ვინ არის კორონავირუსით გარდაცვლილი ორი ორსული

კორონავირუსით ინფიცირებული კიდევ ორი ორსული გარდაიცვალა.

31 წლის ნანა ხელაძე 13 დეკემბერს ბათუმის სამშობიარო სახლში შეიყვანეს, ის 36 კვირის ორსული იყო. 14 დეკემებერს ქუთაისის კლინიკაში, შემდეგ კი ბოჭორიშვილის სამედიცინო ცენტრში იმყოფებოდა. ოჯახის ახლობლების თქმით, ქალს საკეისრო კვეთა ჩაუტარდა, ახალშობილი გადარჩა. გარდაცვლილს სამი შვილი დარჩა.

კორონავირუსს კიდევ ერთი ბათუმელი ორსულის სიცოცხლე ემსხვერპლა.

35 წლის გიული ბაჟუნაიშვილი 29 დეკემბერს ბათუმიდან თბილისში ბოკერიას სახელობის კლინიკაში გადაიყვანეს. გარდაცვლილის ახლობლები მედიასთან კომენტარს არ აკეთებენ. გარდაცვლილს სამი შვილი ჰყავს.

ორივე გარდაცვლილი ბათუმში თავიანთ საცხოვრებელ სახლებში უკვე გადმოასვენეს.