ვინც უქმეებს გეგმავთ, ეს პროგნოზი თქვენთვისაა - როგორი ამინდია მოსალოდნელი საქართველოში

მათთვის, ვინც 12-13 სექტემბრის უქმე დღეების გატარებას ქალაქგარეთ ან ბუნებაში გეგმავს, ამინდი საკმაოდ ხელსაყრელი იქნება.

უახლესი პროგნოზის მიხედვით, შაბათ-კვირას, საქართველოში უმეტესად თბილი და მზიანი ამინდია მოსალოდნელი. თბილისში 12 სექტემბერს ტემპერატურა დაახლოებით 29 გრადუსამდე, 13 სექტემბერს კი 30 გრადუსამდე მოიმატებს. ნალექი ამ დღეებში მოსალოდნელი არ არის.

თბილი ამინდი განსაკუთრებით კარგი სიახლეა მათთვის, ვინც უქმეებზე ქალაქგარეთ გასვლას, პიკნიკს, გასეირნებას ან სხვა გარე აქტივობას გეგმავს.

ამასთან, სინოპტიკოსების პროგნოზის მიხედვით, შემდეგ დღეებში ტემპერატურა კიდევ მოიმატებს და თბილისში, 14-17 სექტემბერს, დღისით, 32-34 გრადუსამდე დათბება.