ყველამ მინდა იცოდეს, როგორი ბიძა მყავდა - ბექა ხოფერია უკრაინაში გარდაცვლილ ქართველზე

დღეს ცნობილი გახდა, რომ უკრაინაში რუსეთის აგრესიას კიდევ ერთი ქართველი სამხედრო, ბახვა ჩიქობავა ემსხვერპლა.

მის შესახებ სოციალურ ქსელში საქართველოს ბიზნესს ასოციაციის წევრი და ყოფილი პარლამენტარის, ხათუნა ხოფერიას შვილი ბექა ხო­ფე­რია წერს და აღნიშნავს, რომ გარდაცვლილი მისი ბიძა იყო.

„არ მიყვარს პოსტების წერა, მაგრამ ყველამ მინდა იცოდეს, როგორი ბიძა მყავდა და რომ ყოველთვის ვამაყობდი მისით! პირველი სურათი აგვისტოს ომშია გადაღებული, მაშინ ღმერთმა გვაჩუქა მისი თავი და გადარჩა… პოლკოვნიკი ბახვა ჩიქობავა, ჩემი გმირი ბიძია, მიყვარხარ, ვამაყობ და მუდამ ვიამაყებ შენით, მშვიდობით ბახუ,“- წერს ბექა ხოფერია.