიჩნიოთ ის, რომ გასულ წელს საქპატენტმა კიდევ 5 უნიკალურ ქართულ პროდუქტს მიანიჭა გეოგრაფიული აღნიშვნისა და ადგილწარმოშობის დასახელების სტატუსი.ღონისძიების მონაწილეებმა შეხვედრაზე განიხილეს ურთიერთთანამშრომლობის ფარგლებში განხორციელებული აქტივობები და შეაჯამეს მიღწეული შედეგები. მათ შორის აღსანიშნავია საინფორმაციო ხასიათის შეხვედრები, რომლებიც გაიმართა გეოგრაფიული აღნიშვნების პროდუქტების მწარმოებელთათვის საუკეთესო პრაქტიკის გაზიარების მიზნით და, ასევე, მოქმედების თავისუფლების (FTO) ძიების შესახებ საქპატენტის გამოგონებისა და ახალი ჯიშების დეპარტამენტის თანამშრომლებისთვის ჩატარებული სპეციალური ტრენინგები. განსაკუთრებით უნდა აღინიშნოს GESIP-ს მიერ საქპატენტისთვის გაწეული სამართლებრივი მხარდაჭერა გეოგრაფიული აღნიშვნების სფეროში კანონქვემდებარე აქტების შემუშავებისა და დამტკიცების პროცესში.ღონისძიებაზე სიტყვით გამოვიდნენ, ასევე, GESIP პროექტის კოორდინატორი მარიამ სვანიძე, სოფლის მეურნეობის სამინისტროს სურსათის პოლიტიკის დეპარტამენტის ხელმძღვანელი თენგიზ კალანდაძე, საქართველოს აკრედიტაციის ცენტრის გენერალური დირექტორის მოადგილე გიორგი ჩიტაძე, საქპატენტის სასაქონლო ნიშნების, გეოგრაფიული აღნიშვნებისა და დიზაინის დეპარტამენტის ხელმძღვანელი დარეჯან მჭედლიძე და სოფლის მეურნეობის სამინისტროს სურსათის პოლიტიკის დეპარტამენტის ხელმძღვანელის მოადგილე ქეთევან ლაფერაშვილი. გეოგრაფიული აღნიშვნების რეგისტრაციასა და მართვაში ჩართულ უწყებებს შორის კოორდინაციის შვეიცარიულ გამოცდილებაზე ისაუბრა შვეიცარიის ორგანული სოფლის მეურნეობის კვლევითი ინსტიტუტის (FibL) წარმომადგენელმა ტობიას აიზენრინგმა. ღონისძიებას ესწრებოდნენ: შვეიცარიის საელჩოს ეროვნული პროგრამების ოფიცერი რატი ანჯაფარიძე, ინტელექტუალური საკუთრების ეროვნული ცენტრის – „საქპატენტის“ თავმჯდომარის მოადგილე ნინო ჩიქოვანი, საქართველოს ეკონომიკისა და მდგრადი განვითარების სამინისტროს საგარეო ვაჭრობის პოლიტიკის დეპარტამენტის უფროსი მარიამ გაბუნია, სავაჭრო მოლაპარაკებებისა და DCFTA-ის კოორდინაციის სამმართველოს უფროსი თამარ ნიკოლოზაშვილი, აგრეთვე, სსიპ ღვინის ეროვნული სააგენტოსა და სსიპ სურსათის ეროვნული სააგენტოს წარმომადგენლები.

პოლიტიკა • 1735547159

ძვირფასო ელჩებო, ერთად შევძლებთ იმ პოლიტიკის განხორციელებას, რომელიც ჩვენი ქვეყნის მშვიდობაზე, უსაფრთხოებასა და კეთილდღეობაზე იქნება ორიენტირებული - შალვა პაპუაშვილი

