თეა შონია
კარგი ამბავი მათთვის, ვისაც ბანკში სესხი აქვს
1741602679
მგზავრებით სავსე მიკროავტობუსი სამჯერ ამოტრიალდა და ხრამში გადავარდა - არიან დაშავებულები
თბილისიდან ზუგდიდის მიმართულებით მოძრავი მიკროავტობუსი, ხაშურის მონაკვეთზე, სამჯერ ამოტრიალდა.
მგზავრების ახლობლების ცნობით, ავარია სავარაუდოდ, გადაჭარბებულმა სიჩქარემ გამოიწვია.
"ჩქარა მოდიოდა თურმე და ეტყობა მოხვევისას ვერ მოზომა. ტროტუართან 3-ჯერ ამოტრიალდა და მერე ხრამში გადავარდა",- უთხრა "პრაიმტაიმს"ერთ-ერთი მგზავრის ახლობელმა.
შემთხვევას მსხვერპლი არ მოჰყოლია, თუმცა 14 მგზავრი დაშავდა. ზოგ მათგანს მხარის, ლავიწის და მენჯ-ბარძაყის მოტეხილობა აქვთ. მათი ჯანმრთელობის მდგომარეობა სტაბილურია.
დაშავებულები ჯერ ხაშურის საავადმყოფოში გადაიყვანეს, სადაც შესაბამისი კვლევები ჩაუტარდათ, ხოლო მოგვიანებით ყველა მათგანი თბილისში გადაიყვანეს.
ადგილზე ჩავიდა ზუგდიდის მერი მამუკა წოწერია.
