უნდა დავუმალოთ თუ არა საზოგადოებას ახალშობილი ბავშვი, 40 დღემდე? - რას ამბობენ ექიმები და ფსიქოლოგები ამ ტრადიციის შესახებ...

ბავშვს ყველა სხვადასხვა მეთოდით ზრდის, დაბადების პირველივე დღეებიდან დაწყებული. ზოგიერთი მშობელი მაშინვე აჩვენებს ბავშვს მთელ მსოფლიოს, აქვეყნებს ფოტოებს სოციალურ ქსელებში და ეპატიჟება მეგობრებს სტუმრად. სხვები ბავშვს 40 დღემდე მალავენ. ეს ტრადიცია წარმართობის დროიდან იწყება. საიდან გაჩნდა იგი? და რატომ არ არის სასურველი ბავშვის ჩვენება?

სანამ ქრისტიანობა შემოვიდოდა, წარმართებმა ყველაფერი რაც არსებობს, ორ სამყაროდ გაყვეს: იავ (ცოცხლების სამყარო) და ნავ (მკვდართა სამყარო). ჩვენი წინაპრების თქმით, ახალშობილი ადამიანი ჩვენს სამყაროში მოვიდა სხვა სამყაროდან. ამიტომ მშობიარობის დროს არსებობდა მრავალი წეს-ჩვეულება, რომელიც სიმბოლურად განასახიერებდა სამყაროებს შორის კარის გაღებას, რათა ამქვეყნად შემოსულიყო არა მარტო სხეული, არამედ ადამიანის სულიც. სახლში (ან აბაზანაში), სადაც მშობიარე ქალი იმყოფებოდა, ყველა, ვინც აქ იყო, ქამრები უნდა მოეხსნა, საყელოები შეესხნა, ყველა კვანძი გაეხსნა. ღუმლის ყველა საკეტი, კარი და ზარდახშებიც კი უნდა გახსნილიყო.

წინაპრების თქმით, ახალდაბადებული ბავშვი, რომელიც სხვა სამყაროდან იყო, თითქოს პირველად იყო გამოკიდებული სამყაროებს შორის. ანუ ის ეკუთვნოდა არა მარტო იავის, იმ სამყაროს, რომელშიც ის მოვიდა, არამედ ნავისაც, საიდანაც მოვიდა. ამიტომ ახალშობილი ჩვილები საშიშად და „დაუმთავრებლად“ მიიჩნეოდა. ამბობდნენ, რომ ბავშვის სიცოცხლის პირველი ორმოცი დღე გარდამავალი პერიოდია და ბავშვები დაცული უნდა იყვნენ ყველაფრისგან. და პირველ რიგში - სხვისი ცნობისმოყვარე თვალებისგან.  

მართლმადიდებლები მიიჩნევენ, რომ ახალშობილი უმწეოა ყველა ბოროტი ძალის წინაშე მანამ, სანამ არ მოინათლება. ამ მომენტამდე მას საკუთარი მფარველი ანგელოზი არ ჰყავს და ჩვილების მონათვლა უნდა მოხდეს დაბადებიდან მე-40 დღეს. ადრე მშობლები ახალშობილს მონათვლამდე ფოტოს გადაღების უფლებასაც არ აძლევდნენ. ამიტომ, ბავშვთან კონტაქტი მხოლოდ ოჯახს ჰქონდა.

ექიმები არ გვირჩევენ, თავიდანვე ახალშობილის იმუნიტეტის გამოცდას. ახლად დაბადებული ბავშვი ჯერ კიდევ ფორმირების პროცესშია. გარდა ამისა, სიცოცხლის პირველივე დღეებში ბავშვს უტარდება აცრა BCG-ით (ტუბერკულოზის პრევენცია) და 40 დღის განმავლობაში ბავშვს ორგანიზმში ანტისხეულები უვითარდება. ამიტომ, ექიმები ასევე გვირჩევენ, რომ ბავშვს ამ დროს რაც შეიძლება ნაკლები კონტაქტი ჰქონდეს უცნობ ადამიანებთან. ექიმები გვირჩევენ, შევზღუდოთ კონტაქტების რაოდენობა. რაც შეეხება, იმას, შეიძლება თუ არა ბავშვისთვის სურათის გადაღება, ექიმები ამბობენ, რომ დიახ, შეიძლება! ეს ყველაფერი მშობლების სურვილზეა დამოკიდებული.

ფსიქოლოგები მიიჩნევენ, რომ უცხო ადამიანების ვიზიტები ხელს უშლის ახალშობილსა და დედას. ბავშვის დედას შეიძლება გაუჭირდეს მშობიარობის შემდგომი ჰორმონული დისბალანსის გავლა, ამ დროს მშობიარობის შემდეგ ფიზიკურად უნდა აღდგეს, ლაქტაცია უმჯობესდება. ამ დროს კი სტუმრები სასურველი არ გახლავთ.