ტრანსპორტზე განახლებულ ტარიფებს შალვა ნათელაშვილი აპროტესტებს და აქციებს აანონსებს

„ლეიბორისტული პარტიის“ თავმჯდომარე, შალვა ნათელაშვილი ტრანსპორტზე განახლებულ ტარიფებს აპროტესტებს.

იმ შემთხვევაში თუ თბილისის მერი გადაწყვეტილებას უკან არ გაიწვევს ნათელაშვილი აქციებს აანონსებს.

„მე მივმართავ რეჟიმს, მის მეთაურებს და კონკრეტულად მერ კალაძეს ან სასწრაფოდ უკან წაიღებთ დანაშაულებრივ განზრახვას ან მთელ თბილისს მოვუწოდებ გამოვიდეთ და დავდგეთ ქუჩაში, დავიწყოთ საუბნო საპროტესტო კომიტეტების შექმნა“, – განაცხადა შალვა ნათელაშვილმა ბრიფინგზე.