„ვთხოვე, ნაგავი გააყოლე-მეთქი და მიპასუხა, ცუდად მაქვს დაცდილიო… ასეთი დეტალები ურთიერთობას აფუჭებს…“ - ნანიკო ხაზარაძე

ტელეწამყვანმა ნანიკო ხაზარაძემ გადაცემაში „ჩვენი ოჯახი“ ურთიერთობებზე ისაუბრა და განმარტა, რომ ამაზე გავლენას მცირე დეტალებიც კი ახდენს.

„ჩემი მეუღლე ძალიან მიყვარდა. ერთ მშვენიერი დილას ვთხოვე, ლევანიკო, რომ გახვალ, ნაგავი გააყოლე-მეთქი და მიპასუხა, ნაგვის გატანა ცუდად მაქვს დაცდილიო… რა თქმა უნდა, მომატყუა, რადგან ეზარებოდა. ასეთი დეტალები გროვდება და მერე ურთიერთობას აფუჭებს…” - თქვა ნანიკომ.

როგორც ცნობილია, ნანიკო ხაზარაძე მეუღლეს, ლევან მათითაშვილს, რამდენიმე თვის წინ დაშორდა, ამის შესახებ კი მან საკუთარ გვერდზე დაწერა: 

„მეც შევაჯამებ წელს, წელს კი არა, 10 წელს. ძალიან უცნაური ურთიერთობა დასრულდა, თან ზუსტად ისე დასრულდა, როგორც დაიწყო. მართლა არ ვიცი, როდის და როგორ დაიწყო; არც ის ვიცი, როდის შევხვდი პირველად; არც ის ვიცი, როდის დავიწყეთ ერთად ცხოვრება, არ ვიცი! არც ერთი თარიღი არ ვიცი, არცერთი!

ვიცი მხოლოდ, ბევრი ვიბრძოლეთ და ვიბრძოლე ამ ყველაფრისთვის არც ახლა ვიცი როდიდან და როგორ არ ვართ ერთად. მხოლოდ ერთი რამე ვიცი ზუსტად, ჩვენი შეხვედრა აუცილებელი იყო, თუ რატომ ეს ორივემ კარგად ვიცით და არ ვიცოდით მაშინ, მხოლოდ ვგრძნობდი მე და ამას სულ ვეუბნებოდი ლევანს, ვეუბნებოდი რომ ის ძალიან შეიცვლებოდა, დავნიძლავდით კიდეც, ალბათ ამიტომაც დავიწყეთ ურთიერთობა დიდი წინაღობის მიუხედავად.

ჩვენ ფოტოც კი არ გვაქვს, სადაც ის ან მე ვკოცნით ერთმანეთს, ან თუნდაც ვეხუტებით. ლევანის მშობლები, მგონი, შარშანწინ გავიცანი... არც ქორწილი, არც არაფერი….. ლევანი დეიდაჩემს და დეიდაშვილებს ახლაც კი არ იცნობს, მართლა უცნაურია. არა და, არა და, არა და… იყო და არა იყო რა, აბა შენ იცით ლევან, კარგი სპეციალისტი ხარ და გააგრძელე ხალხის დახმარება.

ლევან, თეა, წარმატება ახალ საქმეში. აბა მე ვიცი... გუშინ ქუჩაში გოგონა მლანძღავდა და მომაძახა, ამიტომაც გაგექცა ქმარიო. ამიტომ ვწერ, კიდევ რომ არ მომაძახოთ. ამით ვასრულებ წელს და გაურკვევლობას..." - წერდა ნანიკო ხაზარაძე.

ნახეთ ვრცლად ↓

ასევე ნახეთ:

⇒ „ვწერ, კიდევ რომ არ მომაძახოთ ... ამით ვასრულებ გაურკვევლობას“ - ნანიკო ხაზარაძე

⇒ VIDEO: ნანიკო ხაზარაძემ ბავშვი ექიმის შეცდომის გამო დაკარგა - მითხრა, სასწრაფო საოპერაციო ხარ, თორემ მოკვდებიო