„მოხარული ვარ, რომ მაქვს შესაძლებლობა, მოგმართოთ საქართველოს ელჩების ყოველწლიური კონფერენციის ფარგლებში. ამბასადორიალი ის ფორმატია, სადაც განსაკუთრებით კარგად იგრძნობა ჩვენი ქვეყნის საგარეო პოლიტიკისა და დიპლომატიის მაჯისცემა. უპირველეს ყოვლისა, მინდა გულითადი მადლობა გადაგიხადოთ ქვეყნის ერთგულებისთვის, მაღალი პროფესიონალიზმის, დაუღალავი შრომისა და მთელ მსოფლიოში საქართველოს ღირსეულად წარმოჩენისთვის“, - განაცხადა პარლამენტის თავმჯდომარე შალვა პაპუაშვილმა ელჩების კონფერენციის დასკვნით ღონისძიებაზე სიტყვით გამოსვლისას.როგორც შალვა პაპუაშვილმა აღნიშნა, დიპლომატებს წამყვანი როლი ენიჭებათ საზღვარგარეთ საქართველოს ინტერესების დაცვაში, საერთაშორისო თანამშრომლობის განვითარებასა და სხვადასხვა ქვეყანასთან მეგობრული კავშირების გაძლიერებაში.„2024 წელი ჩვენი ქვეყნისთვის მნიშვნელოვანი და რთული პოლიტიკური მოვლენებით, ასევე, გეოპოლიტიკური და გლობალური თუ რეგიონული უსაფრთხოების გამოწვევებით დატვირთული აღმოჩნდა. ამ ვითარების ფონზე, საქართველო განუხრელად რჩება დემოკრატიის, კანონის უზენაესობისა და ადამიანის უფლებათა დაცვის პრინციპების ერთგული. 2024 წელს საქართველოში ჩატარდა ისტორიულად მნიშვნელოვანი საპარლამენტო არჩევნები. გადავედით სრულად პროპორციულ სისტემაზე და, ასევე, საარჩევნო პროცესში ელექტრონული ტექნოლოგიები დავნერგეთ, რაც საეტაპო ნაბიჯებია ჩვენი ქვეყნის დემოკრატიული განვითარების გზაზე.გასულ კვირას გამოქვეყნდა ეუთო/ოდირის დასკვნა ჩატარებულ არჩევნებთან დაკავშირებით, რომლითაც, შეიძლება ითქვას, დასრულდა ყველანაირი დამაზიანებელი სპეკულაცია არჩევნების კეთილსინდისიერებასთან დაკავშირებით.ზოგიერთი ჯგუფის მიერ დეზინფორმაციის გავრცელების საპირწონედ, მნიშვნელოვანია ელჩების აქტიური საქმიანობა, რათა შეწყდეს თავდასხმები ქართულ დემოკრატიაზე“, - განაცხადა შალვა პაპუაშვილმა და ხაზი გაუსვა საქართველოს მეექვსე პრეზიდენტის არჩევის საკითხს.„კიდევ ერთი ისტორიული მოვლენა გახლდათ საარჩევნო კოლეგიის მიერ პარლამენტის სასახლეში საქართველოს მეექვსე პრეზიდენტის არჩევა, რითაც სრულად ამოქმედდა საქართველოს კონსტიტუცია, რომელიც ქვეყნის სრულად საპარლამენტო მოწყობას ითვალისწინებს.გუშინ, პარლამენტის სასახლეში, ჩატარდა პრეზიდენტის ინაუგურაცია, რომელმაც საბოლოოდ მოიყვანა სისრულეში საქართველოს, როგორც საპარლამენტო რესპუბლიკის, პოლიტიკურ-სამართლებრივი სისტემა.საპარლამენტო მმართველობის სრულყოფილად შემოღება კიდევ უფრო გაამყარებს ჩვენი ქვეყნის დემოკრატიულ საფუძვლებსა და კანონის უზენაესობის პრინციპებს“, - აღნიშნა შალვა პაპუაშვილმა.რაც შეეხება საგარეო პოლიტიკას, პარლამენტის თავმჯდომარის შეფასებით, ის კვლავ იქნება ორიენტირებული საქართველოში სტაბილურობისა და უსაფრთხოების შენარჩუნებაზე, ევროპულ და ევროატლანტიკურ სტრუქტურებში ინტეგრაციაზე და ჩვენს სტრატეგიულ პარტნიორებთან კავშირების გაძლიერებაზე.„ბოლო წლების განმავლობაში, ურთულეს გეოპოლიტიკურ გარემოში და საერთაშორისო უსაფრთხოების გამოწვევებით აღსავსე რეგიონში ჩვენმა ხელისუფლებამ, თქვენი აქტიური მონაწილეობით, შესძლო უამრავი ურთულესი საფრთხის მოგერიება, წინასწარი განზრახვით ჩადებული თუ საერთაშორისო ვითარებით განპირობებული ნაღმების გაუვნებელყოფა.ჩვენ შევძელით ქვეყანა ქარიშხლებში უვნებლად გამოგვეტარებინა და თან ისე, რომ ეკონომიკური ზრდის ტემპებით ევროპაში წამყვანი ქვეყანა გავხდით. უსაფრთხოების გამოწვევები არსად წასულა. ამიტომ, ქვეყნის წინაშე ჩვენი ვალია, ეროვნული ინტერესების დაუზიანებლად და თავდაუზოგავად შევძლოთ საქართველოს უსაფრთხოებისა და კეთილდღეობის კიდევ უფრო გაძლიერება და განმტკიცება“, - განაცხადა შალვა პაპუაშვილმა.პარლამენტის თავმჯდომარის თქმით, მნიშვნელოვანია, გავაგრძელოთ საქართველოს მდიდარი ისტორიის, კულტურული მემკვიდრეობის პოპულარიზაცია, დემოკრატიისა და კარგი მმართველობის მიღწევების მსოფლიოსთვის გაცნობა, ეკონომიკის, კულტურისა და სპორტული მიღწევების ქვეყნის ფარგლებს გარეთ ფართოდ გატანა.„მეორე მხრივ, ძალიან დიდია თქვენი როლი სხვა ქვეყნებში არსებული კარგი პრაქტიკის ჩვენი ქვეყნისთვის გაზიარებასა და დანერგვაში.სამომავლოდ, მინდა ხაზგასმით აღვნიშნო, რომ საქართველოს პარლამენტი დიდ ძალისხმევას მიმართავს ევროკავშირში გაწევრიანების მიზნებზე, მათ შორის, ასოცირების შეთანხმებით გათვალისწინებული ვალდებულებების შესრულებაზე, რითაც არაერთხელ დაგვიდასტურებია და კვლავაც დავადასტურებთ, რომ საქართველო წარმატებით ნერგავს ევროპულ სტანდარტებს და ასრულებს იმ „საშინაო დავალებას“ რომელიც ნამდვილი ევროპული ინტეგრაციის საფუძველია.ძვირფასო ელჩებო, დასასრულს, კიდევ ერთხელ დიდ მადლობას გიხდით თქვენი ძალიან ღირებული საქმიანობისთვის. ერთად შევძლებთ საერთაშორისო არენაზე საქართველოს ღირსეული სტატუსის შენარჩუნებას და იმ პოლიტიკის განხორციელებას, რომელიც ჩვენი ქვეყნის მშვიდობაზე, უსაფრთხოებასა და კეთილდღეობაზე იქნება ორიენტირებული“, - აღნიშნა პარლამენტის თავმჯდომარემ.